Baaghi TV

Category: جرائم و حادثات

  • کراچی میں عید کے روز فائرنگ، 2 شہری جاں بحق، تین زخمی

    کراچی میں عید کے روز فائرنگ، 2 شہری جاں بحق، تین زخمی

    شہر قائد کے علاقے ابراہیم حیدری اور سپرہائی وے فقیرا گوٹھ میں فائرنگ کے واقعات میں دو افراد جاں بحق اور ایک زخمی ہوگیا, جبکہ بلدیہ اور ملیر میں فائرنگ کے واقعات میں دو افراد زخمی ہوگئے۔

    باغی ٹی وی کے مطابق ابراہیم حیدری کے علاقے کورنگی الیاس گوٹھ بہار مدینہ مسجد کے قریب عیدالفطر کی چاند رات کو فائرنگ سے ایک شخص جاں بحق ہوگیا، جس کی لاش کو ضابطے کی کارروائی کیلیے اسپتال منتقل کیا گیا۔ترجمان کراچی پولیس کے مطابق مقتول کی شناخت 42 سالہ کریم بخش ولد میر محمد جٹ کے نام سے کی گئی واقعے کے وقت مقتول گھر کے قریب اپنے بیٹے کے ہمراہ کھڑا ہوا تھا کہ 125 موٹرسائیکل سوار افراد نے قریب آکر بیٹے کے سامنے فائرنگ کر کے باپ کو قتل کر دیا اور موقعے سے فرار ہوگئے۔

    پولیس کا کہنا ہے کہ مقتول کے ورثا ہنگامہ آرائی کے بعد لاش جناح اسپتال سے اپنے ہمراہ لے گئے، واقعہ ذاتی دشمنی کا شاخسانہ ہے ، پولیس واقعے کی تحقیقات کر رہی ہے۔اس کے علاوہ سائٹ سپرہائی وے کے علاقے فقیرا گوٹھ پریشان چوک کے قریب محمود ملک شاپ پر فائرنگ سے ایک شخص جاں بحق اور ایک زخمی ہوگیا۔ پولیس کے مطابق جاں بحق ہونے والے شخص کی شناخت 37 سالہ راحت گل ولد محمد گل کے نام سے کی گئی جبکہ زخمی کی شناخت 23 سالہ محمد کاشف ولد محمد رفیق کے نام سے کی گئی جبکہ جاں بحق ہونے والے شخص کی شناخت کا عمل جاری ہے، مقتول پھل فروش تھا۔

    واقعے کے وقت اپنے دوست کی دودھ کی دکان کے باہر بیٹھا ہوا تھا ، موٹرسائیکل سوار ملزمان کسی سے لوٹ مار کر کے فائرنگ کرتے ہوئے آرہے تھے کہ فائرنگ کی زد میں آکر راحت گل جابحق اور کاشف زخمی ہوگیا ۔بلدیہ کے علاقے گلشن غازی فرید کالونی مدینہ مسجد کے قریب گھر میں پراسرار فائرنگ سے خاتون زخمی ہوگئی ، زخمی ہونے والے خاتون کو طبی امداد کے لیے سول اسپتال منتقل کیا گیا ، پولیس کے مطابق زخمی ہونے والی خاتون کی شناخت 50 سالہ مغل نساء زوجہ نور دین کے نام سے کی گئی ، پولیس واقعے کی تحقیقات کر رہی ہے۔

    ملیر سٹی کے علاقے امام بارگاہ غازی ٹاؤن ملیر سٹی میں عیدالفطر کی چاند رات کو فائرنگ سے 15 سالہ لڑکا زخمی ہوگیا ، زخمی ہونے والے لڑکے کو طبی امداد کے لیے جناح اسپتال منتقل کیا گیا۔ ترجمان کراچی پولیس کے مطابق زخمی ہونے والے لڑکے کی شناخت 15 سالہ حسان ولد علی عمر کے نام سے کی گئی ، فائرنگ کا واقعہ ڈکیتی کی واردات کے دوران مزاحمت کرنے پر پیش آیا ، علاقہ پولیس واقعے کی تحقیقات کر رہی ہے۔

