ریاض: سعودی عرب پاکستان کے 9بلین ڈالرمالیت کے سونے اور تانبے کے ذخائر ریکوڈک منصوبے میں 10 سے 20 فیصد شیئرخریدے گا۔

باغی ٹی وی: برطانوی اخبار فنانشل ٹائمز کے مطابق سعودی عرب کی سرمایہ کاری مائننگ فنڈ پاکستان کے ریکوڈک پراجیکٹ میں حصص خریدنے کے لیے تیار ہے، جو ایک بار مکمل ہونے کے بعد دنیا کی سب سے بڑی تانبے کی کانوں میں سے ایک ہو گی۔

منارا منرلز 25کھرب9 نو ارب روپے ( 9 بلین ڈالر) کے کمپلیکس کا 10سے20 فیصد حصہ خریدنے کا ارادہ رکھتی ہے، جسے کینیڈا کے ’بیرک گولڈ‘ نامی کمپنی تیار کر رہی ہے، مائننگ فنڈ حکومت پاکستان سے ایکویٹی حصص خریدے گا، جو کہ منصوبے کی 25 فیصد یعنی 500 ملین سے ایک ارب ڈالر تک کی مالک ہے۔

بیرک کے چیف ایگزیکٹو مارک برسٹو نے گزشتہ ہفتے ریاض میں کہا کہ یہ منصوبہ پاکستان کی معیشت کو بدل دے گا سعودی عرب کی طرف سے سرمایہ کاری پورے منصوبے کے لیے اچھی ہو گی ریاض میں پاکستان اور سعودی عرب کے وزراء نے کہا کہ وہ اس منصوبے کے لیے پرعزم ہیں-

گزشتہ ہفتے پاکستان کے ایک اعلیٰ سطحی وفد کے ریاض کے دورے کے بعد کہایہ معاہدہ آخری مراحل میں ہے، جہاں ملک کے وزیر پیٹرولیم مصدق ملک نے بتایا کہ انہیں اگلے چھ ماہ کے اندر معاہدے کی توقع ہے۔

سعودی عرب کے وزیر صنعت و معدنیات بندر الخریف نے تصدیق کی کہ منارا ریکوڈک معاہدے پر غور کر رہی ہے اور اس بات پر زور دیا کہ اس سے مملکت کی دھاتوں کی مانگ کو پورا کرنے میں مدد مل سکتی ہے منارا ہمارے لیے یہ یقینی بنانے کے لیے ایک اچھا ذریعہ ہوگا کہ سعودی عرب اپنی مستقبل کی صنعت کاری اور ضروریات کے لیے درکار معدنیات کی حفاظت کرے۔

رپورٹ کے مطابق مکمل ہونے پر یہ بیرک گولڈ کے لیے ایک بڑا فروغ ہو گا جسے مالی کی حکومت کے ساتھ تنازع کے بعد حصص کی قیمتوں میں کمی کا سامنا کرنا پڑا اور اسے مغربی افریقی ملک میں سونے کی اپنی بڑی کان کو بند کرنے پر مجبور کر دیا ہے۔

سعودی عرب پاکستان کے سب سے بڑے بیرونی قرض دہندگان میں سے ایک ہے، اس نے قرضوں کے رول اوور، مرکزی بینک کے ذخائر اور تیل کی سہولیات دیں۔

واشنگٹن: نومنتخب امریکی صدر ڈونلڈ ٹرمپ کی حلف برداری سے قبل بٹ کوائن ریکارڈ بلند ترین سطح پر پہنچ گیا۔

باغی ٹی وی : فرانسیسی خبر ایجنسی کے مطابق ڈونلڈ ٹرمپ کی تقریب حلف برداری سے قبل پیر کو بٹ کوائن کی قیمت $109,241 کی ریکارڈ بلند ترین سطح پر پہنچ گئی نومبر میں ٹرمپ کے صدارتی انتخاب جیتنے کے بعد سے دنیا کی سب سے بڑی کرپٹو کرنسی کی قیمت میں تیزی سے اضافہ ہورہا ہے، دسمبر کے اوائل میں پہلی بار بٹ کوائن نے $100,000 کی سطح کو عبور کیا تھا۔

