Category: جرائم و حادثات

کیلیفورنیا : والدین کے ہاتھوں سگی اولاد کا قتل اوروہ بھی بہیمانہ اورظالمانہ طریقے سے: ظالم باپ کی سفاکی کا دلخراش واقعہ ،اطلاعات کے مطابق امریکہ میں اپنے جڑواں بچوں کو موت کے منہ میں دھکیلنے والے سنگدل باپ کو پولیس نے گرفتار کرلیا، ملزم نے بچوں کو کار میں بٹھا کر پل سے نیچے سمندر میں گرا کر خود کشی کی کوشش کی تھی۔

تفصیلات کے مطابق امریکہ کی ریاست کیلیفورنیا کے شہر سان ڈیاگو میں پولیس نے ایک شخص کو دو جڑواں بچوں سمیت مرنے سے بچالیا، پولیس کا کہنا ہے کہ یہ واقعہ خود کش حملے جیسا تھا۔

پولیس نے ملزم رابرٹ برائنز کے خلاف قتل، اغوا اور بچوں پر مظالم کی کوشش کے الزام میں مقدمہ درج کیا ہے، مقامی میڈیا کے مطابق برائنز سے اس کا مؤقف جاننے کیلئے رابطہ نہیں کیا جاسکا اور یہ واضح نہیں تھا کہ اس کا کوئی وکیل ہے یا نہیں۔

پولیس کا کہنا ہے کہ برائنز کی اہلیہ نے ہفتے کی صبح ہیلپ لائن 911 کو فون کیا اور بتایا کہ اس کے شوہر نے ان کے 2 سالہ جڑواں بچوں کو اغواء کرلیا ہے اور وہ بچوں کے ساتھ کوروناڈو پل سے سمندر میں کود کر خودکشی کرنے کا ارادہ رکھتا ہے۔

پولیس فوری کارروائی کرتے ہوئے مذکورہ مقام پر پہنچی اور ملزم کی گاڑی کو روکنے کی کوشش کی تاہم ملزم نے تیز رفتاری کے ساتھ کار کو سمندر میں گرا دیا۔

تاہم پولیس افسر نے امدادی کارروائی کرتے ہوئے سو فٹ لمبی کینین پٹی کے استعمال ذریعے گاڑی ڈوبنے سے پہلے انہیں بچا لیا اور انہیں اسپتال منتقل کیا جہاں اب ان کی حالت بہتر ہے۔

ٰیاد رہےکہ پچھلے کئی مہینوں سے روزانہ کی بنیاد پرایسے درجنوں واقعات سامنے آرہےہیں جن میں سگے والدین اپنی ہی اولاد کوبہیمانہ اندازسے قتل کردیتے ہیں اورپھرندامت بھی نہیں ہوتی

باغی ٹی وی کی رپورٹ کے مطابق جرائم پیشہ عناصر کے خلاف موٹروے پولیس کی کاروائیاں جاری ہیں، موٹروے پر ترنڈہ محمد پناہ کے قریب موٹروے پولیس نے کاروائی کی ہے اور ہیپناٹائز کر کے شہریوں کو لوٹنے والے گروہ کو گرفتار کر لیا

ترجمان موٹروے پولیس کے مطابق موٹروے پولیس نے ہیپناٹائز اور نوسربازی کر کے لوٹنے والے چار ملزمان کو گرفتار کر لیا،ملزمان واردات کے لیے دس سالہ بچی کو بھی استعمال کرتے تھے

ترجمان موٹروے پولیس کے مطابق ملزمان دوکاندار کوالجھا کر اور ہیپناٹز کر لوٹتے تھے، ملزمان کی گاڑی کو پٹرولنگ افسران نے ٹرنڈہ محمد پناہ کے قریب روک کر گرفتار کیا ،ملزمان کو مزید تفتیش کے لیے مقامی پولیس کے حوالے کردیا گیا

موٹروے پولیس نے ملزمان سے گاڑی بھی برآمد کی ہے جس کو بھی پولیس کے حوالے کر دیا گیا ہے،

نئی دہلی: ماں باپ کے ہاتھوں سگی اولاد کے قتل کے واقعات میں اضافہ :ایک اور ظالم باپ نے اپنی 3 ماہ کی بیٹی کو قتل کردیا،اطلاعات کےمطابق بھارت میں مقیم ایک نائجیرین شخص نے اپنی 3 ماہ کی بیٹی کو کھڑکی سے نیچے پھینک کر مار ڈالا، پولیس نے اسے قتل کے مقدمے میں گرفتار کرلیا۔

