Category: بلاگ

"جدید دور کے جدید کاروباری مسائل ”

نادیہ بٹ

موجودہ دور کی تجارت میں شیئرز کی تجارت ایک نیا اضافہ ہے اس لئے قدیم فقہ کی کتب میں اس کے بارے میں احکام اور تفصیل معدوم ہیں پہلے زمانے میں جو "شراکت” کی جاتی تھی وہ چند افراد کے مابین ہوتی تھی جن کو پارٹنر شپ کہا جاتا ہے مگر پچھلی دو تین صدیوں سے شراکت داری کا ایک نیا انداز سامنے آیا جو جائنٹ اسٹاک کمپنی کہلایا اس کے باعث کاروباری دنیا میں جدت آئی اور اس کے حصص میں شیئرز کے کاروبار کا نیا مسئلہ پیدا ہوا۔اس کی بنیاد پر دنیا بھر میں اسٹاک مارکیٹیں سر گرم عمل ہیں،جن میں کروڑوں بلکہ اربوں کا لین دین ہوتا ہے۔
"آئیں ہم علماء کی آراء میں دیکھتے ہیں کہ کن اصولوں اور شرائط کے ساتھ شئیرز خریدنا جائز ہے۔۔۔۔۔۔!!”

?? حصص کے معنی۔۔۔
کمپنی کے شئیرز کو اردو میں "حصص” عربی میں "سھم” کہتے ہیں

اگر کسی شخص کو اسٹاک مارکیٹ سے شئیرز خریدنے ہو تو اسے مندرجہ ذیل چار شرائط کا لحاظ رکھنا ہوگا ۔۔۔۔۔؟

پہلی شرط…….!!!

یہ کہ وہ کمپنی حرام کاروبار مثلا سودی بینک،سود اور قمار پر مبنی انشورنس کمپنی،شراب کا کاروبار یا دیگر حرام کاموں کی کمپنی وغیرہ میں ملوث نہ ہو۔

دوسری شرط…….!!

یہ کہ اس کمپنی کے تمام اثاثہ جات اور املاک سیال اثاثہ جات(liquie asssets)یعنی نقد رقم کی صورت میں نہ ہوں’بلکہ اس کمپنی نے کچھ فکسڈ اثاثے (fixed Assets)حاصل کر لیے ہوں
مثلا عمارت تعمیر کر لی ہو یا ارضی خرید لی ہو۔لہذا اگر اس کمپنی کا کوئی فکسڈ اثاثہ وجود میں نہیں آیا،بلکہ اسکے تمام اثاثے ابھی (Liquid )نقد رقم کی صورت میں ہیں۔تو اس صورت میں اس کمپنی کے شئیرز کو فیس ویلیو face value سے کم یا زیادہ میں فروحت کرنا جائز نہیں’بلکہ برابر برابر خریدنا ضروری ہے۔اس کی وجہ یہ ہے کہ اس صورت میں دس روپے کا حصہ ( شیئر) دس روپے کی کی نمائندگی کر رہا ہے’بلکل ویسے ہی جیسے دس روپے کا bond دس روپے ہی کی نمائندگی کرتا یے’لہذا جب دس روپے کا شیئر دس روپے کی ہی نمائندگی کر رہا ہے تو اس شیئر کو گیارہ یا نو روپے میں خریدو فروخت کرنا جائز نہیں،
الغرض دوسری شرط کا خلاصہ یہ ہے کہ جب تک کمپنی کے منجمد اثاثے وجود میں نہ آئیں اسوقت تک اس کے شئیرز کو کمی بیشی پر فروحت کرنا ناجائز ہے

تیسری شرط….!!

