Category: بلاگ

‏
ملک بھر کی طرح گلگت بلتستان میں بھی مہلک واٸریس کرونا کے وار اور تباہ کاریاں جاری ہیں گلگت بلتستان میں کرونا کیسسز کی شرح میں بہت اضافہ ہوچکا ہے خصوصا ضلع گلگت میں کرونا کے بڑھتے کیسسز اور شرح اموات نے لوگوں کی تشویش ,پریشانیوں اور تکلیفوں میں اضافہ کردیا ہے صورتحال اس نہج پر پہنچ چکی ہے کہ ہسپتالوں میں او پی ڈیز بند کردی گٸی ہیں اور کرونا سے متاثرہ مریضوں کے لیے مختص آٸیسولیشن سینٹر بھر چکے ہیں اور کچھ پراٸیوٹ ہسپتالوں نے نٸے مریضوں کو لینے سے معذرت کے اشتہار بھی چسپاں کردٸے ہیں طبی ماہرین کے مطابق کرونا کی نٸی لہر مہلک انڈین ڈیلٹا ورژن ہے جس کے مہلک اثرات زیادہ ہیں ماضی میں گلگت بلتستان میں سخت ایس او پیز اور لاک ڈاٶن سمیت دیگر حفاظتی اقدامات کی وجہ سے کرونا کی شرح اور صحت یابی کی شرح حوصلہ افزا رہی تھی مگر حالیہ لہر کے بعد صورتحال گھمبیر ہوچکی ہے سیاسی و سماجی حلقے بڑھتے ہوئے کیسیز اور شرح کے حساب سے مکمل لاک ڈاٶن اور سخت ایس او پیز کا مطالبہ کررہے ہیں گلگت بلتستان ایک پسماندہ اور دورافتادہ خطہ ہونے کی وجہ سے طبی سہوليات اور طب کے شعبے میں ملک کے دیگر صوبوں سے بہت پیچھے ہے خدانخواستہ اگر صورتحال مزید گھمبیر ہوٸی تو روک تھام اور تدارک سنگین چیلنج بن سکتا ہے حکومت گلگت بلتستان کی جانب سے جاری کردہ تازہ ترین اعداد وشمار کے مطابق صوبے میں878 کرونا سے متاثرہ مریض کرونا سینٹرز میں زیرعلاج ہیں اب تک اس موزی واٸیریس سے صوبے میں 147 افراد جاں بحق ہوئے ہیں سب سے زیادہ 67 اموات کے ساتھ ضلع گلگت سرفہرست ہے دوسرے نمبر پر46 اموات کے ساتھ ضلع سکردو اور تیسرے نمبر پر سات اموات کے ساتھ ضلع غذر نمایاں ہے کرونا کیسسز میں شرح کے حساب سے بلتستان 13.40 کی شرح سے پہلے نمبر پر اور ضلع گلگت 8.92 فیصد شرح کے حساب سے دوسرے نمبر پر موجود ہے ایکٹیو کیسسز کی شرح کے حساب سےضلع گلگت297 مریضوں کے ساتھ سرفہرست ہے ضلع سکردو185 کیسسز کے ساتھ دوسرے نمبر پر جکہ 151 کیسسز کے ساتھ ضلع غذر تیسرے نمبر پر موجود ہے صوبے میں کرونا کیسسز کی شرح %8.45سے بڑھ کر 9.77%تک پہنچ گٸی ہے جو کہ تشویش ناک صورتحال ہے یہاں یہ بات قابل زکر ہے کہ گلگت بلتستان میں سیاحت کا سیزن ہے اور اندرون و بیرون ملک سے سیاحوں کی بڑی تعداد گلگت بلتستان میں موجود ہے حالیہ بارشوں سے پیدا شدہ صورتحال کے ساتھ ساتھ بڑھتے ہوئے کرونا کیسسز نے بھی سیاحوں کی مشکلات میں اضافہ کردیا ہے حکومت نے کرونا کیسسز کی شرح کے حساب سے مختلف علاقوں میں سمارٹ لاک ڈاون نافذ کیا ہے اور سیاحوں کے لیے بھی پالیسی وضع کی گٸی ہے کہ کرونا ویکسینیشن سرٹیفکیٹ اور ٹیسٹ رپورٹ کے بغیر صوبے میں داخلے کی ایس اوپیز پر عملدرآمد یقینی بنایا جارہا ہے جو کہ خوش آٸند بات ہے دوسری طرف ہسپتالوں میں او پی ڈیز کی بندش کی وجہ سے عام مریضوں کو سخت پریشانیوں کا سامنا کرنا پڑ رہا ہے حکومت کو چاہیے کہ سخت ایس او پیز کے ساتھ عام عوام کے لیے او پی ڈی سروس یقینی بناٸی جاۓ تاکہ عام مریضوں کو درپيش مشکلات میں کمی آسکے ان حالات میں صوبائی حکومت کو چاہیے کہ کرونا کیسسز کی بڑھتی ہوٸی شرح کو مدنظر رکھتے ہوۓ جامع حکمت عملی اور ایس او پیز پر عملدرآمد کو سختی سے یقینی بنائے اور عوام الناس بھی طبی ماہرین اور حکومت کی جانب سے وضع کردہ پالیسسز و ایس او پیز پر بھرپور عملدرآمد کریں تاکہ کرونا کیسسز کی موجودہ لہر کے مضر اور مہلک اثرات کو کم سے کم کیا جاسکے ۔۔۔۔۔ Srufaq@

