Category: بلاگ

2019 میں ایک وبا عام ہوئی جسکو کرونا وائرس کا نام دیا گیا ساری دنیا کو اس وائرس نے تیزی سے اپنی لپیٹ میں لیا پاکستان میں فروری 2020 کرونا وائرس کے دو مریض سامنے آئے ان میں سے ایک مریض کراچی اور دوسرا وفاقی سے تھا دونوں مریض ایران کے سفر سے لوٹے تھے اس کے بعد تو جیسے کرونا نے سر اٹھا لیا اچانک کرونا کے مریضوں کی تعداد بڑھنے لگی دیکھتے ہی دیکھتے پورا ملک کرونا کی لپیٹ میں آگیا عالمی ادارہ صحت نے خبردار کیا تھا کہ اگر حفاظتی تدابیر نہ اختیار کی گئیں تو جولائی کے وسط تک پاکستان میں کورونا کے مریضوں کی تعداد دو لاکھ سے تجاوز کر سکتی ہے اس کے بعد ان میں اضافہ ہوگا یا کمی واقعہ ہوگی وہ مکمل طور پر ختم نہیں ہوں گے جو آج کافی حد تک درست ثابت ہوئی،
ہسپتالوں میں ایمرجنسی وارڈ بنائے گئے عوام کو آگاہی دی گئی ماسک پہنیں، غیر ضروری گھروں سے باہر نا نکلیں، ہاتھ بار بار دھوئیں،مگر وہ پاکستانی ہی کیا جو حکومتی اقدامات کو سنجیدہ لیں جوں جوں ہسپتالوں میں مریضوں کی تعداد بڑھتی گئی وہی آکسیجن کی کمی سامنے آئی دوسرے ممالک سے مدد ملی کرونا پر قابو پانے کی ہر ممکن کوشش ناکام ہوئی تب حکومت کی جانب سے لاک ڈاؤن لگانے کا فیصلہ لیا گیا، جن شہروں میں کیسز زیادہ رپورٹ ہوئے وہاں سخت لاک ڈاؤن لگایا گیا اس کے باوجود عوام نے اس وبا کو سنجیدہ نا لیا لاکھ پابندیوں کے باوجود گلی محلوں چھوٹے ہوٹلوں پر عوام کے ہجوم نظر آتے رہے، سخت لاک ڈاؤن میں اسکول ،کاروبار ، تو بند ہوئے مگر سیاسی سرگرمیاں اپنی عروج پر تھی حکومت جماعت ہو یا اپوزیشن سب نے اپنی سیاست کے لیے عوام کی جانوں سے کھیلا جلسے ہوتے رہے انتخابی مہم چلتی رہی یہی وہ خاص وجہ رہی جس نے عوام کو یہ سوچنے پر مجبور کیا کہ کونسا وائرس ہے جو صرف شادیوں ہوٹلوں اسکولوں میں آتا ہے جلسوں میں نہیں، حالیہ کچھ دنوں میں کراچی میں 48 افراد کرونا سے انتقال کرگئے اس سے پہلے پنجاب میں 25 افراد ایک دن میں کرونا سے انتقال کرگئے تھے، ڈاکٹر کرونا مریضوں کا علاج کرتے کرتے خود اپنی زندگیوں سے ہاتھ دھو بیٹھے یہ وہ وقت تھا جب ہمارے پاس ویکسین کی سہولت موجود نا تھی اب پاکستان میں ویکسین لگائی جارہی ہے بڑی تعداد میں لوگ ویکسین لگوا رہے ہیں ہر شہر بلکہ اب تو ہر علاقے میں ویکسین کی سہولت موجود ہے،

کچھ لوگ پوچھتے ہیں ویکسین لگوانے سے کرونا نہیں ہوگا؟

جن لوگوں کو ویکسین لگی وہ بھی کرونا کا شکار ہوئے ہیں تو جناب اسکا جواب یہی ہے کرونا ہوگا مگر اسکی شدت اتنی تیز نا ہوگئی جو آپکی جان لے جاے آپ کے جسم میں وائرس سے لڑنے کی طاقت موجود ہوگئی جس سے آپ بہت جلدی اس وبا سے لڑ سکیں گے جبکہ ویکسین نا لگوانے والوں کو کافی تکلیف سے گزرنا ہوگا جس میں سانس کی کمی سب سے خطرناک ہوسکتی ہے جو آپکی جان لے جاے،

