Category: بلاگ

٢٠ سال سے امریکہ،نیٹو سمیت دنیا کی عالمی طاقتیں افغانستان میں طالبان کے خلاف بھرپور طاقت استعمال کرنے کے بعد آخرکار گھٹنے ٹیک گئ اور یہ تسلیم کرلیا کہ امریکہ طالبان کے خلاف جنگ نہیں جیت سکتا اربوں ،کھربوں ڈالر لگاکر امریکہ طالبان کا مقابلہ تو نا کرسکا البتہ امریکا نے جنگ کے نام پر جو تباہی مچائ افغانستان میں اور جس طرح کے حالات پیدا کردیئے گئے اس کے بعد افغانستان کی عام عوام بھی ان عالمی طاقتوں سے تنگ آچکی تھی ،امریکہ نے نام نہاد افغان حکومت قائم کی لیکن اس حکومت کے مفاد شاید افغانستان سے ذیادہ اپنی جائیدادیں بنانے کا تھا اس لئے وہ حکومت بھی افغان عوام کے دل نا جیت سکی ،انڈیا نے بھی موقع کا فائدہ اٹھاکر افغانستان میں اربوں ڈالر کی سرمایہ کاری کی اور افغان سرزمین کو افغان حکومت کی مدد سے پاکستان کے خلاف استعمال کرنا شروع کیا جس کی وجہ سے پاکستان میں بھی دھشتگردی کے واقعات میں اضافہ ہوا جس کا شکوہ کئ بار پاکستان افغانستان سے کرچکا اور عالمی فورم پر انڈین دھشتگردی کے ثبوت پیش کئے ،دوسری طرف پاکستان ہمیشہ سے ہی افغانستان کی عوام کے فلاح و بہبود کے لئے ہر ممکن اقدامات کرتا رہا ،جس کی واضع مثال پاکستان میں مقیم افغان مہاجرین ہیں ،دنیا کی تاریخ میں پاکستان وہ واحد ملک ہے جس نے ۴٠ لاکھ افغان مہاجرین کو نا صرف پاکستان میں پناہ دی بلکہ ان کو وہ تمام بنیادی حقوق دیئے گئے جو کسی عام پاکستانی کو دستیاب ہیں
پاکستان ہمیشہ سے ہی افغانستان میں امن کا خواہاں رہا کیونکہ افغانستان میں امن پاکستان سمیت اس خطے کے لئے بھی نہایت ضروری ہے
لیکن عالمی دنیا نے افغانستان کو ہمیشہ ایک جنگ کا میدان بنائے رکھا جس کا نقصان پورے خطے کو ہوتا رہا اس ساری صورتحال میں جہاں امریکہ جنگ ہارچکا تھا وہیں افغان عوام کا بھی امریکہ اور اپنی افغان حکومت سے اعتماد اٹھ چکا ،جس کا اندازہ امریکہ کے افغانستان سے نکل جانے کے فوری بعد ہوا جب طالبان نے افغانستان کے مختلف صوبوں کی طرف پیش قدمی شروع کی تو جس طرح افغان عوام نے طالبان کو خوش آمدید کہا اس سے واضع ہورہا ہے کہ افغان عوام طالبان سے خوش ہیں اور طالبان کو جب عوامی حمایت حاصل ہوئ تو افغان آرمی نے سرنڈر کرنا شروع کردیا جس کی وجہ سے افغانستان بغیر کسی خانہ جنگی کے پرامن طریقے سے افغان طالبان کے کنٹرول میں آگیا اور افغان صدر سمیت کئ رہنماوں نے راہ فرار اختیار کی
آج افغانستان پر طالبان کا مکمل کنٹرول ہے یوں سمجھیں طالبان نے مکمل طور پر افغانستان کا اقتدار سنبھال لیا
لیکن اس وقت کچھ نام نہاد ممالک اور ہمارے ملک میں موجود لوگ پاکستان پر طالبان کی پشت پناہی کا الزام لگارہے ہیں ،ان الزامات کو پاکستان نے کئ بار مسترد کیا ہے
ایسے نام نہاد لوگوں سے کوئ پوچھے
امریکا ٢٠ سال سے طالبان کے خلاف جنگ کیوں جیت نا سکا؟ افغان فوسز نے ایک دن بھی طالبان سے مزاحمت کیوں نہیں کی؟ ،اقتدارا پر بیٹھے لوگوں نے راہ فرار اختیار کیوں کی؟ اور افغان عوام نے طالبان کا بھرپور استقبال کیوں کیا؟کیا یہ سب کچھ بھی پاکستان کی وجہ سے ہوا؟ کیا پاکستان امریکا سے بھی بڑا سپر پاور ملک ہے؟
پاکستان پر اس طرح کے الزامات لگانے سے بہتر ہے اپنے اپنے گریبان میں جھانکا جائے
افغانستان میں طالبان حکومت کے پیچھے کوئ اور طاقت نہیں بلکہ افغان عوام کھڑی ہے اور پاکستان ہمیشہ افغان عوام کی رائے کا احترام کرتا تھا کرتا رہے گا