    وزیراعظم کی اہلخانہ کے ہمراہ جاتی امرا آمد

  • اوکاڑہ اور ٹھٹھہ میں عید پر المناک حادثات، 6 افراد جان کی بازی ہار گئے

    اوکاڑہ اور ٹھٹھہ میں عید پر المناک حادثات، 6 افراد جان کی بازی ہار گئے

    باغی ٹی وی:عید الفطر کی خوشیاں ماتم میں بدل گئیں، جب اوکاڑہ اور ٹھٹھہ میں ہونے والے حادثات میں میاں بیوی اور بیٹی سمیت 6 افراد اپنی جانوں سے ہاتھ دھو بیٹھے۔

    تفصیلات کے مطابق اوکاڑہ کے نواحی گاؤں 33 فور ایل کے قریب تیز رفتار لینڈ کروزر نے سامنے سے آنے والی موٹر سائیکل کو خوفناک ٹکر ماری۔ مقامی ذرائع کے مطابق حادثے کی وجہ تیز رفتاری اور لاپرواہی تھی۔ ریسکیو 1122 کے حکام نے بتایا کہ اس المناک حادثے میں موٹر سائیکل پر سوار میاں، بیوی اور ان کی کمسن بیٹی موقع پر ہی دم توڑ گئے۔ جاں بحق ہونے والوں کی شناخت باسط، روبینہ اور فاطمہ کے نام سے ہوئی ہے۔

    دوسرا حادثہ ٹھٹھہ کے قریب لدیا اسٹاپ پر دو تیز رفتار موٹر سائیکلوں کے درمیان خوفناک تصادم ہوا، جس کے نتیجے میں تین نوجوان موقع پر ہی جاں بحق ہو گئے، جبکہ ایک شدید زخمی ہوا۔ ابتدائی اطلاعات کے مطابق حادثے کی وجہ تیز رفتاری تھی۔ جاں بحق ہونے والوں کی شناخت ناظم شیدی (24 سال)، گلو کمبہار (27 سال) اور احمد شیدی (25 سال) کے ناموں سے ہوئی۔ زخمی ندیم کمبہار (35 سال) کو فوری طور پر شیخ زید اسپتال میرپورساکرو منتقل کیا گیا، جہاں سے انہیں کراچی ریفر کر دیا گیا۔

  • کراچی، فائرنگ سے مذہبی سیاسی جماعت کا رہنما جاں بحق

    کراچی، فائرنگ سے مذہبی سیاسی جماعت کا رہنما جاں بحق

    کراچی میں اہل سنت و الجماعت کے مقامی رہنما کو نامعلوم مسلح ملزمان نے گولی مار کر قتل کردیا، حملے میں مقتول رہنما کے والد زخمی ہوگئے۔

    پولیس اور پارٹی عہدیداروں کے مطابق لانڈھی میں ایک مشتبہ ٹارگٹڈ حملے میں مذہبی سیاسی جماعت اہل سنت والجماعت کے ایک مقامی رہنما قاری عبدالرحمٰن کو گولی مار کر قتل کر دیا گیا، جبکہ ان کے والد زخمی ہو گئے۔قائد آباد پولیس کے ایس ایچ او رانا خوشی محمد نے بتایا کہ دونوں افراد شیر پاؤ کالونی میں ایک دکان پر موجود تھے جب موٹر سائیکل پر سوار مسلح ملزمان وہاں پہنچے، ایک موٹر سائیکل سے اترا اور اس نے دونوں افراد پر فائرنگ کردی اور فرار ہوگئے۔

    انہوں نے مزید کہا کہ متاثرین شدید زخمی ہوئے جنہیں علاج کے لیے جناح پوسٹ گریجویٹ میڈیکل سینٹر منتقل کیا گیا، جہاں قاری عبدالرحمٰن کو مردہ قرار دیا گیا جبکہ ان کے زخمی والد گل رحمٰن زیر علاج ہیں۔ایس ایچ او رانا خوشی محمد کے مطابق بظاہر یہ ٹارگٹڈ کلنگ کا واقعہ لگتا ہے.

