کیلیفورنیا: امریکی خلائی تحقیقی ادارے ’’ناسا‘‘ نے مریخ پر سورج گرہن کی مختصر ویڈیو جاری کردی ہے-

باغی ٹی وی : ناسا کی جانب سے مریخ پر سورج گرہن کی جاری کی گئی ویڈیو صرف 49 سیکنڈ کی ہے ور یہ مریخ سے دیکھے جانے والے سورج گرہن کی سب سے پہلی ویڈیو بھی ہے۔

Truly fascinating. I zoomed in with my Mastcam-Z camera on a Phobos solar eclipse. This detailed video can help scientists on my team better understand the Martian moon’s orbit and how its gravity affects the interior of Mars, including its crust & mantle. https://t.co/jVdJ4UwhDx pic.twitter.com/q45HwKwLIS

— ARCHIVED – NASA's Perseverance Mars Rover (@NASAPersevere) April 20, 2022

ناسا کے مطابق مریخ پر بھیجے گئے ’’پرسرویرینس روور‘‘ نے یہ ایچ ڈی ویڈیو 2 اپریل 2022 کے روز اپنے طاقتور ’’ماسٹ کیم زی کیمرا سسٹم‘‘ سے بنائی تھی، جس میں مریخ کے چاند ’’فوبوس‘‘ کو سورج کے سامنے سے گزرتے ہوئے دیکھا جاسکتا ہے۔

ہبل خلائی دوربین نے انسانی تاریخ کا سب سے بڑا دُمدار ستارہ دریافت کر لیا

ناسا کے مطابق زمین پر سورج گرہن کے دوران چاند تقریباً مکمل طور پر سورج کو چھپا لیتا ہے اور دن میں بھی رات جیسا منظر ہوجاتا ہے اس کے برعکس، ناسا کی ویڈیو میں مریخی چاند فوبوس کو سورج کے سامنے سے گزرتے ہوئے ضرور دیکھا جاسکتا ہے لیکن وہ سورج کا معمولی حصہ اپنے پیچھے چھپا سکا ہے۔

اس کی وجہ یہ ہے کہ فوبوس، ہماری زمین کے چاند سے 157 گنا چھوٹا، یعنی صرف 22 کلومیٹر چوڑا ہے اتنی کم جسامت کی وجہ سے وہ سورج کا چھوٹا سا حصہ ہی اپنے پیچھے چھپا سکتا ہے جبکہ مریخ کا دوسرا چاند ’’ڈیموس‘‘ اس سے بھی چھوٹا ہے، جس کی چوڑائی محض 13 کلومیٹر ہے یہ دونوں چاند ہی بڑے پتھروں جیسے دکھائی دیتے ہیں۔

"ناسا” کی مہنگی ترین جیمز ویب دوربین نے کھربوں میل دور ستارے کی تصویر لے لی

زمین کا چاند ان دونوں کے مقابلے میں بہت زیادہ بڑا ہے جس کا قطر 3475 کلومیٹر ہے۔

واضح رہے کہ ناسا کا ’’پرسرویرینس روور‘‘ اس وقت مریخ پر ایک وسیع گڑھے ’’جزیرو‘‘ میں ایک ایسے مقام پر موجود ہے جہاں سے ارد گرد کے قریبی اور دور دراز کا نظارہ دیکھا جاسکتا ہے پرسرویرینس نے مریخ پر سورج گرہن کا منظر بھی یہیں سے فلم بند کیا ہے۔

مریخ پر پراسرار پودا،ماہرین نے خبردار کر دیا

امریکی خلائی تحقیقی ادارے ’’ناسا‘‘ کی ایک پریس ریلیز میں بتایا گیا ہے کہ خلانوردوں کا طبّی معائنہ کرنے کےلیے زمین پر موجود ڈاکٹروں نے اپنے ہولوگرامز کے ذریعے عالمی خلائی اسٹیشن کا خصوصی دورہ کیا۔

باغی ٹی وی : اگرچہ ہولوگرام ڈاکٹروں نے خلائی اسٹیشن کا یہ دورہ دسمبر 2021 کے آخری دنوں میں کیا تھا لیکن اس کی تفصیلات چند روز قبل ہی جاری کی گئی ہیں۔

ہبل خلائی دوربین نے انسانی تاریخ کا سب سے بڑا دُمدار ستارہ دریافت کر لیا

باسا نے اپنی رپورٹ میں بتایا کہ کوویڈ 19 وبائی مرض کے تقریباً دو سالوں کے دوران، ٹیلی میڈیسن کی ترقی اور لوگوں تک پہنچنے کے نئے طریقے بدلے اور تیار ہوئے۔ اکتوبر 2021 میں، ناسا کے فلائٹ سرجن ڈاکٹر جوزف شمڈ، انڈسٹری پارٹنر AEXA ایرو اسپیس کے سی ای او اور ان کی ٹیمیں زمین سے خلا میں "ہولوپورٹ” کرنے والے پہلے انسان تھے۔