اکثر کمپنیوں کی بنیادی کاروبار حرام تو نہیں ہیں مثلا ٹیکسٹائل آٹو موبائل کمپنیوں وغیرہ۔
لیکن یہ کمپنیاں کسی نہ کسی طرح سودی کاروبار میں ملوث ہوتی ہیں یعنی یا تو یہ کمپنیاں فنڈز بڑھانے کے لیے بینک سے سود پر قرض لیتی ہیں اور اس قرض پر پھر اپنا کام چلاتی ہیں یا پھر وہ زائد اور فاضل رکھ ان سودی اکاؤنٹ میں رکھواتی ہیں اور اس پر وہ بینک سے سود حاصل کرتی ہیں ہیں وہ سود بھی ان کی آمدنی کا ایک حصہ ہوتا ہے لہذا ایسی کمپنی کے شیئرز خریدنا سودی کاروبار میں ملوث ہونا ہے

ایسی کمپنیوں کے بارے میں عصر حاضر کے علماء کرام کی آراء مختلف ہیں ایک گروہ کے نزدیک چونکہ یہ کمپنیاں حرام کاموں میں ملوث ہے لہٰذا ایک مسلمان کیلئے جائز نہیں کہ وہ اس کمپنی کے ساتھ حرام کام میں حصہ دار بنے
*دوسرے گروہ کا کہنا ہے کہ اگرچہ ان کمپنیوں میں یہ نقص موجود ہے مگر اس کے باوجود اگر کسی کمپنی کا بنیادی کاروبار مجموعی طور پر حلال ہے تو پھر مشروط طور پر کمپنی کے شیئرز لینے کی گنجائش ہے

یعنی وہ شیئر ہولڈر اس کمپنی کے اندر سودی کاروبار کے خلاف آواز ضرور اٹھائے ‘اگرچہ اس کی آواز مسترد ہو جائے گی آواز کمپنی کے سالانہ اجلاس عام میں اٹھانی چاہیے مولانا محمد تقی عثمانی، مفتی محمد شفیع اور مولانا اشرف علی تھانوی اس رائے پر متفق ہیں۔

چوتھی شرط………!!

یہ کہ جب منافع dividedتقسیم ہو’
تو وہ شخص income statement کے ذریعے یہ معلوم کرے آمدنی کا کتنا حصہ سودی ڈیپازٹ سے حاصل ہوا ہے؟
مثلا اس کو کل آمدنی کا پانچ فیصد حصہ سودی ڈیپازٹ میں رقم رکھوانے پر حاصل ہوا ہے تو اب وہ شخص (شیئر ہولڈر) اپنے نفع کا 5 فیصد حصہ صدقہ کر دے۔
بعض لوگ شیئرز کی خرید و فروخت کیپیٹل گین( capital gain)کے لیئے کرتے ہیں مکان کے شیئر خرید لیتے ہیں اور پھر چند روز بعد شیئر کی قیمت بڑھنے پر انہیں فروخت کر کے نفع حاصل کرتے ہیں ہیں اور یا کسی کمپنی کے شیئرز کی قیمت کم ہو جاتی ہے تو اس کے شیئر خرید لیتے ہیں اور بعد میں فروخت کر دیتے ہیں
اسی طرح خریدوفروخت کے ذریعے سے نفع حاصل کرنا ان کا مقصود ہوتا ہے اس کمپنی میں حصہ دار بننا اور اس کا سالانہ منافع حاصل کرنا ان کا مقصود نہیں ہوتا بلکہ خود شیئرز ہی کو ایک سامان تجارت بنا کر اس کا لین دین کرتے ہیں
جس طرح شیئرز خریدنا جائز ہے اسی طرح ان کی فروخت کرنا بھی جائز ہے بشرطیکہ پیچھے اوپر مذکور چار شرائط کا لحاظ رکھا گیا ہو اور جس طرح یہ جائز ہے کہ ایک چیز آپ آج خرید کر کل فروخت کر دیں اور کل خرید کر پرسوں فروخت کردے بالکل اسی طرح شیئرز کی خرید و فروخت جائز ہے۔

!!!شیئرز کی خرید و فروخت کو اس وقت درست کہنا دشوار ہے جب بعض اوقات اسٹاک مارکیٹ میں شیئرنگ کا لین دین بالکل مقصود نہیں ہوتا بلکہ اصل مقصد یہ ہوتا ہے کہ اس طرح سٹہ بازی کرکے آپس میں فرق کو برابر کر لینا مقصود ہو تو یہ صورت بالکل حرام ہے اور شریعت میں اس کی کوئی گنجائش نہیں ۔۔۔

