Baaghi TV

Category: بلاگ

  • واٹس ایپ کے سربراہ کا نئی پرائیویسی پا لیسی پر وضاحتی بیان

    واٹس ایپ کے سربراہ کا نئی پرائیویسی پا لیسی پر وضاحتی بیان

    واٹس ایپ کےسربراہ وِل کیتھکارٹ نے میسجنگ ایپ کی پرائیویسی پالیسی میں تبدیلی پر ہونے والی تنقید پر کہا ہے کہ واٹس ایپ میں پیغامات اور کالز اب بھی "اینڈ ٹو اینڈ انکرپٹڈ” ہیں اور اس فیچر کو تبدیل نہیں کیا جا رہا۔

    باغی ٹی وی : واٹس ایپ نے نئی پرائیویسی پالیسی کا اعلان کیا جس کے مطابق واٹس ایپ صارفین کی معلومات تھرڈ پارٹی بشمول فیس بک کے ساتھ شیئر کر سکے گا۔

    نئی پالیسی کی وجہ سے واٹس ایپ کو شدید تنقید کا نشانہ بنایا جا رہا ہے جب کہ صارفین گہری تشویش میں مبتلا ہیں کہ کیا اب یہ ایپ پیغامات اور رابطے کے لیے محفوظ ہے بھی یا نہیں؟

    واٹس ایپ کےسربراہ وِل کیتھکارٹ نئی پالیسی کے بعد بھی واٹس ایپ کو صارفین کے لیے محفوظ قرار دیتے ہیں اور کہتے ہیں کہ فیس بک گفتگو کو نہیں پڑھ سکتا۔


    سماجی رابطے کی ویب سائٹ ٹوئٹر پر ایک طویل وضاحت میں انہوں نے کہا کہ وہ گزشتہ ایک ہفتے سے واٹس ایپ کی نئی پرائیویسی پالیسی پر ہونے والی گفتگو پر نظر رکھے ہوئے ہیں اور اس حوالے سے کچھ کہنا چاہتے ہیں۔


    وِل کیتھکارٹ کے مطابق واٹس ایپ تقریباً 2 ارب افراد کو دنیا بھر میں پرائیویٹ رابطوں کی سہولت فراہم کر رہا ہے اور اس میں پیغامات اور کالز اب بھی "اینڈ ٹو اینڈ انکرپٹڈ ہیں اور اس فیچر کو تبدیل نہیں کیا جا رہا۔


    یاد رہے کہ اینڈ یو اینڈ انکرپشن کا مطلب ہے کہ واٹس ایپ سمیت کوئی بھی تیسرا فرد یا ادارہ واٹس ایپ پر دو افراد کے درمیان ہونے کے پیغامات یا کالز کو دیکھ یا سن نہیں سکتا۔

    اپنی وضاحت میں انہوں نے لکھا ہے کہ واٹس ایپ میں ‘اینڈ ٹو اینڈ انکرپشن’ تبدیل نہیں کیا جا رہا۔


    وِل کیتھکارٹ کے مطابق نئی پالیسی لانے کا مقصد صارفین کے ساتھ مزید شفاف ہونا اور پیپل ٹو بزنس فیچرز کو مزید بہتر طریقے سے واضح کرنا ہے۔


    انہوں نے کہا کہ یہ اہم اس لیے کہ کیونکہ واٹس ایپ پر روزانہ ساڑھے 17 کروڑ کے لگ بھگ افراد بزنس اکاؤنٹس کو پیغامات بھیجتے ہیں اور مزید لوگ ایسا کرنا چاہتے ہیں۔


    وِل کیتھکارٹ کا کہنا ہے کہ پرائیویسی کے حوالے سے ہمارا دیگر کے ساتھ مقابلہ ہے، جو کہ دنیا کے لیے بہت اچھا ہے، لوگوں کے پاس انتخاب ہونا چاہیے کہ وہ کس طرح رابطہ کرنا چاہتے ہیں اور انہیں اعتماد ہونا چاہیے کہ ان کے پیغامات کوئی اور نہیں دیکھ سکتا، لیکن کچھ لوگ بشمول بعض حکومتوں کےاس سےاتفاق نہیں کرتے۔


    انہوں نے مزید لکھا کہ یہی وجہ ہے کہ ہم اینڈ تو اینڈ انکرپشن قائم رکھنے کے حوالے سے پرعزم ہیں، اسی لیے ہم واٹس ایپ کی پرائیویسی کو بہتر کر رہے ہیں جیسا کہ نومبر میں ہم نے خود بخودختم ہونے والے پیغامات کا آپشن فراہم کیا۔ ہماری پرائیویسی کے حوالے سے تخلیق جاری رہے گی۔

