Baaghi TV

Category: کاروبار

  • پاکستان اسٹاک ایکسچینج میں زبردست تیزی

    پاکستان اسٹاک ایکسچینج میں زبردست تیزی

    کراچی: وزیراعظم شہباز شریف کے بجلی کی قیمتوں میں بڑی کمی کے اعلان کے باعث پاکستان اسٹاک مارکیٹ میں زبردست تیزی دیکھنے میں آئی ہے۔

    باغی ٹی وی : عید کی چھٹیوں کے بعد آج پہلے کاروباری دن کے آغاز پر اسٹاک ایکسچینج میں کاروبار کا ملا جلا رجحان رہا تاہم وزیراعظم کے قوم سے خطاب اور بجلی کی قیمتوں میں بڑی کمی کے اعلان کے بعد پاکستان اسٹاک ایکسچینج میں زبردست تیزی آ گئی اور ہنڈرڈ انڈیکس 1 لاکھ 19 ہزار 1 سو کی حد پار کرگیا۔

    معمولی پرافٹ ٹیکنگ کے بعد انڈیکس 1131 پوائنٹس اضافے سے ایک لاکھ 18 ہزار 9 سو 38 پوائنٹس کی بلند ترین سطح پر بند ہوا،مارکیٹ میں آج 452 کمپنیز کے بیالیس کروڑ 21 لاکھ شیئرز کے سودے کئے گئے، جن کی مالیت28 ارب 16 کروڑ روپے رہی۔

    بھارتی خفیہ ایجنسی را کی دہشتگردی بے نقاب،امریکا میں قتل کی سازش پکڑی گئی

    گوری خان نے اپنا اپارٹمنٹ کتنے میں فروخت کیا؟

    واضح رہے کہ گزشتہ کاروباری ہفتے کے آخری روز دن کے اختتام پر 34 پوائنٹس کے اضافے کے ساتھ سٹاک ایکسچینج میں ہنڈرڈ انڈیکس ایک لاکھ 17 ہزار 806 پوائنٹس کی سطح پر بند ہوا تھا۔

    چار گھنٹے انتظار،پی ٹی آئی رہنماؤں کو عمران خان سے ملاقات کی اجازت نہ ملی

  • ایل پی جی کی قیمت میں اضافہ،نوٹیفکیشن جاری

    ایل پی جی کی قیمت میں اضافہ،نوٹیفکیشن جاری

    اسلام آباد: آئل اینڈ گیس ریگولیٹری اتھارٹی (اوگرا) نے مائع پیٹرولیم گیس (ایل پی جی) مہنگی کرنے کا نوٹیفکیشن جاری کردیا۔

    باغی ٹی وی: آئل اینڈ گیس ریگولیٹری اتھارٹی (اوگرا) نے ایل پی جی کی نئی قیمتوں کا نوٹیفکیشن جاری کر دیا جب کہ یکم اپریل 2025 سے نئی ایل پی جی قیمتیں نافذ العمل ہوں گی۔

    رپورٹ کےمطابق نوٹیفکیشن کےمطابق ایل پی جی کی قیمت میں 54 پیسے فی کلو اضافہ کیا گیا ہے ایل پی جی پروڈیوسر پرائس 2,443.37 روپے فی 11.8 کلوگرام سلنڈر مقرر کردی گئیں، ایل پی جی صارفین کے لیے زیادہ سے زیادہ قیمت 2,930.71 روپے فی 11.8 کلوگرام سلنڈر مقرر کی گئی جب کہ ایل پی جی کی فی کلو زیادہ سے زیادہ قیمت 248.37 روپے مقرر ہوگئی۔

    ٹرمپ کی ایران پر بمباری کی دھمکی،خامنہ ای کا سخت ردعمل

    ایل پی جی کی قیمت میں پروڈیوسر پرائس، مارجن اور ٹرانسپورٹیشن شامل ہیں، مارکیٹنگ، ڈسٹری بیوشن اور ٹرانسپورٹ مارجن 35,000 روپے فی میٹرک ٹن شامل شامل ہیں، مارکیٹنگ مارجن 17,000 روپے، ڈسٹری بیوشن مارجن 10,000 روپے فی ٹن مقرر کردی گئی، ٹرانسپورٹیشن چارجز 8,000 روپے فی ٹن شامل ہے۔

