Category: بلاگ

اسرائیلی مظالم پر عالمی عدالت انصاف کا فیصلہ
تحریر: صابر ابو مریم سیکرٹری جنرل فلسطین فاؤنڈیشن پاکستان
پی ایچ ڈی ریسرچ اسکالر، شعبہ سیاسیات جامعہ کراچی
حال ہی میں عالمی فوجداری عدالت (International Criminal Court) نے اسرائیل کی جانب سے جنگی جرائم کے ارتکاب پر تحقیقات کرنے کا فیصلہ سنایا ہے جس کے بعد فلسطین کے مظلوم عوام نے امید اور خوشی کا اظہار کرتے ہوئے عالمی عدالت انصاف کے فیصلہ کو فلسطینیوں کی جاری جدوجہد آزادی کے لئے اہم قرار دیا ہے۔واضح رہے کہ سرزمین مقدس فلسطین پر غاصب صہیونیوں نے عالمی استعماری قوتوں برطانیہ اور امریکہ کی مدد سے سنہ1948ء میں ایک ناجائز اور جعلی ریاست اسرائیل کا قیام عمل میں لا کر فلسطینیوں پر بے پناہ مظالم کا سلسلہ شروع کر دیا تھا۔البتہ تاریخ فلسطین کا دقیق مطالعہ کرنے سے یہ بات سامنے آتی ہے کہ فلسطینیوں پر صہیونی مظالم کا سلسلہ پہلی جنگ عظیم کے بعد سے ہی شروع ہو گیا تھا اور صہیونیوں کے مظالم کی تاریخ کو آج ایک صدی سے زائد بیت چکا ہے لیکن فلسطین کے عرب باشندے اپنی ہی زمین کی تلاش میں ہیں اور اپنے ہی وطن جانے سے محروم ہیں۔غاصب صہیونیوں نے لاکھوں فلسطینیوں کو بے گھر کیا، جلا وطن کیا، ان کے گھروں کو مسمار کیا یا تو قبضہ کر لیا گیااور یہ سلسلہ تاحال جاری ہے اور اس تمام مجرمانہ کاروائیوں میں صہیونیوں کی جعلی ریاست اسرائیل کو دنیا کے سب سے بڑے شیطان امریکہ کی بھرپور حمایت حاصل ہے۔
عالمی عدالت انصاف کی جانب سے واضح طور پر اعلان سامنے آیا ہے کہ عالمی فوجداری عدالت اسرائیل کی جانب سے فلسطینیوں پر کئے جانے والے سنگین مظالم اور جرائم پر اسرائیل کے جنگی جرائم کے مرتکب ہونے پر تحقیقات کا آغاز کر رہی ہے۔اس بیان کے سامنے آتے ہیں جہاں فلسطینیوں نے خیر مقدم کیا ہے وہاں صہیونیوں کی غاصب جعلی ریاست اسرائیل نے عالمی عدالت انصاف کی توہین کرتے ہوئے کہا ہے کہ فلسطینیو ں کے بارے میں عالمی عدالت انصاف کے پاس کوئی مینڈیٹ نہیں ہے۔دوسری جانب امریکی سیکرٹری پومپیو نے بھی ہمیشہ کی طرح سے امریکی شیطانی روایت کو برقرار رکھتے ہوئے صہیونیوں کی غاصب اور جعلی ریاست اسرائیل کا ساتھ دینے کا اعلان کیا ہے اور کہا ہے کہ فلسطینیوں کے بارے میں امریکہ یہ سمجھتا ہے کہ ان کی کوئی ریاستی حیثیت نہیں ہے۔
دنیا یہ بات بخوبی جانتی ہے کہ یہی امریکہ اور برطانوی سامراج ہی تھا کہ جس کی پشت پناہی کے باعث صہیونیوں نے فلسطین کی سرزمین مقدس پر ایک ناجائز اور جعلی ریاست بنام اسرائیل قائم کی تھی اور آج امریکہ کھل کر فلسطینی عوام کے حقوق کی مخالفت کر رہا ہے۔یہی وہ نقطہ فکر ہے کہ جس کو آج دنیا کے باشعور اذہان کو سمجھنے کی ضرورت ہے کہ امریکہ کی دنیا بھر میں مخالفت اس لئے کی جاتی ہے اور امریکہ مردہ باد کے نعرے دنیا بھر میں اس لئے گونج رہے ہیں کہ امریکی حکومت نے دنیا کے لئے انسانی حقوق کی تعریف کچھ اور کر رکھی ہے جبکہ اپنے مفادات کے لئے او بالخصوص امریکہ کی ناجائز اولاد اسرائیل کے دفاع اور اس کے جرائم اور مظالم کی پردہ پوشی کرنے کے لئے انسانی حقوق کی تعریف کچھ اور ہے اور یہی وجہ ہے کہ فلسطینی عوام کو امریکی حکومت شاید انسانی حقوق کے زمرے میں لاتی ہی نہیں ہے۔
