Category: بلاگ

حکمران جماعت کے رہنما فواد چوہدری نے ناکامی کا اعتراف کر لیا۔
گزشتہ روز حکومت نے شوگر مافیا کے بعد پیٹرول مافیا کے سامنے بھی گھٹنے ٹیک دیے۔ پیٹرولیم کی قیمتوں میں نئے اضافے کے بعد حکومتی وزراء مسلسل دفاع کی کوششیں کر رہے ہیں جن میں شہباز گِل سر فہرست ہیں۔ آج کی اننگز فواد چوہدری نے شروع کی اور وہ جلد ہی ہار مان گئے۔ انھوں نے ناکامی کا اعتراف کرتے ہوئے کہا ہے کہ ہم سے 25 روپے تک ڈیفنڈ نہیں ہو رہے۔ یہ الفاظ وزیر سائنس و ٹیکنالوجی کے ہیں حالانکہ اس سے پہلے وہ بہت سے معاملات میں خود کو اور پارٹی کو ڈیفنڈ کرتے رہے ہیں۔ دوسری طرف پیٹرولیم اضافے پر پنجاب اسمبلی میں وزیر اعظم کے استعفیٰ کی قرارداد جمع کرا دی گئی ہے جس میں موقف اختیار کیا گیا ہے کہ پیٹرولیم مصنوعات کی قیمتوں میں اضافہ سے وزیراعظم کے قول و فعل کا تضاد سامنے آ گیا ہے لہذا وزیر اعظم کے پاس اب کوئی اخلاقی جواز نہیں بچا۔

پٹرولیم مصنوعات کی قیمتوں میں اضافہ، مسلم لیگ ن کی ایم پی اے سعدیہ تیمورکی جانب سے وزیراعظم عمران خان کے استعفی کے مطالبہ کی قرارداد پنجاب اسمبلی میں جمع کرادی گئی۔

سعدیہ تیمور کا کہنا ہے کہ حالیہ بجٹ کو وزیر اعظم عمران خان نے ٹیکس فری قرار دیا، پھر مالی سال مکمل ہونے سے قبل ہی پٹرولیم مصنوعات کی قیمتوں میں غیرمعمولی اضافہ کردیا گیا، اس اقدام سے وزیراعظم کے قول فعل میں تضاد واضح ہوگیا۔ سعدیہ تیمور کا کہنا تھا کہکے قول فعل میں تضاد واضح ہوگیا ہے جس کے بعد ان کے اقتدار میں رہنے کا کوئی جواز نہیں، ایم پی اے سعدیہ تیمور کا کہنا تھا کہ وزیراعظم اپنی عہدے سے استعفی دیں۔

ہر وہ چیز جو اوپر جاتی ہے وہ نیچے بھی آتی ہے۔

احمد جواد

پی آی اے کے پائیلٹ شاید اسی تیکنیک پر جہاز چلا رہے تھے، لیکن پھر تکنیک میں تبدیلی آگئ۔ پی آی اے کے جہاز اوپر جا کر نیچے تو آتے تھے لیکن اب وہ نیچے گرنے لگے۔ تیس سالوں کی کرپشن ، اقربا پروری نے آخرکار اپنا رنگ دکھا دیا۔

ہمارے سسٹم میں سنگین خرابیاں ہیں۔ جب تک ہم ان کی شناخت اور اعتراف نہیں کرتے ہیں ، ہم آگے نہیں بڑھ سکتے ہیں۔

ہاں جگ ہنسائ ہو گی لیکن کینسر کی سرجری لازمی ہے۔ پی آئی اے کے پائلٹ بین الاقوامی مارکیٹ میں طویل عرصے تک قبول نہیں کئے جائیں گے۔ لوگ پی آئی اے کا سفر نہیں کریں گے۔ اگر میں نے پاکستان کے اندر سفر کرنا ہے تو میں بھی شایدخود روڈ سے سفر کروں گا۔

لیکن عمران خان یا ایئر مارشل ارشد اس کے ذمہ دار نہیں ہیں وہ تو صرف قالین کے نیچے چھپاۓ ہوۓ مسلوں کی نشاندہی اور اُن کا حل تلاش کر رہے ہیں-ںمسلم لیگ، پیپلز پارٹی، ملٹری ڈکٹیٹروں نے اداروں کو تباہ کر دیا۔