    یاد رہے کہ واٹس ایپ کی نئی پالیسی کے مطابق صارف اپنا نام، موبائل نمبر، تصویر، اسٹیٹس، فون ماڈل، آپریٹنگ سسٹم کے ساتھ ساتھ ڈیوائس کی انفارمیشن، آئی پی ایڈریس، موبائل نیٹ ورک اور لوکیشن بھی واٹس ایپ اور اس سے منسلک دیگر سوشل میڈیا پلیٹ فارم کو مہیا کرے گا۔

    واٹس ایپ کی نئی پرائیویسی کو اگر پڑھیں تو پیغامات کی ‘اینڈ ٹو اینڈ انکرپشن’ کو ختم کرنے کی بات موجود نہیں ہے اور یہ درج ہے کہ دو افراد کے درمیان ہونے والی گفتگو واٹس ایپ سمیت کوئی تیسرا فرد یاادارہ نہیں دیکھ سکتا۔

    پالیسی کے مطابق واٹس ایپ پر بھیجے جانے والے پیغامات ، ویڈیو یا تصاویر انکرپٹڈ ہونے کے ساتھ ساتھ واٹس ایپ کے سروسز پر محفوظ نہیں رہتی ہیں اور جیسے ہی یہ دوسرے صارف کو موصول ہوتی ہیں تو وہ واٹس ایپ کے سرور سے ڈیلیٹ ہو جاتے ہیں۔تاہم اب واٹس ایپ صارفین ٹرانزیکشن اور پیمنٹ کے اپنے نئے فیچر کی انفارمیشن بھی اپنے پاس رکھےگا۔

    اس والے سے واٹس ایپ کاکہنا ہے کہ جب صارفین ان سے منسلک تھرڈ پارٹی کی خدمات یا فیس بک کمپنی کی دوسری پراڈکٹس پر انحصارکرتے ہیں، تو تھرڈ پارٹی وہ معلومات حاصل کر سکتی ہے، جو آپ یا دوسرے لوگ ان کے ساتھ شیئرکرتے ہیں۔

    واٹس ایپ کی نئی پالیسی میں بتایا گیا ہے کہ کاروباری ادارے کس طرح فیس بک کی سروسز کو استعمال کر کے واٹس ایپ چیٹس کو اسٹور اور مینج کر سکتے ہیں۔

    واٹس ایپ کے مطابق صارفین کا ڈیٹا اسٹور کرنے کے لیے فیس بک کا عالمی انفراسٹرکچر استعمال کیا جارہا ہے۔

    صارفین کی جانب سے واٹس ایپ پرائیویسی پالیسی میں تبدیلی پر خدشات کا اظہار کیا جارہا ہے اور واٹس ایپ کے علاوہ دیگر کالنگ اور میسجنگ سروسز کو ڈاؤن لوڈ کرنے میں اضافہ دیکھا گیا ہے۔

  • ابن انشاء کو مداحوں سے بچھڑے 42 برس بیت گئے

    ابن انشاء کو مداحوں سے بچھڑے 42 برس بیت گئے

    معروف شاعر اور مزاح نگار ابن انشاء کو مداحوں سے بچھڑے 42 برس بیت گئے۔

    باغی ٹی وی :ابن انشاء کا اصل نام شیر محمد خان تھا وہ 15 جون 1927ء کو ہندوستان کے شہر جالندھر میں پیدا ہوئے، کراچی یونیورسٹی سے ایم اے کیا، ان کی شاعری میں ’اس بستی کے ایک کوچے میں، چاند نگر، دل وحشی، بلو کا بستہ، کلام شامل ہیں۔

    انہوں نے یونیسکو کے سفیرکی حیثیت سے یورپی اور ایشیائی ممالک کے دورے بھی کیے، آوارہ گرد کی ڈائری، ابن بطوطہ کے تعاقب میں، چلتے ہو تو چین کو چلیے، دنیا گول ہے اور نگری نگری پھرا مسافر‘ جیسے سفرنامے مزاحیہ انداز تحریر کیے۔

    ابن انشاء نے چینی نظموں کے اردو میں تراجم کیے، مختلف اخبارات میں کالم لکھے، پاکستان ریڈیو اور ثقافتی اداروں سے بھی وابستہ رہے۔

    ابن انشاء کی کئی غزلوں کو مختلف گلوکاروں نے گایا مگر ان کی ایک غزل ’’انشا جی اٹھو اب کوچ کرو‘‘ کو عالمگیر شہرت حاصل ہوئی۔

    ابن انشاء کو تمغہ حسن کارکردگی سے بھی نوازا گیا ابن انشا کا 11 جنوری 1978ء کو لندن میں انتقال ہوا۔

  • نامور شاعراور ماہر لسانیات نصیر ترابی انتقال کر گئے

    نامور شاعراور ماہر لسانیات نصیر ترابی انتقال کر گئے

    اردو زبان کے نامور شاعر، ماہر لسانیات، لغت نویس نصیر ترابی دل کا دورہ پڑنے سے اس جہان فانی سے کوچ کر گئے-

