Category: سیاست

عمران خان وہ انسان ہیں جن کی ساری زندگی بطور ہیرو گزری 19 سال کی عمر میں آپ نے کرکٹ کے میدان میں قدم رکھا ہاں آغاز اچھا نہیں ہوا لیکن عمران خان نے تو جدوجہد کرنا سیکھا تھا تو یہاں سے عمران خان کی جدوجہد کا آغاز ہوتا ہے عمران خان ٹیم سے باہر ہونے پر ہمت نہیں ہارتا بلکہ اپنے کھیل میں موجود خامیوں کو دور کرنے میں لگ جاتا ہے اور اس میں کامیاب ہو جاتا ہے اس بات کا ثبوت یہ ہے کہ جب عمران خان واپس ٹیم میں آتا ہے تو ایک قابل رشک کھلاڑی بن چکا ہوتا ہے باؤلنگ ہو یا بیٹنگ یا چاہے فیلڈنگ کی بات ہو ہر میدان میں عمران خان کا ڈنکا بجتا ہے اب والا عمران خان پرانے والے عمران خان سے بہتر ہوتا ہے عمران خان اپنے اندر ایک عظیم کھلاڑی پیدا کرنے میں کامیاب ہو جاتا ہے

عمران خان اپنے آپ کو ایک عظیم کھلاڑی منوا لیتا ہے اس کے بعد وہ وقت آتا ہے جو عمران خان کی پہچان ہے جی یہ وقت عمران خان کی کپتانی کا ہے آج بھی عمران خان کو شاندار کپتانی کی وجہ سے کپتان کہا جاتا ہے دنیا عمران خان کو بہترین کپتان مانتی ہے عمران خان نے اپنے دور کپتانی میں شاندار قیادت کا مظاہرہ کیا ہے عمران خان نے اس وقت کی ویسٹ انڈیز کرکٹ ٹیم جو بہترین تھی اسے ہرا کر دکھایا انگلینڈ میں انگلینڈ کرکٹ ٹیم کو ہرا کر دکھایا آسٹریلیا میں آسٹریلیا کو شکست دے کر بتایا کہ ہم جیتنا جانتے ہیں اور سب سے بڑی بات بھارت کو بھارت میں دھول چٹا کر بتایا کہ ہم اپنی تاریخ خود لکھتے ہیں

عمران خان 1987ء کے ورلڈ کپ میں پاکستان کو سیمی فائنل تک پہنچا دیتے ہیں لیکن بد قسمتی سے ہم آسٹریلیا سے سیمی فائنل ہار جاتے ہیں عمران خان کرکٹ کے میدان سے استعفیٰ دینے کا اعلان کرتا ہے لیکن اس وقت کے صدر کے کہنے پر عمران خان واپس کرکٹ کے میدان میں آتا ہے اب کی بار عمران خان کی آنکھوں میں شوکت خانم ہسپتال بنانے کا خواب بھی بس چکا تھا عمران خان کو پتہ تھا اگر ورلڈکپ جیتے تو شوکت خانم ہسپتال بنانے میں کوئی دشواری پیش نہیں آۓ گی لہذا اب ایک تیر سے دو شکار کرنے تھے لیکن ورلڈ کپ سے تھوڑا پہلے ہی پاکستان کے اہم کھلاڑی وقار یونس اور سعید انور زخمی ہو کر ٹیم سے باہر ہو جاتے ہیں
یہ بات بھی عمران خان کا یقین نہیں توڑ سکی عمران خان نئے کھلاڑیوں کو ٹیم میں لاتے ہیں سیلیکشن کمیٹی سے لڑ کر انضمام الحق کو ٹیم میں لاتے ہیں یہاں سے ورلڈکپ کی جدو جہد کا آغاز ہوتا ہے آغاز کچھ اچھا نہیں ہوا شروعات میں شکست ہوئی لیکن عمران خان پاکستان ٹیم کو بتاتے رہے یہ ورلڈ کپ ہمارا ہے ہمیں کوئی نہیں ہرا سکتا ٹیم کے لیے یہ نعرہ امید کی کرن ثابت ہوتا ہے اور ہر کھلاڑی جیت حاصل کرنے میں لگ جاتا ہے پاکستان سیمی فائنل میں پہنچ جاتا ہے یہاں عمران خان کا انتخاب انضمام الحق ثابت کرتا ہے کہ عمران خان کا انتخاب بالکل صحیح ہوتا ہے کیوں کہ اس میں سفارش کا عمل دخل نہیں ہوتا انضمام الحق اپنی شاندار کارکردگی سے پاکستان کو فائنل میں پہنچا دیتا ہے فائنل میں پاکستان کا مقابلہ انگلینڈ سے ہوتا ہے عمران خان کارنرڈ ٹائیگر شرٹ پہنے ٹاس کے لیے میدان میں اترتا ہے اور ٹاس جیت کر پہلے بیٹنگ کا فیصلہ کرتا ہے پہلے کھلاڑی آؤٹ ہونے کے بعد حیران کن طور پر عمران خان خود میدان میں اترتا ہے اور شاندار ففٹی اسکور کرتا ہے عمران خان کی شاندار بنیاد کا باقی ٹیم فائدہ اٹھاتے ہوئے شاندار اختتام کرتی ہے
باؤلنگ کا وقت آتا ہے تو وسیم اکرم ہیرو قرار پاتا ہے ایک ساتھ دو آؤٹ کر کے میچ پورے طریقے سے پاکستان کے ہاتھ میں کر دیتا ہے آخر پر عمران خان وکٹ لے کر پاکستان کو فاتح بناتا ہے یوں پاکستان عمران خان کی قیادت میں پہلا کرکٹ ورلڈ کپ جیتتا ہے

اس کے ساتھ ہی شوکت خانم ہسپتال بنانے کی جدو جہد کا آغاز ہوتا ہے اور عمران خان دنیا بھر کے بڑے ناموں کو کمپیئن میں لاتا ہے اس سلسلے میں سب سے بڑا نام نصرت فتح علی خان صاحب ہیں جو شوکت خانم ہسپتال کے لیے ہمیشہ خان صاحب کے ساتھ رہے عمران خان لوگوں کے ساتھ مل کر شوکت خانم ہسپتال بنانے میں کامیاب ہو جاتے ہیں عمران خان نے نا صرف شوکت خانم ہسپتال بنایا بلکہ اسے دنیا کا بہترین ہسپتال بنا کر دکھایا اور لاکھوں ماؤں کی دعا حاصل کی
ابھی کے لیے اتنا کافی ہے سیاست کے میدان میں عمران خان کی کامیابیاں بیان کرنے کے لیے الگ سے تحریر کی ضرورت ہے انشاء اللہ بہت جلد عمران خان کی سیاست پر بھی تحریر لکھوں گا

