Category: بلاگ

 1947ء کو تقسیم ہند کے موقع پر پاکستان  ہندوستان سے الگ ہو کر اسلامی جمہوریہ پاکستان کہلایا۔تاریخ میں اس قصے کو تاریخ پاکستان کے نام سے جانا جاتا ہے۔

 تقسیم ہندوستان  سے پہلے موجودہ پاکستان کا خطہ برطانوی تسلط میں تھا۔ اور اُس سے پہلے بھی اس خطے پر مختلف ادوار میں مختلف مقامی بادشاہوں اور کئ غیر ملکی طاقتوں کا راج رہا ہے۔

پرانے وقتوں میں یہ خطہ برصغیر پاک و ہند کی کئی سلطنتوں اور چند بڑی تہذیبوں کا حصہ بنا رہا۔ اور اسی تناظر کے پیش نظر 18 ویں صدی عیسوی میں یہ سرزمین برطانوی ہند میں ڈھل گئی۔
 آل انڈیا مسلم لیگ 1906ءکے قیام سے پاکستان کی سیاسی تاریخ کا آغاز ہوا۔ اس جماعت کے قیام کا بنیادی مقصد ہندوستان میں بسنے والے مسلمانوں کے حقوق کا تحفظ اور اُن کی نمائندگی کرنا تھا۔
آل انڈیا مسلم لیگ 1906ء سے لے کر 1947ء تک کی قیادت کا بنیادی مرکز دو قومی نظریہ ہی رہا ہے۔
دو قومی نظریہ کی بنیاد برصغیر کے مسلمانوں کے لئے ایک الگ وطن کا مطالبہ تھا،
دو قومی نظریہ ہی ہماری آزادی کے لیے کی جانے والی کوششوں میں سر فہرست رہا۔اور اسی نظریے کو صف اول رکھتے ہوئے برصغیر پاک و ہند کے مسلمان بالآخر 1947ء میں اپنے مقصد کو پانے میں سرخرو ہوگئے۔

مسلم لیگ کے قائدین کو دو قومی نظریے سے برگشتہ کرنے اور اس نظریے کو غلط مفروضے کے طور پر پیش کرنے کے ضمن میں آل انڈیا کانگریس، دیگر ہندو تنظمیں اورہندو رہنما اپنی تمام تر کوششوں اور چالوں میں مکمل طور پر ناکام رہے۔
وہ مسلمانوں کو اپنی غلامی کے تسلط میں رکھنے کے قائل تھے۔

مختصر یہ کہ 1857ء کی جنگ آزادی کے دس سال بعد علی گڑھ مکتب کے سربراہ سرسید احمد خان نے ہندی اردو تنازعہ کے باعث 1867ء میں جو نظریہ پیش کیا، اسے دو قومی نظریے کہا جاتا ہے۔ اس نظریے کے مطابق نہ صرف ہندوستان کے متحدہ قومیت کے نظریے کو مسترد کیا گیا بلکہ ہندوستان ہی کے ہندوؤں اور مسلمانوں کو دو الگ الگ قومیں قراردیا گیا۔
علی گڑھ کے قائدین نے دو قومی نظریے کو حقیقی انجام تک پہنچانے میں بھرپور کوششیں کیں۔

1857ء کی جنگ آزادی کے بعد مسلمانوں کے زخم ابھی تازہ ہی تھے کہ مسلمانوں اور ہندوؤں کے مابین ایک اور جھگڑے نے طول پکڑا۔
یہ جھگڑا مسلمانوں کی قومی زبان اردو کی ساکھ کے خلاف کھڑا کیا گیا، اس جھگڑے کو اردو ہندی تنازعہ 1867ء کے نام سے جانا جاتا ہے۔ اگر دیکھا جائے تو اردو کے خلاف ہندوؤں کی تحریک ایک ناقابل فہم اور غیر دانشمندانہ اقدام تھا۔جس میں انہوں نے ناکامی کے سوا کچھ حاصل نہ کیا۔
1857ء کی جنگ آزادی میں بہت سے مسلمانوں نے حصہ لیا اور برصغیر پاک و ہند کے مسلمانوں کے لئے ایک الگ ریاست کا مطالبہ کیا ان مطالبات کے نتیجے میں ہی آل انڈیا کانگریس 1885ء قیام میں آئی۔

