Category: بلاگ

افغان طالبان کا افغانستان کا کنٹرول سنبھال لینے سے ہمارے ملک کو کیا فائدہ ہو گا یا کیا نقصان ہوگا۔طویل عرصہ جنگ کرنے کے بعد دنیا کی طاقتور فوج کو شکست دینے کے بعد ایک بار پھر طالبان مکمل عروج کے ساتھ افغانستان کا کنٹرول سنبھالنے میں خاطر خواہ کامیاب ہو چکے ہیں۔

ہمارے ملک کے لیے بہت ہی خوش آئند بات ہے۔ طالبان کا افغانستان پر مکمل کنٹرول افغانستان میں امن لائے گا بلکہ میں تو کہوں گا کہ پاکستان میں بھی امن لائے گا۔ہمارے روائیتی حریف بھارت کے لئے ایک برا خواب ہے۔جو افغانستان سے ہو کر پاکستان میں دہشتگردی کی کاروائیاں کرواتا تھا۔طالبان کے ہوتے ہوئے تو اب بلکل بھی نہیں کروا پائے گا۔

طالبان نے بھی علان کیا ہے کہ ایک تو عام معافی اور دوسرا کہ ہم اپنے ملک کی سرزمین کسی دوسرے ملک کے خلاف استعمال نہیں ہونے دیں گے۔بھارتی خفیہ ایجنسی را اور افغان ایجنسی این ڈی ایس مل کر جو وطن عزیز میں کاروائیاں کرواتے تھے سرحد پار سے خفیہ اڈوں سے حملے کروا کر ہماری پاک فوج کے جوانوں کو شہید کیا جاتا تھا۔اب پاکستان کو ان سب کاروائیوں سے کافی حد تک نجات ملے گی ان شاء اللہ

افغانستان میں بیٹھ کر عالمی طاقتیں جو دہشتگردوں کی ڈوریں ہلاتی تھی اور ہمارے ملک میں پی ٹی ایم یا اس جیسی دشمن قوتوں کو متحرک کرتی تھی جو پاکستان میں بدامنی اور انتشار پھیلاتی تھی۔افغانستان کا مکمل کنٹرول طالبان کے پاس چلا جائے تو یقینی طور پر پاکستان میں بدامنی اور انتشار پھیلانے والے عناصر کو بھی لگام ڈالی جا سکے گی۔سب سے بڑھ کر تو افغان بارڈر سے جو غیر قانونی تجارت ہوتی تھی اس پر کنٹرول ہو گا۔

ہمارے ہمسایہ اور روائیتی حریف ملک بھارت کی کھربوں کی انویسمنٹ جو کے ہمیں نیچا دکھانے کے لیے کی گئی تھی وہ ضائع ہو جائے گی۔ ہماری طالبان کے ساتھ بھائی چارے والی بات قائم رہی تو ان شاء اللہ سی پیک کو بھی بہت فائدہ ہو گا۔ہم افغانستان کے ذریعے اور افغانستان ہمارے زریعے اپنی معیشت کو نمایاں مقام پر کھڑا کر سکتا ہے۔

طالبان کے کنٹرول کے بعد ہم افغان بارڈر سے بے فکر ہو جائیں اور اپنی باقی سرحدوں کی حفاظت صحیح طریقے سے کر سکیں گے۔بارڈر پار سے اگر دراندازی بند ہو جائے تو پاکستان کو اندرونی معاملات سنبھالنے میں آسان ہو گی۔پورا دن بھارتی چینل اور افغانستان کی بوکھلائی ہوئی اشرف غنی حکومت جو مکمل بھارتی ایجنسی را اور امریکہ کی اشیرواد سے چلتی تھی گزشتہ چند ہفتوں سے سخت بوکھلائی ہوئی تھی۔اور انتہائی اوچھے قسم کے ہتھکنڈے بھی کر رہی تھی۔

اشرف غنی حکومت بار ہا بار افغانستان امن کو سبوتاژ کرتی رہی ہے پاکستان پر طالبان کی مدد کا الزام لگانا اور پھر افغانستان سفیر کی بیٹی کا چھوٹے اغوا کا ڈرامہ رچانہ بھی سازش کا حصہ تھا۔

