Category: بلاگ

ہم اپنی زندگی میں والدین کے کردار اور قدرو مقام جو اللہ نے انہیں عطافرمایا ہےسےکبھی انکار نہیں کر سکتے۔
والدین سے حسن سلوک کو اسلام نے اپنی اساسی تعلیم قرار دیا ہے۔ اور ان کے ساتھ مطلوبہ سلوک بیان کرنے کےلئے
’’احسان‘‘ کی جامع اصطلاح استعمال کی جس کے معانی کمال درجہ کا حسن سلوک ہے۔
والدین کے بغیر زندگی گزارنا بہت ہی مشکل ہوتا ہے والدین ہمارے لیے سہارا اور سایہ ہیں۔ وہ ہماری زندگیوں میں بہت بڑا کردار ادا کرتے ہیں۔ وہ ہماری حفاظت کرتے ہیں اور ہمیں خوش رکھنے کے لیے ہر قربانی دیتے ہیں۔ والدین ہمارے حقیقی سرپرست ہیں۔ اس دنیا میں ہماری کامیابی اور خوشی کی اصل وجوہات ہیں۔
ہم اپنے والدین سے محبت کرتے ہیں. وہ ہماری زندگی کے ہر شعبے میں ھمارے ساتھ کھڑے ہوتے ہیں۔ میرا ہیرو میری ماں ہے۔ وہ صبح سویرے اٹھتی ہے۔ وہ صبح سے شام تک ہمارے لیے کام کرتی ہیں۔ وہ گھر کی بہترین مینیجر ہیں ۔ وہ گھر کی ہر چیز کا خیال رکھتی ہیں ۔
میں اپنے والدین اور خاص طور پر اپنی ماں کا بہت شکر گزار ہوں جو گرمی سردی میں ہمارے لئے خوشی خوشی اچھے اچھے اور لذیز کھانے بنانے کے علاوہ ہمارا گھر کی صفائی ستھرائی کا بھی مکمل خیال رکھتی ہیں
ہم تمام خاندان کے افراد ہفتہ وار ڈنر گھر سے باہرکرنے کے لیے جاتے ہیں۔ اس کے علاوہ موسم گرما کی تعطیلات کے دوران ہم خاندان کے تمام افراد کنٹری سائیڈ ٹرپ پر جاتے ہیں۔ ہم سب وہاں بہت لطف اندوز ہوتے ہیں۔ میرے والد ہر وقت ہمارے بارے میں فکر مند رہتے ہیں۔ اگرچہ وہ اپنے کام میں مصروف ہی ہوں پھر بھی وہ ہمیشہ ہمارے بارے میں ہر چیز کو یاد رکھتےہیں۔
والدین کی اپنے بچوں کے لیے محبت بہت اہمیت رکھتی ہے۔ اگر والدین کا تعاون نہ ہوتا تو ہم یہاں تک نہ پہنچ پاتے۔ ہم مسکراتے ہنستے اور کامیاب نہ ہوتے۔ لہذا ، ہمیں ان سب وجوہات کی بنا پر اپنے والدین کی اپنے دل وجان سےقدر کرنی چاہیے
والدین اپنے بچوں سے بناکسی لالچ کے پیار کرتے ہیں یہاں تک کہ ہم غلطیاں بھی کرتے ہیں اور کئی دفعہ ان کی توقعات پر پورا نہیں اتر پا سکتے یہ ہی غیر مشروط محبت ہے۔
ابوہریرہ رضی اللہ عنہ بیان کرتے ہیں کہ ایک شخص اللہ کے رسول صلی اللہ علیہ وسلم کے پاس آیا اور کہا: لوگوں میں سے کون میرے ہاتھ سے اچھے اخلاق اور خدمت کا مستحق ہے؟ آپ صلی اللہ علیہ وآلہ وسلم نے فرمایا
تمہاری ماں۔ اس نے پھر کہا پھر (اگلا کون ہے)؟ آپ صلی اللہ علیہ وآلہ وسلم نے : پھر فرمایا تمہاری ماں ہے (جو تم سے بہترین اخلاق کی مستحق ہے)۔ اس نے کہا: پھر (اگلا کون ہے)؟ آپ صلی اللہ علیہ وسلم نے فرمایا: ایک بار پھر فرمایا تمہاری ماں ہے۔ اس نے (پھر) کہا: پھر کون؟ آپ صلی اللہ علیہ وآلہ وسلم نے فرمایا: پھر تمہارا باپ ہے۔