صحافت اور سیاست بنیادی طور پر دو الگ الگ اور ایک دوسرے سے یکسر مختلف شعبے ہیں۔

سیاست کا مقصد اقتدار میں آ کر خدمت خلق ہے اور عوام کے پیسے کے جائز استعمال سے عوام ہی کا معیار زندگی بہتر بنانا ہے۔

جبکہ صحافت کا مقصد باوثوق ذرائع سے حقائق عوام تک پہنچانا،اور چھان بین کر کہ سچ کو جھوٹ سے الگ کرنا ہے۔بیشر جرائم اور عوامی دولت میں خرد برد پر اداروں کو جھنجھوڑنا بھی صحافی کے فرائض میں شامل ہے۔

لیکن سیاست اور صحافت کا چولی دامن کا ساتھ ہے۔صحافت کے بغیر سیاست ممکن نہیں اور سیاست کے بغیر صحافت،

سیاستدان صحافیوں کے کڑے سے کڑے سوالات کے جوابدہ ہوتے ہیں اور اپنا یا اپنی سیاسی پارٹی کا موقف میڈیا کے ذریعے بآسانی عوام تک پہنچاتے ہیں۔

لیکن بدقسمتی سے آج کل پاکستان میں سیاست اور صحافت کو الگ کرنا مشکل ہو گیا ہے۔

صحافت کا لبادہ اوڑھے چند صحافی حکومتی جب کہ چند اپوزیشن کے ترجمان بنے دکھائی دیتے ہیں۔جن کا مقصد صرف اور صرف چند سیاسی پارٹیوں کی ترجمانی کرنا اور حقائق توڑمروڑ کر پیش کرنا ہے۔کسی بھی سیاسی شخص کی کوئی بھی ذاتی یا سیاسی زندگی کے حوالے سے آنے والی خبر کا سب سے پہلے دفاع کیا جاتا ہے۔

گزشتہ دنوں نواز شریف اور مریم نواز کے ترجمان محمد زبیر کی متنازع ویڈیو منظر عام پر آنے کے بعد سب سے پہلے چند صحافیوں نے ان کا دفاع کرتے ہوئے اس کے غلط ہونے کی خبر دی۔گو کہ سوشل میڈیا صارفین کی جانب سے انہیں بھرپور تنقید کا سامنا کرنا پڑا مگر صحافی سیاستدانوں کی چمچہ گیری سے باز نہیں آتے۔

ایسے ہی کئی صحافی وقت گزرنے کے ساتھ ساتھ صحافت کو خیر آباد کہہ کر سیاست میں قدم رکھ لیتے ہیں۔اور انہیں مختلف سیاسی عہدوں سے نوازا جاتا ہے۔

پاکستان میں اس کا آغاز پچاس کی دہائی میں ایک انگریزی اخبار کے ایڈیٹر الطاف حسین نے کابینہ میں شامل ہو کر کیا۔ بھٹو مرحوم کے دور میں انگریزوں اخبار سے وابستہ ایک اور صحافی نسیم احمد وفاقی سیکرٹری اطلاعات مقرر ہوئے اور اور اس منصب پر فرائض سر انجام دیتے رہے اسی دور میں مرحوم کوثر نیازی وزیر حج اور اطلاعات رہے جب کہ حنیف رامے بھی پیپلز پارٹی میں شامل ہوئے اور پنجاب کے وزیر اعلیٰ بن گئے۔

آج کل اس سلسلے نے ایک نیا رخ اختیار کر لیا ہے،صحافیوں کی سیاسی جماعتوں سے وابستگیاں بڑھتی جا رہی ہیں،جس کے لئے وہ اپنے پیشے سے بھی بے ایمانی کرتے ہوئے جھوٹ اور سچ میں تفریق نہیں کرتے،اس کی بنیادی وجہ یہ ہے کہ جب اقتدار کے مزے سیاستدان لوٹتا ہے تو ان نام نہاد صحافیوں کو بھی اس میں حصہ دیا جاتا ہے۔

سرکاری دوروں میں من پسند صحافیوں کو ساتھ لے جانا ہو یا چیئرمین پیمراو پی سی بی کے عہدوں سے نوازنا ہو، عوام کے پیسے کی تباہی میں ان نام نہاد صحافیوں نے بھی ہاتھ دھوئے ہیں جس کا قرض وہ آج تک اپنے قلم یا اپنی زبان سے ان کے ترجمان بن کر ادا کرتے ہیں۔

چند غیر جانبدار اور پائے کے صحافیوں کو اب آگے آنا ہو گا اور اپنے اس پیشے کو بد نامی سے بچانا ہو گا،صحافت کا لبادہ اوڑھے ان کالی بھیڑوں کو پہچانیں اور انہیں بے نقاب کریں تا کہ آئندہ ہر صحافی غیر جانبدار ہو کر حقائق عوام کے سامنے رکھے۔سیاسی جماعتوں کاموقف لیا جائے لیکن صرف ایک سیاسی جماعت کا دفاع اور دوسری پر تنقید ایک صحافی کی صحافت کو متنازع بنا دیتی ہے۔اب گنے چنے چند ایک ناموں کے علاوہ ہر صحافی متنازع بن چکا ہے۔نامور صحافیوں کو اس کا ادراک ہونا چاہیے اور اس پیشے کو سیاست میں آنے کی آسان سیڑھی بننے سے روکنا چاہئے۔

@sam_rahmughal

میڈیا کسی بھی ملک کا ایک اہم ستون سمجھا جاتا ہے کیونکہ معاشرے کے نکھار اور بگاڑ میں میڈیا کا کلیدی کردار ہوتا ہے کہ جب تک یہ لوگ بلا کسی حیل و حجت کے معاشرے کی برائیوں کی نشان دہی کرتے رہتے ہیں تب تک اس اہم ستون کی اہمیت برقرار رہتی ہے لیکن جیسے ہی یہ تفرقہ شروع کر دیں اور چاپلوسی پر اتر آئیں تو اپنی ساکھ اور اہمیت کھو دیتے ہیں۔

