Category: کاروبار

8سال میں پہلی بار پاکستانی برآمدات میں مسلسل چار ماہ اضافہ سے برآمدی شعبہ ترقی کرے گا۔

برآمدات میں اضافہ ملکی معیشت کی پائیداری کا منہ بولتا ثبوت ہے۔زونل چیئرمین پرگمیا کے بقول برآمدات میں اضافہ میں گارمنٹس  انڈسٹری اہم کردار ادا کر رہی ہے۔

   لاہورمیں ادیب اقبال شیخ زونل چیئرمین پاکستان ریڈی میڈ گارمنٹس مینوفیکچررز اینڈ ایکسپورٹرز ایسوسی ایشن نے 8سال کے بعد پہلی مرتبہ پاکستان کی برآمدات میں مسلسل 4ماہ  اضافہ کو خوش آئند قرار دیتے ہوئی کہا کہ اس سے برآمدی و صنعتی شعبہ جات ترقی کرینگے۔برآمدات میں اضافہ میں گارمنٹس انڈسٹری اپنا بھر پور اور اہم کردار ادا کررہی ہے۔انہوں نے کہا کہ 8 سال کے بعدپہلی بار چار ماہ مسلسل اضافہ سے پاکستانی برآمدات 2ارب  ڈالر سے زائد رہیں، پاکستانی برآمدات میں اضافہ کا رجحان برقرار ہے اور جنوری میں پاکستانی برآمدات8فیصد بڑھ کر2135ارب ڈالر رہیں۔رواں مالی سال کے پہلے 7ماہ کے دوران برآمدات55فیصد بڑھ کر14245ارب ڈالر ہوگئیں ہیں۔

جبکہ گزشتہ مالی سال میں اسی دوران یہ برآمدات 135ارب ڈالر تھیں انہوں نے کہا کہ برآمدات میں مسلسل اضافہ ملکی معیشت کی پائیداری کا منہ بولتا ثبوت ہے۔ ان خیالات کا اظہار انہوں نے ریڈمیڈ گارمنٹس مینوفیکچررز اینڈ ایکسپورٹرز ایسوسی ایشن کے عہدیداروں سے گفتگو کرتے ہوئے کیا۔ ادیب اقبال شیخ نے کہا کہ برآمد کنندگان نے کورونا وائرس وباء اور بیرونی منڈیوں میں مندی کے باوجود برآمدات بڑھائیں حکومت برآمدی شعبہ کی کارکردگی کو سراہتے ہوئے اسے مزید مراعات دے تاکہ برآمد کنندگان محنت اور توجہ سے ملکی برآمدات میں مزید اضافہ کرکے ملکی زرمبادلہ کے ذخائر میں اضافہ کریں اس سے  ملکی معیشت مستحکم ہوگی اور حکومت کو بیرونی قرضہ لینے سے نجات ملے گی۔

پٹرولیم مصنوعات کی قیمتوں میں اضافہ فورا واپس لیا جائے: لاہور چیمبر

لاہور چیمبر آف کامرس اینڈ انڈسٹری کے صدر میاں طارق مصباح، سینئر نائب صدر ناصر حمید خان اور نائب صدر طاہر منظور چودھری نے حکومت پر زور دیا ہے کہ پٹرولیم مصنوعات کی قیمتوں میں اضافہ فورا واپس لیں، گذشتہ کچھ عرصہ کے دوران لگاتار اضافوں نے کاروباری شعبے کے لیے مسائل پیدا اور پیداواری لاگت میں اضافہ کیا ہے۔ ایک بیان میں لاہور چیمبر کے عہدیدارو ں نے کہا کہ اگرچہ عالمی منڈی میں تیل کی قیمتیں کچھ بڑھی ہیں لیکن ان کا بوجھ صارفین پر ڈالنے کے بجائے حکومت اپنے اخراجات اور پٹرولیم مصنوعات پر ڈیوٹیاں و ٹیکسز کم کرتی تو بہتر ہوتا۔انہوں نے کہا کہ فیول صنعت و تجارت کے لیے بہت اہم ہے، اگر اس پر ڈیوٹیوں اور ٹیکسز کا بوجھ لاد دیا جائے گا تو صرف کاروباری شعبے ہی نہیں بلکہ معیشت کے لیے بھی مسائل میں اضافہ ہوگا۔ انہوں نے کہا کہ پٹرولیم مصنوعات کی قیمتوں میں اضافے سے زرعی شعبہ بھی بری طرح متاثر ہوگا اور اس کی پیداواری لاگت بھی مزید بڑھ جائے گی، اس کے علاوہ بجلی کی قیمتوں میں اضافے کا خطرہ بھی منڈلا رہا ہے کیونکہ بجلی کا بہت بڑا حصہ تھرمل ذرائع سے پیدا ہوتاہے۔ انہوں نے کہا کہ پٹرولیم مصنوعات کی قیمتوں میں اضافے کے مجموعی اثرات کو مدنظر رکھتے ہوئے حکومت حالیہ اضافہ فی الفور واپس لینے کا حکم صادر کرے ۔

خواجہ خاور رشید کی طرف سے پٹرولیم مصنوعات کی قیمتوں میں پھر اضافے پر شدید تنقید

پنجاب ڈائیز اینڈ کیمیکلز مرچنٹس ایسوسی ایشن کے چیئرمین اور لاہور چیمبر آف کامرس اینڈ انڈسٹری کے سابق سینئر نائب صدر خواجہ خاور رشید نے ایک مرتبہ پھر پٹرولیم مصنوعات کی قیمتوں میں اضافہ کرنے پر حکومت کو تنقید کا نشانہ بناتے ہوئے کہا ہے کہ حقائق کو نظر انداز کرکے کیے گئے ٹریڈ و انڈسٹری کے لیے تباہی لائیں گے اور اکنامک فرنٹ پر حکومت کے لیے چیلنجز میں اضافہ ہوجائے گا۔ ایک بیان میں خواجہ خاور رشید نے کہا ہے کہ حکومت پچھلے کئی ماہ سے پٹرولیم مصنوعات کی قیمتوں میں مسلسل اضافہ کرتی جارہی ہے تاکہ اپنے اخراجات پورے کرسکے لیکن اس سے ٹریڈ اور انڈسٹری کو کیا نقصان ہوگا اس کی کسی کو فکر نہیں ہے۔

خواجہ خاوررشید نے کہا کہ حکومت نہ صرف آئندہ بلاوجہ پٹرولیم مصنوعات کی قیمتوں میں اضافہ سے گریز کرے بلکہ حالیہ اضافہ بھی واپس لے کیونکہ اس سے ٹریڈاور انڈسٹری کے ساتھ ساتھ ایگریکلچر سیکٹر بھی متاثر ہوجائے گا۔ انہوں نے کہا کہ ان تمام سیکٹرز کی ان پٹ کاسٹ میں اور اضافہ ہوجائے گا جس کی وجہ سے انکم اور خرچ کے درمیان بیلنس بگڑ جائے گااور انڈسٹری کو مزید تباہی کا سامنا کرنا پڑے گا۔ انہوں نے کہا کہ حکومت کو اپنے غیرضروری اخراجات کم کرنے چاہئیں کیونکہ پٹرولیم مصنوعات اور اس کے بعد بجلی کی قیمتوں جیسے اضافے مشکلات حل کرنے کے بجائے مزید بڑھارہے ہیں۔