جب سے کرونا وائرس کی صورتحال پیش آئی ہے دو رویے ہیں جو سامنے آئے ہیں۔ مذہبی لوگ اس کو خدا کی آزمائش قرار دے کر لوگوں کو اللہ کی طرف رجوع کرنے کے لیے مائل کر رہے ہیں۔ اور جو غیر مذہبی لوگ ہیں وہ اس کا سائنسی طور پر علاج تلاش کرنے میں لگے ہوئے ہیں۔ اس طرح کی صورتحال میں لوگوں کو کیا کرنا چاہیے، اللہ کی طرف رجوع کرنے کے لیے مائل کرنا چاہیے یا پھر اس صورتحال سے نمٹنے کے لیے کوئی علاج ڈھونڈنا چاہیے؟
میرے حساب سے بندہ مومن کو ان دونوں طریقوں پر عمل کرنا چاہیے۔ مجھ پر انفرادی طور پر جب کوئی تکلیف آتی ہے تو میرے مذہب نے مجھے یہ تعلیم دی ہے کہ مجھے اس کی تدبیر تلاش کرنی چاہیے۔ آپ یہ دیکھتے ہیں کہ انسان کو کوئی تکلیف یا بیماری ہو تو دور دراز دیہات کے لوگ بھی مریض کو چارپائی پر اُٹھا کر ہسپتال تلاش کرتے پھر رہے ہوتے ہیں۔
مسلمانوں کو بھی اس طرح کی صورتحال میں اس بیماری کا علاج تلاش کرنا چاہیے۔ جو چیزیں دریافت ہو جائیں ان کو تدبیر کے طور پر اختیار کرنا چاہیے۔ یہ چیز خود ہمارے مذہب کی سیکھائی ہوئی ہے۔ ہم کسی ایسے مذہب کے ماننے والے نہیں ہیں جو کوئی جادو منتر کی چیزیں سکھاتا ہو۔ مجھے نہیں معلوم کے جو لوگ اپنا نقطہ نظر مذہب پر تنقید میں بیان کرتے ہیں انہوں نے یہ چیز کہاں سے سنی اور پڑھی ہے۔قرآن مجید اور حضرت محمد ﷺ کی تعلیمات اس سب سے خالی ہیں۔ یعنی ہم تو بالکل سائنسی ذہن رکھنے والے لوگ ہیں۔
جب بھی کوئی تکلیف آئے گی، مصیبت آئے گی یا دنیا میں کوئی معاملہ ہو گا تو سب سے پہلے جو ہمیں تعلیم دی گئی ہے وہ یہ ہے کہ ہم اپنی عقل استعمال کریں گے اور تدبیر کریں گے۔ یعنی یہ ہمارا مذہب ہے جس نے ہمیں تعلیم دی۔ آپ سورۃ یوسف دیکھیں، وہاں یہ ہدایت کی گئی کہ ایک قحط آنے والا ہے۔ اس کے لیے ایک خواب دکھایا گیا کہ یہ اہتمام کرنا ہے۔ خدا کے پیغمبر نے یہ تدبیر دی اور غلہ محفوظ کیا گیا۔
اس میں کوئی دعا نہیں کی گئی یا کوئی جنتر منتر نہیں کیا گیا بلکہ تدابیر بتائی گئی ہیں۔ یہ تدابیر ہماری مذہبی تعلیم اور مذہبی شعور کا حصہ ہیں۔ ہمیں کہیں یہ تعلیم نہیں دی گئی کہ ایک طرف اگر لوگ علاج کر رہے ہیں تو دوسری طرف اطمینان کے ساتھ بیٹھ کے کوئی منتر پڑھ لیا جائے۔
دوسری بات، یہ جو بیماری یا تکلیف آتی ہےاس کے بھی دو پہلو ہیں۔ یعنی ایک اس کا سائنسی پہلو ہے کہ یہ کن اسباب سے آئی ہے،ان اسباب کو پیدا کرنے میں میرا اورآپ کا کیا دخل ہے، غلطی کہاں ہوئی ہے۔ تو اس میں ہمارا رویہ یہی ہونا چاہیے کہ ہم اس غلطی کو تلاش کریں اور اس کو ٹھیک کریں۔
لیکن دوسری جانب ہمیں یہ تعلیم بھی دی گئی ہے کہ یہ جو کچھ بھی ہوتا ہے یہ اس مالک کی طرف سے ہوتا ہے، اُس کے علم سے ہوتا ہے۔ اور ہم نے اس کی بارگاہ میں حاضر بھی ہونا ہے۔ اور یہ بھی بتایا گیا ہے کہ یہ وہ کیوں ہونے دیتا ہے۔ یعنی وہ ہماری غلطیوں کے باوجود اس پر قدرت رکھتا ہے کہ اس کو روک دے، وہ اس کائنات کا خالق ہے۔ عذاب کا دروازہ تو آپﷺ کے بعد بند ہو گیا تھا، لیکن اس نے اپنی کتاب میں ہمیں یہ تعلیم دی ہے کہ وہ یہ سب تنبہ کے لیے کرتا ہے۔ یہ ہمیں ہمارے گناہوں کی طرف متوجہ کرتی ہے،خدا کی یاد دہانی کرواتی ہے۔ اس وقت بھی اگر آپ دیکھیں تو اس وباء (کرونا وائرس) نے ہم مسلمانوں کو خدا یاد کروایا ہے۔بلکہ پوری دنیا کو یاد کروا دیا ہے۔لوگ اب دعائیں کرنے لگے ہیں، تو یہ وہ تنبہ کا پہلو ہے۔ اللہ نے یہ دنیا بنائی ہی اس طریقے سے ہے کہ اس کا مطلب یہ نہیں ہے کہ یہ ایک تنبہ ہے اور ہمیں اطمینان سے بیٹھ جانا چاہیے۔ ہمیں وہ سب کام کرنے ہیں جو اس سے نجات حاصل کرنے کے لیے ضروری ہیں۔ اگر ہم نہیں کریں گے تو پھر اللہ کے قانون کے مطابق یہ تنبہ بہت بڑی سزا بن جائے گی۔ دنیا میں جو ہمیں علم دیا گیا ہے، عقل دی گئی ہے اس کا استعمال نہ کرنا بھی بُرے نتائج کاذریعہ بن جاتا ہے۔
ہمارے دین کی یہی تعلیم ہے، اس لیے اس صورتحال میں ہمیں تدبیر کرنی چاہیے اس کے بعد اپنی تمام تدبیروں کی کامیابی کے لیے اپنے رب سے دعا کرنی چاہیے۔ اور یہی ایک مومن انسان کا رویہ ہونا چاہیے۔
twitter.com/iamAsadLal
@iamAsadLal