!!!اسی طرح قیمت بڑھا کر واپس لینے کی شرط لگانا حرام ہے اور یہ شرط فاسد ہے

اگر اسٹاک مارکیٹ سے شیئر خریدا جائے اور اس کی وصولیابی یا قبضہ سے پہلے ہی وہ کمپنی تباہ ہوکر بے اثاثہ ہو جائے تو
اصول یہ ہے کہ رسک منتقل ہونے کی صورت میں شئیر آگے فروخت کرنا جائز ہے البتہ احتیاط کا تقاضہ بہر صورت یہی ہے کہ جب تک قبضہ (ڈلیوری) نہ مل جائے اس وقت تک شیئر آگے فروخت نہ کیا جائے

اللہ رب العزت ہمیں حلال ذرائع سے رزق حاصل کرنے اور خرچ کرنے کی توفیق عطا فرمائے ۔

سناٹے کی آغوش میں زندگی

بہت صدیاں پہلے کی بات ہے میاں بیوی کا ایک جوڑا ۔۔۔بہت دورکسی سفر پر چلا جا رہا تھا
عورت نے شیر خوار بچہ گود میں اٹھا رکھا تھا۔ کون جانتا تھاکہ چھوٹے سے خاندان کا یہ سفرایک تاریخ رقم کرنے جا رہا ہے۔ بیوی بھی اس سوچ سے بےنیاز ۔۔۔اپنے شوہر کے قدم بقدم چلتی چلی جا رہی تھی۔ اس کے وہم و گمان میں بھی نہ تھا کہ آگے کیا ہونے والا ہے؟
ہاں البتہ اپنےشویر کی خاموشی اورمتغیر چہرہ دیکھ کروہ کچھ حیران ضرور تھی لیکن ہمت نہ پڑ رہی تھی۔
و ہ سنسان ،بیابان ،کھنڈر اورویران علاقوں سے گزرتے چلےجا رہے تھے۔ ہر طرف سنا ٹا چھایا ہوا تھا۔کہیں سے کسی ذی روح کے آنے کا گمان تک نہ تھا۔ وہ خاموشی کے ساتھ اونچے نیچے ٹیلوں سے گزرتے چلےجا رہے تھے ۔ غیر گنجان آباد ،کالے،خوفناک اور خشک پہاڑ ۔۔۔۔سبزے سے خالی۔۔۔۔اور پانی کا بھی نام و نشان تک نہ تھا۔ بیوی صاحبہ اپنے ہم سفر اور ننھےلخت جگر کے ہمراہ۔۔۔صبر اور حوصلے کے ساتھ آگے بڑھتی جا رہی تھی۔۔۔۔اس امید کے ساتھ۔۔۔۔۔کہ کوئی بستی آجائے گی اوریہ دشوار گزار سفر ختم ہو جائے گا۔ ۔۔۔۔لیکن ۔۔۔۔وہ یہ نہیں جانتی تھی کہ یہ ایک طویل اور نہ ختم ہونے والا سفر یے ۔ کافی دور پہنچ کر ایک ٹیلے کے پاس شوہر نے اپنے قدم روک دئے۔ اور اردو گرد کے افسردہ ماحول پر نگاہ دوڑائی ۔ بیوی کو ٹیلے پر بیٹھنے کا کہا ۔ وہ چھوٹے سے معصوم بچے کو لے کر نیچے زمیں پر بیٹھنے گئ۔ وہ سمجھی تھوڑا سستا کر آگے بڑھیں گے۔۔۔۔۔لیکن۔۔۔۔یہ کیا؟؟؟شوہر نے ماں بیٹے کے پاس تھوڑی سی کجھوریں اور ایک مشکیزہ پانی کا رکھا اور منہ موڑ کر چلنا شروع کر دیا۔ بیوی نے آواز دی "ہمیں اس دہشت وحشت والے بیاباں میں یکہ وتنہا چھوڑ کر جہاں ہمارا کوئ مونس وہمدم نہیں آپ کہاں تشریف لے جا رہے ہیں لیکن شوہر نے نہ ہی مڑ کر دیکھا اور نہ ہی کوئ توجہ دی بار بار پوچھنے پر بھی کوئ التفات نہ کیا تو پوچھا،”آپ ہمیں کسے سونپ چلیں ہیں۔کیا اللہ تعالی نے آپ کو یہ حکم دیا ہے”۔جواب دیا”ہاں” یہ سن کر وہ بڑے حوصلے اور صبر سے بولی پھر تشریف لے جائیے۔وہ اللہ ہمیں ہر گز ضائع نہیں کرے گا۔ہمیں اسی کا بھروسہ اور اسی کا سہارا ہے۔وہ لوٹی اور اپنے کلیجے کی ٹھنڈک کو اس سنسان،بیابان میں اس ہو کے عالم میں لاچار اور مجبور ہو کر بیٹھ گئی۔
قارئین کرام !!یہ کوئ عام خاندان کی قصہ کہانی نہیں بلکہ وہ شوہر…. انبیاء کے جد امجد حضرت ابراہیم خلیل اللہ ، ان کی بیوی اماں ہاجرہ اور نبی ابن نبی حضرت اسماعیل زبیح اللہ تھے۔
اس خاندان نے حوصلے، صبر،استقامت کی وہ اعلی مثال قائم کی کہ قیامت تک آنے والے لوگوں کے لیے مشعل راہ بن گئی۔
حضرت ابراہیم علیہ سلام نے اپنے بچے اور بیوی کو وہاں جہاں اب بیت اللہ ہے۔اور پیچھے مڑ کر بھی نہ دیکھا کہیں بیوی بچوں کی محبت غالب نہ آجائے۔جب حضرت ابراہیم علیہ سلام مقام ثنیہ پر پہنچے تو عجزو انکساری کے ساتھ ہاتھ پھیلا کر دعا کی
” اے ہمارے رب میں نے اپنے بال بچوں کو ایک غیر آباد جنگل میں تیرے برگزیدہ گھر کے پاس چھوڑا ہے تا کہ وہ نماز قائم کریں۔تو لوگوں کے دلوں کو ان کی طرف جھکا دے اور انہیں پھلوں کی روزیاں دے شاید وہ شکر گزاری کریں ”
آپ تو یہ دعا کر کے حکم الہی بجا لا کر اپنے اہل وعیال کو اللہ کے سپرد کر کے وہاں سے چلے گئے۔ادھر کیا ہوا؟ ایک بار تو رب تعالی کو آل رسول کی آزمائش مقصود تھی۔حضرت ہاجرہ صبر وشکر کے ساتھ بچے سے دل بہلانے لگیں۔جب تھوڑی سی کجھوریں اور پانی ختم ہو گیا۔اب اناج کا دانہ پاس ہے۔نہ پانی کا گھونٹ ۔خود بھی پیاسی ہیں۔بچہ بھی بھوک سے بے تاب ہے یہاں تک کہ اس معصوم نبی زادے کا چہرہ کملانے لگا اور وہ تڑپنے اور بلکنے لگا۔مامتا بھری ماں اپنی تنہائی اور بے کسی کا خیال کرتی،کبھی اپنے ننھے اکلوتے بچے کو دیکھ کر سہم جاتی۔معلوم ہے کسی انسان کا گزر اس بھیانک جنگل میں نہیں۔میلوں تک آبادی کا نام و نشان نہیں۔آخر اس ننھی سی جان کا یہ ابتر حال نہ دیکھا گیا تو اٹھی اور پاس ہی صفا پہاڑ پر چڑھ گئیں۔