Category: جرائم و حادثات

نئی دہلی :پھرریل پٹڑی پرحادثہ ہوگیا: انتہائی دلخراش واقعہ، دیکھنے والے دہل گئے،اطلاعات کے مطابق ٹرین کی پٹری پر پیش آنے واقعے نے دیکھنے والوں کے دل دہلا دیئے، ماں سمیت دو بچیاں ٹرین سے کٹ کر ہلاک ہوگئیں، ڈیڑھ سالہ بچہ معجزانہ طور پر محفوظ رہا۔

تفصیلات کے مطابق بھارت کے دارالحکومت دہلی میں ایک دل دہلا دینے والا معاملہ سامنے آیا ہے جس میں ماں سمیت دو بچیاں ٹرین سے کٹ کر ہلاک ہوگئیں۔

یہ سانحہ دہلی کے منڈوالی ریلوے اسٹیشن پر پیش آیا جہاں ایک خاتون اور دو بچیاں ٹرین سے کٹ کر ہلاک ہوئیں۔ پولیس کو لاشوں کے پاس ایک ڈیڑھ سالہ معصوم بچہ بھی روتا ہوا ملاہے۔

اطلاع ملنے پر پولیس جائے وقوعہ پر پہنچی اور لاشوں کو قانونی کارروائی کیلئے اسپتال منتقل کیا، اس دوران پولیس کو وہاں ایک موبائل فون بھی مسلسل بجتا ہوا ملا ہے۔

آنند وہار ریلوے پروٹیکشن فورس کے سب انسپکٹر یوگیش نے جائے وقوعہ سے ملنے والے بچے کو علاج کے لئے مقامی اسپتال بھیج دیا ہے جب کہ تینوں لاشوں کو پوسٹ مارٹم کے لئے بھیجا گیا ہے۔ ہلاک ہونے والی خاتون کی عمر30 سے ​​35 سال ہے جبکہ دونوں لڑکیوں کی عمریں بھی 6 سال سے کم ہے۔

تفتیشی افسر کے مطابق ابتدائی تفتیش میں یہ خود کشی کا معاملہ نظر آرہا ہے اگر اس معاملے میں کچھ اور تاخیر ہوئی ہوتی تو یہ معصوم بچہ بھی ٹرین سے کٹ کر ہلاک ہو جاتا، خاتون کے موبائل فون سے اس کے لواحقین کو اطلاع دے دی گئی ہے۔

لندن:امریکہ کے بعد برطانیہ میں پولیس اہلکاروں کا سیاہ فام شخص پر بہیمانہ تشدد،اطلاعات کے مطابق برطانیہ میں پولیس اہلکاروں نے ایک سڑک پر سیاہ فام شخص کو گھیرے میں لے کر بہیمانہ تشدد کا نشانہ بنا ڈالا۔

غیرملکی خبررساں ادارے کی رپورٹ کے مطابق برطانیہ کے شہر ساؤتھ لندن اسٹریٹ میں 8 پولیس اہلکاروں نے سیاہ فام شخص کو گھیرے میں لے کر اس پر لاتوں اور مکوں کی برسات کردی، میٹروپولیٹن پولیس نے واقعے کی تصدیق کردی۔

ویڈیو میں دکھایا گیا ہے کہ 26 جون کو لندن کے کروڈن کے علاقے ویلسلی روڈ پر سیاہ فام شخص کو فرش پر باندھ دیا گیا تھا اور قریب آٹھ پولیس اہلکار اسے بہیمانہ تشدد کا نشانہ بناتے رہے۔

میٹروپولیٹن پولیس نے واقعے کی تصدیق کرتے ہوئے کہا کہ عوامی شکایات درج کرلی گئی ہیں اور فوٹیج میں موجود ہر افسر کے اس اقدام کا بغور جائزہ لیا جارہا ہے۔

برطانوی پولیس اہلکاروں کے اس رویے کی ویڈیو سوشل میڈیا پر تیزی سے وائرل ہوگئی اور صارفین کی جانب سے اسے ہیش ٹیگ بلیک لائیو میٹر (بی ایل ایم) کے تحت شیئر کیا جارہا ہے۔

واضح رہے کہ امریکا میں پولیس اہلکار کی جانب سے سیاہ فام شخص کی ہلاکت کے بعد دنیا بھر میں مظاہرے کیے گئے تھے، 46 سالہ افریقی نژاد امریکی شہری جارج فلائیڈ کے گلے پر پولیس اہلکار 9 منٹ تک گھٹنا رکھ کر بیٹھا رہا تھا جس کے سبب وہ ہلاک ہوگیا تھا۔

مذکورہ واقعے کے خلاف برطانوی شہریوں نے بھی احتجاج ریکارڈ کرایا تھا اب برطانوی پولیس کے اس اقدام پر شہریوں میں غم و غصے کی لہر دوڑ گئی ہے۔

ماسکو:جسے اللہ رکھے اُسے کون چھکے:پولیس اہلکاردماغ میں گولی لگنے کے باوجود زندہ ،اطلاعات کے مطابق روس میں ایک پولیس اہلکارکو دماغ میں گولی لگنے کے باوجود زندہ ہے ، اس کی اس کیفیت کو دیکھ کرلوگ یہ کہنے پرمجبورہیں کہ جسے اللہ رکھے اسے کون چکھے

روسی میڈیا کے مطابق ایسا ہی ایک واقعہ دس سال قبل روسی پولیس کے سابق اہلکارولادی میر کرتوف کے ساتھ پیش آیا۔ولادی میر کرتوف دماغ میں گولی ہونے کے باوجود ایک صحت مند زندگی گزار رہے ہیں. ایکسرے رپورٹ کے مطابق گولی سابق اہلکار کے دماغ کے انتہائی اوپر والے حصے میں ابھی بھی درج ہے. سرجنز نے سرجری کے ذریعے گولی نکالنے سے انکار کردیا ہے۔ ڈاکٹرز کا کہنا ہے کہ یہ عمل ولادی میرکی جان لے سکتاہے۔

ولادی میر کرتوف کے مطابق یہ واقع اس وقت پیش آیا جب روس کے شہر سینٹ پیٹرزبرگ میں پولیس نے ایک گیمنگ سینٹر پر گینگ ڈکیتی کی رپورٹ ملتے ہی کارروائی کی اورفائرنگ کے تبادلے میں ایک پولیس اہلکار دمتری وروئن اپنی جان سے ہاتھ دو بیٹھا جبکہ اس کارروائی کے دوران لادی میر کرتوف کو جو گولی لگی وہ ان کے دماغ کی پچھلی سطح سے داخل ہوکر انتہائی اوپر والے حصے میں روک گئی۔ جس کے بعد ولادی میر کی آنکھ حادثے کے 9دن بعد الیگزینڈٹوروسکی ہسپتال میں کومہ سے باہر آنے کے بعدکھولی۔

36 سالہ ولادی میر کرتوف نے مزید بتایاکہ ان کو لگنے والی گولی 7.62کیلیبر ناگن ریوالور کی تھی۔ ڈاکٹرز کے مطابق اس کے بچنے کی امید نہ ہونے کے برابر تھی مگر جسے اللہ رکھے، ولادی میر کرتوف نہ صرف زندہ ہے بلکے اپنی بیوی اور پانچ ماہ کی بچی کے ساتھ خوشحال زندگی گزار رہا ہے۔