واضح رہے کہ ڈونلڈ ٹرمپ کرپٹو کرنسی سیکٹر کو ڈی ریگولیٹ کرنے کے منصوبے کا اشارہ دے چکے ہیں، ٹرمپ نے کرپٹو کرنسی کے حمایتی پال اٹکنز کو امریکی سیکیورٹیز ریگولیٹر کا سربراہ نامزد کیا ہے جس سے اس امید کو تقویت ملی کہ نئے صدر اس شعبے کو ڈی ریگولیٹ کر دیں گے۔

ٹرمپ کے بعد ملانیا ڈالر کرنسی بھی لانچ

ماضی میں کرپٹو کرنسی کو "scam” قرار دینے کے باوجود ٹرمپ نے اس ہفتے کے آخر میں اپنی خود کی کرپٹو کرنسی بھی لانچ کی تھی جسے ٹرمپ ڈالر کہا جاتا ہے، اس کرپٹو کرنسی کی مارکیٹ کیپٹلائزیشن کئی ارب ڈالر تک بڑھ گئی ہے۔

اس سے قبل بٹ کوائن کے تاریخی $100,000 کی سطح پر پہنچنے پر ٹرمپ نے اپنے ٹرتھ سوشل پلیٹ فارم پر لکھا تھا کہ مبارک ہو بٹ کوائنرز!!! $100,000!!! آپ کا استقبال ہے!!! مل کر ہم امریکا کو ایک بار پھر عظیم بنائیں گے-

ڈھاکہ یونیورسٹی میں شیخ مجیب کی تصویر بناکر اسے نفرت کا مینار قرار دیدیا گیا

واشنگٹن: نو منتخب امریکی صدر ڈونلڈ ٹرمپ کی ٹرمپ ڈالر میم کرنسی کے بعد ان کی اہلیہ ملانیا ٹرمپ نے بھی اپنی میم کرنسی ملانیا ڈالر لانچ کر دی۔

باغی ٹی وی:ملانیا ٹرمپ نے اپنی کرپٹو کرنسی کا اعلان سوشل میڈیا پلیٹ فارم ایکس پر کیا ہے اس لانچ کے ساتھ ہی کرپٹو مارکیٹ میں نئی ہلچل پیدا ہوئی ہے، جس نے سرمایہ کاروں کی توجہ حاصل کر لی ہے، تاہم یہ میم کرنسیز سرمایہ کاروں کے لیے ممکنہ خطرات بھی رکھتی ہیں۔

ملانیا نے سوشل میڈیا پر پوسٹ شیئر کرتے ہوئے لکھا ہے کہ دی آفیشل ملانیا میم جاری ہو چکی ہے، آپ ملانیا ڈالر خرید سکتے ہیں، یہ کرنسی سولانا بلاک چین پر تیار کی گئی ہے، جو کہ تیز رفتار اور کم لاگت والے ٹرانزیکشنز کے لیے مشہور ہے اسے سرمایہ کاری کے موقع کے طور پر پیش نہیں کیا جا رہا بلکہ ملانیا ڈالر کا مقصد ملانیا ٹرمپ کے ساتھ ’رابطہ‘ اور ’سپورٹ‘ فراہم کرنا ہے۔

 

کرپٹو کرنسی سے متعلق پوسٹ،ٹرمپ کے سوشل میڈیا اکاؤنٹس ہیک ہونے کا شبہ

دوسری جانب ڈونلڈ ٹرمپ کی حلف برداری سے چند دن قبل لانچ کی گئی ٹرمپ ڈالر کرنسی نے ابتدائی دنوں میں زبردست مقبولیت حاصل کی ہے۔

کرپٹو کرنسیز کی مشہور ویب سائٹ کوائن مارکیٹ کیپ کے مطابق ٹرمپ ڈالر کی قیمت لانچ کے بعد چند سینٹ سے بڑھ کر 33.87 ڈالرز تک پہنچ گئی تھی، جو کہ 18,000 فیصد سے زائد کا اضافہ ہےبعد ازاں اس کی قیمت میں کمی ہوئی، لیکن یہ اب بھی 48 ڈالرز کے قریب ٹریڈ کر رہا ہے۔

