Category: جرائم و حادثات

باغی ٹی وی کی رپورٹ کے مطابق موٹروے پولیس نے بارات روک کر گاڑیاں قبضے میں لے لیں،باراتیوں کو گرفتار کر لیا

موٹروے پولیس کو اطلاع ملی کہ موٹر وے ایم ون پر کرنل شیر خان انٹرچینج کے قریب ایک بارات جو کہ مردان کی جانب جا رہی ہے بارات میں شامل چند گاڑیاں غفلت لاپروائی سے ڈرائیونگ کر رہے ہیں اور ایک گاڑی ہوائی فائرنگ میں ملوث ہے ۔

اطلاع پاتے ہیں موٹروے پولیس نے ایکشن لیتے ہوئے بارات میں شامل چار گاڑیاں ، AEB-50, ANJ 482 , BRL9750 اور AFP 20 کو کرنل شیر خان انٹرچینج کے قریب روک لیا گیا جبکہ تین گاڑیاں موقع سے فرار ہونے میں کامیاب ہو گئی جن کا موٹروے پولیس کی جانب سے تعاقب کیا گیا اور مزید دو گاڑیاں LED 6753 اور اپلائیڈ فار رجسٹریشن 2020 کو رشکئ انٹرچینج کے قریب روک کر حراست میں لے لیا گیا

جن میں جنید حیات ،محمد ابراہیم،محمد عزیر،ماجدخان تمام کے خلاف سیکشن ۔279ppc کے تحت پرچہ دیا گیا اور مزید قانونی کارروائی کے لیے پولیس سٹیشن مصری بانڈا کے حوالے جبکہ واجد زمان،امبر زمان کے خلاف تھانہ رسالپور میں 279 میں مراسلہ دیا گیا

مزید ایک نامعلوم گاڑی جو کہ فائرنگ میں مبینہ طور پر ملوث تھی موقع سے فرار ہوگی اس کے خلاف 279 ppc اور 3/4 آرمز ایکٹ کے تحت تھانہ رسالپور میں مراسلہ دیا گیا

لاہور کے علاقے شفیق آباد میں ڈولفن ٹیم262 نے فارمیسی کو اپنے جسم پر بم کا جعلی باکس باندھ کر لوٹنے کی کوشش ناکام بنا دی۔

باغی ٹی وی کو ملنے والی تفصیلات کے مطابق ڈولفن سکواڈکو اطلاع موصول ہوئی کہ فارمیسی میں واردات ہو رہی ہے۔ ڈولفن ٹیم 262 کے پہنچنے پر ملزم نے نقلی بم باکس کو جسم پر باندھا ہوا تھا۔ ملزم نے ڈولفن ٹیم کونقلی بم دکھا کر ڈرانے کی کوشش کی اور جان سے مار دینے کی دھمکیاں بھی دیں۔ ڈولفن ٹیم نے فارمیسی میں نقلی بم نما باکس باندھ کر واردات کرنیوالا ملزم سرفراز کو گرفتار کر لیا۔ڈولفن ٹیم نے ملزم سے نقلی بم نما باکس برآمد کر لیا ہے۔ پولیس نے ملزم سرفراز کے خلاف تھانہ شفیق آباد میں مقدمہ درج کر کے تحقیقات شروع کر دی ہیں۔

لاہور کی انویسٹی گیشن پولیس گرین ٹاؤن پولیس نے ایک ماہ قبل 40سالہ شہری غفار جوئیہ کو قتل کرنے والے 4ملزمان گرفتار کر لیے۔

ایس پی صدر انویسٹی گیشن منصور قمر کے مطابق گرفتار ملزمان میں محمد منشاء، یونس، فیصل اور امجد شامل ہیں۔ ملزمان نے کیبل کی تار کاٹنے کی معمولی رنجش پر فائرنگ کر کے شہری غفار کو قتل کر دیا تھا۔ مقتول غفار جوئیہ اور ملزمان نے گھریلو کیبل سپلائی کی فرنچائزز کے دفاتر بنا رکھے تھے۔ ملزمان مقتول غفار کو اس کے گھر کی دہلیزپر قتل کرنے کے بعد موقع سے فرار ہو گئے تھے۔

سندھ کی خواتین افسران کے فون نمبر غیر اخلاقی ویب سائٹ پر ،چیف سیکرٹری کا نوٹس

باغی ٹی وی کی رپورٹ کے مطابق شہر قائد کراچی میں گریڈ 17 کی خواتین افسران کو ہراساں کرنے کا واقعہ سامنے آیا ہے

