Category: بلاگ

دنیا میں آپ کہیں بھی دیکھ لیں لبرل اور سیکولر ملحد آپ کو مختلف نظر آئیں گے۔
لیکن ان میں کچھ چیزیں قدرے مشترک بھی ہیں۔
آپ کہیں بھی دیکھ لیں یہ لوگ نہ تو عیسائیت کے خلاف ہوں گے نہ بدھ ازم کے اور نہ ہی یہودیوں کے نہ ہی ہندو ازم کے۔
لیکن جب اسلام کا نام آتا ہے تو ان لوگوں کو موت پڑ جاتی ہے۔
یہ دوسرے مذاہب کے تہواروں کو تو کچھ نہیں بولتا بلکہ ان کو پسند بھی کرتا ہے۔
لیکن اس کو جمعہ میں لوگوں کے اکٹھے ہونے سے اور عیدوں کے اجتماع سے اک انجانی تکلیف ہوتی ہے ۔
دنیا میں کروڑوں کی تعداد میں روزانہ پوری دنیا میں کے-ایف-سی میکڈونلز اور بھی بہت سارے برینڈز جانوروں کا گوشت کرتے ہیں۔
لیکن جب مسلمان سنت ابراہیمی ادا کرتا ہے تو ان کو جانوروں پر ترس آنا شروع ہو جاتا ہے ۔
اگر دنیا میں کہیں بھی لوگ اپنے تہواروں ہولی دیوالی پر فضول خرچی کر رہے ہوں ان کو بھری نہیں لگتی لیکن حج پر جانے سے روکتا ہے۔
کہ اس سے اچھا کسی غریب کو دے دو ۔
یورپ میں لوگ سال میں لاکھوں ہزاروں کی تعداد میں اپنے پوپ کی زیارت کرنے کے لئے ویٹیکن سٹی کا رخ کرتے ہیں۔
ہندو لاکھوں کی تعداد میں اپنے سالانہ میلوں میں مختلف مندروں میں شرکت کے لئے پورے بھارت سے اجتماع میں آتے ہیں۔
اور وہ وہاں پر اکٹھے ہو کر اپنی رسومات ادا کرتے ہیں ۔
یہودی بدھ ازم سبھی مذاہب مختلف علاقوں سے اپنے سالانہ تقریبات میں شرکت کرتے ہیں۔
مجال ہے کہ ان کے کان پر جوں تک رینگتی ہو ۔
لیکن جب مسلمان حج کے لئے جمع ہوتے ہیں۔تو ان ہی لبرلز کی چیخیں آسمان تک سنائی دیتی ہیں۔
جب چرچ کی راہبائیں برقعہ پہنتی ہیں یہودیوں کی عورتیں برقعہ پہنے ان کو کوئی تکلیف نہیں ہوتی ۔
مسلمانوں کی عورتوں کے حجاب پر اس کو کوئی اندرونی دکھ ہوتا ہے ۔
اور میں نے بہت سارے ایسے لوگوں کی وال پر کافی دفعہ یہ بات بھی پڑھی کے مسجد میں پیسے دینے سے یا مسجد میں کوئی چیز دینے سے بہتر ہے۔
کہ کسی غریب کی بیٹی کو بیاہ دو تو میں ان کو کہنا چاہتا ہوں۔
الحمدللہ غریب کو بھی دیتے ہیں اور مسجد میں بھی دیتے ہیں۔تم لوگوں کو یہ دکھ نہیں ہونا چاہیے۔
یہ ہے سیکولرازم اور الحاد کا اصل دکھ اور ان کا اصل چہرہ۔ ان کی کتابیں، ان کے رسالے، ان کی ویب سائٹس، ان کے فیس بک پیجز ان کے ٹوئٹر اٹھالیں آپ کو صرف اور صرف اسلام اور شعائر اسلام سے نفرت ملے گی.
