Category: چترال

چترال،باغی ٹی وی (گل حمادفاروقی کی رپورٹ) ضلع اپر چترال کے بونی بوزند روڈ استارو دیعیڑی کے مقام پر اج ایک انتہائی افسوس ناک حادثہ پیش آیا ہے عینی شاہدین کے مطابق ٹاون چترال سے تریچ جانے والی گاڑی پر اوپر پہاڑی سے اچانک پہاڑی تودہ اس وقت آگرا جب وہ پہاڑی تودے سے تباہ حال انتہائی دشوار گزار راستے پر صفائی میں مصروف تھی، اس افسوس ناک حادثے کے نتیجے میں تریچ شوچ سے تعلق رکھنے والے محمد اسحاق ولد زار گوڑی پتھروں کی زد میں اگیا اور نیچے گہری کھائی میں جاگرا جس کے نتیجے میں موقع پر جان کی بازی ہار گیا

مقامی لوگوں نے ہمارے نمائندے سے فون پر بات کرتے ہویے بتایا کہ گزشتہ روز ہی متعلقہ حکام کی توجہ اس دشوار گزار مقام کی سنگین صورتحال کی طرف مبذول کرائی گئی تھی لیکن ان کے مطابق ان کی دہائیاں اورآہ وزاری صدا بصحرا ثابت ہوئیں اور پھر آج ایک اور معصوم جان ان کی عفلت ولاپرواہی اور بے حسی کی نظر ہوگئی۔

مقامی لوگوں نے سوال اٹھایا کہ کیا اس روڈ کی بحالی نگہداشت اور صفائی سی این ڈبلیو کی فرائض منصبی میں شامل نہیں ؟

کیا عوام کی بنیادی انسانی حقوق اور جان و مال کا تحفظ انتظامیہ کی ذمہ داری میں شامل نہی ہے۔ وادی تریچ کے لوگوں نے محکمہ کمیونیکیشن اینڈ ورکس کے اعلیٰ حکام اور ضلعی انتظامیہ سے مطالبہ کیا ہے کہ بونی سے بوزند، تریچ سڑک سے فوری طور پر برف اور ملبہ صاف کرکے اسے ٹریفک کیلیے مکمل طور پر کھول دیا جایے تاکہ یہ خونی سڑک کسی اور مسافر کی جان نہ لے۔

ذرائع نے بتایا کہ محمد اسحاق والدین کا اکلوتا بیٹا تھا اور اس سے پہلے اس کے والدین اور دو بہنیں بھی وفات پاگیے تھے اس کے چھوٹے بچے اور ایک بیوہ بے سہارا رہ گئی ہے کیونکہ یہ اپنے گھر کا واحد کفیل تھا۔اس کی موت کے بعد اس کے بچے اور بیوہ غم سے نہایت نڈھال ہیں کیونکہ ان کو پالنے والا اور کوئی نہیں ہے۔

چترال،باغی ٹی وی (گل حماد فاروقی کی رپورٹ)غریب آدمی کامکان برفانی تودے میں دب گیا ،مدد کی اپیل

لوئر چترال کے مضافاتی علاقے سینگور محلہ شاہ میراندہ میں محمد ولی نامی شحص نے اونچائی پر نیا مکان بنایا تھا، اسی سال شدید برف باری کے باعث آس پاس اور اس کے مکان کے اوپر پہاڑ پر بہت زیادہ برف جمع ہو گئی تھی ،

گزشتہ دنوں وہ جمی ہوئی برف گرمی کی وجہ سے پگھل کر اچانک اس کے مکان کے اوپر آگر ی جس کے نتیجے میں محمد ولی کے مکان کی چھت بری طرح متاثر ہوئی۔ ٹین کے نیچے لگائے جانیوالے لکڑی کےشہتیر وغیرہ ٹوٹ گئے۔

محمد ولی کا کہنا ہے کہ میں غریب آدمی ہوں میرے بیٹے بیرون ملک محنت مزدوری کرتے تھے اور ان کی خون پسینے کی کمائی سے یہ مکان بنایا تھا جو برفانی تودے تلے دب کر جزوی طور پر تباہ ہوا۔