قائداعظم محمد علی جناح اعظم نے 1906ء آل انڈیا کانگریس میں شمولیت اختیار کی جو کہ اُس وقت ہندوستان کی سب سے بڑی سیاسی جماعت تھی۔
محمد علی جناح دو قومی نظریہ کے حامی تھے،
دو قومی نظریے کی بنیاد پر ہی آپ نے برصغیر کے مسلمانوں ایک الگ ریاست کے حصول کیلئے لڑے،
اس کے علاوہ آپ نے آل انڈیا مسلم لیگ کو ہندوستان میں ایک الگ سیاسی جماعت کے طور پر منوایا۔

غرضیکہ دو قومی نظریے کو نظریہ پاکستان میں منتقل کرنے کا سہرا آپ ہی کو جاتا ہے۔

روشنیوں کے شہر کراچی میں جنم لینے جناح، بیسویں صدی عیسوی کے ابتدائی دو عشروں میں آل انڈیا کانگریس کے اہم رہنما کے طور پر ابھر کر سامنے آئے۔ اپنی سیاست کے ابتدائی ایام میں انہوں نے ہندو مسلم اتحاد کے لیے کام کیا۔

شاعر مشرق علامہ محمد اقبال کی شخصیت، اور پاکستان کے لیے غور و فکر کے نظریات کا محمد علی جناح پر بہت زیادہ اثر تھا ،اور اسی اثر کے نتیجے میں پاکستان جیسی آزاد اور خودمختار ریاست کے قائم ہونے کی راہ ہموار ہوئی اور اس اثر و رسوخ کو مورخین نے قابل ستائش اور ناقابل انکار تک لکھا۔

29 دسمبر 1930ء کو فلسفی و شاعر، علامہ محمد اقبال نے جنوب مشرقی ہندوستان کے مسلمانوں کے لیے ایک الگ اور خود مختار ریاست کے قیام کا تصور پیش کیا۔ ایک ایسی ریاست جس میں برصغیر کے مسلمان اپنی تہذیب و ثقافت، رسم و رواج اور اسلام کے اصولوں کے مطابق زندگی بسر کر سکیں۔
1930ء کے آخری دنوں میں مسلم لیگ نے مقبولیت حاصل کرنا شروع کی۔
چوہدری رحمت علی نے 1933ء میں اس ریاست کا نام "پاکستان ” تجویز کیا اور مختلف علاقوں کو ملاتے ہوئے پاکستان کو ایک نقشہ کی صورت میں ڈھالا۔
اس کے علاوہ چودھری رحمت علی نے دوسری گول میز کانفرنس کے موقع پر اپنے مشہور کتابچہ Now or) (Never "ابھی یا کبھی نہیں” میں پہلی بار لفظ پاکستان استعمال کیا۔

محمد علی جناح اقبال کی سوچ سےکافی حد تک متاثر تھے۔جس کا اندازہ 23 مارچ 1940ء کو علامہ اقبال کی ایک عوامی تقریر سے لگایا جاسکتا ہے۔

1930ء تک برصغیر کے اکثر مسلمان آزادی حاصل ہونے کے بعد ہندوں کے ساتھ ایک متحد مملکت میں رہنے کا خیال رکھتے تھے جیسا کہ وہ صدیوں پہلے سے ہی رہ رہے تھے۔

1930ء میں خطبہ الہ آباد میں سر علامہ محمد اقبال نے مسلمانوں کے لیے ایک الگ آزاد ریاست کا مطالبہ کیا۔
اقبال کا یہ خطبہ دو قومی نظریہ کا واضح عکس تھا۔
محمد علی جناح نے اپنی تقاریر میں اقبال کے خواب کی بھرپور حمایت کی۔

چونکہ 1857ء کی جنگ آزادی میں برصغیر پاک و ہند کے مسلمان مل کر ہندوستان کے لیے انگریزوں کے خلاف لڑے تھے، لیکن اس کے بعد کچھ ہندوؤں کے نا مناسب رویے اور کچھ انگریزوں کی مسلمانوں کے خلاف سازشوں کی وجہ سے مسلمان اور ہندو الگ الگ قوموں کی صورت میں تقسیم ہو گئے۔ اس طرح پہلی مرتبہ برصغیر پاک و ہند میں دو قومی نظریے کی بنیاد پڑی۔

