Category: بلاگ

ویلنٹائن ۔۔۔۔۔۔۔حرام محبت کا موجب
از قلم :عظمی ناصر ہاشمی

. . پوری قوم. ۔۔۔۔۔۔۔ بالخصوص نوجوان لڑکے اور لڑکیاں loveکے جذبے سے سرشار…… بازاروں …..سڑکوں…… چوراہوں پر نکلے ہوئے ہیں……..”ایک ہلچل مچی ہے سارے بازار”
ہر چیز سرخ رنگ میں نہائی ہوئی ہے. سرخ بار……. سرخ پھول۔۔۔۔۔ سرخ لباس
میں محبتوں کے د عوے ہو رہے ہیں ۔۔۔۔۔۔۔ ساتھ جینے مرنے کی قسمیں کھائی جارہی ہیں۔ آج کے دن سب وعدے وفا کرنے ہیں

جی ہاں !
یہ اہتمام یلنٹائن ڈے کے موقع پر ہورہا ہے۔
گویا کہ یہ کوئی مذہبی اور دینی فریضہ ہے۔
حالانکہ ایسا کچھ بھی نہیں ہمارے مذ ہب میں ایک دن کی محبت اور وہ بھی نا جائز ذرائع سے حاصل کی گئ محبت کی کوئی گنجائش نہیں ۔
غیروں کے پیچھے لگ کر اوچھی حرکتیں کرنا ایک مسلمان کو زیب نہیں دیتیں غیر مسلموں کو وہ محبتیں کرنی ہیں جنہیں ان کا مذہب اجازت دیتا ہے اور ہم نے وہ محبتیں بانٹنی ہیں جن کا حکم ہمارا مذہب ہمیں دیتا ہے

ویلنٹائن ڈے۔۔۔۔۔۔۔۔۔ُ

کرسمس کے بعد دنیا میں سب سے زیادہ یہ تہوار منایا جاتا ہے اسے محبت کرنے والوں کا عالمی دن بھی کہا جاتا ہے۔
میڈیا کی بہت زیادہ تشہیر کے سبب پاکستان میں بھی اس کا رجحان بڑھتا جارہا ہے۔
یہ دن ایک عیسائی پادری کی ناکام محبت کی یاد میں منایا جاتا ہے
جس کا نام سینٹ ویلنٹائن تھا ا سے کسی جرم کی بنا پر قید کردیا گیا اور قید کے دوران اس کی ملاقات حاکم وقت ‘کلوڈیس’ کی بیٹی” جولیا "سے ہوئی وہ اس کی محبت میں گرفتار ہو گیا۔
‘ جولیا ‘روز ایک گلاب کا سرخ پھول لے کر اس کے پاس آتی جب اس کی خبر کلوڈیا کو ہوئی تو اس نے ویلنٹائن کو 14 فروری کو سرعام پھانسی دے دی ۔
اس نے پھانسی دیے جانے سے قبل جولیا کے نام خط لکھا جس کے الفاظ پہ تھے
From your valentine
اس وجہ سے یہ دن ۔۔۔۔۔۔۔۔ویلنٹائن ڈے کے نام سے مشہور ہو گیا ۔
جسے بارہویں صدی میں فروغ ملا۔
کافروں عیسائیوں اور یہودیوں کے لیے یہ کوئی اچنبھے کی بات نہیں کیونکہ ان کے نزدیک بدکاری و بے حیائی کا تصور کچھ خاص حیثیت نہیں رکھتا انہوں نے نعوذ باللہ حضرت مریم جن کو یہ اپنا خدا مانتے ہیں یوسف نامی آدمی کے ساتھ بدکاری میں ملوث کردیا تھا ۔
( نعوذباللہ)
بات تو مسلمانوں کے غور و فکر کی ہے کہ یہ کس مقصد کے تحت اس کو مناتے ہیں ؟؟؟ جبکہ ہمارا قرأن غیر مرد اور عورت کا أپس میں ناجائز تعلق رکھنے والے کو ۔۔۔۔۔۔ 100کوڑوں۔۔۔۔۔ ملک بدری اور رجم ( پتھر مار مار کر ہلاک کر دینا) کی سزا سناتا ہے
دیکھنے والے چاہے اس امر کو ظلم ۔۔۔۔۔زیادتی ۔۔۔۔۔یا دہشت گردی کا نام دیں لیکن اسلام کی نظر میں یہ پر حکمت ہے۔ بدکاری کرنے والے مرد اور عورت کو اگر سرعام سنگسار کر دیا جائے تو دعوے سے کہا جاسکتا ہے کہ ہزاروں لوگ ڈر کے مارے ہی اس فعل قبیح سے باز آ جائیں اور معاشرہ زناکاری و بدکاری حرام محبت سے پاک ہو جائے