امریکی سیکرٹری پومپیو کے فلسطین مخالف بیان نے دنیا پر ایک مرتبہ پھر یہ بات واضح کر دی ہے کہ دنیا بھر میں جہاں کہیں بھی دہشت گردوں اور دہشت گردی کی حمایت کی ضرورت ہو گی امریکی حکومت اور اس کے عہدیدار ہمیشہ ان کے ساتھ کھڑے ہوں گے۔جیسا کہ پومپیو نے اپنے بیان میں کہا ہے کہ وہ اسرائیل کے ساتھ کھڑے ہوں گے۔اب یہاں سوال یہ پیدا ہوتا ہے کہ کیا اسرائیل ایک ایسی ریاست ہے کہ جسے قانونی ریاست یا جائز ریاست تصور کر لیا جائے؟ سوال یہ بھی پیدا ہوتا ہے کہ اسرائیل جس کے جرائم اور دہشت گردانہ کاروائیاں روزمرہ فلسطینیوں کے خلاف جاری ہیں ایسی دہشت گرد ریاست کی حمایت کرنے سے کیا امریکی حکومت نے امریکہ کی عوام کی تذلیل نہیں کی ہے؟امریکی عوام کو بھی چاہئیے کہ اگر وہ دنیا میں اپنے ملک کے خلاف نفرت کو کم کرنا چاہتے ہیں تو پھر امریکی حکومت کی ان تمام پالیسیوں کی مخالفت کریں جس کے باعث امریکہ مردہ باد کے نعرے دنیا بھر میں گونج رہے ہیں۔پوری دنیا پر یہ بات روز روشن کی طرح عیاں ہو چکی ہے کہ اسرائیل کو تحفظ دینے کی خاطر امریکہ اور اسرائیل نے مسلم دنیا میں داعش جیسی دہشت گرد تنظیموں کی پرورش کی اور فلسطین کی مظلوم ملت کو گذشتہ ایک سو برس سے ظلم و بربریت کا نشانہ بنایا جا رہا ہے۔کیا دنیا میں اسرائیل سے بڑی دہشت گرد کوئی قوت موجود ہے؟ اور کیا اسرائیل جیسی دہشت گرد قوت کی حمایت میں سب سے آگے امریکہ کے علاوہ کیا کوئی اور حکومت موجود ہے جو اسرائیل کا دفاع کرے؟
خلاصہ یہ ہے کہ عالمی عدالت انصاف کی جانب سے فلسطینی عوام کے حق میں فیصلہ آ چکا ہے ا ب دیکھنا یہ ہے کہ ہمیشہ کی طرح امریکی حکومت عالمی اداروں کو بلیک میل کر کے انسانیت سوز مظالم کے مرتکب صہیونیوں کی جعلی ریاست اسرائیل کی خاطر قوانین کی دھجیاں بکھیرے گی یا پھر اپنے دعووں کو سچا ثابت کرنے کیلئے انسانی حقوق کی اصل بنیاد کے ساتھ کھڑی ہو گی۔ظاہری طور پر امریکی سیکرٹری کے بیان سے یہی واضح ہو رہاہے کہ امریکہ اپنی ناجائز اولاد اسرائیل کے خلاف کسی قسم کی تحققات کئے جانے کے حق میں نہیں ہے۔اگر امریکی حکومت کا اسرائیل اور ظالموں کے تحفظ کے لئے یہی دستور ہے تو پھر دنیا کی تمام حریت پسند اقوام او ر فلسطین کی آزادی خواہی کے لئے سرگرم عمل قوتوں کو یہ حق پہنچتا ہے کہ وہ امریکہ مردہ باد اور اسرائیل نامنظور کے نعروں سے اپنا احتجاج ریکارڈ کریں۔دنیا کی ظالم قوتوں کو یہ بات جان لینی چاہئیے کہ ظلم کی عمر زیادہ طویل نہیں ہوتی ہے اور بالآخر وہ دن قریب ہے کہ دنیا بھر میں مظلوم اقوام بشمول فلسطین، کشمیر، لبنان، عراق، شام، افغانستان، روہنگیا اور نیجیریا سمیت دیگر اقوام ان ظالم و جابر قوتوں کے ظلم و استبداد کو اپنے پیروں تلے روند ڈالیں گے اور وہ دن آئے گے او ہم دیکھیں گے لازم ہے کہ ہم دیکھیں گے۔