آپ تازہ صورت حال ہی دیکھ لیں بہت سے لوگوں نے عید قرباں پر لوگوں کو بھٹکانے کی کوشش کی ۔
یہ پیسے کسی غریب کو دے دو
ایک نے تو یہ بھی پوسٹ کی ہوئی تھی کہ میں ان پیسوں سے اپنے محلے میں ٹھنڈے پانی کا کولر لگواؤں گا ۔
کیا ان کو اب ہی یاد آتا ہے کولر لگوانا سارا سال کدھر سوئے رہتے ہیں۔
اس کے علاوہ بہت ساروں نے تو یہاں تک مخالفت کی کہ جانور کی زندگی کا سوال ہے ۔
اور ان ہی حضرات کی وال میں پوسٹیں لگی ہوئی تھیں۔
کہ آج نہاری کھائی کسی نے کڑاہی کھائی تب ان لوگوں کو یاد نہیں آتا ہے کیا کی جانور مر رہے ہیں۔ یا ان کو سنت ابراہیمی پر ہی یاد آتا ہے ۔
ویسے ایک بات اور بھی بات یاد رکھنی چاہیے کہ جب حضرت ابراہیم علیہ السلام اپنے بیٹے کو قربان کرنے کے لئے لے جا رہے تھے۔
تو شیطان نے اس وقت بھی روکا تھا ۔
کیونکہ یہ ملحد اور سیکیولر ز نہیں یہ منافق ہیں اور انتہائی گھٹیا دشمن ہیں اسلام کے

دنیا کا کوئی قبیلہ دنیا سے الگ نہیں
اس کائنات کی کی جڑ ایک ہے
مرکز ایک ہے
ساری کائنات ہمارا وطن ہے
اس دنیا میں پائی جانے والی ہر چیز (سارے وسائیل)تمام انسانوں کا مشرکہ ورثہ ہیں
کوئی بھی زبان مستقل نہیں
کوئی بھی نظریہ حتمی نہیں
کوئی بھی تہذیب حرف آخر نہیں
کوئی بھی گروہ عقل کل نہیں
کوئی بھی شے کامل نہیں
تاریخ گواہ ہے ہزاروں بولیاں ماضی کا قصہ ہوگئیں
ہزاروں رسمیں بدلیں
خیالات نظریات بدل گئے رہن سہن انداز تقاضے بدلتے گئے
سوچ کی سمت ہمیشہ روشنی کی طرف ہے
کوئی بھی سرحد مستقل نہیں رہی
اس دھرتی پر حکومتیں سرحدیں ہمیشہ بدلتی رہی ہیں
دریاوں کے رخ بدل رہے ہیں
کبھی گلیشیرزکے تیزی سے پگھلنے کا خوف ہے تو کبھی اوزون تہہ کے تباہ ہونے کی تشویش
سمندر کی لہروں بدلتے موسموں زلزلوں خانہ جنگیوں نے انسان کو کبھی ٹکنے ہی نہیں دیا
بدلتے ہوئےحالات کےساتھ ساتھ ہر مذہب کوبھی نئے تقاضوں کے مطابق تشریح کی ضرورت پیدا ہو رہی ہے
تو کیوں نا؟
مل بیٹھ کر آئندہ نسلوں کو تصادم سے بچانے کی کوئی سبیل تلاش کی جائے
ایمانداری اور اخلاص کے ساتھ اک دوسرے کو سنا جائے
باہمی احترام کو فروغ دے کر
مکالمے کے ذریعے مسائیل کا حل نکالا جائے
نیکی کوئی بھی گناہ گار شخص کر سکتا ہے
برائی کسی مومن سے بھی ہو سکتی ہے
ہدائیت پر سب کا برابر کا حق ہے یہ نصیب والوں کو ملتی ہے
ہدائیت کسی یہودی کو بھی نصیب ہو سکتی ہے کوئی مسلمان گھرانے میں پیدا ہو کر بھی بھٹک سکتا ہے