بہرحال طالبان افغانستان کے فاتح ہیں اور پاکستان کے وزیراعظم عمران خان پہلے ہی یہ بات کہہ چکے ہیں کہ پاکستان ہر اس افغان حکومت کو خوش آمدید کرے گا جس کو وہاں کی عوام منتخب کرے گی۔

ان شاء اللہ پاکستان عمران خان کی قیادت میں تمام سازشوں کے عناصر پر قابو پا لیں گے ۔اللہ پاک ہمارے پیارے ملک کو دشمنوں کی سازشوں سے بچائیں اور مستقبل قریب میں ترقی اور خوشحالی پاکستان اور افغانستان کا مقدر بنیں۔ آمین ثم آمین یا رب العالمین۔

تحریر : راجہ ارشد

@RajaArshad56

‏پاکستان سے باہر آکر اپ دنیا کی ہر سہولت انجوائے کرتے ہو ہر قسم کی آسائش میسر ہوتی ہیں لیکن جب جب پاکستان کے خاص دن ہوتے ہیں دل اداس سا ہوجاتا ہے سچ میں دل بھر بھر آتا ہے چاہے وہ عید کا تہوار ہویا قومی تہوار ۔۔۔شب قدر ہو یا شب برات ۔رمضان مبارک ہو یا پھر 14 اگست ایک ایک واقعہ نظروں کے سامنے ایک فلم کی طرح چلنے لگ جاتا ہے پھر اپنے وطن کی بہت یاد آتی ہے اس معاملے میں شائد میری طرح ہر اوورسیز پاکستانی جذباتی ہوجاتا ہوگا لیکن پاکستان میں رہنے والوں کو کیا پتہ یہ دن کتنے نایاب ہوتے ہیں اوورسیزپاکستانیوں کے لیے ۔۔ بچپن میں شب برات پر ایسے ہی خوشیاں منائی جاتی تھیں جیسے عید پر ۔اور عید پر نئے کپڑوں اور جوتوں کی خوشی ۔اور بےچینی سے صبح کا انتظار کرنا کہ کب صبح ہو اور ہم نئے کپڑے جوتے اور چوڑیاں پہن کر سچ دھج سے سے تیار ہوکر مزیدار سے کھانے انجوائے کریں اب ہر دن بچپن کی عید کے جیسا ہے لیکن وہ سچی خوشیاں ناپید ہوگی ہیں ۔۔!!
14 اگست والا دن بھی میرے لیے کبھی بھی عید کے دن کی خوشی سے کم نہیں ہوا کرتا۔سکول لائف میں 14 اگست کے حوالے سے کافی پروگرامز میں حصہ لیا کرتی تھی دو ہفتے پہلے سے ہی فنکشن کی تیاری شروع کردی جاتی تھی ایک گہماگہمی کا سا ماحول ہواکرتا تھا سکول لائف میں میرے بھائی جان مجھے تقریر کرنے کی پریکٹس گھر میں کروایا کرتے تھے جو میں نے سٹیج پر کرنی ہوتی تھی چودہ اگست کے حوالے سے ۔جو سکول میں فنکشن مرتب کیا ہوتا تھا اور جب سکول کالج سے فری ہوئی تو سلسلہ رکا نہیں بہت محبت سے گھر جھنڈیوں سے سجانا سارا دن بس اپنے وطن کے ترانے سنتے۔ اور گانے میں گزر جاتا تھا ایک کیفت سی دل ودماغ میں چھائی ہوتی تھی اپنے وطن کی محبت میں ۔۔اسے گوروں کا ملک یا پردیس تو نہیں کہوں گی کیونکہ یہاں ہم settled ہیں کافی عرصے سے ۔۔۔ تو یہ بھی میرا وطن ہے جیسے پاکستان ہے ۔۔۔!!تو بات کررہی تھی اپنے مذہبی اور وطن کے تہواروں کی تو ہر سال سوچتی بس اب ایک تہوار تو اپنے وطن جاکر کروں لیکن اتنا انسان اس میٹھی جیل میں آکر قید ہوجاتا ہے کہ چاہ کر بھی وقت نکالنا مشکل ہوجاتا ہے جو لوگ پاکستان رہتے ہیں انھیں شائد احساس ہی نہیں ہوگا کہ اپنا وطن کتنی بڑی نعمت ہے اور اگر تاریخ پڑھیں تو پھر احساس ہوتا ہے کہ ہمارے اباواجداد نے کتنی مشکل سے یہ وطن ہمیں پلیٹ میں سجا کر دیا ہے اللہ کا کروڑ دفعہ شکر کرتے ہیں کہ اس نے ہمیں پیارا پاکستان دیا ہے اللہ میرے وطن کو شاد رکھے دشمن کی میلی آنکھ سے محفوظ رکھے۔۔آمین
وطن سے دور ہونے کی وجہ سے ہم 14 اگست کے حوالے سے منقد تقریبات میں تو شامل نہیں ہوسکتے لیکن سوشل میڈیا الیکٹرونک میڈیا پر ہی ہم اپنی تشنگی کم کرسکتے ہیں سب اوورسیز پاکستانی ۔ملی نغمے سن کر دیکھ کر۔۔۔!!
لوگوں کا جوش وخروش اپنے وطن سے محبت کا انداز ایک نئی امید پیدا کرتا ہے کہ ملک رہے سلامت ۔ ذندہ یار صحبت باقی۔عیدیں تہوار ہزاروں ۔۔!!بہت قومی اور اسلامی تہوار آئیں گے کبھی تو ہم بھی ان میں شامل ہوں گے ان شاءاللہ بس جذبہ سلامت ہونا چاہئیے ۔۔!

