Category: جرائم و حادثات

میکسیکو:ایک اور مصیبت گلے آن پڑی : بحالی مرکز پر حملہ، فائرنگ سے 24 افراد ہلاک ،اطلاعات کے مطابق میکسیکو کے وسطی علاقے میں غیر قانونی طور پر قائم نشے کے عادی افراد کے بحالی مرکز میں مسلح افراد نے گھس کر فائرنگ کردی جس کے نیتیجے میں 24 افراد ہلاک اور 7 زخمی ہوگئے۔

غیر ملکی خبر رساں ادارے اے پی کی رپورٹ کے مطابق شمالی وسطی ریاست گیاناجوٹو کی پولیس کا کہنا ہے کہ ایراپیوٹو شہر میں ہونے والے حملے میں 7 افراد زخمی بھی ہوئے جن میں سے 3 کی حالت تشویشناک ہے۔ریاستی پولیس کا کہنا تھا کہ بظاہر حملہ آوروں نے بحالی مرکز میں سب کو گولی ماری، کسی کو یرغمال نہیں بنایا گیا۔

پولیس کا کہنا تھا کہ جائے وقوع کی تصاویر سے معلوم ہوتا ہے کہ جب بحالی مرکز میں موجود افراد پر گولیوں کی بوچھاڑ کی جارہی تھی تو وہ سب وہ سب زمین پر لییٹے ہوئے تھے۔

میکسیکو کا شہر گواناجوٹو جلیسکو کارٹیل اور ایک مقامی گینگ کے درمیان خونی جنگ کا میدان بنا ہوا ہے اور ریاست میکسیکو کی سب سے زیادہ پرتشدد ریاست ہوگئی ہے۔

حملے کا کوئی مقصد تو اب تک سامنے نہیں آیا تاہم گورنر ڈیاگو سنہو روڈریگز ویلجیو نے بتایا کہ لگتا ہے کہ اس میں منشیات کے گروہ ملوث ہیں۔

گورنر کا کہنا تھا کہ ‘میں آج سہ پہر میں ایراپاٹو میں ہونے والے واقعات کی شدید افسوس اور مذمت کرتا ہوں، منظم جرائم کی وجہ سے پیدا ہونے والے تشدد سے نہ صرف نوجوانوں کی جانیں لی جاتی ہیں بلکہ یہ اس شہر میں لوگوں سے امن چھین رہے ہیں’۔

میکسیکو کے منشیات کے گروہوں نے ماضی میں بھی ایسی سہولیات میں پناہ دینے والے حریف گروہوں کے مشتبہ ڈیلروں کو ہلاک کیا ہے۔اس سے قبل سنہ 2010 میں شمالی میکسیکو کے شہر چی ہواہوا میں بحالی مرکز پر حملے میں 19 افراد ہلاک ہوگئے تھے۔اس کے بعد سے اس طرح کی سہولیات پر ایک درجن سے زائد حملے ہوچکے ہیں تاہم آج ہونے والا حملہ سب سے خطرناک تھا۔

میکسیکو میں طویل عرصے سے نشے کے عادی افراد کی بحالی کے مراکز کے مسائل کا سامنا ہے کیونکہ ان میں سے بیشتر نجی طور پر چلائے جاتے ہیں، فنڈ کی کمی کا سامنا کر رہے ہیں یا اکثر نشے کے عادی افراد کی بحالی کے دوران بدسلوکی کرتے ہیں۔

حکومت بحالی پر نسبتا بہت کم رقم خرچ کرتی ہے جس کی وجہ سے اکثر غیر رجسٹرڈ مراکز کو غریب خاندانوں کے لئے واحد راستہ بن جاتا ہے۔

اس کے علاوہ نشے کے عادی افراد اور ڈیلر جنہیں سڑکوں پر حریفوں کے حملوں کا سامنا کرنا پڑتا ہے وہ بعض اوقات بحالی مراکز میں پناہ لیتے ہیں اور کلینک ہی کو حملے کا نشانہ بناتے ہیں۔

پھر بھی دوسرے گروہوں پر یہ الزام عائد کیا گیا ہے کہ وہ نشے کے عادی افراد کی بحالی کے مراکز میں زبردستی اپنے ڈیلرز بھرتی کرتے تھے اور انکار پر انہیں قتل کردیتے ہیں

ایتھوپیا:ایتھوپیا میں فسادات پھوٹ پڑے، 81 ہلاک ، سینکڑوں زخمی،اطلاعات کےمطابق افریقی ملک ایتھوپیا میں پھر سے فسادات پھوٹ پڑے ہیں اورتازہ ترین اطلاعات کے مطابق ان حادثات میں اب تک ایتھوپیا میں فسادات پھوٹ پڑے، 81 ہلاک ، سینکڑوں زخمی ہوچکے ہیں