انصاف کا خون ، تحریر : سید زید زمان حامد

سیانے کہتے ہیں کہ اگراپنی صفوں میں غداروں کو تلاش کرنا ہو تو یہ دیکھیں کہ عین میدان جنگ میں اپنی ہی فوج کے خلاف کون کارروائیاں کررہا ہے، کون حملے کررہا ہے، کون اس کے حوصلے پست کررہا ہے، کون پیٹھ میں خنجر مار رہا ہے۔۔۔۔غدار کی صرف یہی نشانی ہے۔۔۔!

یہ حقیقت ہے کہ کسی بھی دن بھارتی مشرک پاکستان پر حملہ آور ہوسکتے ہیں۔ کشمیر آتش فشاں بنا ہوا ہے، پورا ہند احتجاج کی آگ میں تہہ و بالا ہورہا ہے اور ہندو صیہونی آزاد کشمیر اور پاکستان پر حملے کیلئے تلواریں تیز کرچکے ہیں۔ ایسے میں مشرف فیصلے سے پوری فوج کو غدار قرار دینا کس قسم کی بے شرمی ہے۔۔۔؟

یہ حقیقت ہے کہ پاکستان کی اعلیٰ عدلیہ میں افتخار چوہدری جیسے ناپاک اور پلید، خوارج کے حمایتی جج موجود ہیں، کہ جن کی کیاری وہ خود لگا کر گیا تھا۔ مشرف فیصلے نے ثابت کردیا ہے کہ پاکستان پر ”عدالتی دہشت گردی“ بھی حملہ آور ہے۔ معاشی دہشت گرد، خوارج دہشت گرد اور ابلاغی دہشت گرد ہی کیا کم تھے کہ اب ایک نئی مصیبت ”قانونی دہشت گرد“ بھی پیدا ہوگئے، چاہے وکیلوں کی شکل میں ہوں یا ججوں کی۔

یہ فیصلہ مشرف کے خلاف نہیں ۔۔۔ پوری پاک فوج اور ریاست پاکستان کے خلاف ہے!
ذرا ان دو ججوں کی تحقیق تو کریں، کیا پس منظر ہے ان کا، کیا ماضی ہے، کیا کردار رہا ہے، کن کن دہشت گرد تنظیموں کے لیے یہ ”مسیحا“ بنے رہے ہیں، کتنے دہشت گردوں کو انہوں نے رہا کیا ہے، خوارج اور پی ٹی ایم سے ان کا کیا تعلق ہے۔۔۔سب کچھ سامنے آجائے گا۔۔۔!

