Category: بلاگ

ایک سال پہلے جب عمران خان کابینہ کی میٹنگ بلائی جاتی ہے تو اس میں بتایا جاتا ہے کہ ہمارے پاس اپنی ضرورت سے زیادہ گندم ہے گندم ایکسپورٹ کر دی جائےپھر جب ایک سال بعد کابینہ کی میٹنگ بلائی جاتی ہے بتایا جاتا ہے ہمارے پاس تو گندم تھی ہی نہی اوپر سے ہم نے ایکسپورٹ کردی، اصل میں مسئلہ کابینہ میں کرپٹ ٹولے کا ہیں اب گندم کی قلت اگئی۔جب تک یہ ٹولہ ختم نہی ہوتا تب تک یہ کنفیوژن رہی گی

اسی طرح ایک سال کابینہ کی میٹنگ بلائی جاتی ہے کہ ہمارے پاس تو ضرورت سے زیادہ چینی موجود ہے کیو نہ چینی ایکسپورٹ کر دی جائے، ایک دفعہ پھر وہی کام ہو جاتا ہے، کہ ہمارے پاس تو چینی پہلے ہی کم تھی اوپر سے چینی ایکسپورٹ کر دی گئی، اب چینی کی قلت۔سیم ایشو!

 ایک دن وزیراعظم کو پتہ چلا کہ چینی، گندم پر تو کابینہ کو غلط، جھوٹے، جعلی اعدادوشمار والی بریفنگز دی ہیں۔ وزیراعظم حیران ہو گیا اور کہنے لگا اب یہ غلط بریفنگز کیوں دی گئی کس نے دیں، ذمہ دار کون، کیا سزاملی، کچھ پتا نہیں ۔ کیونکہ جب اسٹیبلشمنٹ نے خان کو دو تہائی اکثریت سے روکا تھا اور وہ ابھی تک سسک سسک کہ تین سال گزر گئے تو پھر خان نے تو چپ کرنا ہے کیونکہ خان بہت کچھ کرنے والا تھا لیکن جب آپ ایک بندہ دونوں ہاتھوں سے باندھے تو کچھ نہی کر سکتا۔
آجائیں کپتان نے خود چینی ایکسپورٹ، سبسڈی کی اجازت دی تھی اور تحقیقات کا حکم دے دیا

 گزرے تین سال سے ملک میں انرجی کے حوالے سے کیا کیا نہی ہوا، ایل این جی، بجلی،گیس بل اضافے، انرجی سیکٹر چوری، نجی بجلی گھر ڈاکے،لیکن کپتان نے ڈٹ کر اپنی انرجی پالیسیوں کا دفاع تو کیا لیکن ایک دن کپتان بولے’’مجھے تو تین سال انرجی پر غلط بریفنگ دی تھی۔ اسی روز رات کو ہی اسد عمر کو فارغ کردیا گیا۔

اب آجائے نوز شریف کا مسئلہ۔
6گھنٹے کابینہ اجلاس ہوا اور سب نے چیک کرنے کے بعد خودہی نواز شریف کو لندن جانے کی اجازت دی مگر یہ سب ڈرامہ رچایا اور کہتے تھے کہ اس نے ہمیں غلط رپورٹ دی تھی حالانکہ ان سب کو معلوم تھا۔ تو پاکستان کہ ڈاکٹر یہ بھی نہی جانتے تھے کہ اس میں کیا تھا وہی رپورٹ اج لنڈن کے ڈاکٹر نے فراڈی ثابت کیے کہ اس رپورٹ میں ایک بیماری نہی ہے اب
کیونکہ کچھ خاص باتوں کی وجہ سے اور ڈیل کی وجہ سے اسٹیبلشمنٹ اور گورنمنٹ مل کہ طے ہو جا تا ہے اور ان کو جانے دیا جاتا ہے
اب باری ادویات کی آجاتی ہے ادویات مہنگی ہوتی ہے پھر بعد میں وہی بندہ سکریٹری بن جاتا ہے
ان سب چیزوں کا مین وجہ ڈیل ہے جب آپ ایک بندے کو اپنے من کے لئے نہی چھوڑتے تو پھر ملک میں اسی طرح کی کنفیوژن رہی گی
جب اپ ایک بندہ لے کہ آتے ہے تو پھر ان کو چھوڑ دے
اسی وجہ سے آج نوے فیصد لوگ یہ بات تسلیم کرتے ہے کہ دال میں کچھ کالا کالا ہے اور اسٹیبلشمنٹ بدنام ہے
خدا کے واسطے اس بندے کو اپنے من کے لئے چھوڑ دے
میں کنفیوز ہوں!
 

