ریس کورس پولیس کی پتنگ فروشوں کے خلاف اہم کاروائی، پتنگ فروش گرفتار ، پتنگیں برآمد، مقدمہ درج،پتنگ فروش محمد عرف توحیدی سے 1250 پتنگیں برآمد ہوئیں،پولیس
تفصیلات کے مطابق پتنگ فروش کے خلاف کاروائی ایس ایچ او ریس کورس اور ان کی ٹیم نے کی، پتنگ بازی خطرناک کھیل ہے انسانی جانوں سے کھیلنے والوں کے ساتھ آہنی ہاتھوں سے نمٹا جائے گا،
ایس پی پوٹھوہار کی جانب سے ریس کورس پولیس کو شاباش پتنگ فروشوں کے خلاف کریک ڈاؤن جاری رکھنے کی ہدایت کر دی
پاکستان کوسٹ گارڈز کی کارروائی،751کلو گرام اعلی کو الٹی کی کرسٹل اور ہیروئن برآمد
تفصیلات کے مطابق گورنمنٹ آف پاکستان کے منشیات کی روک تھام پر حالیہ کاوشوں کے مطابق پاکستان کوسٹ گارڈزبھی اپنی تمام تر وسائل برؤے کارلا رہی ہے۔اس سلسلے میں پاکستان کوسٹ گارڈز کو خفیہ ذرائع سے اطلاع ملی کہ پسنی(بلوچستان) سے بھاری مقدار میں منشیات بیرون ملک اسمگل ہونے کا خدشہ ہے۔جس کو مدِنظر رکھتے ہوئے ڈائریکٹر جنرل پاکستان کوسٹ گارڈز نے متعلقہ کمانڈر کو تین مختلف اطراف سے سرچ آپریشن کا آغاز کر ایا ا ور ساتھ ساتھ سمندری راستے کو بھی اپنی لانچوں کے ذریعے بلاک کر دیا گیا
مزید برآں ریڈار کی مدد سے لانچوں کی آمد ورفت کے اوپر نظر رکھی اور ضروری چیکنگ عمل میں لائی گئی۔ یہ آپریشن مسلسل تین رات تک جاری رہا جسمیں تازہ دم دستوں سے کمک مہیا کی جاتی رہیں۔سرچ پارٹیوں کی کوششوں کے بعد پسنی کے قریب تنگ بازکے پہاڑی علاقوں کے درمیان چھپائی گئی 143کلو گرام اعلی کوالٹی کی کرسٹل اور 608کلو گرام اعلی کوالٹی کی ہیروئن برآمد کر لی گئی۔ پکڑی جانے والی منشیات کی مالیت انٹرنیشنل مارکیٹ میں 20ارب روپے کے لگ بھگ ہے۔ ابتدائی معلومات /تحقیقات کے مطابق یہ منشیات سمندر کے راستے ساؤتھ افریقہ اسمگل کی جانی تھیں۔
ڈائریکٹر جنرل پاکستان کوسٹ گارڈزنے جوانوں کی اس انتھک محنت اور اعلیٰ کارکردگی کو سراہا۔
واضح رہے کہ پاکستان کوسٹ گارڈز ہر قسم کی اسمگلنگ کی روک تھام کے لیے ہمہ وقت مصروف ِ عمل ہے اور ملکی معیشت کو مستحکم کرنے میں اپنا کردار ادا کر تی رہے گی۔
باغی ٹی وی کی رپورٹ کے مطابق سندھ کے علاقے کشمور میں ماں اور کمسن بچی کو زیادتی کا نشانہ بنانے والے ملزم کو گرفتار کر لیا گیا
سندھ کے شہر کشمور میں ظالم درندے نے ماں اور اس کی 4 سالہ بچی کو اجتماعی زیادتی کا نشانہ بنا ڈالا، پولیس نے ایک ملزم کو گرفتار کر کے نا معلوم مقام پر منتقل کردیا ہے.