مشرف کیس کے شرمناک عدالتی فیصلے کے بعد اب عمران اور جنرل باجوہ کا امتحان شروع ہوتا ہے۔ پاکستان کے اندر موجود غداروں اور خائنوں کو بہت ز یادہ ڈھیل دینے کا نتیجہ اب یہ نکلا ہے کہ عین میدان جنگ میں پوری پاک فوج کو ہی بے عزت کرنے کی سازش کی گئی ہے، حوصلہ پست کرنے کی کوشش کی گئی ہے۔

ایک ریاستی ادارے کی جانب سے پاک فوج کو غدار قرار دینا اور اپنے ان تمام ججوں کو بری کردینا کہ جنہوں نے جنرل مشرف کے تمام اعمال کو ”قانونی تحفظ“ فراہم کیا، نہ صرف بدنیتی ہے بلکہ بے شرمی اور بذات خود غداری ہے۔

اب ججوں کا بھی احتساب ہونا لازم ہے، اور فوج کرے گی۔۔۔!

پاکستانی طلباء اور بھارت
تحریر ازقلم:محمد عبداللہ گل
پاکستان 14 اگست 1947 کو اس دنیا کے نقشے پر ایک عظیم خودمختار ریاست بن کر ابھرا۔اس ملک کی خاص بات یہ تھی کہ یہ ایک عظیم نظریہ اسلام کے تحت وجود میں آیا تھا۔یہ ہی تو وجہ ہے کہ 1947 سے لےکر اب تلک یہ ہر اسلام دشمن کی آنکھوں میں کانٹے کی طرح چبھ رہا ہے۔اس کو ختم کرنے کے لیےدشمنوں نے بہت سے پروپیگنڈہ کیے۔جیسے پہلے پہل سرحدی چھیڑ چھاڑ اس کے بعد 1965 کی جنگ جو کہ پاکستان کا بدترین دشمن بھارت بری طرح شکست خوردہ ہو گیا۔کیونکہ اس کا مقابلہ اس ملک کی فوج سے ہوا ہے جس کا غزوہ ہند پر اعتماد ہے۔ان سب حربوں اور پروپیگنڈوں کے بعد اس نے 1971 میں ایک ایسا حربہ آزمایا۔پاکستان کے پانچویں بازو بنگال میں طلباء کی ذہن سازی کرنا شروع کر دی۔بھارت نے بڑی ہی چالاکی اور مکاری سے اپنی ایجنسی کے تربیت یافتہ اساتذہ کےبھیس میں بنگال میں داخل کر دئیے جو کی ڈھاکہ یونیورسٹی سے لے کر نچلے تعلیمی ادارے تک بچوں کو پاکستان کے مستقبل کے معماروں کی ذہن سازی کرتے کہ یہ جو مغربی پاکستان والے ہیں یہ تمھارے خلاف ہیں ان کے جذبات کو لسانی بنیادوں پر ابھارا ان کو پاکستان کے ہی خلاف کیا۔اس کے بعد جب بھٹو مجیب اختلافات بڑھ گئے تو انھوں نے یہ احتجاج کا سلسلہ شروع کر دیا بھارتی پروفیسرز کے ذریعے جو کہ اپنے شاگردوں کو احتجاجی مظاہروں میں شرکت پر مجبور کرتے۔اس طرح طلبا یونین کا استعمال کر کے میرے پانچویں بڑے بازو کو 16 دسمبر 1971 کو الگ کر دیا جسے سقوط ڈھاکہ کے نام سے جانا جاتا ہے۔صد افسوس پھر اسی بھارت کا وزیراعظم نریندر مودی ڈھاکہ یونیورسٹی میں جاتا ہے وہاں جا کر کہتا ہے کہ "مشرقی پاکستان ہم نے الگ کیا بنگلہ دیش ہم نے بنایا ،رت ہم نے دیا” اور تیرے حکمران خاموش رہے۔قارئین کرام! اس کے بعد 16 دسمبر 2019 آتا ہے بھارت اپنی تمام تر ناکامیوں کا بدلہ اس قوم کے بہادر بچوں سے لیتا ہے سانحہ آرمی پبلک سکول پشاور ہوتا ہے تقریبا 200 کے قریب بچے شہید ہوتے ہیں
تیری بنیادوں میں ہے لاکھوں شہیدوں کا لہو
ہم تجھے گنج دو عالم سے گراں پاتے ہیں
اور ہر کوئی جانتا ہے کہ یہ گھناؤنی سازش بھارت کی تھی۔اللہ ان شہدا کو جنت الفردوس میں جگہ عطا فرمائے۔اس کے علاوہ اب دوبارہ حال ہی میں دسمبر میں ہی دشمن نے ایک اور حربہ آزمانے کی کوشش کی اور لال لال تحریک کا آغاز کیا اور اس میں بھی اپنے کارندوں کے ذریعے طلباء کو شامل۔کیا اب اس کی نظریں بلوچستان پر ہے۔قارئین ! اگر ہم نے توجہ نہ دی۔اور پاک فوج کا مکمل طور پر ساتھ نہ دیا تو بلوچستان بھی دشمن کے شکنجے میں چلا جائے گا اس لیے اپنے آپ کو سنبھال لو اور بار بار ناکام ہونے والے دشمن کو دوبارہ ناکام کر دو