میں اپنی اس بات کو کچھ سادہ مثالوں سے ثابت کروں گا کہ کیسے کچھ نام نہاد صحافیوں نے صحافت کا لبادہ اوڑھ کر دوسروں کے ایجنڈے پر کام کیا۔ ن لیگی دور حکومت میں عائشہ گلالئی جو کہ تحریک انصاف کی مخصوص نشستوں پر ایم این اے بن کر اسمبلی میں براجمان تھیں تو نہ جانے کس کی ایماء پر اس نے اس وقت من گھڑت کہانی میڈیا کے سامنے پیش کر دی کہ کیسے عمران خان اور اس کے موبائل پر پیغام بھیجتے ہیں اور اس کو ہراساں کرنے کی کوشش کرتے ہیں۔ بس اس کی پریس کانفرنس کرنے کی دیر تھی کہ میڈیا کی بھیڑیں بغیر کسی ثبوت کے عمران خان پر چڑھ دوڑے اور روزانہ رات کے ٹاک شوز میں عدالتیں لگتیں اور روزانہ عمران خان کو سزا دینے کے متلاشی نظر آتے۔ اور تو اور ایک بڑے تگڑے صحافی نے یہ تک کہہ دیا کہ اس نے گلالئی کے موبائل میں عمران خان کے پیغامات دیکھے ہیں جس کو دیکھنے کے بعد وہ س نتیجے پر پہنچا ہے کہ گلالئی کے الزامات میں صداقت ہے۔ ہر طرف ایک طوفان بدتمیزی برپا تھا اور روزانہ کی بنیاد پر اس کی پگڑی اچھالی جاتی لیکن نہ تو کوئی ثبوت عدالتوں میں پیش کیا گیا اور نہ ہی کوئی سزا ہوئی اور سب ڈرامہ وقت کے ساتھ ساتھ ختم ہو گیا لیکن ان نام نہاد صحافیوں نہ کبھی شرم آئی کہ اپنے کیے ہوئی پروگرامز پر معافی ہی مانگ لیتے اور نہ ہی گلالئی اس کے بعد منظر عام پر آئیں کہ اس خاتون نے پیسوں کی خاطر اپنی عزت تک داؤ پر لگا دی۔ یہ کوئی پہلا واقع نہیں تھا کہ مخالفین نے عمران خان کو نیچا دکھانے کے لیے ایسے اوچھے ہتھکنڈے استعمال کیے کیونکہ اس سے پہلے یہودی ایجنٹ کا نعرہ بھی لگایا گیا اور ریحام خان کی قسط بھی سب کو یاد ہے کہ کیسے مطلقہ ہونے کے بعد اس نے عمران خان کی کردار کشی کی اور اب تک کر رہی ہے لیکن کمال کا حوصلہ اور ہمت ہے عمران خان میں کہ کبھی مخالفین کو ان کی طرح جواب نہیں دیا۔ عائشہ گلالئی اور ریحام خان نہیں انتہائی غلیظ الزامات لگائے اور روزنہ کی بنیاد پر لگاتیں تھیں لیکن خان صاحب نے کبھی ان کو جواب دینا بھی مناسب نہ سمجھا بلکہ اپنے ساتھیوں کو بھی ان کی زبان میں جواب دینے سے منع کیا۔

اب آ جاتے ہیں اور تازہ واقع کے اوپر کہ کچھ دن قبل سابقہ ن لیگی گورنر اور پاکستان مسلم لیگ ن کا اہم رہنما زبیر عمر کی نازیبا ویڈیوز وائرل ہوئیں جس میں گورنر صاحب کی خواتین کے ساتھ رنگرلیوں کو ہر کسی نے دیکھا کہ کیسے اپنی بیٹیوں کی عمر کی لڑکیوں کے ساتھ ان کو نوکری اور پتہ نہیں کیا کیا جھانسا دے کر اپنے بستر کو گرم کرتے رہے۔ بہت ہی چونکا دینے والی ویڈیوز تھیں اور میڈیا کے لیے بہت بڑی خبر بھی تھی لیکن چونکہ یہ عمران خان نہیں تھا لہذا نہ تو کوئی ٹاک شو ہوا اور نہ اس بار کوئی بھی صحافی ان غریب لڑکیوں کی آواز بنا جو اس درندے نما انسان کی حوس کا نشانہ بنیں۔

اگر خدانخواستہ یہ ویڈیوز عمران خان یا کسی تحریک انصاف کے رہنما کی ہوتیں تو اب تک ان نام نہاد صحافیوں نے لڑکیوں کی مشک کو پہچانتے ہوئے کئی پروگرام کر لیے ہونے تھے لیکن چونکہ یہ ن لیگی رہنما کی ویڈیوز ہیں تو نہ تو کوئی لڑکی کے گھر تک پہنچا اور نہ ہی کسی صحافی نے زبیر عمر سے سوال پوچھنے یا اس کے خلاف پروگرام کرنے کی جسارت کی بلکہ کچھ خاتون صحافیوں سمیت بعض صحافیوں نے تو باقاعدہ اس کا ساتھ دیا کہ سوشل میڈیا صارفین بہت تنقید کر رہے تھے تو کچھ صحافی حضرات باقاعدہ طور پر زبیر عمر کے ترجمان کے طور پر اس کا دفاع کر رہے تھے جو کہ انتہائی حیران کن بات ہے۔

تو قارئین آپ نے دیکھا کہ ہمارے میڈیا اور خاص طور پر الیکٹرانک میڈیا میں کیسے منافقت کی جاتی ہے اور صرف وہی خبریں مرچ مصالحے ڈال کر سنائی جاتی ہیں جن کے بدلے میں بہت سے مالی فوائد میسر ہوں۔ صحافت ایک مشکل پیشہ ہے ان لوگوں کے لیے جو محنت کرتے ہیں اور معاشرے کی اصلاح کے لیے کام کرتے ہیں لیکن آج کل کے صحافیوں نے اس پیشے کو بدنام کر کے رکھ دیا ہے کیونکہ وہ صحافی صرف اور صرف پیسے کو اپنے خدا سمجھ بیٹھے ہیں۔ دعا ہے کہ اللہ پاک انہیں اپنے پیشے کے ساتھ انصاف کرنے کی توفیق دے۔ آمین۔ 