موسم میں بڑی گھٹن سی تھی
گرم لو کا راج تھا ہر سُو ،بادل بھی آسمان کو يوں گھیرے تھے جیسے ابھی برسنے کو ہوں مگر مجال ہے جو اتنی ہمت کر
سکے اس گرمی کے آگے تو بےبس ہی ہو جیسے
پھر دل کے موسم کے ساتھ ساتھ جب باہر کا بھی موسم اس قدر پیچیدہ اور گھٹن زدہ ہو تو کیا
كہنے
کئی دنوں سے سرگوشیاں سی چل رہی تھی لوگ کچھ کبھی پُرامید اور کبھی مایوسی کے بھنور میں ڈولتے دکھائی دیتے تھے
کبھی بیٹھے بٹھائے انجانی سی خوشی میں مدھوش ہونے لگتے تو کبھی انجانا سا دُکھ منہ چرانے لگتا
اپنے حقوق کی خودمختاری کا سوچ کر دل شاد ہونے لگتا وہی اپنے گھر اپنی زمین سے الگ ہونے کا غم ستانے لگتا
بڑی ہی عجیب سی کیفیت سے دو چار تھی فضا
ایسے میں خوف کا ہر سُو طاری رہنا
حسد و نفرت میں ڈوبے خیر خواہ بھی دشمن بنے بیٹھے تھے
کئی لوگ بڑے عزیز دل کے قریب سے جن سے بڑا پیارا دل کا تعلق تھا بغیر مذہبی عقیدت کے دلوں میں احترام لیے ساتھ ساتھ رہتے اور اسی طرح سے کئی ایک دوسرے کے خون کے بھی پیاسے
صرف تعصب کی بنیاد پر جان کے دشمن ٹھہرتے
دنیا ہے رنگ رنگ کے لوگ یہاں
زلالت میں گھرے پڑے حق رائے تک کی آزادی سے محروم کچھ اور کچھ نا انصافی کے ڈسے ہوئے
کسی کو اقلیت کی مار تو کوئی اکثریت کے غرور میں اکڑے
بیروزگاری زچ کرنے کی حدوں کو بھی پار کیے ہوئے
اور کہیں عزت غیر محفوظ
تعلیم سے محروم
مذہبی تہواروں کا خون کی ہولی کھیل کے آنا اور کتنے ہی گھروں کا اُجڑ جانا ثابت ہوتا
ایسے میں ایک فرشتہ پرور کا بیڑا پار کرنے کا عزم اور محنت کتنے ہی دُکھی دلوں کی مسکراہٹ کی وجہ بنا
اُمید بنا
ایک انتظار تھا شدید انتظار کہ آج کی صبح کوئی نیا پیغام خوشی کا پیغام لانے کو ہے جیسے
گلی کے ہر ،نکڑ پہ حقا پیتے ہوئے بزرگوں کا ہجوم سا آیندہ دنوں کے تبصرے میں مصروف دکھائی دیتا
بچے آپس میں چپکے چُپکے نئے گھروندے بنانے کے منصوبے بناتے ہوئے سر گرم رہتے
بس کچھ یوں ہی گرم سے دنوں میں گرم گرم سی سر گرمیاں چلنے لگی
با ظاہر آسان دکھائی دینے والا کام انتہا کا مشکل کٹھن لگنے لگا جب الوداع کہنے کا وقت قریب آگیا
بادلوں میں بھی حبس عروج پہ آنے لگا گرم لو میں بھی اضافہ ہونے لگا سورج بھی شدت بھڑائے غروب ہونے کے قریب آگیا
ایسے میں اضطرابی میں مزید اضافہ ہونے لگا
سارا جسم گو کے کان بن کر سننے کی کوشش میں لگ گیا ہو
ہر کوئی بےچین دل اور خالی سی نظروں سے ایک دوسرے کو دیکھنے لگا کہ کہیں سے آزادی کے پروانے کی نوید سنائی دے
کچھ لپیٹے کچھ اٹھائے کچھ چھپائے کچھ چھوڑے ہوئے کسی پکار کے منتظر کھڑے
جیسے کسی اشارے کے ملتے ہی دوڑ پڑے گے اور مڑ کر کبھی نہیں دیکھے گے
اپنی ساری اذیتیں درد دُکھ نکال کے پھینکنے کو ہے قرار
سورج بھی ڈھل گیا
بادل بھی رنگ بدلے سُرخ سا آسمان کیے اور بھی خوف کا منظر پیش کرنے لگا
کچھ لمحوں کا انتظار دل منہ میں کھینچ کر لانے لگا کہ اچانک ہی فضاء میں
صدائے گونجنے لگی
پاکستان کا مطلب کیا
لا اللہ اِلا لا
خوشی کا ایسا منظر
دل دہلانے کو کافی تھا
مارے خوشی کے ہلچل مچ گئی گھروں کے بجائے اسٹیشن کا رخ کیا گیا ایک دوسرے کا ہاتھ تھامے لڑتے مرتے چلتے گئے کتنے ہی محبت کرنے والے بچھڑ گئے کتنے ہی اپنے قربان ہوتے چلے گئے مگر قافلہ چلتا رہا کارواں بنتا گیا
آزادی جیسی نایاب نعمت کو پا کر مسرور ہوئے خون کے رنگوں میں بھی مستقبل کا رنگ ذہن نشین کیے ہاتھ تھامے نئے آشیانے بسانے کو نہ روکنے والے سفر پہ قدم جمائے رہے
کتنی ہی قربانیوں کا سہرا سجائے آخر کار لاہور پاکستان کی سر زمین پہ لوٹے ٹوٹے خالی دامن کرچیوں سے بھرے دل لیے پر امید کل کے خواب لیے اُترے
اور نئی زِندگی نئی آزادی کو خیر مقدم کہا