ہم نے خوامخواہ کی نفرتوں کی دیواریں بنا رکھی ہیں
نفرت بڑھنے کی وجہ طبقات کا اک دوسرے کے خلاف سنی سنائی باتوں پر یقین کرلینا ہے
دنیا میں جتنی بددیانتی اہل قلم کر رہے شاید ہی کوئی دوسرا طبقہ اتنی بد دیانتی کرتا ہو
اہل قلم نے اپنے اپنے طبقے کی خوشنودی کی خاطر قلم کے ذریعے ہمیشہ تصویر کا وہی رخ دکھانے کی کوشش کی ہے جس سے وہ راضی ہو
میں فنکشنل مسلم لیگ سے ہوں مجھے اس پارٹی کے سوا دوسری پارٹیوں کے خلاف بولنے میں آسانی محسوس ہوگی میں سنی ہوں شیعہ فقہہ کی خرابیاں خوب بیان کر سکتا ہوں
میں ہندوستان میں ہندو ہوکر مسلمانوں کی نیت پر سوال اٹھاوں گا کہ یہ بھارت سے مخلص نہیں
اور پاکستان میں مسلمان ہو کر ہندووں کی نیت پر شک کروں گا
پنجاب میں پیدا ہوکر سرائیکیوں کے خلاف سرگوشیاں کروں گا سندھی ہوکر پنجابیوں کو برا بھلا کہوں گا
ہر علاقے کی فضا الگ ہے
ہم نے اپنے دماغوں میں بھی ہر طرح کی سوچوں کی لکیریں کھینچ رکھی ہیں
مفادات کی خاطر ہم حالات سے سمجھوتا کر لیتے ہیں
جہاں ذاتی مفاد کی بات ہوتی ہےسچائی کو چھوڑ دیتے ہیں
ساری انسانیت تنہاتنہا ہوکر مر رہی ہے
ہم پر جو آسمانی آفات آتی ہیں وہ سرحدیں نہیں دیکھتیں رنگ نسل نہیں دیکھتیں
اکثر دیکھا ہے کہ قدرتی آفات کے سامنے بڑی بڑی سپر پاورز بے بس دکھائی دیتی ہیں
انڈیا میں سیلاب آئےیاایران میں زلزلہ امریکہ میں طوفان آئے یا کہیں قحط سالی دنیا کا کوئی بھی ملک تن تنہا کچھ نہیں کر سکتا ترقی کے اس دور میں بھی ہم اپنے آفت زدہ علاقوں سے زندہ لوگوں کو بر وقت بچا نہیں سکتے
ہمارا جینا مرنا اک دوسرے سےوابسطہ ہے ہم اک دوسرے کی ضرورت اور سہارا ہیں مگر ہم اپنا قیمتی وقت خواہمخواہ کی لڑائیوں میں ضائع کر رہے ہیں
وسائیل کی برابر تقسیم اور اور اک دوسرے کےوجود کو تسلیم کئیے بغیر کوئی بھی مسلہ حل نہیں ہو سکتا
سارا پاکستان ہندووں سے پاک نہیں ہو سکتا
سارا بھارت ہندووں پر مشتمل نہیں ہوسکتا
یہودی فلسطین میں بھی جی رہے ہیں مسلمان اسرائیل میں بھی ہیں
دنیا کے امن کے لئیے لازم ہے کہ دوسرے طبقے کی برائی دیکھ کر اس کی اچھائیوں یانیکیوں اور خدمات کو نظر انداز نہ کیا جائے
سنی سنائی باتوں پر رائے قائم نہ کی جائے
مخالفت برائے مخالفت نے ہمیں کہیں کا نہیں چھوڑا
ہم سچ صرف محدودلوگوں کے متعلق لکھتے ہیں
کوشش کر کے کبھی اپنی غلطیوں کو بھی تسلیم کیا جائے