Twitter handle: @babarshahzad32

برصغیر پاک و ھند پر صلیبی سامراج کے قبضے کے تحت Colonialism کا بہت اثر رہا عام رعایا اور خواص کے درمیان بہت زیادہ فاصلہ تھا جو کہ قیام پاکستان اور ھندوستان کے بعد بھی جاری رہا اور آج بھی اسکے اثرات دونوں ممالک پر بدرجہ اتم موجود ہیں۔
برطانیہ کا رائج شدہ پارلیمانی جمہوری نظام ھند و پاک میں بھی اپنایا گیا جو کہ اپنی اچھی یا بری حالت میں چل رہا ہے ۔عوام کو اپنے شہروں میں مختلف جماعتوں کے ٹکٹ ہولڈر کو ووٹ دینا ہوتا ہے جسکی بنیاد پر وہ پارلیمنٹ میں جاکر اپنی پارٹی کے شخص کو ووٹ کرکے لیڈر آف ہاوس منتخب کرتے ہیں اور وہی ملک کا وزیر اعظم بنتا ہے۔
یہ نظام پوری طرح ڈلیور نہیں کرپا رہا ۔
کیوں ؟ اسکی چند اہم وجوہات ہیں
1۔ ایک پارٹی کا سربراہ نیک ایماندار ہے لیکن اس شخص نے اپنا ٹکٹ کسی ایسے شخص کو دیا ہے جو چور ہے رسہ گیر اپنے علاقے میں مشہور ہے اور لوگوں پر اسکا خوف ہے تو وہ electable کہلاتا ہے اور وہ جیت جاتا ہے ۔ ایسے میں وہ شخص پارلیمنٹ میں پہنچ گیا اس نے اپنے ذاتی مفادات کا تحفظ کرنا ہے عوام کو کچھ نہیں ملنا ۔
2۔ کوئی ایسا پارٹی لیڈر جو کرپٹ ہے چور ہے لیکن اسکا ٹکٹ ہولڈ نیک اور ایماندار ہے ۔ اب کیا اس ٹکٹ ہولڈر کو ووٹ دیا جائے جسکی وجہ سے کرپٹ شخص حکمران بن سکتا ہے ؟ ظاہر ہے یہ ایک گھمبیر مسئلہ ہے۔
3۔ اس نظام میں electable کافی اہمیت رکھتے ہیں جو الیکشن سے پہلے چلنے والی ہوا کا رخ دیکھ کر اسکے ساتھ جانے کا فیصلہ کرتے ہیں اور جیتنے کے بعد ہمیشہ اقتدار میں رہ کر اپنا لوٹ مار تھانہ کلچر کرپشن رشوت کا بازار گرم رکھتے ہیں اور حکومتوں کو بلیک میل کرتے ہیں ۔ انکو ہم electable مافیا کہہ سکتے ہیں۔
4۔ پاکستان جیسے ملک میں وڈیرہ شاہی اور اثر رسوخ والے امیر اور جدی پشتی سیاسی لوگوں کو زیادہ پذیرائی دی جاتی ہے۔ کوئی ایسا شخص جو کہ پڑھا لکھا ہو اور سماج میں کچھ بہتری لانے کے لیے عملی سیاست میں حصہ لینا چاہتا ہو تو اسکے لیے اول تو کسی پارٹی کے اندر جگہ بنانا بہت مشکل ہے اور اگر سفید پوش شخص ہے تو اور بھی زیادہ مشکل ہوجاتا ہے کہ وہ سیاست کو وقت دے یا اپنے روزگار یا کاروبار کو ۔ ایسا شخص آزاد حیثیت سے الیکشن لڑنے تو جیتنا ناممکن ہے کیونکہ الیکشن جیتنے کے لیے ذاتی ووٹ کے ساتھ ساتھ پارٹی ووٹ بھی چاہیے ہوتا ہے۔
5۔ کسی ایسے شخص کو جوکہ صاف ستھری شخصیت والا کم پیسے والا ہو اسکو ٹکٹ مل جائے اور اسکے مقابلے میں کوئی بدمعاش غنڈہ کو ٹکٹ مل جائے تو لوگ ووٹ کسی شریف آدمی کی بجائے بدمعاش غنڈے کو دینا پسند کرتے ہیں کیونکہ اسکا علاقے میں خوف ہوتا ہے اور وہ تھانے میں پرچہ ، زمین پر قبضہ اور دیگر دھمکیوں کی وجہ سے لوگوں پر اثر رکھتا ہے ۔ ایسے لوگوں کے ڈیروں پر کریمنل اور کرپٹ حضرات کا اکثر ڈیرہ رہتا ہے جو کہ اس سیاست دان کے لیے ہر اچھا برا کام بھی کرتے ہیں اور علاقے کا SHO بھی اس سے ملا ہوا ہوتا ہے۔ ایسی پریکٹس اکثر دیہاتی اور پسماندہ علاقوں میں بہت زیادہ کی جاتی ہے جوکہ پاکستان کا بیشتر حصہ ہے۔
6۔ الیکشن سے پہلے ووٹ خریدے جاتے ہیں فی شناختی کارڈ 1000 روپے کا ووٹ کا ٹرینڈ تو کافی علاقوں سے رپورٹ ہوا ہے ۔ الیکشن سے پہلے 10 سے 15 ہزار لوگ ایسے غریب لوگ جو کہ ووٹ بیچنا چاہتے ہیں ضرور مل جاتے ہیں جو کہ 1000 روپے نقد لیکر حلف دیتے ہیں کہ ہم ووٹ ڈالیں گے ۔ اب اس پری پول دھاندلی کا کوئی سدباب نہیں ہے۔
7 ۔ ملک کے اکثر بالخصوص دیہاتی اور پسماندہ علاقوں میں ہر محلے قصبے یونین کونسل پر ایک ایسا شخص موجود ہوتا ہے جو اس علاقے کا سو کالڈ بڑا ہوتا ہے وہ اس علاقے کی ہر خوشی غمی میں شریک رہتا ہے اور انکے تمام انتظامی و دیگر حکومتی مسائل میں انکا ساتھ دیتا رہتا ہے گلی محلے کے چھوٹے موٹے کاموں میں لوگوں کی ھیلپ کرتا رہتا ہے( مقامی MNA یا MPA کی مدد اور تعاون سے ) تو الیکشن دنوں میں وہ اپنے علاقے میں ٹکٹ ہولڈر سے پیسے لیکر جلسے بھی منعقد کرواتا ہے اور الیکشن دنوں میں ووٹ کے نام پر پیسہ اور مراعات بھی لیتا رہتا ہے۔ وہ شخص اس علاقے کی قسمت کافیصلہ کرتا ہے اور اکثر لوگ اسکے کہنے پر بھی ووٹ ڈالتے ہیں۔
8۔ ہمارے سامنے بے شمار ایسی مثالیں موجود ہیں کہ الیکشن دنوں میں امیر "ترین” لوگ کیسے کروڑوں روپے خرچ کرتے ہیں یونین کونسل لیول پر اثر رکھنے والوں کو جو زیادہ بڑے ہوتے ہیں انکو 1300 CC گاڑیاں ، ان سے کم اثر رکھنے والوں کو 800 cc گاڑیاں اور جانفشانی سے کام کرنے والے لوگوں کو موٹرسائیکل تک گفٹ کرتے ہیں تاکہ وہ لوگ زور لگا کر الیکشن لڑیں اور ووٹر کو جیسے تیسے منائیں اور الیکشن کے دن لوگوں کو نکال کر پولنگ بوتھ لیکر جائیں اور جب شام کو رزلٹ آئے تو اپنے ٹکٹ ہولڈر کو اپنے علاقے یا محلے یا پولنگ بوتھ کا رزلٹ دے سکیں اور اقتدار میں آنے کے بعد مزید قریب آکر مزید مزے کرسکیں ۔
9۔ بےشمار علاقے بالخصوص اندرون سندھ میں ایسے ہیں جنکا تعلیمی معیار اتنا ہے یا انکو آگہی اتنی ہوتی ہے کہ وہ اپنے ملک کے صدر کا نام تک نہیں جانتے ہوتے اور الیکشن کے دن پر انکو گاڑیوں میں بھر بھر کر لے جایا جاتا ہے اور کہا جاتا کہ بس اس نشان پر ٹھپہ لگانا ہے اور وہ بغیر کسی چوں چراں کے ٹھپہ لگا کر آتے ہیں ۔ اور ساری زندگی نعرے لگاتے گزر جاتی ہے کہ فلاں زندہ ہے اور فلاں جیوے۔ سالہا سال سے یہ پریکٹس جاری ہے اور انکی ابتر حالت کبھی بھی نہیں بدلی نہ پینے کا صاف پانی میسر ہے نہ علاج کی سہولیات اور نہ ہی بچوں کو سکول مہیا ہیں۔
10۔ ہمارے پارلیمانی نظام سے فائدہ اٹھانے والے حکمرانوں نے ایک بات بہت پہلے سے سمجھ لی تھی کہ پاکستان کو خواندگی اور آگہی کی طرف نہیں لیکر جانا ۔ عوام کی جہالت اور کم علمی ہی انکو لیڈر بنانے میں سب کلیدی کردار ادا کرے گی ۔ جو شناختی کارڈ کے عوض ووٹ بیچ سکیں ، جو فقط بریانی کی پلیٹ پر ووٹ ڈال سکیں، جو کرپٹ حکمرانوں کے بارے میں یہ رائے رکھیں کہ کھاتا ہے تو لگاتا بھی تو یے ، جو خوف اور دہشت کی وجہ سے ووٹ دے سکیں ، جو علاقے پر اثر رسوخ رکھنے کی وجہ سے ووٹ دے سکیں ایسے لوگ یقینا” پڑھے لکھے تعلیم یافتہ نہیں ہوسکتے ۔ اسلیے جان بوجھ کر لوگوں کو ان پڑھ رکھا جاتا رہا تاکہ انکے اقتدار کو طول مل سکے۔

