Baaghi TV

Category: بلاگ

  • شین وارن کےانتقال پردنیائےکرکٹ سوگوار،خراج عقیدت بھی پیش:شین وارن کےکیریئرپرایک نظر

    شین وارن کےانتقال پردنیائےکرکٹ سوگوار،خراج عقیدت بھی پیش:شین وارن کےکیریئرپرایک نظر

    برلن :شین وارن کےانتقال پر دنیائے کرکٹ سوگوار، ساتھی کھلاڑیوں نے خراج عقیدت پیش کیا ہے: اطلاعات کےمطابق آسٹریلیا کے لیجنڈری لیگ اسپنر شین وارن دل کا دورہ پڑنے کے سبب 52 برس کی عمر میں انتقال کرگئے۔

    دنیا کے مایہ ناز لیگ اسپنر شین وارن 52 سال کی عمر میں چل بسے جبکہ ان کے انتقال کی خبر نے ساتھی کرکٹرز اور شائقین کرکٹ کو سوگوار کردیا ہے۔

    آسٹریلوی میڈیا کے مطابق شین وارن تھائی لینڈ کے علاقے کو ساموی میں اپنے ولا میں مردہ حالت میں پائےگئے۔

    ترجمان کا کہنا ہے کہ شین وارن کا انتقال حرکت قلب بند ہونے کی وجہ سے ہوا، میڈیکل ٹیم نے انہیں بچانے کی پوری کوشش کی لیکن وہ جانبر نہ ہوسکے۔شین وارن کے انتقال پر دنیائے کرکٹ سوگوار ہے اور شائقین بھی صدمے سے دوچار ہیں۔

    جادوئی لیگ اسپنر کی موت کی خبر پر سابق ساتھی کرکٹرز نے انہیں خراج عقیدت پیش کیا اور اپنے ردعمل کا بھی اظہار کیا۔ اپنی ٹوئٹ میں قومی کرکٹ ٹیم کے سابق کپتان وسیم اکرم کا کہنا تھاکہ میں اپنے دوست وارن کی ناگہانی موت کے بارے میں سن کر صدمے میں ہوں اور انتہائی غمگین ہوں۔

    قومی کرکٹ ٹیم کے کپتان بابر اعظم نے کہا کہ شین وارن کے انتقال کا یقین کرنا مشکل ہے، یہ کرکٹ کیلئے بہت بڑا نقصان ہے، انہوں نے اپنی جادوئی اسپن سے نسلوں کو متاثر کیا۔

    سابق انگلش کرکٹر آئن بیل نے لکھا کہ ’الفاظ نہیں ہیں، شین وارن میرا ہیرو اور سب سے بڑا کھلاڑی رہا جس کے خلاف میں نے کبھی کھیلا ہے، مجھے اس خبر پر یقین نہیں آ رہا‘

    بھارتی کرکٹر اورکمنٹیٹر ہرشا بوگلے نے اسے انتہائی تکلیف دہ خبر قرار دیا اور لکھا کہ’ غم اور الفاظ نہیں ہیں، میں خوش قسمت تھا کہ میں اسے اچھی طرح جانتا ہوں، جادو ہمیشہ رہے گا’۔

    کرکٹ کی تاریخ کے ہیرو شین وارن کے تاریخی کیریئر پر نظر ڈالیں تو بےشمار فتوحات اور کئی اعزازات ان کے نام کے ساتھ جڑے نظر آتے ہیں۔

    1992 میں بھارت کے خلاف میچ میں ٹیسٹ ڈیبیو اور 1993 میں نیوزی لینڈ کے خلاف میچ میں ون ڈے ڈیبیو کرنے والےشین وارن نے اپنا آخری انٹرنیشنل ون ڈے میچ 2005 میں ورلڈ الیون کی جانب سے ایشیا الیون کے خلاف جبکہ آخری ٹیسٹ میچ 2007 میں انگلینڈ کے خلاف کھیلا۔

    15 سال پر محیط اس کیریئر میں انہوں نے 145 ٹیسٹ اور 194 ون ڈے میچز میں بےشمار کامیابیاں سمیٹیں۔وہ ٹیسٹ کرکٹ میں 700 اور مجموعی طور پر ایک ہزار سے زائد وکٹیں لینے والے دنیا کے دوسرے بالر تھے۔

    ٹیسٹ کرکٹ میں شین وارن کی وکٹوں کی تعداد 708 جبکہ ون ڈے میں 293 ہے۔انہوں نے ٹیسٹ اور ون ڈے میں بالترتیب 3154 اور 1018 رنز بھی بنائے۔ٹیسٹ کلینڈر ایئر میں سب سے زیادہ وکٹوں کا ریکارڈ بھی وارن کے نام ہے۔

    شین وارن نے اپنے کیریئر میں بڑے بڑے بکے بازوں کو اپنی خطرناک لیگ اسپن سے پریشان کیے رکھا۔انہوں نے چند ایسی ناقابل یقین گیندیں بھی کیں جو آج تک دیکھنے والوں کو حیرت میں ڈال دیتی ہیں۔

    لیجنڈری لیگ اسپنر شین وارن کی 1993 کی ایشیز سیریز میں مانچسٹر کے اولڈ ٹریفورڈ گراؤنڈ میں کی گئی گیند کو ’بال آف دی سینچری‘ قرار دیا گیا۔’بائبل آف کرکٹ ‘ کا لقب پانے والے کرکٹ میگزین ’وزڈن ‘نے شین وارن کو صدی کے 5بہترین کھلاڑیوں میں شامل کیا تھا۔

    شین وارن کو 2004 اور 2005میں وزڈن کرکٹر آف دی ایئر بھی قرار دیا گیا۔شین وارن پاکستان کے لیجنڈری لیگ اسپنر عبدالقادر کے بہت بڑے فین تھے جس کا اظہار وہ خود بھی کئی مرتبہ کرچکے تھے۔

  • سابق آسٹریلوی کرکٹر شین وارن انتقال کرگئے

    سابق آسٹریلوی کرکٹر شین وارن انتقال کرگئے

    سڈنی :سابق آسٹریلوی کرکٹر شین وارن انتقال کرگئے ،اطلاعات کے مطابق سابق آسٹریلوی اسپن باولر شین وارن 52 سال کی عمرمیں دل کا دورہ پڑنے سے انتقال کر گئے۔