سائنس فکشن فلموں میں کسی شخص کے ہولوگرام کا دور دراز جگہ پہنچ جانا اور وہاں کی سیر کرنا یا کوئی کام انجام دینا ’’ہولوپورٹ‘‘ کہلاتا ہے ہٰذا ہم کہہ سکتے ہیں کہ حقیقی زندگی میں یہ اپنی نوعیت کا اوّلین مظاہرہ بھی تھا جس میں سرجن ڈاکٹر جوزف شمڈ اور دوسرے ڈاکٹروں کو خلائی اسٹیشن تک ہولوپورٹ کیا گیا تھا۔

ہولوگرام کو طبّی مقاصد میں استعمال کرنے کےلیے یہ ٹیکنالوجی مائیکروسافٹ اور ایکسا (AEXA) ایئرو اسپیس نے مشترکہ طور پر وضع کی ہے جس کی سب سے پہلی آزمائش ’’ناسا‘‘ نے کی ہے۔

چاند کی مٹی کا سب سے پہلا نمونہ نیلامی کےلیے پیش

یہ عام ہولوگرام نہیں بلکہ اس کے ذریعے دو طرفہ رابطہ کرتے ہوئے، دوسری جانب موجود شخص کا معائنہ (ہولوگرام کے ذریعے) ٹھیک اسی طرح کیا جاسکتا ہے کہ جیسے وہ سامنے موجود ہو۔

شمڈ نے کہا کہ یہ وسیع فاصلے پر انسانی رابطے کا بالکل نیا طریقہ ہے مزید برآں، یہ انسانی تلاش کا ایک بالکل نیا طریقہ ہے، جہاں ہماری انسانی ہستی سیارے سے دور سفر کرنے کے قابل ہے ہمارا جسمانی جسم وہاں نہیں ہے، لیکن ہماری انسانی ہستی بالکل موجود ہے۔ اس سے کوئی فرق نہیں پڑتا کہ خلائی اسٹیشن 17,500 میل فی گھنٹہ کی رفتار سے سفر کر رہا ہے اور زمین سے 250 میل اوپر مدار میں مسلسل حرکت میں ہے، خلاباز تین منٹ یا تین ہفتے بعد واپس آسکتا ہے اور نظام کے چلنے کے ساتھ، ہم اس جگہ پر ہوں گے، لائیو خلائی اسٹیشن پر۔”

"ناسا” کی مہنگی ترین جیمز ویب دوربین نے کھربوں میل دور ستارے کی تصویر لے لی

ناسا مواصلات کی اس نئی شکل کو مستقبل کے مشنوں پر زیادہ وسیع استعمال کے پیش خیمہ کے طور پر ظاہر کر رہا ہے۔ اس کو دو طرفہ مواصلات کے ساتھ استعمال کرنے کے منصوبے ہیں، جہاں زمین پر موجود لوگوں کو خلا میں منتقل کیا جاتا ہے اور خلابازوں کو زمین پر واپس لایا جاتا ہے۔ "ہم اسے اپنی نجی طبی کانفرنسوں، نجی نفسیاتی کانفرنسوں، نجی خاندانی کانفرنسوں اور خلابازوں کے ساتھ VIPs کو خلائی اسٹیشن پر لانے کے لیے استعمال کریں گے۔

اس کے بعد اگلا مرحلہ ہولوپورٹیشن کو بڑھا ہوا حقیقت کے ساتھ جوڑنا ہے، تاکہ ٹیلی مینٹرنگ کو حقیقی معنوں میں فعال کیا جا سکے۔

ناسا کا کہنا ہے کہ اس ٹیکنالوجی پر 2016 سے مائیکروسافٹ اور ایکسا ایئرو اسپیس کے تعاون سے کام جاری تھا لیکن اسے قابلِ عمل بنانے میں کئی رکاوٹیں بھی موجود تھیں جنہیں کئی برس تک مسلسل کوششوں کے بعد بالآخر دور کرلیا گیا۔

یہ ٹیکنالوجی خلائی اسٹیشن کے علاوہ چاند اور مریخ پر مستقبل کی انسانی بستیوں میں طبّی سہولیات فراہم کرنے میں بھی استعمال کی جائے گی۔

مریخ پر پراسرار پودا،ماہرین نے خبردار کر دیا

کیلیفورنیا: ماہرین نے انسانی تاریخ میں اب تک سب سے بڑا ’دُمدار ستارہ‘ دریافت کر لیا-

باغی ٹی وی : تفصیلات کے مطابق دریافت کیا گیا کومٹ لگ بھگ دس لاکھ برس سے ہمارے سورج کے گرد چکر کاٹ رہا ہےاس پراسرار شے کو ہمارے نظامِ شمسی کا سب سے بڑا جرمِ فلکی قراردیا گیا ہے اس کی دریافت کی تفصیلات ” دی آسٹرو فزیکل جرنل لیٹرز” میں شائع کی گئیں-