خاتون کو کراچی سے کشمور نوکری کا جھانسہ دے کر بلایا گیا تھا جس کے بعد اسے بچی سمیت اجتماعی زیادتی کا نشانہ بنانے کے بعد بیچ دیا گیا۔
پولیس حکام کے مطابق اطلاع ملنے کے فوراً بعد مقدمہ درج کرکے کارروائی کی گئی اور ایک ملزم کو گرفتار کر لیا گیا ہے، جبکہ بچی کو تشویشناک حالت میں ہسپتال منتقل کر دیا گیا ہے۔
https://twitter.com/azmeer_khowaja/status/1326790261880594433
ہسپتال انتظامیہ کے مطابق جان بچانے کی کوشش کی جا رہی ہے۔ پولیس کے مطابق خاتون اور بچی کا میڈیکولیگل کرایا گیا ہے جس میں دونوں سے زیادتی کی تصدیق ہوئی ہے، ایک ملزم گرفتار کر لیا گیا ہے جس کے بعد جلد ہی دیگر ملزمان کو بھی گرفتار کر کے قرار واقعی سزا دلائی جائے گی
کشمور میں چار سالہ بچی علیشا کے ساتھ زیادتی کی گئی ہے ملک کے حکمران خاموش کیوں ہے ملزم کو پھانسی دی جائے#JusticeForAlisha #Kashmor pic.twitter.com/Y5ZZsvYeTK
— SM Leghari (@SMLaghari) November 12, 2020
سماجی رابطے کی ویب سائٹ ٹویٹر پر کشمور واقعہ پر ٹاپ ٹرینڈ بنا ہوا ہے اور صارفین ملزم کو سزا کا مطالبہ کر رہے ہیں
طلبا کے ساتھ زیادتی کرنے، ویڈیو بنا کر بلیک میل کرنے والے سابق پولیس اہلکار کو عدالت نے سنائی سزا
لاہور میں 2 بچیوں کے اغوا کی کوشش ناکام،ملزم گرفتار
پولیس ناکے پر 100روپے کے تنازعے پر دو پولیس اہلکار آپس میں لڑ پڑے
خاتون کی غیر اخلاقی ویڈیو وائرل کرنیوالا ملزم لاڑکانہ سے گرفتار
موٹروے کے قریب خاتون سے مبینہ زیادتی ،پولیس کی 20 ٹیمیں تحقیقات میں مصروف
موٹر وے کے قریب خاتون سے اجتماعی زیادتی،سراج الحق کا ملزمان کی گرفتاری کیلئے 48 گھنٹوں کا الٹی میٹم
درندہ صفت مجرمان کو پھانسی کی سزا دی جائے۔ دردانہ صدیقی
زیادتی کے مجرموں کو خصوصی عدالت کے ذریعے فی الفور سزا دی جائے،کل مسالک علماء بورڈ
آبروریزی کے بڑھتے واقعات کسی بڑی تباہی کی نشاندہی کر رہے ہیں، علامہ عبدالخالق اسدی
پنجاب پولیس کی اعلیٰ کارکردگی،موٹروے زیادتی کیس کے ملزم تیسرے روز بھی گرفتار نہ ہو سکے
موٹروے پر خاتون سے اجتماعی زیادتی، واحد عینی شاہد نے کیا منظر دیکھا؟ بتا دیا
قائمہ کمیٹی برائے مذہبی امور کا سی سی پی او لاہور کی برطرفی کا مطالبہ
سی سی پی او لاہور کو نشان عبرت بنایا جائے،اسکے ہوتے ہوئے عورت محفوظ نہیں رہ سکتی، مریم اورنگزیب
حریم شاہ کے ساتھ زیادتی،تشدد زدہ لاش برآمد،ملزمان کی گرفتاری کیلئے احتجاج
