Category: بلاگ

‏

محرم الحرام نئے اسلامی سال کا پہلا مہینہ۔اللہ نے امت مسلمہ کی جھولی میں محرم کو ڈالا ، میرے نبی محمد ﷺ کو چاند کا سال عطاء فرمایا۔اس لیے کہ چاند کبھی غروب نہیں ہوتا اکثر لوگوں نے دن میں بھی چاند باقی رہتا ہے۔
محرم الحرام کا ‏مہینہ ازل سے مقدس چلا آرہا ہے۔محرم میں آدم علیہ السلام توبہ قبول ہوئی۔ اماں ,ابا (حضرت آدم علیہ السلام اور حضرت ہوا علیہ السلام ) کی  ملاقات ہوئی 10محرم میدان عرفات میں، حضرت نوح علیہ السلام کی کشتی جودی پہاڑ پر جا کر محفوظ ہوگئی حضرت موسی علیہ السلام نے سمندر پار کیا اور فرعون ‏اسی سمندر میں غرق ہو گیا ( راستے نہیں رہبر بچاتے ہیں ) حضرت یونس علیہ السلام کو مچھلی کے پیٹ سے رہائی ملی۔
لمبی فہرست ہے محرم کے واقعات کی پھر سب سے آخر میں واقعہ کربلا نواسہ رسول ﷺ جگر گوشہ بتول فرزند علی مرتضیٰ جناب حضرت امام حسین رضی اللہ تعالی عنہ ، علیہا السلام ، اہل بیت ‏اور آپ کے ساتھیوں کی دل چیر دینے والے شہادت۔ یہ واقعہ ایسا ہوا کہ باقی تمام واقعات پر چھا گیا۔
اسبابِ کربلا
یہ حق و باطل کا معرکہ تھا، جھوٹ اور سچ کا مقابلہ تھا ، ظلم اور عدل کا ٹکڑاو تھا ، خیر اور شر کی لڑائی تھی دو شخصیات کی لڑائی نہیں تھی دو نظریات کا تصادم تھا یہ اقتدار کی ‏جنگ نہیں تھی حقدار کی جنگ تھی۔
شخصیات کا تعارف و حوالہ
یذید ظلم کا استعارہ ہے حضرت حسین ابن علی علیہ السلام امن کی علامت ہیں۔ یذید جبر کا پتلا ہے حسین رضی اللہ تعالی عنہ صبر کا پیکر ہیں۔
یذید اپنی بد دینت فطرت اور اپنی تپ ناہموار کے ‏باعث دینا پر ذلت و رسوائی ظلم و جبر جوہ و ذیادتی کی علامت بن کر ابھرا ، حسین ابن علی علیہ السلام حق و صداقت کا نشان بن کر ابھرے اور رہتی دنیا تک کر لوگوں کے لیے عظیم الشان مثال چھوڑ گئے۔
یذید بن معاویہ باہدل کی بیٹی محسون کا ناپاک بیٹا اور دوسری طرف حسین رسول ﷺ کی لاڈلی
‏فاطمہ رضی اللہ تعالیٰ کا شہزادہ تھا ، یذید دمشق کے اطراف میں سرجون اور جریر اختل جیسے اوباشوں کے جھرمٹ میں پل کے جوان ہوا امام حسین رضی اللہ تعالیٰ کے گھر کا دروازہ مسجد نبوی میں کھلتا تھا ۔ یذید نشے میں دھت ہوکر نمازیں چھوڑ دینا ہے حسین کی کربلا کے اندر بھی نماز تہجد قضا نہ ہوئی ‏یذید نے ایک مرتبہ زندگی میں حج کیا اور شراب کے مٹکے ساتھ لیکر آیا ،اختل اور دیگر گویوں اور مغنیوں کو اپنے ساتھ رکھا تاکہ سفر آسانی سے کٹ جائے حسین ابن علی رض نے 25 حج سواری ہونے کے باوجود پیدل کیے۔