    ذرائع کے مطابق اس حوالے سے شین وارن کے جاننے والوں نے ایک بیان میں تصدیق کی ہے کہ "شین اپنے گھر میں بے ہوش پائے گئے تھے اور طبی عملے کی بہترین کوششوں کے باوجود انہیں زندہ نہیں کیا جا سکا۔”

    دوسری طرف شین وارن کی فیملی کا کہنا ہے کہ اس وقت وہ غم میں‌ ڈوبے ہوئے ہیں مناسب وقت پر مزید تفصیلات فراہم کریں گے

    شین بڑے اسپنر کے طور پر جانے جاتے رہے ہی ں‌،انہوں نے آسٹریلیا کے لیے 145 ٹیسٹ کھیلے اور ان کی 708 وکٹیں ہیں- یہ خبر آسٹریلوی کرکٹ کے لیے دوسرا دھچکا ہے جس کے ساتھی عظیم، راڈ مارش بھی گزشتہ ہفتے دل کا دورہ پڑنے سے جمعہ کو انتقال کر گئے۔

    یاد رہے کہ اس سے پہلے پچھلے سال اگست میں آسٹریلیا کے سابق لیجنڈ باؤلر شین وارن بھی عالمی وبا کورونا وائرس میں مبتلا ہو گئےتھے ، انہوں نے ٹیسٹ مثبت آنے کے بعد خود کو آئسولیٹ کر لیاتھا ۔

    اس دوران ان کو صحت خرابی کا سامنا کرنا پڑ رہا تھا۔ انہوں نے کورونا کی تمام علامات محسوس کرنے پر خود کو ٹیسٹ کروایا جو مثبت آیا۔کورونا ٹیسٹ مثبت آنے کے بعد انہوں نے تمام اہلخانہ سے خود کو علیحدہ کرتے ہوئے گھر میں ہی قرنطینہ کر لیا تھا ۔لیکن اس کےبعد شین وارن کی طبیعت سنبھل گئی تھی لیکن آج اچانک وفات کی خبر نے ان کے چاہنے والوں کے لیے غم کی داستان چھوڑ دی ہے

  • اور عمران خان جھک گئے، تحریر: نوید شیخ

    اور عمران خان جھک گئے، تحریر: نوید شیخ

    آخر کار وہ خبر آگئی ہے جس کے بعد کپتان ، حکومت ، وزیروں اور مشیروں کے دل کی دھڑکن تیزی سے مزید تیز ہوتی جارہی ہے ۔ اس وقت اپوزیشن اپنی کاری ضرب لگانے کو مکمل تیار ہے ۔ کیونکہ اپوزیشن نے حکومت کے خلاف تحریک عدم اعتماد کا مسودہ تیار کرلیا ہے ۔ ذرائع کے مطابق تحریک عدم اعتماد پر 80 سے زائد اپوزیشن اراکین کے دستخط ہیں جس میں پیپلزپارٹی، ن لیگ، جے یو آئی، اے این پی، بی این پی مینگل اور دیگر جماعتوں کے ارکان نے دستخط کیے ہیں۔ اپوزیشن نے اسمبلی اجلاس بلانے کی ریکوزیشن بھی تیارکر رکھی ہے۔ یوں تحریک عدم اعتماد اور اجلاس کے لیے ریکوزیشن کسی بھی وقت جمع کروائی جا سکتی ہے جس کے لیے اپوزیشن لیڈر شہبازشریف کے چیمبر کو بھی الرٹ کردیا گیا ہے۔

    ۔ اپوزیشن کے اس تیار کیے گئے مسودے میں کہا گیاہے کہ ملک میں سیاسی عدم استحکام اورغیریقینی صورتحال ہے۔ خارجہ پالیسی مکمل طور پر ناکام ہوچکی ہے جب کہ قائد ایوان اس ایوان کی اکثریت کا اعتماد کھوچکے ہیں۔ اس صورتحال کے تناظر میں قائد ایوان کے خلاف عدم اعتماد کی تحریک پیش کی جاتی ہے۔۔ رانا ثنااللہ توبڑےconfidence سے تحریک عدم اعتماد کی کامیابی کا دعویٰ کررہے ہیں ۔ کیونکہ چوہا رپورٹس ہیں کہ اپوزیشن نے حکمران جماعت کے 24 ارکان کی حمایت حاصل کرلی ہے۔ اس سلسلے میں مسلم لیگ ن کو 16 پیپلز پارٹی کو 6 اور جے یو آئی کو 2 حکومتی ارکان نے ہاں کہہ دی ہے۔ یقینی طور پر انھوں نے آئندہ جنرل الیکشن میں ٹکٹ کے بدلے ووٹ اپوزیشن کو دینے کے لیے حامی بھری ہوگی اب اگر یہ چوبیس لوگ اپوزیشن کے ساتھ چلتے ہیں تو عمران خان کا گھر جانا یقینی ہے کیونکہ نمبر گیم میں حکومت کو 17
    ووٹوں کی برتری ہے ۔ پر ان چوبیس لوگوں کی بدولت نمبر گیم میں اپوزیشن اوپر آجائے گی اور ساتھ اگر حکومتی اتحادی اپوزیشن کا ساتھ نہ بھی دیں تو تحریک عدم اعتماد کامیاب ہونا ناممکن نہیں ۔ ۔ اپوزیشن نے مسلم لیگ ق، ایم کیو ایم اور بلوچستان عوامی پارٹی سے دوبارہ بھی رابطے کیے ہیں۔ ان تینوں جماعتوں کے کل 17 ارکان ایوان میں موجود ہیں صرف ان تینوں جماعتوں کا ساتھ بھی مل گیا تو اپوزیشن کو ایوان میں سادہ اکثریت سے زیادہ ووٹ مل جائیں گے۔