افغانستان میں ایک بار پھر سے عالمی طاقت کے تکبر کو ، رعونت کو اور اس کے غرور کو خاک میں ملا دیا گیا ہے ۔ امریکا جو ناٹو کو لے کر جدید ترین اسلحہ و ٹیکنالوجی سے آراستہ ہوکر میدان میں اترا تھا اور افغانستان کے باسیوں کو پتھر کے دور میں بھیجنے کے درپے تھا ۔ لمبے عرصے تک طالبان سے نبرد آزما رہا اور علاقوں پر علاقے قبضے میں کرتا رہا ۔ بدنام زمانہ تشدد کیا گیا ، جدید ترین اسلحہ بنا کر اہل افغانستان پر آزمایا گیا ۔ طالبان نے ایک ایسی جنگ کی داغ بیل ڈالی جس نے امریکا کو شروع میں باور کروایا کہ وہ جیت رہا ہے اور پھر گزرتے وقت کے ساتھ طالبان حاوی ہوتے رہے ۔ امریکا اپنے سپاہی ، اپنا مال و زر ، اپنی ٹیکنالوجی اور اپنے تعلقات کو استعمال کرتا رہا ۔ ہم ساے میں پاکستان ہونے کی وجہ سے سب سے زیادہ دباو پاکستان کو برادشت کرنا پڑا۔ دہشت گردی کا سب سے دکھ اہل پاکستان نے جھیلا۔ افغانستان کی آڑ میں دہشت گردانہ گروپ بھارت و دیگر ملکوں نے متحرک کیے اور انھیں پاکستان بھر میں پھیلا دیا جس سے ہزاروں کی تعداد میں شہداء کے خون نے پاکستان کی زمین سیراب کردیا۔ میرے تجزیے کے مطابق پاکستان شروع میں تو رسمی طور پر اس سارے مسئلے میں شامل ہوا اور پھر جب بھارت نے دل چسپی لینی شروع کی تو پاکستان نے مکمل تیاری کے ساتھ میدان میں اپنے کھلاڑی پھیلا دئیے ۔ اس وقت اگر کابل میں طالبان قابض ہیں تو جہاں طالبان کی فتح ہے وہی پر پاکستان نے بھارت کو بھی شکست دی ہے وہ جو افغانستان میں قونصل خانے بنا کر پاکستان میں من پسند افراد کو سپورٹ فراہم کرتا تھا ، ناکام و نامرادہوا ہے ۔

