Category: بلاگ

آخرکاربھارتی وزیر خارجہ جے ایس شنکر نے تسلیم کرہی لیاہے کہ بھارت پاکستان کو گرے لسٹ میں رکھنے کے لئے ایف اے ٹی ایف پر اثر انداز ہو رہا ہے،اس اعتراف کے بعد یہ تو ثابت ہوا کہ ایف اے ٹی ایف بھارتی اثر و رسوخ میں کام کرنے والا ایک سیاسی ڈھونگ ہے۔ بھارتی وزیر خارجہ ایس جی شنکر کا یہ اعتراف کہ ان کی حکومت نے اس بات کو یقینی بنایا ہے کہ پاکستان کو ایف اے ٹی ایف کی گرے لسٹ میں شامل رکھا جائے۔بھارت کے وزیر خارجہ کا یہ بیان پاکستان کے اس مئوقف کی تصدیق کرتا ہے کہ ایف اے ٹی ایف کو سیاسی مقاصد کیلئے استعمال کیا جارہا ہے اور اس پربھارت کا اثر و رسوخ ہے۔ جے ایس شنکر نے یہ سچ بی جے پی کے سیاسی کارکنوں کے اجتماع میں بولا ہے۔ اس سے یہ بھی ظاہر ہوتا ہے کہ آرایس ایس ہندوتوا کے نظریات کی بی جے پی کی بھارتی سرکار بین الاقوامی اداروں کو بھی متاثر کرنے کی کوشش کر رہی ہے۔ کیا بھارت کی طرف سے اعلانیہ اس اعتراف کے بعد ایف اے ٹی ایف اس تنازع سے باہر نکل سکتا ہے؟ کیا ایف اے ٹی ایف کو اپنی غیر جانبداری ثابت کرنے کے لیے اقدامات نہیں اٹھانے چاہئیں؟۔ کیا ایسے بیانات کے بعد یہ ادارہ اپنی ساکھ برقرار رکھ پائے گا؟ کیا اس کے بعد ایف اے ٹی ایف کے فیصلوں کو انصاف پر مبنی کہا جا سکتا ہے؟۔ اب یہ ثابت ہوا ہے کہ یف اے ٹی ایف متعصب مغربی دنیا کے آلہ کار کی حیثیت سے کام کر رہااورمغربی کے نوآبادیاتی نظام کوپروان چڑھانے میں پیش پیش ہے جوممالک مغربی ممالک کی پالیسیوں سے انحراف کرکے اپنے ملکی مفاد میں فیصلے کرناچاہتے ہیں تو ان ممالک کوسبق سکھانے اورانہیں مفلوج کرنے کیلئے ان پرمنی لانڈرنگ اوردہشت گردوں کی معاونت کاالزام لگاکران پرپابندیاں لگادی جاتی ہیں جس کی واضح مثال پاکستان ہے جس نے ایف اے ٹی ایف کے 27 میں سے 26 نکات پر عمل کیا اس کے باوجود پاکستان کو گرے لسٹ میں برقرار رکھا گیا، جواس ادارے کی حقیقی روح کے خلاف ہے جبکہ پاکستان نے بھارتی دہشت گردی کے ثبوت ڈوزئیرکی صورت میں اقوام متحدہ میں جمع کرائے اور ایف اے ٹی ایف کو بھی آگاہ کیا۔بھارتی دہشت گردی کی واضح مثال پاکستان میں گرفتاربھارتی نیوی کاحاضرسروس آفیسر راء کاایجنٹ کلبھوشن یادیوہے۔ بھارت داعش کو ہتھیار فراہم کرتا ہے لیکن اسے نظر انداز کیا جاتا ہے۔ امریکی محکمہ خزانہ کے مطابق بھارت دنیا بھر میں حوالہ کے ذریعہ خفیہ طور پر رقم منتقل کرنے والا سب سے بڑا ملک ہے۔ لیکن یہ ایف اے ٹی ایف کودکھائی نہیں دیتاکیونکہ بھارت اس کے بڑوں کالے پالک ہے۔ بھارتی ادارے اور افراد غیر قانونی اور مشکوک لین دین کے ذریعے 1.53 بلین ڈالر کی منی لانڈرنگ میں ملوث تھے اتنے بڑے پیمانے پر منی لانڈرنگ کے باوجود بھارت کے خلاف کوئی کارروائی نہیں کی گئی،اسی طرح بھارت میں غیرمحفوظ ایٹمی اثاثے جہاں یورینیم چوری کی خبریں عالمی میڈیاکی اکثروبیشتر زینت بنتی ہیں لیکن یہ سب ایف اے ٹی ایف کودکھائی نہیں دیتے کیونکہ یہ پابندیاں صرف ان ملکوں پرلگائی جاتی ہیں جوان کی جی حضوری نہیں کرتے۔