ایک اور شخص نے رسول اللہ صلی اللہ علیہ وسلم سے پوچھا کہ اگر والدین میں سے کوئی بے حس ہو تو کیا اپنے والدین کی اطاعت کرنی چاہیے چاہے وہ ان کے لیے بے حس ہی کیوں نہ ہوں؟ نبی اکرم صلی اللہ علیہ وسلم نے تین دفعہ جواب دیا ، "ہاں ، چاہے وہ بے حس ہوں ہاں ، یہاں تک کہ اگر وہ بے حس ہیں ہاں ، چاہے وہ بے حس ہوں۔قرآن مجید میں ارشاد خدا وندی ہے
اور آپ کے رب نے حکم فرما دیا ہے کہ تم اﷲ کے سوا کسی کی عبادت مت کرو اور والدین کے ساتھ حسنِ سلوک کیا کرو، اگر تمہارے سامنے دونوں میں سے کوئی ایک یا دونوں بڑھاپے کو پہنچ جائیں تو انہیں ’’اف‘‘ تک بھی نہ کہنا اور انہیں جھڑکنا بھی نہیں اور ان دونوں کے ساتھ بڑے ادب سے بات کیا کرو اور ان دونوں کے لئے نرم دلی سے عجزو انکساری کے بازو جھکائے رکھو اور (اﷲ کے حضور) عرض کرتے رہو اے میرے رب! ان دونوں پر رحم فرما جیسا کہ انہوں نے بچپن میں مجھے (رحمت و شفقت سے) پالا تھا
قرآن حکیم میں والدین کی دلجوئی اور راحت رسانی کے احکام دینے کے ساتھ انسان کو اس کا زمانہ طفولیت (یعنی بچپن کا زمانہ) یاد دلایا کہ کسی وقت تم بھی اپنے والدین کے اس سے زیادہ محتاج تھے جس قدر آج وہ تمہارے محتاج ہیں تو جس طرح انہوں نے اپنی راحت و خواہشات کو اس وقت تم پر قربان کیا اور تمہاری بے عقلی کی باتوں کو پیار کے ساتھ برداشت کیا اب جبکہ ان پر محتاجی کا یہ وقت آیا تو عقل و شرافت کا تقاضا ہے کہ ان کے ان سابق احسان کا بدلہ ادا کرو۔
حضور نبی اکرم صلی اللہ علیہ وآلہ وسلم نے والدین کی خدمت کرنے کو جہاد سے افضل قرار دیا
آپ صلی اللہ علیہ وآلہ وسلم نے والدین کے حقوق کی ادائیگی نہ کرنے کو کبیرہ گناہ قرار دیا
اسلئے میرےوالدین ہی میرے اصل ہیرو ہیں کیونکہ وہ میری مدد کے لیے کچھ بھی کر سکتے ہیں وہ ہی ہیں جو میرے لیے اپنی جان تک کوخطرے میں بھی ڈال سکتے ہیں۔
جنہوں نے میرےسب مسائل میں میری مدد کی۔ میرے ہیروز نے مجھے بڑے ہونے میں مدد کی ، مجھے غلط سے صحیح بتایا ، مجھے ایسی چیزیں سکھائیں جو میں نہیں جانتا تھا
خدا کی قسم ماں سے زیادہ کوئی پیار نہیں کر سکتا اور باپ سے زیادہ کوئی خیال نہیں رکھ سکتا
دنیا میں کوئی کسی کو ترقی کرتے نہیں دیکھ سکتا۔باپ ایسی ہستی ہے جو اپنی اولاد آپنے سے بھی بہت اوپر دیکھنا چاہتا ہے
والدین سب کیلیے بہت اہم ہیں اس لیے ہمیں اپنے والدین کی توقعات کو پورا کرتے ہوئے ان کی دل سے خدمت کرنے کی کوشش کرنی چاہیے۔ ہمیں اپنے والدین کی مدد ، رہنمائی اور حفاظت کے ساتھ والدین کی فرمانبرداری کرنی چاہیے والدین جیسی نعمت دینے پر خدا کا لاکھ لاکھ شکر ادا کرنا چاہیے تاکہ ہمارے والدین خوشیوں اور سکون والی لمبی عمر پائیں