کو ویڈ ۱۹ نے دنیا تو بدل ہی دی، ہمیشہ کی طرح ہمیں ایک نیا عالمی سازش کا مرکز بھی بنا دیا ہے۔

دنیا بھر کے لوگ اس فکر میں ہیں کہ کس طرح سے اپنے آپ کو، اپنے اہل و عیال، پڑوسی محلہ دار، رشتہ دار، دوست احباب اور ہم وطنوں کو اس جان لیوا وائرس سے بچائیں۔
پچھلے ڈیڑھ سال سے دنیا بھر کی حکومتیں مختلف قسم کے لاک ڈاؤن کر کے ، حفاظتی طریقہ کار اور واءرس سے بچاؤ کے پیغامات کو ہر خاص و عام تک پہہچارہی ہیں تاکہ اس وائرس کی تباہ کاریوں کو کسی نہ کسی طریقے سے قابو میں لایا جا سکے۔ ان تمام تر حفاظتی اقدامات کے باوجود لاکھوں لوگ اپنی جان گنوا بیٹھے ہیں، کڑوڑوں لوگ اس وائرس کی وجہ سے جان لیوا بیماری میں مبتلا ہو چکے ہیں۔ اس موزی وائرس کے انسانی جسم پڑ پڑنے والے دور رس مضر صحت اثرات کے بارے میں ابھی مکمل معلومات ہی نہیں ہیں۔

معاشرتی طور پر اس وائرس کی وجہ سے میل ملاپ، درس و تدریس، غمی و خوشی، دکھ سکھ ، آنا جانا، ملنا ملانا ، غرض یہ کی زندگی کا ہر ایک پہلو اس کی زد میں آکر پاش پاش ہو گیا ہے۔ جو معاشرتی ضابطے دہایوں، صدیوں اور نسل در نسل ہماری زندگی کا حصہ بن چکے تھے، اب اچانک ہی خطرناک اور جان لیوا بن گئے ہیں۔
کسی بھی جگہ ، کسی بھی وقت، کسی سے بھی ملاقات کرنے کی آزادی فلحال ختم ہوگئی ہے۔ بچے اپنے ماں باپ سے ملنے سے قاصر ہو گۓ، میتیں بغیر عزیز و اقارب کے سپرد خاک کر دی گئیں، بیمار جانیں اپنی اقرباء کی عیادت سے محروم ہو گئیں، دفاتر، اسکول، اعلیُ تعلیمی ادارے، جیمخانہ وغیرہ بند ہو گۓ ۔ قصہ مختصر ، زندگی جو ہم جانتے تھے وہ مکمل طور پر بدل گئی ہے۔