ایسے جعلی پائیلٹس کو مثالی سزا دینی چاہیے لیکن یہ مت بھولیں کہ اسکا ذمہ دار ادارہ سول ایوی ایشن اتھارٹی ہے۔ وہ ادارہ جہاں ٹاپ پوزیشن پر پاکستان ایر فورس سے ایر مارشلوں اور دوسرے افسروں کی ایک فوج آتی ہے۔ ان تمام افسروں کا بھی احتساب ہونا چاہیے۔

احتساب جب تک جرنیلوں، ججوں، بیورکریٹ اور ٹاپ بزنس مینوں کا بھی نہیں ھو گا، احتساب کو سیاسی ہی سمجھا جاۓ گا۔
ہر ریٹائرڈ پبلک آفس ہولڈر کے بچوں اور بیوی کی جائیداد اور بینک اکاؤنٹس کو چیک کریں تو قاضی عیسی فائز کا کیس معمولی لگے گا۔

ہر مافیا اور کارٹل کے پیچھے آپ کو انہی کیٹیگری کے لوگ ذمہ دار نظر آئیں گے۔پاکستان کو بچانا ہے تو صرف ایک ہی راستہ ہے اور وہ بلا امتیاز احتساب ہے اور ایسا احتساب صرف عمران خان کر سکتا ہے کیونکہ شاید صرف وہ اکیلا سیاستدان جو احتساب کے اس عمل میں اپنی مثال پیش کر سکتا ہے۔

پچاس سال کا گند عمران خان کے کھاتے میں ڈالنے کی سازش ہو رہی ہے۔

سید منور حسن کے اثاثے ۔۔۔
(ذرا سی بات ۔۔ محمد عاصم حفیظ)