میری دعا ہے! اے ہمارے رب! مجھے اورمیرے ماں باپ اور مومنین کو حساب قائم ہونے کے دن بخش دے آمین
تحریر

@SHAHKK14

اپنی اصلاح کا سب سے بڑا نسخہ یہ ہے کہ جیسے ہی شعور کی عمر کو پہنچیں تو روز رات کو اپنے بستر پر لیٹتے وقت اپنے احتساب کی عادت ڈالیں۔اپنے آپ سے یہ سوال کریں کہ آج میں نے سارے دن میں کچھ سیکھا؟کوئی عمل کیا؟اگر کیا تو اچھا عمل کیا یا بُرا عمل کیا؟کسی کے ساتھ زیادتی کی؟کسی کا حق مارا؟کیا کسی کے ساتھ حسدانہ جذبات رکھےیا کسی کے ساتھ دشمنی رکھی؟
اپنا احتساب کر کے فیصلہ کریں کہ میں اپنی غلطیوں میں کمی کروں۔ غلطیاں ایک دن میں ختم نہیں ہوتیں۔ اگر یہ عادت ڈال لی جائےکہ آدمی روزانہ اپنا احتساب کرتا رہے تو اللہ اُسے مہلت دیتا ہے اور وہ اپنے آپ کو ایک اچھا اور بہتر انسان بنانے میں کامیاب ہو جاتا ہے۔
ہم جب بستر پر لیٹتےہیں تو جو کامیابیاں ہم نے دوسروں کے مقابلے میں حاصل کی ہوتی ہیں ان میں سرشار ہوتےہیں، جبکہ کامیابی ہو یا ناکامی ہر صورت اپنا احتساب کرنا چاہیے۔احتساب کی عادت ہی ہے جو انسان کو بہتر کرتی ہے، بلند کرتی ہے۔یہ احتساب بےلاگ اور بے رحمانہ ہونا چاہیئے۔
یعنی آپ اکیلے ہیں ، آپ کو کسی کے سامنے کوئی اعتراف نہیں کرنا ہے لیکن اپنے سامنے اعتراف کریں کہ گفتگو میں ،بات چیت میں،میاں ہو تو بیوی کے ساتھ،بیوی ہو تو میاں کے ساتھ،بچوں کے ساتھ،انسانوں میں ،پڑوسیوں میں یا کہیں اور میں نے یہ غلطی کی ہے اور میں اس کی اصلاح کرنے کی کوشش کروں گا۔ایک دفعہ اس کی عادت بنا کر دیکھیں بہت جلد آپ کو اپنے اخلاق اور کردار میں واضح بہتری محسوس ہو گی۔
اپنے دین کے بارے میں یہ بات سمجھ لیں کہ یہ پاکیزگی کی دعوت ہے۔یعنی میرے بدن کو پاکیزہ ہونا ہے، میرے کھانے پینے کو پاکیزہ ہونا ہےاور میرے اخلاق کو پاکیزہ ہونا ہے اور اس کے احکامات دین میں دیے گئے ہیں۔جب آپ یہ سمجھ لیں گے کہ پاکیزگی میرا دین ہےتو پھر پاکیزگی کو آپ نے ہدف بنا لیا ہے،اپنے قلب کی صفائی کو اپنا ہدف بنا لیا ہے تو آپ کبھی بھی دین کے معاملے میں اس غلط فہمی میں مبتلا نہیں ہوں گےکہ میں نے یہ بحث کر لی،میں نے کسی کو نیچا دکھا دیا ، یا اچھا کام کر لیا ہے تو اللہ کے نزدیک برتر ہوں گا۔بلکہ اس معیار پر خود کو جانچیں گے کہ میں نے اپنے آپ کو کتنا پاکیزہ بنایا،اپنے آپ کی کتنی رہنمائی کی۔دین کی ساری ہدایت کا محور تزکیہ(پاکیزگی) ہے۔
دوسرا انسان کو اپنے معاملات میں تین چیزیں داخل کرنی چاہیں اور بڑی ہمت سے داخل کرنی چاہیں۔