شیخوپورہ(نمائندہ باغی ٹی وی )گردونواح میں ڈکیتی،چوری اور رہزنی کی وارداتوں کے نتیجہ میں شہریوں سے مال وزرلوٹ لیا گیا،تھانہ ہاوسنگ کالونی کے علاقہ لاہور روڈ کی آبادی جہانگیر ٹاؤن میں 3مسلح موٹر سائیکل سوار ڈاکو اسلحہ کی نوک پر الحمد سپرسٹور میں گھس گئے جنہوں نے دکاندار کو اسلحہ کی نوک پر یرغمال بناکرڈیڈھ لاکھ روپے سے زائد نقدی،آئی فون اور گاہکوں سے نقدی چھین کرفرار ہوگئے،تھانہ شرقپور شریف کے علاقہ شرقپور روڈ پر3مسلح ڈاکوؤں نے سعودیہ پلٹ محنت کش امجد علی اوراسکے جواں سالہ بیٹے کو یرغمال بنا کر اسلحہ کی نوک پر 50ہزار سعودی ریال 5تولہ طلائی زیورات اس وقت چھین لیے جب وہ لاہور ایئر پورٹ سے اپنے گھر واپس جارہے تھے کہ ککری پور کے قریب ڈاکوؤں کے ہتھے چڑھ گئے ڈاکوؤں محنت کش چھ سالہ جمع پونجی چھین کرفرار،اسی تھانہ کی حدودبجانب منڈی فیض آباد3مسلح ڈاکواختر سے نقدی موبائل فون چھین کرفرار،تھانہ ہاوسنگ کالونی کے علاقہ میں 2مسلح ڈاکوافتخار فاطمہ سے نقدی موبائل فون چھین کرفرار،بائی پاس نیشنل سکول کے قریب 2مسلح بوٹا نامی شخص سے نقدی موبائل فون چھین کرفرار،ڈیرہ مائی حاکم کے قریب2مسلح ڈاکوعبدالرشید سے نقدی موبائل فون چھین کرفرار،تھانہ فیکٹری ایریا کے علاقہ برج اٹاری میں نامعلوم چوروں نے اللہ دتہ کے گھر کے تالے توڑ کرنقدی اور قیمتی سامان چرا کرفرار،جوئیانوالہ موڑ کے قریب نامعلوم چور منیر کی موٹرسائیکل چراکر فرار،ٹوکریاں والابازارسے نامعلوم چور موٹر سائیکل چراکر فرار،کوٹ رنجیت میں نامعلوم چور منیر کی موٹرسائیکل چراکر فرار ہوگئے۔
سی سی پی او لاہور محمد عمر شیخ نے تھانہ ہیر کے انچارج انوسٹی گیشن انسپکٹر محمد اکرم اور اے ایس آئی سلیم کو معطل کر دیا، محمد عمر شیخ نے تھانہ نواب ٹاون کے سب انسپکٹر آصف بٹ کو بھی معطل کلوز لائن کر دیا، انسپکٹر اکرم اور اے ایس آئی محمد سلیم کو ایس انوسٹی گیشن کینٹ کی سپیشل رپورٹ پرمطل و کلوز لائن کیا گیا،
تھانہ نواب ٹاون کے سب انسپکٹر آصف بٹ کو ناقص تفتیش پر معطل و کلوز لائن کیا گیا ،آصف بٹ نے طمع نفسانی کی خاطر ملزمان کو فائدہ پہنچایا، جس سے ملزمان باآسانی ضمانتوں پر رہا ہوگئے، ملزمان حمزہ شمس، اشفاق احمد اور سلمان خان کےخلاف تھانہ نواب ٹاون میں زیر دفعہ 448/511/148/149 ت پ مقدمہ درج تھا،
قبضہ گروپوں اور ان کی پشت پناہی کرنے والوں کےخلاف زیر ٹولرنس پالیسی ہے،شہریوں کے جان و مال کے تحفظ کو ہر ممکن یقینی بنایا جائے گا، سی سی پی او لاہور
ناقص تفتیش کرنے والے افسران کسی رعائت کے مستحق نہیں،