سابق امیر جماعت اسلامی سید منور حسن کے آخری انٹرویو کی ویڈیو سن لیں تو آبدیدہ ہو جائیں گے۔ ایک ملک گیر جماعت جس کے تحت اربوں کا سالانہ ریلیف ورک ہوتا ہو ۔ جس جماعت کے ٹکٹ پر ممبران اسمبلی اور سینیٹر بنتے ہوں ۔ اسی جماعت کے وہ امیر رہے ۔ وہ اپنے اثاثے ظاہر کر رہا ہے ایک غیر ملکی نشریاتی ادارے کو ۔
"کہا کہ چھوٹے سے گھر کے علاوہ کچھ بھی نہیں ۔ ہاں البتہ قرضہ ہے جسے اتارنے کی استطاعت بھی نہیں ۔ کوئی اگر ہمدردی رکھتا ہے تو رابطہ کر لے” ۔
یہاں کوئی کونسلر بن جائے تو اس کی نسلیں سنور جاتی ہیں ۔ سیاست کے نام پر لوگ ارب پتی بن جاتے ہیں ۔ لیکن یہ دینی طبقے کی ایمانداری اور اعلی ترین اخلاقیات کا اظہار ہی تو ہے ۔ ایک جماعت میں پوری زندگی گزارنے والا زندگی کی بنیادی سہولیات نہ پوری کر سکا ۔۔۔ قرض ہے تو اتارنے کی استطاعت ہی نہیں ۔۔ ہمارے ہاں ایسے مناظر کسی معجزے سے کم نہیں کہ جہاں سیاست امارت کے حصول کا ذریعہ ہو ۔
سیاست و دین یکجا ہوں تو ایسے ہی مناظر سامنے آتے ہیں ۔ اگر سیاست کو واقعی دینی فریضہ سمجھ کر کیا جائے ۔یہی دینی سیاست کا خاصہ ہے ۔۔
کاروبار کرنا ۔ حلال ذرائع سے رزق کمانا ہر ایک کا حق ہے وہ دیندار ہو یا کوئی اور لیکن کمال صرف یہ کہ اختیار ملے ۔ فنڈز وافر ہوں اور پھر بھی ایمانداری کی مثال قائم کی جائے۔ ایسا نہیں کہ دیندار ہوتے ہوئے اچھا کاروباری یا امیر ہونا منع ہے ۔ لیکن یہاں بات ہو رہی ہے ایک کارکن کی بے لوث خدمات کی ۔ جس نے زندگی بھر صرف اپنی جماعت تحریک کا سوچا خود اپنے بارے نہیں ۔۔۔
دوسری جانب دینی جماعتوں کے بڑوں ۔ ان میں موجود ایسے افراد کہ جنہیں اللہ نے صاحب ثروت بنایا ہے ۔ ان کےلئے بھی ایک سبق ہے کہ جو اپنی زندگی کسی تحریک کو وقف کر دے ۔ بے لوث ہو کر ہمہ وقت جماعت اور تحریک کی سربلندی کے لئے سرگرم رہے ۔ کبھی تھوڑا وقت ملے تو اس کے حالات پر بھی نظر ڈال لیا کریں ۔ یقین مانیں افراد قیمتی ہوتے ہیں ۔ اگر وہ آپکے ادارے ۔ جماعت یا تحریک کیساتھ جڑے ہیں ۔ باصلاحیت ہیں تو کچھ ان کے حالات پر بھی نظر رکھیں۔
کہیں وہ تحریک ۔ جماعت کی خاطر زندگی کی بنیادی سہولیات سے تو محروم نہیں ہو چکے ۔۔ یہ نہیں کہ جماعت کی امارت سے فارغ ہوے تو ایک سوٹ کیس میں روانہ ہونیوالے اس درویش کو کسی نے زندگی بھر بعد میں کسی نے پوچھا تک نہیں ۔ وہ ایک غیر ملکی نشریاتی ادارے کے ساتھ انٹرویو میں پتہ نہیں کس جبر کیساتھ قرض کا ذکر کر رہا ہے
سید منور حسن کے اثاثے ۔۔ یقین مانیں جہاں اس مرد درویش نے ایمانداری ۔ بے لوث جماعت کی خدمت ۔ یہ ایک روشن مثال ہے ۔ وہ اہم رہنما ۔ بعد ازاں امیر جماعت رہے ۔ ہر کوئی ان سے ملنا اور انہیں اپنے پاس بلانا چاہتا ہو گا ۔ لیکن شائد کبھی کسی نے غور ہی نہیں کیا ان کے وسائل اس سب کی اجازت دیتے بھی ہیں کہ نہیں ۔ انہوں نے تو جو کچھ تھا جماعت کی خدمت میں لگا دیا اور اپنے لئے کوئی ” اثاثہ” نہ بنا سکے ۔۔
سید منور حسن کا روشن کردار دینی جماعتوں ۔ دینی اداروں اور دینی طبقے کے لیے ایک سبق بھی ہے کہ اگر کوئی باصلاحیت ۔ بے لوث ہمہ وقت سرگرم تحریک ادارے یا جماعت کے لئے زندگی وقف کر بیٹھا ہے تو اس کی قدر کریں ۔ یہ نہ ہو کہ وہ زندگی کے آخری ایام میں یوں اظہار کرنے پر مجبور ہو کہ ” مجھ پر قرض ہے ۔ کسی کو مجھ سے ہمدردی ہو تو رابطہ کرے ” ۔ ۔ ایسے دینی جماعتوں ۔اداروں اور تحریکوں سے منسلک باصلاحیت نوجوانوں ۔ بے لوث ۔ ایماندار عہدیداروں کی قدر کریں ۔۔ افراد کے متبادل نہیں ہوتے ۔ اگر کوئی اپنی صلاحیتیں ۔ وقت اور خلوص وقف کر بیٹھا ہے تو اس کی زندگی کی بنیادی ضروریات کا خیال رکھنا اس کے احباب کا بھی فرض ہے ۔۔کتنے ہی باصلاحیت ہیرے جب ان کو گھریلو مجبوریوں نے جکڑ کر رکھ دیا تو وہ تحریک و جماعت کی بجائے معاش کےلئے فکر مند ہو گئے ۔ جن کے منسلک رہنے سے جماعت ادارہ مضبوط بن جاتا وہ ساتھ نہ چل سکے اور ان کی جگہ خوشامدی ۔ نو دولتیے اور کم صلاحیت کے حامل افراد نے بھاگ دوڑ سنبھال لی۔ اور شائد یہی ہمارے ہاں دینی جماعتوں اداروں اور تحریکوں کے زوال کی سب سے بڑی وجہ ہے کہ یہاں باصلاحیت افراد کو منسلک نہیں رکھا جا سکا ۔