کوائن مارکیٹ کیپ کے مطابق ٹرمپ ڈالر کی مارکیٹ ویلیو تقریباً 12 بلین ڈالرز ہے، جبکہ ملانیا ڈالر کی مارکیٹ ویلیو تقریباً 1.7 بلین ڈالرز کے قریب ہےٹرمپ ڈالر کوائن کی لانچ کے بعد ابتدائی چند دنوں میں قیمت میں 18,000 فیصد اضافہ ہوا، جب کہ ملانیا ڈالر کی لانچنگ کے بعد ٹرمپ ڈالر کی قیمت میں 45 فیصد کمی واقع ہوئی ہےٹرمپ ڈالر کوائن کی قیمت پہلے 76 ڈالر تک پہنچ گئی تھی، لیکن ملانیا ڈالر کی لانچ کے بعد اس میں زبردست کمی آئی ہے۔

 

صدر ٹرمپ نے اپنی کرپٹو کرنسی لانچ کردی

ڈونلڈ ٹرمپ پہلے کرپٹو کرنسی کو ’فریب‘ قرار دے چکے ہیں، انہوں نے 2024ء کی انتخابی مہم کے دوران کرپٹو کو اپنانا شروع کیا، وہ پہلے صدارتی امیدوار ہیں جنہوں نے کرپٹو کرنسی کو بطور عطیہ قبول کیا ٹرمپ نے اپنی مہم کے دوران وعدہ کیا کہ وہ بٹ کوائن کا ایک اسٹریٹیجک ذخیرہ بنائیں گے اور ان مالیاتی ریگولیٹرز کا تقرر کریں گے جو کرپٹو انڈسٹری کے حق میں ہوں گے۔

ٹرمپ کی جیت کے بعد بٹ کوائن نے 140,000 ڈالرز کی ریکارڈ قیمت تک پہنچ کر کرپٹو مارکیٹ میں ایک نیا سنگِ میل عبور کیااس پیش رفت سے کرپٹو انڈسٹری کے ماہرین میں امید پیدا ہوئی ہے کہ ٹرمپ انتظامیہ بائیڈن دور کی سختیوں کو نرم کرے گی، جنہوں نے کرپٹو کمپنیوں کے خلاف کارروائیاں کی تھیں۔

 

یورو اسٹار کی اجارہ داری ختم ، 500 ملین پاؤنڈ کا تیز رفتار ٹرین منصوبہ منظرعام پر آ گیا

ٹرمپ ڈالر اور ملانیا ڈالر جیسی میم کرنسیز کا حقیقی فائدہ کم ہوتا ہے اور یہ اکثر مزاحیہ یا طنزیہ انداز میں بنائی جاتی ہیں، ان کی قیمت میں تیزی سے اضافہ اور کمی کا رجحان سرمایہ کاروں کے لیے خطرناک ہو سکتا ہے حال ہیں میں سوشل میڈیا انفلوئنسر ہالے ویلچ کو اپنے میم کوائن ہاک ڈالر کی قیمت میں زبردست کمی کے بعد سرمایہ کاروں کی جانب سے قانونی چارہ جوئی کا سامنا کرنا پڑا تھا۔

ملانیا ٹرمپ کی ملانیا ڈالر اور ڈونلڈ ٹرمپ کی ٹرمپ ڈالر کرنسیاں کرپٹو مارکیٹ میں نئی ہلچل کا باعث بنی ہوئی ہیں، جہاں ان کرنسیز نے سرمایہ کاروں کی دلچسپی کو بڑھایا ہے، وہیں ان کی قیمتوں میں اتار چڑھاؤ نے ان کے غیر مستحکم ہونے کی یاد دہانی کرائی ہے۔

ناقدین کا کہنا ہے کہ سرمایہ کاروں کو چاہیے کہ وہ ان کرنسیز میں سرمایہ کاری سے پہلے مکمل تحقیق کریں اور ان کے ممکنہ خطرات کو سمجھیں، کیونکہ یہ دھوکا دہی کے واقعات سے بھی منسلک ہو سکتی ہیں۔

 

ڈونلڈ ٹرمپ کا ٹک ٹاک کو 90 دن کی مہلت دینے کا اعلان