امریکا کی طرف سے افغان فوج کو جدید اسلحہ اور تربیت کی خاطر ایک سو ارب ڈالر سے زائد کی رقم خرچ کی گئی تھی ۔ افغان نیشنل گارڈز کو جدید ترین اسلحہ سے مسلح کیا گیا جو کہ طالبان کے سامنے بھیگی بلی بن چکے ہیں ۔ طالبان کے سامنے شاید ہی افغان فورسز کا کوئی کمانڈر ٹھہر پایا ہو ۔ جب امریکا نکلا اور پیچھے صرف افغان فورس رہ گئی تو اصل کھیل شروع ہوا جس کا طالبان کو عرصہ دراز سے انتظار تھا ۔ افغان حکومت امریکا و ناٹو کی بیساکھیوں کے سہارے تھی جب وہ ہاتھ سے نکلیں تو حکومت مہینہ بھی نہ نکال پائی ۔ وار لارڈ دوستم سمیت بڑے بڑے نام افغانستان سے راہ فرار اختیار کرکے دیار غیر میں پناہ گزین ہوچکے ہیں۔ اشرف غنی کی حکومت کے پاس سواے فضائی حملوں کے کوئی بھی قابل ذکر ہتھیار نہ تھا ۔ جیسے جیسے طالبان قابض ہوکر صوبوں کا انتظام سنبھالتے گئے ویسے ویسے غنی انتظامیہ کے ہاتھ سے بہت کچھ نکلتا گیا ۔ طالبان اس وقت کابل میں صدارتی محل میں بیٹھ چکے ہیں اور اپنی حکومت قائم کرنے کا عندیہ دے چکے ہیں ۔ اس وقت کے طالبان تجربہ کار و منجھے ہوے کھلاڑی ہیں ۔ گو سفارت کاروں کی اکثریت اپنے اپنے ملک واپس جارہی ہے لیکن اندرون خانہ طالبان سے سبھی کے روابط ہیں ۔ بھارت تو گدھے کے سر سینگ کی طرح غائب ہوا ہے اس کا کچھ اتا پتا نہیں مل رہا ۔ چین اور روس سمیت کچھ ممالک نے اپنے سفارت کار افغانستان میں رکھنے کا فیصلہ کیا ہے ۔ چین نے طالبان کے ساتھ تعلقات کو بہتر کرنے اور انھیں مستقل بنیادوں پر استوار کرنے کا فیصلہ کیا ہے اور اگر چین ایسا کرتا تو دیگر ممالک بھی اس کی تقلید کریں گے ۔ یہ پہلی کڑی ہوگی جو ان کی حکومت کو تسلیم کرنے کی راہ ہموار کرے گی۔
طالبان نے جہاں کابل کو گفت و شنید حاصل کرکے اپنے سیاسی تدبر کا مظاہرہ کیا ہے وہی بڑی خون ریزی سے بھی اہل وطن کو بچا لیا ہے ۔ طالبان کی طرف سے عام معافی کا اعلان ہوچکا ہے اور سوشل میڈیا پر وائرل تصاویر کے مطابق کابل میں امن و سکون ہے بلکہ ایک ویڈیو کے مطابق تو اہل کابل نے طالبان کا استقبال کیا ہے اور طالبان نے بھی داخلے کے فوری بعد نظم و نسق کو بہتر بنانے اور چوری چکاری کو روکنے کی کوششیں شروع کر دی تھیں ۔ ملا عبدالغنی برادر دوحا سے کابل پہنچ گئے ہیں اور طالبان کی طرف سے امریکی مفادات پر حملے بھی نہیں ہوے جس کا مطلب ہے کہ دونوں طرف سے معاہدوں کی پاسداری کی جارہی ہے ۔ بہرحال بات یہ ہے کہ امریکا لاکھ کوششوں کے باوجود طالبان کو ختم کرنے میں ناکام رہا ہے اور طالبان نے لمبے عرصے تک جدوجہد کرتے ہوے پھر سے کابل میں واپسی کو یقینی بناکر ثابت کردیا ہے کہ اگر نیت خالص ہو ، عمل پیہم ہو اور جہد مسلسل ہو تو کچھ بھی ناممکن نہیں ۔ سب سے بڑی غلطی جو امریکا سے ہوئی ہے وہ انخلا کے وقت سیاسی سیٹ اپ کا تشکیل نہ دیا جانا تھا ۔ اقتدار میں اس وقت طالبان مضبوط قدم جما چکے ہیں اور ایسے میں افغانستان میں ایک بار پھر سے امن کا خواب شرمندہ تعبیر ہوتا دکھائی دے رہا ہے ۔ اگر یہ ممکن ہوتا ہے تو پاکستان میں 30 لاکھ کے قریب افغان مہاجرین کی واپسی بھی ممکن ہوسکے گی ۔ اس وقت ضرورت ہے کہ پاکستان سمیت افغانستان کے خیر خواہ ممالک جن میں چین بھی شامل ہے کو بدخواہوں پر نظر رکھیں ۔ سازشی ٹولہ مختلف حیلوں بہانوں سے امن کی چادر اوڑھتے افغانستان کو دہشت زدہ کرسکتا ہے ۔ طالبان کے جذبات کو برانگیختہ کرنے کے لیے کچھ بھی ممکن ہے ۔ بھارت اپنی لازمی کوشش کرے گا کہ وہ کچھ الٹا سیدھا کرکے پاکستان کو بدنام کرے لیکن ہمیں اس سارے معاملے میں چوکنے رہنا ہوگا۔ افغانستان افغانیوں کا ہے اور اس پر انھیں کی حکومت ہونی چاہیے جو بغیر کسی بیرونی دباو کے اپنے فیصلے کرنے پر قادر ہو ۔