حقیقت میں ہونایہ چاہئے تھا کہ ایف اے ٹی ایف کو بھارت کے خلاف ایکشن لیکر سخت کارروائی کرتے ہوئے اسے بلیک لسٹ میں ڈالاجاتااورپاکستان کی بہترین کارکردگی پراسے گرے لسٹ سے نکال کروائٹ لسٹ میں شامل کیاجاتا۔ اب عالمی ادارے ایف اے ٹی ایف کی جانبداری کاواضح ثبوت اورکیساہوگا ۔دنیا بھارت سے ہونے والی منی لانڈرنگ پر خاموش رہتی ہے۔ کیا بھارت سے دہشت گردوں کی مالی سرپرستی اور معاونت دنیاسے ڈھکی چھپی ہے ؟۔ ان سارے واقعات کے بعد پاکستان میں ہونے والے حالیہ واقعات کو کسی بھی طورپر نظر انداز نہیں کیا جا سکتا۔ پاکستان پر پابندیوں کی سب سے بڑی وجہ مسلم ملک ہونا ہے اس کے بعد دوسری بڑی وجہ ایٹمی صلاحیت کا ہونا ہے تیسری بڑی وجہ کہ ہمارے دفاعی ادارے اور عوام کو ملک سے بے پناہ محبت ہے، پاکستان نے ہر مشکل میں دنیا کا ساتھ ضرور دیا ہے لیکن اس کے باوجودمتعصب دنیا نے پاکستان کو نشانے پر رکھاہواہے۔ ایف اے ٹی ایف کی مسلسل گرے لسٹ میں رکھنا بھی اسی سلسلے کی ایک کڑی ہے، حیلے بہانوں سے پاکستان پر مزید پابندیاں لگانے کے لیے ماحول بنایا جارہاہے ۔ پاکستان کا ازلی دشمن بھارت اس سلسلے میں منفی کردار ادا کر رہا ہے، بھارت کی کوشش ہے کہ پاکستان پر مزید سختی کی جائے، اس کے لیے سازشیں اور اپنا اثرورسوخ بھی استعمال کر رہا ہے۔ افغانستان جنگ میں پاکستان نے امریکہ کی حمایت کی اور دہشت گردی کے خلاف عالمی جنگ میں امریکہ کا اتحادی بنا تو اس کی بھاری قیمت چکانا پڑی۔ دنیا کو پر امن بنانے کے لیے ہم نے 70 ہزار قیمتی جانوں کا نذرانہ پیش کیا، کھربوں ڈالرز کا نقصان برداشت کیا، ہماری ایک نسل خود کش بم دھماکوں کا نشانہ بنی، دوسری نسل نے دہشت گردوں کے خوف میں زندگی بسر کی، ہم بیرونی دنیا سے کٹ کر رہ گئے اوردنیاکے خطرناک ملک کاخطاب حاصل کیا، دنیا کو دہشت گردوں سے نجات دلاتے دلاتے ہم خود دہشت گردوں کی ہٹ لسٹ پر آ گئے یہ سب کچھ امریکی حمایت کے باوجود ہوا۔ پاکستان نے ماضی سے سبق سیکھتے ہوئے علاقائی سیاست میں غیر جانبدار رہنے کی پالیسی اختیار کی ہوئی ہے۔ حتیٰ کہ افغانستان کے معاملے میں بھی پاکستان خطے میں صرف پائیدار امن قائم کرنے کی پالیسی کے تحت آگے بڑھ رہا ہے اور غیر جانبداری کے موقف پر قائم بھی ہے۔ پاکستان کا ازلی دشمن بھارت، افغانستان میں غیرافغان نمائندہ اشرف غنی کی حکومت اور امریکی حمایت سے پاکستان کیخلاف سازشوں میں مصروف ہیں (غیرنمائندہ اس لئے کہ افغانستان کا 85فیصدحصہ طالبان کے کنٹرول میںہے) پہلے داسوڈیم کا افسوس ناک واقعہ سے چین کے ساتھ پاکستان کے تعلقات کو خراب کرنے کی ناکام کوشش کی گئی ہے۔ اسلام آباد میں افغانستان کے سفیر کی بیٹی کا اغوا کاڈرامہ، یہ سب واقعات ایک ہی سلسلے کی کڑی ہیں۔ ان کا مقصد پاکستان کے امن کو تباہ کرنا ہے، پاکستان کی ساکھ کو خراب کرنا اور دنیا کو یہ بتانا کہ پاکستان میں کوئی محفوظ نہیں ہے، پاکستان کو چین کے ساتھ دوستی کی بھی بھاری قیمت چکانا پڑ رہی ہے کیونکہ سی پیک پاکستان کے دشمنوں کو ہضم نہیں ہو رہا۔ دنیا یاد رکھے کہ پاکستان نے دو دہائیوں تک ہر طرح کی دہشت گردی کا مقابلہ کیا ہے، پاکستان کے دفاعی اداروں نے اپنی عوام کے ساتھ مل کر ملک دشمنوں کے عزائم کو ناکام بنایا ہے۔ اس مرتبہ بھی پاکستان کے خلاف جو جال بچھایا جا رہاہے پاکستان کے دفاعی ادارے اپنے غیور عوام کے ساتھ مل کر اسے ناکام بنائیں گے اور ان شاء اللہ ایک بار پھر پاکستان سرخرو ہوگا لیکن اب ایف اے ٹی ایف کی ساکھ اور غیر جانبداری ایک سوالیہ نشان بن کر سامنے آچکی ہے کیونکہ بھارتی وزیرخارجہ جے ایس شنکرنے بیچ چوراہے کے ایف اے ٹی ایف کی ہنڈیا پھوڑدی ہے کہ بھارت پاکستان کو گرے لسٹ میں رکھنے کے لئے ایف اے ٹی ایف پر اثر انداز ہو رہا ہے۔اس اعتراف کے بعد یہ تو ثابت ہوا کہ ایف اے ٹی ایف بھارت نوازہے کوئی غیرجانبدارانٹرنیشنل ادارہ نہیں رہاہے۔

آج سے تقریباً بیس سال قبل افعانستان پر طالبان کی حکومت تھی۔11 ستمبر 2001 میں امریکہ میں ہونے والے حملہ کے بعد امریکہ کی قیادت میں غیر ملکی افواج افغانستان پر حملہ آور ہوتی ہیں اور طالبان کی حکومت کے خاتمے کا علان کیا جاتا ہے۔بیس سال تک افواج اور طالبان کے درمیان جنگ جاری رہتی ہے۔طالبان کی طاقت میں وقت کے ساتھ ساتھ اضافہ ہوتا گیا۔اب غیر ملکی افواج کے انخلا کے موقع پر طالبان نے پھر سے افغانستان کے بہت سے علاقوں پر قبضہ کر نا شروع کر دیا ہے۔ اب تک طالبان افغان فوج کی چوکیوں، قصبوں اوربڑے شہروں سے متصل دیہاتوں کو قبضے میں لے چکے ہیں۔
چمن بارڈر کے پاس کے علاقوں میں پہلے افغان فوج تھی جبکہ حال ہی میں طالبان نے وہاں کا کنٹرول سمبھال لیا ہے۔ یہ علاقے افغان فوج کے لیے ایک مصیبت بن گےہیں۔ افغان حکومت دعویٰ کررہی ہے کہ یہ علاقےہمارے کنٹرول میں ہیں۔ دوسری جانب طالبان نے ایک ویڈیو جاری کی جس میں انہوں نے ثابت کیا کہ یہ وہ جگہ ہے جو بادستور طالبان کے کنٹرول میں ہے ۔
یہ تو ہے دونوں طرف کے بیانات لیکن وہاں کے لوکل میڈیا کے مطابق سپن بولدک( جو کہ پاکستان کی سرحد سے متصل علاقہ ہے) کے مین بازار میں گھمسان کی لڑائی ہو رہی ہے،گزشتہ دو دنوں سے وہاں جنگ کی سی کیفیت ہے۔ بہت بڑی تعداد میں دونوں طرف کے لوگ جان سے گئے اور بہت بڑی تعداد میں زخمی بھی ہوے ہیں ۔
ایک اور بڑی دلچسپ صورت حال تب پیدا ہوئی جب افغان حکومت نے کہا کہ پاکستان کی فوج نے ہم سے کہا ہے کہ سپن بولدک کے وہ علاقے جو طالبان نے آپ سے چھینے ہیں اگر آپ نے ان علاقوں کو واپس طالبان سے چھین لینے کی کوشش کی تو پاکستان کی فضائیہ آپ پر حملہ کر دے گی۔جب کہ دوسری طرف افغانستان کی حکومت کا یہ دعویٰ بھی ہے کہ یہ علاقہ جس پر طالبان نہ قبضہ کر لیا تھا افغان فوج نے طالبان سے آزاد کروا لیا ہے اور اب وہاں افغان حکومت کا کنٹرول ہے۔
اگر اس بات کو مان لیا جائے کہ افغان حکومت نے وہ علاقہ طالبان سے واپس لے لیا ہے تواب سوچنے کی بات یہ ہے کہ پاکستان کی آئیر فورس نے حملہ کیوں نہیں کیا اگر کیا ہے تو کہا کیا؟
افغان حکومت کی دونوں باتوں میں سے کوئی ایک بات جھوٹ ہو سکتی ہے یا تو انہوں نے طالباں سے سپن بولدک کا علاقہ واپس لے لیا ہے یا پھر پاکستان نے حملہ کرنے کی دہمکی دی۔