معاشی طور پر کروڑوں لوگوں کے کاروبار تباہ و برباد ہو گۓ، نوکریاں ختم ہو گئیں، غریب ممالک میں مزید غربت پھیل گئی ہے، امیر ممالک بھی قرضوں کے بھوجھ میں دبیں ہیں۔ کساد بازاری کا ایک بڑھتا ہوا طوفان ہے جو دنیا بھر کی معاشیات کو اپنی ظالمانہ گرفت میں لے رہا ہے۔ غریب مزید غریب ہوا جارہا ہے اور اسے امید کی کرن شازونازر ہی نظر آ رہی ہے۔

یہ تو پھر بھی کافروں کی ایجادات بشمول انٹرنیٹ ، موبائل فون، اور کمپیوٹرز کی معجزہ کاری ہے کہ زندگی کا نظام جاری ہے اور ہم اپنی روز مرہ زندگی کی گذر بسر کر رہے ہیں۔ یہ وہی ایجادات جنہیں ہم مختلف حیلے بہانوں سے رد کرتے ہیں یا ان میں سازشوں کا عنصر تلاش کرتے رہتے ہیں۔ اور اگر کچھ نہیں بات سوجھتی تو ان ایجادات کے استعمال کو فحاشی پھیلانے کازریعہ اور اسلامی اقدار کے منافی قرار دیتے ہیں۔

اس کسمپرسی اور مایوسی میں امید کی واحد کرن وہ علاج ہے جوُ کہ جہنمی کافروں نے اپنی دنیاوی صلاحیتوں کو بروئے کار لاتے ہوۓ اور دن رات کی انتھک کا وشوں سے ایک ویکسین کی شکل میں ایجاد کیا۔ یہ ویکسین دنیا میں امید کی واحد کرن ہے جس کے استعمال سے ہم اپنی معمول کی زندگی گزارنے کا خواب دوبارہ دیکھنے لگے ہیں۔
جن معاشروں میں اس ویکسین کا استعمال وافر تعداد میں ہو رہا ہے وہاں زندگی کسی نہ کسی معنوں میں واپس آرہی ہے۔ روز مرہ کے معمولات میں توازن آرہا ہے۔

لیکن ہمارے معاشرے کی سوچ میں جو یہود و ہنود کی سازشوں کا جال بن دیا گیا ہے وہ اس ویکسین کو بھی اپنی لپیٹ میں لے چکا ہے۔ ہمیں مختلف طریقوں، تاویلوں، شرعی حوالہ جات اور فتاؤں کی مدد سے یہ باور کرایا جارہا ہے کہ یہ ویکسین ایک بینالاقوامی سازش ہے جس کے پیچھے کافروں (چین کی استثنی) کا ہاتھ ہے۔ کہ ہم جو دنیا جہان کے سب سے معزز، پاکیزہ، نیک سیرت، غریب پرور، عبادتگار، ہمدرد، اور ترقی یافتہ لوگ ہیں، یہ ویکسین ہماری ان تمام خوبیوں اور صفات کے خلاف ایک کافرانہ ہتھیار ہے۔ ہمارا مقتدر دینی طبقہ تو مزید آگے بڑھ کر یہ بیان فرمارہا ہے یہ ویکسین مسلمانوں کی بڑھتی ہوئی تعداد کو روکنے کے لۓ ایک عالمی کافرانہ سازش ہے۔ ان کے مطابق موجودہ اربوں مسلمانوں نے مل کر دنیا میں جو ایجادات، خوشحالی، امن، بھائ چارہ اور مثالی اسلامی معاشرے قائم کیا ہے ، ان کی معازاللہ روک تھام ہو جاۓ گی۔

ایک ایسی سازش جس کا تانہ بانہ ہر اس کافر ملک سے ملتا ہے، جس کی امیگریشن لینے کے لۓ مسلمان اپنا جان و مال قربان کرنے کے لۓ ہمہ وقت تیار ہیں۔ دنیا بھر کا جھوٹ اور فراڈ کر کے ہم مسلمان ان ہی کافر ممالک کی امیگریشین لیتے ہیں ، جو ہماری تعداد کو گھٹانے کے لۓ یہ ویکسین لے کر آئے ہیں۔ تو جناب اب یہ بات عیاں ہو رہی ہے کہ ان مقتدرہ حضرات کی نظر میں اسلام کا مفاد اتنا عزیز ہے کہ وہ اس کے لۓ ویکسین نہ لگا کر اپنی جان دے دیں گے ۔ چنانچہ اگر آپ کو بھی اسلام سے اتنی ہی محبت ہے تو پھر ان پہنچی ہوئی ہستیوں کی تقلید میں آپ بھی ویکسین نہ لگوا کر شہید ہو سکتے ہیں اور اگر آپ ایک مسلمان مرد ہیں تو فوراُ ہی جنت پہنچ کر بہتر حوروں، انگنت غلامان، اور اپنی دنیاوی بیگم کے ساتھ عیش و آرام کی ابدی زندگی گزار سکتے ہیں۔ وما علینہ اللالبلاغ۔