ایسی صبح پھر نہ آئی
ہم آزاد تو ہیں مگر آزادی کے مطلب سے انجان رہے
ہم کیا جانے کہ کیسی تھی وہ ۱۴ اگست کیسی تھی وہ وطن کی چاہ
محبت
کیا تھی قربانی
کیا تھا انتظار
گلیوں میں شور مچاتے آتش بازی کی نظر ساری رات کرنے کا نام کب تھا آزادی
وقت کے ساتھ مطلب بدل گئے
قوم سے ہم قومی تعصب میں بٹ گئے
ہم آزاد ملک میں رہ کر اپنے نفس کے غلام بن گئے
ہمیں کیا معلوم آزادی کی قیمت قدر و منزلت
جذبے سے تہوار بن گیا
سجاوٹ میں دکھاوے میں نفس کے قیدی ہم
کہتے ہیں ایک دوسرے کو
آزادی مبارک
اگست 14 ۔مبارک

‏

پانی شاید سب کے لیے سب سے قیمتی ذریعہ ہے۔ پانی کے بغیر ، یقینی طور پر زمین پر کوئی زندگی نہ ہوتی۔ اس سے پتہ چلتا ہے کہ پانی زندگی کے لیے اتنا ضروری کیوں ہے۔ تاہم ، پانی کی اہمیت اس تک محدود نہیں ہے۔ کرہ ارض کے لیے بھی پانی بہت اہم ہے۔ قابل ذکر بات یہ ہے کہ پانی کا ضیاع ماحول اور فطرت کے لیے کافی نقصان دہ ہے۔
پانی کی بچت زمین کے لیے کیوں ضروری ہے؟
سب سے پہلے ، پانی کی بچت کے نتیجے میں دنیا بھر میں خشک سالی کم ہوگی۔ مزید یہ کہ زیر زمین پانی کی سطح کم و بیش کافی رہے گی۔ قابل ذکر بات یہ ہے کہ پانی کی کوئی کمی نہیں ہوگی۔ اس سے جانوروں کی پرجاتیوں کے زندہ رہنے کے امکانات میں نمایاں اضافہ ہوگا۔ مزید یہ کہ جانداروں کو بہت فائدہ ہوگا کیونکہ ان کے پاس پینے کے لیے مناسب مقدار میں پانی ہوگا۔ بہت سی پرجاتیوں کی معدومیت کو روکا جا سکتا ہے۔ اس کی وجہ یہ ہے کہ ان پرجاتیوں کو پانی تلاش کرنے کے لیے جدوجہد نہیں کرنی پڑے گی۔

پانی کے استعمال کو کم کرنے سے توانائی کے تحفظ میں یقینا مدد ملے گی۔ مزید برآں ، ہمارے گھروں ، دفاتر ، کھیتوں وغیرہ میں پانی کو پروسیس کرنے اور پہنچانے کے لیے توانائی درکار ہوتی ہے۔ قابل ذکر بات یہ ہے کہ جب یہ توانائی پانی پر عمل کرنے کے لیے استعمال ہوتی ہے تو بہت زیادہ آلودگی پیدا ہوتی ہے۔ اس کے نتیجے میں ، پانی کے کم استعمال کی وجہ سے ، کم توانائی استعمال ہوگی جس کے نتیجے میں کم آلودگی ہوگی۔

پانی بچانے کا ایک اور اہم فائدہ صحرا کو روکنا ہے۔ سب سے زیادہ قابل ذکر ، پانی کی کثرت کا مطلب زیادہ درخت اور پودوں کا احاطہ ہوگا۔ اس کی وجہ یہ ہے کہ پودوں کو زندہ رہنے کے لیے پانی کی ضرورت ہوتی ہے۔ پانی کی کمی کی وجہ سے ، بہت سے پودے اور درخت مر جائیں گے۔ یہ سب صحرا میں حصہ ڈالتے ہیں۔ لہذا ، پانی کی بچت صحرا کو ختم کرنے اور زمین کے سبز غلاف کو واپس لانے میں مدد دے گی۔