11۔ ہر 3 سال بعد جب سینیٹ کا الیکشن آتا ہے تو یہی MNA اور MPA اپنی بولی لگواتے ہیں، اپنے ضمیروں کا سودا کرتے ہیں اور ایسے لوگوں کو ووٹ دیتے ہیں جو زیادہ پیسے خرچ کرتا ہے اور زیادہ اچھی بولی لگاتا ہے ۔

پاکستان کو صدارتی نظام زیادہ سوٹ کرتا ہے جس میں عوام کو اپنے شہر کے کرپٹ یا ایماندار شخص کو ووٹ دیکر اپنے ملک کی قسمت کا فیصلہ انکے ہاتھ میں نہیں دینا ہوتا جو پارلیمنٹ میں جاکر اپنا ووٹ بیچ کر نجانے کس کو ہم پر مسلط کرنے میں اپنا کردار ادا کرتا ہے عوام براہ راست لیڈر کا انتخاب کرتی ہے جو کہ اصل جمہوریت ہے اور بقول مرحوم مولانا ڈاکٹر اسرار احمد صدارتی نظام اسلامی شرعی نظام سے قریب تر اور پارلیمانی نظام سے بہتر ہے ایسا شخص جسکو عوام نے ڈائریکٹ ووٹ دیکر منتخب کیا وہی شخص عوام کی اصل نمائندگی کا حقدار ہے اور وہی اس مملکت خداداد اور عوام کے لیے بہتر کام کرسکتا ہے۔ مفلوج و ناکارہ پارلیمانی نظام کے تحت بہتری کی گنجائش بہت کم ہے اس نظام کو کرپٹ ایلیٹ جو کہ پیسے کی بدولت اقتدار کے ایوانوں کا حصہ بنتی ہے اپنے کاروبار اپنے خاندان کے لیے کام کرتی ہے ۔ کتنے ہی سیاستدان ایسے آئے جو اقتدار میں آنے سے پہلے تو کم امیر تھے اقتدار میں آنے کے بعد سپر امیر ہوگئے کاروبار جائداد گاڑیاں اتنی زیادہ بنا لیں بیرون ملک جائیداد بنا لی بچے ملک سے باہر رہنے اور پڑھنے لگے۔ بڑے بڑے شوگر و انڈسٹری مافیا ، رئیل سٹیٹ مافیا ،قبضہ گروپ مافیا پیسے کی وجہ سے الیکشن جیت کر پارلیمان میں آئے اور اپنے کرپشن کا دفاع بھی کیا اور مزید فائدہ اور مراعات بھی حاصل کیں۔

پاکستان میں پارلیمانی نظام کی بجائے صدارتی نظام ہونا چاہئے ۔
@EyeMKhokhar

عمران خان صاحب اپنی مشکلات میں اضافہ مت کریں اور سیدھا سیدھا امریکہ کے سامنے لیٹ جائیں، اسرائیل کو تسلیم کریں، بھارت کی شان میں قصیدے پڑھنا شروع کر دیں۔ آئی ایم ایف کے پاس جائیں 10 ارب ڈالر قرضہ لیں 5 ارب سے عیاشی کریں اور ہمیں 5 ارب کی سبسڈی دیں۔ ملک جائے بھاڑ میں قرضہ چڑھتا ہے تو چڑھنے دیں کونسا آپ نے وہ قرض ادا کرنا ہے

آپ کے بہادر فیصلے چند گھنٹے اس قوم کو یاد رہتے ہیں بس۔ ہم غیرت سے جینا تو چاہتے ہیں لیکن اسکی قیمت ادا کرنے کو تیار نہیں۔خدا کے لئے ہمیں غیرت سے جینے کا درس دینا چھوڑ دیں۔ غیرت کی ہمیشہ ایک قیمت ہوتی ہے اور وہ قیمت ہم ادا کرنے کو تیار نہیں.