    ۔ اس حوالے سے بلاول بھٹو تو بہت ہی زیادہ پراعتماد دیکھائی دیتے ہیں انھوں نے تو آج وزیراعظم عمران خان کو مستعفی ہونے کے لیے پانچ دن کی مہلت تک دے دی ہے ۔ کیونکہ ان کا ماننا ہے کہ ہمارے نمبر پورے ہو چکے ، ایوان میں ہر ایم این اے عدم اعتماد میں ہمارے ساتھ ہے۔۔ یوں اس نئی پیش رفت کے سبب سیاست کے میدان میں خوب تیزی چل رہی ہے ۔ عون چوہدری نے بھی اعلان کر دیا کہ جلد جہانگیر ترین وطن واپس پہنچ رہے ہیں۔ ۔ پھر طارق بشیر چیمہ کے بعد آج پرویز الہٰی نے کہا دیا ہے کہ وزیراعظم عمران خان سے ملاقات میں تحریک عدم اعتماد پر کوئی بات نہیں ہوئی۔ پرویز الہٰی کا کہنا تھاکہ ہانڈی میں سامان چلا گیا دھواں اٹھنے کے بعد پہلا ابالا آتا ہے۔ پہلا ابالا آ جائے پھر آپ کو بتائیں گے۔ اتنی بڑی ہانڈی چڑھی ہے کچھ تو نکلے گا۔۔ صحافیوں کی جانب سے جب پرویز الٰہی سے سوال کیا گیا کہ کیا آپ کا جانب سے بھی وزیراعظم کو گھبرانا نہیں ہے کا پیغام ہے؟ اس پر اسپیکر پنجاب اسمبلی نے قہقہہ لگایا اور کہا عمران خان بالکل بھی گھبرائے ہوئے نہیں ہیں۔ ۔ جبکہ مولانا ہوں یا بلاول یا ن لیگی رہنما سب اس چیز پر بھی متفق دیکھائی دیتے ہیں کہ اسٹیبلشمنٹ مکمل طور پر نیوٹرل ہے ۔ کسی کو کوئی فون کال نہیں آرہی ہے ۔ ۔ مگر اسٹیبلشمنٹ کے نیوٹرل ہونے کا دکھ لگتا ہے سب سے زیادہ حکومت کو ہے ۔ اس بات کا اندازہ وزیروں کے بیانات سے باآسانی لگایا جاسکتا ہے ۔ جہاں گیٹ نمبر چار کے پرانے کھلاڑی شیخ رشید احمد کوئی سگنل نہ ملنے پر گھبرائے گھبرائے دیکھائی دے رہے ہیں ۔ تو فواد چوہدری اپنے لوگوں کو جھوٹی تسلیاں دیتے ہوئے فرماتے ہیں کہ ادارے حکومت کے ساتھ ہوتے ہیں ،نیوٹرل نہیں ہوتے۔ اسی لیے خبریں یہ ہیں کہ حکومت نے اپنی تمام ترامیدیں آئی بی سے وابستہ کر لی ہیں ۔ عین ممکن ہے کہ جو ناراض لوگ راضی نہیں ہونگے شاید وہ تحریک عدم اعتماد کے روزغائب کردئیے جائیں کیونکہ اس روز ایوان میں اکثریت ثابت کرنا حکومت کی نہیں بلکہ اپوزیشن کی ذمہ داری ہوگی۔ اس سلسلے میں باخبر زرائع کے حوالے سے مصدقہ اطلاعات ہیں کہ پی ٹی آئی کے ناراض ارکان کی فہرستیں بن چکی ہیں اور ان پرکڑی نظربھی رکھی جارہی ہے۔ پھر جیسا کہ میں نے آپکو اپنے گزشتہ روز بتایا تھا کہ لندن میں نواز شریف کی دولوگوں سے اہم ملاقات میں اہم معاملات طے ہوگئے ہیں تو ایک روز بعد ہی نواز شریف نے تحریک عدم اعتماد کے معاملے پرگرین سگنل دے دیا ۔

    ۔ پھر جو دوسری بڑی اور اہم خبر ہے کہ اپوزیشن کے تینوں بڑوں کا تحریک عدم اعتماد کی کامیابی کے بعد فوری انتخابات پر اتفاق ہو گیا ہے۔ اس حوالے سے کہا جا رہا ہے کہ پیپلز پارٹی فوری انتخابات کی بجائے آئینی مدت پوری کرنے پر بضد تھی اور حکومت کی اتحادی جماعتوں نے بھی آئینی مدت پوری ہونے کا چارٹر آف ڈیمانڈ دیا تھا۔ ایم کیو ایم اور ق لیگ فوری انتخابات پر راضی نہیں تھیں اور پیپلز پارٹی حکومتی اتحادی جماعتوں کے مؤقف کی حامی تھی۔ تاہم اب اس سلسلے میں معاملہ افہام وتفہیم سے طے ہوگیا ہے اور اپوزیشن جماعتوں میں ڈیڈ لاک ختم ہو گیا ہے کیونکہ پیپلز پارٹی کو فوری انتخابات پر قائل کر لیا گیا ہے۔۔ اس بات کی تصدیق گزشتہ روز بلاول بھٹو نے جیو ٹی وی کو اپنے انٹرویو میں بھی کردی ہے جس میں انھوں نے کہا کہ آنے والا سیٹ اپ مختصر مدت کا ہوگا، نئے آنے والے سیٹ اپ کا واحد مینڈیٹ شفاف انتخابات ہو گا۔۔ یعنی ملک میں قبل ازوقت الیکشن کا چاند کسی بھی وقت نمودار ہوسکتا ہے ۔ ۔ ویسے عمران خان کی بھاگ دوڑ سے بھی اندازہ ہوگیا ہے کہ الٹی گنتی شروع ہوچکی ہے ۔ اسی لیے وزیرِ اعظم عمران خان سے مسلم لیگ ق کی قیادت کی آج ایک اور ملاقات ہو گی۔ کہا جا رہا ہے کہ عمران خان ق لیگ کے رہنما وفاقی وزیر مونس الٰہی سے ون آن ون ملیں گے ۔ چڑیل کے مطابق شاید کوئی ڈپٹی پرائم منسٹر کی کہانی ہے ۔ کل تو یہ بھی چڑیل نے بتایا تھا کہ عین ممکن ہے کہ اپوزیشن کے پے در پے حملوں کے سبب ایک دو دن میں ہی حکومت پنجاب میں تبدیلی کی نوید سنا دی جائے اور صوبے کی چابیاں ق لیگ کو تھما دی جائیں گے ۔ ۔ دیکھا جائے تو اس وقت عمران خان حکومت بچانے کے لیے کچھ بھی کرنے کو تیار دیکھائی دیتے ہیں ۔ آپ دیکھیں یک دم حکومت اب پیکا آرڈیننس سے بھی پیچھے ہٹ گئی ہے ۔ ۔ یہ سیاسی منظر اس لئے ابھرا ہے کہ حکومت نے پونے چار برسوں میں وہ وعدے پورے نہیں کئے جو اس نے اقتدار میں آنے سے پہلے کیے تھے کہ اب خوشحالی آئے گی برس ہا برس سے درپیش مسائل سے نجات ملے گی بنیادی انسانی حقوق کے لیے اپنی تمام تر توانائیاں صرف کی جائیں گی۔
    ۔۔۔ سٹیٹس کو ۔۔۔ کو ختم کر دیا جائے گا وغیرہ وغیرہ۔

