Category: بلاگ

‏
تونسہ بیراج پنجاب کے ضلع مظفر گؑڑھ میں دریا ئے سندھ پر واقع ہے۔ یہ بیراج تونسہ شریف کے جنوب مشرق میں 20 کلو میٹر اور کوٹ ادو سے 11 کلو میٹر دور ہے۔ اس بیراج کے ذریعہ آبپاشی اور سیلاب سے بچاؤ کے لئے دریائے سندھ میں پانی کے بہاؤ
کو کنٹرول کیا گیا ہے۔ اس کے علاوہ یہ بیراج ریلوے پل، گیس اور تیل کی پائپ لائنوں،
ٹیلیفون لائن اور اضافی ہائی والٹیج ٹرانسمیشن لائنوں کو بھی عبور کرتا ہے اور پاکستان کا پندرھواں اور دریائے سندھ کا چوتھا بیراج ہے۔ اسکی تعمیر کا آغاز 1951 کو کیا گیا اور 1958 کو اس بہترین منصوبے کی تکمیل ہوئی، اس کی تعمیر پر ساڑھے بارہ کروڑ روپے خرچ ہوئے ہیں۔ اس کے مشرقی کنارے سے دو بڑی نہریں مظفر گڑھ کینال اور ٹی پی لنک نکالی گئیں، مظفر گڑھ کینال ضلع مظفر گڑھ کے بیشتر میدانی علاقوں کو سیراب کرتی ہے، جبکہ ٹی پی لنک کینال دراصل دریائے سندھ اور دریائے چناب کو ملانے کا کام دیتی ہے، جب دریائے چناب میں خشک ہوجاتا ھے تو ٹی پی لنک کینال کے ذریعہ اس میں پانی ڈالا جاتا ہے۔ ہیڈ تونسہ کے مغربی جانب بھی دو نہریں نکالی گئی ہیں اک نہر ضلع ڈیرہ غازی خان کی فصلوں کو پانی مہیا کرتی ہے، اور دوسری نہر بلوچستان کو سیراب کرنے کے لیے بنائی گئی ھے جو ابھی تک چالو نہیں ہو سکی، اس بیراج سے لاکھوں ایکٹر زمین ہی سیراب نہیں ہوتی بلکہ دوسرے کئی فوائد بھی حاصل کیے جاتے ہیں۔ اس بیراج کی تعمیر سے ڈیرہ غازی خان تک جانے کے لیے خشکی کا راستہ نکل آیا ہے۔ اور پختہ سڑک کی تعمیر سے ڈیرہ غازی خان کا دوسرے حصوں سے براہ راست تعلق قائم ہو گیا ہے۔ اسکے مغربی کنارے پر حال ہی میں دو بہترین ریسٹورنٹ تعمیر ہوئے ہیں، جو سیاحوں کو تفریح کا موقع فراہم کرتے ہیں اور ہیڈ کی خوبصورتی کو چار چاند لگاتے ہیں۔ تونسہ بیراج میں تقریباً سترہ ایکڑ رقبے پر پانی کا ذخیرہ ہے۔ اس میں مختلف اقسام کی آبی حیات موجود ہیں جو اس کی خوبصورتی میں اضافہ کرتی ہیں۔ موسم سرما میں یہاں پرندوں کی بہت سی اقسام بسیرا کرتی ہیں۔ ہیڈ کے شمال میں ہزاروں ایکڑ پر محیط جزیرہ نما گھنا اور سرسبز لاشاری والا جنگل واقع ھے، میں یہاں پر گورنمنٹ کی توجہ مبذول کروانا چاہوں گا کہ مقامی گورنمنٹ کی تھوڑی سی محنت سے یہاں انٹرنیشنل معیار کا پارک بنایا جا سکتا ھے۔ ہیڈ ڈرافٹ مین سید طفیل حسین شاہ کو تونسہ بیراج کے حوالے سے ان کی خدمات پر اس وقت کے صدر پاکستان فیلڈ مارشل ایوب خان نے 3 مارچ 1959کو چاندی کے تمغے سے نوازا تھا.

ہم دنیا کے ان خوش نصیب لوگوں میں سے ہیں جنہیں اللہ تعالیٰ نے ایک آزاد فضا فراہم کی ہے. ہم ایک ایسے وطن میں زندگی بسر کر رہے ہیں جہاں ہم مذہبی، معاشرتی اور ثقافتی طور پر مکمل آزاد و خودمختار ہیں.