افواج پاکستان اس ملک کی آہنی دیوار ہیں جنکو دشمن کبھی پاٹ سکا نہ کبھی پاٹ سکے گا ۔۔ویسے تو ہر ملک کی اپنی فوج ہوتی ہے مگر ہمارے یہاں یہ بات ذرا مختلف ہے ۔۔۔یہاں بات ہورہی اسلامی جمہوریہ پاکستان کی فوج کی ! جنکو اس بات پہ ایمان ہوتا کہ وہ دشمن سے جنگ میں اگر اپنی جان گنوا بھی دیں تو اپنے رب کے حضور شہید ہیں _______اس وطن کا ہر ایک سپاہی موت سے نڈر ہے جبھی اس فوج کا مقابلہ کسی دوسرے ملک کی فوج نہیں کرسکتی _____ہماری تاریخ بھری پڑی ہے ایسے واقعات سے وہ جو تین سو تیرہ اپنے سے دوگنے دشمن پر غلبہ پاگئے وہ جو بدر میں فرشتے قطاروں میں اترے تھے اسلامی لشکر کیلیے یہی وہ قوت ہے جو ایک مسلمان کے پاس ہے اور پاکستان واحد ایٹمی اسلامی طاقت! تو کیوں نہ ہو اسکا ہر ایک رکھوالا بے خوف و نڈر؟
اور شہادت تو وہ اعزاز ہے جسکی تمنا عمر ابن خطاب رضی اللہ عنہ نے کی ۔۔۔۔جسکی تمنا خالد ابن ولید” اللہ کی تلوار ” کہلانےوالے صحابی نے کی ۔۔۔مگر یہ اعزاز تو بس انہی کو ملتا ہے جنکو رب العزت نے نوازنا ہو _______
یہی وہ اعزاز ہے جو اس وطن کیلیے اپنی جانیں قربان کردینے پر ابھارتا ہے اور یہی وہ اعزاز ہے جسکی بدولت آج اس اسلامی ملک کی فوج کے آگے دنیا کی کوئ فوج نہیں ٹک سکتی!
اس ملک کے رکھوالے وہ گمنام سپاہی جو اپنا نام و نسب گھربار اس وطن کیلیے پیچھے چھوڑ جاتے ہیں ___ایسا عظیم مقصد جسکا ہو وہ
میں یہ نہیں کہتی کہ فوجی کچھ غلط نہیں کرسکتے ۔۔۔ہاں مگر انکا مقصد انکا جذبہ بہت انمول ہے جسکی وجہ سے ہماری سپاہ ہمارے دلوں میں بستی ہے!
لوگ کہتے ہیں کہ فوجی اپنے کام کی تنخواہ لیتے ہیں مگر کیا جان کی بھی کوئ قیمت ہوسکتی ہے کیا؟ کیا آپ میں سے کوئ یا میں اپنی جان کو جوکھم میں ڈال سکتے ہیں؟ نہیں مگر ہماری سپاہ تو یہی کرتی ہے نا! یہی تو وہ چیز ہے جو اس وطن کی سپاہ کو باقی افواج سے الگ کرتی ہے!
اس وطن کی فوج نے پوری دنیا میں اپنے آپکو منوایا ہے اپنے وطن کیلیے جانیں قربان کردینے والے شہیدوں نے اس فوج کی عظمت کو مزید بلند تر کردیا ہے ______ایک ایسے محاذ پر رہنا جہاں کبھی بھی آپکی جان جاسکتی ہے کیا آسان ہے؟ نہیں اپنے گھربار کو چھوڑ کر ایک الگ جگہ جانا کیا آسان ہے؟
میں کہتی ہوں کہ ایک فوجی کا ایمان ہمارے ایمانوں سے کہیں زیادہ مضبوط ہوتا ہوگا! کہ وہ اسی رب کے بھروسے اپنے گھر بار کو چھوڑدیتے ہیں اپنی جانیں اس وطن کیلیے ہتھیلی پر رکھ دیتے ہیں یہ انکا مضبوط ایمان ہی تو ہے جو ان سے یہ سب کروالیتا ہے!
ہماری تو خوش قسمتی یہ ہے کہ اس وطن کی صرف فوج ہی نہیں ہر پاکستانی ہی ایسے جذبے سے سرشار رہتا ہے ______جب کبھی اس وطن پہ کوئ مشکل گھڑی آئے تو سب یک جان ہوجاتے ہیں مگر کچھ لوگ جو اس وطن کو ترقی کرتا سہی سالم نہیں دیکھ سکتے وہ اپنی فوج کیلیے لوگوں میں زہر بھرتے ہیں مقصد ان کا صرف ایک ہی ہوتا اس ملک کی فوج کو کمزور کردینا وہ آہنی دیوار توڑ دینا جو اس ملک کے تحفظ کی ضمانت ہے
کوئ اس فوج کے خلاف تب ہی بات کرے جب اس میں اتنی ہمت آجائے کہ اپنی جان کو ہتھیلی پر رکھ سکے صرف اس ملک کی خاطر ۔۔۔وگرنہ اپنا زہر اپنے تک رکھیں ____کیونکہ اس فوج نے اس ساکھ کی بنیاد بھی اپنے خون سے رکھی ہے اور ان شہیدوں کا لہو انکی صداقت کی گواہی ہے ۔۔۔لہو کی گواہی سے بڑھ کر بھی کوئ گواہی ہوتی ہے کیا؟
وہ لوگ جو چلے گئے شہادت کے رتبے سے سرفراز ہوئے وہ تو اپنی منزل پاگئے اور ان سے بڑھ کر کوئ خوش قسمت ہوگا کیا؟
قرآن پاک اللہ رب العزت فرماتے ہیں :
وَ لَا تَحْسَبَنَّ الَّذِیْنَ قُتِلُوْا فِیْ سَبِیْلِ اللّٰهِ اَمْوَاتًاؕ-بَلْ اَحْیَآءٌ عِنْدَ رَبِّهِمْ یُرْزَقُوْنَ) (ال عمران:۱۶۹)