پانی بچانے کے طریقے۔
سب سے پہلے ، غسل یا شاور کا وقت کم کرنا پانی کو بچانے کا ایک بہت اہم طریقہ ہے۔ مزید یہ کہ غسل/شاور کے دوران پانی کی کافی مقدار ضائع ہوتی ہے۔ لہذا ، لوگوں کو اپنے غسل/شاور کو کم کرنا ہوگا۔
دوم ، لوگوں کو اپنے بیت الخلاء کو لیک کے لیے چیک کرنا چاہیے۔ اس کی وجہ یہ ہے کہ بہت سے بیت الخلاء کا لیکس آسانی سے کسی کا دھیان نہیں جا سکتا۔ یہ یقینی طور پر پانی کے ضیاع کا نتیجہ ہے۔
دانتوں کو برش کرتے وقت افراد کو نل بند کرنا چاہیے۔ مزید برآں ، بہت سے افراد کو برش کرنے کے دوران اپنے نلکے رکھنے کی بری عادت ہوتی ہے۔ یہ یقینی طور پر پانی کے ایک اہم نقصان کا سبب بنتا ہے۔
لانوں کو پانی دینا صرف اس وقت ہونا چاہئے جب بالکل ضروری ہو۔ قابل ذکر بات یہ ہے کہ بہت سے افراد کو اپنے لان میں دن میں دو بار پانی پلانے کی بری عادت ہوتی ہے۔ مزید یہ کہ برسات کے موسم میں پانی نہیں دینا چاہیے۔ سردیوں میں ، ایک پندرہ دن میں ایک بار پانی دینا کافی سے زیادہ ہے۔
زیادہ خشک سالی سے بچنے والے درختوں اور پودوں کو اگانے پر زیادہ توجہ ہونی چاہیے۔ قابل ذکر بات یہ ہے کہ بہت سارے خوبصورت پودے اور درخت بغیر آبپاشی کے پروان چڑھتے ہیں۔ اس سے یقینی طور پر پانی کی بچت ہوگی۔
آخر کارپوریشنز اور فیکٹریوں کے لیے سخت قوانین کا نفاذ ہونا چاہیے۔ سب سے زیادہ قابل ذکر ، یہ قوانین پانی کے استعمال کے حوالے سے ہونے چاہئیں۔ مزید برآں ، بہت ساری فیکٹریاں مضحکہ خیز طور پر زیادہ مقدار میں پانی استعمال کرتی ہیں۔ مزید یہ کہ پانی کی یہ بڑی مقدار مختلف قسم کے عمل کے لیے درکار ہے۔ لہذا ، حکومت کو قانون بنانا ہوگا۔ نیز ، ان قوانین میں پانی کے استعمال کی زیادہ سے زیادہ حد واضح طور پر بیان کرنی چاہیے۔ قانون کی خلاف ورزی کی صورت میں سخت سزائیں دی جائیں۔
اس کا خلاصہ یہ کہ ہمارے سیارے زمین کے لیے پانی انتہائی ضروری ہے۔ پہلے ہی ماحول کو بہت زیادہ نقصان پہنچا ہے۔ مزید برآں ، جب پانی کی قیمت کی بات آتی ہے تو انسان کافی لاپرواہ رہے ہیں۔ لہذا ، اب وقت آگیا ہے کہ لوگ پانی کو ضائع کرنے کے فوری خطرے کا ادراک کریں۔