ہم اس وطن کا کھاتے ہیں، اس وطن میں رہتے ہیں، اس وطن نے ہمیں شناخت دی ہے.
.
14 اگست پاکستان کا یوم آزادی ہے. ہم نے بچپن سے اس ماہ کو خاص اہتمام سے منایا ہے. امن و محبت کا نشان پرچم اپنے سینوں گھروں محلوں اور بازوں میں لہرایا ہے.
اس وطن کی الفت شاید ہماری گھٹی میں شامل ہے.
.
ہم اپنے وطن سے چاہت کا دم ہر دم بھرتے رہیں گے. ہمیں جو کچھ بھی اس وطن نے عطا کیا ہے اس کا بدلہ اپنی جان دے کر بھی پورا نہیں کر سکتے.
.
اس جشن آزادی کو مناتے ہوئے آئیے چند عہد کریں.
ہم اپنے وطن کے امن و امان کا تحفظ کریں گے.
اس کے قانون کا احترام کریں گے. چھوٹی سے چھوٹی قانون شکنی سے بھی پرہیز کریں گے.
ہم بائیک پر ہیں تو ہیلمیٹ کا استعمال لازمی کریں گے.
ہم سڑکوں، پارکوں اور پبلک مقامات کی صفائی ستھرائی کا خیال رکھیں گے.
ہم اپنے ملک کو منشیات سے پاک کریں گے.
ہم اپنے شہریوں کی ضروریات کا خیال رکھیں گے
ہم علم و عمل کے ساتھ وطن کی تعمیر و ترقی میں اپنا بھرپور کردار ادا کریں گے.
ہم پاکستان کی مثبت چیزوں کو دنیا میں اجاگر کریں گے. اور منفی چیزوں کی اصلاح کے لیے ہر دم تیار رہیں گے.
.
ہم اپنے وطن کی املاک کا بھی تحفظ کریں گے.
ہر برائی کے خلاف دیوار بنیں گے اور ہر اچھائی میں ملک کے شانہ بشانہ کھڑے ہونگے.
.
ٹیکس چوری نہیں کریں گے.
اپنے فرائض سے غفلت نہیں برتیں گے.
ملک پاکستان میں بسنے والی اقلیتوں کے ساتھ پیار و محبت کو فروغ دیں گے.
ملک کی سرحدوں کے محافظوں کے ساتھ ہر بیرونی سازش کا مقابلہ کرنے کے لیے کھڑے ہونگے.
وطن عزیر میں کسی اندرونی شازش کو کامیاب نہیں ہونے دیں گے.
..
ہم پاکستان کو حقیقی معنوں میں قائد کا پاکستان بنائیں گے.
ایمان اتحاد اور تنظیم کے ساتھ اپنی جان، مال، وقت اور صلاحیت کو پاکستان کی تعمیر و ترقی میں صرف کریں گے.
.
ہم پاکستان کو بالکل ایسا بنائیں گے جیسا اپنے گھر کو بنا کر رکھتے ہیں.
ہم اقوام عالم کے لیے مثال بنیں گے.
.
کیونکہ یہ وطن ہے تو ہم ہیں. اگر ہم پاکستان میں نہ ہوتے تو شاید دنیا ہمارے نام سے بھی ناآشنا ہوتی.