بھارتی میڈیا کے مطابق 30 سالہ نائجیرین اوزیوما ڈیکلین اپنی بیوی جولی کے ساتھ دسمبر 2018 سے بھارتی شہر گریٹر نوئیڈا میں مقیم تھا اور 3 ماہ قبل ان کے یہاں بیٹی کی پیدائش ہوئی تھی۔

ملزم مقامی سیلونز اور بیوٹی پارلرز سے بال اکٹھے کرتا تھا اور انہیں وگ بنانے والی نائجیرین کمپنیوں کو فروخت کرتا تھا تاہم مارچ کے آخری ہفتے سے لاک ڈاؤن کے باعث تمام سیلونز اور بیوٹی پارلرز بند تھے اور ملزم سخت معاشی تنگی اور ذہنی دباؤ کا شکار تھا۔پولیس کے مطابق اس نے 2 ماہ سے اپنے گھر کا کرایہ بھی نہیں دیا تھا۔

وقوعے کے روز ملزم اپنی بیٹی کے رونے کی آواز سے اٹھا اور سخت جھنجھلاہٹ کا شکار ہوگیا، اس نے پہلے بیٹی کو اٹھا کر فرش پر پٹخا، پھر دوبارہ اسے اٹھا کر دوسری منزل کی کھڑکی سے نیچے پھینک دیا۔ملزم کی بیوی اور پڑوسیوں نے بچی کو فوری طور پر قریبی اسپتال پہنچایا جہاں اسے مردہ قرار دے دیا گیا۔

اس کی بیوی جولی نے پولیس کو بتایا کہ جب سے اس کا شوہر معاشی پریشانی کا شکار تھا اس کا رویہ روز بروز خراب ہوتا جارہا تھا، حتیٰ کہ اس کی بیوی جولی اس سے خوف کھانے لگی تھی تاہم اسے یہ اندازہ نہیں تھا کہ وہ اس قدر سفاک ثابت ہوگا کہ اپنی 3 ماہ کی بیٹی کے ساتھ ایسا سلوک کرے گا۔

پولیس نے ملزم کو فوری طور پر اس کے گھر سے گرفتار کرلیا، ملزم کا مؤقف تھا کہ اس نے ذہنی دباؤ میں بغیر سوچے سمجھے یہ قدم اٹھایا ہے۔پولیس نے ملزم پر قتل کی دفعات عائد کی ہیں جبکہ نائجیرین سفارتخانے کو بھی معاملے سے آگاہ کردیا گیا ہے۔

باغی ٹی وی کی رپورٹ کے مطابق پنجاب کے صوبائی دارالحکومت لاہور میں پولیس نے بروقت کاروائی کرتے ہوئے ڈکیتی کی واردات ناکام بنا دی

لاہور کے علاقے شیرپاؤ پل کے قریب واقع ریسٹورنٹ میں ڈاکو گھسے اور گن پوائنٹ پر انتظامیہ کو لوٹنے کی کوشش کی جس پر انتظامیہ نے ایمرجنسی 15 پر واردات کی اطلاع دی۔ واردات کی اطلاع پر ایس ایچ او غالب مارکیٹ کی قیادت میں پولیس فوری طور پر حرکت میں آئی، پولیس موقع پر پہنچی

ڈاکوؤں نے پولیس کو دیکھ کر فائرنگ کر دی، جوابی فائرنگ میں ایک ڈاکو زخمی ہو گیا،شاہد نامی ڈاکو زخمی حالت میں گرفتارکر لیا گیا جبکہ ایک ڈاکو فرارہو گیا،زخمی ڈاکو کو ہسپتال منتقل کر دیا گیا،

لاہور پولیس کی بروقت کاروائی، ڈکیتی کی واردات ناکام بنا دی#baaghitv #crime #lahore #lahorepolice @Lahorepoliceops pic.twitter.com/ul09l0Ws9o

— Baaghi TV باغی ٹی وی (@BaaghiTV) June 17, 2020

پولیس اور فرانزک ٹیموں نے جائے وقوعہ سے شواہد اکٹھے کر لیے۔مزید تحقیقات شروع کر دی گئی،ڈی آئی جی آپریشنز اشفاق خان نے واردات ناکام بنانے اور ڈاکو کی گرفتاری پر غالب مارکیٹ پولیس ٹیم کو شاباش دی ہے

پولیس کے مطابق شاہد مسیح کے خلاف دیگر بھی کئی مقدمات درج تھے اور وہ پولیس کو مطلوب تھا،