‎@Z_Kubdani

نبی مہربان ﷺ نے یوم عاشورہ یعنی محرم کی 10 تاریخ کا روزہ رکھنے پر ایک سال کے گناہوں کی بخشش کی بشارت دی ہے

حضرت ابوقتادہ ؓ سے روایت ہے کہ نبی کریم ﷺ نے فرمایا جو شخص یوم عاشورہ (یعنی محرم کی دس تاریخ) کا روزہ رکھے مجھے امید ہے کہ اللہ تعالیٰ اس کے گز شتہ سال کے تمام گناہ معاف فرمادے گا ۔ جامع ترمذی:جلد اول:حدیث نمبر 736
ابن عباس ؓسے روایت ہے کہ رسول اللہ ﷺ مدینہ تشریف لائے تو یہود کو دیکھا کہ عاشورہ کے دن روزہ رکھتے ہیں۔ آپﷺ نے پوچھا یہ روزہ کیسا ہے؟ تو ان لوگوں نے کہا کہ بہتر دن ہے اسی دن اللہ نے بنی اسرائیل کو ان کے دشمنوں سے نجات دی تھی، اس لئے حضرت موسیٰ نے اس دن روزہ رکھا تھا۔ آپ ﷺنے فرمایا کہ ہم تمہارے اعتبار سے زیادہ موسیٰ کے حقدار ہیں۔چنانچہ آپ ﷺنے اس دن روزہ رکھا اور لوگوں کو بھی اس دن روزہ رکھنے کا حکم دیا۔صحیح بخاری:جلد اول:حدیث نمبر 1926

عائشہ رضی اللہ عنہا سے روایت ہے کہ قریش زمانہ جاہلیت میں عاشورہ کے دن روزہ رکھتے تھے اور رسول اللہ ﷺ بھی روزہ رکھتے تھے جب مدینہ آئے تو وہاں خود اس کا روزہ رکھا۔ اور دوسروں کو بھی روزہ رکھنے کا حکم دیا۔ جب رمضان کے روزے فرض ہوئے، تو عاشورہ کے دن روزہ رکھنا چھوڑ دیا۔ جس کی خواہش ہوتی اس دن روزہ رکھتا اور جس کی خواہش نہ ہوتی اس دن روزہ نہ رکھتا۔صحیح بخاری:جلد اول:حدیث نمبر 1924