    باغی ٹی وی : اردو زبان کے نامور شاعر، ماہر لسانیات، لغت نویس نصیر ترابی نامور ذاکر اور خطیب علامہ رشید ترابی کے فرزند تھے ۔ پاکستانی ڈراما سیریل ہمسفر کے ٹائٹل گیت وہ ہم سفر تھا ، انہیں کی مقبول عام غزل تھی ۔

    نصیر ترابی 15 جون 1945ء کو ریاست حیدرآباد دکن میں پیدا ہوئے۔ تقسیم ہند کے بعد پاکستان آگئے۔ 1968ء میں جامعہ کراچی سے تعلقات عامہ میں ایم اے کیا۔ 1962ء میں شاعری کا آغاز کیا۔

    ان کا اولین مجموعۂ کلام عکس فریادی 2000ء میں شائع ہوا۔ ایسٹرن فیڈرل یونین انشورنس کمپنی میں ملازمت اختیار کی اور افسر تعلقات عامہ مقرر ہوئے۔ عکسِ فریادی (غزلیات) ؛شعریات (شعر و شاعری پر مباحث اور املا پر مشتمل) ،لاریب (نعت، منقبت، سلام)،

    نصیر ترابی کو انک کی ادبی خدمات کی وجہ سے اکادمی ادبیات پاکستان کی جانب سے علامہ اقبال ایوارڈ ملا۔

    وہ ہمسفر تھا مگر اس سے ہم نوائی نہ تھی
    کہ دھوپ چھاؤں کا عالم رہا جدائی نہ تھی

    نہ اپنا رنج، نہ اوروں کا دکھ، نہ تیرا ملال
    شب فراق کبھی ہم نے یوں گنوائی نہ تھی

    محبتوں کا سفر اس طرح بھی گزرا تھا
    شکستہ دل تھے مسافر شکستہ پائی نہ تھی

    عداوتیں تھیں، تغافل تھا، رنجشیں تھیں بہت
    بچھڑنے والے میں سب کچھ تھا، بے وفائی نہ تھی

    بچھڑتے وقت ان آنکھوں میں تھی ہماری غزل
    غزل بھی وہ جو کسی کو ابھی سنائی نہ تھی

    کسے پکار رہا تھا وہ ڈوبتا ہوا دن
    صدا تو آئی تھی لیکن کوئی دہائی نہ تھی

    کبھی یہ حال کہ دونوں میں یک دلی تھی بہت
    کبھی یہ مرحلہ جیسے کہ آشنائی نہ تھی

    عجیب ہوتی ہے راہِ سخن بھی دیکھ نصیر
    وہاں بھی آگئے آخر، جہاں رسائی نہ تھی

    (نصیر ترابی)

  • ونٹرمیڈیا سپورٹس گالااپنی تمام تررعنائیوں کے ساتھ اختتام پذیر

    ونٹرمیڈیا سپورٹس گالااپنی تمام تررعنائیوں کے ساتھ اختتام پذیر

    پشاور 🙁 سپورٹس رپورٹر) ونٹرمیڈیا سپورٹس گالااپنی تمام تررعنائیوںکے ساتھ اختتام پذیر

    باغی ٹی وی : ونٹرمیڈیا سپورٹس گالااپنی تمام تررعنائیوںکے ساتھ قیوم سپورٹس کمپلیکس پشاورمیں اختتام پذیرہوگیا۔سپورٹس رائٹرز ایسوسی ایشن خیبرپختونخوا ،ڈائریکٹریٹ آف سپورٹس اینڈ یوتھ آفیئرزخیبرپختونخوا اور ڈسٹرکٹ سپورٹس آفس پشاور کے تعاون سے منعقدہ ونٹرمیڈیا سپورٹس گالامیں سپورٹس رائیٹرز،پشاورپریس کلب،ویڈیوجرنلسٹس،فوٹوجرنلسٹس کے ممبران نے کثیرتعداد میں شرکت کرکے ایونٹ کاچارچاند لگادئیے۔

    خواتین ایونٹ نے بھی ونٹرمیڈیاسپورٹس گالا کی رونق میں گراں قدراضافہ کیا۔ونٹرسپورٹس گالا کے پرمسرت موقع پرصدرپشاورپریس کلب ایم ریاض مہمان خصوصی تھے اس موقع پر سیکرٹری عمران بخاری نائب صدرنادرخواجہ ،سنیئرجرنلسٹس ناصرحسین،نثاراحمد،فر یداللہ،طارق آفاق،ناصرمحمود،شاہد،ذوالفقارچترالی نے مقابلوںنے بھی بھرپورلطف بھی اٹھایا-