اور بنت حوا کی عزت لٹنے کی بجاۓ محفوظ ہو جائیں۔ کیونکہ اسلام ہمیں ایک پاکباز ماحول اور پاکیزہ معاشرہ دینا چاہتا ہے اور شرم و حیا اور عفت و عصمت کی پاسداری ہمارے معاشرے کو دوسرے مذاہب میں ممتاز کرتی ہے ۔ کیونکہ جتنا زور ہمارے مذہب نے اس پر دیا کسی اور مذہب نے نہیں دیا
ویلنٹائن ڈے حرام محبت کو فروغ دیتی ہے۔
محبت کرنے کے دو طریقے ہیں حلال یا حرام
ہمارے پاس حلال محبت کے وسیع ذرائع ہیں جیسا کہ
اللہ سے محبت
حضرت محمد صلی اللہ علیہ وسلم سے محبت
والدین سے محبت
بہن بھائیوں سے
دوست احباب سے
رشتے داروں سے
اچھے تعلقات استوار کرنا
اللہ اور اس کے رسول کی اطاعت کرنا
والدین کی اطاعت و فرمانبرداری
ان محبتوں میں سے کس کس کی پاسداری کی جاتی ہے؟ ؟؟کس کی اطاعت کی جاتی ہے؟ ؟؟
سارا دن گھر میں لڑائی جھگڑا کرنے ۔۔۔۔۔۔ بدتمیزی سے پیش آنے والا ۔۔۔۔۔۔۔ اور بے حس انسان ۔۔۔۔۔۔ پھولوں کا گلدستہ لے کر گلی کے چوراہے پر کھڑا ہو جاتا ہے اور کسی انجان حسینہ کے سامنے دنیا کا نمبر ون شریف النفس بن کر کھڑا ہو جاتا ہے ۔
ہزاروں جائز محبتوں کو ایک حرام محبت کی خاطر میں پشت ڈال دیتا ہے ۔
ایک حرام محبت کی خاطر ساری دنیا سے لڑائی مول لے لیتا ہے ۔
انسان کی فطرت ہے کہ وہ ممنوع اشیاء کی طرف دوڑ کر جاتا ہے بابا آدم اور اماں حوا کو اللہ تعالی نے جنت کی رنگینی عطا کی تھی ۔
ہم جنت کا تصور کریں تو دل خوش ہو جاتا ہے جب کہ آدم علیہ السلام نے قریب سے جنت کو دیکھا اور انہیں کھلی اجازت دی گئی کہ” کلو واشربو ھنیا مریا”
اور ایک چیز کے قریب جانے پر پابندی لگا دی
لیکن ہمارے مائی باپ سے رہا نہ گیا اور وہ ہزاروں حلال نعمتوں کو ایک طرف کرکے شجر ممنوعہ کا پھل کھا بیٹھے نتیجتا جنت سے خارج کر دیے گئے اس واقعے سے بنی نوع انسان کو یہ پیغام دینا مقصود تھا اللہ تعالی کی حرام کردہ اشیاء رب کائنات کی طرف سے آزمائش ہوتی ہے اور جو ان سے اپنا آپ بچا لیتا ہے وہ اللہ کے ہا ں سرخرو ہو جاتا ہے اور اللہ پاک اس کو مزید رحمتوں اور برکتوں سے نوازتا ہے ۔
انسان خطا کا پتلا ہے ۔
اسی لئے آدم اور حوا علیہماالسلام انجانے میں غلطی کر بیٹھے حقیقتاً تو وہ معصوم عن الخطاء تھے ۔
لیکن ہم میں سے اکثر جان بوجھ کر گناہ کرتے ہیں اور اس پر فخر بھی کرتے ہیں بالکل اسی طرح سب جانتے ہیں کہ شادی سے پہلے کا love یا عشق گناہ ہے اصل محبت تو شادی کے بعد شروع ہوتی ہے جسے نبھانا ہمارے معاشرے میں "جوئے شیر لانے ” کے مترادف بن چکا ہے ۔
خدارا !