آؤٹ آف ٹرن غیر قانونی ترقیوں کو چیلنج کرنے والی 25 اعلیٰ خواتین افسران کے ٹیلی فون نمبر غیراخلاقی ویب سائٹس پردے دیئے گئے، متاثرہ خواتین افسران نے چیف سیکریٹری، سیکریٹری سوشل ویلفئیر اور دیگر کو خط لکھ کر معاملے سے آگاہ کیا

متاثرہ خواتین افسران نے تحریری طور پر شکایتی خط میں کہا کہ مختلف ممالک سے ہمیں غیراخلاقی ویڈیوزموصول ہورہی ہیں ، واٹس ایپ گروپ پر بھی ہمیں اسی طرح ہراساں کیا جا رہا ہے، ویڈیوز اورپیغامات کی وجہ سے ذاتی زندگی شدید متاثرہے اور خوف کے عالم میں کام نہیں ہوپا رہا، اس کا نوٹس لیا جائے۔

محکمہ سوشل ویلفئیر سندھ کے سیکریٹری نواز شیخ نے واقعہ کی تصدیق کرتے ہوئے کہا کہ خواتین نےمحکمہ سوشل ویلفیئرمیں غیر قانونی ترقیوں کوچیلنج کیا تھا، انکو ہراساں کیا جا رہا ہے واقعہ سنگین جرم ہے، ملوث افراد کے خلاف کارروائی کریں گے ، متعلقہ حکام ایف آئی اے سائبرکرائم اور آئی جی سندھ سے مدد حاصل کریں گے

سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

سابق اہلیہ کی غیراخلاقی تصاویر سوشل میڈیا پر اپ لوڈ کرنے والے ملزم پر کب ہو گی فردجرم عائد؟

‏سوشل میڈیا پرغلط خبریں پھیلانا اورانکو بلاتصدیق فارورڈ کرنا جرم ہے، آصف اقبال سائبر ونگ ایف آئی اے

سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار

بیوی، ساس اورسالی کی تصاویر سوشل میڈیا پر وائرل کرنے کے الزام میں گرفتارملزم نے کی ضمانت کی درخواست دائر

سپریم کورٹ کا سوشل میڈیا اور یوٹیوب پر قابل اعتراض مواد کا نوٹس،ہمارے خاندانوں کو نہیں بخشا جاتا،جسٹس قاضی امین

‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

کرونا میں مرد کو ہمبستری سے روکنا گناہ یا ثواب

دوسری جانب محکمہ سوشل ویلفیئر کے خاتون افسران کے نمبر ویب سائیٹ پر دینے کا معاملہ ،چیف سیکریٹری سندھ سید ممتاز علی شاہ نے نوٹس کے لیا،چیف سیکریٹری سندھ سید ممتاز علی شاہ کا کہنا تھا کہ معاملے کی انکوائری کر کے رپورٹ پیش کی جائے۔

چیف سیکریٹری سندھ نے خاتون افسران کو ہراساں کرنے پر برہمی کا اظہار کیا اور کہا کہ غیر اخلاقی واقع میں ملوث افراد کے خلاف سخت کاروائی کی جائے گی۔

شاہدرہ پولیس کی حراست میں شہری کی ہلاکت کا معاملہ۔ تھانہ شاہدرہ میں تین پولیس اہلکاروں سمیت پانچ افراد کے خلاف قتل کا مقدمہ درج کرلیا گیا۔

انچارج انویسٹی گیشن تھانہ شاہدرہ ،چوکی انچارج سگیاں اور فیکٹری مالک کو مقدمے میں نامزد کیا گیا۔ پولیس کا کہنا ہے کہ مقتول غلام حسین کی میت پوسٹ مارٹم کے بعد ورثاء کے حوالے کردی جائے گی۔ جبکہ واقعے کی تمام پہلووں سے تحقیقات کی جا رہی ہیں۔ مقدمے میں نامزد تمام افراد سے تفتیش کی جائے گی۔ دوسری جانب ورثا کا کہنا ہے کہ معاملے کی تفتیش کے لئے بنائی انکوائری کمیٹی نے رابطہ تک نہیں کیا۔ پولیس نے پیٹی بھائیوں کو رات گھر جانے۔ مقدمہ میں کسی پولیس اہلکار کو حوالات میں بند نہیں کیا گیا۔

یاد رہے کہ اتوار کو تھانہ شاہدرہ میں زری حراست ملزم کی حوالات میں ہلاکت ہو گئی۔ جس پر سی سی پی او لاہور نے واقعے کا نوٹس لے رکھا ہے۔