Category: بلاگ

دنیا بھر میں مقبول سماجی رابطے کی سب سے بڑی ویب سائٹ فیس بک نے اعلان کیا ہے کہ وہ منفرد رپوٹنگ کرنے والے صحافیوں کو 50 لاکھ ڈالر دے گی-

باغی ٹی وی : غیر ملکی خبر رساں ادارے رائٹرز کے مطابق فیس بک اپنے نئے اشاعتی پلیٹ فارم کے لیے سوشل میڈیا کے ذریعے پیسے کمانے کے خواہش مند صحافیوں اور لکھاریوں کے ساتھ معاہدے کرے گا۔

اس حوالے سے کمپنی کا کہنا ہے کہ ایسے صحافیوں سے معاہدے کیے جائیں گے جو کسی معتوب کمیونٹی کے لیے آواز اُٹھانے والے واحد شخص ہوتے ہیں یا ایسی خبریں کسی بھی وجہ سے اسٹریم میڈیا کا حصہ نہیں بن پاتی ہیں۔

فی الحال اس پیشکش کے لیے فیس بک نے صرف امریکا کے فری لانس صحافیوں سے درخواست طلب کی ہیں درخواستوں کا جائزہ مشترکہ طور انٹرنیشنل سینٹر فار جرنلسٹس اور نیشنل ایسوسی ایشن آف ہسپانک لیں گے جس کے بعد منتخب صحافیوں کو بزنس شروع کرنے کا موقع دیا جائے گا۔

واضح رہے کہ فیس بک کے اس اشاعتی پلیٹ فارم کا اعلان پچھلے ماہ کیا گیا تھا جو فیس بک پیجز کے ساتھ جڑا ہوگا جس میں صحافیوں کے لیے فری سیلف پبلشنگ ٹول بھی ہو گا جس کے ذریعے صحافی نیوز لیٹرز بھی بھیج سکیں گے یا پھر اسے اپنی ویب سائٹ بنانے کے لیے بھی استعمال کر سکیں گے۔

سوشل میڈیا کے سب سے بڑے پلیٹ فارم فیس بک نے ایپل کے نئے سافٹ وئیر کی ریلیز پر اپنے کاروبار کے لیے تشویش کا اظہار کیا ہے۔

باغی ٹی وی :بی بی سی کے مطابق عالمی وبائی مرض کے آغاز کے بعد سے آئی فون کی فروخت میں اضافے سے، خاص طور پر چین میں، ایپل کے منافع میں دوگنا اضافہ ہوا ہے۔

ایپل کے مطابق صارفین گھر سے کام کرنے اور پڑھنے کے لیے گذشہ برس متعارف کرائے گئے ایپل کے نئے فائیو جی فون خرید رہے ہیں اور اس کے علاوہ میک کمپیوٹر اور آئی پیڈ بھی خریدے جا رہے ہیں۔

لاک ڈاؤن کے دوران جہاں ایپل کی میوزک اور فٹنس ایپس کی فروخت میں بھی اضافہ ہوا ہے وہیں ایپل کے فون، ایپس اور دوسری ڈیوائسز کی فروخت میں بھی اضافہ ہوا ہے کیونکہ صارفین اب کام کرنے، خریداری اور انٹرٹینمنٹ کی تلاش میں آن لائن زیادہ وقت گزار رہے ہیں۔

ایپل کے سربراہ ٹم کک نے کہا ہے کہ اس سہ ماہی سے یہ ظاہر ہوتا ہے کہ ہماری مصنوعات نے ہمارے صارفین کو ان کی زندگی کے اس لمحے میں کس طرح مدد کی ہے اور کس طرح ہمارے صارفین آنے والے دنوں کے بارے میں پرامید ہیں۔

اس حوالے سے فیس بک نے، جو اشتہارات کی فروخت پر انحصار کرتا ہے، سال کے پہلے تین ماہ میں بڑی آمدن اور منافع دیکھا ہے لیکن ساتھ ہی سوشل میڈیا کی اس بڑی کمپنی نے ایپل کے نئے سافٹ وئیر کی ریلیز پر اپنے کاروبار کے لیے تشویش کا اظہار کیا ہے۔

ٹیکنالوجی کمپنی نے کہا ہے کہ اس سال کے آخر میں ایپل کی نئی پالیسی فیس بک کی آمدنی میں نمایاں کمی لاسکتی ہے، نئی پرائیویسی پالیسی ٹارگٹ اشتہارات کو مزید مشکل بنادے گی۔

فیس بک کا اپنے بیان میں کہنا تھا کہ انہیں توقع ہے کہ آئی فون کی پرائیویسی پالیسی میں تبدیلی فیس بک کے دوسرے سہ ماہی کی آمدنی پر اثر انداز ہوگی تاہم تیسرے اور چوتھے سہ ماہی کی آمدنی میں آہستہ آہستہ اضافہ ہوسکتا ہے۔

فیس بک نے ایپل کی ضروریات پر غصے کا اظہار کرتے ہوئے کہا کہ آئی فون ایپ ڈویلپز صارفین سے اشتہارات کے حصول کے لیے ایک مخصوص قسم کا ڈیٹا جمع کرنے کا سوال کررہے ہیں۔

