کوچ ہولڈنگ اور بیکو کے سینئر ایگزیکٹوز کے دورۂ پاکستان کا مقصدصنعتی ترقی کو فروغ دینے، پروڈکٹس کومقامی تقاضوں میں ڈھالنےاور جدت میں تیزی لانے کے علاوہ ملک میں ہوم اپلائنسزز کے شعبے کو ڈاؤلینس کی طویل مدتی ترقی کو مستحکم بنانا تھا
ترکیہ کی معروف انویسٹمنٹ ہولڈنگ کمپنی، کوچ ہولڈنگ ، نے پاکستان اور ڈاؤلینس کی ترقی کے سفر کے لیے اپنی طویل مدتی وابستگی کی توثیق کی ہے۔ اس بات کاظہار کوچ ہولڈنگ اور بیکو ے ایک اعلیٰ سطح کے دورے کے موقع پر کیا گیا جس میں بیکو ڈیوریبلز کے سینئر ایگزیکٹوزشامل تھے۔بیکو ،کنزیومر ڈیوریبلز کی انڈسٹری میں، کوچ گروپ کا نمایاں اور فلیگ شپ برانڈ ہے۔ اس وفد میں کنزیومر ڈیوریبلز گروپ کے صدر، ڈاکٹر فاتح کمال ابیچلی اوغلو ، کوچ ہولڈنگ کے چیف کمرشل آفیسر برائے ترکیہ اور ساؤتھ ایشیا،جان ڈنچر ؛ چیف پروڈکشن اینڈ ٹیکنالوجی آفیسر،نہات باییز ، اوربیکوکے ڈائریکٹر ریجنل مارکیٹنگ، بزنس ٹرانسفارمیشن اینڈ گروتھ، ہندان عبد الرحمٰن اوغلو شامل تھے۔اس دورے کی میزبانی ڈاؤلینس کے منیجنگ ڈائریکٹر،عمر احسن خان نے کی، جو پاکستان میں بیکو کی ذیلی کمپنی بھی ہے۔ یہ دورہ پاکستان کے لیے بیکو کے طویل مدتی وژن اور خطے میں کاروباری تعلقات، صنعتی ترقی اور پائیدار نمو کو مزید مضبوط بنانے کے عزم کی عکاسی کرتا ہے۔
اس دورے میں وفد نے کراچی اور حیدرآباد میں واقع ڈاؤلینس کی جدید ترین مینوفیکچرنگ سہولیات کا معائنہ کیا، جن میں پروڈکٹ انوویشن، تحقیق و ترقی (R&D)، اور پیداواری نظام کو،مسلسل سرمایہ کاری کے ذریعے مزید جدید بنا یا گیا ہے۔وفد نے کراچی کی اہم ریٹیل مارکیٹوں کا بھی دورہ کیا اور ڈاؤلینس کے ملک گیر ڈیلر نیٹ ورک کے ساتھ ایک انٹریکٹو سیشن بھی منعقد کیا، جس میں صارفین کے رجحانات، مارکیٹ کی حرکیات، ڈسٹری بیوشن کی حکمتِ عملی، اور مستقبل کی ترقی کے مواقع پر گفتگو کی گئی، تاکہ ڈیلرز چینل کے ذریعے تعاون اور تجارتی شراکت داری کو مزید مضبوط بنایا جا سکے۔
دورے کے اختتام پر ڈاؤلینس کے منیجنگ ڈائریکٹر، عمر احسن خان نے کہا:”یہ دورہ ڈاؤلینس اور پاکستان کی مارکیٹ کی بے پناہ صلاحیت پر ہماری عالمی قیادت کے اعتماد کو اجاگر کرتاہے۔ ہم جدت کے فروغ، اپنے ڈیلر نیٹ ورک کی مضبوطی اور ایسی قابلِ اعتماد ٹیکنالوجیز فراہم کرنے کے لیے پُرعزم ہیں جو واقعی پاکستانی صارفین کی ضروریات پوری کرتی ہیں ۔“
کوچ ہولڈنگ اور بیکو پاکستان میں مسلسل جدت، مضبوط مقامی مینوفیکچرنگ اور ایسی قابلِ اعتماد ٹیکنالوجیز کے ذریعے ملک کی معاشی اور صنعتی ترقی میں معاونت کے لیے پُرعزم ہیں جو پاکستانی گھروں کی روزمرہ زندگی کو بہتر بنانے کے لیے تیار کی گئی ہیں۔ کوچ گروپ کے آپریشنز ترکیہ اور پاکستان کے درمیان اقتصادی تعلقات کو مضبوط بنانے میں اہم کردار ادا کرتے ہیں اوردونوں ممالک جو مشترکہ اقدار اور اسٹریٹجک شراکت داری سے جڑے ہوئے ہیں۔ 2024 میں دونوں ممالک کے درمیان دو طرفہ تجارت تقریباً 1.4 ارب ڈالر تک پہنچ گئی تھی۔ ترکیہ اور پاکستان اس تعاون کو مزید بڑھانے کے لیے پوری طرح پُرعزم ہیں، اور دو طرفہ تجارت کو آئندہ برسوں میں 5 ارب ڈالر تک لے جانے کا ہدف رکھتے ہیں۔