یذید کے اندر زمانہ کی ہر برائی تھی بدکاری شراب نوشی وہ شریعت بیضا کا مذاق اڑاتا تھا ‏دوسری طرف امام حسین رض کا دودھ جنت کی عورتوں کی سردار حضرت فاطمہ بنت محمد ﷺ کا تھا آپ رضی اللّٰہ تعالیٰ کی رگوں میں خون علی ابن طالب کا تھا آپ کے دوست عبداللہ ابن عباس تھے ، عبداللہ ابن عمر اور عبد الرحمن بن ابو بکر رضی اللّٰہ تعالیٰ تھے۔ یذید شراب نوشی کرتا رہا جوا کھیلتا رہا ‏اور آپ رضی اللہ تعالیٰ مسجد نبوی کے منمبر پر حضور ﷺ کے پہلوؤں میں بیٹھتے تھے۔
یذید شام کا حکمران بنا اور مدینہ کے حکمران کو اپنی بیت کی دعوت دے رہا مدینے کے گورنر کو پیغام بھیجا اس نے پیغام امام حسین رضی اللہ تعالی تک پہنچایا گیا کہ یذید کہتا ہے اس کے ہاتھ پر بیعت کی جائے ۔‏یذید حج بیت اللہ کے بعد مدینہ طیبہ آیا اور شراب کی ایک مجلس بپا کی ،حضرت امام حسین علیہ السلام جب وہاں پہنچے تو شراب کی بد بو محسوس کرتے ہوئے پوچھا کہ یہ کیسی بو ہے تو یذید بولا کہ یہ شام میں بنتی ہے ایک جام یذید نے پیتے ہوئے دوسرا جام حضرت امام حسین کی طرف بڑھاتے ہوئے کہا کہ ابا ‏عبداللہ لیجئے
حسین ابن علی نے کیا میں اس کی طرف دیکھنا بھی گوارا نہیں کرتا تو یذید عشقیہ اشعار پڑھنے لگا جب حضرت امام حسین ؓ کی شراب نوشی کا منظر اپنے ہاتھ سے دیکھ چکے تھے تو یذید کے پلید ہاتھ پر امام حسین ؓ کا پاک ہاتھ کیسے آتا۔
حضرت محمد ﷺ کی محبت کا عالم
آپ ﷺ کی سید زادوں ‏سے محبت کے بیشمار واقعات ہیں ۔آپ محمد ﷺ نے اپنے بچوں کو سینوں سے لگایا ان کے ہونٹ چومے ان کو گود میں کھلایا ان کو کندھوں پر بٹھایا ان کو پشت پر بھٹا کر سواری دی ان کے لیے سجدوں کو طول دیا۔
سیدنا حسن ابن علی اور سیدنا حسین ابن علی ؓدونوں سید زادے دنیا میں’’ ریحا نۃ الرسول‘‘ تھے ‏حسنین کریمہ ؓ صرف ہمارے نبی محمد ﷺ اور سید زادوں کے والدین ہی نہیں بلکہ آپ ﷺ کی ازواج مطہرات ، خالائیں ، رشتے دار مہاجرین اور انصار اصحاب اکرام غرض کہ بچہ بوڑھا جوان مرد عورت ہر کوئی ان کی ایک ایک ادا پر دل وجان سے فدا تھے۔ سیدنا حسن و حسین علیہ السلام اُن خوش قسمت نفوس میں
‏سے تھے جن کی تربیت خود اللہ کے رسول صلی اللہ علیہ وسلم نے فرمائی۔ ان کو ہمیشہ لقمۂ حلال ہی کھانے کو ملا۔