    افغان طالبان نے امریکی خاتون قیدی کو رہا کردیا

    سوئی سدرن کا عیدالفطر کیلئے گیس کا شیڈول

    کراچی، چاند رات اور عیدالفطر کےسیکیورٹی انتظامات مکمل

    نیوزی لینڈ کیخلاف سیریز میں پاکستان کو بڑا دھچکا

    اسلام آباد پولیس کا عیدالفطر کیلئے سیکیورٹی پلان جاری

  • جنسی زیادتی کے بعد 11سالہ کمسن بچی قتل، 2 سگےماموں سمیت 4 ملزمان گرفتار

    جنسی زیادتی کے بعد 11سالہ کمسن بچی قتل، 2 سگےماموں سمیت 4 ملزمان گرفتار

    تھانہ صدر بہاولپور کی حدود میں 11 سالہ کمسن بچی کو جنسی زیادتی کے بعد قتل کردیا گیا۔

    باغی ٹی وی : ڈسٹرکٹ پولیس افسر (ڈی پی او) بہاولپور کے احکامات پر تھانہ صدر بہاولپور پولیس نے درندہ صفت 4 ملزمان کو گرفتار کرلیابہاولپور پولیس نے نامعلوم ملزمان کے خلاف تھانہ صدر بہاولپور میں زیادتی و قتل کا مقدمہ درج کیا تھا۔

    پولیس کے مطابق6 روز قبل باقر پور میں کھیتوں سے بچی زخمی حالت میں ملی تھی، جسے اسپتال منتقل کیا جا رہا تھا کہ بدقسمتی سے وہ اسپتال منتقلی کےدوران دم توڑ گئی تھی۔

    ایلون مسک کا اپنے سوشل میڈیا پلیٹ فارم ایکس کو فروخت کرنے کا اعلان

    ڈی پی او اسد سرفراز خان نے کہا کہ درندہ صفت 4 ملزمان کو گرفتارکر لیا گیا، ملزمان سےمزید تفتیش جاری ہے تھانہ صدر بہاولپور پولیس نے جدید ٹیکنالوجی اور پیشہ ورانہ طریقہ تفتیش کو اپناتے ہوئے مختصر مدت میں اصل ملزمان کو ٹریس کرلیا،گرفتار ملزمان میں شامل 2 افراد معصوم بچی کے سگے ماموں ہیں، اس کے علاوہ 2 ملزمان قریبی رشتہ دار ہیں۔

    شام : 23 وزراء پر مشتمل نئی حکومت کا اعلان

  • گوجرانوالہ: تھانے کےمحرر نے لیڈی پولیس اہلکار کو زیادتی کا نشانہ بنا ڈالا

    گوجرانوالہ: تھانے کےمحرر نے لیڈی پولیس اہلکار کو زیادتی کا نشانہ بنا ڈالا

    گوجرانوالہ کے تھانا دھلے کے محرر نے لیڈی پولیس اہلکار کو زیادتی کا نشانہ بنا ڈالا، لیڈی کانسٹیبل کے چچا کی شکایت پر سٹی پولیس آفیسر محمد ایاز سلیم نےفوری نوٹس لیا-

    باغی ٹی وی: پولیس کے مطابق خاتون اہلکار سے زیادتی کا مقدمہ ان چچا کی مدعیت میں مقدمہ درج کیا گیا جبکہ لیڈی کانسٹیبل سے زیادتی کرنے والے ملزم محرر آصف کو فوری طور پر گرفتار کر لیا گیا ہے ایف آئی آر کے مطابق ملزم کھانا کھلانے کے بہانےخاتون اہلکارکوہوٹل لے کرگیا۔

    ایف آئی آر میں کہا گیا کہ ملزم محرر خاتون اہلکار کی ویڈیو بناکر اسے بلیک میل بھی کر رہا تھا، لیڈی پولیس اہلکار کی شکایت پر محرر کو گرفتار کر کے تحقیقات شروع کر دی ہیں۔

    ایلون مسک کا اپنے سوشل میڈیا پلیٹ فارم ایکس کو فروخت کرنے کا اعلان

    سی پی او محمد ایاز سلیم کا کہنا تھا کہ مجرمانہ سرگرمیوں میں ملوث کالی بھیڑوں سے کسی قسم کی رعایت نہیں برتی جائے گی، محکمہ کی بدنامی کا باعث بننے والے ملازمین کے لیے محکمہ پولیس میں کوئی جگہ نہیں۔