طلبا یونین کی بحالی کی بحث اور طفیل کی شہادت !

تحریر :احمر مرتضی

چند دن پہلے اسلامک یونیورسٹی اسلام آباد میں ہونیوالے افسوس ناک واقعے کو دو گروپوں کے درمیان تصادم قرار دیا جائے یا پھر پر امن طلبا پرغنڈہ عناصر کی طرف سے یک طرفہ حملہ، وجہ جو بھی ہو مگر اس بات کا بطور طالب علم بہت ہی افسوس ہے کہ اس تصادم یا غنڈہ گردی کی یک طرفہ کاروائی میں گلگت بلتستان سے تعلق رکھنے والے خوبرو نوجوان سید طفیل الرحمن شہید ہوگئے، اللہ مرحوم کی مغفرت فرمائے۔ لیکن اب آئیے واقعے کے دوسرے پہلو کی طرف ان دنوں طلبا یونین کی بحالی کی بازگشت طلبا کے مطالبات سےلے کر حکومتی ایوانوں تک سنائی دے رہی ہے قطع نظر اس بات کے کہ اس بحث کا نتیجہ کیا نکلتا ہے ہم بات کرتے ہے اس چیز پر جسے حکومت کو طلبا یونین کی بحالی کے فیصلہ کے وقت مدنظر رکھنا ضروری ہوگا کہ ماضی میں یونین پر پابندی کی بڑی وجہ غنڈہ گرد طلبا عناصر کی بڑھتی ہوئی انارکی و بدمعاشی اور اس جیسے دیگر مذوم مقاصد تھے جسے طلبا یونین کی اڑ میں سرانجام دیا جارہا تھا سو اب کی بار اگر حکومت وقت ایسا کچھ کرنے کا ارادہ رکھتی ہے تو اسلامک یونیورسٹی کے حالیہ واقعے اور ماضی کے تلخ تجربات کو دوبارہ وقوع پذیر ہونے سے روکنے کےلیے واضح اور دو ٹوک اور سیدھا ٹھوک کی بنیاد پر قوانین ضرور بنائے جس کے تحت ہر نتھو گیرے کو لگام ڈالی جاسکے اور ہر طبقے کو کھل کر اپنی نمائندگی کرنے کا حق فراہم کیا جائے۔
اب واقعے کے تیسرے پہلو کی طرف وہ یہ کہ جناب سراج الحق سے لے کر ادنی سے جماعتی کارکن تک نے طفیل کی شہادت کا دکھ اپنے دکھ کی طرح محسوس کیا مگر معذرت کے ساتھ جماعت اسلامی کی مرکزی قیادت یا جمیعت کے کسی مرکزی ذمہ دار نے اس واقعے کو اپنے خوفناک ماضی سے جوڑ کر ہی دیکھا ہو یا اسے اپنی “ہولڈ بڑھاؤ، راج کرو” پالیسی کا شاخسانہ قرار دیا ہو کیونکہ جمیت جس کی بنیاد (خالص اسلامی اقدار اور پاکستانیت کی ترویج) پر رکھی گئی تھی اور بڑے بڑے نام اور صد عالی مقام لوگ اس کی تربیت سے پیدا ہوئے اور آج بھی بڑے محترم لوگ اس کی تربیت کا منہ بولتا ثبوت ہے مگر گزشتہ کئی سالوں سے جمیت کا بدلتا ہوا رویہ اور اس کے خمیر میں چھپی ہوئی