زمانے نے وہ منظر بھی دیکھا حسنین کریمین حجرہ فاطمہ سے نکلتے ہیں کم عمری کی وجہ سے کبھی گرتے کبھی سنبھلتے ہیں آپ ﷺ خطبہ چھوڑ کر شہزادوں کو گود میں اٹھا لیتے ہیں۔ ‏حضرت عبداللہ بن شداد کہتے ہیں کہ حضور ﷺ سجدے میں تھے اور سجدہ اتنا طویل ہو گیا ہمیں لگا یا تو وحی کا نزول ہو رہا ہے یا پھر اللہ کا حکم آ گیا اور اللہ کے محبوب کی روح قبض کرلی گئی لیکن میں نے جب سر اٹھا کر کن آنکھیوں سے دیکھا تو کیا منظر تھا کہ حسین ابن علی حضور ﷺ کی پشت پر ‏بیٹھے ہوئے اور میرے آقا ﷺ سجدے کو طول دے رہے ہیں اللہ اکبر اللہ اکبر حسین کے لیے پیغمبر کے سجدوں کو طول دیا جارہا ہے۔
وہ منظر بھی دنیا نے دیکھا کہ حضور ﷺ کے مبارک کندھوں پر حسین ابن علی رضی اللہ تعالٰیٰ عنہ بیٹھے ہیں حضور کی زلفوں کو پکڑا ہوا ہے تو حضرت عمر رضی اللہ تعالی عنہ ‏دیکھ کے کہتے ہیں واہ واہ کیسی سواری میسر آئی ہے حسین ابن علی کو تو میرے آقا محمد ﷺ مسکرا کے کہتے ہیں عمر سواری دیکھتے ہو سوار بھی تو دیکھو
ایک موقع پر آپ ﷺ نے فرمایا
( آپ ﷺ کے دونوں پہلوؤں سے حسنین کریمین لپٹے ہوئے تھے )
” یہ میرے بیٹے ہیں یہ میری بیٹی کے بیٹے ہیں میں ‏سے پیار کرتا ہوں اے اللہ تم بھی ان سے پیار کر اور جو ان سے پیارے کرے اس سے بھی پیار کر
ایک جگہ فرمایا
حسین کا رونا مجھے دکھ دیتا ہے
حضرت حذیفہ بن یمان رضہ اللّٰہ تعالیٰ عنہ سے روایت ہے کہ
حضور ﷺ نے ارشاد فرمایا! حذیفہ سنو ابھی ابھی ایک فرشتہ آیا ہے جو اس سے قبل دھرتی پر ‏نہیں آیا آج پہلی مرتبہ اللہ سے اجازت لے کے دو کام کرنے آیا ایک تو مجھے سلام کرنے آیا ہے اور دوسرا خوشخبری دینے آیا ہے کہ آپ ﷺ کی بیٹی فاطمہ جنتی عورتوں کی سردار ہے اور حسن اور حسین جنتی جوانوں کے سردار ہیں۔
ان واقعات کو بیان کرنے میں تو کئی نشستیں بیت جائیں مختصر یہ ‏آپ ﷺ نے ان کی محبت کا درس دیا ان کے پیار کا سبق پڑھایا۔ کہا کہ ان سے پیار کرنے والا مجھ سے پیار کرتا ہے اور ان سے بغض رکھنے والا مجھ سے بغض رکھتا ہے۔
آپ ﷺ نے حسین ابن علی کو اپنی زبان کا لعاب دہن دے کر کے وہ شیریں رحمت دے کر کہ وہ کوثر و تسلیم سے پاکیزہ تر آب رحمت عطا کر کے ان ‏ان کی ہمیشہ کے لیے ان کی پیاس بھجا دیں تاکہ کل کربلا کے تپتے ہوئے ریگزار میں حسین ابن علی کو پیاس کی شدت تنگ نہ کرے اور پائے استقلال میں لغزش نہ آنے پائے ۔اتنے نازوں سے پالے ہوئے حسین کو ان محبتوں سے پالے ہوئے حسین ابن علی کو امتحان بھی اتنے بڑے درپیش تھے۔ ‏یاری تیری سونا پر آزمائشاں تیری اگ
سونا پرکھیا جاندیاں اہے نال اگاں تے لگ

