Category: کاروبار

خطہ پوٹھوار میں زیتون کی کاشت کے لیے حکومت نے مثالی قدم اٹھا لیا

باغی ٹی وی رپورٹ کے مطابق :محکمہ زراعت نے کہا ہے کہ خطہ پوٹھوار کے کاشت کاروں کو زیتون کے 12 لاکھ 10 ہزار پودے مفت فراہم کیے گئے ہیں اور انہیں زیتون کا تیل کشید کرنے کی سہولت بھی مہیا کر دی گئی ہے۔

سیکرٹری زراعت پنجاب اسد رحمان گیلانی کا کہنا ہے کہ ملکی خوردنی تیل کی ضروریات کو پورا کرنے کیلئے زیتون کے باغبانوں کو مزید سہولیات کی فراہمی کو بھی یقینی بنایا جائے گا تاکہ وہ ملکی خوردنی تیل کی پیداوارکو بڑھانے میں بڑھ چڑھ کر حصہ لیں۔

ایک اجلاس کے دوران سیکریٹری زراعت نے کہا کہ زرعی سائنسدانوں کو زیتون اور دیگر ہائی ویلیو فصلات کی نئی اقسام کو متعارف کرانے کیلئے تحقیقی عمل کو مزید تیز کرنا ہو گا۔

انہوں نے کہا کہ خطہ پوٹھوار مختلف پھلوں کی کاشت کیلئے انتہائی موزوں ہے اور اس حوالہ سے کاشت کاروں کی مزید فنی رہنمائی وقت کی اہم ضرورت ہے۔

اس موقع پر ڈائریکٹر باری محمد رفیق نے سیکرٹری زراعت کو بتایا کہ زیتون کے باغبان حکومت کی فراہم کردہ سہولیات سے بھرپور استفادہ کر رہے ہیں۔

سیکرٹری زراعت نے زیتون کے منصوبے کو سراہتے ہوئے اس کو وسعت دینے کی ہدایت بھی کی تاکہ خطہ پوٹھوار کے کسانوں کو معاشی فائدہ حاصل ہو اور قومی او ملکی سطح پر خالص خوردنی تیل بھی دستیاب ہو سکے۔

انہوں نے خطہ پوٹھوار میں زیتون اور دیگر ہائی ویلیو فصلات کی کاشت کو مزید کامیاب بنانے کیلئے مربوط حکمت عملی سے کام کرنے کی ضرورت پر بھی زور دیا گیا ہے۔

ڈالر پھر بے قابو ہونے لگا

باغی ٹی وی رپورٹ کے مطابق ملک بھر میں رواں ہفتے کے پہلے کاروباری روز کے دوران ڈالر کی قیمت میں ایک مرتبہ پھر بڑھنے لگی، امریکی کرنسی مزید22 پیسے مہنگی ہوگئی۔

سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعدادو شمار کے مطابق رواں ہفتے کے پہلے کاروباری روز کے دوران انٹر بینک میں امریکی ڈالر 22 پیسے مہنگا ہو گیا اور قیمت 160 روپے 17 پیسے سے بڑھ کر160 روپے 39 پیسے ہوگئی ہے۔
واضح ‌رہےکہ اپریل 2019 میں ڈالر نے بڑی چھلانگ لگائی تھی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی.ڈ

ٹیکسٹائل سیکٹر کو پھر سخت پریشانی کا سامنا

باغی ٹی وی رپورٹ‌کے مطابق سوت کی عدم دستیابی سے ویلیو ایڈڈ ٹیکسٹائل سیکٹر کو سخت پریشانی کا سامنا ہے۔ ایکسپورٹرز کے مطابق ڈیلرز سوت کی مصنوعی قلت پیدا کرکے دھاگے کی قیمتوں میں بار بار اضافہ کررہے ہیں جس کی وجہ سے ایکسپورٹ میں کمی کا خدشہ پیدا ہوگیا ہے۔

کاٹن سوت ایکسپورٹ سیکٹر کے لئے بنیادی خام مال کی حیثیت رکھتا ہے، پاکستان میں حکومت نے ایکسپورٹ میں اضافے کے لئے صنعتکاروں کو بجلی اور گیس پر سبسٹڈی بھی دے رکھی ہے۔ حکومتی پالیسیوں کے باعث نومبر اور دسمبر میں ملکی ایکسپورٹ میں نمایاں اضافہ بھی ہوا۔