    ۔ اب جب صورتحال خراب ہوئی ہے۔ عوام بلبلا اٹھے ہیں۔ آمرانہ طرز عمل سے پورے ملک میں ایک کہرام کی سی کیفیت ہے۔ پہلے حکومت نا نا کرتی رہی ہے ۔ اب ان کو احساس ہوا ہے کہ ان کے پیروں سے تو زمین سرکنے والی ہے ۔ ۔ میں آپکو بتاوں خان صاحب کی آنکھ دیر بعد کھلتی ہے یہ سلسلہ انہیں بہت پہلے شروع کرنا چاہیے تھا کہ وہ اپنے اتحادیوں اور ساتھیوں کے ساتھ سیاسی تعلقات کو مضبوط بناتے کچھ ان کی مانتے اور کچھ اپنی منواتے مگر انہوں نے خوشامدیوں کو نوازا باقی ہرکسی کو نظر انداز کیا۔ جب کبھی وہ ناراض ہوئے اور انہوں نے گلے شکوے کیے تو ہمیشہ رعونت سے دیکھا گیا۔ اب جب اپوزیشن والے حکومت کے گلے تک پہنچ گئے ہیں تو حکومت کے ذہن میں یہ بات آئی کہ اپنے آپ کو بدلہ جائے ۔ ۔ کہنے والے تو کہتے ہیں کہ عمران خان اب بھی ان کے پاس نہیں جانا چاہتے تھے مگر انہیں سمجھایا گیا کہ وہ سیاست کریں۔ وقت کا تقاضا ہے کہ صورتحال کو غور سے دیکھا جائے اور اس کے مطابق فیصلہ کیا جائے لہذا وزیراعظم کو اپنا رخ ادھر ادھر موڑنا پڑا ہے۔ جھکنا پڑا ۔ اپنے آپ کو بدلنا پڑا ۔ ۔ ورنہ انا اتنی بڑھ چکی تھی کہ اتحادی تو دور کی بات اپنے جماعت کے ناراض لوگوں کو کپتان منہ نہیں لگانا چاہتے تھے ۔ الٹا ان کو بھی سبق سیکھنا چاہتے تھے یہاں تک کہ ایک شخص بارے تو ان کی خواہش تھی کہ یہ بھی جیل میں جائے ساتھ اس کا فرزند بھی جیل کی ہوا کھائے ۔ مگر ایسا ہونہ سکا ۔ ۔ مجھے ویسے بہت حیرت ہے کہ صرف چار سالوں میں عمران خان کو اپنی کرسی سے بڑی محبت ہو گئی ہے۔ وگرنہ وہ تو خود جانتے ہیں کہ اب عوام کی خدمت کا وقت گزر چکا ہے۔ ۔ یاد رکھیں جب عوام کے ذہنوں میں کسی حکمران سے متعلق یہ خیال بیٹھ جائے کہ وہ ان سے مخلص نہیں تو پھر اس کے ریلیف کسی کام کے نہیں ہوتے۔ باقی ان کے اردگرد لوگ چاہے اپنی جماعت کے ہوں یا پھر اتحادی وہ ان کا کردار اور اخلاق باخوبی دیکھ چکے ہیں ۔ ۔ یقینی طور پر جب ایمپائر کی جانب سے کوئی پریشر نہیں ہوگا تو یہ سب کپتان کے بارے اپنے تجربات کو سامنے رکھ کر فیصلہ کریں گے ۔ فی الحال یہ تو یقین سے نہیں کہا جاسکتا کہ تحریک عدم اعتماد کامیاب ہو گی یا ناکام ۔ مگر حکومت کی ضرور ہوائیاں اُڑی ہوئی ہیں ۔

  • ہندو انتہا پسندوں کا پادری پر تشدد، جے شری رام کا نعرہ لگانے پر مجبور کیا

    ہندو انتہا پسندوں کا پادری پر تشدد، جے شری رام کا نعرہ لگانے پر مجبور کیا

    نئی دہلی :ہندو انتہا پسندوں کا پادری پر تشدد، جے شری رام کا نعرہ لگانے پر مجبور کیا ،اطلاعات کے مطابق بھارتی دارالحکومت نئی دہلی میں ایک پادری نے کہاہے کہ نامعلوم افراد کے ایک گروپ نے انہیں مارا پیٹا گیا، ان کی تذلیل کی اور جے شری رام کا نعرہ لگانے پر مجبور کیا ۔

    یہ واقعہ رواں برس 25 فروری کو جنوبی دہلی کے علاقے فتح پوری بیری میں پیش آیا تھا لیکن پادریKelom Tet نے واقعے کی دو دن بعد میدان گڑھی پولیس اسٹیشن میں شکایت درج کرائی ۔

    دہلی پولیس نے تصدیق کی ہے کہ اسے 27 فروری کی شام کو پادری کی شکایت موصول ہوئی تھی ۔ پولیس کا کہنا ہے کہ وہ شکایت کی تحقیقات کر رہی ہے۔پینتیس سالہ پادری جو گزشتہ 18 برس سے جنوبی دہلی کے اسولا میں مقیم ہے، نے کہا کہ انہیں کہ 15 سال قبل بھی دہلی کی سنجے کالونی میں ایک نامعلوم گروہ نے نشانہ بنایا تھا۔

    ادھر بھارتی ریاست کرناٹک میں ہندو انتہا پسندوں کی طرف سے ایک درگاہ میں پوجا کااہتمام کرنے کی مذموم کوشش کے بعد پولیس نے مجرموں کو گرفتار کرنے کے بجائے 150سے زائد مسلمانوںکو گرفتار کر لیا ہے۔

    ریاست کے ضلع کالبرگی کے قصبے کا الند میں اس وقت کشیدگی شروع ہوئی جب ایک بدنام زمانہ ہندو انتہا پسند گروپ سری راما سین نے لاڈلے مشک درگاہ میں پوجا کا اہتمام کرنے کا اعلان کیا۔تاہم حکام نے امتناعی احکامات جاری کرتے ہوئے گروپ کو درگاہ جانے سے روکنے کی کوشش کی لیکن مرکزی وزیر بھتوانت کھویاسمیت بھارتیہ جنتا پارٹی کے رہنماوں کی قیادت میں لوگوں کا ایک گروپ درگاہ پہنچا اور پوجا شروع کی جس کے باعث علاقے میں تناو پیدا ہو گیا۔