    پی ٹی آئی کا ممکنہ احتجاج، اڈیالہ جیل کے اطراف خصوصی سکیورٹی پلان نافذ

  • سونا مزید مہنگا ہوگیا، تین روز میں فی تولہ 7200 روپے کا اضافہ

    سونا مزید مہنگا ہوگیا، تین روز میں فی تولہ 7200 روپے کا اضافہ

    عالمی مارکیٹ میں سونے کی قیمتوں میں اتار چڑھاؤ کا سلسلہ جاری ہے، عالمی منڈی میں سونے کے نرخ بڑھنے پر پاکستان میں بھی قیمتوں میں نمایاں اضافہ ہوگیا ہے۔

    میڈیا رپورٹ کے مطابق تین روز میں فی تولہ سونا 7 ہزار 200 روپے مہنگا ہوگیا۔ آج ملک میں فی تولہ سونے کی قیمت میں ایک ہزار620 روپے کا اضافہ ہوا ہے۔ فی تولہ سونے کی قیمت بڑھنے کے بعد مقامی صرافہ بازاروں میں نئی قیمت 3 لاکھ 25 ہزار روپے ہوگئی ہے۔ اسی طرح دس گرام سونے کی قیمت بھی بڑھ گئی ہے۔ 10 گرام سونے کی قیمت میں ایک ہزار 389 روپے کا اضافہ ہوا ہے۔نئی قیمت 2 لاکھ 78 ہزار 635 روپے کی سطح پر پہنچ گئی ہے۔یاد رہے کہ عالمی مارکیٹ میں سونے کی فی اونس قیمت 10 ڈالر اضافے کے بعد 3014 ڈالر ہوگئی ہے۔

    دوسری جانب عید الفطر پربچوں کو نئے کرنسی نوٹوں کی عیدی دینے کے لئے شہریوں کی بڑی تعداد نے اسٹیٹ بینک لاہور آفس کے باہر کا رخ کیا ، نئے کرنسی نوٹوں کی مانگ کو دیکھتے ہوئے منہ مانگے دام وصول کئے گئے ، چاند رات پر نرخ مزید بڑھ جائیں گے ۔نئے کرنسی نوٹ خریدنے کے لئے آنے والوں نے بتایا کہ 10 روپے والی نئے نوٹوں کی گڈی پراضافی 600 روپے مانگے جارہے ہیں اور 500 روپے تک وصول کئے جارہے ہیں.

    20 روپے والی گڈی پر 800 سے 1000 روپے اضافی مانگے جارہے ہیں اور600 سے 700 تک وصول کئے جارہے ہیں، 50 روپے والی گڈی پر 1200سے 1500 روپے 100روپے والی نئے کرنسی نوٹوں کی گڈی 1800 سے 2000 روپے اضافی مانگے جارہے ہیں۔نئے کرنسی نوٹ فروخت کرنے والوں نے قیمتیں بڑھنے کے بارے میں بتایا کہ طلب زیادہ ہے جبکہ سپلائی کم مل رہی ہے جس کی وجہ زیادہ قیمتیں دے کر خریدنے پرمجبور ہیں ۔ چاند رات کو قیمتوں میں مزید 200سے 500روپے تک اضافہ ہو جائے گا ۔

    قلات میں فورسز کا انٹیلی جنس آپریشن، 6 دہشت گرد ہلاک

  • پاکستان سمیت دنیا میں سونے کی قیمت بلند ترین سطح پر پہنچ گئی

    پاکستان سمیت دنیا میں سونے کی قیمت بلند ترین سطح پر پہنچ گئی

    سونے کی قیمتوں میں اتار چڑھاؤ کا سلسلہ جاری ہے، عالمی منڈی میں سونے کے نرخ بڑھنے پر پاکستان میں بھی قیمتوں میں نمایاں اضافہ ہوگیا ہے۔

    میڈیا رپورٹ کے مطابق دو روز میں فی تولہ سونا 5 ہزار 580 روپے مہنگا ہوگیا۔ آج ملک میں فی تولہ سونے کی قیمت میں 2 ہزار380 روپے کا اضافہ ہوگیا ہے۔ فی تولہ سونے کی قیمت بڑھنے کے بعد مقامی صرافہ بازاروں میں نئی قیمت 3 لاکھ 23 ہزار 380 روپے ہوگئی ہے۔ اسی طرح دس گرام سونے کی قیمت بھی بڑھ گئی ہے۔ 10 گرام سونے کی قیمت میں 2 ہزار 41 روپے کا اضافہ ہوا ہے۔نئی قیمت 2 لاکھ 77 ہزار 246 روپے کی سطح پر پہنچ گئی ہے۔یاد رہے کہ عالمی مارکیٹ میں سونے کی فی اونس قیمت 22 ڈالر اضافے کے بعد 3074 ڈالر ہوگئی ہے۔مزید برآں پاکستان کی انٹربینک مارکیٹ میں امریکی ڈالر کے مقابلے میں پاکستانی روپے کی قدر میں اضافہ ریکارڈ کیا گیا ہے۔