دوسری جانب کچھ لوگ یہ بھی کہتے نظر آرہے "ویکسین نہیں ہے یہ ویکسین کے نام پر تجربہ ہورہا ہے "جس سے دو سالوں میں ویکیسن لگوانے والے مرجائیں گے خواتین بانجھ ہوجاہیں گئی مرد نا مرد ہوجاہیں یہ ساری من گھرٹ کہانیاں ہیں جو ہم میں سے ہی لوگوں کی بنائی گئی ہیں ہم میں موجود بہت سے لوگ آج بھی پولیو ویکسین کو نہیں مانتے یہ سلسلہ ایک عرصے سے چلا آرہا جو کبھی نہیں رکے گا، زندگی موت اللہ کے ہاتھ میں ہے لیکن اللہ نے انسان کے ہاتھ میں کوشش رکھی ہے جو ہماری حکومت عوام کے لیے کررہی ہے

ویکسین لگوائیں یا نا لگوائیں یہ اپکا ذاتی عمل ہے کم از کم من گھڑت کہانیاں بناکر خود کو بہت بڑا سائنسدان سمجھ کر سوشل میڈیا پر ویڈیوز اپلوڈ کرکے عوام کو گمراہ نا کریں ایسی ویڈیوز بنانے والوں کے خلاف حکومت کو اداروں کو سختی سے نوٹس لینا چائیے جو عوام میں مایوسی خوف پھیلا رہے ہیں

اگر اب بھی کوئی ویکسین نہیں لگواتا وہ اپنا اپنی فیملی کا زمہ دار خود ہوگا ایسا نا ہو ہسپتال میں آکسیجن نا ملے یا وقت پر ڈاکٹر موجود نا ہو سوچیے۔۔۔۔۔۔۔۔

اپنے قریبی ویکسین سینٹر جانے میں دیر نا کریں کیونکہ یہ وبا دروازہ بجاکر نہیں آتی ۔۔۔۔۔۔۔۔۔۔۔
تحریر راحیلہ عقیل

ہمارے معاشرے میں لوگوں کو اس موضوع پر آگاہی ہی نہیں دی جاتی جس کی وجہ سے بہت ہمارے سادہ لوح بہن بھائی کھلی گمراہی کی طرف جا رہے ہیں۔
اللہ تعالی ایک, اپنی ذات میں ایک, اپنی صفات میں ایک, وہ یکتا ہے اس کا کوئی شریک نہیں ۔
وہ ہی دینے والا ہے وہ ہی لینے والا ہے ۔
لیکن انڈیا پاکستان میں افسوس کے ساتھ ہم نے اپنے حقیقی خالق و مالک کو چھوڑ کر ہندوٶں کا فرسودہ طریقہ اپنا لیا ہے ۔جس طرح کچھ ہندو بتوں کی پوجا کرتے ہیں ویسے ہی انڈیا پاکستان میں کچھ لوگ قبروں کی پوجا کرنے لگے ہیں ۔
کبھی ہم دیکھتے ہیں کچھ لوگ قبروں سے منتں مرادیں مانگ رہے ہوتے ہیں تو کبھی بیٹا مانگ رہے ہوتے ہیں تو کبھی نوکری تو کبھی کاروبار میں ترقی ۔اب بات یہ ہے جو ہمارا رب ہمارے دعا کرنے سے اتنا خوش ہوتا ہے جو ہمارا رب ہمارے سب سے قریب سننے والا ہے ہم سیدھا اس سے کیوں نہیں مانگتے ہیں !
کیا وہ ہماری دعاوں کو نہیں سنے گا نعوذ باللہ کیا وہ ان کو قبول نہیں کرے گا !
افسوس آج ہم نے حقیقی اللہ کو چھوڑ کر مصنوعی خدا بنا لیے جن کو کبھی داتا کہا جاتا ہے تو کبھی رب نواز تو کبھی بندہ نواز تو کبھی کیا ۔کبھی ہم دیکھتے ہیں سندھ میں ایک مزار پر حج شروع ہوجاتا ہے تو کبھی ہزاروں ایسے واقعات سامنے آتے ہیں ۔
اب سوال یہ ہے وہ کون سی ایسی دعا ہے جو میرا رب نہیں سنتا ! وہ کون سی نعمت ہے جو نعوز باللہ ہمارا اللہ تعالی نہیں عطا کر سکتا جو ہم ان بت نما قبروں سے مانگتے ہیں!
قران و حدیث انسان کی رہنمائی کےلیے بہترین نمونہ ہیں جن ہر عمل پیرا ہو کر ہر انسان اپنی زندگی سنوار سکتا ہے ۔
لیکن افسوس ہمارا معاشرہ شرک و بدعات جیسی ایسی غلیظ رسم و رواج میں گر چکا ہے جو ہمارے ایمان کی تباہی کا باعث بن رہی ہیں ۔
آج کل ہمیں قران و حدیث پر عمل کرنے سے منع کیا جاتا منطقیں پیش کی جاتی فقہ کی کتابیں پڑھائی جاتی ہیں ۔۔کہ کہیں یہ بچہ یا بچی سہی معنوں میں قران و حدیث پر چل کر یہ شرک و بدعات چھوڑ دے گا ۔
ہمیں آج کل فقہ کی کتابوں میں اتنا الجھا دیا گیا ہے کہ ہم قران و حدیث کی بات کو ماننے سے کتراتے اتے ہیں ۔ہمیں پتہ ہوتا قران و حدیث سچ ہے لیکن ہمارے کچھ بھائی اور بہنیں قرانی و حدیث کے مقابلے میں فقہ کی منطقیں پیش کرتے ہیں ۔وہ صرف اس لیے کیوں کہ اگر انہوں نے قران و حدیث کو سچ مان لیا تو ان کا پورا فقہ سامنےآ جاۓ گا ۔ان کے بڑے بڑے علماء جنہوں نے سالوں سے اس قوم کو بے وقوف بنا کے رکھا ہوا ہے وہ بے نقاب ہو جائیں گے ۔۔
آج کل بہت سے فقہ میں تقریباً چھ سال تک فقہ پڑھایا جاتا ہے جب بچے کا زہن فقہ پر پک جاتا ہے وہ اس ہی فقہ کو حق سچ مان لیتا ہے تو آخری ایک دو سال میں احادیث کی ساری کتابیِں سامنے رکھ دی جاتی ہیں ۔ جن کو بچے اتنے کم وقت میں سہی سے سمجھ نہیں سکتے اور بعد میں جب ان کے سامنے کوئی سہی احدیث بھی پیش کی جاتی ہے تو وہ اس کے مقابلے میں اپنے فقہ کو ترجیح دیتے ہیں ۔اس لیے ہمارا معاشرہ دن بدن شر و بدعات جیسی غلیظ رسم و رواج میں گرتا جا رہا ہے جو کہ ایک نہایت افسوس ناک بات ہے ۔اور جس کا عذاب نہایت درد ناک ہے ۔