شر انگیزی (جو ماضی میں بھی رنگ دکھاتی رہی ہے) بڑی خطرناک سطح پر پہنچ چکی ہے جس سے ناصرف کسی دور کی تن تنہا واحد طاقتور طلبا تنظیم کا “تنظیمی ڈھانچہ” بری طرح متاثر ہوا ہے بلکہ عوام الناس میں اس کی ساکھ بھی بری طرح متاثر ہوئی اور ماضی میں جمیعت کے ساتھ جڑ کر اسلام کے رنگ میں رنگنے کا عزم رکھنے والے طلبا آج صرف بدمعاشی، سٹیٹس اور جاہ جلال کے حصول کے لیے اس کی سرپرستی حاصل کرتے نظر آتے ہے اور شنید یہ کہ ذمہ دارانِ جمیت باقاعدہ اس عمل پر طلبا کی حوصلہ افزائی اور شہ فراہم کرتے ہیں اگر اس بات کو سمجھنا ہو تو میں لمبا چوڑا ماضی کنگھالنا نہیں چاہوں گا بلکہ حال ہی کے صرف دو واقعات عرض کرتا ہو جس کا شاہد “راقم الحروف” خود ہے سن دوہزار سترہ پنجاب یونیورسٹی لاہور میں جمیت اور پختون طلبا یونین میں ٹاکرا ہوا وجہ جو بھی تھی مختصر یہ کہ راقم کے کالج (سائنس کالج وحدت روڈ ) سے جمیعت نے تھوک کے حساب سے طلبا کو احتجاج کے نام پر اکھٹا کیا اور “موڑ بھیکیوال” پر جمع ہوکر یہ احتجاج خوف ناک تصادم میں تبدیل ہوگیا اور مخالفین کے ساتھ ساتھ پنجاب پولیس کے جوانوں کو بھی “میدان کارزار “
میں خوب رگڑا لگایا گیا اور عالی قدر دوسرا واقعہ چند دن پہلے کا ہے زرعی یونیورسٹی فیصل آباد میں “کشمیر پروگرام” کے حوالے سے باقاعدہ اجازت کا مشورہ عنایت کرنے پر جمیعت کے جانبازوں نے سٹوڈنٹ افیئرز کے پرنسپل کو ٹھڈوں، مکوں اور دھکوں سے اپنی بادشاہت میں مفت مشورہ دینے کی سزا فراہم کی۔ واقعات تو اور بھی بہت ہیں، مگر میں یہ جاننا چاہتا ہوکہ ان واقعات کی وجہ کیا ہے؟ جو مجھے سمجھ آتی ہے کہ ایسے واقعات جو ملک بھر کی تمام چھوٹی بڑی یونیورسٹیوں میں آئے دن رونما ہوتے رہتے ہے (جن میں ہمیشہ کی طرح دونوں فریق ہی قصور وار ثابت ہوتے ہے ) تن تنہا اور عظیم جمیعت کا ہرتنظیم کو اپنے مقابل جاننا اور اس کے پلیٹ فارم سے منعقدہ کسی بھی پروگرام کو بدہضمی کی شکایت کی نظر سے دیکھنا ہے اور پھر جب یہ شکایت شدید پیٹ درد کی وجہ بنے تو پھر تمام تر میڈیسن سے لیس ہوکرمخالفین پر چڑھ دوڑنا ہے اور نتیجۃ مخالف گروہوں کی جانب سے بھی موقع ملتے طفیل شہید جیسے واقعات رونما کردینا ہے!

