Category: جرائم و حادثات

لاہورانویسٹی گیشن پولیس اسلام پورہ کی کارروائی۔
پولیس کے مطابق راہزنی وچوری کی وارداتوں میں ملوث الیاس عرف گنجا راہزن و چور گینگ کے 3ملزمان گرفتار کر لیے گئے۔ گرفتار ملزمان میں گروہ کاسرغنہ الیاس عرف گنجا اور اس کے ساتھی اکبر خان اور عبدالرحمن عرف مانی شامل ہیں۔ گرفتار ملزمان سے2موبائل فونز، LCD، طلائی زیورات، دیگر قیمتی اشیاء اور ناجائزاسلحہ برآمد کیے گئے ہیں۔ گرفتارسابقہ ریکارڈ یافتہ ملزمان نے شہر کے مختلف علاقوں میں متعدد وارداتوں کا انکشاف کیا ہے۔ انویسٹی گیشن پولیس اسلام پورہ نے ملزمان کو جدید ٹیکنالوجی کی مدد سے گرفتارکیا۔ ملزمان سے مزید تفتیش جاری ہے۔

لاہور پولیس جمعتہ المبارک کے موقع پر عبادت گاہوں اور نمازیوں کی سکیورٹی پر مامور رہی۔ ڈی آئی جی آپریشنز لاہور رائے بابر سعید کا کہنا ہے کہ 03 ہزار سے زائد پولیس افسران اور جوان سکیورٹی کے فرائض سر انجام دیں گے۔ پولیس افسران اور اہلکار الرٹ رہیں، مشتبہ افراد پر کڑی نظر رکھیں۔ نمازی حضرات کی ماسک، سینٹائزر اور صفوں میں فاصلہ کے حوالے سے چیکنگ بھی یقینی بنائی جائے۔ مساجد، امام بارگاہ اور عبادت گاہوں میں کورونا ایس او پیز پر عملدرامد کے لئے 277 انفورسمنٹ ٹیمیں تشکیل دی گئی ہیں۔ 20نکاتی ایس او پیز یقینی بنانے کے لئے پولیس افسران مساجد کمیٹیوں اور انتظامیہ سےمکمل رابطے میں رہیں۔ علماء کرام، مساجد انتظامیہ20نکاتی ہدایات کی پابندی سے عبادت گذاروں کو کورونا سے محفوظ رکھیں۔ شہر کی 5057مساجد کو حساسیت کے اعتبار سے 03کیٹیگریزمیں تقسیم کیا گیا ہے۔ اے کیٹیگری میں 218،بی کیٹیگری775جبکہ سی کیٹیگری میں 4064 مساجد شامل۔ ڈولفن سکواڈ،پیرو ٹیمیں اور تھانوں کی گاڑیاں عبادت گاہوں کے اطراف موثر پٹرولنگ کریں۔

ٹریکٹر بجلی کے کھمبے سے جا ٹکرایا، 13 افراد کی ہوئی موت

باغی ٹی وی کی رپورٹ کے مطابق ٹریکٹر بجلی کے کھمبے سے ٹکرا جانے کے باعث کرنٹ لگنے سے 13 افراد کی موت ہو گئی ہے

واقعہ بھارت میں پیش آیا، بھارتی ریاست آندھراپردیش کے ضلع پرکاشم کے علاقے ماچا ورم میں ٹریکٹر کھمبے سے جا ٹکرایا جس سے ٹریکٹر ٹرالی پر سوار 13 افراد جان کی بازی ہار گئے، مرنے والوں میں خواتین بھی شامل تھیں، مرنے والوں‌ میں ٹریکٹر ڈرائیور اور اسکا ہیلپر بھی شامل ہے