ٹویٹر آئی ڈی ‎@afaq6464

‏
صرف جسمانی تندرستی ھی صحت مند رہنے کی واحد بنیاد نہیں ہے۔ صحت مند ہونے کا مطلب ذہنی اور جذباتی طور پر فٹ ہونا ہے۔ صحت مند ہونا آپ کے مجموعی طرز زندگی کا حصہ ہونا چاہیے۔ صحت مند طرز زندگی گزارنے سے ھر قسم کی بیماریوں سے بچا جا سکتا ہے۔ اپنی صحت کا خیال رکھنا آپ کی خود اعتمادی اور اپنے اچھے امیج کے لیے اہم ہیں۔ آپ کے جسم کے لیے جو صحیح ہے وہ کریں اور صحت مند طرز زندگی کو برقرار رکھیں ۔

ایک صحت مند طرز زندگی کو برقرار رکھنے کے لیے ، آپ کو صحت بخش خوراک کی ضرورت ہے۔ اپنی خوراک میں زیادہ پھل اور سبزیاں دودھ اور دودھ سے بنی اشیاء شامل کریں اور کاربوہائیڈریٹ ، زیادہ سوڈیم اور غیر صحت بخش چربی کم سے کم کھائیں۔ جنک فوڈ اور مٹھائیوں سے پرہیز کریں ۔ فاقے کرنے سے وزن کم نہیں ھوتا بلکہ اس طرح آپ کی بھوک مزید بڑھ جاۓ گی جب آپ کھانا دوبارہ سے شروع کریں گے ۔

اچھی غذائیت:

اچھی غذائیت اکثر کئی بیماریوں سے بچنے کے لیے دفاع کی پہلی لائن ہوتی ہے ، صحت مند زندگی کا سب سے پہلا اصول اچھی خوراک ھے ۔

پانی:

اچھی صحت کو برقرار رکھنے کے لیے زیادہ پانی پیئں،

منشیات:

کوشش کریں ھر قسم کے نشے سے خود کو بچائیں اگر کسی بھی قسم کا نشہ یا سگریٹ کے عادی ھیں تو کسی اچھے ماہر نفسیات کی مدد سے اسے چھوڑا جا سکتا ھے۔

اچھا رویہ:

ایک مثبت رویہ آپ کی توانائی کو بڑھاتا ہے ، آپ کو ایک مضبوط انسان بناتا ھے جو دوسروں کو متاثر کر سکتا ہے ، اور آپ میں مشکلات سے نمٹنے کا حوصلہ آتا ھے ۔ سب کے ساتھ دوستانہ رویہ رکھیں اور دوسروں کی چھوٹی چھوٹی غلطیوں کو معاف کر دیا کریں اس سے دلی سکون حاصل ھوتا ھے۔

ورزش:

جسمانی ورزش ، یوگا، ایروبک ، واک، تیراکی آپ کے جسم کو مضبوط بناتی ھے اور فالتو چربی کم کرنے میں مدد کرتی ھے اور ورزش کسی بھی قسم کے ذھنی دباؤ کو کم کرتی ھے یہ ضروری نہیں کہ آپ جم میں جا کر سخت ورزش ھی کریں لیکن آپ کو ہر ممکن حد تک فعال رھنے کی ضرورت ہے۔ آپ آسان ورزش کر کے اپنے آپ کو حرکت میں رکھیں۔ وہی کریں جو آپ کا جسم آپ کو کرنے کی اجازت دیتا ہے۔ بس ضروری یہ ہے کہ آپ ورزش جاری رکھیں۔ ہفتے میں کم از کم پانچ دن ورزش کریں اور کم از کم تیس سے چالیس منٹ تک ورزش کریں ۔

مشاغل:

ایسے کاموں میں خود کو مصروف رکھیں جو آپ کو پسند ھیں روزانہ کے کام اور ذھنی دباو سے خود کو بچانے کے لیے بریک ضرور لیں ۔

دوست:

مثبت سوچ کے لوگوں سے دوستی رکھیں۔ تمام مسائل سے بچا نہیں جا سکتا۔ لیکن کوشش کی جا سکتی ہے دوستوں کی حوصلہ افزائی اور تعمیری تنقید سے آپ کو بہتر بننے میں مدد ملے گی ۔ھمیشہ زندگی کے روشن پہلو کو دیکھنے کی عادت ڈالیں۔ بدترین صورتحال میں بھی کچھ اچھا اور مثبت ضرور ھوتا ھے ۔ اس پر غور کریں۔ صحت مند طرز زندگی کو برقرار رکھنا اتنا مشکل نہیں ہے جو کچھ آپ کرتے ہیں کرتے رہیں اور اوپر درج صحت مند رہنے کی تجاویز کو خود پہ لاگو کریں-یقینا آپ بغیر کسی دقت کے معاشرے کے اچھے فرد بن سکتے ھیں ۔