چاند کی مٹی کا سب سے پہلا نمونہ نیلامی کےلیے پیش

ہبل خلائی دوربین سے دیکھے جانے والےاس دمدار ستارے کو C/2014 UN271 کا نام دیا ہے اور اس کا نیوکلیئس اب تک ہماری معمولات کے تحت سب سے وسیع ہے 140 کلومیٹر طویل مرکزہ عام کومٹ سے 50 گنا بڑا ہے 22,000 میل فی گھنٹہ کی رفتار سے یہ گردش کر رہا ہے خود اس کے مطالعے سے دمدار ستارے کی ہیئت اور ارتقا کو سمجھنے میں مدد ملے گی۔

یونیورسٹی آف کیلیفورنیا لاس اینجلس کے ماہرِ فلکیات ڈیوڈ جیووٹ نے کہا کہ دمدار ستارہ محض ایک نمونہ ہے اور شاید ایسے سینکڑوں ہزاروں دمدار ستارے موجود ہیں لیکن اتنے مدھم ہیں کہ ہم انہیں اچھی طرح دیکھ نہیں سکتے۔ پہلے پہل اس کی روشنی سے قیاس کیا گیا کہ یہ غیرمعمولی طور پر بہت بڑا دمدار ستارہ اور اب اس کی تصدیق ہوچکی ہے۔

سائنسدانوں نے واضح تصاویر اور کمپیوٹر ماڈلنگ سے دمدار ستارے کے مرکزے کا اندازہ لگایا ہے اس کا مدار بھی سب سے طویل اور لمبا ہے جبکہ طویل دم برف اور گیسوں سے بنی ہے اگرچہ C/2014 UN271 کا باضابطہ اعلان گزشتہ برس کیا گیا لیکن یہ ڈارک انرجی سروے کے ڈیٹا میں سال 2014 اور 2018 میں دو مرتبہ سامنے آیا لیکن ایک اور مطالعے میں اس کا شائبہ 2010 میں بھی ملا تھا جب یہ سورج سے تین ارب میل دور تھا اور اس کے بعد سے زمینی اور خلائی دوربینوں کے ذریعے اس کا مطالعہ کیا جاتا رہا ہے۔

"ناسا” کی مہنگی ترین جیمز ویب دوربین نے کھربوں میل دور ستارے کی تصویر لے لی

دلچسپ بات یہ ہے کہ اس کا مدار بہت ہی بیضوی اور طویل ہے اوریہ 30 لاکھ سال میں ایک چکر مکمل کرتا ہے جبکہ دس لاکھ برس سے یہ سورج کی جانب آرہا ہے 2031 میں یہ سورج سے قریب ترین مقام پر ہوگا لیکن وہ بھی ایک ارب کلومیٹر ہی ہوگا-

اس کا مدار سورج سے دو ارب میل دور ہے اور اس کا درجہ حرارت منفی 348 ڈگری فارن ہائیٹ ہے سردی کے درجہ حرارت کےباوجود، یہ اپنی سطح سے کاربن مونو آکسائیڈ کو بہانے کے لیے کافی گرم ہے، جس سے اس کے مرکز کے گرد دھول اور گیس کا بادل پیدا ہوتا ہے۔

ماہرین کے مطابق C/2014 UN271 کا ظہور بھی مشور اوورٹ بادل سے ہوا ہے یہ سرد اور برفیلے اجسام کا ایک بہت وسیع علاقہ ہے جہاں سے دمدار ستارے آتے ہیں اور ہمارے نظامِ شمسی کی اطراف سےگزرتے رہتے ہیں۔ اوورٹ کلاؤڈ بہت دور واقع ہے اور نظامِ شمسی سے ماورا ہے بعض ماہرینِ فلکیات اوورٹ کلاؤڈ کو مفروضہ بھی قرار دیتے ہیں۔

"ناسا” کی مہنگی ترین جیمز ویب دوربین نے کھربوں میل دور ستارے کی تصویر لے لی

ماہرین کے مطابق جب جب اس جگہ سے کوئی برفیلا اجسام باہر نکلتا ہے تو ہمارے سورج کی بے پناہ ثقلی قوت کی بنا پر یہ کھنچا چلا آتا ہے اور جیسے جیسے سورج کے گرد پہنچتا ہے اس کی پگھلی ہوئی برف لمبی دم کی طرح ہوتی جاتی ہے جب اس پر روشنی پڑتی ہے تو ہمیں لمبی برفیلی دم محسوس ہوتی ہے اور یوں ہم اسے کومٹ یا دمدار ستارہ کہتے ہیں۔

خیال ہے کہ اس کو دیکھ کر خود اوورٹ کلاؤڈ کی تشکیل کو سمجھا جاسکتا ہے۔ اب تک ہم جانتےہیں کہ اوورٹ کلاؤڈ اندرونی نظامِ شمسی میں بہت عرصے پہلے بنے تھے۔ پھر بڑے گیسی سیارے مثلاً زحل اور مشتری وجود میں آئے اور اورٹ بادل وہاں سے ہٹ کر دور ہوتے گئے-

ڈھائی ہزار سال قبل ستاروں کی سیدھ میں بنایا گیا مقدس تالاب