جتنا بڑا شخص ہوتا ہے اتنی بڑی آزمائشیں بھی ہوتی ہیں۔پیغمبر رحمت کی آغوش میں کھیلنے والا حجرہ فاطمہ کا جانشین رسول ﷺ کے مصلی کا وارث حضرت امام حسین علیہ سلام بن علی بن ابو طالب۔
عنوان : امام حسین اور اہل بیت

Twitter handle: @ShezM__

اپنے ہر دن کا آغاز پرسکون شکر گزار رويہ سے کرو تمہارا پورا دن خوشگوار اور کامیاب گزرے گا۔
انسانی روايے کو تبدیل کرنے میں مختلف عوامل کار فرما ہوتے ہیں ان عوامل کی وجہ سے ایک انسان کا رويہ دوسرے انسان سے مختلف ہوتا ہے اور ہر انسان کے روايے میں ان عوامل کا کردار نمایا ہوتا ہے۔
ان عوامل میں سب سے پہلے علم ہے جو کسی بھی انسان کا برتاؤ میں بہتری لانے میں اہم ہے اور لاعلمی انسان کے برتاؤ میں منفی تبدیلی لاتی ہے اسلیے علم کے بدولت ہمارے برتاؤ بنتا ہے اسلیے بہتر ہے علم حاصل کریں اور معاشرے کا ایک اچھا انسان بننے کی کوشش کریں اور دوسروں کے ساتھ اچھا برتاؤ کریں۔
دوسرا اہم پہلو ہماری سوچ ہے جیسی ہماری سوچ ہوگی ویسا برتاؤ ہوگا اگر سوچ مثبت ہے تو برتاؤ مثبت ہوگا اور اگر سوچ منفی ہے تو برتاؤ منفی ہوگا ۔ اسلیے یہ ضروری ہے کہ ہم اپنی سوچ میں مثبت خیالات لایے تاکہ ہمارا برتاؤمثبت ہوگا اور معاشرے کے لے ایک کارآمد شہری بن سکے تیسرا اہم جز جو ہمارا برتاؤ بناتا ہے وہ ہمارا ذاتی تجربہ ہوتا جن لوگوں سے ہمارا واسطہ پڑتا جہاں ہم کام کرتے ان کے برتاؤ کی وجہ سے بھی ہمارا behavior میں تبدیلی آجاتی ہے ۔انسان کے ذاتی تجربات کی وجہ سے بھی ان کے برتاؤ میں تبدیلی آجاتی ہے۔ بےاحتیاطی کی وجہ سے کسی بندے کو حادثہ ہو جاتا ہے تو آیندہ وہ احتیاط کرنا شروع کر دیتا ہے اور یہ ذاتی تجربہ اس کے برتاؤ میں تبدیلی لانے میں اپنا کردار ادا کرتی ۔
برتاؤ میں تبدیلی کا سب سے اہم عنصر ہماری تربیت، خاندان اور معاشرہ ہوتا ہے جیسا کہ جیس ماحول میں ہم رہتے اور جہاں ہماری پرورش ہوئی ہو اس ماحول کے اثر کی وجہ سے ہمارا برتاؤ ہمارا رویہ اس پہ انحصار کرتا ہے۔ برتاؤ میں مورثی عنصر بھی شامل ہوتا ہے ۔ برتاؤ ایک نسل سے دوسری نسل میں منتقل ہو جاتا ہے اس کی وجہ یہ ہوتی کہ جو کچھ ہم دیکھ رہے ہوتے اسکو قبول کرنا آسان ہو جاتا ہے۔ جن اخلاقیات اور اقدار کا شب وہ روز سامنا ہوتا گھر میں خاندان میں اور معاشرے میں تو وہ اقدار اور اخلاقیات کے اصول ہمارے برتاؤ میں شامل ہو جاتے ہیں۔ اگر اچھے ماحول میں اچھی تربیت ہوئی ہو تو مثبت برتاؤ کا سامنا ہوتا اور اگر ماحول اور تربيت میں مثبت باتوں کی کمی ہو تو ہماری شخصیت میں منفی رویہ اور برتاؤ غالب آجاتا ہے ۔
ہر انسان کے رویہ اور برتاؤ اسکی تربيت کے بارے میں بتاتا ہے کہ کسے اسکی تربيت ہوئی ہے۔ آدمی کا برتاؤ اس کے ماں باپ اسکا گھر اور اسکے فیملی کا پتا بتا دیتا ہے کہ کسے اسکی تربيت ہوئی یعنی گھر بار کے شرافت اور جہالت کا پتا بتا دیتا ہے۔ حضور ﷺ کے حدیث کا مفہوم ہے کہ والدین کی طرف سے اولاد کو سب سے اچھا تحفہ انکی بہترين تربيت ہے۔
پس یہ ضروری ہے کہ ہمارا برتاؤ دوسرے لوگوں کے لے ہمیشہ سے مثبت ہونا چائے اور ہمیں اپنے معاشرے میں اپنا کردار ادا کرنا چائے اگر ہم علم حاصل کرینگے تو اچھے اور برے کی تمیز ہمارے شخصیت میں آجائے گی اور پھر ہمارا برتاؤ مثبت ہوگا۔ انسان چائے تو اپنی شخصیت میں مثبت تبدیلی لے آسکتا ہے اس کے لے سب سے پہلے اس کے لئے ضروری ہے کہ علم حاصل کریں اور دوسرا اپنے دوستوں میں ان لوگوں کے ساتھ اٹھنا بیٹھنا شروع کریں جو اپنے مثبت اخلاق اور برتاؤ کی وجہ سے معاشرہ میں اچھی پہچان کے حامل ہو۔ ساتھ ساتھ یہ بھی ممکن ہے کہ اپنی منفی چیزوں کو مثبت چیزوں میں تبدیل کر دیں اس کے لئے یہ ضروری ہے کہ ہم سب سے پہلے ان منفی باتوں کا بنیاد تلاش کریں اور ٹھیک کرنے کی کوشش کریں۔ جب بھی کوئی آپ کے روئے پہ تنقید کرتا ہے تو اسے چلنج کیجے اور اس منفی رویے کی وجہ تلاش کریں پھر اس میں مثبت تبدیلی لانا بہت آسان ہوگا اور اسی طرح آپ اپنے روئے میں مثبت تبدیلی لاکر اپنی شخصیت میں بہتری لاسکتے ہیں۔ یہی مثبت رویہ ہوتا جیس کی وجہ سے آپ کا معاشرے میں ایک مقام ہوتا لوگ آپ کے اخلاقی اقدار کی مثالیں دینا شروع کر دیتے اور لوگ معاشرے میں آپکو قدر کی نگاہ سے دیکھتے اسلیے ضروری ہے کہ ہم اپنا رویہ برتاؤ ہمیشہ مثبت رکھیں۔
@I_MJawed