محمد ولی کا کہنا ہے کہ ضلعی انتظامیہ کے اہلکار بھِی یہاں آئے تھے انہوں نے اس کا جائزہ لیکر اسے نقصان زدہ فہرست میں درج بھی کیا تھا مگر ابھی تک مجھے کسی قسم کی امداد نہیں ملی جبکہ بعض بااثر لوگوں کو سات سات لاکھ روپے کے چیک بھی دیے گیے۔

انہوں نے صوبائی اور وفاقی حکومت کے ساتھ ساتھ ضلعی انتظامیہ سے بھی درخواست کی ہے کہ اس کی بھی مالی مدد کی جایے اور جو نقصان ہوا ہے اس کا ازالہ کیا جائے تاکہ وہ اپنا مکان دوبارہ تعمیر کرسکے۔

چترال ،باغی ٹی وی (گل حماد فاروقی کی رپورٹ)چترال بونی شندور شاہراہ پر حفاظتی دیواریں خود بخود گرنے لگے۔غیر معیاری کام کی وجہ سے عوام پریشان۔

چترال بونی شاہراہ پر نیشنل ہائی وے اتھارٹی کے زیر نگرانی تعمیر کا کام کئی سالوں سے جاری ہے۔ اربوں روپے کی لاگت سے بننے والی اس سڑک پر ایک جانب تعمیری کام غیر ضروری تاخیر کا شکار ہوا تو دوسری جانب کام کا معیار بھی اچھا نہیں ہے۔ یہی وجہ ہے کہ اس کی اکثر حفاظتی دیواریں تکمیل سے پہلے خود بخود گر رہی ہیں۔

چترال میں سڑکوں کی تعمیر اور مرمت کیلئےے آواز اٹھانے والی رضاکار تنظیم سی ڈی ایم چترال ڈیویلپمنٹ مومنٹ کے اراکین نے اس سڑک کا معائنہ کیا۔ ماہرین نے انکشاف کیا کہ سڑک کی تعمیر کا کام عمر جان اینڈ کمپنی کو ٹھیکے پر دیا گیا تھا مگر انہوں نے چھوٹے چھوٹے ٹھیکیداروں میں یہ کام بانٹا ہوا ہے۔

چترال بونی شندور روڈ کی زیرتعمیرحفاظتی خود بخود گرنے لگیں،غیر معیاری کام کی وجہ سے عوام پریشان،کسی بڑے حادثہ کاخدشہ
چترال سے گل حماد فاروقی کی رپورٹ @BaaghiTV @MumtaazAwan @nha_pakistan1@GovtofPakistan @GulHamaadFarooq pic.twitter.com/Fh9QhSrwMn

— QNN WORLD (@QNN_World) March 17, 2024

انہوں نے کہا کہ سڑک کے کنارے حفاظتی دیواریں بغیر کسی بنیاد کے ریتلی زمین کے اوپر بنائی گئی ہیں جس کی تعمیر میں سیمنٹ کا استعمال نہ ہونے کے برابر ہے اور صرف کچرا اندر ڈال کر باہر سے پلستر کیا ہوا ہے دوسرا اس پر پانی سے ترائی بھی نہیں ہوئی یعنی بروقت پانی کا چھڑکاؤ نہیں کیاگیا ہے جس کی وجہ سے یہ سیمنٹ بھی بوسیدہ ہوکر خود بخود گر رہی ہے۔

سی ڈی ایم کے اراکین کے علاوہ راہگیروں نے بھی سیمنٹ کی بنی ہوئی دیواریں ہاتھوں سے توڑ کر اسے نہایت غیر معیاری اور ناقص قراردیا۔

معروف قانون دان سید برہان شاہ ایڈوکیٹ، سماجی کارکن عنایت اللہ اسیر، محمد اشرف، طالب علم کامران، سلطان محمود،ذکریا اور راہ چلتے ہوئے دیگر لوگوں نے بھِی اس بات پرنہایت حیرت کا اظہار کیا کہ چترال بونی شاہراہ پر اگر ایسا ناقص کام کھلے عام ہورہا ہو جس پر ہزاروں لوگ روزانہ گزرتے ہیں تو جہاں زیادہ لوگوں کی آمد و رفت نہ ہو وہاں این ایچ اے کے کام کا کیا معیار ہوگا۔