میدان کی طرف نظر دوڑاتی ہیں کوئی آتا جاتا نظر آئے۔لیکن نگاہیں مایوسی کے ساتھ چاروں طرف سے واپس آتی ہیں تو اتر کر وادی میں پہنچ کر دامن اٹھا کر دوڑتی ہوئی مروہ پہاڑ کی طرف جاتی ہیں۔اس طرح ساتھ مرتبہ کرتی ہیں۔بچے کی حالت ساعت بہ ساعت بگڑتی جا رہی ہے۔ساتویں مرتبہ کچھ آواز کان میں پڑتی ہے۔لپک کر آواز کی طرف جاتی ہیں تو وہاں حضرت جبرائیل علیہ سلام کو پاتی ہیں۔ انہیں غیبی آواز سنائی دیتی ہے جو ان سے پوچھ رہی ہوتی ہے کہ تم کون ہو؟؟حضرت جبرائیل علیہ سلام نے اپنی ایڑی زمین پر رگڑی۔وہیں ذمیں سے چشمہ ابلنے لگا۔
اب حضرت حاجرہ نے خود بھی پانی پیا اور بچے کو بھی پلایا۔ اور اس کے آس پاس باڑ باندھنا شروع کردی فرشتے نے کہا تم بے فکر رہو۔اللہ تمہیں ضائع نہیں کرے گا۔جہاں تم بیٹھی ہو یہاں اللہ کا گھر بنے گا۔کچھ مدت کے بعد جرہم کا قبیلہ وہاں سے گزرا۔انہوں نے ایک آبی پرندہ دیکھا تو وہ اس خشک اور چٹیل میدان کی طرف بڑھے اور وہاں بہترین اور بہت سا پانی پایا۔اب وہ سب آئے اور کہنے لگے ” اگر مائی صاحبہ اجازت دیں تو ہم یہاں ٹھر جائیں” وہ تو چاہتی تھیں کہ کوئی ہم جنس ملے۔اور یوں سناٹے کی آغوش میں اللہ تعالی نے زندگی کی رمق پیدا کر دی۔ اور پھر اسی جگہ بحکم تعالی حضرت ابراہیم و اسماعیل علیہم سلام نے بیت اللہ تعمیر کیا۔
ہے نا کتنی دلچسپ اور حیران کن کہانی ۔کیسے اللہ تعالی نے ٹیکنیکل طریقے سے اپنے گھر کو آباد کیا۔
اے عورت زات!!تجھے مبارک ہو کہ تیری ہم ذات سے اللہ تعالی نے یہ عظیم کام لیا۔اور بنی نوع انسان کی تمام آنے والی خواتین کی تربیت کا سامان پیدا کیا۔
اماں ہاجرہ سے عورت بہت کچھ سیکھ سکتی ہے جیسا کہ
1۔ اللہ پر توکل
2۔ صبر و استقامت
3۔ شوہر کی اطاعت
4۔ اولاد کی محبت
5۔ بہادری اور شجاعت
6۔ عقلمندی اور معاملہ فہمی
اور سب سے بڑھ کر مناسک حج ان کے نام سے منسوب ہو گئے۔جیسے:
1۔ صفا مروہ کا طواف
2۔ آب زمزم پینا
3۔ مقام ابراہیمی پر دو نفل
4۔ قربانی
5۔ حجراسود کو بوسہ دینا
6۔ رمی کرنا
وغیرہ وغیرہ
بغور دیکھئیے اگر اماں حاجرہ کی صفات کسی عورت میں آجائیں تو وہ دنیا کی کامیاب ترین ہستی بن سکتی ہے۔
اللہ تعالی ہمیں اس عظیم ماں ہاجرہ کے نقش قدم پر چلنے کی توفیق عطا فرمائے۔
( آمین)