کابل پر طالبان کے قبضے کے ساتھ ہی دو عشروں سے جاری امریکی تاریخ کی طویل ترین جنگ کا خاتمہ ہو گیا۔ دنیا اس طویل ترین جنگ میں انسانی ہلاکتوں اور لاگت کا تو اندازہ لگا سکتی ہے لیکن خطے میں اس جنگ کےاثرات کااندازہ لگانا نا ممکن ہوگا۔اکتوبر 2001سے اپریل2021 تک جاری اس جنگ کے دوران جو جانی اور مالی نقصان ہوا اس سے امریکہ نے کیا احداف حاصل کئے یہ بات سمجھ سے بالاتر ہے بظاہر دیکھا جائے تو ان بیس سالہ جنگ میں کبھی بھی طالبان کمزور نظر نہیں آئے جوں جوں سختی بڑھی مزاحمت بھی بڑھتی چلی گئ۔
بہر حال اب تازہ ترین صورتحال یہ ہے کہ طالبان کابل میں داخل ہوچکے ہیں اور کابل سمیت مکمل افغانستان کو بغیرکسی مزاہمت کے فتح کر کے صدارتی محل کا مکمل کنٹرول حاصل کر چکے ہیں جبکہ اشرف غنی اپنے ساتھیوں سمیت تاجکستان فرار ہو چکے ہیں۔ طالبان نے فوری طور پرعبداللہ عبداللہ،حامد کرزئ اور گلبدین حکمت یار پر مشتمل ایک تین رکنی رابطہ کونسل بنا دی ہے جو کہ اقتدار کی منتقلی کے لئے اقدامات کرے گی۔
امریکی فورسز نے کابل ائر پورٹ کا کنٹرول سنبھالا ہوا ہے جبکہ امریکی سفارتخانہ ائر پورٹ منتقل ہو چکا ہے اور ضروری دستاویزات نظر آتش کی جا چکی ہیں علاوہ ازیں دیگر یورپی ممالک کا سفارتی عملہ بھی کابل ائر پورٹ پہنچ رہا ہے جہاں سے انہیں محفوظ مقامات پر منتقل کیا جاسکے گا۔اس ساری صورتحال میں امریکہ نے اشرف غنی سے کہ دیا ہے کہ آپ افغانستان کی سیکیورٹی میں ناکام رہے اس لئے اب ہم اپنی فورسز آپ کو نہیں دے سکتے آپ یہاں کے معاملات خود دیکھیں ہمارا کوئی تعلق نہیں اس کے علاوہ اپنے امریکی شہریوں کو حکم دیا ہے کہ وہ فوری طور پر افغانستان چھوڑ دیں جبکہ نوزائدہ افغان رابطہ کونسل نے پاکستان سے رابطہ کیا ہے اور ان سے درخواست کی ہے کہ وہ اپنی قومی ائر لائن کے زریعہ کابل ائر پورٹ پر پھنسے ہوئے افراد کی محفوظ مقام پر منتقلی میں افغانستان کی مدد کرے اور پاکستان نے ان برےحالات میں بھی افغانستان کو مدد فراہم کرنے کی یقین دہانی کرائ اور قومی ائر لائن کی پروازوں نے اڑان بھرنی بھی شروع کر دی ۔
بھارت کا قونصل خانہ بند پڑا ہے انکا ماسٹر صدر اشرف غنی ساتھیوں سمیت مفرور ہے جو بھارتی ایماء پر پاکستان پر طرح طرح کے الزام لگاتا رہا،نہ بھارتی اسلحہ کام آیا نہ فوجی اور انٹلی جینس تربیت نہ پیسہ اور تو اور بھارتی مزموم سازشوں سے پاکستان کو مزاکرات سے دور رکھا جارہا تھا لیکن قدرت کا کرشمہ دیکھیں کہ ہر طرف افرا تفریح کا سماں ہے لیکن پھر بھی فوری طور پر افغانی وفد پاکستان سے مزاکرات کرنے پہنچ رہا ہے اور بھارت میں ان کے یوم آزادی پر سوگ کا سماں ہے بھارتی میڈیا کی چیخیں پوری دنیا سن رہی ہے۔
اس ساری صورتحال میں میں سب سے خوش آئند بات یہ ہے کہ‏طالبان نے اپنی فتح کے ساتھ ہی عام معافی کااعلان کیاہے۔جنگجووں کو منع کیا ہے کہ مخالفین کی املاک کو نقصان نہ پہنچائیں اور سفارتی عملہ اور انکی فیملی اور جو افغانی وہاں کام بھی کرتے تھے کسی کو کوئ گزند نہ پہنچائ جائے۔ ان کا یہ عمل سنت نبوی کے عین مطابق ہےجو ہمارے حضورﷺ نے فتح مکہ کےموقع پر کیا ۔اللہ تعالی سے یہ ہی دعا ہے کہ خطہ کا امن بحال ہو افغانستان میں امن ہوگا تو پاکستان بھی پر امن رہے گا کیونکہ اس پورے خطے کو اس کوریڈور سے بہت امیدیں وابستہ ہیں۔