انہوں نے کہا کہ عام طور پر اگر کوئی اپنے گھر کی دیواریں تعمیر کرتا ہے تو دیوار کیلئےپہلے تین چار فٹ بنیادیں کھودتے ہیں اور پتھروں میں سمینٹ ڈال کر دیوار بنائی جاتی ہے، تعمیر کے بعد اس پر باقاعدگی سے ہفتہ دس دن ترائی کی جاتی ہے تاکہ وہ مضبوط ہو۔ یہاں حفاظتی دیواروں کے اندر چھوٹے پتھر اور کچرا ڈالا گیا ہے جس کے اندر سیمنٹ نام کی کوئی چیز نہیں ہے اور دیوار کو باہر سے پلستر کیا ہوا ہے جس سے یوں لگتا ہے کہ پوری دیوار میں سیمنٹ استعمال ہوا ہے ،مگر اس پر ترائی نہیں ہوئی ہے جس کی وجہ سے جولائی اگست میں سیمنٹ بوسیدہ ہوکر ناکارہ ہوچکی ہے یہی وجہ ہے کہ یہ دیواریں خود بخود گررہی ہیں۔ جہاں دیواریں گری ہیں وہاں نہ تو سیلاب آیا ہے اور ان پر کوئی بڑا پتھر گرا ہوا ہے بلکہ نیچے بنیاد نہ ہونے کی وجہ سے دیوار سرک گیا ہے اور پوری دیوار دھڑام سے گررہی ہیں۔

سی ڈی ایم کے اراکین نے اس بات کا بھی انکشاف کیا کہ اس کام کی معیار کو چیک کرنے کیلئے نیسپاک یعنی نیشنل انجنیئرنگ سروسز پاکستان کی جانب سے کنسلٹنٹ ریذیڈنٹ انجنیر عرفان الحق نے ایک مرتبہ بھی سائٹ پر جاکر اس کام کے معیار کا معئنہ نہیں کیا۔ ان کا مزید کہنا ہے کہ ان کی شکایت این ایچ اے کے پراجیکٹ ڈایریکٹر کو بھی کی گئی تھی مگر ان کا جواب تھا کہ وہ دل کا مریض ہے اور چلنے پھرنے کا قابل نہیں ہے۔

ہمارے نمائندے نے این ایچ اے اور نیسپاک کے ذمہ داروں سے بار بار رابطہ کرنے کی کوشش کی مگر رابطہ نہ ہوسکا اور ان کو باقاعدہ ان کے نمبر پر پیغام بھیجا کہ وہ اس بابت اپنا موقف دیں تاکہ دونوں جانب کا موقف سامنے رکھاجائے مگر ابھی تک ان کی طرف سے کوئی جواب نہیں ملا۔

معروف قانون دان سید برہان شاہ ایڈوکیٹ اور سی ڈی ایم کے دیگر اراکین نے چیف جسٹس آف پاکستان، وزیر اعظم پاکستان، وفاقی وزیر اور سیکرٹری مواصلات اور این ایچ اے کے چیئرمین سے مطالبہ کیا ہے کہ اس ناقص کام کی جوڈیشل انکوائری کرکے اسے دوبارہ سپیسیفکیشن یعنی مروجہ معیار کے مطابق بنوایا جائے ،کہیں ایسانہ ہوکہ سڑک مکمل ہونے کے بعد جب بھاری ٹرک اور سواریوں سے بھرے ہوئے کوسٹر جب گزریں گے تو یہ ناقص دیواریں ان کی بوجھ برداشت نہ کرتے ہوئے دریا برد نہ ہوجائیں کیونکہ یہ دیواریں ابھی سے اکثر ایسی جگہوں سے گررہی ہیں جہاں نہ تو اس پر کوئی بھاری ملبہ گرا ہے اور نہ ہی سیلاب کا پانی اس پر گزرا ہے بلکہ نیچے بنیاد نہ ہونے کی وجہ سے خود بخود گررہی ہیں۔

چترال،باغی ٹی وی (گل حماد فاروقی کی رپورٹ)وادی آرکاری میں سڑک سے برف ہٹاتے ایکسکیویٹرالٹ گیا، آپریٹر جاں بحق، جاں بحق ہونے والا اپریٹر بوڑھے والدین سمیت پورے خاندان کا واحد کفیل تھا، متاثرہ خاندان نے حکومت سے امداد کی اپیل کی ہے۔