    اورخود بھی حصہ لیا۔نتائج کے مطابق سائیکل ریس میں حارث احمد نے پہلی ،خرم جلیل نے دوسری،اورکلیم نے تیسری پوزیشن ا پنے نام کی۔بیڈمنٹن مقابلے میںہم ٹی وی کے شہاب اوروقاص کی جوڑی نے پہلی ،سپورٹس رائیٹرز کے اعجاز اورسعد بن اویس نے دوسری پوزیشن حاصل کی اتھلیٹکس چارسومیٹرریس میں نیو ٹی وی کے حارث احمد نے گولڈ،شاہد آفریدی نے سلورجبکہ او رسفیر نے کانسی کاتمغہ جیتا۔

    رسہ کشی میں ایس ڈبلیواے نے پہلی،ویڈیوجرنلسٹس نے دوسری جبکہ فوٹوجرنلسٹس نے تیسری پوزیشن حاصل کی۔آرچری مقابلے میں ایس ڈبلیواے پہلے،فوٹوجرنلسٹس دوسرے اورویڈیو جرنلسٹس کی ٹیم سوئم ٹھہری۔ووڈ بال میں عقیل پہلے،عابددوسرے اورسعد وعظمت تیسرے نمبرپررہے ۔بوری ریس(سیک ریس) حسیب عظمت نے جیتی جبکہ سفیر دوئم اورملک قیصرسوئم ٹھہرے۔

    ایونٹ کے اخر میں ایم ریاض،ناصرحسین اورنثاراحمد نے فاتح کھلاڑیوں وٹیموں میں نقدانعامات وتحائف تقسیم کیے۔واضع رہے کہ سپورٹس رائیٹرز ایسوسی ایشن کے سپورٹس کمیٹی جس کے چیئرمین عظمت اللہ ،صدرسعد بن اویس،سیکرٹری عاصم شیرازممبران قادرخان،اعجاز بٹ ،ہاشم خان ،شکیل الرحمن نے ایونٹ کی کامیابی میںاہم وکلیدی کرداراداکیا۔

  • امریکی خاتون نے مسلسل 100 دن ایک ہی لباس کیوں پہنا؟

    امریکی خاتون نے مسلسل 100 دن ایک ہی لباس کیوں پہنا؟

    سارہ رابن کول نامی امریکی خاتون نے دنیا کو بچانے کے لیے ایک ہی لباس مسلسل 100 روز تک پہنے رکھا۔

    باغی ٹی وی : ریاست میساچوسٹس کے شہر بوسٹن سے تعلق رکھنے والی سارہ رابن کول نامی اس خاتون نے یہ لباس اس لیے اتنا لمبے عرصے تک پہنا کیونکہ وہ کچھ بھی اپنے سے دور نہیں کرنا چاہتیں۔

    تاہم سوشل میڈیا پر اس لباس کے ساتھ سارہ نے اپنی تصاویر شیئر کیں جن میں دیکھا جاسکتا ہے کہ وہ ایک لباس کو کبھی پینٹ تو کبھی اسکرٹ کے ساتھ زیب تن کیے ہوئے ہیں۔

    امریکی خاتون کا یہ اقدام 100 روزہ لباس چیلنج کی ایک کڑی تھا جو بدلتے فیشن کے خلاف تھا اور اس کا مقصد کرہ ارض کو محفوظ بنانا ہے۔

    اپنے اس چیلنج کا آغاز انھوں نے گزشتہ سال 16 ستمبر کو کیا تھا، جس کا اختتام کامیابی کے ساتھ 25 دسمبر کو کیا۔

  • WhatsAppPrivacyPolicy ٹوئٹر پر ٹاپ ٹرینڈ

    WhatsAppPrivacyPolicy ٹوئٹر پر ٹاپ ٹرینڈ

    واٹس ایپ کمپنی نے 5 جنوری کو ایک نوٹیفیکیشن جاری کیا تھا جس کا حصہ نہ بننے والے افراد کے لیے اس ایپلیکشن تک رسائی بلاک کردی جائے گی۔

    باغی ٹی وی :واٹس ایپ کا کہنا تھا کہ نئے ضوابط اور پرائیویسی پالیسی کا نفاذ 8 فروری 2021 سے ہوگا اور صارفین کو انہیں لازمی قبول کرنا ہوگا، دوسری صورت میں ان کے اکاؤنٹس ڈیلیٹ کردیئے جائیں گے۔

    کمپنی کی جانب سے بھیجے جانے والے نوٹیفکیشن میں لکھا تھا کہ واٹس ایپ اپنے شرائط و ضوابط اور پرائیوسی پالیسی کو اپ ڈیٹ کررہی ہے۔ اس نوٹیفکیشن میں اہم اپ ڈیٹس کے بارے میں بتایا جارہا ہے جیسے صارفین کے ڈیٹا کے حوالے سے کمپنی کا اختیار بڑھ جائے گا اور کاروباری ادارے فیس بک کی سروسز کو استعمال کرکے واٹس ایپ چیٹس کو اسٹور اور منیج کرسکیں گے۔