ایک یہ کہ جس حد تک ممکن ہو سکے ایک،دو،تین یا اللہ توفیق دے تو پانچ نمازیں مسجد میں جا کر پڑھنی چاہیں۔تنہا نماز کے مقابل میں جب آپ مسجد میں جاتے ہیں تو مسجدکی اپنی ایک روحانیت ہےاور اُس سے آپ کو اپنے وجود کو بہتر طور پر سمجھنے اور اپنے پروردگار سے تعلق کی ہدایت ملتی ہے۔
نماز کا مقصد کیا ہے؟ قرآن مجید میں ہے کہ یہ خدا کو یاد کرنے کا ذریعہ ہے۔یعنی خدا یاد رہے اور بار باریہ توجہ دلائی جائے کہ تم خداکے بندے ہو اور ایک بندے کی حیثیت سے جینا سیکھو۔اس یاد دہانی کے لیے آپ تنہا نماز پڑھ رہے ہیں تب بھی اس کے مقصد کو سامنے رکھ کر پڑھیں۔اور اللہ توفیق دے تو مسجد میں نماز ادا کریں ۔
دوسری چیز قرآن مجید جو ہر ایک کے پاس موجود ہے، معمول بنانا چاہیے کہ ہفتے میں کم از کم ایک آدھ گھنٹا اللہ کی کتاب کو سمجھ کر اُس کی تلاوت کریں۔جتنا بھی ممکن ہو سکے۔چند آیتیں ہی صحیح ،ایک آدھ حصہ ہی صحیح ،لیکن اس کو معمول بنا لینا چاہیے جیسے زندگی کے دوسرے معاملات کو معمول بناتے ہیں۔
اللہ کی کتاب سے زندہ تعلق ہر مسلمان کا ہونا چاہیےتاکہ وہ ہمیشہ اُس سے ہدایت حاصل کرتا رہے۔
تیسری چیز یہ ہے کہ ہمیشہ جائزہ لیتے رہنا چاہیے کہ آپ کی صحبت کیا ہے۔کن لوگوں سے ملتے ہیں،کن کے پاس بیٹھتے ہیں۔ قرآن مجید نے یہ بتایا ہے کہ وہ لوگ جو اپنی صحبت کے بارے میں محتاط نہیں رہتے ،بہت کم ایسا ہوتا ہے کہ اپنے آپ کو صحیح رکھ سکیں۔
اللہ تعالیٰ سے دعا ہے کہ وہ ہم سب کو سیدھے اور دین کے راستے پر چلنے کی توفیق عطاء فرمائے۔آمین
@iamAsadLal
twitter.com/iamAsadLal

یہ منصوبہ چین اور پاکستان دونوں کے لئے بڑی اہمیت رکھتا ہے۔ اس منصوبے کو دونوں ممالک گیم چینجر منصوبے کے نام سے منصوب کرتے ہیں اور حقیقت میں یہ منصوبہ چین اور پاکستان کے معشیت کو نئی بلندیوں پہ لے جائے گا اس لیے اس منصوبے کی ترقی اور پیش رفت میں تیزی لانا بہت ضروری ہے
جتنا جلدی یہ منصوبہ مکمل ہوگا اتنا ہی پاکستان کی معشیت کے لئے اچھا ہے اس منصوبے کے مکمل ہوتے ہی پاکستان کی معاشی ترقی رفتار پکڑلے گی ۔
اصل میں CPEC ایک پیکج ہے جو بنیادی ڈھانچے کے منصوبوں پر مشتمل ہے اور ان منصوبوں کی مالیت 46 بلین ڈالر ہے۔
اس منصوبے میں 33 بلین ڈالر پاکستان توانائی اور بجلی کے منصوبوں کے قیام اور تخلیق کے لیے وقت اور مقرر ہے۔
یہ پروجیکٹ پاکستان کے لیے کیوں ضروری ہے؟
اس کے کچھ وجوہات ہے آج کے کالم میں ان وجوہات پہ روشنی ڈالنے کی کوشش کر لونگا۔
اس CPEC کی وجہ سے ہماری توانائی کی فراہمی کی کمی دور ہو جائے گی اور ٹیکسٹائل اور مینوفیکچرنگ کو بہتر بنانے کے قابل ہو جائے گا۔ اس منصوبے کی وجہ سے ، ہمارے ملک کی برآمدات میں اضافہ ہوگا اور یہ بالآخر پائیدار اور بڑے پیمانے پر معاشی ترقی کا ضامن ہوگا۔