ترجمہ:اور جو اللہ کی راہ میں شہید کئے گئے ہر گز انہیں مردہ خیال نہ کرنا بلکہ وہ اپنے رب کے پاس زندہ ہیں ، انہیں رزق دیا جاتا ہے۔
رب عظیم نے تو قرآن میں صاف فرمادیا کہ شہید تو مرتے ہی نہیں ہاں مگر ہمیں انکی زندگی کا شعور نہیں اصل میں درحقیقت وہ اپنے رب کے مہمان ہیں ۔۔۔اس سے بڑھ کر کونسا بلند مرتبہ ہوگا جسکی چاہ ایک مسلمان کرسکتا ہے؟
یہی وہ عظیم رتبہ جسکو پانے کی تمنا اس وطن کے ہر فوجی کے دل میں سمائ ہوتی ہے ۔۔۔۔جب جان جانے کا ہی خوف نہ ہو تو پھر کوئ اور خوف ایسے انسان کے سامنے ٹھہر سکتا ہے کیا؟
اس ملک کے رکھوالوں کی یہی بے خوفی اور سکون ہے جو دشمن کو کھٹکتا ہے ۔۔۔۔ان رکھوالوں کا مقصد عظیم ہے انکے جذبے عظیم ہیں اس لیے
اپنے وطن کے رکھوالوں کو عزت دیں جو اس ملک کی ناقابل شکست دفاعی لکیر ہیں ،ہمارے ماتھے کا جھومر ہیں بلاشبہ ہمیں اپنی افواج پر فخر ہے_______!
اے حق کے راہیوں، حق کے راستے میں جان دینے والوں
تمہیں اس وطن کی عظیم مٹی سلام پیش کرتی ہے ۔

@timazer_K