    فیس بک کی جانب سے واٹس ایپ کو اپنی دیگر سروسز سے منسلک کیا جاسکے گا۔

    واٹس ایپ کی جانب سے ویب سائٹ کو اپ ڈیٹ کرکے وہاں پالیسی میں تبدیلی کے حوالے سے تمام تر تفصیلات دی گئی ہیں۔

    ان تبدیلیوں میں سے ایک زیادہ نمایاں ہے جس کے تحت کمپنی جمع شدہ صارفین کی تفصیلات کو منظم کرسکے گی۔

    کمپنی نے لکھا تھا کہ جب کوئی صارف میڈیا فائل کسی میسج میں فارورڈ کرے گا، تو ہم اس فائل کو عارضی طور پر انکرپٹڈ فارم میں اپنے سرور پر محفوظ کرلیں گے تاکہ فارورڈز ڈیلیوری کو زیادہ موثر بنانے میں مدد مل سکے’۔کمپنی کی جانب سے صارف کے کنکشنز کی تفصیلات کو بھی اپ ڈیٹ کیا گیا ہے۔

    کمپنی کی جانب سے ٹرانزیکشن اینڈ پیمنٹس ڈیٹا کے الگ سیکشن کا اضافہ بھی کیا جارہا ہے۔

    واٹس ایپ نے یہ بھی بتایا تھا کہ وہ کس طرح ڈیوائس ، کنکشن اور لوکیشن انفارمیشن کو پراسیس کرتی ہے۔

    کمپنی کے مطبق ہم ڈیوائس اور کنکشن سے متعلق تفصیلات اس وقت جمع کرتے ہیں جب آپ ہماری سروسز کو انسٹال، رسائی یا استعمال کرتے ہیں، ان تفصیلات میں ہارڈویئر ماڈل، آپریٹنگ سسٹم انفارمیشن، بیٹری لیول، سگنل کی مضبوط، ایپ ورژن، براؤزر انفارمیشن، موبائل نیٹ ورک کنکشن انفارمیشن، لینگوئج و ٹائم زون، آئی پی ایڈریس، ڈیوائس آپریٹنگ آپریشنز آپریشن کا ڈیٹا جمع کرتے ہیں’۔

    اسی طرح کمپنی کی جانب سے بتایا گیا کہ ڈیوائس کی لوکیشن کو بھی آپ کی اجازت کے ساتھ اس وقت اکٹھا کرتے ہیں، جب آپ ہمارے لوکیشن سے متعلق فیچرز کو استعمال کرتے ہیں-جس کے بعد سے صارفین نے واٹس ایپ کی اس نئی پالیسیز پر رد عمل دیتے ہوئے اپنی رائے کا اظہار کیا ہے- مزاحیہ تبصرے اور میمز چئیر کیں-یہاں تک کہ WhatsAppPrivacyPolicy ٹوئٹر پر ٹاپ ٹرینڈ بن گئی-
    https://twitter.com/teasersixer/status/1347911724649877504?s=20
    ایک صارف نے اس ٹرینڈ میں حصہ لیتے ہوئے کہا کہ اب ، گندے پیغامات بھیجنے والے اکاؤنٹس کو معطل کردیا جائے گا-


    https://twitter.com/Ahmadism12/status/1347909323209510916?s=20
    ایک صارف نے لکھا کہ میں نے جو پہلے ہی اس پالیسی کو پڑھے بغیر بھی قبول کرلیا تھا-


    ایک صارف نے مزاحیہ فوٹو شئیر کرتے ہوئےلکھا کہ واٹس ایپ نے رازداری کے بغیر رازداری کی پالیسی کو اپ ڈیٹ کردیا

    واٹس ایپ کا نیا فیچر، صارفین غیر محفوظ

  • پہلی قائداعظم انٹر ڈویژن سپورٹس چیمپئن شپ 2021ء فیصل آباد ڈویژن نے جیت لی

    پہلی قائداعظم انٹر ڈویژن سپورٹس چیمپئن شپ 2021ء فیصل آباد ڈویژن نے جیت لی

    فیصل آباد ڈویژن نے 630پوائنٹس حاصل کئے، لاہور ڈویژن 593پوائنٹس لے کر دوسری اور گوجرانوالہ ڈویژن 293پوائنٹس کیساتھ تیسری پوزیشن پر رہے
    ساہیوال ڈویژن نے 188 پوائنٹس کیساتھ چوتھی، راولپنڈی ڈویژن 95پوائنٹس کیساتھ پانچویں جبکہ سرگودھا ڈویژن 84 پوائنٹس کیساتھ چھٹی پوزیشن لی
    صوبائی وزیر کھیل وامور نوجوانان رائے تیمور خان بھٹی ودیگر نے فاتح ٹیم فیصل آباد ڈویژن کو ٹرافی دی اورتمام کھلاڑیوں کو میڈلز پہنائے
    وائس چیئرمین سپورٹس بورڈ پنجاب راؤ زاہد قیوم، سیکرٹری یوتھ افیئرز اینڈ سپورٹس پنجاب فواد ہاشم ربانی اور ڈی جی سپورٹس پنجاب عدنان ارشد اولکھ نے بھی میڈلز پہنائے
    کامیاب کھلاڑیوں میں 18لاکھ 60ہزار روپے کے کیش انعامات اور246میڈلز تقسیم کئے گئے،ڈی جی سپورٹس پنجاب عدنان ارشد اولکھ نے چیمپئن شپ کے اختتام کا اعلان کیا