    الند کے سابق کانگریس ایم ایل اے بی آر پاٹل نے ایک بیان میں کہا کہ حکام احکامات کو نافذ کرنے میں ناکام رہے اور بی جے پی رہنماﺅں کو درگاہ پہنچنے کی اجازت دی جس کی وجہ سے کشیدگی پیدا ہوئی۔مسلمانوں کا کہنا ہے کہ پولیس تعصب کا مظاہرہ کر رہی ہے اور انہیں گرفتار کر رہی ہے حالانکہ تمام اشتعال انگیزی ہندو دائیں بازو کے گروپ سے وابستہ لوگوں کی طرف سے کی گئی تھی۔

  • پنڈی ٹیسٹ کا پہلا روز، امام کی شاندار بلے بازی، پاکستان کی پہلی اننگز میں بیٹنگ جاری

    پنڈی ٹیسٹ کا پہلا روز، امام کی شاندار بلے بازی، پاکستان کی پہلی اننگز میں بیٹنگ جاری

    راولپنڈی:پنڈی ٹیسٹ کا پہلا روز، امام کی شاندار بلے بازی، پاکستان کی پہلی اننگز میں بیٹنگ جاری ،اطلاعات کے مطابق پاکستان کی آسٹریلیا کے خلاف تین ٹیسٹ میچوں کی سیریز کے پہلے میچ کی پہلی اننگز میں بیٹنگ جاری ہے اور گرین کیپس نے ایک وکٹ کے نقصان پر 170 رنز بنا لیے ہیں۔

    پاکستان اور آسٹریلیا کے درمیان راولپنڈی کرکٹ اسٹیڈیم میں کھیلے جا رہے میچ میں قومی ٹیم کے کپتان بابر اعظم نے ٹاس جیت کر پہلے بیٹنگ کا فیصلہ کیا۔

    پاکستان کی جانب سے عبداللہ شفیق اور امام الحق نے اننگز کا آغاز کیا اور قومی ٹیم کو پہلا نقصان 105 رنز پر ہوا جب عبداللہ شفیق چھکا لگانے کی کوشش میں ناتھن لیون کی گیند پر کیچ آؤٹ ہو گئے، انہوں نے 44 رنز کی اننگز کھیلی۔ امام الحق 91 اور اظہر علی 30 رنز کے ساتھ وکٹ پر موجود ہیں۔

    قبل ازیں ٹاس جیت کر پاکستان کے کپتان بابر اعظم کا کہنا تھا کہ وکٹ دیکھنے میں بہت اچھی لگ رہی ہے اور اسکور بورڈ پر بڑا ٹوٹل سجانے کی کوشش کریں گے، وکٹ آخری دنوں میں اسپینرز کے لیے سازگار ہو سکتی ہے۔

     

    قومی ٹیم میں بابر اعظم کے علاوہ محمد رضوان، امام الحق، عبداللہ شفیق، اظہر علی، فواد عالم، افتخار احمد، ساجد خان، نعمان علی، شاہین شاہ آفریدی اور نسیم شاہ شامل ہیں۔

    یاد رہے کہ اس سے پہلے آئی سی سی کے چیف ایگزیکٹو جیف الارڈائس کا کہنا ہے کہ پاکستان اورآسٹریلیا کے درمیان تاریخی سیریز ہورہی ہے۔

    راولپنڈی کرکٹ اسٹیڈیم میں انٹرنیشنل کرکٹ کاؤنسل(آئی سی سی)، آسٹریلین کرکٹ بورڈ اورپاکستان کرکٹ بورڈ(پی سی بی) کے حکام نے مشترکہ پریس کانفرنس کی۔

    آئی سی سی کے چیف ایگزیکٹو جیف الارڈائس کا کہنا تھا کہ پاکستان اور آسٹریلیا کے درمیان تاریخی ٹیسٹ سیریز ہورہی ہے۔ آسٹریلیا کا دورہ پاکستان ورلڈ ٹیسٹ چیمپئن شپ کے لیے بھی اہم ہے۔
    کرکٹ آسٹریلیا کے چیف ایگزیکٹو نک ہاکلی نے کہا کہ پاکستان میں آج تاریخی دن ہے۔آسٹریلیا کی ٹیم کے شاندار استقبال پرپی سی بی اورپاکستانی کرکٹ مداحوں کا شکریہ ادا کرتا ہوں۔

    انہوں نے مزید کہا کہ پاکستان میں کرکٹ کی تیاریاں دیکھ کر اعتماد مزید بڑھ گیاہے۔ کرکٹ سیریز سے پاکستان اور آسٹریلیا کے درمیان دوستی کو بھی فروغ ملےگا۔

    پی سی بی کے چیف ایگزیکٹو فیصل حسنین کا کہنا تھا کہ آج پاکستان کرکٹ کی تاریخ کا اہم دن ہے۔پاکستانی مداحوں نے آسٹریلیا کودیکھنے کے لئے 24 سال انتظارکیا۔ راولپنڈی ٹیسٹ سے دونوں ٹیموں کے درمیان کرکٹ روابط کا نیا آغاز ہوگا

  • پشاورزلمی کےمالک جاوید آفریدی مشہور فٹبال کلب’چیلسی‘خریدنے والوں کی دوڑ میں شامل

    پشاورزلمی کےمالک جاوید آفریدی مشہور فٹبال کلب’چیلسی‘خریدنے والوں کی دوڑ میں شامل

    پاکستان کے مشہور بزنس مین اور پی ایس ایل فرنچائز پشاور زلمی کے مالک دنیا کے سب سے بڑے فٹ بال کلبوں میں سے ایک چیلسی کو خریدنے میں دلچسپی رکھتے ہیں۔

    ہسپانوی کھیلوں کی ویب سائٹ ’سوئے میڈرڈسٹا‘ کے آفیشل ٹوئیٹر اکاؤنٹ سے جاری بیان میں کہا گیاکہ ممتاز پاکستانی بزنس مین جاوید آفریدی چیلسی کے مالک رومن ابرامووچ کی جگہ لینے کی دوڑ میں شامل ہیں۔

     

     

    انگلش فٹبال کلب چیلسی کے روسی مالک رومن ابرامووچ نے یہ اعلان کیا تھا کہ وہ ٹیم فروخت کررہے ہیں اور اسی تناظر میں انہوں نے کلب کی خریداری میں دلچسپی رکھنے والے افراد کے لیے جمعے کی آخری تاریخ مقرر کی ہے کہ وہ اس کلب کے لیے پیشکشیں جمع کرائیں۔