‏
کیسی جگہ پر رہنے والے
افراد کی ایسی آبادی ہو جو اس اصول پر آپس میں رہائش پزیر ہوں کہ ان کے مفادات مشترک ہوں.
اس آبادی کے ﺍﻓﺮﺍﺩ ﮐﮯ ﺍﯾﮏ ﺍﯾﺴﮯ ﮔﺮﻭﮦ ﮐﻮ ﮐﮩﺎ ﺟﺎﺗﺎ ﮨﮯ ﮐﮧ ﺟﺴﮑﯽ ﺑﻨﯿﺎﺩﯼ ﺿﺮﻭﺭﯾﺎﺕ ﺯﻧﺪﮔﯽ ﻣﯿﮟ ﺍﯾﮏ ﺩﻭﺳﺮﮮ ﺳﮯ ﻣﺸﺘﺮﮐﮧ ﺭﻭﺍﺑﻂ ﻣﻮﺟﻮﺩ ﮨﻮﮞ ﺍﻭﺭ ﻣﻌﺎﺷﺮﮮ ﮐﯽ ﺗﻌﺮﯾﻒ ﮐﮯ ﻣﻄﺎﺑﻖ ﯾﮧ ﻻﺯﻣﯽ ﻧﮩﯿﮟ ﮐﮧ ﺍﻧﮑﺎ ﺗﻌﻠﻖ ﺍﯾﮏ ﮨﯽ ﻗﻮﻡ ﯾﺎ ﺍﯾﮏ ﮨﯽ ﻣﺬﮨﺐ ﺳﮯ ﮨﻮ۔ ﺟﺐ ﮐﺴﯽ ﺧﺎﺹ ﻗﻮﻡ ﯾﺎ ﻣﺬﮨﺐ ﮐﯽ ﺗﺎﺭﯾﺦ ﮐﮯ ﺣﻮﺍﻟﮯ ﺳﮯ ﺑﺎﺕ ﮐﯽ ﺟﺎﺗﯽ ﮨﮯ ﺗﻮ ﭘﮭﺮ ﻋﺎﻡ ﻃﻮﺭ ﭘﺮ ﺍﺳﮑﺎ ﻧﺎﻡ اس جگہ پر رہنے والوں ﮐﮯ ﺳﺎﺗﮫ ﺍﺿﺎﻓﮧ ﮐﺮﺩﯾﺎ ﺟﺎﺗﺎ ﮨﮯ ﺟﯿﺴﮯ ﮨﻨﺪﻭستان کانام سنتے ہی دماغ میں آجاتا ہے یہ جگہ ہندوؤں کے رہنے کی جگہ ہے۔ یورپی ممالک کے ناموں کو سن کر فوری معلوم ہو جاتا ہے یہ ممالک عیسائی یا یہودی ہیں ۔ﺍﺳﻼﻣﯽ ممالک کے نام سے ﺍﺳﻼمی ممالک معلوم ہو جاتے ہیں۔ یہ الگ بات کے کہ ان مسلم ممالک میں کتنا اسلام نظام قائم ہے۔ دین اسلام نے ﺑﻨﯿﺎﺩﯼ ﺿﺮﻭﺭﯾﺎﺕ ﺯﻧﺪﮔﯽ اور آپسی محبت ﮐﻮ ﻣﺰﯾﺪ ﺑﮍﮬﺎ ﮐﺮ ﺑﮭﺎﺋﯽ ﭼﺎﺭﮮ ﺍﻭﺭ ﻓﻼﺡ ﻭ ﺑﮩﺒﻮﺩ کی تمام تر ذمے داری سب پر لاگو کر دی۔ ﻗﺮﺁﻥ ﮐﯽ ﺳﻮﺭۃ ﺁﻝ ﻋﻤﺮﺍﻥ ﻣﯿﮟ ﺁﯾﺖ 110 ﻣﯿﮟ ﺍﺳﯽ ﺗﺼﻮﺭ ﮐﯽ ﺍﯾﮏ ﺟﮭﻠﮏ ﺩﯾﮑﮭﯽ ﺟﺎﺳﮑﺘﯽ ﮨﮯ ﮐﮧ زندگی گزانے کے اصول کے سے ﮨﻮنے ﭼﺎﮨﯿﮱ، ﺗﺮﺟﻤﮧ : ۔۔۔۔۔ ﺗﻢ ﺍﭼﮭﮯ ﮐﺎﻣﻮﮞ ﮐﺎ ﺣﮑﻢ ﺩﯾﺘﮯ ﮨﻮ ﺍﻭﺭ ﺑﺮﮮ ﮐﺎﻣﻮﮞ ﺳﮯ ﻣﻨﻊ ﮐﺮﺗﮯ ﮨﻮ۔۔۔۔۔ ﺍﺱ ﻗﺮﺁﻧﯽ ﺗﺼﻮﺭ ﺳﮯ ﺍﯾﮏ ﺍﯾﺴﺎ بنیادی اصول سامنے رکھ دیا جیسے ہم کو کبھی بھولنا نہیں چاہیے۔ اس حکم خداوندی سے ہر ﺟﺎﻧﺐ ﺭﺍﮦ ﮐﮭﻠﺘﯽ ﮨﮯ ﮐﮧ ﺟﮩﺎﮞ بھی آپ رہیں اس ﮐﮯ ﺑﻨﯿﺎﺩﯼ ﺗﺼﻮﺭ ﮐﮯ ﻣﻄﺎﺑﻖ ﺗﻤﺎﻡ ﺍﻓﺮﺍﺩ ﮐﻮ ﺑﻨﯿﺎﺩﯼ ﺿﺮﻭﺭﯾﺎﺕ ﺯﻧﺪﮔﯽ ﺑﮭﯽ ﻣﯿﺴﺮ ﮨﻮﮞ ﺍﻭﺭ ﺫﮨﻨﯽ ﺁﺳﻮﺩﮔﯽ ﺑﮭﯽ۔ ﺍﻭﺭ ﮐﺴﯽ ﺑﮭﯽ ﺍﻧﺴﺎن ﮐﻮ ﺍﺱ ﻭﻗﺖ ﺗﮏ ﺍﯾﮏ ﺍﭼﮭﺎ ﻣﻌﺎﺷﺮﮦ ﻧﮩﯿﮟ بن سکتا۔ مسلم سریف کی صحیح روایت میں ہے کہ اللہ تعالی ”شہید“ کا ہر گناہ معاف کردے گا سوائے دَین اور قرض کے۔ یغفر للشہید کل ذنب إلا الدین (رقم: ۱۸۸۹) اسی طرح مشکات شریف میں ہے کہ اللہ تعالی غیبت کرنے والے کی تب تک بخشش نہیں کرے گا جب تک وہ شخص اسے معاف نہ کردے جس کی اس نے غیبت کی ہے۔ وإن صاحب الغیبة لایغفر لہ حتی یغفرہا لہ صاحبہ (مشکات، رقم: ۴۸۷۴)
ہم لوگ ﺟﺐ ﺗﮏ ﮨﺮ اک ﻓﺮﺩ ﮐﻮ ﻣﺴﺎﻭﯼ ﺍﻧﺴﺎﻥ ﻧﺎ ﺳﻤﺠﮭﺎ ﺟﺎﮰ، ﺍﻭﺭ ﺍﯾﮏ ﮐﻤﺰﻭﺭ ﮐﻮ ﺑﮭﯽ ﻭﮨﯽ ﺍﻧﺴﺎﻧﯽ ﺣﻘﻮﻕ ﺣﺎﺻﻞ ﮨﻮﮞ ﺟﻮ ﺍﯾﮏ ﻃﺎﻗﺘﻮﺭ ﮐﮯ ﭘﺎﺱ ﮨﻮﮞ، ﺧﻮﺍﮦ ﯾﮧ ﮐﻤﺰﻭﺭﯼ ﻃﺒﯿﻌﯽ ﮨﻮ ﯾﺎ ﻣﺎﻟﯿﺎﺗﯽ ﯾﺎ ﮐﺴﯽ ﺍﻭﺭ ﻗﺴﻢ ﮐﯽ۔
مغرب ممالک میں اور مشرقی مممالک میں بھی وومن ڈے کو اس طرح سے پیش کیا جاتا ہے جیسے کو جنگ ہو رہی ہے خواتین کے حقوق کی بات کرنے والے گروہ میری نظر میں وہ اسلامی فوبیا کے شکار ہیں وہ احساس کمتری میں اس طرح سے ڈوب چکے ہیں کے اسلام نے جو حقوق عورت کو دیئے ہیں وہ حقوق ان لوگوں نے نہیں دیئے۔ مغربی ممالک میں عورت کا جاب کرنا بے حد ضروری ہے۔
2012 کے ایک غیر جانبدارانہ جائزہ کے مطابق یورپ میں 14 فیصد خواتین کو دوران ملازمت محض عورت ہونے کی بنا پر تعصبات کا نشانہ بننا پڑا۔
جرمنی میں خواتین پر جنسی تشدد اور ہراسانی کی شرح 58 فیصد ہے ، جب کہ پولینڈ میں ایک تحقیقی جائزہ میں حصہ لینے والی 451 خواتین میں سے 88 فیصد پندرہ سال کی عمر کے بعد کسی نہ کسی شکل میں جنسی ہراسانی اور تشدد کا شکار رہیں ۔ ہالینڈ میں ہراسانی کے حوالہ سےگیارہ سو خواتین سے جمع کردہ معلومات کی روشنی میں دن کی روشنی میں گلیوں اور بازاروں میں 94 فیصد خواتین ہراسانی کا شکار ہوئیں۔
انڈیا میں گزشتہ دنوں درجنوں مسلمان خواتین یہ جان کر حیران رہے گئیں کہ ان کے نام آن لائن پر قابل فروخت خواتین کی فہرست میں ڈال دیئے گئے ہیں۔
سولی ڈیلز’ کے ایپ اور ویب سائٹ کو دیکھکر جس میں خواتین کی تصاویر اور ان کے ‘پروفائز’ یا نجی معلومات کو عام کیا اور انھیں ‘ڈیلز آف دی ڈے’ بنا کر پیش کیا گیا ہے انڈیا میں مسلم خواتین کا یہ کہنا ہے کے کچھ گروہ یہ کام مسلم خواتین کو ہراساں کرنے کے لیے یہ کام کرتے ہیں ۔۔ ہمارے پاکستان میں لبرل کلچر والی خواتین کھانا نہیں بناوں گی جوتے نہیں بتاوں گی کپڑے نہیں دھوں گی وغیرہ وغیرہ پر بے وجہ کی دھونس جماتی نظر آتی ہیں ۔۔اللہ ربالعزت ہم سب کو ہدایت عطا فرمائے آمین ۔۔
۔ ‎@MSA47