1857ء کی جنگ آزادی میں ناکامی کے بعد انگریزوں نے مسلمانوں پر ظلم و ستم کے پہاڑ توڑ دئیے۔ مسلمانوں کو طرح طرح کے مسائل کا سامنا رہا، اس کے برعکس مسلمان ثابت قدم رہے، اور
جنگ آزادی کے دوران عظمت و بہادری کی کئی داستانیں رقم ہوئیں۔اس جنگ میں ناکامی کے بعد مسلمانوں سے بہت امتیازی سلوک رکھا گیا۔

1857ء کی جنگ آزادی نے برصغیر کے مسلمانوں کے دل و دماغ میں اپنے لیے الگ ریاست کے عزم کو یقینی بنایا۔
مسلمان ظلم کے خلاف اٹھ کھڑے ہوئے، اور انگریزوں کے تسلط سے نکلنے کے لیے ڈٹ کر مقابلہ کیا۔
ان تمام حالات و مصائب میں مسلم رہنما قائداعظم محمد علی جناح، علامہ محمد اقبال، سر سید احمد خان، چوہدری رحمت علی، مولانا فضل الحق، شبلی نعمانی اور دیگر کئی نامور شخصیات مسلمانوں کے حوصلے بلند کرنے میں، ان میں آزادی کا احساس پیدا کرنے میں برصغیر کے مسلمانوں کے شانہ بشانہ کھڑے ہوئے۔
اور ایک الگ ریاست کے قیام کے لئے ڈٹے رہے،
بالآخر 23 مارچ 1940 ء کے خطبہ آلہ آباد کے سات سال بعد مسلمان ایک الگ ریاست کے حق دار ٹھہرے۔

تقسیم کے بعد ہندوستان برطانوی راج کی سب سے بڑی نوآبادیاتی اکثریت تھی، جبکہ اگست 1947ء میں ملک کو تقسیم کر کے مسلمانوں کے لیے ایک الگ وطن قائم کر دیا گیا۔

یوں ملک کی تقسیم نے مشکلات و مصائب کا ایک طوفان کھڑا کر دیا، بہت بڑی اکثریت کو اپنا گھر بار چھوڑنا پڑا، اس ہجرت نے مسلمانوں کی ساکھ کو تباہ کر دیا۔
لاکھوں افراد پناہ کی تلاش میں در بہ در ہوئے۔ لاکھوں محفوظ ٹھکانوں کی جانب سفر کرتے ہوئے راستے میں مارے گئے، جن میں مسلمانوں کے علاوہ ہندو اور سکھ سبھی شامل تھے۔مسلمان عورتیں،غیر مسلم مردوں نے اغوا کر لیں۔

موجودہ دور میں تقسیمِ ہند کی تلخ یادیں پاکستان اور بھارت کے باہمی تعلقات میں ایک زہر کی طرح گھُلی ہوئی ہیں اور آج 70 برس بعد بھی ہم وہیں کھڑے ہیں۔

تقسیمِ ہند کی غیر منصفانہ تقسیم میں سرفہرست مسئلہ کشمیر ہے۔
یہ تنازعہ آج تک حل نہیں ہو سکا اور موجودہ دور میں پاک و ہند تعلقات میں بڑے مسائل کو ہوا دے رہا ہے۔

گزشتہ 70 سالہ تاریخ کو دیکھا جائے تو پتہ چلتا ہے کہ آزاد مملکت کا حصول مسلمانوں کی لازوال جدوجہد اور بے شمار قربانیوں کے صلہ ہے۔
برصغیر کے مسلمانوں کے لیے آزاد اور خود مختار ریاست کے لیے جدوجہد کوئی آسان فیصلہ نہ تھا۔

تحریر میں موجودہ پاکستان کی تاریخ زیر بحث لانے کا مقصد یہ ہے کہ اگر کوئی قوم اپنے مقصد کے ساتھ مخلص ہو اور اس مقصد کو پا لینے کی جستجو میں وہ بڑی سے بڑی قربانی دینے سے بھی نہ گھبراتی ہو تو پھر کامیابی ایسی قوم کا مقدر بن جایا کرتی ہے۔