     

     

    2003 سے کلب کے مالک رہنے والے رومن ابرامووچ کے بارے میں کہا جا رہا ہے کہ وہ کلب کے لیے کم از کم 2.5 بلین ڈالر کی پیشکش کے منتظر ہیں۔

     

     

    چیلسی کے روسی ارب پتی مالک ابرامووچ نے مبینہ طور پر گزشتہ ہفتے روس کے یوکرین کے ساتھ تنازعہ شروع ہونے کے بعد کلب کو فروخت کے لیے پیش کر دیا ہے ۔

     

     

    خلیج ٹائمز کے ذرائع نے اس بات کی تصدیق کی ہے کہ فریقین کے درمیان کلب کی خرید و فروخت سے متعلق قانونی اور مالی معاملات پر بات چیت کے لیے ایک ملاقات بھی ہو چکی ہے۔ذرائع کا کہنا ہے کہ 2003 سے کلب کے مالک ابرامووچ کم از کم 2.5 بلین ڈالرز کی پیشکش کے منتظر ہیں۔

     

     

    تاہم جاوید آفریدی سمیت ایشیا سے تعلق رکھنے والا سرمایہ کاروں کا ایک گروپ ہے جو  اس کلب کو خریدنے میں دلچسپی رکھتا  ہے۔

    ان کا ماننا ہے کہ یہ ہی وقت ہے کہ فٹبال کلب میں سرمایہ لگایا جاسکتا ہے، ان کے مطابق ایشیا سے کسی کو آگے آنا چاہیے اور فٹبال کلب میں پیسہ لگانا چاہیے۔

    خلیج ٹائمز کی رپورٹ کے مطابق جاوید آفریدی کی ٹیم کلب خریدنے کے لیے گفت و شنید کررہی ہے۔

    تاہم جاوید آفریدی سمیت ایشیائی  سرمایہ کاروں کے گروپ کو سوئس ارب پتی ہینسجورگ وِس سے سخت مقابلے کا سامنا کرنا پڑ سکتا ہے جس نے دعویٰ کیا ہے کہ ابرامووچ کی جانب سے انہیں چیلسی خریدنے کی پیشکش موصول ہوئی ہے۔

  • :3مارچ پاکستان میں بھارت کی دہشتگردکارروائیوں کی تلخ یاد دہانی کا دن:مگربھارت پھرباز نہ آیا

    :3مارچ پاکستان میں بھارت کی دہشتگردکارروائیوں کی تلخ یاد دہانی کا دن:مگربھارت پھرباز نہ آیا

    اسلام آباد ::3مارچ پاکستان میں بھارت کی دہشتگردکارروائیوں کی تلخ یاد دہانی کا دن ہے ،تاریخ شاہد ہے کہ 03 مارچ 2009لاہور میں سری لنکن کرکٹ ٹیم پر دہشت گردوں جنہیں بھارتی خفیہ ایجنسی را کی مالی سرپرستی میں حاصل تھی کے جان لیوا حملے اور 2016میں پاکستان میں دہشتگردی کے ماسٹر مائنڈ بھارتی جاسوس کلبھوشن یادیو کی گرفتاری کی تلخ یاد دہانی کادن ہے ۔ دلچسپ امر یہ ہے کہ دونوں واقعات میں براہ راست بھارت ملوث ہے جن کا مقصد پاکستان کو عالمی سطح پر بدنام کرنا تھا۔

    سری لنکن کرکٹ ٹیم پر بھارتی ایجنٹوں نے 3مارچ 2009کو لاہور میں دہشت گرد حملہ کیاتھا جس کامقصد عالمی سطح پر پاکستان کو کھیلوں کے مقابلوں کے انعقاد کیلئے پاکستان کو خطرناک ملک ثابت کرنا تھا ۔بعد ازاں 3مارچ 2016کو بھارتی جاسوس اور خفیہ ایجنسی را کے دہشت گردکمانڈر کلبھوشن یادیو جو بھارتی بحریہ کا حاضر سروس افسر ہے کو بلوچستان کے علاقے ماشکیل سے ایرانی پاسپورٹ پر پاکستان جاتے ہوئے گرفتار کیا گیا تھا، جس سے ثابت ہوتا ہے کہ بھارت لاہور میں سری لنکن ٹیم پر حملے سمیت پاکستان میں دہشت گردی کی مذموم کارروائیوں میں ملوث ہے ۔

    کلبھوشن نے پاکستان میں دہشت گردی کی کارروائیوں میں بھارت کے ملوث ہونے کے بارے میں چونکا دینے والے انکشافات کئے ہیں۔ بھارتی جاسوس نے یہ بھی اعتراف کیا کہ وہ صفورا بس حملہ کے ماسٹر مائنڈ سے بھی رابطہ میں تھا، جس میں مسلح افراد نے 45 اسماعیلی فرقے کے لوگوں کو گولی مار کرقتل کیا تھا۔ گرفتار بھارتی جاسوس کے اعترافی بیان سے ثابت ہو گیا ہے کہ بھارت پڑوسی مسلم ملک پاکستان میں دہشت گردی کی سرپرستی کر رہا ہے۔

    بھارت کالعدم تحریک طالبان پاکستان کے دہشت گردوں کو پاکستان کے خلاف اپنے مذموم عزائم کے لیے پراکسی کے طور پر استعمال کررہا ہے اور پاکستان نے ایک ڈوزئیر کے ذریعے عالمی برادری کو پاکستان میں بھارت کی کی دہشت گردانہ کارروائیوں سے آگاہ بھی کیا ہے۔

  • مریخ پر پراسرار پودا،ماہرین نے خبردار کر دیا

    مریخ پر پراسرار پودا،ماہرین نے خبردار کر دیا

    کیلیفورنیا: امریکی خلائی تحقیقی ادارے ’’ناسا‘‘ نے چند روز قبل جاری کی جس میں ایک چھوٹا سا پودا دکھائی دے رہا ہے جو بظاہر مٹی سے بنا ہے-

    باغی ٹی وی : اس تصویر کو مریخ پر موجود ’’کیوریوسٹی روور‘‘ نے اپنے طاقتور کیمرے کی مدد سے کھینچا ہے ناسا نے کیوریوسٹی نامی یہ خودکار گاڑی یعنی روور 2012 میں مریخ پر اتاری تھی اور تب سے آج تک یہ مریخ کے مختلف مقامات کی سیر کرتے ہوئے وہاں کی ہزاروں تصویریں کھینچ کر زمین پر بھیج چکی ہے-