دوسری طرف ڈیلرز نے ملک میں کاٹن یارن کی مصنوعی قلت پیدا کررکھی ہے جس سے دھاگے کی قیمتوں میں بار بار اضافہ ہو رہا ہے۔ ایکسپورٹرز کہتے ہیں حکومت سوت مافیا کے خلاف کاروائی اور دھاگے کی ڈیوٹی فری امپورٹ کی اجازت دے تاکہ صنعتی پہیہ رواں رہے۔

بیرون ملک سے ریکارڈ آرڈرز کی وجہ سے فیصل آباد میں ٹیکسٹائل سیکٹر میں دن رات کام جاری ہے لیکن سوت کی عدم دستیابی کے باعث صنعتکار کئی بار فیکٹریاں بند کرنے پر مجبور ہوجاتے ہیں جس کی وجہ سے مزدور طبقہ پریشان ہے ۔

صنعتکار کہتے ہیں حکومت نے دھاگے کی امپورٹ پر 5 فیصد ریگولیٹری ڈیوٹی تو ختم کی ہے لیکن 5 فیصد کسٹم ڈیوٹی تاحال برقرار ہے جس کو ختم کرنے سے انہیں انٹرنیشنل مارکیٹ سے سستا اور معیاری دھاگہ مہیا ہوسکتا ہے جس سے سوت بحران پر قابو پانے میں مدد بھی ملے گی۔

ڈالر نے پھر اڑان بھر لی

باغی ٹی وی رپورٹ کے مطابق ملک بھر میں کاروباری ہفتے کے آخری کاروباری روز کے دوران روپے کے مقابلے میں امریکی ڈالر کی قیمت 15 پیسے بڑھ گئی۔

سٹیٹ بینک آف پاکستان کی سماجی رابطے کی ویب سائٹ ٹویٹرپر جاری کردہ اعداد و شمار کے مطابق رواں ہفتے کے آخری کاروباری روز کے دوران انٹر بینک میں امریکی ڈالر 15 پیسے مہنگا ہو گیا جس کے بعد قیمت 160.02 روپے سے بڑھ کر 160 روپے 17پیسے ہو گئی ہے۔

واضح ‌رہےکہ اپریل 2019 میں ڈالر نے بڑی چھلانگ لگائی تھی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی.

سال کے آغاز میں‌ سٹاک مارکیٹ میں زبردست تیزی

باغی ٹی وی : رواں سال کے پہلا کاروباری روز کے دوران پاکستان سٹاک مارکیٹ میں زبردست تیزی ریکارڈ کی گئی۔ 100 انڈیکس 679.42 پوائنٹس بڑھ گیا۔ جس کے باعث سرمایہ کاروں کو 120 ارب روپے سے زائد کا فائدہ ہوا۔ ایک سال سے زائد عرصہ کے بعد 44 ہزار کی نفسیاتی حد بھی بحال ہو گئی۔

تفصیلات کے مطابق پاکستان سٹاک مارکیٹ میں رواں سال کا پہلا کاروباری روز زبردست رہا جہاں پر کاروبار کا آغاز زبردست انداز میں ہوا اور صبح دس بجے تک انڈیکس 205 پوائنٹس کی تیزی ریکارڈ کی گئی تھی جس کا تسلسل دوپہر بارہ بجے تک دیکھنے کو ملا۔

دوپہر بارہ بجے تک انڈیکس میں 821.95 پوائنٹس کی تیزی دیکھی گئی، ایک موقع پر کاروبار میں 1100 پوائنٹس سے زائد کی تیزی ریکارڈ کی گئی تھی، تاہم کاروبار کے اختتامی لمحات میں یہ سطح برقرار نہ رہ سکی۔

ٹریڈنگ کے دوران کاروبار کے اختتام پر پاکستان سٹاک مارکیٹ میں 679.42 پوائنٹس کی تیزی ریکارڈ کی گئی، ایک سال سے زائد عرصہ کے بعد 44 ہزار کی نفسیاتی حد بحال ہو گئی اور انڈیکس 44434.80 پوائنٹس کی سطح پر پہنچ کر بند ہوا۔