اس منصوبے کی وجہ سے بڑی حد تک بے روزگاری کم ہوگی۔ یہ منصوبہ 700000 ڈائریکٹ ملازمتیں فرہم کرے گا اور ان گنت ان ڈائریکٹ ملازمتں فراہم کرے گا۔
اس منصوبے کی ساخت کی وجہ سے اسکو گیم چینجر آف پاکستان بھی کہاں جاتا ہے اس منصوبے کا سب سے اہم پروجیکٹ گوادر پورٹ ہے جو کہ اپنی لوکشین اور ساخت کی وجہ سے پوری دنیا میں اپنا ایک مقام رکھتا ہے جس کی اہمیت نہ صرف پاکستان اور چین کے لیے ضروری ہے بلکہ پورا خطہ اور دنیا کے لئے بہت اہمیت کا حامل ہے۔
بتایا جاتا ہے کہ اگر یہ CPEC پروجیکٹ وقت پر مکمل ہوجائے گا تو رئیل اسٹیٹ انڈسٹری کو فائدہ ہوگا۔ اور یہی وجہ ہے کہ گوادر میں زمینوں کی قیمتں آسمان سے باتیں کررہی ہے۔
حالیہ مہینوں میں قیمتوں کا دوگنا ہونا بھی یہی وجہ ہے۔
یہ معاشی راهداری اس قرضوں میں ڈوبے ہوۓ ملک کے لئے ایک نعمت ہے کیونکہ یہ پاکستان کی معشیت کو ان بلندیوں پہ لے جاسکتا جن کا ہمارے معشیت دان خواب دیکھ رہے ہیں۔ یہ پروجیکٹ ہمارے ملک کے معاشی بلندیوں کو نئی اڑان دے گا چونکہ پاکستان ایک زرعی ملک ہے ہمارا زیادہ تر انحصار ذراعت پہ ہے اب اس پروجیکٹ کی وجہ سے پاکستان ایک زرعی معیشت والے ملک سے اپنے آپ کو بڑے پیمانے پر لاجسٹکس اور انڈسٹریل حب میں تبدیل کر سکتا ہے۔
اس پروجیکٹ میں کوئلے سے چلنے والے بجلی کے بہت سے منصوبے اور پلانٹس مشتمل ہے۔ یہ منصوبہ یقینی طور پر ہمارے توانائی کے بحران کو حل کرنے میں اپنا کردار ادا کریں گا۔
ہمیں یقین ہے کہ یہ CPEC منصوبہ پاکستان کے لیے معاشی بحالی کا باعث بن سکتا ہے۔ یہ وقت ہے۔
کہ ہمیں اپنے تمام شہریوں کے درمیان ان سماجی و معاشی عدم مساوات کو کم کرنا چاہیے۔ یہ منصوبہ اس پہلو میں ہماری مدد کر سکتا ہے۔ یہ سب پاکستان کے لیے CPEC کی اہمیت کے بارے میں ہے۔ یہ منصوبہ تقریبا اپنی تکمیل کے مراحل کی طرف گامزن ہے۔
اس منصوبے کی تکمیل پر پاکستان کی معشیت ڈرامائی انداز میں یقینی طور پر بہت بہتر ہو گی۔ اور پاکستان دن دگنی رات چگنی ترقی کرے گا اور یہ پاکستان کا نقشہ بدل دے گا۔
@I_MJawed

‏
انسان کےہرعمل کی اساس اس کی سوچ ہے۔سوچ کامثبت یامنفی ہونا،اعمال کی پائیداری پربراہِ راست اثراندازہوتاہے۔اگرسوچ ہی کمزور پڑجائے اوربندہ ذہنی انتشارکاشکارہوجائے تواعمال کابہتراندازمیں ہوناتودرکنار،واقع ہونابھی محال ہوجاتا ہے۔اس لیےان تمام ترذرائع کواپنانےکی حتی المقدور کوشش کی جائےجن سےفکرکوجولانی عطاہو۔معاشرےمیں اکثریت حوصلےاورہمت کوگھٹادینےوالی باتیں کرتی ہے،جس کےباعث انسان اہلیت واستعدادکےباوجود بھی عمدہ کارکردگی نہیں دےپاتا۔