اللہ پاک سب کو قران و حدیث پر صیحح معنوں میں عمل پیرا ہونے کی توفیق عطا کرے

‎@iitx_Hadii

ہرن کے بھاگنے کی رفتار 85 کلومیٹر فی گھنٹہ ہوتی ہے جبکہ شیر 60 کلومیٹر فی گھنٹہ کی رفتار سے بھاگتا ہے۔ اتنا تیز بھاگنے کے باوجود بھی ہرن شیر سے نہیں بچ پاتا اور شیر ہرن کا شکار کر ہی لیتا ہے.کیونکہ ہرن کے دل میں پکڑے جانے کا مارے جانے کا ڈر ہوتا ہے۔ ہرن کے دل میں کہیں نہ کہیں یہ بات بیٹھی ہوتی ہے کہ شیر اس سے زیادہ طاقتور ہے یہ مجھے مار سکتا ہے۔اس لئے وہ مڑ مڑ کر پیچھے دیکھتا رہتا ہے اور اس کی رفتار کم ہوجاتی ہے۔ جب ہم ڈرتے ہیں تو اتنا بھی نہیں کرپاتے جتنا ہم آسانی سے کرسکتے ہیں۔ڈر ہمیں کمزور کردیتا ہے, ناکارہ بنا دیتا ہے۔ ہماری صلاحیتوں کو کھا جاتا ہے۔ہمیں زندگی میں آگے بڑھنے سے روک دیتا ہے۔ایک طالبعلم کو فیل ہونے کا ڈر ہوتا ہے امتحان میں کم نمبر آ گئے تو کیا ہوگا۔لوگوں کی باتوں کا ڈر ہوتا ہے والدین کی ناراضگی کا ڈر ہوتا ہے۔دوستوں، رشتہ داروں میں عزت کا جنازہ نکلنے کا ڈر ہوتا ہے۔ وہ جب بھی کتاب لے کر پڑھنے کے لیے بیٹھتا ہے تو یہ سارے ڈر اور خدشات اس سے گھیر لیتے ہیں۔جب وہ ڈر ڈر کر پڑھے گا تو کیا خاک پڑھ پائے گا اسکے اندر کا خوف اس سے کبھی بھی اچھے مارکس نہیں لینے دے گا۔ جو کھلاڑی ڈرتا یے وہ کبھی اچھا نہیں کھیل سکتا جس کو آوٹ ہونے کا ڈر ہوگا اس کا دھیان کبھی کھیل کی طرف جائے گا ہی نہیں،اونچی شاٹ کھیلی تو کہیں آوٹ نہ ہوجاوں جو کھلاڑی یہ سوچے گا وہ کبھی چھکا نہیں مار پائے گا۔ڈر لگتا تو سب کو ہے لیکن سب لوگ نہیں ڈرتے کچھ لوگ ڈرتے ہیں اور کچھ لوگ اس ڈر پر قابو پا لیتے ہیں۔ ڈر پہ قابو پانا سیکھ جاتے ہیں اور وہی لوگ زندگی میں کامیاب ہوتے ہیں۔اب سوال یہ ہے کہ جو لوگ ڈر پہ قابو پالیتے ہیں وہ ایسا کیا کرتے ہیں کیسے ایسا کرلیتے ہیں۔ناکامی کا ڈر اور کامیابی کا یقین دو بھیڑیے ہیں جو ہر انسان کے اندر موجود ہیں۔ ناکامی کا بھیڑیا ہمیں ڈراتا ہے کہ کہیں فیل نہ ہوجاوں فیل ہوگیا تو کیا ہوگا۔ یہ ناکامی کے ڈر کا بھیڑیا ہے اور دوسرا بھیڑیا کامیابی کا یقین دلاتا ہے کہ ضرور کامیاب ہونگے۔ حالات اتنے بھی برے نہیں تیاری اتنی بھی خراب نہیں فکر نہ کرو ہمت کرو۔ یہ بھیڑیے ہمارے ساتھ ہی پیدا ہوتے ہیں بڑے ہوتے ہیں اور مرنے تک ہمارے ساتھ ہی رہتے ہیں۔ ناکامی کا ڈر ہمیشہ کامیابی کے یقین کے ساتھ لڑتا رہتا ہے اور کوئی ایک ہی ان میں سے جیت پاتا ہے۔ جیت ہمیشہ اس بھیڑیے کی ہوتی ہے جس کو ہم کھلاتے پلاتے رہتے ہیں جس کی پرورش کرتے ہیں جس کو پالتے ہیں جس کو طاقتور بناتے ہیں۔ ڈر کو پالیں گے تو ڈر جیت جائے گا اور یقین کو پالیں گے تو وہ ڈر کو چیر پھاڑ دے گا۔ ڈر کی سب سے اچھی خوراک ہوتی ہے اس کے بارے میں سوچتے رہنا اس کا ذکر کرتے رہنا اس سے ڈسکس کرتے رہنا اور یہی چیز ڈر کو طاقتور بناتی ہے۔ جب آپ کتاب لے کر بیٹھتے ہیں اور سوچنا شروع کردیتے ہیں کہ کہیں فیل نہ ہوجاوں تو آپ اپنے ڈر کے بھیڑیے کو کھانا کھلا رہے ہوتے ہیں۔ جب آپ اپنے دوستوں سے بات کررہے ہوتے ہیں کہ کورس بہت زیادہ ہے اور وقت بہت کم رہ گیا ہے بہت مشکل ہے تو آپ ڈر کے بھیڑیے کو مضبوط اور طاقتور کررہے ہوتے ہیں جب آپ ڈر کو مضبوط کروگے پھر ڈر تو لگے گا۔
ڈر سے جان چھڑانی ہے تو ناکامی اور ڈر کے بھیڑیے کو کھلانا پلانا بند کرنا ہوگا اس سے کمزور کرنا ہوگا۔ خود پر یقین رکھیں جو وقت برباد ہوگیا وہ تو گزر گیا ہے لیکن جو وقت آپ کے پاس ہے اسکو استعمال کریں۔ انسان کے ہاتھ میں کوشش کرنا ہے، نتیجے کا سوچنا چھوڑ دیں۔ اس بات پہ یقین رکھیں کہ کی گئی محنت کو خدا کبھی ضائع نہیں کرتا اس کا پورا پورا صلہ ضرور ملے گا.
ناکام ہونے کا فیل ہونے کا سوچنے کیبجائے کامیاب ہونے کا سوچیں کیوں ڈریں کہ زندگی میں کیا ہوگا ہر لمحہ کیوں سوچیں کہ کچھ برا ہوگا۔ خود پر یقین کرکے چلیں تو ایک نہیں ہزار راستے آپ کے لیے کھل جاتے ہیں۔ مشکلوں سے ڈر کر کبھی ہمت نہ ہاریں بلکہ زندگی کو اپنے ہاتھوں سے سنواریں۔ جیتنا چاہیں گے تو جیت ملے گی ہار کا ڈر لے کر کبھی زندگی نہ گزاریں۔زندگی میں ہر روز کچھ نیا سیکھیں کچھ نیا کریں کچھ نیا سوچیں۔

tweets @KharnalZ