Category: جرائم و حادثات

میلسی : پولیس نے زنجیروں میں جکڑی 2بہنوں کو بازیاب کرالیا، دونوں بہنوں کو والدین نے زنجیروں میں جکڑ رکھا تھا۔

تفصیلات کے مطابق صوبہ پنجاب کے شہر میلسی میں ماں باپ نے اپنے ظالمانہ عمل سے انسانیت کو شرما دیا، دو بہنوں کو گزشتہ کئی روز سے زنجیروں میں جکڑ کر رکھا ہے، اپنے ہی گھر میں بچے قیدیوں سے بدتر حالت میں ظلم سہتے رہے، جسے کرم پور پولیس نے آزاد کرایا۔

پولیس کا کہنا ہے کہ دو بہنوں کو ان کے والدین نے زنجیروں میں جکڑ رکھا تھا، متاثرہ لڑکی نے پولیس کو دئیے گئے بیان میں بتایا کہ میری وٹہ سٹہ کی شادی ہوئی ہے۔

متاثرہ لڑکی کا کہنا تھا کہ میری بھابھی میرے بھائی کے ساتھ رہنا نہیں چاہتی جس کے باعث والدین نے مجھے بھی شوہر کے گھر جانے سے روک دیا۔

پولیس کو دئیے گئے بیان میں لڑکی نے بتایا کہ میری بہن نے مجھے چھڑانے کی کوشش کی تو والدین نے میری بہن کو بھی زنجیروں میں باندھ دیا۔

ذرائع کا کہنا ہے کہ پولیس نے دونوں بہنوں کو ظالم والدین سے آزاد کرانے کے بعد علاقہ مجسٹریٹ کی عدالت میں پیش کردیا۔

یاد رہے کہ گزشتہ روز کراچی کے علاقے گلبرگ میں سوتیلی ماں کی جانب سے مامتا ہو شرما دینے والا واقعہ سامنے آیا تھا جس میں سوتیلی ماں نے دو معصوم بچوں کو بانچ ماہ سے برہنہ حالت میں زنجیروں سے باندھ رکھا تھا۔

لاہور :خودکشیاں، جھگڑے،فتنے فساد:آن لائن ویڈیو گیم پب جی پر پابندی لگوانے کا فیصلہ کرلیا گیا ،اطلاعات کے مطابق لاہور پولیس نے آن لائن ویڈیو گیم پب جی پر پابندی لگوانے کا فیصلہ کرلیا اور کہا گیم بند کرانے کے لئے پی ٹی اے،ایف آئی اےکوخط لکھا جائے گا۔

تفصیلات کے مطابق آن لائن گیم پب جی کے باعث خودکشی کے معاملے پر لاہورپولیس نے گیم پر پابندی لگوانے کا فیصلہ کرلیا ، ڈی آئی جی آپریشنز اشفاق خان نے کہا ہے کہ پب جی بندکرانےکےلئےپی ٹی اے،ایف آئی اے کو خط لکھا جائے گا۔

اشفاق خان کا کہنا تھا کہ پب جی گیم نشے سے زیادہ خطرناک ہے،4دن میں 2نوجوانوں کاخودکشی کرناافسوسناک واقعہ ہے۔

یاد رہے آج پنجاب کے دارلحکومت لاہور میں مصطفی ٹاؤن کے علاقے میں سولہ سالہ نوجوان نے خودکشی کرلی تھی ، پولیس کا کہنا تھا کہ محمد ذکریا کی لاش پنکھے سے لٹکی ملی اور لاش کے قریب سے موبائل ملا جس پر مشہور ویڈیو گیم پب جی چل رہی تھی۔

دو روز قبل بھی لاہور میں نوجوان نے ویڈیو گیم کھیلنے سے منع پر خودکشی کر لی تھی، جونٹی جوزف کا ویڈیو گیم کی وجہ سے والد سے گذشتہ رات جھگڑا ہوا، والد نے اسے ڈانٹا اور ہر وقت موبائل پر پب جی کھیلنے سے منع کیا، جس کے بعد وہ ناراض ہو کر اپنے کمرے میں چلا گیا۔ اگلی صبح جونٹی جوزف نے اپنے کمرے کے پنکھے سے لٹک کر اپنی جان لے لی تھی۔