جس دن ہم نے ایمانداری سے چیزوں کو پرکھنا اور ان کے متعلق ایمانداری سے لکھنا اور سوچنا شروع کیا
وہ کوشش پر امن دنیا کی منزل طے کرنے کے لئیے کسی عبادت سے کم نہیں ۔
Doctor Rahii

انسان کی زندگی میں خوشی کا دارو مدار زیادہ تر اس کے رشتوں کی کوالٹی پہ ہوتا ہے۔ آپ کتنے بھی کامیاب ہوجائیں، کتنے بڑے عہدے پر چلے جائیں، کتنی دولت کما لیں لیکن جب تک آپ کے رشتے مضبوطی سے قائم نہیں ہوں گے، اپ دیرپا خوشی حاصل نہیں کر سکیں گے۔ کہا جاتا ہے کہ انسان سماجی حیوان ہے، اسے ہر حال میں لوگوں کی ضرورت ہوتی ہے۔ اگر انسان کے رشتے مضبوط ہوں اور وہ رشتوں کے ساتھ مخلص ہو تو وہ دولت کے بغیر بھی خوش نظر آئے گا۔
ابراہم ماسلو (Abraham Maslow) ایک سائیکالوجسٹ گزرے ہیں۔ ان کی تھیوری کے مطابق انسان کی بنیادی ضروریات کے بعد اس کی دوستی اور رشتوں کی ضرورت ہوتی ہے۔ انہوں نے اس کو انسان کی ضرورت کہا ہے۔
رشتوں کو سمجھنا اور ان کے ساتھ اچھے طریقے سے ڈیل کرنا بھی ایک فن ہوتا ہے۔ رسمی تعلیم میں یہ چیز نہیں سکھائی جاتی۔ اس لئے جس کو جتنا سمجھ میں آتا ہے ویسا ہی نظریہ بنا لیتا ہے اور اس کے مطابق چلنے لگتا ہے۔ رشتوں میں پائیداری اور مضبوطی لانے کے لئے بہت سی چیزیں ہیں لیکن یہاں کچھ چیزوں کا ذکر کرتے ہیں۔
سب سے پہلی اور اہم بات یہ ہے کہ آپ کو پتہ ہونا چاہئے کہ سب انسان ایک دوسرے سے مختلف ہیں۔ سب کی ذہانت، پسند ناپسند، مقاصد، سوچ اور طریقہ کار ایک دوسرے سے مختلف ہوتا ہے۔ جب آپ یہ چیز سمجھ لیں گے کہ ہر کوئی آپ سے مختلف ہے تو آپ اپنی پسند اور نا پسند کو سختی سے نافذ کرنے سے رک جائیں گے۔ آپ کو پتہ ہوگا کہ آپ کی پسند یا ناپسند اگلے بندے کی پسند یا ناپسند نہیں ۔ ایسا انسان اپنے ہر عمل سے پہلے سوچے گا کہ اگلے بندے کو بھی پسند ہے یا نہیں۔ وہ ہر جگہ اپنی مرضی مسلط کرنے سے باز رہے گا۔ مثلا بچوں کو کس اسکول میں پڑھانا ہے، عید کی شاپنگ کب کرنی ہے، گھر میں فرنیچر کونسا ہونا چاہیے، وغیرہ۔ ایک چھوٹی سی مثال لے لیں اگر کوئی شخص ہر دفعہ اپنی مرضی کا کھانا اپنی بیوی سے بنواتا ہے، تو اس کو اپنا پسندیدہ کھانا تو ملے گا لیکن یہ ممکن ہے کہ اس کے رشتوں میں وہ مضبوطی نہ آئے ۔ اس کے برعکس اگر کوئی شخص خود اپنی بیوی کی مرضی کا کھانا باہر سے لے آئے گا۔ اپنی پسند کو چھوڑ کے اس کی پسند کو سامنے رکھے گا۔ تو ممکن ہے کہ اس کی بیوی دوسرے دن اس کی پسند کا کھانا بنایے اور اس کے رشتوں میں بھی کافی مضبوطی آ جائے۔ عورت کو تو ویسے بھی پیار دیا جائے تو وہ دگنا کرکے لوٹاتی ہے۔ یہ صرف ایک کھانے کی مثال تھی۔ اسی طرح آپ اپنے دوستوں میں، بہن بھائیوں میں اور والدین سے ان کی پسند اور نا پسند کا خیال رکھیں گے تو اس سے رشتوں میں مضبوطی آئے گی۔ سائیکالوجی میں جب سے individual differences کا تصور آیا ہے۔ تب سے انسان کو پرکھنے کا نظریہ بھی بدلا ہے۔ انسانوں میں فرق مختلف پہلو میں ہوتا ہے۔ مثلا ان کی پرسنلٹی میں، ان کے سیکھنے کے انداز اور رفتار میں، جیسے کچھ لوگ پڑھ کے اچھے سے سمجھتے ہیں، کچھ لوگ سننے سے سمجھتے ہیں، کچھ لوگ دیکھنے سے سمجھتے ہیں، اور کچھ لوگ کام کرکے اچھے سے سمجھتے ہیں، اپنے اور دوسروں کے جذبات کو سمجھنے اور ان کو کنٹرول کرنے ( emotional intelligence )میں بھی لوگ ایک دوسرے سے مختلف ہوتے ہیں۔ یہ چیزیں آپ کو پتہ ہوں گی تو آپ کو دوسروں کی رائے پے غصہ بھی نہیں آئے گا۔
دوسری اہم بات کہ اپنے رشتوں میں مخلص رہیں۔ ان کو کبھی دھوکا نہ دیں۔ آپ جیسے ہیں ویسے ہی ان سے برتاؤ کریں۔ اپنے رشتوں کو بچانے کے لیے نقاب کا سہارا نہ لیں۔ یہ ایک ایسا راز ہے جسے اکثر لوگ نہیں جانتے مگر اس سے رشتوں میں بے پناہ مضبوطی اتی ہے۔ اگر آپ اپنے اردگرد غور کریں تو جو لوگ آپ کے ساتھ مخلص نہیں ہیں، تو آپ ان کی باتوں اور ان کی حرکتوں سے اندازہ لگا لیتے ہیں۔ اور جو لوگ آپ کے ساتھ مخلص ہیں ان کا بھی آپ کو اندازہ ہو جاتا ہے۔ کیونکہ انسان کی باتوں کے علاوہ انسان کا رویہ اس کے چہرے کے تاثرات (facial expressions)، اس کا باڈی لینگویج بھی سمجھ میں آ جاتا ہے۔ کمیونیکیشن کی فیلڈ میں بتایا جاتا ہے کہ 90 فیصد سے زیادہ ہم اپنے لہجے اور باڈی لینگویج سے رابطہ کرتے ہیں۔ اگر آپ اندر سے سچے ہوں گے تو آپ کا باڈی لینگویج بھی ویسا ہی اظہار کرے گا۔ آپ کی آنکھوں سے سچائی جھلک رہی ہوگی، آپ کی مسکراہٹ میں بھی معصومیت اور خوبصورتی ہوگی، آپ کی باتوں سے پھول جھڑیں گے، لیکن شرط یہ ہے کہ آپ اندر سے ایک دفعہ مخلص ہوں۔ یہ خوبی ہر رشتے کے لئے لازمی ہے چاہے وہ میاں بیوی کا رشتہ ہو، چاہے وہ استاد شاگرد کا ہو، چاہے ڈاکٹر مریض کا ہو، چاہے گاہک اور دکاندار کا ہو۔ جب آپ اندر سے مخلص ہوتے ہیں تو لوگ آپ کی طرف مائل ہو جاتے ہیں۔ آپ نے کبھی نوٹ کیا ہوگا کہ کچھ دکانداروں سے آپ کو کشش ہو جاتی ہے، کئی دفعہ تو 2 یا 3 گلیاں چھوڑ کے آپ اسی دوکان دار کے پاس جاتے ہیں، جبکہ اس دکاندار سے نزدیک بھی کئی دکانیں ہوتی ہیں، اور ایک ہی ریٹ پر وہ سیل کرتے ہیں لیکن پھر بھی آپ اسی دکاندار کے پاس جاتے ہیں۔ اس کی وجہ یہ ہوتی ہے کہ اس نے آپ کا دل جیت لیا ہوتا ہے۔ کسی بھی رشتے کو مضبوط کرنے کے لیے دل جیتنا ضروری ہے۔
مسئلہ یہ ہے کہ جو رشتے ہمارے پاس ہوتے ہیں ہمیں ان سے ڈیل کرنے کا ہنر نہیں آتا۔ ہم ان کو کھو دیتے ہیں اور پھر ضرورت کو پورا کرنے کے لیے باہر کی طرف بھاگتے ہیں۔ اور غیروں میں رشتوں کو تلاش کرتے ہیں۔ یہاں سے نئے مسائل کا آغاز ہوتا ہے۔
اگر آپ کی زندگی میں بھی خوشی ختم ہوگی ہے تو غور کیجئے کہ آپ کے رشتے کتنے مضبوط ہیں۔ زیادہ امکان یہی ہوگا کہ خوشی ختم ہو جانے کی وجہ رشتوں کی کمزوری ہے۔ ایسے میں ایک ایکٹیوٹی کیجیے۔ اپنی رشتوں کی پسند اور ناپسند کا انتخاب کیجیے۔ جو جو ان کو پسند ہے وہ کام کیجئے ان کے لیے وہ چیزیں خرید کر دیجئے۔ یقین کریں اس سے جو خوشی اور جو سکون آپ کو ملے گا وہ اپنی پسند کی چیزیں خریدنے سے نہیں ہوگا۔ اور سب سے بڑی بات کہ رشتے بھی مضبوط ہونے لگیں گے۔ ہر کام کو کرنے کا ایک طریقہ ہوتا ہے۔ پہلے ایک فہرست بنائیں جس میں لکھیں کہ کن کن رشتوں کو اپ نے مضبوط کرنا ہے۔ پھر ہر رشتے کے آگے اس کی پسند نا پسند لکھئے۔ اور پھر ان کو پورا کرنا شروع کیجئے۔ شاید آپ کی لسٹ میں کچھ لوگ ایسے بھی ہوں جن پر آپ کا کوئی اثر نہ ہوتا ہو۔ ایسے لوگوں پر آپ لاکھ کوشش کر لیں وہ ٹس سے مس نہیں ہوتے۔ ان کو اثر ہو نہ ہو لیکن آپ کے اندر ایک سکون کی کیفیت آئے گی۔ کسی شاعر نے کیا خوب کہا تھا
” جو پتھر پہ پانی پڑے متصل
تو بے شبہ گھس جائے گی پتھر کی سل”
"یعنی ایک پتھر پے اگر پانی لگاتار پڑتا رہے گا تو وہ پتھر کو ریزہ ریزہ کر دے گا۔”
آپ بھی کوشش جاری رکھیں، امید کا دامن نہ چھوڑئیے، ایک امید ہی تو ہوتی ہے جو زندگی میں زندگی بھر دیتی ہے، ورنہ مایوسی تو کفر کے زمرے میں آ جاتی ہے، ایک امید ہی ہے جو آپ کو صبح صبح تازگی کے ساتھ دن کا آغاز کرواتی ہے۔ مجھے بھی امید ہے کہ اپ اپنے رشتوں کو مضبوط کرنے کے لیے مخلص ہو کے رشتوں کی پسند کا خیال رکھیں گے، اس کے بعد بھی کچھ ٹیکنیکس بتاتا رہوں گا لیکن اس ایک ایکٹیوٹی پر عمل کریں، اس سے ہی آپ کے رشتوں میں کافی بدلاؤ نظر آئے گا .