Category: جرائم و حادثات

(غفار ریاض نمائندہ باغی ٹی وی قصور)

وزیر اعلی پنجاب سردار عثمان بزدار کی خصوصی ہدایات کی روشنی میں ضلع بھر میں تحصیل کی سطح پر ریونیو عوامی خدمت کچہریوں کا انعقاد گزشتہ روز ہوا۔ ڈپٹی کمشنر قصور آسیہ گُل نے ڈی سی کمپلیکس کے لان میں عوامی خدمت کچہری لگائی جس میں ایڈیشنل ڈپٹی کمشنر ریونیو عابد حسین بھٹی، اسسٹنٹ کمشنر قصور اورنگزیب سدھو‘تحصیلدار، نائب تحصیلدارز، انچارج اراضی ریکارڈ سینٹر، پٹواریوں اور دیگر متعلقہ افسران نے شرکت کی۔ اس موقع پر ڈپٹی کمشنر آسیہ گُل نے شہریوں کے ریونیو سے متعلقہ مسائل کے فوری حل کیلئے موقع پر احکامات جاری کئے۔ ریونیو عوامی خدمت کچہریوں میں فرد اور انتقال کا اجرا، درستگی ریکارڈ، رجسٹری، انکم سرٹیفکیٹ، معائنہ ریکارڈ، ڈومیسائل کا اجرااور دیگر مسائل کا ازالہ کیا گیا۔ اس موقع پر ڈپٹی کمشنر کا کہنا تھا کہ ریونیو عوامی خدمت کچہری پنجاب حکومت کا انقلابی اقدام ہے جس سے سائلین کو ریونیو سے متعلق تمام سہولیات ایک ہی چھت کے نیچے میسر آرہی ہیں۔ انہوں نے مزید کہا کہ پنجاب حکومت کے ایسے اقدامات کا مقصد ریونیو افسران او ر عملے تک سائلین کی با ٓسانی رسائی کرپشن کا خاتمہ اور شفاف انداز میں ریونیو معاملات کو حل کرنا ہے۔ عوام الناس کو انصاف کی فراہمی پنجاب حکومت کی اولین ترجیحات میں شامل ہے۔ شہری اپنے مسائل کے حل کیلئے عوامی خدمت کچہریوں میں تشریف لائیں اور اپنے مسائل کو ترجیحی بنیادوں پر حل کروائیں۔ ڈپٹی کمشنر نے کہا کہ عوام الناس کو فوری انصاف کی فراہمی پنجاب حکومت کی اولین ترجیح ہے جس کیلئے ضلعی حکومت اپنے تمام تر وسائل بروئے کار لارہی ہے۔ اس کے علاوہ اسسٹنٹ کمشنرز چونیاں، پتوکی اور کوٹ رادھاکشن نے بھی اپنی اپنی تحصیلوں میں ریونیو عوامی خدمت کچہریوں کو انعقاد کیا۔

(غفار ریاض نمائندہ باغی ٹی وی قصور)

کوٹ رکندین خان قصور کے علاقے سے کمسن بچی پراسرار طورپر لاپتہ ورثاء نے پولیس سے مدد مانگ لی۔کوٹ رکندین خاں کے رہائشی محمد عباس نے پولیس تھانہ سٹی اے ڈویژن نے مقدمہ درج کروایا ہے کہ میری چار،پانچ سالہ بیٹی نور فاطمہ گزشتہ روز گھر سے باہر گئی جو تاحال واپس نہیں گھر واپس نہیں پہنچی اپنے طور پر بھی کافی تلاش کیا مگر کوئی سراغ نہیں ملا میری بیٹی کو تلاش کیا جائے۔پولیس تھانہ سٹی اے ڈویژن مصروف کاروائی ہے

(غفار ریاض نمائندہ باغی ٹی وی قصور)

تحصیل چونیاں میں زناء کے دو مختلف واقعات میں ایک عورت کو زیادتی کا نشانہ بنادیا گیا جبکہ دوسری نے شورمچا کر اپنی عزت بچائی پولیس نے دونوں مقدمات درج کرلیے۔بلقیس بی بی نے پولیس تھانہ الہ ا ٓباد میں درخواست دی ہے کہ گزشتہ رات کو میری بہو ساجدہ بی بی گھر میں اکیلی موجود تھی کہ ملزم ذوالفقار علی آیا اور اس کے ساتھ زناء کرکے فرار ہوگیا مدعیہ کی درخواست پر پولیس تھانہ الہ آباد مصرو ف کاروائی ہے جبکہ دربار شیخ علم دین کے رہائشی شہیر نے پولیس تھانہ سٹی چونیاں میں درخواست دی ہے کہ گزشتہ رات میری پندرہ،سولہ سالہ بہن نصرین بی بی اپنے گھر میں موجود تھی کہ ملزم غلام فرید آیا اور میری بہن کو ورغلاء پھسلاء کر قریب کے کھیت میں لے گیا اور زناء کرنے کی کوشش کی میری بہن نے شور مچا کر اپنی جان بچائی۔مدعی کی درخواست پر پولیس تھانہ سٹی چونیاں مصروف کاروائی ہے۔