خیال رہے بچوں میں مقبول ترین ویڈیو گیم ان دنوں پب جی ہے اور نا صرف بچے بلکہ بڑی عمر کے افراد بھی ایڈوینچر سے بھرپور اس گیم کو کھیلتے نظر آتے ہیں لیکن ماہرین کا ماننا ہے کہ اس گیم کے باعث بچوں کی دماغی صحت متاثر ہورہی ہے۔

رپورٹ (کاشف تنویر)️
منڈی بہاوالدین پولیس چوکی صوفی سٹی کا دیسی شراب بنانے والی فیکٹری پر چھاپہ، شراب کشید کرنے والی فیکٹری الات سمیت پکڑ لی بدنام زمانہ ملزم گرفتار

منڈی بہاوالدین پولیس صوفی سٹی کو اطلاع ملی کی نواحی گاوں محبت پور کھیوہ میں ملزم خضرحیات دیسی شراب بنانے کا کام کر رہا ہے جس پر پولیس پارٹی نے مخبر کی اطلاع پر کاروائی کرتے ہوئے خضرحیات کے ڈیرے پر چھاپہ مار کر شراب کی چالو بھٹی پکڑ لی اور ایک ڈرم لاہن شراب، دو گیلن تیار دیسی شراب سمیت الات شراب برآمد کر کے قبضہ میں لے لئے اور ملمز کو گرفتار کر کے مقدمہ درج کرلیا ہے یاد رہے ملزم اس سے قبل بھی منشیات فروشی کے مقدمات میں گرفتار ہو چکا ہے

لاہور:4 کروڑ22 لاکھ 76 ہزار 400 روپے جرمانہ،اطلاعات کے مطابق لاہوریوں نے ٹریفک سگنل توڑنے کی عادت نہ چھوڑی، شہرمیں کیمروں سے مانیٹرنگ اور ٹریفک قوانین پرعملدرآمد کے لیے وارڈنز کی موجودگی بھی شہریوں کے مزاج کو نہ بدل سکی۔

تفصیلات کے مطابق پہلے ساڑھے پانچ ماہ میں سیف سٹی اتھارٹی نے6 لاکھ 16 ہزارسے زائد چالان جاری کردیئے، شہرمیں روزانہ لاکھوں کی تعداد میں گاڑیاں سڑکوں پررواں دواں رہتی ہیں، ٹریفک کی روانی بہتر بنانے کے لیے مینول کے ساتھ ساتھ کیمروں سے بھی مانیٹرنگ کا عمل جاری ہے لیکن شہری پھر بھی ٹریفک قوانین کی خلاف ورزی سے بازنہیں آتے۔

سیف سٹی کے اعداد و شمار کے مطابق پہلے ساڑھے پانچ ماہ کے دوران 3 لاکھ 40ہزار گاڑیوں،2 لاکھ 58 ہزار موٹرسائیکل و رکشا،9 ہزار کمرشل گاڑیوں کو چالان بھیجے گئے، جس کے نتیجے میں 4 کروڑ22 لاکھ 76 ہزار 400 روپے جرمانہ قومی خزانے میں جمع کرایا گیا جبکہ گزشتہ سال 25 کروڑسے زائد جرمانے کی رقم قومی خزانے میں جمع کرائی گئی۔مشکلات سے بچنے کے لئے شہری مقررہ تاریخ تک ای چالان کی ادائیگی یقینی بنائیں۔

دوسری جانب ٹریفک پولیس کی ناقص کار کردگی شہریوں کے لیے اچھی ثابت ہوئی، نئے مالی سال میں ٹریفک پولیس کیلئے چالان کرنے کا ہدف کم کر دیا گیا۔ رواں مالی سال میں ٹریفک پولیس کو چالان کرنے کی مد میں چار ارب بیس کروڑ روپے کا ہدف دیا گیا تھا جس کو ٹریفک پولیس پورا نہ کر سکی اور لاہور سمیت پنجاب بھر میں ٹریفک پولیس کی جانب سے دو ارب پچاس کروڑ روپے کے چالان کیے گئے۔

حکومت نے نئے مالی سال میں ٹریفک پولیس کو تین ارب ساٹھ کروڑ کے چالان کرنے کا ہدف دیا ہے۔ ٹریفک پولیس اب قوانین کی خلاف ورزی پر چالان تو کرئے گی تاہم اب کارکردگی دکھانے کے لیے کیے جانے والے چالان کم ہوں گے۔