ٹویٹر: ‎@Oye_Sunoo

‏
ہمارے ملک پاکستان میں نوجوانوں کی تعداد بہت ذیادہ ہے اگر سب نوجوان اپنے بہتر مستقبل کے لئے اور پاکستان کی بہتری کے لئے کچھ کردار ادا کرنا چاہتے ہیں تو ان کو فوری کاروبار کی طرف آنا چاہیے
اس وقت ایسے لاکھوں نوجوان اسی امید پر اپنی جوانی کا وہ عرصہ جس میں وہ بہت کچھ کرسکتے ہیں کو ایک سرکاری نوکری کے چکر میں بیٹھے بیٹھے ضائع کردیتے ہیں
اور ہر سال تعلیمی اداروں سے لاکھوں نوجوان ڈگریاں لے کر فارغ ہوتے ہیں جس کی وجہ سے سرکاری نوکری بھی اب کافی مشکل ہوگئ
آپ اپنے ارد گرد نظر اٹھاکر دیکھیں جو بندہ سرکاری نوکر ہو اور اگر کسی کرپشن وغیرہ میں ملوث نا ہو تو یقین کریں وہ ساری زندگی اپنا اچھا گھر تک بنا نہیں سکتا اور اسی جگہ پر کسی کاروباری پر نظر دوڑائیں تو وہ اچھی خاصی دولت کے مالک ہوتے ہیں
دنیا میں جتنے بھی امیر ترین لوگ ہیں وہ یا تو کاروباری شخصیات ہیں یا پھر جن لوگوں نے سرکار میں آکر اپنے ملک کا پیسہ لوٹا ہو
عزت اور حق حلال کی کمائ والا سرکاری ملازم کبھی دولت جمع نہیں کرسکے گا
اس لئے خود کو ضائع ہونے سے بچائیں اور ابھی سے کسی چھوٹے سے کاروبار سے آغاز کریں ،مت سوچیں لوگ کیا کہیں گے ،لوگوں کی باتوں پر توجہ نا دیں اپنا رزق حلال کمانا شروع کریں یقین کریں جب آپ کامیاب بن جائیں گے تو یہی تنقید کرنے والے لوگ آپ کو بہت ذیادہ عزت دیں گے ،کوئ بھی کام شروع کریں ،محنت کریں اللہ پر یقین رکھیں اور یہی سوچ رکھیں کہ آپ نے ایک بہت بڑا بزنس مین بننا ہے ،برگر،بریانی،جوس،سبزی،فروٹ،سموسے،پکوڑے ،چائے،وغیرہ جیسے کئ ایسے چھوٹے کاروبار ہیں جس میں سرمایہ بہت کم ہے لیکن اس میں اچھا خاصہ منافع ہے آپ خود مارکیٹ میں ان لوگوں سے پوچھ سکتے ہیں
گھر پر سارا دن فارغ بیٹھ کر گھر سے روزانہ ۵٠٠ لینے سے اچھا ہے اپنا حق حلال کاروبار کرکے محنت مزدوری سے روزانہ ١٠٠٠/١۵٠٠ اپنے گھر لے کر آئیں جس سے آپ کی عزت میں بھی اضافہ ہوگا اور آپ کے اس چھوٹے سے کام کی وجہ سے تھوڑا بہت وطن عزیز کا بھی فائدہ ہونا ہے معاشی لحاظ سے بھی اور حکومت پر نوکریوں کا کوئ بوجھ نہیں پڑنا
اس لئے تمام دوست کاروبار شروع کریں آج سے کریں ،خواتین بھی گھر بیٹھ کر کاروبار کرسکتی ہیں آج کل تو ہر چیز اونلائن مل رہی ہے تو اپنا کوئ فیس بک پیج ہی بناکر اس پر مختلف چیزیں بیچیں حلال رزق میں اللہ پاک نے برکت رکھی ہے یقین کریں چند ہی سالوں میں آپ اپنا ایک اچھا نام کماسکتیں ہیں اور عزت کے ساتھ پیسہ بھی