از قلم: مسز ناصر ہاشمی

الیکٹ ایبل کا شکنجہ
بدھ 15 جولائی 2020ء

ہمارے ملک کے پارلیمانی نظام سیاست میں ملک کوسینکڑوں قومی اورصوبائی حلقوں میں تقسیم کیا گیا ہے۔ ان انتخابی حلقوں سے منتخب ہونے والے ارکانِ اسمبلی ملک کے لیے وزیراعظم اورصوبوں کے لیے وزرائے اعلیٰ منتخب کرتے ہیں ۔ہماری تاریخ گواہ ہے کہ اس پارلیمانی نظام نے ہمارے ملک کو سخت بدانتظامی اور معاشی بدحالی سے دوچار کیا ہے ۔حلقہ بندیوں پر مبنی یہ طریقۂ انتخاب صرف جاگیرداروں ‘ قبائلی سرداروں اور شہر کے جرائم پیشہ افراد کو راس آیا ہے‘ عوام الناس کواِس سے سخت نقصان پہنچا ہے۔ہمارے ملک میں حکمرانی کے بیشتر مسائل اور خرابیوںکی جڑ یہ انتخابی نظام ہے جو برطانوی طرزِ حکومت کی اندھی نقالی میں بنایا گیا ہے حالانکہ ہمارے معاشرہ کے حقائق اور حالات بالکل مختلف ہیں۔ ہمارے موجودہ انتخابی نظام میںریڑھ کی ہڈی ایک طبقہ ہے جسے’ الیکیٹ ایبل ‘کہا جاتا ہے ۔الیکٹ ایبل ہی مختلف سیاسی جماعتوں کے نمائندوں یا آزاد امیدوار کے طور پر قومی اورصوبائی اسمبلیوں میںمنتخب ہوکر پہنچتے ہیں۔ یہ افراد اپنے علاقہ میں ڈیرے چلاتے ہیں ۔ اِنکے منشی ‘ کارندے علاقہ کے لوگوں کے سرکاری دفاتر میں کام کاج کروانے میں اُنکی مدد کرتے ہیں۔ جائز ناجائز کاموں کی سفارش لیکر سرکاری افسروں‘ تھانہ اہلکاروں پردباؤ ڈالتے ہیں۔ الیکٹ ایبل سرکاری اداروں اور عوام کے درمیان بروکر کا کام انجام دیتے ہیں۔ اِنکے ذاتی طور پر ہزاروں ووٹ ہوتے ہیں۔سیاسی جماعتیں اپنا امیدوار منتخب کرتے ہوئے اسکی وفاداری ‘ نظریہ‘ اہلیت سے زیادہ اس بات کو مدنظر رکھتی ہیں کہ یہ شخص اپنے حلقہ میںکتنا اثر و رسوخ رکھتا ہے‘ اسکے اپنے ووٹ کتنے ہیں۔ الیکٹ ایبل کے ذاتی ووٹ اورسیاسی جماعت کے ووٹ ملکر کامیابی کی ضمانت بنتے ہیں۔اکثر علاقے ایسے بھی ہیں جہاں امیدوارجرائم پیشہ افراد‘ اشتہاریوں کی مدد سے الیکشن لڑتے ہیں۔جرم اور سیاست ایک دوسرے سے گہرے رشتہ میں بندھ چکے ہیں۔بہت سے الیکٹ ایبل مجرموں کی سرپرستی کرتے اور انہیں پولیس سے تحفظ مہیا کرتے ہیں۔ الیکٹ ایبل اور حلقوں کے گرد گھومنے والے اس سیاسی نظام کی اپنی مخصوص حرکیات ہیں۔ ایک رکن قومی اسمبلی یا صوبائی اسمبلی کی پہلی فکر یہ ہوتی ہے کہ وہ الیکشن پر اُٹھنے والے کروڑوں روپے کے اخراجات وصول کرے اور اگلے الیکشن کے لیے رقم جمع کرے۔ اُن لوگوں کی مدد کرے جنہوں نے اسکی الیکشن مہم پرپیسہ خرچ کیا۔ ایسا بندوبست کرے کہ اپنا ڈیرہ چلانے کے لیے رقم کی مسلسل فراہمی کا بندوبست ہوجائے۔ زیادہ تر ٹھیکیدار امیدواروں کی مہم میں مدد کرتے ہیں۔ رُکنِ اسمبلی کوشش کرتا ہے کہ ان ٹھیکیداروں کو منافع بخش سرکاری ٹھیکے دلوائے۔ ارکان اسمبلی کو جو ترقیاتی فنڈز ملتے ہیں ان سے بننے والے منصوبوں کے ٹھیکے بھی اُنکی مرضی سے دیے جاتے ہیں۔ اصل لاگت سے دوگنا‘ تین گنا قیمت پر دیے جانے والے ان ٹھیکوں سے سرکاری افسر‘ ٹھیکیدار اور ارکانِ اسمبلی سب مستفید ہوتے ہیں۔