    سٹیٹ بینک آف پاکستان کے مطابق انٹربینک مارکیٹ میں امریکی ڈالر کے مقابلے میں پاکستانی روپے کی قدر میں 05 پیسے کا اضافہ ریکارڈ کیا گیا ہے جس کے بعد اس کی نئی قیمت 280 روپے 16 پیسے ہو گئی ہے۔انٹربینک مارکیٹ میں سعودی ریال کی قدر 74 روپے 69 پیسے جبکہ بحرینی دینار کی قدر 743 روپے 15 پیسے رہی۔اسی طرح عمانی ریال کی انٹربینک مارکیٹ میں قدر 727 روپے 74 پیسے رہی، کویتی دینار کی قدر 908 روپے 71 پیسے اور قطری ریال کی قدر 76 روپے 85 پیسے ریکارڈ کی گئی۔ دوسری جانب اوپن مارکیٹ میں امریکی ڈالر کی قیمت خرید 280 روپے 40 پیسے اور قیمت فروخت 281 روپے 90 پیسے ریکارڈ کی گئی۔

    بجلی قیمت میں کمی، جلد ہی وزیر اعظم اعلان کریں گے، وزیر خزانہ

    پاکستان کا میانمار ،تھائی لینڈ زلزلہ متاثرین سے اظہار یکجہتی

    عیدالفطر سے قبل پٹرول سستا،نوٹیفکیشن آگیا

    میانمار میں زلزلے سے تباہی، 144 افراد کی ہلاکت، 730 زخمی

  • سرکاری ریٹ پر چینی کی فراہمی میں حکومت ناکام،عوام مہنگی خریدنے پر مجبور

    سرکاری ریٹ پر چینی کی فراہمی میں حکومت ناکام،عوام مہنگی خریدنے پر مجبور

    اسلام آباد: حکومت کی جانب سے 163 روپے فی کلو چینی کی فراہمی کا وعدہ پورا نہ ہوسکا، جس کے باعث عوام مہنگے داموں چینی خریدنے پر مجبور ہیں۔

    وفاقی وزیر برائے قومی غذائی تحفظ رانا تنویر حسین نے دعویٰ کیا ہے کہ ملک میں چینی 163 روپے فی کلو کے حساب سے دستیاب ہے اور چینی کی قیمت میں اضافے کی بنیادی وجہ ذخیرہ اندوزی اور منافع خوری ہے۔ ان کے مطابق چینی کے ذخائر وافر مقدار میں موجود ہیں اور حکومت عوام کو مہنگائی سے بچانے کے لیے ہر ممکن اقدامات کر رہی ہے۔انہوں نے مزید کہا کہ حکومت اس بات کو یقینی بنائے گی کہ چینی کی قیمتوں میں غیر معمولی اضافہ نہ ہو اور عوام کو مناسب نرخوں پر چینی دستیاب ہو۔

    تاہم، وفاقی وزیر کے دعوے زمینی حقائق کے برعکس نظر آ رہے ہیں کیونکہ ملک کے مختلف شہروں میں چینی کی قیمت 163 روپے سے کہیں زیادہ ہے۔ کوئٹہ میں چینی کی قیمت 175 سے 180 روپے فی کلو جبکہ کراچی میں 170 روپے فی کلو فروخت ہو رہی ہے۔عوامی حلقوں نے حکومت سے مطالبہ کیا ہے کہ وہ چینی کی قیمتوں کو قابو میں رکھنے کے لیے عملی اقدامات کرے اور ذخیرہ اندوزوں کے خلاف سخت کارروائی عمل میں لائی جائے تاکہ عام شہری سستے داموں چینی خرید سکیں۔

  • گزشتہ کئی ماہ سے درآمدات میں نمایاں اضافہ ہو گیا

    گزشتہ کئی ماہ سے درآمدات میں نمایاں اضافہ ہو گیا

    مالی سال25-2024 کے پہلے 8 ماہ میں ملک میں گاڑیوں، مشینری، خوراک، پیٹرولیم مصنوعات سمیت متعدد اشیا کی درآمدات میں نمایاں اضافہ ریکارڈ کیا گیا جہاں درآمدی بل اضافے کے ساتھ 37 ارب 87 کروڑ ڈالر سے تجاوز کرگیا ہے۔

