Category: کاروبار

مودی کا جنگی جنون اور بھارتی معیشت کی سست روی،جنگی محاذ اور سفارتی سطح پر ناکامی کے بعد بھارت کیلئے معاشی میدان سے بھی بری خبریں آنے لگیں

بھارتی اخبار دی ہندو کی رپورٹ کے مطابق ’’ورلڈ بینک نے مالی سال 26-2025ء کے لیے بھارت کی اقتصادی ترقی کی رفتار کم کر کے 6.3 فیصد کر دی ہے‘‘دی ہندو کے مطابق رواں سال جنوری میں یہ شرح 6.7 فیصد متوقع کی گئی تھی، یہ کمی برآمدات اور سرمایہ کاری کی سست رفتار کے پیش نظر کی گئی ہے،دی ہندو اخبار کے مطابق ; ’’10 جون کو واشنگٹن میں جاری ہونے والی "عالمی اقتصادی امکانات” رپورٹ میں یہ بات کہی گئی‘‘ گرتی عالمی ڈیمانڈ اور تجارتی رکاوٹوں کی بدولت بھارتی معیشت سست روی کا شکار ہے، بھارت کی برآمدات میں کمی اہم تجارتی شراکت داروں کی عدم دلچسپی کے باعث ہوئی ہے، ورلڈ بینک کی یہ پیش گوئی ریزرو بینک آف انڈیا کی 6.5 فیصد کی حالیہ پیش گوئی سے بھی کم ہے،

فالس فلیگ آپریشنز اور پڑوسی ممالک کے ساتھ کشیدگی نے بھارت کی معیشت کو خطرات سے دوچار کردیا، مودی کے ہندوتوا نظریے اور جنگی جنون نے عالمی سرمایہ کاروں کو بھارت آنے سے خوف میں مبتلا کیا،مودی کے جنگی جنون کے باعث امریکا بھارت میں آئی فونز اور دیگر مصنوعات کی فیکٹریاں قائم کرنے سے بھی پیچھے ہٹ چکا ہے

گزشتہ روز وفاقی حکومت کی جانب سے آئندہ مالی سال 2025-26 کے لیے پیش کردہ بجٹ کے بعد آج بدھ کو پاکستان اسٹاک ایکسچینج میں کاروبار کا آغاز مثبت رجحان کے ساتھ ہوا ہے۔ سرمایہ کاروں نے حکومتی بجٹ کی تجاویز پر اعتماد کا مظاہرہ کرتے ہوئے مارکیٹ میں خریداری کا رجحان بڑھا دیا۔

کاروبار کے آغاز پر پاکستان اسٹاک ایکسچینج کا 100 انڈیکس 1571 پوائنٹس کے اضافے کے ساتھ 123,596 پوائنٹس پر پہنچ گیا۔ مارکیٹ میں سرمایہ کاروں کی جانب سے خریداری کا سلسلہ جاری رہا اور دن کے دوران انڈیکس میں مزید تیزی دیکھی گئی، جس کے نتیجے میں مجموعی طور پر 2101 پوائنٹس کا اضافہ ہوا اور 100 انڈیکس 124,126 پوائنٹس تک جا پہنچا۔

ماہرین کے مطابق یہ مثبت ردعمل وفاقی بجٹ میں دی گئی سہولیات اور ٹیکس اصلاحات کی وجہ سے آیا ہے، جنہوں نے سرمایہ کاروں کا اعتماد بحال کیا ہے۔ وفاقی بجٹ 2025-26 میں کل بجٹ کا حجم 17 ہزار 573 ارب روپے (175 کھرب سے زائد) رکھا گیا ہے۔

بجٹ کی اہم تجاویز میں تنخواہوں میں 10 فیصد اور پنشن میں 7 فیصد اضافہ شامل ہے، جبکہ تنخواہوں پر انکم ٹیکس کی شرح میں کمی کی گئی ہے تاکہ عام افراد کی آمدنی میں بہتری آئے۔ اس کے علاوہ جائیداد کی خرید و فروخت پر ودہولڈنگ ٹیکس کی شرح کو بھی کم کیا گیا ہے۔ جائیداد کی خریداری پر ودہولڈنگ ٹیکس کی شرح 4 فیصد سے کم کر کے 2.5 فیصد اور جائیداد کی فروخت پر یہ شرح 3.5 فیصد سے کم کر کے 2 فیصد کرنے کی تجویز دی گئی ہے۔