خان صاحب ہم روشن خیال نہیں راشن خیال ہیں۔ ہم دماغ سے نہیں پیٹ سے سوچنے والی عوام ہیں ۔ آپکی جرات کیسے ہوئ ہمیں خوداری کا سبق پڑھانے کی ہم ہرگز اس کی قیمت ادا کرنے کو تیار نہیں۔۔
ہم سیرت النبی صلی اللہ علیہ وآلہ وسلم کو جانتے ضرور ہیں لیکن ہم سے اس پر عمل نہ ہوگا کیونکہ ہمیں بس دو وقت کی روٹی چائیے اس لیے مہربانی کریں ہمیں آزمائش میں نا ڈالیں۔ ہم نہ تو غیرت سے جینا چاہتے ہیں ، نہ ہمیں کسی اور چیز کی پرواہ ہے۔ ہاں ہم سے بس نعرے لگوا لیں اسرائیل نامنظور، غلامی رسول میں موت بھی قبول ہے۔ لیکن غیرت سے جینا ہمیں نہیں قبول۔

ہم بدنصیب لوگوں کو حقائق سمجھ نہیں آ رہے۔ ہمیں نواز اور زرداری جیسے فرعون ہی سوٹ کرتے ہیں۔ جو بیرونی قرضوں میں سے چند سکوں کی سبسڈی عوام کو دے کر باقی اپنے اکاؤنٹس بھرنے کے لیے واپس لے جاتے ہیں اور یہ عوام کہتی ہے کھاتا ہے تو لگاتا بھی ہے۔ جو عوام خود لٹنے برباد ہونے ملک گروی رکھوانے غلامی برداشت کرنے کو تیار ہے انہیں آپ غیرت کے سبق پڑھا رہے ہیں۔؟؟

دنیا کی فاتح قوموں کی تاریخ اٹھا کر دیکھیں وہ ریاستِ مدینہ ہو یا سلطنت عثمانیہ مٹھی بھر مسلمان جن کے پاس کھانے کو روٹی نہیں پہننے کو اچھا لباس نہیں رہنے کو پکا مکان نہیں وہ غیرت کے اوپر کھڑے ہوتے ہیں تو اللہ انہیں چند سالوں میں آدھی دنیا کی حکمرانی عطا کر دیتا ہے ان عرب کو بدوؤں کے ہاتھوں سلطنتِ روم اور فارس ریزہ ریزہ ہو جاتی ہے۔ زیادہ دور کیوں جاتے ہیں یہ آپ کے پڑوس میں چند ہزار طالبان نے غیرت کے اوپر پوری دنیا سے ٹکر لے لی بیس سال بھوک و افلاس برداشت کی ایک ایک گھر سے دس دس جنازے اٹھائے ہزاروں کو تو کفن دفن تک نصیب نہیں ہوا لیکن وہ ڈٹے رہے لڑتے رہے او بِلآخر فتح یاب ہوئے۔

اس عوام کو سلطان صلاح الدین ایوبی سلطان محمد فاتح خالد بن ولید جیسے عظیم فاتح تو چاہئیے ہیں لیکن خود انہوں نے رتی برابر غیرت ایمانی نہیں دکھانی۔ جان لیں کہ عظیم مقاصد کے لیے عظیم قربانیاں بھی دینی پڑتی ہیں مشکلات تکلیفیں رکاوٹیں آتی ہیں ان حالات سے لڑ کر ہی قومیں عظیم بنتی ہیں دنیا کی تاریخ میں کسی قوم نے بھی بغیر تکلیفوں کے عروج نہیں پایا۔ ابھی تو حالات اور خراب کیے جائیں گے جو آپ نے امریکہ بہادر کو آنکھیں دکھائی ہیں وہ آپ پر اقتصادی پابندیاں لگائے گا ہر محاذ پر آپ کو ضرب لگانے کی کوشش کرے گا عوام نے تب آپ کے ساتھ کھڑے ہونا تو دور خود آپ کو گریبان سے پکڑ کر اقتدار سے نکال دینا ہے اور بخوشی غلامی کا توق گلے میں ڈال کر کہیں گے ہمارے اجداد بھی غلام تھے ہم بھی غلام رہیں گے بے شک علامہ اقبال کہتے رہے ہوں ۔ "اس رزق سے موت اچھی جس رزق سے آتی ہو پرواز میں کوتاہی”۔ لیکن ہمیں روٹی چاہئیے پھر چاہے غلامی کی ہی کیوں نا ہو۔ کیونکہ غیرت سے پیٹ نہیں بھرتا نا ہم غیرت سے جینے کے لیے قربانی دینے کو تیار ہیں۔۔

Twitter @zohaibofficialk

اگر آپ کا آج سکھی ہے تو یقینا آپ کا آنے والا کل دکھی ہوگا 

اگر آپ کا آج دکھی ہے تو یقینا آپ کا آنے والا کل سکھی ہوگا

اللہ تعالی کا فرمان ہے کہ ہر مشکل کے بعد آسانی ہے

میں حکومت پاکستان سے یہ مطالبہ کرتا ہوں کہ وہ سخت سے سخت ترین فیصلے کل کی بجائے آج ہی لے کہیں ایسا نہ ہو کہ آج کا ریلیف کل کو وبال جان بن جائے لہذا میری تو رائے یہی ہے کہ قوم کو سلو پوائزننگ دینے کی بجائے مہنگائی کا چھٹکا ایک ہی دم دے دیا جائے

میرے پاکستانیو اب حقائق کو غور سے پڑھنا

مہنگائی کیوں ہو رہی ہے؟؟

پاکستان تقریبا 80 فیصد اشیاء درآمد کرتا ہے یعنی جو اشیاء ہم باہر کے ملکوں سے خریدتے ہیں تو جب وہ مہنگی ہوتی ہیں تو ہمیں ڈبل قیمت میں ملنے لگتی ہیں مثال کے طور پر اگر ڈالر 150 کا ہو تو ہمیں جو چیز چاہیے مثال کے طور پر اگر ہمیں ایک پینسل چاہیے جس کی قیمت 1 ڈالر ہے 

جب وہ پاکستان آئے گی تو اس کی قیمت 150 روپے ہوگی اور جب ڈالر 150 سے 170 تک جائے گا تو پینسل کی قیمت بھی 150 سے 170 روپے تک چلی جائے گی

عالمی بحران

کورونا نے اس وقت دنیا میں جو معاشی تباہی پھیلا رکھی ہے اگر آپ دنیا کے حالات و واقعات کو میری طرح جان جائیں تو آپ اللہ کا شکر ادا کرتے ہوئے یہ محسوس کریں گے کہ ہم پاکستان میں الحمداللہ سب سے بہتر زندگی گزار رہے ہیں