    لاہور۔ سپورٹس بورڈ پنجاب کے زیراہتمام ہونے والی پہلی قائداعظم انٹر ڈویژن سپورٹس چیمپئن شپ 2021ء فیصل آباد ڈویژن نے جیت لی، لاہور ڈویژن دوسرے جبکہ گوجرانوالہ ڈویژن تیسرے نمبر پر رہے، کامیاب کھلاڑیوں میں 18لاکھ 60ہزار روپے کے کیش انعامات اور246میڈلز تقسیم کئے گئے، چیمپئن شپ کی اختتامی تقریب میں صوبائی وزیر کھیل وامور نوجوانان رائے تیمور خان بھٹی، وائس چیئرمین سپورٹس بورڈ پنجاب راؤ زاہد قیوم، سیکرٹری یوتھ افیئرز اینڈ سپورٹس پنجاب فواد ہاشم ربانی، ڈائریکٹر جنرل سپورٹس پنجاب عدنان ارشد اولکھ نے فاتح ٹیم فیصل آباد ڈویژن کو ٹرافی دی اورتمام کھلاڑیوں میں میڈلز تقسیم کئے، تفصیلات کے مطابق جمعہ کے روز پنجاب سٹیڈیم میں سپورٹس بورڈ پنجاب کے زیراہتمام ہونے والی پہلی قائداعظم انٹر ڈویژن سپورٹس چیمپئن شپ اختتام پذیر ہوگئی، فیصل آباد ڈویژن کے کھلاڑیوں نے بہترین کارکردگی کا مظاہرہ کیا اور 630پوائنٹس حاصل کرکے چیمپئن قرار پائے، لاہور ڈویژن593پوائنٹس لے کر دوسری اور گوجرانوالہ ڈویژن 293پوائنٹس کیساتھ تیسری پوزیشن پر رہے،ساہیوال ڈویژن نے 188 پوائنٹس کیساتھ چوتھی، راولپنڈی ڈویژن 95پوائنٹس کیساتھ پانچویں جبکہ سرگودھا ڈویژن 84 پوائنٹس کے ساتھ چھٹی پوزیشن حاصل کی،
    پیرا آرچرز انفرادی مقابلے میں قاسم طاہر نے پہلی، عبدالغفور نے دوسری اور فیصل نواز نے تیسری پوزیشن حاصل کی،بلائنڈ آرچری میں فیضان خٹک پہلے، تنویر احمد دوسرے اور ولید عزیز تیسرے نمبر پر رہے۔چیمپئن شپ میں 82گولڈ، 82سلور اور 82برانز میڈلز دیئے گئے، ڈائریکٹرجنرل سپورٹس پنجاب عدنان ارشد اولکھ نے پہلی قائداعظم انٹر ڈویژن سپورٹس چیمپئن شپ 2021ء کے باقاعدہ اختتام کا اعلان کیا۔

  • وفاقی وزیرپاکستان ریلویز محمد اعظم خان سواتی کا کراچی پورٹ ٹرسٹ کا دورہ

    وفاقی وزیرپاکستان ریلویز محمد اعظم خان سواتی کا کراچی پورٹ ٹرسٹ کا دورہ

    وفاقی وزیرپاکستان ریلویز جناب محمد اعظم خان سواتی نے کراچی پورٹ کا دورہ کیا-

    باغی ٹی وی :تفصیلات کے مطابق وفاقی وزیرپاکستان ریلویز جناب محمد اعظم خان سواتی صاحب آج صبح دورے پرکراچی پورٹ ٹرسٹ پہنچے ان کے ہمراہ چیف ایگزیکیٹو آفیسر/سنیئر جنرل مینیجر جناب نثاراحمدمین صاحب ڈویژنل سپرنٹیڈنٹ جناب ارشدسلام خٹک صاحب بھی موجود تھے-

    کراچی پورٹ ٹرسٹ کے اعلی افسران نے انکا استقبال کیا اہم میٹینگ کی اعزازی شیلڈ بھی پیش کی اور دورہ بھی کرایا-

    اس سے قبل ریلوے مسافروں کو بغیر ٹکٹ سفر کروانے والے ریلوے پولیس سکھر ڈویژن کے ہیڈ کانسٹیبل منیر احمد اور کانسٹیبل عنائیت اللہ کے خلاف مقدمہ درج کیا تھادونوں ریلوے پولیس اہلکاروں نے گرین لائن پر 10مسافروں کو حیدرآباد تا روہڑی سفر کروایا اور 4,000روپے بطور رشوت وصول کیے ۔