پاکستان نے پہلے دن سے دنیا پر زور دیا ہے کہ افغان امن طالبان کے ساتھ مذاکرات میں مضمر ہے اور کسی بھی فریق کی طرف سے طاقت کا استعمال ، چاہے وہ طالبان ہو یا کابل حکومت،افغان امن عمل کو نقصان پہنچائے گا۔

افغان جنگ جو کہ امریکی افواج نے طالبان کے خلاف قریباۤ 20 سال تک نیٹو کی چھتری تلے لڑی جو کہ دنیا کا سب سے بڑا فوجی اتحادہے، ابھی تک نتیجہ بالکل مختلف ہے جس کی امریکی اور دنیا نے پہلے کبھی توقع نہیں کی تھی۔

یہ لڑائی امریکہ میں 9/11 کے المناک واقعہ کے بعد اس وقت کی امریکی حکومت نے مبینہ طور پر اسامہ بن لادن پر الزام لگایا کہ اس نے اس حملے کی منصوبہ بندی طیارے ہائی جیک کرنے کے بعد کی ہے۔ اس وقت اسامہ بن لادن افغانستان میں رہ رہے تھے ، جہاں افغان طالبان حکومت میں تھے اور ملا عمر اقتدار سنبھالے ہوے تھے۔ امریکہ نے اس وقت کی افغان طالبان حکومت سے اسامہ بن لادن کو امریکہ کے حوالے کرنے کو کہا۔ اور دھمکی دی کہ بصورت دیگر افغانستان کا مستقبل خطرے میں پڑ جائے گا۔

طالبان حکومت نے ایک اجلاس کے بعد متفقہ طور پر پریس ریلیز جاری کیا کہ وہ تحقیقات اور تفتیش کے حوالے سے امریکی حکومت کی مدد کے لیے ہر طرح سے تیار ہیں۔ تاہم ، وہ اسامہ بن لادن (ان کے مہمان) کو امریکہ کے حوالے نہیں کریں گے ، اور یہ کہ وہ کوئی ڈکٹیشن نہیں لیں گے۔