    امریکا میں مسافر اور جنگی طیارے حادثے سے بال بال بچ گئے

  • اوچ شریف: کنکریٹ کی سیڑھی گرنے سے مزدور جاں بحق

    اوچ شریف: کنکریٹ کی سیڑھی گرنے سے مزدور جاں بحق

    اوچ شریف(نامہ نگارحبیب خان) اوچ شریف کے نواحی علاقے رسول واہ میں ایک افسوسناک حادثے میں 40 سالہ مزدور کنکریٹ کی سیڑھی گرنے سے جان کی بازی ہار گیا۔

    تفصیلات کے مطابق مزدور موضع مامون آباد میں کنکریٹ کی سیڑھیاں توڑنے کا کام کر رہا تھا کہ اچانک ایک بڑی سیڑھی اس پر گر گئی۔ سیڑھی کا وزن اتنا زیادہ تھا کہ وہ موقع پر ہی دم توڑ گیا۔

    ریسکیو 1122 کے اہلکاروں نے فوری طور پر جائے حادثہ پر پہنچ کر لاش کو تحویل میں لیا اور قانونی کارروائی کے لیے تحصیل احمدپور ایسٹ کے تھانے کے حوالے کر دیا۔ ریسکیو عملے کے مطابق، حادثہ اس قدر شدید تھا کہ مزدور کو بچانا ممکن نہ تھا۔

    جاں بحق ہونے والے مزدور کی شناخت لطیف ولد کریم بخش، رہائشی موضع کندی پیرا تحصیل احمدپورشرقیہ کے نام سے ہوئی ہے۔

  • ٹھٹھہ:جنگلات کی تباہی، سپریم کورٹ کے احکامات ہوا میں اڑا دیے گئے

    ٹھٹھہ:جنگلات کی تباہی، سپریم کورٹ کے احکامات ہوا میں اڑا دیے گئے

    ٹھٹھہ،باغی ٹی وی(ڈسٹرکٹ رپورٹربلاول سموں) محکمہ جنگلات ٹھٹھہ کے افسران کی جانب سے سپریم کورٹ کے واضح احکامات اور سندھ حکومت کی ہدایات کو نظر انداز کرتے ہوئے جنگلات کی غیر قانونی کٹائی اور زمینوں کی فروخت کا انکشاف ہوا ہے۔ جنگلات خانانی اور ٻن میں مبینہ طور پر لاشاری وڈیرے کے ساتھ مل کر قیمتی درختوں کو کاٹ کر زمین فروخت کی گئی، جس پر اعلیٰ حکام نے فوری نوٹس لیتے ہوئے لکڑی سے بھرے ایک ٹرک کو قبضے میں لے لیا اور تحقیقات کا آغاز کر دیا۔

    تفصیلات کے مطابق سپریم کورٹ آف پاکستان نے سندھ میں جنگلات کے تحفظ اور فروغ کے لیے واضح ہدایات جاری کی تھیں، جن پر عمل درآمد کو یقینی بنانے کے لیے سندھ حکومت نے بھی سخت احکامات جاری کیے تھے۔ تاہم محکمہ جنگلات ٹھٹھہ کے افسران جن میں ڈی ایف او فارسٹیشن ڈویژن محبوب علی بھٹی اور آر ایف او عبدالغفور سیال شامل ہیں نے ان احکامات کی کھلی خلاف ورزی کرتے ہوئے جنگلات کی تباہی کا سلسلہ شروع کر دیا۔

    ذرائع کے مطابق افسران نے مبینہ طور پر ایک بااثر وڈیرے کے ساتھ مل کر ببول کے درختوں کی اسکیم کو نقصان پہنچایا اور قیمتی زمین کو فروخت کیا۔ اس غیر قانونی سرگرمی کا انکشاف ہونے پر اعلیٰ حکام نے فوری کارروائی کرتے ہوئے کٹی ہوئی لکڑی سے بھرے ایک ٹرک کو ضبط کیا اور معاملے کی تحقیقات کا حکم دیا۔