امیر ولد غلام شاہ جو ایک نجی ایکسکیویٹر کا آپریٹر تھا آرکاری کی سڑک سے برف ہٹانے کی غرض سے سڑک پر جارہا تھا ،دوران کام ایکسکیویٹرکے اچانک پھسل جانے سے بمقام شور آرکاری وہ مشین الٹ گئی،جس کے نیچے آکرآپریٹر امیر موقع پر جاں بحق ہو گیا۔جاں بحق ہونے والا اپریٹر بوڑھے والدین سمیت پورے خاندان کا واحد کفیل تھا، اسکے فوت ہونے کی وجہ سے خاندان شدید متاثر ہو چکا ہے۔

سابق ناظم یونین کونسل شغور عبدالمجید نے ہمارے نمائندے کو فون پر بتایا کہ اس کی درخواست پر ایم پی اے فاتح الملک علی ناصر نے ڈپٹی کمشنر لوئر چترال سے کہا تھا کہ وادی آرکاری کی سڑک سے برف ہٹائی جائے تاکہ لوگوں کو آنے جانے میں آسانی ہو۔ اس دوران ایکسکیویٹر مشین اچانک الٹ گئی اور نوجوان آپریٹرامیر اس کے نیچے آکر جاں بحق ہوگیا۔

عبدالمجید کا کہنا ہے کہ امیر کا والد غلام شاہ جو ایک بیمار آدمی ہے اب اس کیلئے دوائی لانے والا بھی کوئی نہیں رہا۔ انہوں نے کہا کہ حالیہ طوفانی بارشوں اور شدید برف باری کے باعث وادی آرکاری بری طرح متاثر ہوئی تھی ،وہاں جانے والے تمام راستے بند تھے۔ خواتین، بچوں، بوڑھوں اور طلباء و طالبات کو سکول، کالج جانے یا لوگوں کو ہسپتال جانے میں نہایت مشکلات کا سامنا ہے۔

انہوں نے کہا کہ اس وادی میں راستے بند ہونے کی وجہ سے اشیائے خوردنوش کی بھی شدید قلت پیدا ہوئی ہے اور وہاں کے لوگ بری طرح متاثر ہوئے ہیں جو حکومتی امداد کے منتظر ہیں۔

عبدالمجید نے وزیر اعلیٰ خیبر پختون خواہ اور ضلعی انتظامیہ سے اپیل کی ہے کہ وہ مرحوم امیر کے خاندان کے ساتھ مالی مددکریں اور وادی آرکاری کا راستہ جلد سے جلد کھولنے کے ساتھ ساتھ وہاں امدادی سامان بھی پہنچایا جائے تاکہ لوگ فاقہ کشی بچ سکیں۔

انہوں نے کہا کہ وادی میں ہسپتال نہ ہونے کی وجہ سے اکثر مریض چترال ہسپتال آنے کی کوشش کرتے ہیں مگر راستے بند ہونے کی وجہ سے یہ لوگ ان برفانی تودوں کے اوپر پیدل سفر کرنے پر مجبور ہیں جوبہت ہی خطرناک ہے.

چترال،باغی ٹی وی (گل حماد فاروقی کی رپورٹ)وادی کیلاش میں آئس ہاکی کھیلتے ہوئے نوجوان کھلاڑی جاں بحق

وادی کیلاش میں آئس ہاکی کھیلتے ہوئے ایک نوجوان کھلاڑی چھت سے گر کر جاں بحق ہوگیا ہے،حالیہ شدید برف باری کے بعد وادی کیلاش کے لوگ اپنا قدیمی ثقافتی کھیل آئس ہاکی کھیل رہے تھے۔وادی کیلاش کے برون ٹار گاؤں جو پہلوانندہ کے سامنے پہاڑ کے دامن میں واقع ہے اس کا ایک نوجوان کھلاڑی شیر انجم ولد سلطان روم جس کی عمر پچیس سال بتائی گئی ہے

وہ دوسرے کھلاڑیوں کے ساتھ آئس ہاکی جسے مقامی زبان میں ہیم غال کہتے ہیں کھیل رہا تھا،اس کھیل میں لکڑی سے بنی ہوئی ایک گیند ہوتی ہے جس پر کالا رنگ لگایا جاتا ہے تاکہ برف میں گم نہ ہوجائے کیونکہ برف کا رنگ بھی سفید ہوتا ہے اسلئے اس گیند پر کالا رنگ لگایا جاتا ہے۔