بش حکومت نے طالبان کی اس پیشکش کو قبول نہ کیا اور امریکی عوام کے پرزور مطالبے پر نیٹو افواج نے افغانستان میں داخل ہو کر طالبان حکومت کے خلاف لڑائی شروع کر دی، شدید لڑائی کے بعد طالبان کی حکومت منہدم ہو گئی۔ امریکہ نے اپنی مرضی کی حکومت کو مقرر کر دیا جسکے بعدافغانستان میں امریکی حمایت یافتہ حکومتوں کے اقتدار میں آنے کا یہ عمل 2021 تک جاری رہا۔

نیٹو افواج جدید بندوقوں ، ہیلی کاپٹروں ، طیاروں ، بموں اور جدید ٹیکنالوجی سے لڑتی رہی لیکن کوئی بھی چیز نیٹو افواج اور امریکہ کو براہ راست اپنے مقاصد کے حصول میں مدد نہیں دے سکی جس کے بارے میں وہ سوچ رہے تھے۔

طالبان اور نیٹو افواج دونوں کو بہت زیادہ نقصان اٹھانا پڑا ، لاکھوں افغانی ہلاک ہوئے ، لاکھوں لوگ پاکستان ، ترکی ، ایران اور دیگر پڑوسی ممالک میں ہجرت کر گئے۔ افغانیوں کی میزبانی کرنے والے سرفہرست ممالک بالترتیب پاکستان اور ترکی تھے۔ اس افغان جنگ کے دوران پاکستان نے تقریباِۤ 80 ہزار افراد اور اربوں ڈالر کی معیشت کھو دی۔ افغانستان میں انفراسٹرکچر تباہ ہوگیا اور غربت غالب آئی۔

تاہم ، پاکستان نے ہمیشہ بین الاقوامی برادری اور اہم سٹیک ہولڈرز امریکہ اور نیٹو ممالک کو طالبان کے ساتھ امن مذاکرات کرنے پر زور دیا اور اس بات پر روشنی ڈالی کہ یہ جنگ افغان عوام کی بالکل مدد کیوں نہیں کر رہی۔ اس کے بجائے ، ہر گزرتے دن کے ساتھ سراسر نقصان ہوتا ہے۔ افغانستان میں امن لانے کا واحد حل ان طالبان سے مذاکرات کرنا ہے جو افغانی بھی ہیں اور افغانستان میں بڑے پیمانے پر زمین پر ان کا کنٹرول بھی ہے۔

مزاکرات کے ذریعے افغان امن عمل کے حوالے سے پاکستان کی بلند آواز کے باوجود ، دنیا نے پاکستان کے بیانیے کو نظر انداز کرتے ہوئے صرف یہ کہا کہ طالبان دہشت گرد ہیں اور نیٹو افواج انہیں آسانی سے ختم کردیں گی۔ لیکن ٹرمپ حکومت کے دوران امریکہ نے اپنی پالیسی تبدیل کی اور افغانستان اور اس طرح کے دیگر متنازع ممالک سے اپنی فوجیں واپس بلانے کا ارادہ کیا ، انہوں نے مزید کہا کہ امریکہ تنازعات میں کھربوں ڈالر خرچ کرنے کے بجائے اپنی معیشت پر توجہ دے گا۔ ٹرمپ نے اس پالیسی کو اس وجہ سے تبدیل کیا کہ چین ایک نئی معاشی سپر پاور کے طور پر ابھر رہا ہے جو آنے والے برسوں میں امریکہ کو پیچھے چھوڑ دے گا۔

ٹرمپ انتظامیہ نے طالبان قیادت سے بات چیت شروع کی اور افغانستان سے اپنی افواج کے انخلا پر رضا مندی ظاہر کی۔ پاکستان نے ٹرمپ انتظامیہ کے فیصلے کا خیرمقدم کیا اور یقین دلایا کہ پاکستان طالبان پر اپنا اثر و رسوخ استعمال کرے گا تاکہ وہ افغان امن عمل کے حوالے سے بات چیت کے لیے میز پر لائیں۔ یہ مذاکرات دوحہ میں 2013 میں شروع ہوئے ، جہاں حامد کرزئی (افغانستان کے سابق صدر) ، امریکی نمائندے اور طالبان قیادت نے شرکت کی۔ تاہم ، یہ ملاقات حامد کرزئی نے صرف اس لیےمنسوخ کر دی کیونکہ طالبان نے اپنے "اسلامی امارت افغانستان” کے جھنڈے کو اس دفتر پر لگایا تھا جہاں یہ ملاقات ہونی تھی۔

طالبان نے کئی مہینوں تک اپنا دفتر بند رکھا اور مذاکرات ملتوی رہے۔ پاکستان پرامن مذاکرات کی اہمیت کے لیے آواز بلند کرتا رہا۔ 2016 میں پاکستان ، چین اور امریکہ نے افغان امن عمل پر تبادلہ خیال کے لیے ایک اجلاس منعقد کیا اور پاکستان نے اس اجلاس کی صدارت کی۔