ایس پی صدرانویسٹی گیشن محمد عیسیٰ خان کی سربراہی میں گرین ٹاؤن پولیس کی کارروائی۔26سالہ زنیرہ کی خودکشی کا ڈراپ سین، بیوی کو فائر مار نے والاشوہر اسد خالق گرفتار،ملزم اسد خالق نے 3 ماہ قبل اپنی بیوی مقتولہ زونیرہ کو معمولی تلخ کلامی پرپسٹل سے فائر مارقتل کر دیا تھا۔
ملزم اسد خالق اور مقتولہ زنیرہ کو میکے جانے سے منع کرتا تھا جس پردونوں میں اکثر لڑائی جھگڑا رہتا تھا۔ وقوعے کے روز صبح 5 بجے دونوں میں جھگڑا ہوا جس پر ملزم اسد خالق نے طیش میں آکر بیوی پر پسٹل سے فائر کیا۔
فائر مقتولہ زونیرہ کے سینے میں لگا جس سے اس کی موقع پر موت واقع ہو گئی تھی۔مقتولہ کے قتل کے بعد ملزم اسد خالق کی بہن نے 15 پر زنیرہ کی خودکشی کی کال کر دی تھی۔انچارج انویسٹی گیشن گرین ٹاؤن مقصود احمدنے اپنی ٹیم کے ہمراہ مختلف شواہد کی روشنی میں ملزم کو گرفتار کیا۔ایس ایس پی انویسٹی گیشن لاہور کی طرف سے اپنی بیوی کو قتل کرنے والے ملزم کی گرفتاری پر پولیس ٹیم کو شاباش۔
پنجاب بھرمیں 862 ٹریفک حادثات میں 14افراد جاں بحق 922 زخمی ہوئے
تفصیلات کے مطابق پنجاب ایمرجنسی سروس نے گذ شتہ 24گھنٹوں کے دوران پنجاب بھرمیں 862روڈ ٹریفک حادثات پر ریسپانڈ کیا جس میں 559افراد شدید زخمی ہوگئے جنہیں فوری طور پر نزدیکی ضلعی اور تحصیل کے ہسپتالوں میں منتقل کیا گیا۔363معمولی زخمی لوگوں کو ریسکیومیڈیکل ٹیمز کی جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔
ان حادثات میں زیادہ تر تعداد (65فیصد)موٹر سائیکلز حادثات کی ہے اس لیے وقت کی ضرورت ہے کہ روڈ ٹریفک حادثات کی بڑھتی ہوئی شرح کو کم کرنے کے لیے ٹریفک قوانین پر سختی سے عمل کیا جائے اوراولین کے نظم و ضبط کا خیال رکھیں۔
اعداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات 359ڈرائیوز،کم عمرڈرائیور35مسافر433اور144پیدل چلنے والے افراد متاثر ہوئے۔اعدادو شمار سے ظاہر ہوتا ہے کہ195ٹریفک حادثات کی فون کالز لاہور کنٹر ول روم میں موصول ہوئیں، جن میں صوبائی درالحکومت185متاثرین کے ساتھ پہلے فیصل آباد86حادثات میں 94متاثرین کے ساتھ دوسرے اورملتان54حادثات میں 57متاثرین کے ساتھ تیسرے نمبرپررہا۔
واضح رہے کہ ان ٹریفک حادثات کے کل936متاثرین میں 716مرد اور220خواتین شامل ہیں جبکہ زخمی ہونیوالوں میں 183افراد کی اوسط عمر18سال سے کم اور 491افراد کی اوسط عمر 18سے 40سال کے درمیان جبکہ262زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں 706موٹر سائیکلز،113آٹو رکشے،99موٹر کاریں،25وین10مسافربسیں،22ٹرک اور111دوسری اقسام کی گاڑیاں شامل ہیں۔
آر اے بازار پولیس کی اہم کاروائی، موٹرسائیکل چوری اور سنیچنگ کی وارداتوں میں ملوث شہباز گینگ کا سرغنہ 2 ساتھیوں سمیت گرفتار،