یہ وطن ہمارے آباؤ اجداد کی بے شمار قربانیوں کے بعد وجود میں آیا ہے، لاکھوں شہیدوں نے اپنی جانوں کا نذرانہ پیش کر کے یہ خطہ اپنی آنے والی نسلوں کے لیے حاصل کیا۔تا کہ ہم اس میں اپنی مرضی کی زندگی گزار سکیں۔
اب اس مملکت کی حفاظت کا ذمہ قائد کے جوانوں اور اقبال کے شاہینوں کے سر پر ہے۔
ہماری نوجوان نسل کو چاہیے کہ وہ اچھی تعلیم و تربیت حاصل کریں، تاکہ وہ آنے والے وقت میں اپنا فعال کردار ادا کر سکیں۔
آپس میں مل جل کر رہیں اور ایک اچھے انسان اور شہری ہونے کا ثبوت دیں۔بھائی چارے کو فروغ دیں۔
کیوں کہ ہم آپس میں اتحاد و اتفاق کی بنا پر ہی ملک کو ملت اسلامیہ کا روپ دے سکتے ہیں۔
جس کا اشارہ ہمیں شاعر مشرق علامہ محمد اقبال کی شاعری میں بھی واضح نظر آتا ہے۔ جیسا کہ آپ ہی کا ایک شعر ہے،

ملت کے ساتھ رابطہ استوار رکھ
پیوستہ رہ شجر سے امید بہار رکھ

اگر میں اور آپ ! سب مل کر درختوں کی بریدہ شاخوں کی مانند آپس میں جڑے رہیں، زمین پر پھیلے اشجار سے رب العالمین کی تخلیق کے ہر روپ میں چھپے درد کو سمجھنا شروع کردیں گے تو کوئی ایسی طاقت نہیں جو ہمیں ہرا سکے۔

@_aqsasiddique

‏

آخر فروری 1947 لارڈ ویول کی جگہ لارڈ ماؤنٹ بیٹن کو وائسرائے مقرر کیا گیا تاکہ برصغیر میں الجھے ہوئے آئینی مسائل کو ترامیم کر کے نئے انداز میں سلجھایا جائے، نئے وائسرائے کے کانگریسی لیڈروں سے دیرینہ تعلقات اور اس کے جزبہ خود پرستی سے ہندوؤں نے بہت فوائد حاصل کیے

اسی لیے شروع ہی سے ماؤنٹ بیٹن کی طرف سے مسلم دشمنی کا اظہار ہونے لگا تاہم مسلمانوں کے آہنی عظم کے پیش نظر اسے یقین ہو گیا کہ ملک کی تقسیم کے بغیر چارہ نہیں، 3 جون کو لارڈ ماؤنٹ بیٹن نے اپنے منصوبے کا اعلان کیا جس کی رو سے برصغیر کی تقسیم کا فیصلہ کیا گیا۔ ایک حد بندی کمیشن مقرر کیا گیا جس نے پنجاب و بنگال کے صوبوں کو ہندو اور مسلم اکثریت کی بنیاد پر دو حصوں میں تقسیم کر دیا گیا۔

آخر کار قائد اعظم محمد علی جناح کی انتھک کوششوں کی وجہ سے 13 اور 14 اگست 1947 درمیانی رات وہ مبارک گھڑی آن پہنچی جب مسلمان قوم کی صبر آزما سیاسی جد وجہد کامیابی سے ہم کنار ہوئی اور دنیا کے نقشے پر عظیم مسلم مملکت (پاکستان) نمودار ہوئی، مغربی پاکستان میں مغربی پنجاب، سندھ،سرحد اور بلوچستان کے صوبے شامل تھے اور مشرق بنگال اور سلہٹ کے علاقے شامل کیے گئے قائد اعظم محمد علی جناح اس مملکت کے پہلے گورنر جنرل مقرر ہوئے۔

جب پاکستان وجود میں آیا تو اسے بےشمار مسائل کا سامنا تھا، دفاتر کا نظام درہم برہم ہو چکا تھا، ہلکی سی معیشت کی حالت تباہ ہو چکی تھی، ریل گاڑیوں کی آمد و رفت بند تھی تاہم قوم کے پختہ عزم نے ان تمام مشکلات پر قابو پا لیا اس دور کے اور بھی بہت سے بڑے بڑے مسائل سامنے آئے۔