    اس حوالے سے وفاقی وزیر ریلوے اعظم خان سواتی کا کہنا تھا کہ کرپشن کے خلاف زیرو ٹالرنس کی پالیسی پر سختی سے عمل کیا جائے گا وفاقی وزیر ریلوے اعظم خان سواتی کی کرپٹ عناصر کے خلاف موثر کاروائی کرنے پر ڈی آئی جی آپریشنز اورچیف کمرشل منیجر ریلوے کو شاباش بھی دی تھی-

    مسافروں کو بغیر ٹکٹ سفر کروانے والے دو ریلوے پولیس اہلکار گرفتار، وفاقی وزیر ریلوے نے دیں سخت ہدایات

  • پاکستان کپ ون ڈے ٹورنامنٹ 2021 :ٹیم میں شامل سکواڈ اورکھلاڑیوں کی لسٹ جاری

    پاکستان کپ ون ڈے ٹورنامنٹ 2021 :ٹیم میں شامل سکواڈ اورکھلاڑیوں کی لسٹ جاری

    پاکستان کپ ون ڈے ٹورنامنٹ کی لسٹ جاری کر دی گئی-

    باغی ٹی وی :جاری کردی لسٹ کے مطابق وکٹ کیپر کامران اکمل قومی ون ڈے ٹورنامنٹ کے لیے سینٹرل پنجاب ٹیم سے ڈراپ کردیا گیا ان کی جگہ علی شان پاکستان کپ ون ڈے ٹورنامنٹ میں سینٹرل پنجاب کے لئے وکٹ کیپنگ کریں گے –

    جبکہ حسن علی پاکستان کپ ون ڈے ٹورنامنٹ میں. سینٹرل پنجاب کی قیادت کریں گے –

    یاد رہے کہ کامران اکمل پی ایس ایل سے قبل فٹنس مسائل کے باعث تیسرے مرحلے کے بعد قائد اعظم ٹرافی نہیں کھیل سکے تھے-

    دوسری جانب احمد شہزاد بھی فٹنس مسائل کے باعث پاکستان کپ سے باہر ہوگئے –

    تاہم اب سینٹرل پنجاب کی ٹیم میں حسن علی کپتان ، احمد بشیر، احمد صفی عبداللہ شامل ہیں علاوہ ازیں علی شان ، علی زریاب ، بلال آصف، بلاول اقبال اور محمد اخلاق،محمد سعد، قاسم اکرم ،رضوان حسین، سعد نسیم اورصہیب اللہ شامل طیب طاہر، عثمان صلاح الدیں اور وقاص مقصود ٹیم میں شامل ہیں-

  • انگلینڈ ویمنز کرکٹ ٹیم رواں سال پہلی مرتبہ پاکستان کا دورہ کب کرے گی، شیڈول جاری

    انگلینڈ ویمنز کرکٹ ٹیم رواں سال پہلی مرتبہ پاکستان کا دورہ کب کرے گی، شیڈول جاری

    انگلینڈ ویمنز کرکٹ ٹیم رواں سال اکتوبر میں پہلی مرتبہ پاکستان کا دورہ کرے گی-

    باغی ٹی وی :ویمنز ورلڈ چیمپئن ٹیم 2 ٹی ٹونٹی اور 3 ایک روزہ میچز کھیلنے پاکستان آئے گی دونوں ٹی ٹونٹی میچز 14 اور 15 اکتوبر کو کراچی میں کھیلے جائیں گے-

    پاکستان کرکٹ بورڈ نے اعلان کیا ہے کہ انگلینڈ ویمنز کرکٹ ٹیم رواں سال اکتوبر میں پہلی مرتبہ پاکستان کا دورہ کرے گی۔مہمان ٹیم کراچی میں دو ٹی ٹونٹی اور تین ایک روزہ انٹرنیشنل میچز کھیلے گی۔

    ویمنز ورلڈ چیمپئن ٹیم دورے میں شامل دوٹی ٹونٹی میچز 14 اور 15 اکتوبر کو کھیلے گی۔ یہ دونوں ٹی ٹونٹی میچز اسی روز کھیلے جائیں گے کہ جب انگلینڈ کی مینز کرکٹ ٹیم پاکستان کے خلاف ٹی ٹونٹی میچز کھیل رہی ہوگی۔مسلسل دو روز نیشنل اسٹیڈیم کراچی میں کھیلے جانے والے یہ کُل چاروں میچز( 2 مینز ٹیموں کے اور 2 ویمنز ٹیموں کے)ڈبل ہیڈر کی بنیاد پر منعقد ہوں گے۔

    پاکستان اور انگلینڈ کی خواتین کرکٹ ٹیموں کے مابین تین ایک روزہ انٹرنیشنل میچز 18، 20 اور 22 اکتوبر کو کھیلے جائیں گے۔

