Category: جرائم و حادثات

تفصیلات کے مطابق سرگودہا تھانہ کوٹ مومن کی حدود میں واقع موضع للیانی میں دو دن پہلے انتہائی درد ناک واقعہ پیش آیا، محنت کش سیف اللہ کی 8 سالہ بچی سعدیہ سیف تیسری جماعت کی طالبہ سکول سے واپس آ رہی تھی کہ علاقہ کے بااثر زمیندار بشیر لک کے بیٹے مبشرلک نے اسے زبردستی پکڑ لیا اور کھیتوں میں لے گیا اور زیادتی کا نشانہ بنا ڈالا مقتولہ سعدیہ کا والد قریبی کھیتوں میں کام کر رہا تھا شور سن کر موقع کی طرف دوڑا اس سے پہلے کہ ان کے پاس پہنچتا ملزم بچی کو گلا گھونٹ کر مار چکا تھا

حوا کی ایک اور 8 سالہ بیٹی ظالم کی درندگی کا شکار ہو گئی

باغی ٹی وی کی خبر کے بعد وزیر اعلی پنجاب عثمان بزدار نے واقعہ کا نوٹس لیتے ہوئے ڈی پی او کو فوری ملزم کو گرفتار کرنے کی ہدایت کی جس پر ایکشن لیتے ہوئے تھانہ کوٹ مومن کی پولیس نے ملزم کی گرفتاری کیلیے چھاپہ مارنے شروع کر دیے ڈی پی او نے ڈی ایس پی کوٹ مومن ملک غلام عباس کی سربراہی میں خصوصی ٹیم تشکیل دی جس نے فوری کاروائی کرتے ہوئے 24 گھنٹوں کے اندر ملزم مبشر لک ولد بشیر لک کو گرفتار کر لیا بچی کے والد نے باغی ٹی وی کو بتایا کہ پولیس ان کے ساتھ مکلمل تعاون کر رہی ہے بچی کی لاش وصول کرنے کے عمل سے لے کر تدفین تک پولیس ان کے ساتھ موجود رہی اور بچی کی قل خوانی میں بھی شرکت کی جس پر وہ پولیس کے ممنون ہیں

تھانہ کوٹ مومن پولیس نے قتل کی دفعات کے تخت ملزم سے تفتیش شروع کر دی ہے ڈی ایس پی کوٹ مومن پولیس کا کہنا ہے کہ ملزم کو جلد چالان کر کے عدالت میں پیش کیا جائے گا تاکہ وہ کیفر کردار کو پہنچ سکے

مووی وائرل ہونے والے کوچ ڈرائیور کے خلاف موٹروے پولیس کیکاروائی،موٹروے پولیس ہرصورت روڈ سیفٹی پر عمل درآمدکروا تی رہے گی۔

ترجمان موٹروے پولیس کے مطابق سوشل میڈیا پر تازہ وائرل ہونے والی ایک مووی جس میں ایک کوچ جو کہ لاڑکانہ سے کراچی کے لیے گامزن سفر ہوئی جب ایم نائن پر رواں دواں تھی تو ڈرائیور نے گاڑی چلانے کے دوران اپنی موبائل میں گیم کھیلنا شروع کر دی ۔جس پر بلکل پیچھے کی سیٹ پر سوار ایک مسافر نے یہ منظر دیکھ کر اپنی موبائل سے ڈرائیور کے ایسے لاپرواہی اور خطرناک عمل کو ریکارڈ کر لیا اور سوشل میڈیا پر وائرل کر دیا۔

ترجمان موٹروے پولیس کا کہنا تھا کہ ایک منٹ 17 سیکنڈ کی اس ریکارڈنگ کے دوران مسافر کی ذمہ داری بنتی تھی کہ وہ فوری طور پر موٹروے پولیس ہیلپ لائن 130 پر رابطہ کرتا اور ڈرائیور کی ایسی غفلت کی اطلاع دیتا اور موقع پر ہی ایکشن ہوتا۔۔ مگر اس مسافر نے بھی غفلت سے کام لیا جو کہ غلط ہے۔۔

مزید ترجمان موٹروے پولیس نے بتایا کہ ہم نے مذکورہ کوچ نمبر جے بی JB 7246 عبدالرحمن موور کمپنی، روٹ کراچی سے لاڑکانہ کے ڈرائیور بابر خان کا لائسنس منسوخ کر دیا ہے جبکہ مذکورہ کوچ کا روٹ پرمٹ بھی منسوخ کر دیا گیا ہے۔ مزید اس کے خلاف مقدمہ بھی دائر کروایا جائے گا۔

ہم تمام ایسی پبلک ٹرانسپورٹ میں سفر کرنے والے محترم مسافروں سے اپیل کرتے ہیں کہ جب کبھی آپ کوئی ایسا فعل گاڑی کے عملے سے ہوتا ہوا دیکھیں جس سے کسی بڑے حادثے ہونے کا اندیشہ ہو تو فوری طور پر ہماری ہیلپ لائن 130 پر اطلاع دیں۔ موٹروے پولیس 24 گھنٹے آپ کو معلومات فراہم کرنے اور خدمت کے لیے حاضر ہے ۔