ماہرین اقتصادیات کا کہنا ہے کہ ان اصلاحات سے ملکی معیشت کو فروغ ملے گا اور سرمایہ کاری کے مواقع بڑھیں گے، جس کا مثبت اثر اسٹاک مارکیٹ پر بھی دیکھنے کو ملا ہے۔ سرمایہ کاروں کی بڑھتی ہوئی دلچسپی سے واضح ہوتا ہے کہ بجٹ کی پیش کردہ پالیسیاں مارکیٹ کو مستحکم کرنے میں مددگار ثابت ہوں گی۔

اسلام آباد: اقتصادی سروے 2025 کے تازہ اعداد و شمار کے مطابق ملک میں مہنگائی کی شرح اپریل میں صرف 0.3 فیصد ریکارڈ کی گئی جو کہ گزشتہ 60 سالوں کی کم ترین سطح ہے۔ اس دوران معاشی ترقی کے متعدد مثبت اشارے سامنے آئے ہیں جس سے ملکی معیشت میں استحکام کی امید بڑھ گئی ہے۔

مالی سال 2025 میں مہنگائی کی شرح میں نمایاں کمی دیکھنے میں آئی ہے۔ اپریل 2025 میں مہنگائی صرف 0.3 فیصد رہی جو گزشتہ دہائیوں کے دوران کم ترین سطح ہے۔ اس کے علاوہ حقیقی شرح نمو 2.68 فیصد تک پہنچ گئی جو معیشت کی مضبوطی کا مظہر ہے۔فی کس آمدنی میں اضافہ ہوا،اقتصادی سروے کے مطابق فی کس آمدنی 1824 امریکی ڈالر تک پہنچ گئی ہے جو کہ پچھلے مالی سال کے 1662 ڈالر کے مقابلے میں نمایاں اضافہ ہے۔ یہ ترقی ملک کی مجموعی معاشی بہتری کا ثبوت ہے۔کرنٹ اکاؤنٹ خسارہ 1.9 ارب ڈالر رہنے کے باوجود سرپلس میں تبدیلی کے آثار نظر آ رہے ہیں، جس سے ملکی معیشت پر مثبت اثرات مرتب ہو رہے ہیں۔مالیاتی خسارہ کم ہو کر 2.6 فیصد رہ گیا ہے جبکہ بنیادی مالیاتی توازن میں بہتری آ کر 3.0 فیصد ہو گئی ہے، جو مالی نظم و ضبط کی علامت ہے۔سرمایہ کاری میں 13.8 فیصد اضافہ ریکارڈ کیا گیا جبکہ بچت سے جی ڈی پی کا تناسب مالی سال 2025 میں 14.1 فیصد تک بڑھ گیا جو گزشتہ مالی سال کے 12.6 فیصد کے مقابلے میں نمایاں بہتری ہے۔

زرعی شعبے میں 0.56 فیصد اضافہ ہوا تاہم بڑی فصلوں کی پیداوار میں کمی دیکھی گئی۔سروسز کے شعبے میں 2.91 فیصد ترقی ہوئی، اور یہ شعبہ 58.40 فیصد کے ساتھ جی ڈی پی کا سب سے بڑا حصہ بنا ہوا ہے۔صنعتی شعبے نے 4.77 فیصد ترقی کی، جس میں مینوفیکچرنگ کی بحالی اہم کردار ادا کر رہی ہے۔ٹیکسٹائل سیکٹر میں 2.2 فیصد، ہوزری میں 7.6 فیصد، کوک اور پیٹرولیم میں 4.5 فیصد، اور فارماسیوٹیکل شعبے میں 2.3 فیصد اضافہ ریکارڈ کیا گیا۔

ٹیکس ریونیو میں 25.8 فیصد اضافہ ہوا اور یہ 9.14 ٹریلین روپے تک پہنچ گیا۔نان ٹیکس ریونیو میں بھی 68 فیصد اضافہ ہوا اور یہ 4.23 ٹریلین روپے رہا۔کل ریونیو 13.37 ٹریلین روپے ریکارڈ کیا گیا۔اخراجات میں 18.3 فیصد اضافہ ہوا اور مالی سال 2025 میں کل اخراجات 14.59 ٹریلین روپے تک پہنچ گئے۔ترقیاتی اخراجات میں 32.6 فیصد اضافہ ہوا، جو 1.54 ٹریلین روپے رہے۔

وزیر خزانہ محمد اورنگزیب نے کہا کہ "جی ڈی پی میں اضافہ معیشت کی ترقی کی واضح علامت ہے۔ مالی نظم و ضبط اور سرمایہ کاری میں اضافے نے ملک کی معیشت کو مستحکم کیا ہے۔”