پورے کاروباری روز کے دوران کاروبار میں 1.55 فیصد کی بہتری دیکھی گئی اور 38 کروڑ 48 لاکھ 60 ہزار 227 شیئرز کا لین دین ہوا جس کے باعث سرمایہ کاروں کو 120 ارب روپے سے زائد کا فائدہ ہوا۔

سٹاک مارکیٹ میں تیزی کے بعد ماہرین کا کہنا ہے کہ وزیراعظم عمران خان کی طرف سے تعمیراتی سیکٹر کو ایمنسٹی سکیم میں توسیع، ملکی معیشت کے حوالے سے مثبت خبریں، ترسیلات زر میں اضافہ سٹاک مارکیٹ میں تیزی کا سبب بن رہا ہے، قوی امکان ہے کہ آئندہ ہفتے بھی تیزی کا تسلسل دیکھنے کو ملا۔

ڈالر پھر ہوا سستا
فاریکس ڈیلرز ایسوسی ایشن کے مطابق پاکستانی کرنسی کے مقابلے میں انٹر بینک میں ڈالر 159.97 روپے کا ہوگیا۔

خیال رہے کہ سال 2020 معاشی اعتبارسےمشکل ترین سال رہا۔ کورونا وبا اور لاک ڈاؤن جیسےمسائل نےمعاشی سرگرمیوں کومحدود کردیا۔

درآمدی اشیا کی قیمتوں میں خطرناک حد تک اضافہ ہوا اور ڈالرنےبھی تاریخ کی بلندی کوچھولیا۔ڈالرنےملکی تاریخ میں سب سےاونچی اڑان بھری اور دوہزار بیس میں ڈالرکی قیمت میں 9 روپے75 پیسوں کا اضافہ ریکارڈ کیا گیا۔
ڈالر169 روپےتک ٹریڈ ہونےکےبعد اب کمی کی طرف گامزن ہے۔

مرکزی رہنما آل پاکستان کرنسی ڈیلرزایسوسی ایشن ظفرپراچہ کا کہنا ہے کہ 169 روپےتک قیمت گئی۔۔ لیکن اب کم ہورہی ہے لگتا ہے 155 روپےتک ڈالرہوجائے گا۔ انہوں نے کہا کہ بیلنس آف پیمنٹس کی وجہ سےکچھ پریشرنظرآسکتا ہے۔

سال2019 میں ڈالر مجموعی طور پر16روپے 10پیسے مہنگا ہوکر 155روپے کا ہوگیا تھا۔

واضح ‌رہےکہ اپریل 2019 میں ڈالر نے بڑی چھلانگ لگائی تھی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی.

راوی ریور فرنٹ اربن پروجیکٹ سے اتنی نوکریوں کی نوید آگئی کہ آپ خوش ہوجائیں

باغی ٹی وی رپورٹ کے مطابق : راوی اربن پراجیکٹ کو لاہور کے لیے بہت اہم سمجھا جاتا ہے . چیئرمین راوی اربن ڈویلپمنٹ اتھارٹی راشد عزیز نے کہا ہے کہ راوی ریور فرنٹ اربن پروجیکٹ سے دو لاکھ نوکریاں پیدا ہوں گی اور 49 صنعتوں کو فروغ ملے گا۔
انہوں نے کہا کہ لاہور کے نواح میں بین الاقوامی سطح کی سہولیات اور معیارات کا حامل نیا شہر آباد ہونے کے حوالے سے پیش رفت جاری ہے، ناصرف پلاننگ کے عمل میں تیزی لائی گئی ہے بلکہ منصوبہ اب گراﺅنڈ لیول پر پہنچ چکا ہے۔

راشد عزیز نے بتایا کہ یہ ملکی تاریخ کا سب سے بڑا منصوبہ ہے جو ناصرف لاہور یا پنجاب بلکہ پورے پاکستان میں نئے رجحانات متعارف کرائے گا، راوی کنارے آباد ہونے والے اس نئے شہر کو دنیا کے ترقی یافتہ شہروں کی طرح ٹیکنالوجی سمیت دیگر سہولیات سے مزین کیا جائے گا۔