تفصیلات کے مطابق ملزمان کے قبضہ سے چوری شدہ 10 موٹر سائیکل ،چھینے گئے 2 موبائل فونز اور وارداتوں میں استعمال ہونے والے2 پستول معہ ایمونیشن و خنجر برآمد کر لیے گئے ایس ایچ او تھانہ کے مطابق گرفتارملزمان میں گینگ کا سرغنہ شہباز شاہ، شعیب امجد اور عرفان شاہ شامل ہیں،
ملزمان کے خلاف کاروائی ایس ڈی پی او کینٹ کی زیرنگرانی ایس ایچ او آر اے بازار اوران کی ٹیم نے کی، عوام کی جان ومال کا تحفظ پولیس کی اولین ذمہ داری ہے، اس مقصد کیلئے تمام ممکنہ وسائل کو بروئے کار لایا جارہا ہے، سی پی او محمد احسن یونس کی جانب سے ایس پی پوٹھوہار، ایس ایچ او آر اے بازار اور پولیس ٹیم کو شاباش دی گئی
ایس پی سٹی انویسٹی گیشن کی سربراہی میں شادباغ پولیس کی کارروائی۔چوری کی وارداتوں میں ملوث گینگ کے 2ملزمان صدام اورآصف گرفتار۔
گرفتار ملزمان سے ڈیڑھ لاکھ روپے نقدی, 6 موبائل فونز اور ناجائز اسلحہ برآمد کر لیا گیا ملزمان سابقہ ریکارڈ یافتہ ہیں جو متعدد بار گرفتار ہو کر جیل جا چکے ہیں۔
ملزمان نے ضمانت پر رہا ہونے کے بعد چوری کی متعدد وارداتوں کا اعتراف کیا ہے۔انویسٹی گیشن پولیس شادباغ نے کارروائی کرتے ہوئے ملزمان کو گرفتار کیا۔ایس ایس پی انویسٹی گیشن لاہور کی طرف سے چورگینگ کی گرفتاری پر پولیس ٹیم کو شاباش
موٹروے پولیس نے پشاور کے قریب مقابلے کے بعد ایک ملزم گرفتار کر کے چوری شدہ گاڑی برآمد کرلی۔
تفصیلات کے مطابق موٹروے پولیس کو اطلاع ملی کہ تھانہ نون اسلام آباد کے علاقے سے ایک جیپ سرف KW15 چوری ہو گئی ہے۔اطلاع پاتے ہی موٹروے پولیس الرٹ ہوگئیں اور گاڑیوں پر نظر رکھنا شروع کر دی۔کرنل شیر خان انٹر چینج ایم ون کے قریب مذکورہ گاڑی نظر آنے پر موٹروے پولیس نے متعدد بار اسے روکنے کی کوشش کی مگر ملزمان نے گاڑی موقع سے فرار کرلی موٹروے پولیس نے مذکورہ گاڑی کا پیچھا جاری رکھا اور حکمت عملی کے تحت مین ٹول پلازہ پشاور بلاک کر دیا گیا ملزمان کے خلاف شکنجہ سخت کر دیا گیا۔ ملزمان جب مین ٹول پلازہ پشاور پہنچےتو گاڑی چھوڑ کر موٹروے پولیس پر فائرنگ کرتے ہوئے فرار ہونے کی کوشش کی ، ملزمان کی ہی فائرنگ سے تین سے ایک ملزم عامر جاوید والد جاوید حسن سکنہ پشاور زخمی ہوگیا جیسے حراست میں لے کر ایل آر ایچ پشاور منتقل کر دیا گیا۔
دو ملزمان اندھیرے کا فائدہ اٹھاتے ہوئے موقع سے فرار ہوگئے۔ زخمی ملزم کی حالت خطرے سےباہر ہے ۔واقعہ کی اطلاع ڈسٹرک پولیس کو دی گئی جو کہ موقع پر پہنچ گئی۔ مزید قانونی کاروائی جاری ہے