    وفاقی ادارہ شماریات کے اعدادوشمار کے مطابق موبائل فون کی درآمد میں 13 فیصد کمی کے باوجود حجم ایک ارب ڈالر سے تجاوز کر گیا۔مشینری کی درآمدات کا حجم 15 فیصد سے زائد اضافے کے ساتھ 5 ارب 82 کروڑ ڈالر تک پہنچ گیا، پاور، ٹیکسٹائل، آفس، تعمیراتی اور الیکٹریکل میشنری کی درآمد میں اضافہ ہوا ہے۔ پیٹرولیم مصنوعات کی درآمد 1.20 فیصد اضافے سے 10 ارب 70 کروڑ ڈالر ریکارڈ کی گئی، زرعی آلات، کیمیکلز کی درآمد میں 2.52 فیصد اضافہ ہوا اور 5 ارب 87 کروڑ ڈالر زرمبادلہ خرچ کیا گیا۔

    ادارہ شماریارت نے بتایا کہ ٹرانسپورٹ کی درآمدات 24.33 فیصد اضافے سے ایک ارب 38 کروڑ ڈالر ریکارڈ کی گئی، گاڑیوں اور پرزہ جات کی درآمد میں 23 فیصد تک اضافہ ہوا اور جولائی تا فروری 75 کروڑ ڈالر سے زیادہ مالیت کی کاریں اور پرزے درآمد کیے گئے۔اسی طرح مالی سال کے پہلے 8 ماہ میں غذائی اشیا کی درآمد میں 1.47 فیصد کمی کے باوجود پاکستان نے 5 ارب 38 کروڑ ڈالر کی خوراک بیرون ملک سے منگوائی، اس میں گندم، خشک میوے، چائے، مصالحہ جات، پام آئل، سویا بین آئل، چینی اور دالیں شامل ہیں اور ٹیکسٹائل درآمدات کا حجم 59 فیصد اضافے سے دو ارب 71 کروڑ ڈالر رہا ہے۔

    کراچی شہر میں منکی پاکس کا پہلا کیس رپورٹ

    حسینہ واجد کو بنگلا دیشی عبوری حکومت سےبڑا ریلیف مل گیا

    سندھ حکومت نے ٹرانسپورٹ افسران کی چھٹیاں منسوخ کردیں

  • سونے کی قیمت میں مسلسل اضافہ

    سونے کی قیمت میں مسلسل اضافہ

    کراچی: سونے کی قیمت میں اضافہ بدستور جاری ہے اور آج مسلسل چوتھے روز سونے کی قیمت بلند ترین سطح پر پہنچ گئی-

    باغی ٹی وی : آل پاکستان جیمز اینڈ جیولرز ایسوسی ایشن کے مطابق آج ملک میں سونے کی فی تولہ قیمت میں 1800 روپے کا اضافہ ہوا ہے جس کے بعد سونے کی فی تولہ قیمت 3 لاکھ 20 ہزار 800 روپے کی ریکارڈ سطح پر پہنچ گئی ہے، 10 گرام سونے کی قیمت 1543 روپے اضافے کے ساتھ 2 لاکھ 75 ہزار 34 روپے ہوگئی ہے۔

    دوسری جانب عالمی بازار میں بھی سونے کی قیمتوں میں اضافہ ہوا ہے جہاں سونے کا بھاؤ 12 ڈالر اضافے کے ساتھ 3050 ڈالر فی اونس ہوگیا ہے۔

    جدہ سے لاہور آنے والے پی آئی اے کے طیارے سے پرندہ ٹکرا گیا

    چیمپئنز ٹرافی کے انعقاد سے بورڈ کو کوئی نقصان نہیں ہوا،عامر میر

    موجودہ حالات میں قومی اتفاقِ رائے کی اشد ضرورت ہے، طارق فضل چوہدری

  • سونے کی قیمت تاریخ کی نئی بلند ترین سطح پر پہنچ گئی

    سونے کی قیمت تاریخ کی نئی بلند ترین سطح پر پہنچ گئی

    کراچی: پاکستان سمیت دنیا بھر میں سونے کی قیمت تاریخی بلندی پر پہنچ گئی۔

    باغی ٹی وی : آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 2 ہزار 550 روپے اضافے کے بعد 3 لاکھ 17 ہزار 350 روپے کی بلند ترین سطح پر پہنچ گئی ہے ملک میں 10 گرام سونے کی قیمت بھی 2 ہزار 186 روپے اضافے کے بعد 2 لاکھ 72 ہزار 76 روپے ہےعالمی مارکیٹ میں فی اونس سونے کی قیمت میں 25 ڈالر کا اضافہ دیکھا گیا اور فی اونس سونے کی قیمت 3 ہزار 22 ڈالر کی نئی بلند ترین سطح پر پہنچ گئی۔