اب سنیں 

کورونا کے بعد عالمی مارکیٹ میں تیل کی قیمت 0 بیرل پر ڈالر ہو چکی تھی اور آج 80 بیرل پر ڈالر تک پہنچ چکی ہے

تیل کی قیمت عالمی مارکیٹ میں 85 فیصد بڑھ چکی ہے گیس کی قیمت تقریبا 180 فیصد بڑھی اور 1 سال میں کوئلے کی قیمت 200 فیصد سے زائد بڑھی جبکہ 1 مہینے کے دوران تیل کی قیمت عالمی مارکیٹ میں 20 فیصد بڑھی ہے کوئلے اور گیس کی قیمت تقریبا 30 فیصد بڑھی ہے

اس بدترین مہنگائی سے امریکہ یورپ چائنا جیسی معیشتیں ہل کر رہ گئی ہیں پاکستان تو کسی گنتی میں بھی نہیں آتا

امریکہ میں گیس کی قیمت 180 فیصد تک بڑھ چکی ہے یورپ کا برا حال ہے پچھلے دنوں لندن میں پیٹرول کے لیے لمبی قطاریں لگی ہوئی تھی اٹلی اور سپین بجلی کے نرخ بڑھا رہے ہیں جبکہ چائنا نے تو باقاعدہ لوڈشیڈنگ کا اعلان کردیا ہے اور اپنے کارخانوں سے یہ کہہ دیا ہے کہ وہ بجلی کی پیداوار یا تو کم کر لیں یا پھر بند کر دیں کیونکہ چائنہ میں بجلی کوئلے سے بن رہی ہے اور اس وقت سپلائی اور ڈیمانڈ کا شدید بحران آ رہا ہے

اس وقت سب کا برا حال ہے

امریکہ نے دنیا کی سب سے بڑی آئل کمپنی OPEC سے یہ مطالبہ کیا ہے کہ آپ اپنی پیداوار بڑھائیں یورپ نے رشیا سے یہ مطالبہ کیا ہے کہ آپ اپنی گیس کی سپلائی بڑھائیں اور چائنا آسٹریلیا اور انڈونیشیا سے یہ مطالبہ کر رہا ہے کہ کوئلے کی ترسیلات بڑھائیں 

یعنی 1 سال میں عالمی مارکیٹ میں 80 فیصد پٹرول مہنگا ہوا ہے جبکہ حکومت پاکستان نے پیٹرول کی قیمت 1 سال میں صرف 20 فیصد سے کم قیمت بڑھائی اور آج بھی پیٹرول کی قیمت الحمدللہ اس خطے میں سب سے کم ہے

اب یہ فیصلہ حکومت پاکستان کو کرنا ہے کہ وہ آنے والے دنوں میں پٹرول بجلی گیس کی قیمت بڑھا کر پاکستان کے مستقبل کو روشن اور خود مختار بنانا چاہتی ہے یا پھر عارضی ریلیف فراہم کر کے ایک مرتبہ پھر آئی ایم ایف کے در پر بھیک مانگنے جاتی ہے

میری تو یہی رائے ہے کہ حکومت بجلی گیس اور پٹرول کی قیمت میں مزید 3 فیصد اضافہ کردے اور جتنی جلدی ہو پاکستانی معیشت کو آئی ایم ایف کی بیساکھیوں سے آزاد کروا لے

جبکہ کمزور اور بے بس صارفین پر اس کا بوجھ ہرگز نہیں ڈالنا چاہیے

 باقی ہر صاحب استطاعت سے کم سے کم اتنی قیمت وصول کرے جتنی قیمت پر ہم باہر سے لے رہے ہیں 

میرے پاکستانیو گھبرانا ہرگز نہیں آج دکھ ہو گا تو انشاءاللہ کل سکھ ہی سکھ ہوگا چین ہی چین ہو گا.

@iamAhmadokz 

خلافت عباسیہ کے دارالحکومت بغداد نے دنیا بھر میں ایک خاص شہرت حاصل کی ۔علم و حکمت اور فن تعمیر کے اعتبار سے بغداد کا کوئی ثانی نہیں تھا۔منگول جنرل مونکو خان نے بغداد پر چڑھائی کا ارادہ کیا اور اس سلسلے میں ایک بہت بڑی فوج تشکیل دی ۔اس فوج کی کمان ہلاکو خان نے کی اور اس فوج میں چینی کمانڈرز سمیت مسیحی افواج کا بڑا دستہ شامل تھا ۔نومبر 1257 میں منگول فوج نے بغداد کی طرف کوچ کیا اوربغداد پہنچ کر ہلاکو نے خلیفہ معتصم سے ہتھیار ڈالنے کا مطالبہ کیا جس کو خلیفہ نے حقارت سے ٹھکرا دیا۔منگول فوج کے چینی دستے نے 29 جنوری 1258 کو بغداد کا محاصرہ کرلیا۔محاصرہ سخت ہوا اور جب امان کی صورت نظر نا آئی تو ایک دن بغداد کی فصیل کا دروازہ کھلا اور کچھ لوگ باہر آئے اور ہلاکو سے ملنے کی خواہش کا اظہار کیا۔

یہ بغداد کے عمائدین کا وفد تھا ان کو ہلاکو کے خیمے کی طرف لےجایا گیا ۔ہلاکو نے وفد کو ملاقات کے لیئے خیمے کے اندر بلا لیا۔گفتگو شروع ہوئی اور عمائدین کافی دیر گفتگو کرتے رہے ۔ہلاکو نے ترجمان سے پوچھا کہ یہ لوگ کیا کہہ رہے ہیں تو ترجمان نے کہا کہ یہ کہہ رہے ہیں کہ ہم بغداد کی چابیاں دینے کو تیار ہیں مگر ہمیں کچھ باتوں پر آپ کی اخلاقی ضمانت چاہیے تو ہلاکو نے پوچھا کہ وہ کیا ہےتو انہوں نے کہا کہ فوج بغداد میں لوٹ مار نہیں کرئے گی اور قتل عام بھی نہیں کرئے گی ۔منگول فوج طے شدہ اصول وضوابط اور اخلاقیات کے ساتھ شہر میں داخل ہوگی ۔اس پر ہلاکو خان نے تاریخی جواب دیا کہ طاقت کے اپنے اصول وضوابط اور اخلاقیات ہوتی ہیں۔اور اس کے بعد دنیا نے دیکھا کہ طاقت نے بغداد کا جو حشر کیا ۔کئی روز تک دجلہ کا پانی عالموں اور فلسفیوں کے خون سے رنگین رہا۔