کھیل کے دوران یہ گیند زیر تعمیر تھانہ بمبوریت کے چھت پر جا گری۔ شیر انجم نے تھانےکے چھت پر چڑھ کر بال نیچے پھینکی مگر برف زیادہ ہونے کی وجہ سے اسے اندازہ نہیں ہوا اور چھت سے نیچے فرش پر گر گیا جس کی وجہ سے وہ جاں بحق ہوگیا۔ اس کا والد سلطان روم بھی فوت ہوچکا ہے ایک بھائی ڈرائیور جبکہ دوسرا بھائی دبئی میں ہے۔

جب نوجوان کھلاڑی نیچے گر گیا تو اس وقت وادی کیلاش کا راستہ شدید برف باری کے باعث ہر قسم کے ٹریفک کیلیے بند تھا جس کی وجہ سے اسے بروقت نہ تو ہسپتال پہنچایا گیا نہ اسے طبعی امداد دی گئی اس طرح وہ نوجوان راستے ہی میں دم توڑ گیا۔

کیلاش سے تعلق رکھنے والے چند عمائدین نے ہمارے نمائندے سے فون پر باتیں کرتے ہوئے کہا کہ کیلاش ڈیویلپمنٹ اتھارٹی کے نام پر ڈھائی سال پہلے کروڑوں روپے مالیت کی مشنیری آچکی ہے جس میں ایکسکیویٹر، لوڈر، ڈس بین، ٹرالی ٹریکٹر اور دیگر مشینری شامل ہیں مگر یہ ساری مشینری تحصیل میونسپل انتظامیہ کے دفتر میں بے کار کھڑی ہے جسے زنگ لگنے کا خطرہ بھی ہے۔

وادی کیلاش کے لوگو ں نے مطالبہ کیا ہے کہ کیلاش ڈیویلپمنٹ اتھارٹی کے نام پر جو مشینری اور سامان آیا ہوا ہے اسے بروئے کار لاتے ہوئے وادی کیلاش کے تینیوں دیہات، بمبوریت، رمبور اور بریرکے راستوں کو کھول دیا جائے تاکہ یہاں کے لوگ کم از کم اپنے زحمیوں اور بیماروں کو تو بروقت ہسپتال پہنچا سکیں اور یوں ان کی آنکھوں کے سامنے ان کے پیارے موت کا لقمہ نہ بنیں۔

معروف معالج اور سماجی کارکن ڈاکٹر محمد عدنان نے وزیر اعلیٰ خیبر پحتون خواہ سے مطالبہ کیا ہے کہ بمبوریت میں واحد بنیادی مرکز صحت بی ایچ یو میں فوری طور پر ڈاکٹر تعینات کیا جائے تاکہ یہاں کے ہزاروں باشندوں کو بروقت طبعی امداد تو مل سکے۔

انہوں نے یہ بھِی مطالبہ کیا کہ کیلاش کے تینوں وادیوں رمبور، بمبوریت اور بریر کے راستے ہر قسم کے ٹریفک کیلیے کھول دئے جائیں تاکہ عوام کو سفر کرنے میں مشکلات کا سامنا نہ ہو۔

چترال،باغی ٹی وی (نامہ نگارگل حمادفاروقی)پاک افغان سرحدی علاقہ وادی آرکروی کے عمائدین کااے سی دروش کے دفتر کے سامنے احتجاج
پاک افغان سرحدی علاقہ وادی آرکروی کے عمائدین نے اے سی دروش کے دفتر کے سامنے احتجاجی مظاہرہ کیا کہ شہزادہ خالد پرویز نے انہیں جنگلات کی رائیلٹی کے بیس کروڑ روپے سے محروم کیا ہے۔ انہوں منتبہ کیا کہ اگر دو دن کے اندر ان کو جائز حق نہیں ملا تو وہ خواتین اور بچوں سمیت بھوک ہڑتال کرنے پر مجبور ہوں گے۔ تفصیل گل حماد فاروقی کی اس رپورٹ میں

https://x.com/DrMustafa983/status/1765654462792671349?s=20