حضرت ابوموسیٰ رضی اللہ عنہ سے روایت ہے کہ انہوں نے بیان کیا کہ یہودی عاشورہ کے دن کو عید سمجھتے تھے، تو نبی کریم ﷺنے اپنے صحابہ سے فرمایا کہ تم بھی اسی دن روزہ رکھو۔صحیح بخاری:جلد اول:حدیث نمبر 1927

سلمہ بن اکوع رضی اللہ تعالیٰ عنہ سے روایت کرتے ہیں انہوں نے بیان کیا کہ نبی اکرم ﷺ نے بنی اسلم کے ایک شخص کو حکم دیا کہ لوگوں میں اعلان کردے جس شخص نے کچھ کھا لیا ہے وہ باقی دن تک کچھ نہ کھائے، اور جس نے نہیں کھایا ہے وہ روزے رکھے، اس لئے کہ آج عاشورہ کا دن ہے۔ صحیح بخاری:جلد اول:حدیث نمبر 1929

مسدد یحیی ہشام ان کے والد حضرت عائشہ رضی اللہ تعالیٰ عنہا سے روایت کرتے ہیں کہ وہ فرماتی ہیں کہ عاشورہ کے دن قریش بھی روزہ رکھتے تھے اور نبی اکرم صلی اللہ علیہ وسلم بھی پھر جب آپ صلی اللہ علیہ وسلم نے ہجرت کرکے مدینہ تشریف لائے عاشورہ کا خود بھی روزہ رکھا اور اس کے روزہ کا دوسرے مسلمانوں کو بھی حکم دیا۔ رمضان کے روزوں کی فرضیت نازل ہونے کے بعد جس کا دل چاہتا عاشورہ کا روزہ رکھا اور جس کا دل چاہتا نہ رکھتا۔ صحیح بخاری:جلد دوم:حدیث نمبر 1065حضرت ابوموسیٰ (اشعری) رضی اللہ عنہ سے روایت کرتے ہیں وہ فرماتے ہیں کہ جب رسالت مآب صلی اللہ علیہ وسلم مدینہ تشریف لائے تو آپ صلی اللہ علیہ وسلم نے یہودیوں کو عاشورہ کے دن کی عزت وتکریم کرتے اور اس دن روزہ رکھتے دیکھاتورسالت مآب صلی اللہ علیہ وآلہ وسلم نے ارشاد فرمایا کہ ہم اس دن روزہ رکھنے کے (یہود سے) زیادہ حقدار ہیں اور پھر آنحضرت صلی اللہ علیہ وسلم نے اس دن کے روزے کا حکم دیا۔
صحیح بخاری:جلد دوم:حدیث نمبر 1172

حضرت ابن عباس رضی اللہ عنہما سے روایت کرتے ہیں وہ فرماتے ہیں کہ جب رسول اللہ صلی اللہ علیہ وسلم مدینہ میں تشریف لائے تو آپ صلی اللہ علیہ وسلم نے یہودیوں کو عاشورہ کے دن کا روزہ رکھتے ہوئے دیکھا تو یہودیوں سے اس کی وجہ پوچھی گئی انہوں نے جواب دیا کہ اللہ تعالیٰ نے اس دن میں حضرت موسیٰ علیہ السلام اور بنی اسرائیل کو فرعون پر غالب کیا تھا اس لئے ہم اس کی تعظیم میں اس دن روزہ رکھتے ہیں تو رسول اللہ صلی اللہ علیہ وسلم نے فرمایا کہ بہ نسبت تمہارے ہم حضرت موسیٰ کے زیادہ قریب ہیں پھر آپ صلی اللہ علیہ وسلم نے اس دن روزہ رکھنے کا حکم دیا۔ صحیح بخاری:جلد دوم:حدیث نمبر 1173