تحریر: عبدالعزیز صدیقی ایڈوکیٹ

@Azizsiddiqui100

والدین میں سے ماں کا حق اور درجہ زیادہ ہے۔ اس لیے اس کی نافرمانی دنیا ہی میں برا انجام دکھا دیتی ہے۔ ذیل کے واقعہ کو بغور سنو اور میرے پیغام کے طور پر قبول کرو۔
ایک نوجوان کو حج کا شوق ہوا اس کی ماں اس کو سفر کی اجازت نہ دیتی تھی چنانچہ وہ بدون اجازت ہی کے حج کو چلا گیا۔
راستہ میں چوروں نے اسے پکڑا اور سارا مال اور اس کازادوراحلہ سب چھین لیا اور اس کے دونوں ہاتھ پاؤں کاٹ کر وہیں راستہ پر چھوڑ دیا۔
بیت اللہ کے مؤذن کو خواب میں اشارہ غیبی ہوا کہ اٹھو اور فلاں جنگل میں جاکر فلاں جوان کی خبر لو کہ مجھ کو اس پر رحم آتا ہے ( یعنی اس نے گو ایک بڑی غلطی کی ہے مگر چونکہ میرے ہی دربار میں آرہا تھا اس لیے مجھے بھی اس کی خاطر منظور ہے) چنانچہ وہ مؤذن نیند سے بیدار ہوا اور بتائے ہوئے جنگل کی جانب روانہ ہوگیا۔
وہاں پہنچا تو کیا دیکھتا ہے کہ ایک نوجوان پڑا ہوا ہے اور اس کے ہاتھ وپیر کٹے ہوئے ہیں اس نے پوچھا کہ اے شخص یہ تیرا کیا حال ہے؟
اس نے کہا میں نے والدین سے اجازت لیئے بغیر راہ کعبہ میں قدم رکھا اس لئے میرا حال یہ ہوا جو تیرے سامنے ہے تاکہ بندگان خدا کو عبرت ہوکہ والدین کا بڑا حق ہے ان کی اجازت کے بغیر حج کے لیے بھی جانے میں ایسا معاملہ پیش آتا ہے چہ جائیکہ ان کو ناحق ایذاء دینا اور برا بھلا کہنا اس کا تو انجام کار بہت ہی برا ہے۔
یہ سن کر اس مؤذن نے کہا کہ خیر جو ہوا سو ہوا اب سے توبہ کرو۔ اس نے صدق دل سے توبہ کی اور مؤذن سے درخواست کی کہ مجھ کو میرے ماں کے پاس پہنچا دے تا کہ اس کو راضی کروں اور جس طرح سے ایک بار حماقت کرکے اپنے سفر حج کو کھوٹا کیا ہے اور ہاتھ پاؤں سے محروم ہوگیا ہوں ایسا نہ ہو کہ دم آخر ایمان سے ہی محروم ہو جاؤں اور سفر آخرت کو کھوٹا کرلوں۔
مؤذن نے یہ سن کر اس کو اٹھایا اور اس کے وطن لے جاکر اس کے ماں کے دروازہ کے پاس اس کو بٹھادیا اور خود واپس ہوگیا۔
اس کی ماں اندر بیٹھی تھی جوان نے سنا کہ وہ یوں دعاء کررہی تھی کہ الہی میں نہیں جانتی کہ اس سفر میں میرے بچے کے ساتھ کیا معاملہ پیش آیا کیونکہ وہ بغیر میری اجازت کے چلا گیا ہے۔ اب تو اسکو مجھ تک پہنچا دے کہ میرا دل اس کے لیے بے قرار ہے۔
جوان بھی ماں کے ان کلمات کو سن کر بلبلا گیا اور اپنے کٹے ہاتھ سے دروازہ کھٹکھٹایا ، ماں اندر سے بولی کہ ارے یہ کون ہے جو بیوی اور غمزدہ کے دروازہ کو کھٹکھٹایا رہا ہے۔
پھر خیال کیا کہ شاید کوئی میرے مسافر بچے کی خبر ہی لایا ہو یہ خیال کرکے اٹھ کر باہر آئی دیکھا کہ ایک غریب فقیر سا آدمی بیٹھا ہوا ہے کہا کہ اے مسافر غریب آگے آ! اگر تجھ کو روٹی کی ضرورت ہوتو میں روٹی دوں۔
اس نے کہا میں روٹی کیسے لوں میرے تو ہاتھ ہی نہیں ہیں اس نے کہا اچھا ذرا آگے آ! کہا آؤں کس طرح میرے تو پاؤں بھی نہیں ہیں۔
اس غریب کی یہ بات سن کر بیوہ کو اس پر بہت ترس آیا کہا اے جوان غریب! تیری آواز تو میرے بیٹے سے بہت ملتی جلتی ہے۔
چنانچہ وہ دوڑ کر چراغ لائی اور آگے پیچھے سے اس کا منہ دیکھنے لگی۔ اس کو دیکھ کر اس کی آنکھ ٹھنڈی ہوئی، وہ کہتی جاتی تھی کہ تیرے ہی طرح میرا بھی ایک بچہ تھا بغیر میری اجازت کے وہ حج کے لیے چلا گیا ہے میں نہیں کہہ سکتی کہ سفر میں اس کا کیا حال ہوا۔
ماں کے منہ سے یہ کلمات سن کر وہ جوان صبر نہ کرسکا اور پھوٹ کررونے لگا اور کہا اے ماں وہ بیٹا تیرا میں ہی ہوں، تیری حق تلفی میں نے کی اس کا یہ انجام ہوا۔ ماں نے جب یہ سنا تو ایک ہائے کی اور بیہوش ہوگئی۔
تھوڑی دیر بعد جب ہوش آیا تو آسمان کی جانب منہ کیا اور دعاء کی کہ الہیٰ! تو نے اس کو کیے کی سزادی اور ادب دیا لیکن پروردگار اس کو ہلاک نہ کی جیو اور ایمان کی سعادت سے اسے محروم نہ رکھنا۔
غرض اس واقعہ کے بیان سے یہ ہے کہ تم سمجھو کہ ماں باپ کی خوشی عجیب چیز ہے اور ان کی نافرمانی بہت ہی وبال کی چیز ہے۔
Twitter : @msudais0