‏
وزیراعظم کے معاون خصوصی جمشید اقبال چیمہ نے ٹی گارڈن شنکیاری مانسہرہ کے دورہ میں باتیں تو بہت کیں لیکن یہ اتنا آسان کام نہیں جتنا وہ سمجھتے ہیں۔
سب سے پہلی بات تو یہ ہے چائے کی کاشت کو جب تک پاکستان زرعی تحقیقاتی کونسل اسلام آباد کے چنگل سے نہیں نکالا جائے گا۔ اس وقت تک یہ منصوبہ کامیاب نہیں ہوسکتا۔
کونسل نے یہاں ایک کچھڑی بنا دی ہے۔ یعنی چائے کے ساتھ زیتون کی کاشت اور پھر مختلف پھلوں کے پودوں کی کاشت وغیرہ
بنیادی طور پر زیتون کی کاشت یعنی تیل دار اجناس یا درخت۔ اس کے لئے ایک ادارہ آئل اینڈ سیڈ کارپوریشن ہوتا ہے۔ یہ اس کا کام ہے۔
اسی طرح سبزیات اور پھلوں کے لئے بھی ایک ادارہ فروٹ اینڈ ویجیٹیبل بورڈ ہوتا ہے یہ اس کا کام ہے۔
چائے کے لئے پاکستان ٹی بورڈ ہے یہ اس کا کام ہے
ضرورت اس امر کی ہے کہ ان اداروں کو فعال کرکے انھیں اس پر کام کرنے دیا جائے۔
پاکستان زرعی تحقیقاتی کونسل اگر چائے میں اتنا ہی مخلص ہے وہ یہ بتائیں کہ پچاس سال میں انھوں نے کتنے رقبہ پر چائے کے باغات لگائے؟
میں اس وقت تفصیل میں نہیں جانا چاہتا اس کے لئے الگ سے ایک آرٹیکل لکھوں گا یا اپنے صحافی بھائیوں کو بلا کر انھیں اصل حقائق سے آگاہ کروں گا۔
اہم بات یہ ہے کہ معاون خصوصی اپنے دورہ میں اسلام آباد سے صحافیوں کی ٹیم لے کر آئے جو چائے کے حوالے سے کچھ نہیں جانتے۔ جبکہ مقامی صحافیوں کو نظرانداز کیا گیا۔ شاید معاون خصوصی ڈرتے تھے کہ ان سے اصل سوالات نہ پوچھ لئے جائیں۔
اگر معاون خصوصی ملک کے لئے کام کرنا چاہتے ہیں تو وہ دوبارہ یہاں کا دورہ کریں اور مقامی صحافیوں کا سامنا کریں یا کسی چینل پر ہمارے ساتھ لائیو آجائیں ۔
معذرت کے ساتھ عرض ہے کہ پاکستان زرعی تحقیقاتی کونسل میں اس وقت چائے کا کوئی ایسا ماہر نہیں جو اس چائے کے بارے عملی طور پر معلومات رکھتا ہو۔ یہ بھی عرض کروں کہ معاون صاحب ان لوگوں سے میٹنگ کریں جو اسے سمجھتے ہوں اور وہ لوگ مقامی طور پر موجود ہیں جو 1980 کے بعد سے اسے دیکھ رہے ہیں۔ جن میں صحافیوں کا کردار کسی طور نظرانداز نہیں کیا جا سکتا۔
بحیثیت مجموعی میں سمجھتا ہوں کہ معاون خصوصی کا یہ دورہ صرف ایک نمائشی دورہ ہوگا۔

https://t.co/qquHD0JKfP‎

‏
ہمارے میانوالی شہرکی تہذیب و ثقافت اور لوگ پوری دنیا میں مشہور ہیں۔ میانوالی کی ثقافت میں جہاں سادگی کے رنگ نمایاں ہیں وہاں حیا کو بھی خاصی اہمیت حاصل ہے۔یہاں کی خواتین ہمیشہ با پردہ ہو کر باہر نکلتی ہیں اور پردے کا خاص خیال رکھا جاتا ہے۔اگر خواتین کسی گلی یا چوراہے سے گزریں تو مرد حضرات رستہ خالی کر کے ایک طرف ہو جاتے ہیں۔یہاں کے لوگ عورتوں کو اپنی ماوں بہنوں جیسی عزت دیتے ہیں۔لیکن گزشتہ چند سالوں سے موسیقی کے نام پر ہونے والی فحاشی و عریانی نے میانوالی کی تہذیب کوبہت نقصان پہنچایا ہےاور یہ فحاشی و عریانی بڑی تیزی سے سرایت کر رہی ہے۔گلوکاروں نے ماڈلنگ کے نام پر بے حیائی کا طوفان برپا کر رکھا ہے۔گزشتہ روز ایک گلوکار کی ویڈیو دیکھنے کا اتفاق ہوا جو نہایت ہی بے ہودہ تھی وہ خود تو بڑی عمر کے تھے لیکن ایک دوشیزہ کے ساتھ نہایت ہی غیر اخاقی انداز میں رنگ رلیاں منا رہے تھے۔جس عمر میں انسان اللہ کی طرف رجوع کرتا ہے وہ اس عمر میں خود بھی بدکاری کر رہے ہیں اور پھر اس کی ترویج بھی کر رہے ہیں۔اب انسان ان سے سوال کرے کہ حضرت آپ اپنی بیٹی کی عمر کی لڑکی کے ساتھ اس طرح کی ویڈیوز بنوا کر کیا پیغام دینا چاہتے ہیں۔خیر سستی شہرت کے نشے میں دھت یہ لوگ اچھائی برائی کا تصور بھی نہیں کرتے۔ قابلِ فکر بات یہ ہے کہ کسی شخصیت نے اس سیلابِ فحاشی کے آگے بندھ باندھنے کی ادنیٰ سی بھی کوشش نہیں کی۔اس معاملے میں اسلام کے احکامات بھی واضح اور روشن ہیں.
قرآن پاک میں ارشاد ہوتا ہے:
"جو لوگ چاہتے ہیں کہ ایمان لانے والوں کے گروہ میں فحاشی پھیلے وہ دنیا اور آخرت میں دردناک عزاب کے مستحق ہیں ”
سورة النور : 19
حدیث شریف میں آتا ہے کہ
"حیاء اور ایمان دونوں ایک ساتھ ہیں اگر ان میں ایک بھی اٹھا لیا حائے تو دوسرا خود بخود اٹھ جاتا ہے” ( الحاکم )

