Category: جرائم و حادثات

باغی ٹی وی کی رپورٹ کے مطابق چیئرمین سینیٹ قائمہ کمیٹی داخلہ سینیٹر رحمان ملک کا نمل یونیورسٹی کی طالبہ کائنات طارق کے مبینہ قتل کا نوٹس لیتے ہوئے سیکریٹری داخلہ اور آئی جی پولیس اسلام آباد سے مبینہ قتل پر رپورٹ طلب کر لی۔

پیپلز پارٹی کے رہنما، سابق وفاقی وزیر داخلہ سینیٹررحمان ملک نے سیکریٹری داخلہ اور آئی جی پولیس اسلام آباد سے کائنات طارق کے مبینہ قتل پر رپورٹ اور بریفنگ طلب کرتے ہوئے کہا ہے کہ واقعے کی ہر پہلوسےمنصفانہ تحقیقات کی جائے تاکہ ملوث مجرموں کو قرار واقعی سزا ملے۔

کائنات طارق کیلئے انصاف کے متلاشی طلبا کے ایک گروپ نے سینیٹر رحمان ملک سے واقعے کا نوٹس لینے کا مطالبہ کرتے ہوئے الزام عائد کیا ہے کہ اسلام آباد کے ہلال احمر کے دفتر میں کائنات طارق کو بے دردی سے قتل کیا گیا، وہ نمل سے ایم ایس سی اکنامکس کررہی تھی اور ریڈ کریسنٹ پاکستان کی ملازمہ بھی تھی،

نمل یونیورسٹی کی طالبہ کائنات کے ساتھ جو ظلم ہوا ہے ریڈ کریسنٹ اسلام آباد میں ان کو قتل کر لیا گیا ہے اس کے خلاف اپنا آواز اٹھائیں کب تک یہ ہوگا اس طرح کے درندوں کا مقابلہ اب ہم پر فرض ہوا ہے#justiceforkainat #RaiseYourVoice pic.twitter.com/RQL30oedk9

— Ziyad Ali Shah (@iamziyadalishah) November 26, 2020

واضح رہے کہ ہلال احمر اسلام آباد میں ملازمت کرنے والی نمل یونیورسٹی کی ایم ایس سی کی طالبہ کائنات طارق کے والد نے ایف آئی آر میں موقف اختیار کیا ہے کہ اس کی بیٹی ہلال احمر میں ملازمت کرتی تھی جہاں اسی ادارے کے جنرل سیکرٹری اور چار بچوں کے باپ خالد بن مجید نے اس کی بیٹی کے ساتھ چھپ کر شادی کی تھی،کائنات طارق نکاح کو اوپن اور اپنے جمع شدہ پیسوں کی واپسی کا مطالبہ کر رہی تھی جس پر خالد بن مجید نے ہلال احمر کے دفتر میں ہی کائنات طارق کو زہر آلود چیز کھلا کر بے دردی سے قتل کر دیا تھا ۔

ہلال احمر کے سیکرٹری جنرل خالد بن مجید کوقانون نافذ کرنے والے اداروں نے حراست میں لے کر چھان بین شروع کردی ہے تاہم حتمی معلومات پوسٹ مارٹم رپورٹ کے آنےکےبعد ہی معلوم ہوسکیں گی۔

ہنگو پولیس نے اسلحہ سمگل کرنے کی کوشش ناکام بنادی ہے

ٹل پولیس نے انٹیلی جنس بیسڈ کاروائی کے نتیجے میں بین الصوبائی اسلحہ سمگلر کو اسلحہ سے بھری گاڑی سمیت حراست میں لے لیا ہے

حراست میں لیے گئے اسلحہ سمگلر کا تعلق ضلع کرم سے ہے جسکے خلاف تھانہ ٹل میں مقدمہ درج کرلیا گیا ہے

پکڑا گیا اسلحہ قبائلی ضلع کرم سے ہنگو کے راستے پشاور سمگل کیا جارہا تھا

ایس ایچ او تھانہ ٹل محمود خان نے پریس کانفرنس کرتے ہوئے بتایا کہ ڈی ایس پی ٹل اسد زبیر خان کی قیادت میں ایک خفیہ اطلاع پر کاروائی کرتے ہوئے انہوں نے پولیس نفری کے ہمراہ تورغر چیک پوسٹ پر ناکہ بندی کر کے گاڑیوں کی چیکنگ شروع کر رکھی تھی

اس اثناء میں قبائلی ضلع کرم سے پشاور جانے والی فلائنگ کوچ نمبرCN 4230 کو تلاشی کی غرض سے روک لیا گیا تھا

پولیس نے تلاشی کے دوران فلائنگ کوچ کے خفیہ خانے میں انتہائی مہارت سے چھپایا گیا اسلحہ برآمد کر کے گاڑی میں سوار بین الصوبائی اسلحہ ڈیلرز زمان ولد عید اکبر سکنہ متہ سنگر پاڑا چنار ضلع کرم کو گاڑی سمیت گرفتار کرلیا ہے

پکڑے گئے اسلحہ میں چھ عدد ریپیٹر شامل ہیں

ایس ایچ او محمود خان نے بتایا ہے کہ اسلحہ سے لدی گاڑی سمیت حراست میں لیے گئے اسلحہ کے بین الصوبائی سمگلر کے خلاف تھانہ ٹل میں اسلحہ ارڈیننس کےتحت مقدمہ درج کرلیا گیا ہے
جن سے تفتیش جاری ہے

ایس ایچ او نے بتایا ہے کہ پکڑا گیا اسلحہ پاڑا چنار سے پشاور سمگل کیاجارہا تھا جس کا گرفتار سمگلر نے اعتراف بھی کر لیا ہے

ایس ایچ او نے مزید بتایا ہے کہ سرچ آپریشن کے دوران سپین ٹل میں با مسلح شخص کوحراست میں لے کر ان کےقبضےسےایک عدد راِئفل بارہ بورمعہ، بیس عددکارتوس برآمد کر لیے گئے ہیں

ایس ایچ او نے کہا ہے کہ قیام امن اور انسداد جرائم کے حوالے سے ٹل پولیس کاجرائم پیشہ عناصر کےخلاف کریک ڈاؤن جاری رہے گا اور سماج دشمن عناصر کو سختی سے کچلنے، تحفظ عامہ اور امن وامان برقرار رکھنے میں کوئی کوتاہی نہیں برتی جائےگی