    سیاسی اور سماجی حلقوں نے ڈی ایف او محبوب علی بھٹی اور آر ایف او عبدالغفور سیال کے خلاف شدید احتجاج کرتے ہوئے ان پر جنگلات کی تباہی اور زمینوں کی غیر قانونی فروخت کا الزام عائد کیا ہے۔ انہوں نے مطالبہ کیا کہ ان افسران کے خلاف سخت قانونی کارروائی کی جائے۔

    اس کے علاوہ آر ایف او رحمت اللہ خشک نے جنگلات بائو پورنداس میں درختوں کی غیر قانونی کٹائی کے خلاف کارروائی کرتے ہوئے لکڑی قبضے میں لے لی اور پولیس کو ملزمان کے خلاف مقدمہ درج کرنے کے لیے خط لکھا۔

    علاقہ مکینوں، سماجی رہنماؤں اور ماحولیاتی ماہرین نے سندھ حکومت سے مطالبہ کیا ہے کہ وہ محکمہ جنگلات ٹھٹھہ کی ان غیر قانونی سرگرمیوں کا فوری نوٹس لے اور جنگلات خانانی اور ٻن میں جنگلات کی تباہی میں ملوث افسران کے خلاف سخت کارروائی کرے۔

  • میانمار میں زلزلے کے دوران ہلاکتیں 1600سے متجاوز، سیکڑوں تاحال لاپتہ

    میانمار میں زلزلے کے دوران ہلاکتیں 1600سے متجاوز، سیکڑوں تاحال لاپتہ

    میانمار اور تھائی لینڈ میں زلزلے کے باعث ہلاک افراد کی تعداد 1644 سے تجاوز کرگئی جبکہ سیکڑوں تاحال لاپتہ ہیں۔

    باغی ٹی وی : غیر ملکی میڈیا نے سرکاری اعداو شمار کے حوالے سے بتایا کہ کہ میانمار میں زلزے سے 1644 سے زائد افراد ہلاک اور 3400 افراد زخمی ہوئے ہیں عمارتوں کے ملبے تلے دبی زندگیوں کی تلاش کا کام جاری ہے زلزلے کا مرکز میانمار کے دوسرے بڑے شہر منڈلے کے قریب تھا اور جس کی گہرائی زمین میں 10 کلومیٹر تک تھی، میانمار میں طاقتور 7.7 شدت کے زلزلے کے بعد ریسکیو ٹیمیں ملبے میں پھنسے افراد کو نکالنے کی کوششوں میں دن رات مصروف ہیں۔

    میانمار کے دوسرا بڑاشہر منڈلے زلزلے کا مرکزتھا ، جہاں 694 افراد کے ہلاک ہونے کی تصدیق کی گئی ہے تاہم، امریکی میڈیا کا کہنا ہے کہ ہلاکتوں کی تعداد 10,000 تک پہنچ سکتی ہے یہ زلزلہ اتنا شدید تھا کہ اس کے اثرات 900 کلومیٹر دور بنکاک تک محسوس ہو ئے، جس کے نتیجے میں کئی اہم عمارتیں اور پل گر گئے امدادی کاموں کے دوران لاشیں ملنے کا سلسلہ جاری ہے، خدشہ ظاہر کیا جا رہا ہے کہ یہ تعداد ایک ہزار سے دس ہزار کے درمیان ہوسکتی ہے۔

    انڈونیشیا، ملائشیا اور آسٹریلیا میں عید الفطر پیر کو،سعودی عرب میں حتمی فیصلے کا انتظار

    زلزلے کے جھٹکے بھارت کے مختلف حصوں میں بھی محسوس ہوئے، جن میں میگھالیہ، منی پور اور بنگلہ دیش کے دارالحکومت ڈھاکہ اور چٹاگانگ شامل ہیں چین میں بھی اس کے اثرات مرتب ہوئے تھائی حکومت نے بنکاک میں ایمرجنسی حالت کا اعلان کر دیا ہے جمعہ کو بنکاک میں ایک زیر تکمیل عمارت کے گرنے سے کم از کم 10 افراد ہلاک ہو گئے، جبکہ 100 تعمیراتی کارکن لاپتہ ہیں۔