اپنے آپ کو جہنم کی آگ سے بچا لیجئے ۔۔۔۔۔ اپنے رب سے محبت کیجئے۔۔۔۔۔۔ جس نے آپ کو اشرف المخلوقات بنایا۔۔۔۔۔۔۔ حقیقی رشتوں کو پہچانیئے ۔۔۔۔۔۔۔ان کا خیال کیجئے۔۔۔۔ُ ان سے محبت کیجئے۔۔۔۔۔۔ اپنے جیون ساتھی سے مودت کا رشتہ قائم کر یں۔۔۔۔۔۔۔ ادھر ادھر منہ مارنے کی بجائے غیر قوموں کی تقلید میں اپنے حقیقی اور خونی رشتوں کو اگنور مت کر یں ۔۔۔۔۔
أپ انہیں محبت دیں گے تو وہ بھی آپ کا خیال رکھیں گے اس طرح خاندان تو کیا پورا معاشرہ امن و سلامتی اور پیار و محبت کا گہوارہ بن جائے گا یاد رکھیے یوم محبت ایک دن پر محیط نہیں بلکہ پوری زندگی پر محیط ہے جس سے ہمیں ہر روز منانا ہے-

"محبّت”……اور صرف ایک دن….؟؟؟
(بقلم:مریم چوہدری)
اسلام پاکیزہ و جاذب نظر تعلیمات سے سجا خوبصورت مذہب ہے….جہاں قدم قدم پر محبّتوں کا درس اور نفرتوں کی حوصلہ شکنی ہے…..جہاں رشتوں کا تقدس شرطِ اولین ہے اور اس سے آگے بڑھنا ممنوعات میں داخل ہے جہاں ماں باپ کی قدر و منزلت کا درس ہے….جہاں بہن،بھائی جیسے بے مثال رشتے کا اپنا مقام ہے….جہاں میاں،بیوی کے درمیان پیار و محبّت کا درس قدم قدم پر ملتا ہے….جہاں محرم و غیر محرم کی حد بتا کر ہر رشتے کو معزز و محترم ٹھہرایا گیا….مگر آج کے اس پرفتن دور میں جہاں مسلمان بہت سی غلط روایات کو اپنی زندگی کا حصہ ٹھہرا چکے ہیں وہیں اغیار کی اندھی تقلید بھی ان کا اوڑھنا بچھونا بن چکی ہے….بات اسلام پر عمل کی آئے تو مسلمان گھرانوں میں پیدا ہونے اور پلنے والے ہی اپنی انگلیاں دانتوں تلے داب لیتے ہیں لیکن اگر کسی بھی بات پر اغیار کی رسوم و روایات کا لیبل لگا ہو تو نہ صرف اس کو کھلے دلوں قبول کر لیا جاتا ہے بلکہ اس پر عمل کرتے ہوئے بھی خود کو ہواؤں میں اڑتا ہوا محسوس کیا جاتا ہے حالانکہ یہ ذہنی غلامی و پستی کی انتہا ہے….آج انہی لوگوں کی روایات کو بصد خوشی اپنایا اور منایا جاتا ہے جنہوں نے ماں جیسے عظیم رشتے کی اہمیت کو ایک دن میں قید کر دیا…..باپ جیسی مشفق ہستی کے لئے جنہوں نے ایک دن مقرر کر دیا…..تو وہیں محبّت جیسے وسیع مفہوم رکھنے والے جذبے کو بھی نام نہاد محبّت کا خول دے کر اور جھوٹی و ناجائز محبّت کا ڈھونگ رچا کر ایک دن میں مقید کر دیا گیا….اور ہم ہیں کہ اس ریلے میں بہتے چلے جا رہے ہیں آج فروری کا مہینہ آئے تو ذہن میں ویلنٹائن ڈے کا آنا کچھ زیادہ عجیب نہیں لگتا کہ جب حدود و قیود کو کچل کر نوجوان لڑکے و لڑکیاں ایک دوسرے کو پھول،چاکلیٹس اور نہ جانے کیا کچھ پیش کرتے نظر آتے ہیں اور اسی سہ پہر کو کئی منچلے لڑکیوں کے باپ،بھائیوں سے پٹتے دکھائی دیتے ہیں اور تو اور بہت سے عقل کے کورے سال بھر شادی کی تاریخ مختص کرنے کے لئے 14فروری کا انتظار کرتے ہیں گویا ان کے نزدیک 14 فروری کی تاریخ نہ جانے کس خیرو برکت کا ذریعہ سمجھی جاتی ہے…؟؟؟
اقوام کو غلام بنانے کا یہ سب سے بہترین طریقہ ہے کہ ان پر اپنی روایات کا خول چڑھا دیا جائے اور یہی کچھ مغربی میڈیا اور ان کے کارپرداز بڑی شد و مد سے کرتے رہے اور کر رہے ہیں…..لارڈ میکالے نے کہا تھا:”سیاسی غلامی سے جب چاہے آزادی مل سکتی ہے اس لئے اگر اقوام کو ذہنی غلامی میں مبتلا کر دیا جائے اور انہیں احساسِ کمتری کا شکار کر دیا جائے تو وہ سیاسی آزادی کے باوجود ہمیشہ نسل در نسل غلام بننا قبول کر سکتے ہیں”.