پھر دسمبر 2019 میں ، دوحہ میں ، طالبان قیادت اور امریکہ نے افغان امن عمل کے معاہدے پر دستخط کیے جس میں تقریبا 6 ماہ لگے۔ امریکہ نے ستمبر 2021 کے اختتام تک اپنی افواج کو مکمل طور پر واپس بلانے کا فیصلہ کیا ، ان شرائط کو شامل کرتے ہوئے کہ طالبان اس انخلا کے دوران نیٹو افواج پر حملہ نہیں کریں گے۔ دونوں طرف سے مکمل جنگ بندی ہوگی۔ 2019 سے 2021 کے دوران اس وقت کے دوران اتار چڑھاؤ آئے۔ تاہم ، امریکہ نے اپنے ہزاروں فوجی واپس بلا لیے ، بگرام ایئر بیس کو خالی چھوڑ دیا۔ امریکیوں نے رات کے وقت بگرام ایئربیس چھوڑ دیا اور یہاں تک کہ ا پنی حمایت یافتہ افغان حکومت کو اطلاع کرنے کی زحمت بھی گوارانہ کی جس پر اشرف غنی انتظامیہ نے تحفظات کا اظہار کیا۔

طالبان نے امریکی افواج کی واپسی کا خیر مقدم کیا ۔ تاہم ، اس کے ساتھ ہی طالبان نے افغانستان کے اضلاع ، صوبوں اور اہم عمارتوں پر قبضہ کرنے کے لیے پیش قدمی شروع کر دی جس نے عالمی برادری کو حیران کر دیا تاہم ، بائیڈن انتظامیہ نے اس ساری صورتحال سے یہ کہہ کر گریز کیا کہ افغانستان کے پاس 0.3 ملین فوج ہے جو دیرپا جنگی سازوسامان رکھتی ہے اور وہ طالبان کو ملک پر کنٹرول نہیں ہونے دے گی۔ لیکن حالیہ تازہ کاروایاں دنیا کو بتاتی ہیں کہ افغان فوج ایک کے بعد ایک تمام صوبوں اور شہروں میں ہتھیار ڈال رہی ہے اور قیادت نے محفوظ راستے کے لیے پڑوسی ممالک کی طرف بھاگنا شروع کر دیا ہے۔

دوسری طرف ، جب طالبان قیادت اور طالبان کے فوکل پرسن ذبیح اللہ مجاہد سے ان کی پیش قدمی اور افغان سرزمین پر قبضے کے بارے میں پوچھا گیا تو انہوں نے کہا کہ جنگ بندی کا معاہدہ امریکہ کے ساتھ تھا نہ کہ کابل حکومت کے ساتھ ۔ مزید یہ کہ طالبان کابل حکومت کے ساتھ مذاکرات کے لیے تیار ہیں لیکن اس شرط کے ساتھ کہ اشرف غنی پہلے مستعفی ہو۔

اب دنیا افغانستان میں طاقت کا کھیل دیکھ رہی ہے جب طالبان نے تمام بڑے شہروں ، اہم صوبوں ، بشمول ہرات ، قندھار ، کنڑ ، اور مزار شریف کے ساتھ ساتھ پڑوسی ممالک سے ملحقہ سرحدوں پر بھی قبضہ کر لیا ہے۔

طالبان اب کابل میں داخل ہو چکے ہیں۔ اشرف غنی نے استعفیٰ دے کر حکومت کے حوالے کرنے کا فیصلہ کیا ہے۔ دوحہ میں معاہدے کے بعد طالبان کو بیشتر عہدیدار افغانستان چھوڑ چکے ہیں جن میں امر اللہ صالح – نائب صدر ، سلامتی کے مشیر محب ، اور خود اشرف غنی شامل ہیں۔

مزید برآں ، افغانستان کے تاجک رہنما صلاح الدین ربانی ، یونس قانونی ، احمد شاہ مسعود کے بھائی احمد ضیاء مسعود ، احمد ولی مسعود ، ہزارہ رہنما استاد محقق ، کریم خلیلی ، استاد عطانور کے بیٹے خالد نور اور افغان قومی اسمبلی کے اسپیکر رحمانی پی آئی اے کے خصوصی طیارے کے ذریعے پاکستان پہنچے۔

یہ صورتحال بہت دلچسپی سے آگے بڑھ رہی ہے کیونکہ طالبان کابل حکومت کی طرف سے کسی مزاحمت کے بغیر آگے بڑھ رہے ہیں۔ اور ایسا لگتا ہے کہ کابل حکومت ختم ہو چکی ہے ، اور جلد ہی افغانستان پر طالبان کا کنٹرول ہو جائے گا۔

تاہم ، یہ سب ان مذاکرات کے ساتھ ہو رہا ہے جن کی پاکستان نے ہمیشہ تاکید کی تھی ، کیونکہ یہ کسی بھی قسم کے تنازع سے بچنے کا بہترین حل ہے جو بصورت دیگر ملک ، اس کے عوام اور افغانستان میں ایک اور نہ ختم ہونے والی جنگ کا آغاز پورے خطہ کو نقصان پہنچائے گا۔ پاکستان امن عمل کی مکمل حمایت کرتا ہے اور مستقبل میں پرامن اور خوشحال افغانستان چاہتا ہے۔

پاکستان ایک پرامن افغانستان چاہتا ہے چاہے کوئی بھی اس وقت کنٹرول کر رہا ہو پاکستان ان لوگوں کے ساتھ ہو گا جنہیں افغان عوام کی اکثریت کی حمایت حاصل ہو گی۔ وزارت خارجہ کا کہنا ہے کہ پاکستان کی پالیسی اب واضح ہے۔ ایک پرامن افغانستان اور حکومت جس کو اکثریتی عوام کی حمایت حاصل ہو نہ صرف پاکستان بلکہ پوری دنیا کے لیے قابل قبول ہو گا۔

مزید یہ کہ ایک پرامن افغانستان علاقائی ترقی کے سا تھ ساتھ چین- پاکستان اقتصادی راہداری (CPEC) کی کامیابی کا ضامن بھی ہے۔