#BREAKING At least 59 killed in two days of Ethiopia protests: AFP tally pic.twitter.com/5S0K4pAqqW

— AFP News Agency (@AFP) July 1, 2020

ادھر ذرائع کے مطابق حکام کا کہنا ہے کہ یہ فسادات کل شام کو شروع ہوئے تھے جس میں اب تک اتنی بڑی تعداد میں لوگوں کے مرنے اورزخمی ہونے کی اطلاعات ہیں ،ادھر اقوام متحدہ نے بھی ایتھوپیا می ہونے والے فسادات پردکھ کا اظہار کیا ہے

ذرائع کا کہنا ہےکہ اس سے قبل بھی چند دن پہلے فسادات میں درجنوں افراد ہلاک ہوگئے تھے ، تاہم یہ فسادات ایک مربتہ رک گئے تھے لیکن تازہ واقعہ میں ہرطرف لڑائی اورجھگروں کی اطلاعات ہیں جس کی وجہ سے لوگ نقل مکانی پرمجبورہیں

تہران : تہران میں خوفناک دھماکا، 19 افراد جاں بحق ہرطرف لاشوں کے ڈھیر،اطلاعات کے مطابق ایرانی دارالحکومت میں واقع کلینک میں روز دار دھماکے کے بعد آگ بھڑک اٹھی، آتشزدگی اور دھماکے کے نتیجے میں 19 افراد جاں بحق ہوگئے۔

غیر ملکی خبر رساں ادارے کی رپورٹ کے مطابق گزشتہ شب تہران کے شمال میں واقع کلینک میں زور دار دھماکا ہوا تھا جس کے بعد خوفناک آگ نے کلینک کی عمارت میں اپنی لپیٹ میں لے لیا تھا۔

آتشزدگی و دھماکے کی اطلاع ملتے ہی ریسکیو اہلکار اور فائر بریگیڈ عملہ جائے وقوعہ پر پہنچا اور 20 افراد کو زخمی حالت میں اسپتال منتقل کیا جبکہ 19 افراد دھویں اور گھٹن کے باعث موقع پر ہی دم توڑ گئے۔

https://twitter.com/TehranDC/status/1278009199344209921

فائر بریگیڈ ترجمان کا کہنا تھا کہ گیس لیکج کے باعث کلینک میں دھماکا ہوا تھا، دھماکے کے وقت عمارت میں 25 ملازمین موجود تھے اور کلینک میں مریضوں کا علاج بھی جاری تھا۔

ترجمان جلال مالکی نے مقامی میڈیا کو دئیے گئے بیان میں بتایا کہ مذکورہ دھماکے میں خواتین زیادہ متاثر ہوئیں ہیں جو دوسری منزل پر موجود تھیں۔

غیر ملکی میڈیا کا کہنا ہے کہ دھماکے کی ویڈیو سوشل میڈیا پر بھی وائرل ہوئی تھی جس میں آسمان کی جانب بڑھتے ہوئے شعلوں اور دھویں کے گہرے و کالے بادلوں کو دیکھا جاسکتا ہے۔

واضح رہے کہ تہران میں گذشتہ ہفتے ایک حساس فوجی تنصیب کے نزدیک دھماکا ہوا تھا، جس کے بعد ایرانی وزارت دفاع کے ترجمان نے کہا تھا کہ گیس ذخیرہ کرنے کی تنصیب میں ایک ٹینک سے گیس کے اخراج کے بعد دھماکا ہوا تھا۔

تامل ناڈو:ہندوستان پھردھماکے سے لرزاٹھا: پاور پلانٹ میں دھماکہ 4 ہلاک 13 زخمی،اطلاعات کے مطابق ہندوستان کی ریاست تامل ناڈو میں آج ہونے والے دھماکے کی تحقیقات کا حکم دے دیا گیا۔

نیوز ایجنسی اے این آئی کی رپورٹ کے مطابق آج بروز بدھ ہندوستان کی ریاست تامل ناڈو کے کڈالور ضلع میں واقع نیویلی پاور پلانٹ کے بوائلر اسٹیج۔ 2 میں دھماکہ ہونے کی وجہ سے 4 افراد ہلاک اور 13 زخمی ہو گئے ہیں۔ زخمیوں کو این ایل سی لگنائٹ اسپتال میں داخل کرایا گیا ہے۔

ابھی تک دھماکے کی وجہ کا پتہ نہیں چل پایا ہے تاہم یہ دھماکہ کڈالور میں نیویلی لگنائٹ کارپوریشن کے ایک بوائلر میں ہوا۔فائر بریگیڈ اور ریسکیو کی ٹیمیں دھماکے کے بعد بچاو مہم میں مشغول ہو گئی ہیں۔