پاکستان نے تردید کرتے ہوئے واقعے کے بارے میں بتایا کہ افغانستان کی حکومت نے پاکستان سے رابطہ کیا اور یہ رابطہ فوج کی سطح پر ہوا کہ ہم طالبان پر ایک بڑا حملہ کریں گے اور یہ حملہ سپن بولدک میں کریں گے جو کہ پاکستان کی سرحدی علاقے کے بلکل قریب ہے۔پاکستان نے کہا کہ انہیں کوئی مسئلہ نہیں ہے۔ لیکن افغان حکومت نے کہا کہ وہ اس علاقے میں فضائی حملہ کریں گے اور پاکستان کو اس لیے پہلے بتا رہے ہیں کہ ممکنہ نقصان کا پاکستان کو پہلے سے علم ہو۔
اس بات کے جواب میں پاکستان نے تحفظات کا اظہار کیا کہ یہ چمن بارڈر کا ایریا ہے یہاں ہماری املاک اور شہری بھی ہیں۔ اور اس ایریا میں ہمارے فوجی بھی ہیں ، ہم آپ سے توقع رکھتے ہیں کہ سرحد کی اس جانب کو مالی و جانی نقصان نہ ہو۔ آپ اپنی سرحد کے اندر جو بھی کریں ہمیں اس پر کوئی اعتراض نہیں ہے لیکن اگر سرحد کی اس طرف کوئی نقصان ہوا تو ہم اس کا جواب ضرور دیں گے۔
یہ بات بلکل ٹھیک ہے کہ ان کی آپس کی لڑائی میں اگر ہمارے فوجی شہید ہو جائیں تو ہم ضرور جواب دیں گے اور جواب بھی کیوں نہ دیں اگر ہمارے شہری شہید ہو جائیں تواس کا مطلب کہ ہماری ریاست اپنے شہریوں کے تحفظ میں نا کام رہی۔ پاکستان کے تحفظات بلکل درست ہیں کیوں کہ افغان فوج پروفیشنل نہیں ہے۔کچھ دن پہلے افغان فوج طالبان کو مارنے اپنا ایک ہوائی مشن لے گئی اور اس گروپ کو مار دیا جو کہ افغان حکومت کی طرف سے شمالی اتحاد کے علاقے ہیں طالبان سے لڑ رہا تھا۔افغانستان کی ائیر فورس کو پتا ہی نہیں چلا کہ وہ کس کو مار رہے ہیں
پاکستان نے دو ٹوک بات کی کہ ہم ایسی کوئی بھی چیز برداشت نہیں کریں گے کہ جس میں پاکستان کو زرہ بھر بھی نقصان پہنچے، یہ تھا پاکستان کا جواب ایک ذمہ دار ریاست کا جواب۔
افغانستان نے اس بات کا پتنگر بنایا کہ پاکستان طالبان کے حق میں ہے،پاکستان طالبان کو بچا رہا ہے ۔ افغان حکومت کا جھوٹ اپنے ہی بیان سے ثابت ہو گیا،اگر تو آپ نے طالبان سے علاقہ واپس چھین لیا ہے تو آپ پاکستان سے فضائی حملے کی اجازات کیوں مانگ رہے ہیں اور اب افغان حکومت یہ کیوں کہ رہی ہے کہ پاکستان نہیں چاہتا کہ طالبان سے علاقے واپس لیے جائیں۔
برحال موجودہ صورتحال کے مطابق اس وقت ایران ، تاجکستان،ترکمانستان،چین اور پاکستان کے بارڈر پر طالبان کا کنٹرول ہے۔ ازباکستان کے بارڈر کےکچھ علاقوں پر ابھی بھی افغان فوج کا کنٹرول ہے۔
دوسری جانب چائینہ نے افغانستان کی موجودہ صورتحال کا ذمہ دار امریکہ کو ٹھہرایا ہے۔اور اب اس صورتحال کو سمبھلنے کی ذمہ داری پاکستان،چائینہ،تاجکستان،ازبکستان،ایران اور ترکی پر ہے۔ خطے کے یہ ممالک مل کر اب افغانستان کی صورتحال کو بہتر کریں گے۔لیکن اس کے لیے سارے سٹیک ہولڈرز کو بیٹھنا ہو گا اور میرے مطابق اگلے تین دنوں میں یہ پاکستان میں بیٹھنے والے ہیں۔
آخر میں دعا ہے کہ اللہ تعالیٰ پاکستان کو ہمیشہ اپنے حفظ و امان میں رکھیں۔ آمین
پاکستان زندہ آباد
@iamAsadLal
twitter.com/iamAsadLal