قتل حسین اصل میں مرگ یزید ہے
اسلام زندہ ہوتا ہے ہر کربلا کے بعد واقعہ کربلا تاریخ کی اولین قربانیوں میں سے ایک ایسی قربانی ہے جو اپنے پچھلے واقعات کی طرح بہت سی باتیں تاریخ کے اوراق میں؛ قم کر گیا.
حق کے لیے قربانی کا سلسلہ ازل سے چلتا آ رہا ہے لیکن یہ قربانی اپنی نوعیت کی الگ ہی قربانی ہے. جس میں جدائی قربانی _ یوسف کی طرح عارضی جدائی کا امتحان کا درد یا بیٹے کی گردن کی جگہ دنبہ کی قربانی نہیں بلکہ حقیقی معنوں میں سارا کنبہ اللّٰہ کریم کی راہ میں نچھاور کر دیا گیا. بلاشبہ موضوع اتنا حساس ہے کہ کسی بھی واقع کی حقیقت میں کمی یا موازنہ مقصود نہیں صرف اور صرف قربانی کی تاریخ سمجھانے کے لیے ان واقعات کا تزکرہ کیا گیا ہے.
اس قربانی کے واقعات تو اکثر ملتے ہیں لیکن اس سے سبق کیا ملتا ہے اس بات کو سمجھنا وقت کی ضرورت ہے. کیونکہ کسی بھی مقصد کے بنا قربانی کو سمجھنا اس کی اصل کو رائیگاں کر جاتا ہے جو کہ صریح غلط ہے. اور اس قربانی کی ادب کی خلاف بھی ہے.
یہاں سے جو سوالات اٹھتے ہیں ان میں سے ایک کا تزکرہ کرتے ہیں
قربانی کی انتہا کیا ہے؟
جب دین کو ضرورت ہو تو انسان کی سب سے پہلی ترجیح اسلام کی روایات اور احکامات کی تکریم ہے. من و عن ان لر سر تسلیم خم کا جزبہ ہے. جس سفاکیت سے کنبہ اہل بیعت رضوان اللہ علیہم اجمعین کو باری باری شہید کیا گیا یہ اس بات کی علی الاعلان گواہی ہے دین کی حفاظت کے لیے اپنے وجود سے منسلک ہر رشتے کا درد بھی سینے پر سہنا پڑے سہا جاے لیکن دین سے کسی صورت انحراف نا کیا جاے. جناب نواسہ رسول حضرت امام حسین رضی اللہ تعالیٰ عنہ نے یہ میدان کربلا میں کر دکھایا ایک ایک کر کہ جان سے پیارے نچھاور ہوتے رہے لیکن شعائر اسلام سے ایک انچ بھی مصالحتی پالیسی نہیں اپنای. بس جو احکام رب العالمین ہیں اور اس میں جو حدود ہیں انہیں پر قائم رہنے کا درس دیا.
قربان جائیں تربیت نسبت رسول صلی اللہ علیہ وسلم پر اور تربیت سیدہ فاطمہ الزہراء اور شجاعت حضرت علی رضوان اللہ علیہم اجمعین پر کیا خوبصورت تربیت گاہ تھی دو پھول دونوں دین پر ایک سے بڑھ کر ایک نچھاور ہوے لیکن دین اسلام پر آنچ نہ آنے دی. عشق اپنی پہچان رکھتا ہے. جب رب العالمین سے ہو جائے تو پھر کربلا میں کٹتے جگر کے ٹکڑے بھی رب العالمین کے حضور عاجزا پیش کر دیے جاتے ہیں.اس قربانی سے ہمیں ایک درس یہ بھی ملتا ہے کر زندگی کا اختتام بھی بندگی رب العالمین پر ہو. لب پر قرآن کریم کے الفاظ ہوں اور سر رب العالمین کی بندگی میں ہو. واہ کیا کمال عشق تھا کتنی خوبصورتی سے اپنے رب العالمین سے وفا کر گیا. پہلے ایک ایک کر کے کنبہ لٹایا پھر اپنے سینے پر زخم کھاے اور جب جان نکل رہی زکر اللہ کریم کی سب سے پیارے کلام کا سر اسی کے سامنے سجدے میں اور دل میں عشقِ رب العالمین کا سمندر لیے عشقِ حسین رضی اللہ تعالیٰ عنہ؛ للہ رب العالمین کے حضور پیش کیا گیا.اس عظیم قربانی سے ملنے والے درس کو آج سمجھنے کی ضرورت ہے. کہ جب حکم رب العالمین آ جاے تو مال جان اولاد سب کی حیثیت ثانوی اور دین اسلام کی سر بلندی اولین ترجیح ہونی چاہیے. زندگی آخری دموں پر آ جاے تب بھی دل میں چراغ عشق رب العالمین روشن تعلیمات رسول کریم صلی اللہ علیہ وسلم کی خوشبو سے جسم کا رواں رواں معطر ہو سر رب العالمین کے ہر حکم پر تسلیم خم ہو اور رعح پرواز کر جاے.