لہٰذااس ضمن میں یہ بات نہایت اہم ہےکہ اس شخص کےپاس بیٹھاجائےجس کی باتیں آپ کے حوصلےکوبڑھاوا دیں،جس کےالفاظ سن کرآپ اپنےخوابوں کی تکمیل کےلیےکمربستہ ہوجائیں۔اگرچہ ناکامیاں کسی حدتک اذیتِ قلب کاباعث بنتی ہیں مگرمثبت سوچ انسان کوباہمت ومستحکم رکھتی ہےاورمقصدکی تکمیل تک لےجاتی ہے۔نوجوانوں کی تربیت کےامورمیں سب سےاہم نوجوانوں کی فکری تطہیرہے تاکہ زندگی کےہرمرحلے پروہ مختلف معاشرتی مسائل کاسامناکرسکیں۔اللہ رب العزت نےہرشخص کولازوال خوبیوں سےنوازا ہےاورانھی اوصافِ حمیدہ کی بناہ پرتمام مخلوقات میں شرف عطافرمایا۔اگرکہیں کمی ہےتواس کےذمہ دارہم ہیں کہ اپنےمالک کی عطاکردہ خوبی کوبروئےکارنہ لاسکے۔حق تویہ تھاکہ رب تعالیٰ کی دی گئی قابلیت کواستعمال میں لاکراوجِ کمال پاتے۔مگرمنفی سوچ نےہمارےپاؤں جکڑلیےاوراردگردکےمنفی کرداروں نےہمیں بلندعزم وہمت سےمحروم کردیااوریوں ہم وہ کام ہی نہ کرپائےجس کی کبھی دُھن سوارتھی۔گویامثبت سوچ ہمیں کسی بھی سفرکےآغازسےلےکراختتام تک منزل کےحصول کی امیددلاتی ہے۔قائداعظم رحمتہ اللہ علیہ نےاپنےایک انٹرویومیں فرمایاکہ وہ بہت پہلےہی مسلمانانِ ہندکےلیےعلیحدہ وطن کےقیام کاسوچ چکےتھےمگرقوم کوآہستہ آہستہ ذہنی طورپرغلامی سےنجات کےلیےتیارکیا۔گویامملکتِ خدادادپاکستان کےحصول میں بھی پختہ مثبت سوچ نقطہِ آغازتھی۔ہربندہ اپنےکام کےمتعلق یہ کہتانظرآتاہےکہ اس شعبےمیں مت آنا،یہاں بہت خواری ہے۔ایسےلوگ درحقیقت محنت کرنےکےلیےتیارہی نہیں اوریوں اِن کی منفی افکارنئےآنےوالوں کوذہنی مفلوج بنادیتی ہیں۔مگرافسوس صدافسوس کہ ہمارےمعاشرےمیں کبھی اس طرف توجہ ہی نہیں دی گئی کہ ہم نےاپنی آنےوالی نسلوں کی تربیت کیسےکرنی ہے۔والدین اپنی اولادکویہ توسکھاتےہیں کہ حصولِ دولت کےلیےکیسےتگ ودوکرنی ہےمگرکبھی فکرکی پاکیزگی اوربلندی کےلیےاپنی اولادمیں شعوربیدارنہیں کرتے۔تاریخ گواہ ہےکہ فطرت بھی انھی چیزوں کواپنےدامن میں جگہ دیتی ہےجنھیں ہم اپنی ترجیحات میں رکھتےہیں۔اگرترجیحات میں مال ودولت کاحصول مقدم ہےاورمعاشرےکی فلاح کےلیےتعمیری ومثبت سوچ کوپسِ پشت ڈالاگیاہےتوپھرچندٹکےتومل سکتےہیں۔مگرطمانیتِ قلب جیسی نعمتوں سےمنتفع نہیں ہوسکتے۔احسان دانشٓ کی زندگی کولےلیجئےکہ ایک وہ وقت تھاجب وہ پنجاب یونیورسٹی میں مزدوری کرتےرہےمگرامیدآمیزمحنت اورلگن کےبل بوتےپروہ اِسی جامعہ میں بطورِممتحن تعینات ہوئے۔پس اگرمثبت سوچ طبیعت میں راسخ ہوجائےتواعمال میں کاملیت آجاتی ہے۔محنتِ شاقہ قابلیت کونکھاردیتی ہے۔
لہذا ہرلمحہ مثبت اورتعمیری سوچ کاپرچارکریں تاکہ تخلیقی قوت دبنےنہ پائے اورصلاحیتیں نکھرسکیں۔

twitter handle ‎@iamshabanakbar