تقسیم برصغیر کے ساتھ ہی مشرقی پنجاب میں مسلمانوں کا قتل عام شروع ہو گیا، مسلمان مہاجرین کے لٹے ہوئے قافلے بڑی بے سروسامانی کے عالم میں پاکستان میں داخل ہوئے، تین ماہ کے اندر 55 لاکھ کے قریب مہاجرین مغربی پنجاب میں داخل ہوئے ان لوگوں کی آبادکاری اور ان کے لیے ابتدائی ضروریاتِ زندگی کی فراہمی ایک سنگین مسئلہ تھا، تاہم مقامی مسلمانوں کے ایثار و تعاون سے یہ مسئلہ بھی حل ہو گیا ہندوؤں کی متروکہ جائیدادیں مہاجرین کو دے دی گئیں اور زراعت پیشہ لوگوں کو زرخیز نہری زمینوں پر آباد کیا گیا۔

کشمیر میں مسلمانوں کی بھاری اکثریت تھی برصغیر کی تقسیم جس اصول پر ہوئی تھی اس کی رو سے کشمیر کا حصہ تھا۔ لیکن لارڈ ماؤنٹ بیٹن اور ہندو لیڈروں نے اک سازش کے تحت حد بندی کمیشن کے ذریعے گورداسپور کا علاقہ بھارت میں شامل کرا دیا، حالانکہ یہاں مسلمانوں کی اکثریت تھی مقصد یہ تھا کہ اس علاقے کے ذریعے بھارت کی سرحد کشمیر سے ملا دی جائے۔

انڈیا نے اس صورتحال سے فائدہ اُٹھاتے ہوئے اکتوبر 1947 میں اپنی افواج کشمیر میں اتار دیں، انڈیا کی اس جارحیت کے سامنے پاکستان خاموشی تماشائی نہیں بن سکتا تھا چنانچہ رہاست پاکستان نے بھی اپنی افواج کا کچھ حصہ آزاد کشمیر داخل کر دیا بھارت نے معاملہ سلامتی کونسل میں پیش کر دیا چنانچہ دونوں ممالک کے درمیان جنگ بندی ہو گئی اور طے پایا کہ کشمیر کے مستقبل کا فیصلہ آزادانہ استصواب کے ذریعے کریں گے بھارت نے اس وقت تو یہ فیصلہ تسلیم کر لیا مگر وہ آج تک استصواب کو ٹالتا رہا ہے اور یہ مسئلہ پاک بھارت تعلقات کی کشیدگی کا سب سے بڑا سبب ہے۔

‎@Rana241_7

بھولنے کی عادت ان دنوں بہت سے لوگوں کا مسلہ ہے۔لوگ اپنی اس عادت سے اکثر پریشان دیکھائی دیتے ہیں۔ بعض لوگوں کی یادداشت عمر بڑھنے کے ساتھ ساتھ کم ہونے لگتی ہے اور وہ باتیں بھولنے لگتے ہیں۔جو کہ کوئی خطرے کی بات نہیں بلکہ ماہرین تو اسے اعصابی صحت کے لیے مفید مانتے ہیں۔

سائنسدانوں کے مطابق آپ ایک کام کو بھول کر دوسرے کی جانب رجوع کرتے ہیں تو یہ آپ میں نئے کام کو سیکھنے کی صلاحیت کو ظاہر کرتا ہے کیونکہ کہ بھول جانا نئے کام سیکھنے کے لیے ضروری ہوتا ہے۔ماہرین کا ماننا ہے کہ بھول جانے کی عادت آج کی تیز رفتار دنیا میں نئی مہارت اور علم سیکھنے میں بے حد کار آمد ثابت ہو سکتی ہے اور اسے ایک نارمل عمل سمجھنا چاہیے البتہ یہ ضرور ہے کہ اگر یہ مسئلہ مستقل رہے یا انسان بہت ساری باتیں بھول جائے تو یہ خطرے کی طرف اشارہ کرتا ہے۔