@EngrMuddsairH

عوام کو درپیش مسائل کی ایک وجہ مہنگائی ہے۔ جس کی وجہ سے عوام کافی حد تک پریشانی کا شکار ہیں۔ ہر چیز کی قیمت آسمانوں کو چھو رہی یے۔ ایک غریب کے لیے تو زندگی حقیقتا تنگ ہوچکی ہے۔ مہنگائی کے ستائے عوام موجودہ حکومت سے ناخوش ہیں۔ لیکن یہاں کچھ باتیں سمجھنے کی بھی ہیں کہ مہنگائی کی اصل وجہ کیا یے؟

کیا صرف حکومت اکیلی قصور وار ہے یا کسی اور کا بھی ہاتھ ہے؟ تو دیکھیں مہنگائی جیسی بیماری تو شروع ہی سے اس خطے میں رہی ہے۔

بس پچھلے کچھ سالوں سے اس میں اضافہ ضرور ہوا ہے۔ پر کیا کسی نے اس کی وجہ جاننے کی کوشش کی؟ تو پھر سنیں موجودہ حکومت سے قبل جو چوروں اور لٹیروں کا ٹبر ملک پر حکومت کررہا تھا اس نے اس حد تک باہر کے ممالک سے قرضے لیے کہ آج پاکستان اس نہج پر پہنچ چکا ہے جس کی غریب عوام مہنگائی کی چکی میں پس رہی ہے۔

غیر ملکی قرضے لے لے کر باہر اپنی ناجائز جائیدادیں بناتے رہے اور یہاں پاکستان کی غریب عوام کو بےوقوف۔ آج اگر پاکستان میں ہر چھوٹی بڑی چیز پہ ٹیکس لگا ہے تو صرف اس لیے کہ ملک پر چڑھا قرضہ اتارا جاسکے۔

کیونکہ دنیا میں کبھی بھی وہ قوم اور ملک صحیح معنوں میں ترقی نہیں کرسکتا جب تک وہ قرضے کے بوجھ تلے دبا ہو۔ اب خود ہی اندازہ لگا لیں کہ اگر آپ نے اپنی ضروریات پوری کرنے کے لیے کسی غیر سے قرضہ لیا ہو تو کیا آپ کبھی اس شخص کے سامنے کھل کر اس کے خلاف حق سچ بات کہہ سکتے ہیں؟

نہیں کہہ سکتے کیونکہ اس وقت آپ اس کے مقروض ہوتے ہیں۔ یہی صورتحال پاکستان کی ہے۔ اس وقت ضرورت اس امر کی ہے کہ خود تو دو وقت کی روٹی کھا کر بھی گزارا کر لیا جائے لیکن جلد از جلد اپنے ملک کو قرضے کے بوجھ سے آزادی حاصل کروایں۔ اسی وجہ سے حکومت نے جب ہر چیز پر ٹیکس لگایا تو پاکستان مہنگائی سے دوچار ہوا۔

پھر رہی سہی کسر چور مافیا نے پوری کردی۔ اب حکومت کی طرف سے جس چیز کی جتنی قیمت رکھی گئی ہے دکاندار اس سے کہیں زیادہ قیمت میں وہ چیز فروخت کرتے ہیں۔ تو پھر جناب ملک میں بڑھتی مہنگائی کے قصور وار کسی حد تک ہم بھی ہیں جو خاموشی سادھتے ہوئے وہ چیزیں خرید لیتے ہیں بجائے اس کے کہ ان کے خلاف آواز اٹھائی جائے۔

@SeharSulehri