ضرورت اب اس امر کی ہے کہ ان گلوکاروں کا بائیکاٹ کیا جائے۔ ان کے خلاف یک جا ہو کر مہم چلائی جائے اور ان کے غلط افعال کی حوصلہ شکنی کی جائےورنہ بتدریج بے حیائی کی راہ ہموار ہوتی جائے گی اور اسکے ذمہ دار ہم خود ہونگے۔
اگر آپ میری تحریر سے متفق ہیں تو اس پیغام کو آگے پھیلائیں۔ شکریہ

‎@naveedofficial_

اسکی وجہ شیخ کی وہ ایمانی فراست بھی تھی جس کی بدولت انہیں حاضرین کی حقیقت کا فوراً اندازہ ہوجاتا تھا کہ کون تقویٰ کا خوگر ہے اور کس نے اپنے دل میں ظلمت کو جگہ دی ہے، دنیوی معاملات سے یکسر علیحدہ، علم و معرفت کے بادہ کش اور مولیٰ کی خلوت نشینی کرنے والے عموماً شعور و بصیرت کا وہ مقام حاصل کرلیتے ہیں جس پر فائز ہوکر باطنی کیفیات کا اندازہ لگانا مشکل نہیں ہوتا اور قلب و جگر کے احوال خود عیاں ہوکر سامنے آجاتے ہیں، متقدمین و متاخرین علماء میں اس کی بہت سی نظیریں موجود ہیں۔
شیخ کی کتاب حیات کا سب سے روشن ورق انکا علمی انہماک ہے وہ محدثین کے اس طبقے سے تعلق رکھتے تھے جو ساری کشتیاں جلا کر علمی میدان ہی کے مسافر بن جاتے ہیں اور اسے دنیا کی رنگینیوں سے کوئ سروکار نہیں ہوتا، انہوں نے جب حدیث رسول کو اپنا موضوع بنایا تو سستانے کا نام نہیں لیا، وادی کے ہر ٹیلے کو سر کیا، ہر پتھر کو الٹ کر دیکھا اور کارواں کی تلاش میں عرصۂ دراز تک صحرا نوردی کرتے رہے، انکا مطالعہ ذوق سے بڑھ کر فطرت و مزاج بن گیا تھا جس طرح مچھلی پانی کے بغیر زندہ نہیں رہتی اسی طرح انہیں بھی کتب کی ورق گردانہ کے بغیر چین نا آتا تھا، وہ زندگی کے شب و روز مطالعہ میں گذارتے تھے اگر کہیں سفر پر ہوتے تو سب سے پہلے نایاب کتب، نادر مخطوطات اور قدیم تصنیفات کو تلاش کرتے، وہ معرفت کی شراب پی کر گویا دنیا کو تو بھول ہی گئے تھے اسلئے پوری زندگی مجرد رہے اور ابن جریر طبری، ابو اسحاق شیرازی، امام نووی، حافظ ابن تیمیہ، عزالدین ابن جماعہ، شیخ طاہر الجزائری اور مولانا ابوالوفاء افغانی کے نقش قدم پر چلتے ہوئے انہوں نے علم دین کی خدمت کو شادی پر ترجیح دی، باری تعالیٰ کسی کی قربانی کو ضائع نہیں کرتا، اس لئے انہیں حدیث کی بزم میں ایسا بلند مقام عطا فرمایا کہ بڑے بڑے علماء کو جب کوئی اشکال پیش آتا تو وہ سب بلا تکلف ان سے رجوع کرتے تھے، استفادہ کرنے والے ان علماء میں ہمیں شیخ الحدیث حضرت مولانا زکریا کاندھلوی، مفکر اسلام حضرت مولانا سید ابوالحسن علی ندویؒ، محدث کبیر حضرت مولانا عبدالجبار اعظمی رحمۃ اللہ علیہ، محی السنۃ حضرت مولانا ابرار الحق صاحب ہردوئ جیسے بلند و بالا نام ملتے ہیں ۔
علمی رسوخ کی اصل آزمائش درس و تدریس کے منصب پر ہوتی ہے، یہ در اصل صلاحیت کو پرکھنے کی وہ عظیم کسوٹی ہے جو لائق کی لیاقت کو اجاگر کرکے اور نا اہل کے بودے پن کو فوراً آشکارا کردیتی ہے، اس بزم میں محنت سے جی چرانے والے کبھی نہیں ٹک پاتے اور نکمے پژمردگی کا شکار ہوکر اپنا وقار کھو بیٹھتے ہیں، یہاں تو اسی دیوانے کا سکہ چلتا ہے جو ذہین و باتوفیق ہونے کے ساتھ اولوالعزم ہو، وہ شاہینوں کی طرح پرواز کرکے ثریا کر کمندیں ڈالے اور ستاروں کی گزر گاہوں سے آگے بڑھ کر آسمان سے تارے توڑ لانے کا عزم رکھتا ہو، ایسا معلم جب مسند درس پر جلوہ افروز ہوتا ہے تو اسکے مطالعے کی وسعت، مضامین کے ورود، لہجے کے بانکپن اور فاتحانہ اسلوب کی بدولت علمی حلقوں میں تہلکہ مچ جاتا ہے، طالبان علوم نبوت حیران و ششدر ہوتے ہیں، معاصرین کو اچنبھا ہوتا ہے اور یہ معلم بالآخر زمانے پر چھا جاتا ہے، شیخ مرحوم بلاشبہ ایسے ہی معلم تھے، انہوں نے جب مظاہر علوم سہارنپور کی مسند حدیث کو رونق بخشی تو ہر سمت معرفت کا سماں بندھ گیا ۔۔۔۔۔۔۔۔۔۔۔