اعصابی ماہرین اور معالج کے مطابق بھولنے کی مندرجہ ذیل سات اقسام یاداشت کے مسائل نارمل تصور کیے جاتے ہیں۔1۔کچھ وقت کے بعد واقعات اور حقائق بھول جانا عموما جو باتیں کافی عرصے تک نہیں دہرائی جاتیں انہیں انسان بھولنے لگتا ہے ذہن کی یہ سرگرمی استعمال نہ ہونے والی یاد کو بھلانے میں مدد کرتی ہے۔جس سے ذہن کونئی یادیں اسٹور کرنے میں مدد ملتی ہے۔
2۔کوئی بات غور سے نہ سنی جائے تو وہ بھی کچھ دیر بعد ذہن سے نکل جاتی ہے مثال کے طور پر آپ اپنا قلم رکھ کر بھول جاتے ہیں کیونکہ جس وقت آپ اپنا قلم رکھ رہے تھے آپ کا دھیان کہیں اور تھا۔

3۔ کبھی کبھی کوئی آپ سے سوال کرتا ہے جس کا جواب آپ کو پتا ہوتا ہے۔لیکن اس وقت اچانک ذہن سے نکل جاتا ہے اس کی وجہ یہ نہیں ہوتی کہ آپ نے اس بات پر توجہ نہیں دی تھی بلکہ کوئی اور چیز آپ کو وہ بات یاد کرنے میں رکاوٹ پیدا کر رہی ہے۔

4۔ اگر کوئی آپ سے کسی شخص کے بارئے پوچھے کہ وہ کون ہے۔اور آپ صحیح بتا دیں مگر یہ غلط بتائیں کہ اس بارئے میں آپ نے کہاں سنا تھا بات یاد رہنا اور ذرائع بھول جانا بھی ایک عام طرز کی کی یادداشت کی کمزوری ہے۔

5۔بعض اوقات انسان اپنے ذہن میں ایک فرضی خاکہ تیار کر لیتا ہے۔اور اسے سچ ماننے لگتا ہے۔جیسے کہ اگر کوئی ہمیں ہمارے بچپن کے بارئے میں کچھ نتائے تو ہمارا دماغ اس بات کو سچ مانتے ہوئے ایسے ہی فرضی واقعے کی یاد ذہن میں بنا لیتا ہے۔

6۔ اکثر اوقات ہم وہ ہی دیکھتے ہیں جو ہم دیکھنا چاہتے ہیں اور اسے اسی طرح یاد بھی کر لیتے ہیں۔ اس کی وجہ ہمارے ذاتی تعصبات ہوتے ہیں جو ہماری سوچ پر ھاوی ہو جاتے ہیں۔

7۔ کبھی ہم کوئی واقع یا حقیقت شدت سے بھولنا چاہیے لیکن بھول نہیں پاتے۔ یادداشت کا یہ مسلہ بھی عام نوعیت کا ہے جو کم و بیش سب کے ساتھ ہی پیش آتا ہے۔

@RajaArshad56

دنیا کے نقشے پہ 14اگست 1947 کو مانند آفتاب جو طلوع ہوا
پاکستان کا مطلب کیا لا الہ الا اللہ
اسلام کے نام پے حاصل کی گئ سر زمین وطن کو اللہ تعالٰی نے ہر قسم کی رعنایات بخشی۔

اس وقت اسلامی جمہوریہ پاکستان 881913 مربع کلو میٹر کے ساتھ دنیا کا تیتیسوا بڑا ملک ہے اور آبادی کے لحاظ سے پاکستان پانچویں نمبر پر آتا ہے ۔
وطن عزیز کے مشرق میں بھارت جیسا بزدل دشمن دیس ہے شمال میں چین جو اپنی مثال آپ ہے پاک چین دوستی کے چرچے ہر زبان عام ہیں۔مغرب میں دوست ملک افغانستان ہے اور جنوب کی طرف ساحلی پٹی ہے جو اسے بحیرہ عرب سے ملا دیتی ہے ۔
میرے وطن کو اللہ تعالی نے ہر قسم کے موسم سے نوازا جس میں آپکو گرمی ،سردی ،خزاں اور بہار کا موسم ملتا ہے۔ یہاں لاتعداد قدرتی مناظر انسانی آنکھوں کو سرور بخشتے ہیں ۔