    "ناسا” کی مہنگی ترین جیمز ویب دوربین نے ستاروں کی پہلی تصویر کھینچ لی


    ناسا کے مطابق یہ تازہ ترین تصویر اس روور نے جمعہ 25 فروری 2022 کے روز بھیجی تھی جسے ایک ہی مقام کی مختلف زاویوں سے لی گئی آٹھ تصویروں کو یکجا کرکے تیار کیا گیا ہے۔

    کیوریوسٹی روور کے روبوٹ بازو پر نصب ’’مارس ہینڈ لینس امیجر‘‘ (MAHLI) نے پوزیشن بدل بدل کر اس جگہ کی چند تصویریں کھینچیں جنہیں اس کے خودکار امیج پروسیسر کی مدد سے وہیں پر یکجا کرکے حتمی تصویر میں تبدیل کیا گیا۔

    بین الاقوامی خلائی اسٹیشن 2031 میں سمندر برد کر دیا جائے گا ،ناسا


    ماہرین نے خبردار کرتے ہوئے کہا کہ اس تصویر کو مریخ پر زندگی کا ثبوت ہر گز نہ سمجھا جائے بلکہ وہاں جاری مختلف قدرتی عوامل کے نتیجے میں (جن کا زندگی سے کوئی تعلق نہیں) مریخ کی مٹی اور چھوٹے چھوٹے پتھروں نے آپس میں مل کر ایسی شکل اختیار کرلی ہے۔

    7 سال قبل خلا میں بھیجا گیا اسپیس ایکس کا راکٹ چاند سے ٹکرائے گا

    قبل ازیں امریکی خلائی تحقیقی ادارے ’ناسا‘ نے جیمس ویب اسپیس ٹیلی اسکوپ (JWST) کی ستاروں کی کھینچی ہوئی پہلی آزمائشی تصویر جاری کی تھی ناسا کی جانب سے جاری کی جانے والی یہ تصویر شمالی آسمان کے مشہور جھرمٹ ’دُبّ اکبر‘ (بڑے ریچھ) کے ستاروں کی تھی جن میں سے اہم ستارہ ’ایچ ڈی 84406‘ ہے جو ہماری زمین سے 258 نوری سال دور ہے۔ (یعنی اس ستارے کی روشنی ہم تک پہنچنے میں 258 سال لگ جاتے ہیں۔)

    2020 میں ہونے والے ایک غیرمعمولی آسمانی واقعے کو ایک نیا عالمی ریکارڈ قرار دیا…

  • ایران کا مدار میں سیٹلائٹ بھیجنے کا ایک اورتجربہ ناکام

    ایران کا مدار میں سیٹلائٹ بھیجنے کا ایک اورتجربہ ناکام

    تہران: ایران کی جانب سے مدار میں مصنوعی سیارے بھیجنے کا ایک اور راکٹ تجربہ ناکام ہو گیا ہے۔

    باغی ٹی وی: عالمی خبررساں ایسوسی ایٹڈ پریس کے مطابق”Maxar Technologies” کمپنی کی جانب سے جاری سیٹلائٹ تصاویر میں اتوار کے روز ایران کے دیہی علاقے سمان میں واقع امام خمینی خلائی بندرگاہ کے نزدیک راکٹ لانچنگ پیڈ پر آگ کے شعلوں کی علامات سامنے آئیں۔

    علاوہ ازیں راکٹ کے تباہ شدہ پل بھی واضح ہو رہے ہی۔ عام طور پر کامیاب تجربات کے نتیجے میں راکٹوں کے پل تباہ نہیں ہوتے اس لیے کہ پلوں کو راکٹ کی روانگی سے قبل اتار لیا جاتا ہے –

    "ناسا” کی مہنگی ترین جیمز ویب دوربین نے ستاروں کی پہلی تصویر کھینچ لی

    واضح رہے کہ "Planet Labs PBC” سے علیحدہ کی گئی تصاویر سے غالب گمان ہوتا ہے کہ راکٹ بھیجنے کی ناکام کوشش جمعے کے روز کے بعد کسی وقت کی گئی۔

    خیال رہے کہ گذشتہ دہائی کے دوران میں ایران کے خلائی پروگرام کے سلسلے میں راکٹ بھیجنے کی مسلسل پانچ ناکام کوششیں واقع ہوئیں۔ فروری 2019ء میں اسی نوعیت کی ایک ناکام کوشش میں تین محققین ہلاک ہو گئے تھے۔

    ایرانی پاسداران انقلاب نے اپریل 2020ء میں مدار میں سیٹلائٹ بھیجنے کا کامیاب تجربہ کر کے اپنے خفیہ خلائی پروگرام کا انکشاف کیا تھا امریکا کا کہنا تھا کہ اس نوعیت کے سیٹلائٹ بھیجنا اقوام متحدہ کے زیر انتظام سلامتی کونسل کی قرار داد کو کھلا چیلنج ہے۔

    شمالی کوریا کا ایک اور میزائل تجربہ

    سابق صدر حسن روحانی نے مذاکرات کے دوران میں مغرب کے متنفر ہونے کے اندیشے کے سبب ملک میں خلائی پروگرام کی پیش رفت روک دی تھی تاہم موجود سخت گیر صدر ابراہیم رئیسی نے اپنی توجہ اس پروگرام کو سرگرم کرنے پر مرکوز کر رکھی ہے۔

    دوسری جانب ایران نے یوکرین پر روسی حملے کا ذمے دار امریکا کو قرار دیتے ہوئے کہا کہ امریکا پر بھروسہ کرکے سیکیورٹی حاصل نہیں ہوسکتی ایرانی حکومت کے ترجمان علی بہادری کا کہنا ہے کہ جنگ کسی مسئلے کا حل نہیں ہے۔

    دوسری جانب ایرانی صدر ابراہیم ریئسی نے روسی صدر ولادی میر پیوٹن سے ٹیلیفونک گفتگو کرتے ہوئے کہا تھا کہ مشرق میں نیٹو فورسز کا دائرہ پھیلنا باعث تشویش ہے اور اسی وجہ سے کشیدگی میں اضافہ ہوا ہے ایرانی صدر نے نیٹو کے توسیع پسندی کو خود مختار ممالک کی سیکیورٹی اور نقص امن کےلیے سنگین خطرہ قرار دیا ایران نے مغربی ممالک کو بحران زدہ یوکرین سے عبرت حاصل کرنے کا کہہ دیا ایران نے مؤقف اختیار کیا کہ مشرقی ممالک میں بدامنی اور عدم استحکام مغربی مفادات کیلئے نقصان دہ ثابت ہوسکتے ہیں۔