اور بحث و تحقیق کے ایسے یاقوت و مرجان لٹائے کہ بخارا و سمرقند کی یادیں تازہ کردیں، ان کا درس فقہ الحدیث تک محدود نہیں نہ تھا بلکہ وہ ان اسلاف و متقدمین کے مسلک پر تھے جو منشاء نبوت کو سمجھانے کے لئے روایت و درایت کے ہر پہلو کی تشریح کرتے ہیں اور کہیں بیجا تعصب کا شکار نہیں ہوتے وہ تاویل بارد کے خلاف تھے لیکن مطلق آزادی کے بھی ہم نوا نہ تھے جو امت کو ائمہ اربعہ کی تقلید سے نکال کر اباحیت کی دلدل میں دھکیلنا چاہتی، شیخ کی یہ ضوفشانیاں آب و تاب کے ساتھ تقریباً پچاس سال تک ایمان و یقین کی سوغات تقسیم کرتی رہیں اور اس طویل عرصے میں ہندو پاک کے علاؤہ لندن و افریقہ اور عرب ملکوں کے بے شمار پروانوں نے آکر انکی شمع معرفت سے اپنے دامن کو روشن کیا ۔۔
علمی شخصیات عموماً زہدو قناعت کی خوگر ہوتی ہیں ان کا سرمایئہ حیات بحث و تحقیق کی وہ وادی ہے سبزہ زاروں میں کھو کر وہ دنیا کو بھول جاتے ہیں اور اسکی رنگینیوں کو کبھی میلی آنکھ سے بھی نہیں دیکھتے، شیخ مرحوم کی زندگی شہادت دیتی ہے کہ انہیں نبوی وراثت کا یہ مقام بھی حاصل تھا۔ وہ بچپن میں مفلوک الحال تھے، افلاس میں ہی پلے بڑھے اور تدریس کے ابتدائی زمانے میں کافی عسرت رہی لیکن کیا مجال کبھی بھی فقیری سے ذرا بھی گھبراہٹ ہوئ ہو اور وسعت و کشادگی کی بابت انہوں نے کبھی بھی سوچا ہو، دنیا دوسروں کے لئے وسیع ہو سکتی ہے لیکن مرحوم کا تعلق تو بس اس سے اتنا ہی تھا کہ زندگی کی ڈور کو برقرار رکھنے کے لئے بقدرِ ضرورت ہی سامان سفر ہو اس لئے انکی زندگی بس درسگاہ سے قیام گاہ تک محدود تھی، باقی عالم رنگ و بو کی رعنائیاں کیا ہوتی ہیں انہیں اس سے کوئ سروکار نہ تھا، افریقہ و لندن میں انکے معتقدین کی ایک بڑی تعداد موجود تھی جسے اللہ نے مالی وسعت کے ساتھ مشائخ کی خدمت کو حوصلہ بھی عطا کیا ان مخلصیوں نے کیا کیا نہ چاہا اور کون کونسی سبیلیں نہ نکالیں لیکن مرحوم نے انہیں دنیوی پھیلاؤ کی اجازت نہ دی، اگر انکے دل میں مادیت کا کوئ معمولی ذرہ ہوتا تو محبین کی ان عنایتوں کو وہ بھی آسانی سے فتوحات کا نام دے کر اپنا شیش محل تعمیر کر سکتے تھے لیکن نہیں کیونکہ انہیں معلوم تھا کہ یہ عزیمت کا نہیں خطرات کا راستہ ہے اور اس پر چل کر تقویٰ کا دامن بالآخر داغدار ہو ہی جاتا ہے، اس لئے شیخ کی زندگی تو بس اسی کمرے تک محدود رہی جو رہائش گاہ کم کتب خانہ زیادہ تھا، شاعر نے تو طبع آزمائی ہی کی ہوگی لیکن یہاں تو دیوانہ زبانِ حال سے کہ گیا۔

ہمیں دنیا سے کیا مطلب مدرسہ ہے وطن اپنا
مریں گے ہم کتابوں پر، ورق ہوگا کفن اپنا۔۔