وطن عزیز کا درالخلافہ ہونے کا اعزاز اسلام آباد کو حاصل ہے تو وہی شہر قائد کراچی کو روشنیوں کا شہر ہونے کا اعزاز بھی حاصل ہے ۔اس کے بعد بڑا شہر آتا ہے لاہور۔

لاہور جسے زندہ دل لوگوں کا شہر کہا جاتا ہے۔یہاں ایک طرف عظیم تاریخی مقامات انسان کو ماضی میں دھکیلتے ہیں اور دوسری طرف لزیز کھانے آپ کو کہیں اور جانے نہی دیتے ۔

پاکستان کی جھیلیوں کا شمار دنیا کی خوبصورت ترین جھیلیوں میں پایا جاتا ہے۔ وہی شمالی علاقہ جات کا حسن دیکھنے لائق ہے۔ شمالی علاقوں میں آزاد کشمیر ،گلگت بلتستان ،ناران کاغان،خیبر پختنخوا شامل ہیں ۔ یہاں قدرت کے بے شمار نظاروں کے ساتھ ساتھ مختلف عمارتیں قلعے،جنگلات ،شاہرائیں اور وادیاں بھی قابل ستائش ہیں سکردو میں پایا جانے والہ ٹھنڈا صحرا دیو سائ قدرت کی تخلیق کا منہ بولتا ثبوت ہے۔بلوچستان کے پہاڑی سلسلے زیارت کوئٹہ اور گوادر کی خوبصورتی کی کوئی مثال نہی ملتی۔
بہاولپور کا صحرا چولستان اور ڈیرہ غازی خان کا فورٹ سیاحوں کی توجہ اپنی طرف کھینچتے ہیں۔

پاکستان میں صوبہ پنجاب ،پانچ دریاؤں کی سرزمین ہے جسے دو حصوں میں تقسیم کیا جاتا ہے۔شمالی پنجاب اور جنوبی پنجاب ۔اس میں بہت سے سیاحتی مقامات ہیں جن میں سے دارالخلافہ اسلام آباد کے ساتھ لگنے والا شہر مری کو خاص مقام حاصل ہے۔ جنوبی پنجاب میں ملتان کو سر زمین اولیا ء کا درجہ حاصل ہے ۔ملتان میں مشہور سوغات ملتانی سون حلواہ ہے ۔یہاں کے آم بھی بہت مشہور ہیں۔

تاریخی اور سیاحتی لحاظ سے شہر لاہور کو خاص مقام حاصل ہے جو قدیم ثقافتی ورثہ سیاحت اور تفریح کے حوالے سے ہر وہ کشش اپنے اندر رکھتا ہے جو ہر سیاح کو اپنی طرف کھینچ سکتا ہے ۔

اسلامی جمہوریہ پاکستان میں ہر رنگ و نسل ،اور مزہب کے لوگ پائے جاتے ہیں جو پاکستان کو دلکش رنگوں کا مجموعہ ہیں اور یہ اس بات کا ثبوت ہیں کہ پاکستان محبتیں بانٹنے والا ملک ہے ۔کرتار پور راہداری معاہدہ اس بات کا واضح ثبوت ہے کہ پاکستان اپنی اقلیتوں کے حقوق کے احترام کرتا ہے ۔گوکہ بہت سی اندرونی و بیرونی طاقتیں پاکستان کا امن تباہ کرنے کی کوششیں کرتی رہتی ہیں لیکن پاکستان کی بہادر افواج حکومت اور عوام کی مشترکہ کوشش سے پاکستان میں کافی حد تک امن قائم ہوچکا ہے ۔

ہمیں وطن عزیز کے لیے مزید محنت ہمت عزم اور لگن کی ضروت ہے تاکہ ہمارا یہ ملک پاکستان ترقی پزیر ممالک کی فہرست میں شامل ہوسکے۔
اس کے لیے ہم سب کو باہم اختلاف بھلا کر قدم سے قدم ملا کر چلنا ہو گا۔ اور عزم و ہمت کیساتھ کام کرنا ہوگا۔ تاکہ ملک کی تعمیر و ترقی میں اپنا کردار ادا کرسکیں۔

اللہ تعالٰی آپ سب کا حامی ناصر ہو

@No1Hasham