فیس بک کے بیان کے مطابق ایپل کی یہ تبدیلی فیس بک کو نقصان پہنچانے کاسبب بن سکتی ہے جس کے ذریعے فیس بک کی چھوٹی کمپنیاں متاثر ہوں گی جو ذاتی نوعیت کے اشتہار پر بھروسہ کرتی ہیں۔

واضح رہے کہ اس ہفتے ایپل کی جانب سے اپنے سافٹ وئیر میں نیا فیچر متعارف کرانے کے بعد ٹیکنالوجی کی دو بڑی کمپنیاں آمنے سامنے آ گئی ہیں۔

یہ نیا فیچر صارفین کو یہ فیصلہ کرنے کا اختیار دے گا کہ وہ ایپس کو اپنا ڈیٹا جمع کرنے کی اجازت دیتے ہیں یا نہیں اور امکان ہے کہ بہت سے لوگ نہ ہی کہیں گے لیکن صارفین کا ڈیٹا ہی وہ وجہ ہے جس کی وجہ سے فیس بک پر اشتہارات کا کاروبار اتنا منافع بخش ہے۔

فیس بک نے ماہانہ ایکٹیو صارفین کی تعداد میں اضافہ دیکھا ہے جو 10 فیصد اضافے کے ساتھ 2.85 ارب ہو گئے ہیں۔

حال ہی میں گوگل کی پیرنٹ کمپنی ایلفابیٹ نے بتایا ہے کہ مارچ تک تین مہینوں میں ریکارڈ منافع ریکارڈ کیا گیا کیونکہ اس کی اشتہاری آمدن میں ایک تہائی اضافہ ہوا ان نتائج کی وجہ ’صارفین کی بڑھتی ہوئی آن لائن سرگرمیوں‘ کو قرار دیا گیا ہے کیونکہ دنیا بھر میں لوگ اب گھر کے اندر زیادہ وقت گزار رہے ہیں تاکہ کورونا وائرس سے بچا جا سکے۔

د نیا کے سب سے بڑے سٹراٹولانچ نامی طیارے نے دوسری آزمائشی پرواز کامیابی سے مکمل کر لی ہے یہ بہت جلد آسمانوں پر اکثر پرواز کرتا نظر آئے گا-

باغی ٹی وی :رپورٹس کے مطابق یہ طیارہ بالائی خلا میں سیٹلائیٹ لانچ کرنے کے لیے ڈیزائن کیا گیا تھا جسے سب سے پہلے جون 2017 میں متعارف کرایا گیا تھا جسکے بعد سے اس طیارے کی آزمائش جاری رہی اس نے 2019 میں پہلی آزمائشی پرواز کی تھی۔

یہ طیارہ سٹراٹولانچ سسٹم نامی کمپنی نے تیار کیا ہے جس کی ملکیت پہلے مائیکرو سافٹ کے شریک بانی پال ایلن کے پاس تھی جن کا اکتوبر 2018 میں انتقال ہوا پال ایلن کا اس کمپنی کی تشکیل کا مقصد ایسے طیارے کو بناتا تھا جو زمین کے نچلے مدار تک آسان، قابل بھروسا رسائی فراہم کرسکے-

تاہم ان کے انتقال کے بعد کمپنی کی ملکیت بدل گئی اور اب یہ طیارہ ہائپر سونک گاڑیوں کے موبائل لانچ پلیٹ فارم کے طور پر کام کرے گا۔

اس طیارے کے ذریعے راکٹوں کو فضاءمیں لانچ کرنے میں مدد ملے سکے گی اور کمپنی کو توقع ہے کہ اس سے یہ عمل زیادہ سستا ہوجائے گا جبکہ کمرشل اسپیس پروازیں بھی ممکن ہوسکیں گی۔

اس کے 385 فٹ کے پر یا بازو کسی فٹ بال فیلڈ سے زیادہ چوڑے ہیں اور اس طرح اسے دنیا کا سب سے بڑا طیارہ بناتے ہیں یہ اتنا بڑا ہے کہ اسے چلانے کے لیے دو کیبن اور کاک پٹس کی ضرورت ہے۔

اس طیارے کو جنوبی کیلیفورنیا کی موجیو ایئر اینڈ اسپیس پورٹ سے 29 اپریل کو اڑایا گیا اور یہ 3 گھنٹے 14 منٹ تک فضا میں رہا۔پرواز کے دوران یہ طیارہ 14 ہزار فٹ کی بلندی تک گیا اور 199 میل فی گھنٹہ کی رفتار سے پرواز کی جسے کمپنی نے کامیابی قرار دیا ہے۔

کمپنی کے مطابق سٹراؤلانچ طیارے کی کارکردگی پر ہمیں اطمینان ہے اور محسوس ہوتا ہے کہ ہم دنیا کے پہلے ہائپر سونک طیارے کو متعارف کرانے کے قریب ہیں۔

اس طیارے کے نوز سے دم تک لمبائی 238 فٹ ہے جبکہ یہ 50 فٹ لمبا ہے اور اس میں 6 انجن نصب کیے گئے ہیں اس کا وزن پانچ لاکھ پونڈ ہے اور اس کے دونوں کیبن کے لیے 28 پہیے لگے ہوئے ہیں۔

سٹراٹو لانچ کی دوسری کامیاب پرواز، بہت جلد آسمانوں پر اکثر پرواز کرتا نظر آئے گا-