انہوں نے کہا کہ یہ منصوبہ پورے خطے کیلئے ایک مثال ثابت ہو گا، یہ شہر حجم کے اعتبار سے قومی دارالحکومت سے بھی بڑا ہو گا، اس شہر میں مسائل کو وسائل میں تبدیل کیا جائے گا، یہاں ہائی ٹیک ویسٹ مینجمنٹ پلانٹ لگایا جائے گا جو ویسٹ سے بجلی پیدا کرے گا اور شہر کی توانائی کی ضروریات پوری کرنے میں مدد دے گا۔چیئرمین راوی اربن ڈویلپمنٹ اتھارٹی نے کہا منصوبے کے آغاز سے ہی دو لاکھ نوکریوں کے مواقع پیدا ہوں گے، اور 49 صنعتی شعبوں کے فروغ میں معاونت ملے گی، جہاں کورونا نے عالمی معیشت کو متاثر کیا وہاں راوی اربن پروجیکٹ جیسے ترقیاتی منصوبے ملکی معیشت کو مضبوط کرنے میں اہم سنگ میل ثابت ہوتے ہیں۔

انہوں نے بتا یا کہ اس منصوبے میں مقامی اور بین الاقوامی سرمایہ کاروں نے شروع سے ہی دلچسپی کا اظہار کیا ہے اور اس وقت پاکستانی، چینی اور دیگر ممالک کے سرمایہ کاروں سے پیشکش آ چکی ہے جو اس منصوبے کی کامیابی کی ضمانت ہے، منصوبے کو پایہ تکمیل تک پہنچانے کیلئے سرمایہ کاری کی کمی درپیش نہیں ہے۔

چیئرمین راوی اربن ڈویلپمنٹ اتھارٹی کا مزید کہنا تھا کہ اس منصوبے میں اربن فاریسٹ، ریور ورکس اور جھیلیں بھی شامل ہیں جو ناصرف اس منصوبے کی خوبصورتی کو چار چاند لگائیں گی بلکہ اربن فاریسٹ کی وجہ سے یہ ایک ماحول دوست منصوبہ ثابت ہو گا جو وزیر اعظم کے کلین اینڈ گرین پاکستان کے ویژن کا عکاس ہو گا۔

انہوں نے بتایا کہ وزیراعظم عمران خان خود بھی اس منصوبہ میں خصوصی دلچسپی رکھتے ہیں اور اس کی فوری تکمیل کیلئے قومی و صوبائی قیادت کی طرف سے بھرپور تعاون کی یقین دہانی کرائی گئی ہے

کتنی مالیت کی پراپرٹی خرید نے پر معلومات دینا لازمی ایف بی آر نے بتا دیا

وفاقی بورڈ برائے ریونیو(ایف بی آر) نے پراپرٹی کی خریدوفروخت کے لیے 20 لاکھ روپے یا اس سے زیادہ مالیت کی ہر ٹرانزیکشن کی معلومات دینا لازمی قرار دے دیا۔
نجی ٹی وی چینل کی ایک رپورٹ کے مطابق ایف بی آر نے اینٹی منی لانڈرنگ (اے ایم ایل) اور کاؤنٹر ٹیررازم فنانسنگ (سی ٹی ایف) کے تحت رئیل اسٹیٹ ایجنسٹس کے لیے قواعد و ضوابط جاری کیے گئے ہیں، ان گائیڈ لائن کا مقصد فنانشل ایکشن ٹاسک فورس (ایف اے ٹی ایف) کی شرائط کو پورا کرنا ہے۔

گائیڈ لائنز کے مطابق رئیل اسٹیٹ ڈویلپرز اور ایجنٹس کو غیرمنقولہ جائیداد کی خریدوفروخت کے لیے ہر 20 لاکھ روپے یا اس سے زائد کی ٹرانزیکشنز کے لیے کرنسی ٹرانزیکش رپورٹ (سی ٹی آر) جمع کرانے کی ضرورت ہو گی۔ تاہم، اس مقصد کے لیے بینکوں کے ذریعے کسی بھی ٹرانزیکشن کو رپورٹ کرنا لازمی نہیں ہو گا۔

ایف بی آر کے مطابق اس اقدام کا مقصد منی لانڈرنگ کی روک تھام اور ایف اے ٹی ایف کی شرائط کو پورا کرنا ہے، کیونکہ رئیل اسٹیٹ سیکٹر میں کیش ٹرانزیکشنز کے ذریعے غیرقانونی طریقے سے کمائی گئی دولت کی سرمایہ کاری کی جاتی ہے۔