اطلاع ملنے پر پولیس اور ریسکیو ٹیمیں موقع پر پہنچ گئیں، پولیس کے مطابق کھیتوں میں کام سے مزدور ٹریکٹر پر واپس آ رہے تھے کہ راستے میں ٹریکٹر بجلی کے کھمبے سے جا ٹکرایا جس کی وجہ سے کھمبا گر گیا اور بجلی کی تاریں ٹریکٹر ٹرالی پر آ گریں، تاریں گرنے سے ٹریکٹر میں کرنٹ آیا اور کرنٹ لگنے سے ٹریکٹر ٹرالی میں سوار سبھی 13 افراد کی موت ہو گئی

مہاراشٹر کے ریاستی وزیر بی سرینواس ریڈی ‘ رکن پارلیمنٹ ایم سرینواسلو اور جنا سینا پارٹی کے صدر پون کلیان نے حادثے میں مرنے والے افراد کے خاندانوں سے اظہار تعزیت کیا ہے جبکہ ریاستی حکومت کی جانب سے مرنے والے افراد کے ورثاء کیلئے فی کس 5 لاکھ روپے امداد کا بھی اعلان کیا ہے

لاہور انویسٹی گیشن پولیس کوٹ لکھپت کی کارروائی۔
گن پوائنٹ پر ڈکیتی کی وارداتوں میں ملوث گینگ کے2ملزمان کو گرفتار کر لیا گیا۔ گرفتار ملزمان میں سرغنہ اعظم عرف مٹھا اور اس کا ساتھی عباس شامل ہیں۔ گرفتارملزمان سے لاکھوں روپے مالیت کی2موٹر سائیکلیں، نقدی، 10موبائل فونز اورناجائز اسلحہ برآمد کر لیے گئے۔ ملزمان نے شہر کے مختلف علاقوں میں ڈکیتی کی متعدد مزید وارداتوں کا اعتراف کیا ہے۔ انویسٹی گیشن پولیس کوٹ لکھپت نے ملزمان کو مختلف معلومات سمیت جدید ٹیکنالوجی کی مدد سے گرفتار کیا۔ ایس پی ماڈل ٹاؤن انویسٹی گیشن اسد مظفر کی طرف سے ڈکیت گینگ کی گرفتاری پر پولیس ٹیم کو شاباش دی۔

افسوسناک حادثے میں‌3 افراد جاں بحق، 3 زخمی

باغی ٹی وی کی رپورٹ کے مطابق پنجاب کے شہر شیخوپورہ میں کچی کوٹھی سٹاپ نزد ننکانہ بائی پاس فیصل آباد روڑ پر تیز رفتار ویگن ڈالا ٹائر پھٹنے سے درخت کے ساتھ ٹکرا کر الٹ گیا-حادثے میں 3 افراد جاں بحق جبکہ 3 افراد زخمی ہو گئے-

اطلاع ملنے پر ریسکیو 1122 شیخوپورہ کی امدادی ٹیم نے موقع پر پہنچ کر زخمیوں کو موقع پر طبی امداد فراہم کی جبکہ جاں بحق ہونے والوں کی لاشوں کو پولیس کے حوالے کر دیا-

اطلاع کے مطابق تیز رفتار ویگن ڈالا شاہ کوٹ سے لاہور جوتے لینے کیلئے جا رہے تھے کہ مانانوالہ کچی کوٹھی کے نزدیک ٹائر پھٹنے سے ویگن درخت کے ساتھ ٹکرا کر الٹ گئی جس سے ویگن میں سوار 3 افراد موقع پر دم توڑ گئے جبکہ 3 افراد زخمی ہو گئے – ریسکیو اہلکاروں نے زخمیوں کو موقع پر طبی امداد دی جبکہ لاشوں کو پولیس کے حوالے کر دیا-

زخمی ہونے والوں میں محمد وحید ولد محمد شفیق 24 سال، بہاول ولد اقبال 20 سال اور شہروز ولد شفیق 24 سال شامل ہیں جبکہ جاں بحق ہونے والوں میں ذوالفقار ولد اصغر علی 55 سال، یاسر ولد گلزار 32 سال اور شعیب ولد افضال 22 سال شامل ہیں- تمام افراد کا تعلق شاہ کوٹ ضلع ننکانہ صاحب سے ہے-