منگولوں کا عہد اپنےاختتام کو پہنچا تو طاقت کا پلڑا ترکوں کا بھاری ہوگیا اور اس کے بعد دنیا سلطنت عثمانیہ کی بے پناہ طاقت کے سامنے سرنگوں رہی ۔بے خوفی اور جوانمردی سے لڑتے ہوئے ترکوں کے سامنے کوئی نا ٹھہر سکا اور یوں چرواہے دنیا کے ایک بہت بڑے خطے کے رہنما بن گئے ۔مگر جب یہ طاقت دوسروں کے ہاتھ میں پہنچی تو سلطنت عثمانیہ کے اتنے ٹکڑے ہوئے کہ اس کی مثال ماضی میں نہیں ملتی تھی ۔اب یہ طاقت برٹش ایمپائر کے پاس تھی ۔تاج برطانیہ کا عظیم اقتدار ایک ایسے خطہ ارضی پر قائم ہوا جو اتنا وسیع وعریض تھا کہ کہتے ہیں کہ وہاں سورج غروب نہیں ہوتا تھا۔مگر دوسری جنگ عظم اس عظیم ایمپائر کو لے ڈوبی اور برٹش ایمپائر کے اتنے حصے ہوئے کہ لوگ سلطنت عثمانیہ کے زوال کو بھول گئے ۔

منگولوں سے لے کر تاج برطانیہ کے عہد تک سات صدیوں میں بارہا جغرافیے تبدیل ہوئے اور اس تبدیلی کا محرک طاقت تھی یہ طاقت تھی جس نے اتنے بڑے بڑے ایمپائر بنائے اور یہی طاقت ہی تھی جس نے ان ایمپائر کو دھول چٹا دی ۔دجلہ کے خوں رنگ پانی سے لے کر روسی فوج کے آخری فوجی کے دریائے آمو کو پار کرنے تک کا بنیادی محرک طاقت ہی تھی۔یہی وجہ ہے کہ جب وزیر خارجہ بھٹو نے ہندوستانی جارحیت پر اپنی طالبعلم بیٹی بے نظیر بھٹو سے تجزیہ کرنے کو کہا تو بے نظیر بھٹو کے مطابق بھارت یو این او چارٹر کی خلاف ورزی کرکے دنیا میں اکیلا ہورہا ہے اور پاکستان کو اس کیس میں اخلاقی برتری حاصل ہے اس پر ذوالفقار علی بھٹو نے تاریخی جواب دیا کہ مجھے خوشی ہےکہ تم سیاست کی طاقت کو سمجھ گئی ہو مگر تمہیں طاقت کی سیاست کو سمجھنے میں مزید کچھ وقت لگےگا۔

یہ طاقت ہی ہے کہ جمہوریت اور انسانیت کا راگ الاپتی دنیا کو مقبوضہ کشمیر کے انسانوں کی حالت نظر نہیں آتی نا ہی فلسطینیوں پر ڈھائے جانے والےمظالم نظر آتےہیں۔کیمیائی ہتھیاروں کے نام پر امریکہ بہادر عراق پر چڑھ دوڑا اور لاکھوں عراقی مار دئیے اور دہشت گردوں کا پیچھا کرتے ہوئے دو دہائیوں تک افغانستان میں خون کی ہولی کھیلتا رہا تو اس کی بنیادی وجہ یہ تھی کہ اب طاقت اس کے پاس ہے۔طے ہوگیا کہ طاقت کے اپنے اصول و ضوابط، عزائم ، مقاصد اور اخلاقیات ہوتی ہے ۔من پسند نتائج کےحصول کےلیےطاقت کا استعمال جائز تصور ہوتا ہے ۔

انٹرنیشنل اسٹیبلشمنٹ ہو یا علاقائی اسٹیبلشمنٹ ہو ایک ہی اصول پرکام کرتی ہیں۔زیادہ سے زیادہ طاقت اور اختیار کا حصول اور دشمن کو زیادہ سے زیادہ کمزور کرنا اب ان دو مقاصد کے لیے لاکھوں لوگوں کی قربانی بھی دینی پڑ جائےتو دریغ نہیں کرتے۔مذہب ، قومیت ، اور لسانیت کے نام پر تقسیم معاشرے ، معاشی طورپر بدحال ان طاقت وروں کی آسان شکار گاہیں ہیں۔ حقیقت میں ہم جیسے لوگ تو ان طاقتور ہاتھوں کی انگلیوں سے بندھے ہوئے دھاگوں کےساتھ لٹکی ہوئی وہ پتلیاں ہیں جو اس وقت تک حرکت میں رہتی ہیں جب تک یہ ہاتھ حرکت کرتے ہیں۔اس وقت یہ ہاتھ حرکت میں ہیں تو ہم بھی ناچ رہے ہیں مگر ستم یہ کہ ہمیں لگتا ہے کہ ہماری ہر حرکت ہماری منشا اور ہمارے ارادے سے ہورہی ہے۔جبکہ ایسا نہیں ہے بالکل نہیں ہے

طاقتوروں کا کھیل جاری ہے۔اوکس کے بعد کھیل دلچسپ ہوتا جارہا ہے۔زمینی اور سمندری ناکہ بندی شروع ہوگئی ہے۔انڈو پیسفک پر طاقتوروں کی نظریں جم گئی ہیں ۔ابھرتی ہوئی طاقت چین پہلے سے موجود سپر پاور کو چیلنج کررہی ہے۔زیادہ طاقت کے حصول کی خاطر نئے بلاک اور اتحاد بننا شروع ہوگئے ہیں۔دنیا بھر میں اور خاص طورپر چین کے اطراف میں طاقتوروں کی سیاست جلد نقطہ عروج کو پہنچ جائے گی۔خدانخواستہ مگر لگ یہی رہا ہےکہ ہاتھیوں کی لڑائی ہمارے کھیتوں میں ہوگی اگر ایسا ہوا تو ہمارا مستقبل کیا ہوگا اس پر غور کرنے کی ضرورت ہے۔امید ہے اس پر غور وفکر ہوگا مگر فی الوقت سوال یہ ہے کہ طاقت کے اس کھیل میں ہمارا کردار کیا ہوگا اور دوسرا سوال یہ کہ ہمارے کردار کا تعین ہم خود کریں گے یا پھر یہ طاقتور کریں گے ۔آخری سوال یہ کہ اگر ہم اپنےکردار کا تعین خود کریں گے تو ہمارا مستقبل کیا ہوگا اور ہمارے کردار کا تعین یہ طاقتیں کریں گی تو بھی ہمارا مستقبل کیا ہوگا؟

https://www.facebook.com/maliksiraj.ahmed.7