آج اگر دیکھا جائے تو مسلمان ظاہری طور پر آزاد ہیں مگر ذہنی غلامی کا مظاہرہ جس طرح آج کے مسلمانوں کر رہے ہیں وہ ایک المیہ ہے….آج اسلام کی روایات کو اپنانا اور بچانا ایک خواب نظر آتا ہے مگر دوسری طرف نام نہاد تہذیب کے رنگ و روپ ہر گھر کی چوکھٹ پر دستک دیتے دکھائی دیتے ہیں….اللّٰہم الرحم علی احوالنا….آج آگے بڑھنے کے لئے ان روایات پر عمل کا سہارا لیا جاتا ہے جن کا اسلام سے کوئی تعلق ہی نہیں حالانکہ یہ بات تاریخی طور پر طے ہے کہ اسلام کی روایات کو اپنا کر تو ہر دور میں آگے بڑھا گیا چاہے وہ اپنانے والے غیر مسلم ہی کیوں نہ ہوں مگر اسلام کی تعلیمات کو پس پشت ڈال کر کوئی بھی آگے نہیں بڑھ سکا چاہے وہ مسلمان ہی کیوں نہ ہوں…..اپنی روایات کو کھو کر اور دوسروں کی روایات کو اپنا کر آگے بڑھنے کا خواب وہ خواب ہے جو کبھی شرمندۂ تعبیر نہیں ہو سکتا بلکہ قدم قدم پر اخلاقی المیے ضرور جنم لے سکتے ہیں کیونکہ آزاد قومیں اپنی روایات بیچ کر دوسروں کی روایات خریدا نہیں کرتیں بلکہ اپنی الگ پہچان اور تشخص کو لیکر آگے بڑھتی ہیں جو قدموں کی بہت بڑی طاقت ہے اور جس سے اقوام کی دنیا میں ایک الگ پہچان منوانا بھی ممکن ہے اور یہی اسلام کا خاصہ ہے:
اپنی ملت پر قیام اقوامِ مغرب سے نہ کر….
خاص ہے ترکیب میں قوم رسول ہاشمیﷺ!!!
ہمیں اسلام کی خوبصورت اور باوقار تعلیمیات کو اپنا کر آگے بڑھنے کا کام کرنا ہے نہ کہ ظاہری چکا چوند سے سجی مگر اندر سے کھوکھلی و غیر اخلاقی اقدار کو اپنا کر اپنے قدموں میں ضعف پیدا کرنا ہے کہ ان غیر مہذب روایات کے زہر کا تریاق اسلام کی تعلیمات کو سینے سے لگا کر ہی کیا جا سکتا ہے اور ان غیر مہذب روایات کے بارے میں تو کسی نے کیا خوب کہا:
حسین سانپ کے نقش و نگار خوب سہی….
نگاہ زہر پہ رکھ خوش نما بدن پر نہ جا….!!!
جو قومیں طاقتور ہوں وہ اپنی روایات بانٹتی ہیں کسی کی روایات مستعار نہیں لیتی بلکہ اپنی روایات بیچ کر دوسروں کی روایات اپناناتو کمزوری اور بزدلی کی علامت سمجھی جاتی ہے…..ہٹلر نے کہا تھا:”اپنے آپ کو کمزور اور محتاج سمجھنے والی اقوام اپنی سیرت کا خاتمہ کر کے غیر اقوام کے غلبہ کو دعوت دیتی ہیں”.
اور ایک مسلمان کو تو اپنے ایمان و عمل کی پونجی بچانے کے لئے صرف ایک حدیثِ مبارکہ ہی کافی ہے کہ اگر اسے دل و جاں سے مان لیا جائے تو سبھی غیر اخلاقی اور غیر مناسب روایات خود بخود دم توڑ جائیں……”جس نے کسی قوم سے مشابہت کی وہ اسی قوم میں شمار کیا جائے گا”.(ابوداؤد)
اسلام میں فقط ایک دن نہیں بلکہ زندگی کا ہر لمحہ ہی محبّت اور سراسر محبّت ہے مگر اس محبّت میں ناجائز اور جھوٹی محبّت کی سرانڈ کا شائبہ تک نہیں کیونکہ اس کے گردا گرد حدود و قیود کا خوبصورت حصار ہے…..!!!
اللّٰــــہ تعالٰی ہمیں اسلام کا عامل اور داعی بنائے….وباللّٰــــہ تعالٰی علی التوفیق.