    افغان حکومت کے سامنے دہشتگردی کا مسئلہ مؤثر طریقے سے اٹھانےکا فیصلہ

  • پیر عادل : افسوسناک حادثہ، تیز رفتار کوچ نے دو نوجوانوں کی جان لے لی

    پیر عادل : افسوسناک حادثہ، تیز رفتار کوچ نے دو نوجوانوں کی جان لے لی

    پیر عادل،باغی ٹی وی (نامہ نگارباسط علی گاڈی) انڈس ہائی وے پر تونسہ روڈ کے قریب پی ٹی شاہ پمپ کے پاس ایک المناک حادثے میں تیز رفتار کوچ نے دو موٹر سائیکل سواروں کو کچل دیا۔ یہ افسوسناک واقعہ تھانہ شاہ صدردین کی حدود میں پیش آیا، جس میں دونوں نوجوان موقع پر ہی دم توڑ گئے۔

    تفصیلات کے مطابق پیچھے سے آنے والی تیز رفتار کوچ نے موٹر سائیکل سواروں کو اس وقت ٹکر ماری جب وہ انڈس ہائی وے پر سفر کر رہے تھے۔ حادثے کے نتیجے میں محمد ظفر ولد محمد عمر اور خورشید ولد پلیا نامی دو نوجوان موقع پر ہی جاں بحق ہو گئے۔ دونوں نوجوانوں کا تعلق شاہ صدردین سے بتایا جاتا ہے۔

    حادثے کے بعد کوچ کا ڈرائیور موقع سے گاڑی بھگا کر فرار ہونے میں کامیاب ہو گیا۔ تاہم ریسکیو 1122 ایمبولینس اور پولیس فوری طور پر جائے حادثہ پر پہنچ گئیں اور انہوں نے قانونی کارروائی کا آغاز کر دیا۔ پولیس حکام فرار ڈرائیور کی تلاش میں مصروف ہیں اور حادثے کی مزید تحقیقات جاری ہیں۔ اس افسوسناک واقعے سےمقامی لوگوں میں غم و غصے کی لہر دوڑ گئی ہے۔

  • کوئٹہ میں ایک بار پھر دھماکا، خودکش بمبار نے خود کو اڑا دیا

    کوئٹہ میں ایک بار پھر دھماکا، خودکش بمبار نے خود کو اڑا دیا

    کوئٹہ: بلوچستان کے دارالحکومت کوئٹہ میں خودکش بمبار نے خود کو دھماکے سے اڑا دیا۔

    باغی ٹی وی : کوئٹہ میں لک پاس کے مقام پر دھماکا ہوا ہے، پولیس کے مطابق خودکش بمبار نے خود کو دھماکے سے اڑایا بم دھماکے سے کوئی جانی نقصان نہیں ہوا، خودکش بمبار ہدف تک پہنچنے سے قبل ہی پھٹ گیا دھماکے کے وقت لک پاس کے قریب بلوچستان نیشنل پارٹی (بی این پی) کا دھرنا جاری تھا واقعہ کے حوالے سے مزید تحقیقات جاری ہیں۔

    واضح رہے کہ کوئٹہ میں گذشتہ روز بھی بڑیچ مارکیٹ کے قریب دھماکا ہوا تھا، جس کے نتیجے میں 3 افراد جاں بحق، جبکہ 4 پولیس اہلکاروں سمیت21 افراد زخمی ہوگئے تھے۔

    کراچی: کورنگی کریک میں زیر زمین گیس ذخیرے میں آتشزدگی، تحقیقات جاری

    پولیس کے مطابق دھماکا سڑک کنارے اس وقت ہوا جب سیکیورٹی فورسز کی گاڑی گزر رہی تھی، دھماکے کے فوراً بعد ریسکیو اور امدادی ٹیمیں جائے وقوع پر پہنچیں اور زخمیوں اور لاشوں کو اسپتال منتقل کیا،دھماکے سے جائے وقوع پر کھڑی موٹر سائیکل میں آگ لگ گئی، دھماکے سے قریب کھڑی گاڑیوں کو بھی نقصان پہنچا۔

    تنگوانی: ایس ایچ او کی گاڑی پر ڈاکوؤں کا حملہ، دو گارڈ شدید زخمی