لہذا میری جماعت اسلامی کی محنت کش قیادت سے درمندانہ اپیل ہے کہ مقابل سے مقابلہ کی سوچ کو ترک کرکے برداشت اور طلبا یونین میں ہر طالب علم کو اپنی پسند کی جماعت کو چننے کا پرامن حق فراہم کیا جائے اور اپنے ناظمین کو ہرکسی کی نمائندگی کو قدر کی نگاہ سے دیکھنے کا مخلصانہ مشورہ عنایت کیا جائے بلکہ آپ کو چاہیے کہ اپنے کارکنان کو ان کی شاندار بنیاد (جس پر کام کھڑا کرنے کا خواب شرمندہ تعبیر نہیں ہوسکا) پر یہ ہدف دیجیے کہ بھائی آپ طلبا کو احسن انداز سے ہر اس گروہ میں شمولیت سے روکیں جہاں ان کا تعلیمی کئیریر برباد ہو، ملک و قوم کی خدمت کے عزم کو زک پہنچے اور گھر والوں کی امیدوں پر بھی پانی پھرنے کا سبب ہو ،لیکن اگر آپ کا یہی رویہ رہا جو بدستور جاری ہے تو پھر طلبا یونین کی بحالی فقط آپ کی عالی شان ،خود مختار سلطنت کو حمایتِ سلطان کا سرٹیفکیٹ جاری کرنے سے زیادہ کچھ نہیں اور گو کہ اس امر سے آپ کی بدمعاشی کو سند فراہم ہوجائے گی اور طلبا اسلام کی نام نہاد رکھوالی جماعت سے سندِ غنڈہ گردی حاصل کرتے رہیں گے اور نتیجہ کے طور پر دیگر جماعتیں نامناسب نمائندگی کا رونا روتی رہیں گی اور ردعمل کے طور پر کتنے ہی جماعتی و دیگر تنظیمی “طفیل” اس معمولی اقتدار کی چاہ کی بھینٹ چڑھتے رہیں گے۔
لہذا وقت ہے کہ ان واقعات سے جماعتی کارکنان بالخصوص اور دیگر تنظیمی جیالے سبق حاصل کرکے اپنا قبلہ درست کرلیں اور حکومت وقت بھی ایسے واقعات کی روک تھام کےلیے سخت سے سخت قوانین متعارف کروائے تاکہ نہ تو طلبا کی پڑھائی کا حرج ہو اور اگر وہ تنظیمی لائف کو انجوائے کرنے کےلیے کسی کے ساتھ منسلک ہونا چاہے تو ان کو واضح سوجھ بوجھ ہوکہ وہ جس کا انتخاب کرنے جارہے ہے وہ طلبا کی راہنمائی اور انہیں خالص اسلامی فکر دینے یا خالص پاکستانی بنانے کا ایک پلیٹ فارم ہے یا پھر طلبا تنظیم کی شکل میں لسانی ،صوبائی اور دیگر بنیادوں پر کھڑا ہوا تخریب کار گروہ ہے جس سے وہ کئی مذموم مقاصد میں آلہ کار بن کے رہ جائیں گے۔