Category: جرائم و حادثات

ماسکو:دادا دادی نے دو سالہ پوتے کوہلاک کرکے جلا ڈالا،اطلاعات کے مطابق دادا دادی نے روس میں دو سالہ بچے کو گلا دبا کر ہلاک کر دیا گیا، بچے کےقتل کے الزام میں اس کے دادا اور دادی کو گرفتار کر لیا گیا ہے۔

روس کے علاقے سائبریا میں 2 سالہ بچے کو اس کے والدین نے دادا اور دادی کے پاس چھوڑا تھا، تاہم واپسی پر انہیں گھر کے باہر بچے کی جلی ہوئی باقیات ملیں۔

پولیس کے مطابق بچے کو گلا دبا کر مارنے کے بعد اوون میں ڈال کر جلایا گیا، مقامی میڈیا کا کہنا ہے بچے کے دادا اور دادی واقعےکےوقت نشےمیں تھے۔

پولیس کا کہنا ہے کہ اس واقعہ کوتمام زاویوں سے دیکھ ر ہی ہے جرم ثابت ہونے پرقرارواقعی سزادی جائے گی

حیدرآباد :فرضی فیس بُک اکاؤنٹ کے ذریعہ لڑکیوں کو ہراساں کرنے والا گرفتار،بڑاشخص نکلا،اطلاعات کے مطابق نقلی فیس بُک اکاؤنٹ کے ذریعہ خواتین کو اپنے جال میں پھانسنے والے ایک دھوکہ باز کو پولیس نے گرفتار کرلیا۔

سائبر کرائم پولیس نے 30 سالہ وی رمیش کو گرفتار کرلیا اور اس کے قبضہ سے دو سیل فون ضبط کرلئے۔ پولیس کے مطابق جرنلزم کے کورس کی تکمیل کے بعد رمیش نے ایک سال ملازمت کی اور ملازمت کو ترک کرنے کے بعد اس نے سال 2018 ء میں ایک خاتون کے نام سے ایک نقلی فیس بک اکاؤنٹ تیار کیا

پولیس کے مطابق اس کے بعد خواتین اور نوجوان لڑکیوں کی پروفائلزکوچیک کرنے کے بعد انھیں دوستی کے پیغامات روانہ کرنا شروع کیا۔ متاثرہ لڑکی سے فیس بُک چیٹنگ کے دوران رمیش نے لڑکی کو اس بات کا مکمل یقین دلایا کہ وہ لڑکی ہے۔

اس یقین اور بھروسہ پر متاثرہ لڑکی نے فون نمبر دے دیا اور فون پر بات چیت جاری تھی۔ اس دوران اس نے لڑکی سے اپنی عریاں تصاویر روانہ کرنے کی خواہش کی۔ اس بات پر متاثرہ لڑکی کو یقین ہوگیا کہ وہ لڑکا ہے۔ اور اس نے اس کے نمبر کو بلاک کردیا۔ جس کے بعد رمیش نے مختلف نمبرات سے فون کرتے ہوئے لڑکی کو اس بات سے دھمکانا شروع کردیا کہ اگر وہ بات چیت بند کرتی ہے تو ملاقات نہیں کرتی ہے تو وہ پھر وہ دونوں کے درمیان ہونے والی خفیہ بات چیت کو سوشل میڈیا پر وائرل کردے گا۔

اس خوف سے لڑکی نے رمیش سے ملاقات کی اور دونوں گھومنے پھرنے لگے۔ اس دوران رمیش نے لڑکی کے ساتھ سیلفی حاصل کرلی اور خواہشات کا مطالبہ کرنے لگا اور ہراسانی سے تنگ آکر لڑکی نے سائبر کرائم پولیس سے شکایت کردی۔ پولیس نے رمیش کو گرفتار کرکے تفتیش شروع کردی ہے

نئی دہلی :دوست کی بیوی کوگھربلاکربھارتی فوج کے کرنل نے زیادتی کرڈالی ،اطلاعات کے مطابق بھارتی فوج میں افسران کی طرف سے ماتحتوں اوردیگرسولین کی خواتی سے زیادتی کے واقعات میں تیزی آگئی ہے ، ادھر تازہ واقعہ میں دوست کی بیوی کو زیادتی کا نشانہ بنانے والے بھارتی فوج کے کرنل کو گرفتار کرلیا گیا۔

بھارتی میڈیا کے مطابق کرنل نیرج پر الزام ہے کہ اس نے اپنے سویلین دوست کو آفیسر میس میں بلاکر نشہ آور چیز پلائی جس کے بعد اس کی روسی نژاد بیوی کو زیادتی کا نشانہ بنایا۔

مقامی پولیس کے مطابق واقعہ چند روز قبل پیش آیا جس کے بعد کرنل نیرج گرفتاری سے بچنے کی کوشش کرتا رہا اور اس دوران فرار ہوتے ہوئے پکڑا گیا۔

پولیس کا کہنا ہے کہ کرنل نیرج کی گرفتاری کے لیے ایک ٹیم تشکیل دی گئی تھی جس نے ملزم کی موبائل لوکیشن کو ٹریس کیا اور ملزم کی گرفتاری کے لیے پہنچی تو اس نے اندر سے دروازہ بند کرلیا البتہ پولیس کی ٹیم نے تھوڑی سی مزاحمت کے بعد اسے گرفتار کرلیا۔

پولیس کا کہنا ہےکہ کرنل نیرج نے شوہر کے بے ہوش ہونے کے بعد خاتون سے زیادتی کی جب کہ مزاحمت پر اس نے خاتون کو تشدد کا نشانہ بھی بنایا۔

ادھر ذرائع کے مطابق بھارتی فوج کے افسران کی طرف سے ماتحت ملازمین کی بیویو ں سے جنسی زیادتی کے واقعات اسے سے پہلے بھی سامنے آئے ہیں لیکن افسران ایک دوسرے کو بچالیتے ہیں اورالٹا زیادتی کا شکارہونے والے ماتحت ملازمین کواحتجاج کرنے پردوردراز علاقوں میں‌ ٹرانسفر کردیا جاتا ہے