‎@themaliksalman *ٹویٹر اکاونٹ :*

ارشاد باری تعالی ہے
” اور جب میں بیمار پڑ جاؤں تو مجھے (اللہ) شفا عطا فرماتا ہے ۔ ”
پاکستان میں صحت کا شعبہ گذشتہ ایک دہائی سے مسائل کا شکار ہے مسلم لیگ ن کی سابق پنجاب حکومت نے پنجاب کے تعلیم اور صحت کے بجٹ کو کٹ لگا کر سارا پیسہ میٹرو بس سروس منصوبوں میں جھونک دیا تھا جس کی وجہ سے پنجاب میں صحت کا شعبہ زبوں حالی کا شکار تھا۔
پاکستان تحریک انصاف نے صحت تعلیم اور انصاف کے انتخابی منشور کے ساتھ الیکشن میں کامیابی حاصل کی وفاق پنجاب اور خیبر پختونخواہ میں حکومت بنائی اور وفاقی سطح پر صحت انصاف کارڈ اجراء کیا جس غریب عوام کو پرائیویٹ ہسپتالوں میں علاج اور آپریشنز کی مفت سہولیات فراہم کی گئیں ۔جس سے اب تک لاکھوں افراد استفادہ حاصل کر چکے ہیں ۔ پنجاب حکومت نے وزیر اعلی عثمان بزدار کی قیادت میں پہلے سے موجود ہسپتالوں اور بنیادی مراکز صحت کی اوور ہالنگ اور اپ گریڈشن کا فیصلہ کیا گیا۔ابھی اس کام کا آغاز ہی ہوا تھا کہ پاکستان میں کرونا کی وباء پھیل گئی اور ہمارے ہیلتھ ریسورسز پر دباؤ بڑھنے لگا جس کو دیکھتے ہوئے پنجاب کی وزیر صحت ڈاکٹر یاسمین راشد جو کہ خود سرطان کی مریضہ ہیں انہوں نے چیلنج کو قبول کیا اور کرونا وبا کی تینوں لہروں میں دن رات کام کیا ان کی محنت اور بہتر حکمت عملی سے پھر پوری قوم نے دیکھا کہ پنجاب کے کسی ہسپتال میں نہ تو آکسیجن کی کمی کی شکایت آئی اور نہ ہی مریضوں کے لئے ہسپتالوں میں بستروں کی کمی سامنے آئی فیلڈ ہسپتال وینٹیلیٹرز آکسیجن بیڈز کی وافر مقدر میں دستیابی نے دنیا کو ورطہ حیرت میں ڈال دیا جب کہ دنیا کے ترقی یافتہ ممالک امریکہ سمیت دیگر میں ایک وقت ایسا بھی کہ ان کا ہیلتھ سسٹم بیٹھ گیا مریض سڑکوں اور ہسپتالوں کی راہ داریوں میں تڑپتے دیکھے گئے لیکن اللہ سبحان و تعالی کی مدد سے پاکستان کی حکومت اس امتحان میں کامیاب رہی۔
ویکسین لگانے کا عمل شروع ہوا تو پنجاب حکومت نے صوبائی دارالحکومت سمییت صوبہ بھر میں عوام کی سہولت کے لئے 677 ویکسینیشن مراکز قائم کئے جو شب و روز عوام کو ویکسین لگانے میں مصروف عمل ہیں ۔
اگر پنجاب حکومت کی شعبہ صحت میں دیگر اصلاحات کا نہ بھی ذکر کیا جائے تو بتانے کے لئے کرونا وبا میں کی گئیں خدمات ہی کافی ہیں ۔ لیکن پنجاب حکومت نے اس پر بس نہیں کیا بلکہ صوبہ میں موجود 26 ٹراما سینٹرز کو اپ گریڈ کیا گیا۔119 تحصیل ہیڈکوارٹر ہسپتالوں کی مکمل اوور ہالنگ کی گئ ضلع چکوال حافظ آباد اور چینوٹ میں ڈسٹرکٹ ہیڈ کوارٹر ہسپتال کا قیام۔ 36 بنیادی مراکز صحت کو دیہی مراکز صحت کا درجہ دیا گیا 49 نرسنگ سکولوں کو اپ گریڈ کیا گیا۔ 120 تحصیل کوارٹرز ہسپتالوں کو اپ گریڈ کرکے ڈسٹرکٹ ہیڈ کوارٹر ہسپتالوں کا درجہ دیے کر علاج معالجہ کی ضروری مشینری اور سہولیات فراہم کی گئیں اور اس کے ساتھ پسماندہ اور زیادہ آبادی والے اضلاع میں زچہ و بچہ کی صحت کے لئے راجن پور لیہ میانوالی