حضرت ابن عباس رضی اللہ تعالیٰ عنہ سے روایت کرتے ہیں کہ آنحضرت جب مدینہ میں آئے تو تمام یہودی عاشورہ کا روزہ رکھتے تھے اور وجہ یہ بیان کرتے کہ یہ وہ دن ہے جب حضرت موسیٰ علیہ السلام کو فرعون پر غلبہ حاصل ہوا تھا اور فرعون بمع لشکر دریا میں ڈوب گیا چنانچہ رسول صلی اللہ علیہ وآلہ وسلم نے ہم سے فرمایا کہ حضرت موسیٰ کے معاملہ میں تم ان سے زیادہ مستحق ہو لہذا تم بھی عاشورہ کا روزہ رکھو۔ صحیح بخاری:جلد دوم:حدیث نمبر 1865

حضرت عبداللہ بن عباس رضی اللہ تعالیٰ عنہما سے روایت ہے کہ جب رسول اللہ صلی اللہ علیہ وآلہ وسلم نے عاشورہ کے دن روزہ رکھا اور ہم کو بھی روزہ رکھنے کا حکم فرمایا تو صحابہ نے عرض کیا یا رسول اللہ صلی اللہ علیہ وآلہ وسلم یہ تو وہ دن ہے جس کی تعظیم یہود و نصاری کرتے ہیں تو فرمایا اگلے سال ہم نویں تاریخ کا (بھی) روزہ رکھیں گے۔ لیکن جب اگلا سال آیا تو آپ کی وفات ہو چکی تھی۔ سنن ابوداؤد:جلد دوم:حدیث نمبر 680

ابن عباس رضی اللہ تعالیٰ عنہ سے کسی نے دریافت کیا کہ عاشورہ کے روزے کے بارے میں کیا رائے ہے؟ تو انہوں نے فرمایا کہ مجھ کو اس کا علم نہیں ہے کہ رسول کریم صلی اللہ علیہ وآلہ وسلم نے اس دن کے علاوہ کسی اور دن کا روزہ اور دنوں کے مقابلہ میں بہتر سمجھ کر رکھا ہو یعنی رمضان المبارک اور عاشورہ کے دن کا ۔
سنن نسائی:جلد دوم:حدیث نمبر 281حضرت ابوہریرہ رضی اللہ تعالیٰ عنہ راوی ہیں کہ رسول کریم صلی اللہ علیہ وآلہ وسلم نے فرمایا رمضان کے روزے کے بعد بہترین روزے اللہ کے مہینے کے کہ وہ ماہ محرم ہے کہ روزے ہیں اور فرض نماز کے بعد سب سے بہتر نماز رات کی نماز ہے۔ (مسلم) مشکوۃ شریف:جلد دوم:حدیث نمبر 550
حضرت ابن عباس رضی اللہ تعالیٰ عنہ فرماتے ہیں کہ رسول کریم صلی اللہ علیہ وآلہ وسلم جب مدینہ تشریف لائے تو آپ صلی اللہ علیہ وآلہ وسلم نے یہودیوں کو عاشورہ کے دن کا روزہ رکھتے ہوئے دیکھا، رسول اللہ صلی اللہ علیہ وآلہ وسلم نے ان سے پوچھا کہ اس دن کی کیا خصوصیت ہے کہ تم روزہ رکھتے ہو؟ یہودیوں نے کہا کہ یہ بڑا عظیم دن ہے اسی دن اللہ تعالیٰ نے موسیٰ علیہ السلام اور ان کی جماعت کو نجات دی اور فرعون اور اس کی قوم کو ڈبویا چنانچہ حضرت موسیٰ علیہ السلام نے بطور شکر اس دن روزہ رکھا اس لیے ہم بھی اس دن روزہ رکھتے ہیں آنحضرت صلی اللہ علیہ وآلہ وسلم نے فرمایا تمہارے مقابلے میں ہم موسیٰ سے زیادہ قریب اور (ان کی طرف سے بطور شکر روزہ رکھنے کے) زیادہ حقدار ہیں چنانچہ آپ صلی اللہ علیہ وآلہ وسلم نے یوم عاشوراء کو خود بھی روزہ رکھا اور دوسروں کو روزہ رکھنے کا حکم فرمایا۔ (بخاری ومسلم) مشکوۃ شریف:جلد دوم:حدیث نمبر 577
اللہ رب العالمین ہمیں عاشورہ کا روزہ رکھنے کی توفیق دیں ، سنت نبوی ﷺ کی پیروی کرنے والا بنائیں برائیوں سے بچنے کی توفیق عطا فرمائیں آمین یا رب العالمین

@mmasief