    پاکستانی سائنسدان کے تیارہ کردہ سولر سیل نے دو عالمی ریکارڈ اپنے نام کر لئے

  • نسیم شاہ پنڈی ٹیسٹ کے لیے قومی اسکواڈ کا حصہ بن گئے:کرکٹ شائقین مقابلے دیکھنے لیے بے تاب

    نسیم شاہ پنڈی ٹیسٹ کے لیے قومی اسکواڈ کا حصہ بن گئے:کرکٹ شائقین مقابلے دیکھنے لیے بے تاب

    راولپنڈی :نسیم شاہ پنڈی ٹیسٹ کے لیے قومی اسکواڈ کا حصہ بن گئے:کرکٹ شائقین مقابلے دیکھنے لیے بے تاب ،اطلاعات کے مطابق نوجوان فاسٹ باؤلر نسیم شاہ کو حارث رؤف کی جگہ آسٹریلیا کے خلاف پہلے ٹیسٹ میچ کے لیے قومی ٹیسٹ اسکواڈ میں شامل کرلیا گیا ہے۔ اس سے قبل وہ آسٹریلیا کے خلاف ٹیسٹ سیریز کے لئے اعلان کردہ ٹریولنگ ریزرو کا حصہ تھے۔

    حارث رؤف کے آج کئے گئے کورونا ٹیسٹ کا رزلٹ مثبت آیا ہے۔ لہٰذا وہ چار مارچ سے پنڈی کرکٹ اسٹیڈیم میں شروع ہونے والے پہلے ٹیسٹ سے باہر ہوگئے ہیں۔ وہ اب پانچ روز تک آئیسولیشن میں رہیں گے، جس کے اختتام پر ان کا دوبارہ کورونا ٹیسٹ کیا جائے گا۔

    حارث رؤف کا ٹیسٹ مثبت آنے کے باعث قومی ٹیسٹ اسکواڈ میں شامل تمام ارکان کی ری ٹیسٹنگ کی گئی۔ ان تمام ارکان کی ری ٹیسٹنگ کے نتائج منفی آئے ہیں۔

    قومی ٹیسٹ اسکواڈ برائے پنڈی ٹیسٹ: بابر اعظم (کپتان) (سنٹرل پنجاب)، محمد رضوان (نائب کپتان) (خیبر پختونخوا)، عبداللہ شفیق (سنٹرل پنجاب)، اظہر علی (سنٹرل پنجاب)، فواد عالم (سندھ)، افتخار احمد (خیبرپختونخوا)، امام الحق (بلوچستان)، محمد وسیم جونیئر (خیبر پختونخوا)، نسیم شاہ (سینٹرل پنجاب)، نعمان علی (ناردرن)، ساجد خان (خیبر پختونخوا)، سعود شکیل (سندھ)، شاہین شاہ آفریدی (خیبرپختونخوا)، شان مسعود (بلوچستان) اور زاہد محمود (سندھ)

    ادھر پاکستان کرکٹ بورڈ اور کرکٹ آسٹریلیا نےمشترکہ طور پربینو قادر ٹرافی متعارف کروادی ۔

    پاکستان کے کپتان بابراعظم اور مہمان ٹیسٹ اسکواڈ کے قائد پیٹ کمنز نے بدھ کو راولپنڈی کرکٹ اسٹیڈیم میں بینو قادر ٹرافی کی رونمائی کی۔

    ٹرافی کی رونمائی کا مقصد کیا ہے؟
    پاکستان اور آسٹریلیا کے 2 لیجنڈری لیگ اسپنرز سے منسوب اس ٹرافی کو متعارف کروانے کا مقصد آسٹریلیا کے 24 سال بعد دورہ پاکستان کا جشن منانا ہے۔مستقبل میں بھی دونوں ٹیموں کے مابین کھیلی جانے والی اب ہر ٹیسٹ سیریز کے اختتام پرفاتح سائیڈ کو اسی ٹائٹل کی ٹرافی دی جائے گی۔

    یاد رہے کہ آسٹریلیا نے 1959 میں رچی بینوکی قیادت میں پاکستان کاپہلا مکمل دورہ کیا تھا، مہمان سائیڈ نے یہ سیریز 2-0 سے جیتی تھی۔

    عبدالقادر نے آسٹریلیا کے خلاف 11 ٹیسٹ میچز میں 45 وکٹیں حاصل کی تھیں، اس دوران انہوں نے سال 1982 اور 1988 میں کھیلے گئے دو تین ٹیسٹ میچزکی سیریز میں 33 وکٹیں حاصل کی تھیں۔

     

    رچی بینو نے 1952 سے 1964 پر مشتمل اپنے کیرئیر کے دوران 63 ٹیسٹ میچز میں 248 وکٹیں حاصل کیں۔ عبدالقادر نے 1977 سے 1990 پر مشتمل اپنے ٹیسٹ کیرئیر میں 67 ٹیسٹ میچز میں236 وکٹیں حاصل کیں۔

    چیف ایگزیکٹو پی سی بی فیصل حسنین نے کہا کہ بینو قادر ٹرافی کو پاکستان میں ایک مرتبہ پھر پاکستان اور آسٹریلیا کے مابین ٹیسٹ سیریز کی بحالی کے موقع پر متعارف کروایا گیا ہے، یہ دونوں عظیم لیگ اسپنرز دنیائے کرکٹ کی نوجوان نسل کے لیے متاثرکن شخصیات تھیں۔

    فیصل حسنین نے کہا کہ تاریخی طور پر پاکستان اور آسٹریلیا کے مابین کانٹے دار مقابلے ہوتے ہیں تاہم بینو قادرٹرافی کو متعارف کروانے سے دونوں ٹیموں کے مابین اب ٹیسٹ سیریز میں مقابلہ مزید بڑھ جائے گا۔

    انہوں نے کہا کہ بینو قادر ٹرافی کی لانچ پاکستان کرکٹ بورڈ اور کرکٹ آسٹریلیا کے مضبوط تعلقات کی عکاسی کرتی ہے، رچی بینو اور عبدالقادر مرحوم کے اہلخانہ کا مشکور ہوں جنہوں نے خوشدلی سے ٹرافی کو ان کا نام دینے کی حامی بھری۔