ڈیرہ غازی خان اور لاہور میں جدید سہولیات سے آراستہ مدر چائلڈ ہسپتال تکمیل کے آخری مراحل میں ہیں ۔لاہور کی آبادی کے مدنظر رکھتے ہوئے فیروز پور روڈ پر ارفع کریم آئی ٹی پارک کے عقب میں 1000 بیڈز پر مشتمل جنرل ہسپتال تعمیر کیا جا رہا ہے ۔
وزیر اعلی پنجاب سردار عثمان بزدار کا تین سالہ اس دور میں صحت کے شعبہ میں کئے گئے درج بالا کام بلاشبہ انقلابی اصلاحات سے کم نہیں. ‎@Educarepak

‏
بہت سے پاکستانی روزی کی تلاش میں بیرون ملک سفر کرتے ہیں اور پاکستانیوں کی سب سے بڑی تعداد مشرق وسطی یعنی گلف ممالک میں روزی روٹی کی غرض سے موجود ہے،
اس میں سعودی عرب اور متحدہ عرب امارات سر فہرست ہیں، اور باقی عمان، قطر، بحرین، کویت، عراق ترکی اور دیگر ایشین اور یورپین ممالک بھی شامل ہیں،
بہرحال ہر ملک کے اپنے نظریات اور اپنے قوانین ہیں اور ہر ملک کے پاکستان کے ساتھ سفارتی تعلقات بھی ایک جیسے نہیں ہیں،
اپنے پیاروں کو چھوڑ کر ان کی خوشی انکا اچھا رہن-سہن اور ان کے آرام و سکون کی وجہ بننے والے محب وطن پاکستانی اپنی جوانی اپنی خوشیاں اور اپنے رہن سہن تک کو کمپرومائز کر لیتے ہیں،
ان کی خوشنودی صرف پاکستان میں موجود ان کے پیارے آرام و سکون کے ساتھ زندگی بسر کریں،
بیرون ملک پاکستانیوں کی بھیجی گئی رقوم نہ صرف ان کے پیاروں کو ان کے اخراجات فراہم کرنے میں مدد دیتی ہے بلکہ یہ رقوم جسے عام طور پر remittance کہا جاتا ہے ملک کیلئے بھی اہم کردار ادا کرتی ہے،
فائنانس کے متعلق جاننے والے افراد اس پر بہتر طور پر تبصرہ کر سکتے ہیں، میرا آج کا یہ کالم بیرون ملک پاکستانیوں کی مشقت اور اپنے پیاروں سے رابطے اور کیسے وہ اپنے پیاروں کی ہر خواہش کا احترام کرتے ہیں پر محیط ہے،
ایک مزدور کی مزدوری کا ٹائم مختص ہے جو آٹھ گھنٹے اور کمپنیوں اس سے دس گھنٹے اور بعض کمپنیاں بارہ گھنٹے بھی ڈیوٹی لیتی ہیں لیکن وہ مزدور کو اس کے معاہدے کے مطابق محافظہ بھی دیتی ہیں،
کام کرنے والا چاہے تو صرف اپنا ڈیوٹی ٹائم یعنی آٹھ گھنٹے کام کر سکتا ہے، اور اپنا طے شدہ معاوضہ مہینے کے بعد تنخواہ کی صورت میں لے لیتا ہے،
ہر کام کرنے والا ایک جیسا کام بھی نہیں کرتا مختلف فیلڈ میں مختلف قسم کے لوگ ایکسپرٹ ہوتے ہیں، ہر ایک کی اپنی فلیڈ ہوتی ہے ہر ایک کا معاہدہ بھی مختلف ہوتا ہے لیکن حقیقت میں تو سب کے سب مزدور ہی ہیں ہر کوئی مزدوری کر رہا ہے۔کوئی دفتر میں بیٹھ کر مزدوری کرتا ہے تو کوئی باہر دھوپ کام کر کے مزدوری کرتا ہے،
مختلف قسم کے شعبے ہیں زیادہ تر پاکستانی متحدہ عرب امارات میں اور سعودی عرب میں قطر بحرین عمان میں لیبر کے طور پر کام کرتے ہیں،
کوئی عام مزدور ہے تو کوئی اسکیل ورکر ہے، ان کے علاوہ ایک اور طبقہ انجینئرز، اکاؤنٹنٹ منیجرز وغیرہ بھی ہیں لیکن وہ اتنی تعداد میں نہیں ہیں اور انہیں بہت سی سہولیات میسر ہوتی ہیں اور بعض ایسے لوگوں کی فیملیز بھی ان کے ساتھ ہوتی ہیں لیکن پھر بھی وہ اپنے وطن سے دور تو ہیں ہی وطن تو انہیں بھی یاد آتا ہوگا،
ہم اس مزدور کی بات کرتے ہیں جس کا رہن سہن کھانا پینا اور اپنی چیزوں کا خیال رکھنا سب اس کی ذمہ داری ہوتی ہے،