مال بنانے والی سیٹ پر بیٹھا ایماندارسرکاری افسر ارکانِ اسمبلی کے لیے سخت بیکار اور ناپسندیدہ آدمی ہوتا ہے۔اس لیے رشوت خور افسروں کی اہم عہدوں پر تعیناتی کے لیے ارکانِ اسمبلی اعلیٰ افسران اور وزرائے اعلی پر دباؤ ڈالتے رہتے ہیں۔ اگر انکی سفارش نہ سنی جائے تو میڈیا میں حکومت کے خلاف بیانات دینے لگتے ہیں۔ ارکان اسمبلی کی مقامی سیاست کا تقاضا ہے کہ پولیس انکے کنٹرول میں رہے۔انکی کوشش ہوتی ہے کہ انکے علاقے کے تھانیدار اُنکی مرضی سے تعینات کیے جائیں۔ سرکاری محکموں کی پوسٹنگ‘ ٹرانسفر میں انکا عمل دخل ہو۔ اگر حکومت نئے ملازمین کی بھرتیاں کرے تومیرٹ کو نظر انداز کرکے انکے سفارشی افراد بھرتی کیے جائیں۔ غرض‘ ارکان اسمبلی کی سیاست کے تقاضے ایسے ہیں کہ سرکاری محکموں میں مداخلت کے بغیرانکا کام نہیں چل سکتا۔الیکٹ ایبل کی سیاست اور میرٹ ایک دوسرے کی ضد ہیں۔ سرکاری اداروں میں ارکان ِاسمبلی کی مداخلت کے باعث ہی ملک میں میرٹ کا نظام تباہ ہوا ہے۔ بڑے بڑے ادارے جیسے پی آئی اے‘ ریلوے تباہ ہوئے ہیں۔ قانون کی حکمرانی کی جگہ سفارش کا دورہ دورہ ہے۔ ارکانِ اسمبلی مقامی مسائل اور سیاست میںبری طرح دھنسے ہوتے ہیں۔ اسی لیے یہ لوگ بلدیاتی اداروں کے قیام کی سخت مخالفت کرتے ہیںکیونکہ بلدیاتی کونسلر اور مئیر کے نظام سے انکی اپنے علاقہ میںچودھراہٹ‘ اُجارہ داری خطرہ میں پڑ جاتی ہے۔ اختیارات تقسیم ہوجاتے ہیں۔ لوگ انکی بجائے اور لوگوں کی طرف بھی دیکھنے لگتے ہیں۔ ارکانِ اسمبلی اور مقامی حکومتوں میں مفادات کا ٹکراؤ ہے۔جب تک حلقہ بندی پر مبنی سیاسی‘ انتخابی نظام رائج ہے ملک میں بااختیار مقامی حکومتوں کا قیام ایک خواب رہے گا۔ اُصولی طور پر ارکانِ اسمبلی کا کام ہے قانون سازی کرنا‘ پالیسی بنانا۔اہم قومی‘صوبائی‘ عوامی معاملات و مسائل پر بحث‘ مباحثہ کرنا۔ لیکن عملی طور پر ایسا نہیں ہوتا۔زیادہ تر ارکانِ اسمبلی ان کاموں میں دلچسپی نہیں لیتے۔ اسمبلی کے اجلاس میںوہ ایک دوسرے پر کیچڑ اچھالتے ‘ جذباتی تقریریں کرتے ہیں۔خارجہ پالیسی‘ علاقائی صورتحال‘ دیرپا معاشی پالیسیاں اور مسائل کے حل کے لیے متبادل راستوں پر بحث کرنا اُنکو پسند نہیں۔وہ اپنے کام کاج کے لیے وزراء اور سرکاری افسروں کے دفاتر میں گھومتے رہتے ہیں۔اسمبلیوں کے اجلاس کورم کی کمی کا شکار رہتے ہیں۔ انتخابی حلقہ بندیوں پر مبنی موجودہ سیاسی نظام تبدیل کیے بغیر قومی اورصوبائی اسمبلیاں پالیسی سازی میں مؤثر کردار ادانہیں کر سکتیں کیونکہ ان میں جو لوگ منتخب ہوکر آتے ہیں ان کا قد کاٹھ مقامی سطح کا ہوتا ہے۔اُنکی اکثریت محض مقامی مسائل کا شعور اور استعدادرکھتی ہے۔ ہم بحیثیتِ قوم آج جن مشکلات و مسائل میںگھرے ہوئے ہیں ان سے نجات کی خاطر ایک ایسے جمہوری سیاسی نظام کی ضرورت ہے جس پر نام نہاد الیکٹ ایبل کی جکڑ بندی ختم ہو۔سیاسی جماعتیں اپنے نظریہ اور منشور کی بنیاد پر ووٹ لیکر ایسے ارکان اسمبلیوں میں بھیجیں جوقومی اور اجتماعی مسائل کا ادراک رکھتے ہوں اور اُنکے حل میں اپنا مؤثر کردار ادا کرسکیں-