دنیا کی رنگینیوں سے توجہ ہٹا کر ملاءِ اعلی سے وابستگی میں زہدو قناعت کا بہت کردار ہوتا ہے تاریخ میں جن عبقری علماء نے مثالی خدمات انجام دیں وہ اپنے درویشانہ مزاج کی بدولت ہی ذوق انابت تک پہنچے اور ان کا دل اس وقت تک ٹھنڈا نہیں ہوتا تھا جب تک آنکھیں اشکوں سے غسل نہ کرلیتیں وہ اپنے تمام تر اوصاف و کمالات کے باوجود خود کو حقیر و عاصی سمجھتے تھے اور انہیں نجات و مغفرت کی امید اپنے اعمال و اشغال کی بناء پر نہیں بلکہ الله کے فضل وکرم کی بنیاد پر تھی شیخ مرحوم کی زندگی کا مطالعہ کر نے والے شہادت دیتے ہیں کہ انہیں عبادت کا یہ ذوق مکمل طور پر حاصل تھا پورا دن درس و مطالعہ میں گزار کر جب وہ بستر پردراز ہوتے تو خلوت نشینی کا ذائقہ انہیں بہت جلد بستر چھوڑنے پر مجبور کر دیتا تھا پھر وہ ہوئے اور ان کا مولا…ان کا بیشتر حصہ آه و بکاء میں گزر جاتا اور اس راز و نیاز کی کسی کو خبر تک نہ ہوتی وہ اس باب میں بھی واقعتا اسلاف ومتقدمین کی مثال تھے۔
@sabirmasood_

پڑھنے والی آنکھ مسکرا دے کہ
اللہ تمہاری کوشش دیکھ رہا ہے۔
وہ تم سے اور تمہاری کوشش سے محبت کرتا ہے۔
وہ جلد تمہیں اتنا دے گا کہ تم راضی ہوجاؤ گے اور جو آج کا دکھ ہے وہ کل تک لگے گا
کہ کبھی تھا ہی نہیں۔
ان شاء اللّٰہ الرحمٰن_
آپ نےکبھی نوٹس کیا ہے…
بہت سے ایسے چھوٹے موٹے معمولی سے گناہ ہوتے ہیں…
جنہیں آپ کرنے کے ارادے سے آگے بڑھتے ہیں لیکن آپ چاہ کر بھی نہیں کرپاتے… کوئی نا کوئی چیز راستے میں آڑے آجاتی ہے…
جیسے قدرت ہی نہ چاہتی ہو کہ آپ وہ کام کریں….
یا یوں ہوتا ہے, وہ غلط کام ہی کسی طرح آپ سے دور ہو جاتا ہے..
یہ بھی اللّہ کا بہت بڑا احسان ہے اس کے بندوں پر…
کیونکہ بہت سی برائیاں جنہیں ہم برائی بھی نہیں سمجھتے, روزِ حشر دکھائی جائنگی تو ہم نظریں اٹھا کر اسے دیکھنے کے قابل بھی نہیں ہونگے…ہم تو اللہ سبحان تعالی کا یہ احسان ہی نہیں اتار سکتے کہ ہم ایک مسلمان گھر میں پیدا ہوئے اس کے عطا کئے خوبصورت گفٹس کا ہردم شکر بجا لائیں حقوق اللہ کے ساتھ حقوق العباد کا بھی خیال رکھیں کہ اللہ شائد اپنے حقوق معاف کردے لیکن اپنے بندوں کے حقوق معاف نہیں کرے گا کینہ پروری منافقت سے بچیں ۔فیملی میں یا دوستوں میں لڑائی جھگڑے میں صلح کروانے والے بنیں نہ کہ تیل اور تیلی لگانے کا کا م سرانجام دینے کی خود پر ڈیوٹی لگا لیں