    ڈیجٹیل پرائز بانڈز رجسٹرڈ ڈرافٹ رولز کا نوٹیفکیشن جاری

    دوسری جانب چاندی کی قیمت میں بھی 25 روپے کا اضافہ ریکارڈ کیا گیا اضافے کے بعد فی تولہ چاندی کی قیمت 3 ہزار 555 روپے ہو گئی اور 10 گرام چاندی کی قیمت اضافے کے بعد 3 ہزار 47 روپے پر پہنچ گئی-

    پنجاب پولیس پیپر لیس ورکنگ پر منتقل

  • پاکستان اسٹاک ایکسچینج میں تیزی کا رجحان، انڈیکس ریکارڈ سطح پر پہنچ گیا

    پاکستان اسٹاک ایکسچینج میں تیزی کا رجحان، انڈیکس ریکارڈ سطح پر پہنچ گیا

    کراچی: پاکستان اسٹاک ایکسچینج میں کاروبار کے دوسرے روز بھی تیزی کا رجحان رہا۔

    باغی ٹی وی : پاکستان اسٹاک ایکسچینج میں تیزی کی لہر برقرار ہے، 100 انڈیکس میں ایک ہزار پوائنٹس سے زائد اضافہ ہوگیا، ایک لاکھ 17 ہزار کی حد بحال ہوگئی، کاروباری ہفتے کے دوسرے روز اسٹاک ایکسچینج میں کاروبار کا مثبت آغاز ہوا، 100 انڈیکس 475 پوائنٹس کے اضا فے کے بعد ایک لاکھ 16 ہزار 17 پوائنٹس کی سطح پر پہنچ گیا۔

    واضح رہے گزشتہ کاروباری ہفتے کے آخری دن کاروبار کے اختتام پر ہنڈریڈ انڈیکس ایک لاکھ ، 15 ہزار 536 کی سطح پر بند ہوا تھا۔

    آئی ایم ایف نے پاکستان سےاقتصادی پالیسیوں کی یادداشت کا مسودہ شیئر کردیا

    زارا شیخ کے مشرقی انداز سے متاثر ہوا تھا،میکال ذوالفقار

    ہیپاٹائٹس سی کا بہت جلد ملک سے مکمل خاتمہ ہو جائے گا۔وزیراعظم

  • سونا مہنگا ،قیمتیں پھر تاریخ کی بلند ترین سطح پر پہنچ گئیں

    سونا مہنگا ،قیمتیں پھر تاریخ کی بلند ترین سطح پر پہنچ گئیں

    سونا مزید مہنگا ہوگیا، جس کے نتیجے میں قیمتیں ایک بار پھر تاریخ کی بلند ترین سطح پر پہنچ گئی ہیں۔

    باغی ٹی وی کے مطابق امریکا سمیت دنیا بھر کے ممالک کی جانب سے گولڈ میں بڑھتی ہوئی سرمایہ کاری رحجان کے باعث عالمی اور مقامی سطح پر سونے کی قیمتیں تاریخ کی نئی بلند ترین سطح پرپہنچ گئیں۔بین الاقوامی بلین مارکیٹ میں فی اونس سونے کی قیمت 13ڈالر کے اضافے سے 2ہزار 997روپے کی نئی بلند ترین سطح پر آنے کے باعث مقامی صرافہ مارکیٹوں میں بھی 24قیراط کا حامل فی تولہ سونے کی قیمت 1100 روپے کے اضافے سے 3لاکھ 14ہزار 800 روپے کی نئی بلند ترین سطح پر آگئی۔

    اسی طرح ملک میں فی 10گرام سونے کی قیمت بھی 943روپے کے اضافے سے 2لاکھ 69ہزار 890روپے کی بلند ترین سطح پر آگئی۔سونے کی قیمتوں میں اضافے کے برعکس فی تولہ چاندی کی قیمت بغیر کسی تبدیلی کے 3530 روپے کی سطح پر مستحکم رہی اور فی 10 گرام چاندی کی قیمت بھی بغیر کسی تبدیلی کے 3026روپے کی سطح پر مستحکم رہی۔

    گرفتار سوشل میڈیا ایکٹوسٹ ہماری ٹیم کا حصہ نہیں، پی ٹی آئی کا انکار

    ضلع خیبر میں سیکیورٹی فورسز کا کامیاب آپریشن، 3 خوارج ہلاک