کمپنیوں میں جو مزدوروں کو رہائش فراہم کی جاتی ہے "(2/4/6/8/10/12)” مختلف افراد کی تعداد کو ایک کمرے میں ٹہرایا جاتا ہے،
یوں ہر فردکو اپنی پرائیویسی پر کمپرومائز کرنا پڑتا ہے، باورچی خانہ بھی ایک سے زائد لوگ استعمال کرتے ہیں واش روم بھی ایک سے زائد لوگ استعمال کرتے ہیں،
ڈیوٹی میں دیر سویر نہیں کی جا سکتی کام والی جگہ پر وقت پر پہنچنا نہایت ضروری ہے۔
کمپنی کے حالات ٹھیک نہ ہونے پر تنخواہ میں تاخیر ہو سکتی ہے آپ کا اقامہ تجدید دیر سے کیا جا سکتا ہے، تنخواہ کبھی تھوڑی تو کبھی دو مہینے بعد بھی دی جاتی ہے کسی سے کوئی سوال نہیں کر سکتے صرف چپ کرکے کام کر سکتے ہیں،
اور اپنی ٹینشن اور پریشانی دور کرنے کے لیے گھر والوں سے رابطہ کر سکتے ہیں لیکن گھر والوں سے رابطہ بھی تو مفید ثابت نہیں ہوتا مگر کرنا ضروری ہوتا ہے اپنے پیاروں کی خوشی اور ان کو دلاسہ اور سہارا دینے کےلئے ایک بندہ جو اتنی پریشانیوں اور تکلیفوں سے گزربسر کر رہا ہے روزی روٹی کما رہا ہے،
وہ شخص اپنی پریشانیوں اور اپنی تکلیفوں سے اپنے گھر والوں کو آگاہ تک نہیں کرتا دیکھو تو ذرا اس شخص کا ظرف کتنا عظیم ہے،
تنخواہ آنے والی ہے میں بالکل ٹھیک ہوں کچھ حالات خراب ہیں کمپنی کے بہتر ہونے والے ہیں تنخواہ مل گئی ہے بھیج رہا ہوں اچھا تھوڑے سے پیسے زیادہ بھیج دیتا ہوں ٹھیک ہے آپ وہ خرید لیں آپ یہ خرید لیں،۔ اس کی زبان پر اپنے لئے تو کوئی بات نہیں ہوتی کرنے کو بس ماں کیسی ہے بابا کیسے ہیں بہن کیسی ہے بھائی کیسا ہے وہ کیسے ہیں یہ کیسے ہیں،
میں تو بالکل ٹھیک ہوں اور کام وام، ڈیوٹی وغیرہ تو بہت اچھی جارہی ہے،
بیوی بچوں والوں کے لئے تو زیادہ مسئلہ ہے وہ گھر سے دور زیادہ دیر تک نہیں رہ سکتے مگر یہ لوگ اس پر بھی صبر کرتے ہیں، اور شادی شدہ افراد ہی زیادہ تعداد میں پردیسی ہیں اور جس کی شادی نہیں ہوتی وہ بھی پردیس میں ایک سفر کاٹنے کے بعد جاکے شادی کر لیتا ہے،
"” اب ہر کوئی میرے جیسا تو نہیں ہوتا کہ شادی پردیس کا مکمل سفر کاٹ لینے کے بعد ہی ہو گی،””
( مذاق خیز بات)
مل جل کر رہنا پڑتا ہے لیکن ہر ایک کا مزاج بھی تو مختلف ہوتا ہے کوئی ٹھنڈے دماغ والا تو کوئی گرم دماغ والا کسی سے کسی کی نہ بن سکے اور وہ رہتے بھی ایک ہی کمرے میں ہوں تو کافی مشکلات کا سامنا کرنا پڑ جاتا ہے اور یہ ٹینشن اور پریشانی اس کے کام پر بھی اثر انداز ہوتی ہے،
اس کے علاوہ اچھا یہ ایک منفی پہلو ہے جو میں اجاگر کرنے لگا ہوں اور ساتھ میں دعا بھی اللہ تعالی سے کروں گا کہ اللہ تعالی ہم سب کو ہدایت دے کہ ہم کسی کی چغلی کرنے اور حسد اور کینہ و بغض جیسی بیماریوں سے خود کو بچا سکیں،
لیکن اچھے دوست بھی بن جاتے ہیں جان پہچان بنا لیتے ہیں تھوڑی بہت ہو جایا کرتی ہے اور صلح بھی ہو جایا کرتی ہے اور ہنسی مذاق اور خوش گپیوں میں بھی اچھا وقت گزرتا ہے ایک دوسرے کے ساتھ اور وقت کا تو پتہ ہی نہیں چلتا اچھا ہو یا برا گزر ہی جاتا ہے لیکن ان لوگوں میں صبر آجاتا ہے اور یہ لوگ ہر حالات میں صبر کر سکتے ہیں،
بے شک اللہ بھی صبر کرنے والوں کے ساتھ ہوتا ہے،

‎@zsh_ali