جب آپ اپنی فیملی میں یا کہیں اور جہاں دیکھیں ایک بندہ غصے میں ہے،اور کچھ کر گزرنے کی حالت میں ہے جبکہ غلطی بھی مکمل اسی کی ہے،اور سب اسی بندے کا قصور نکال رہے ہیں تو آپ سب کے مخالف ہوکر اس بندے کا ساتھ دیں ،میں نے بہت بڑی لڑائیاں،بہت بڑے حادثے کا باعث بن جانے والی لڑائیاں ایسی تدبیروں سے رکتی دیکھی ہیں۔
جب ایک بندہ غصے میں ہو تو وہ مکمل شیطان کے کنٹرول میں چلا جاتا ہے۔
اسے اس وقت آپ اس کو جو کچھ بھی سمجھائیں گے وہ اس کا الٹ ہی اثر لے گا۔
لہذا کوشش کریں،جب لڑائی ہو،فساد ہو،حشر برپا کردینے والی قیامت خیز بحث ہو اور یہ بحث خون کے رشتوں میں ہو تو آپ نے اس وقت حق کا نہیں،انصاف کا نہیں،اس انسان کا ساتھ دینا ہے،جو مکمل شیطان کے کنٹرول میں ہوتا ہے۔
یقین کیجیے یہ ساتھ دینا اس شخص کو آپ کا ہمیشہ مرید بنا دے گا۔
آپ کے بہن بھائی اتنے برے نہیں ہیں جتنا برا شیطان ان پر حاوی ہوکر ان کو آپ کے لیے برا بنا دیتا ہے۔
اس بات کو سمجھیں خود کو اور خود کے بہن بھائیوں کو اپنے پیاروں کو بچائیں۔اگر کسی پر برا وقت چل رہا ہے ماضی میں اس کا رویہ بےشک آپ کے ساتھ جیسا بھی رہا ہو اللہ کی رضا کے لیے اس کا ساتھ دینا اس کا حوصلہ بڑھانا اس کی آدھی مشکل ختم ہوجائے گی اور ایسا میں تجربہ کرچکی ہوں کہ وہ بندہ پھر جب تک ذندگی ہے اپ کا مرید بن جائے گا اور اللہ کی خوشنودی بھی آپ کو حاصل ہوجائے گی مشکل ہر انسان پر آسکتی ہے اللہ سے ہروقت مشکل وقت آنے سے معافی مانگتے رہنا چاہئیے جس بندے کا ذکر کررہی ہوں ان کے گھر کبھی جانا ہوتا تھا وہ بندہ اپنے گھر کا دروازہ بھی نہیں کھولتا تھا اکثر مایوس ہوکر واپس آیا کرتی تھی ہر دم دوسرے لوگوں کا ساتھ دیتا تھا اور ہمیں اس قابل ہی نہیں سمجھتا تھا کہ ہم سے کوئی سیدھے منہ بات بھی کرے اور جب مشکل وقت آیا تو سب سے پہلے ہمیں آواز دی اور ہم نے بنا سوچنے سمجھے ہر ممکن ساتھ دینے کا وعدہ کیا اپنے گھر تحفظ دینے کا وعدہ کیا بات کرنے کا مقصد صرف یہ ہے کہ یہ دنیا چند دن کی چاندنی ہے دل میں بغض نفرت رکھ کر ہم اللہ اور اس کے محبوب کو تو ناراض کرتے ہی ہیں اپنے دل کا سکون بھی ختم کردیتے ہیں جتنا ہوسکے جتنا آپ کے بس میں ہے اتنا کریں خیر بانٹیں ۔تاکہ جب اللہ الرحمن کے پاس جائیں آپ ندامت سے نظریں نہ جھکائیں بلکہ اللہ کی نظر میں خود کو سرخرو پائیں کہ اللہ اپ کے اچھے عمل کی جزا آپ کی سوچ سے بڑھ کر عطا فرمائے گا کبھی اپنے مال و دولت پر غرور نہ کریں میں نے اکثر کھکھ پتی کو لکھ پتی ہوتے دیکھا ہے لاکھ پتی کو کنگال ہوتے دیکھا ہے اپنی طبعیت میں عاجزی پیدا کریں اللہ عاجز بندے سے بہت محبت کرتا ہے اور اسے اپنے غیب کے خزانوں سے نوازتا ہے بدیر یا جلدی ۔لیکن کبھی اس کی رحمت سے مایوس نہ ہونا جو پتھر میں کیڑے کو خوراک پہنچا سکتا ہے اس پاک ہستی پر یقین رکھیں آپ کے حصے کا رزق سکھ چین آپکو ضرور ملے گا بس آپ ثابت قدم اور اپنے پروردیگار پر مکمل بھروسہ رکھیں ۔بےشک اللہ بےانصافی نہیں کرتا اس کا ہر دم شکر ادا کرنا اپنی ذندگی کا نصب العین بنالیں کہ میں نے شکر کرنے والوں کو بہت بڑے مرتبے میں فائز ہوتے دیکھا ہے ہمیشہ اپنے پیاروں کا خیال رکھیں جن کے لیے آپ بہت اہم ہیں جن کو آپ کے دنیا سے جانے کا سب سے ذیادہ صدمہ ہوگا ان کو اپنی ذندگی میں ہی اتنا پیار دیں کہ وہ پھر آپکو یاد تو کریں لیکن ان کے دل اپ کی محبت سے لبریز رہیں اچھی یادیں چھوڑ کر جائیں اپنے پیاروں کے پاس کہ ان کے جینے کے لیے کچھ تو ان کے پاس ہو کہ وہ آپ کی جدائی پر صبر کرسکیں ۔۔
میں ذیادہ لمبا آرٹیکل اس لیے بھی نہیں لکھتی میرے ماموں جی میرا آرٹیکل پڑھتے ہیں بہت محبت سے تو باریک لفظ پڑھتے انھیں کافی تکلیف بھی ہوتی ہے لیکن میرے لکھے ورڈز وہ بہت محبت سے پڑھتے ہیں یہ میرے لیے سب سے بڑی خوشی کی بات ہے ۔۔میرے آرٹیکل لکھنے سے جس طرح میرے بہین بھائیوں نے خوشی کا اظہار کیا وہیں میری کزنز کی خوشی واقعی میرے لیے خوشگوار سرپرائز تھی اللہ میرے پیاروں کو اور آپ سب کو دنیا و آخرت میں عزت عطا فرمائے اور اللہ تعالی آپ کو خوش رکھے۔۔عشق مصطفیﷺ
کی جیسی لو آپ کے دل میں پہلے سے بھی ذیادہ کردے ہردم خوش آباد رکھے آمین۔۔
https://twitter.com/Farzana_Blogger?s=09