    انگلینڈ مینز کرکٹ ٹیم نے آخری مرتبہ سال 2005 میں پاکستان کا دورہ کیا تھا تاہم ویمنز ون ڈے انٹرنیشنل کرکٹ کی عالمی چیمپئن ٹیم کا یہ پہلا دورہ پاکستان ہے۔

    پاکستان اور انگلینڈ کی خواتین کرکٹ ٹیمیں آخری مرتبہ گزشتہ سال آئی سی سی ویمنز ٹی ٹونٹی ورلڈکپ میں مدمقابل آئی تھیں ۔ آسٹریلیا میں کھیلے گئے اس ٹورنامنٹ میں انگلینڈ نے پاکستان کو 42 رنز سے شکست دی تھی۔پاکستان نے سال 2019 میں انگلینڈ ویمنز ٹیم کی ملائیشیا میں میزبانی کی تھی، جہاں مہمان ٹیم نے ٹی ٹونٹی سیریز 2-0 سے جبکہ ون ڈے سیریز 3-0 سےجیت لی تھی

    پاکستان کرکٹ بورڈ کے چیف ایگزیکٹو وسیم خان نے کہا کہ خواتین کرکٹ کی عالمی چیمپئن انگلینڈ ویمنز ٹیم کی پہلی مرتبہ پاکستان آمد دنیا بھر خصوصاََ ہمارے خطے میں خواتین کرکٹ کےفروغ کےلیے ایک بڑا اور اہم اعلان ہے۔

    انہوں نے کہا کہ یہ اعلان پاکستان اور انگلینڈ اینڈ ویلز کرکٹ بورڈ کے تعلقات کی مضبوطی اور ان میں موجوداعتماد کی واضح مثال ہے ، کووویڈ 19 کی وباء کے باوجود گزشتہ سال سے ملک میں جاری انٹرنیشنل اور ڈومیسٹک میچز کے کامیاب انعقاد نےبھی دیگر بورڈز کے اعتماد میں اضافہ کیا ہے۔

    وسیم خان نے کہاکہ جہاں ایک عالمی چیمپئن سائیڈ کے خلاف 3 ایک روزہ انٹرنیشنل میچز سے قومی خواتین کرکٹ ٹیم کو بہت تجربہ ملے گا تو وہیں نیشنل اسٹیڈیم کراچی میں مینز کرکٹ میچ سے قبل ویمنز ٹی ٹونٹی میچ کے لیے دونوں ٹیموں کے اکٹھے ہونے کا یہ منظر اس خطے میں ویمنز کرکٹ کے لیے شاندار لمحہ ہوگا۔

    چیف ایگزیکٹو پی سی بی نے کہاکہ انگلینڈ کرکٹ ٹیم کا دورہ پاکستان دیگر ممالک کی خواتین ٹیموں کے دورہ پاکستان کے لیے بھی ایک اچھی نوید ثابت ہوگا۔

    انگلینڈ اینڈ ویلز کرکٹ بورڈ کی منیجنگ ڈائریکٹر برائے ویمنز کرکٹ کلیئر کانر کا کہنا ہے کہ ہمیں یہ تاریخی اعلان کرتے ہوئے بہت خوشی محسوس ہورہی ہے، انگلینڈ ویمنز کرکٹ ٹیم نے اس سے قبل کبھی بھی پاکستان کا دورہ نہیں کیا، لہٰذا یہ ٹور نہ صرف ایک یادگار مگر شاندار دورہ ثابت ہوگا۔

    کلیئر کانر نے کہا کہ دورہ پاکستان نہ صرف دونوں ٹیموں کے لیے آن فیلڈ کرکٹ کھیلنے کا ایک بہترین موقع ہے بلکہ اس دورے سے ہم دنیا بھر خصوصاََ اس خطے میں خواتین کو بااختیار بنانے میں اپنا اہم حصہ بھی ڈال سکتے ہیں۔

    انہوں نے مزید کہا کہ وہ گزشتہ سال پاکستان آئی تھیں ، لہٰذا وہ جانتی ہیں کہ یہ دورہ ہمارے کھلاڑیوں کے لیے کتنا یادگار رہے گا۔

    شیڈول:

    14 اکتوبر: پہلا ٹی ٹونٹی انٹرنیشنل میچ بمقام نیشنل اسٹیڈیم کراچی
    15 اکتوبر: دوسرا ٹی ٹونٹی انٹرنیشنل میچ بمقام نیشنل اسٹیڈیم کراچی
    18 اکتوبر: پہلا ایک روزہ انٹرنیشنل میچ بمقام نیشنل اسٹیڈیم کراچی
    20 اکتوبر: دوسرا ایک روزہ انٹرنیشنل میچ بمقام نیشنل اسٹیڈیم کراچی
    22 اکتوبر: تیسرا ایک روزہ انٹرنیشنل میچ بمقام نیشنل اسٹیڈیم کراچی