Category: جرائم و حادثات

لاہور میں ٹریفک وارڈن کو فائر لگنے کا واقعہ۔
باغی ٹی وی کو ملنے والی تفصیلات کے مطابق وحدت کالونی سیکٹر؛ نقشہ سٹاپ پر پیڑولنگ آفیسر نے ڈبل سواری موٹرسائیکل سوار کو روکا۔ پیٹرولنگ آفیسر نے موٹر سائیکل سوار کےخلاف ڈبل سواری پر کارروائی کرتے ہوئے چالان ٹکٹ جاری کیا۔ چالان ٹکٹ ایشو کرنے پر موٹر سائیکل سوار طیش میں آگئے اور پسٹل نکال کر للکارنا شروع کر دیا۔ حمزہ نامی ملزم نے پٹرولنگ آفیسر عامر کی طرف فائر کیا،بلٹ ٹانگ سے چھو کر گزر گئی۔ فائر لگنے سے ٹریفک وارڈن عامر زخمی ہو گیا، قریب سے گزرنے والی پولیس موبائل نے ملزمان کو روکنے کی کوشش، جنہوں نے اس پر بھی فائر کر دیا۔ موٹر سائیکل سواروں کی فائرنگ سے کانسٹیبل زخمی، جوابی فائرنگ پر ملزم بھی زخمی ہو گیا۔ ٹریفک وارڈن، کانسٹیبل اور ملزم کو زخمی حالت میں ہسپتال منتقل کرد یا گیا ہے۔ پولیس کی ٹیمیں جائے وقوعہ پر پہنچ گئیں اور جائے وقوعہ سے تمام شواہد اکٹھے کر لیے۔

آئی جی پنجاب شعیب دستگیر کی ہدایت پر پنجاب پولیس کے افسران و اہلکاروں کی محکمانہ پروموشن کا عمل جاری۔ ایڈیشنل آئی جی اسٹیبلشمنٹ، بی اے ناصر کی سربراہی میں میرٹ اور سنیارٹی کی بنیاد پر پروموشن کے عمل کو مزید تیز کیا گیا ہے۔ رواں برس گزشتہ تین ماہ کے دوران صوبہ بھر میں مجموعی طور پر 1757 افسران و اہلکاروں کو ریکارڈ ترقیاں دی گئی۔ سی پی او میں منعقدہ پروموشن بورڈ اجلاسوں میں 88انسپکٹرز کو ڈی ایس پی کے عہدوں پر ترقی دی گئی۔ 123سب انسپکٹرز کو انسپکٹرز جبکہ86ٹریفک وارڈنز کو سینئرٹریفک وارڈنز کے عہدوں پر پروموٹ کیا گیا۔ مختلف ریجنز اور اضلاع میں ترقی پانے والوں میں 348سب انسپکٹرز اور764اے ایس آئی شامل ہیں۔ تفصیلات کے مطابق لاہور پولیس کے 648سب انسپکٹرز اور اے ایس آئیز ترقی دی گئی۔ ترقی پانے والوں میں شیخورہ کے 41،گوجرانوالہ کے81اور راولپنڈی ریجن کے26 سب انسپکٹرز اور اے ایس آئیز شامل ہیں۔ فیصل آباد کے87،سرگودھا کے48،ملتان کے57، ساہیوال کے 93، بہاولپور کے 25جبکہ ڈی جی خان ریجن کے37سب انسپکٹرز اور اے ایس آئیزکو ترقی دی گئی۔ مختلف ریجنز اور اضلاع میں میرٹ اور سنیارٹی کی بنیاد پر 348کانسٹیبلز کو ہیڈ کانسٹیبلز کے عہدوں پر ترقی دی گئی۔ آئی جی پنجاب کی ترقی پانے والے افسران واہلکاروں کو زیادہ محنت اور فرض شناسی سے فرائض ادا کرنے کی ہدایت۔ آئی جی پنجاب کا کہنا ہے کہ محکمانہ ترقی سے رینک میں اضافے کے ساتھ ساتھ پیشہ ورانہ ذمہ داریوں میں بھی اضافہ ہوجاتا ہے۔ میرٹ اور سنیارٹی کی بنیاد پرمزید افسران و اہلکاروں کوترقی دینے کیلئے پروموشن اجلاس جاری رکھے جائیں۔

احتساب عدالت نے جنگ اور جیو کے مالک میر شکیل الرحمان کے جوڈیشل ریمانڈ میں میں 18 روز کی توسیع کردی عدالت نے میر شکیل الرحمان کو کو یکم جون کو عدالت میں پیش کرنے کا حکم دے دیا۔ غیر قانونی پلاٹ لینے کے الزام میں جنگ اور جیو کے مالک میر شکیل الرحمان کے خلاف کیس کی سماعت احتساب عدالت کے جج جوادالحسن نے کی دوران سماعت میر شکیل الرحمان کو عدالت کے روبرو پیش نہ کیا جا سکا۔جیل سپریڈنٹ نے میر شکیل الرحمان کے وارنٹ کی کاپی عدالت میں پیش کی اور بتایا کہ کرونا وائرس کے خدشات کے باعث ملزمان کو عدالتوں میں پیش نہیں کر رہے۔عدالت نے جیل افسر سے استفسار کیا کہ میر شکیل الرحمان اس وقت کہاں پر ہیں جس پر جیل افسر نے عدالت کو بتایا کہ میر شکیل الرحمان جیل میں قید ہے ۔عدالت نے کاروائی کرتے ہوئے میر شکیل الرحمان کے جوڈیشل ریمانڈ میں 18 روز کی توسیع کردی۔

سی آٸی اے سول لاٸن پولیس چوری کی وارداتوں میں ملوث ذوالقرنین چور گینگ کے 3 ملزمان گرفتار کر لیا۔ پولیس کا کہنا ہے کہ گرفتارملزمان میں گینگ کا سرغنہ محمد ذوالقرنین اور اسکے ساتھی غلام عباس عرف گاما اور صدام حسین شامل ہیں۔ گرفتارملزمان سے لاکھوں روپے نقدی,ایل سی ڈی,لیپ ٹاپ اور بیٹریاں برآمد کر لی گئیں ہیں۔ ریکارڈ یافتہ ملزمان نے شہر کے مختلف علاقوں میں 14مزید وارداتوں کا انکشاف کیا ہے۔ ملزمان رات کے اندھیرے میں گھروں میں گھس کر چوری کی واردات کرتے اور فرار ہو جاتے تھے۔ ملزمان کو جدید ٹیکنالوجی کی مدد سے گرفتار کیا گیا ہے۔

کورونا ایمرجنسی صورتحال، شہر میں جاری سمارٹ لاک ڈاون کی نصف سنچری مکمل۔
لاہور پولیس کے مطابق 50 روز میں 02 لاکھ 30 ہزار سے زائد شہریوں کو ناکوں پر روکا اور نقل و حرکت کی وجہ پوچھی گئی۔ 02 لاکھ 19ہزار شہریوں کو وارننگ، گھروں کو واپس بھیجا گیا۔ ڈی آئی جی رائے بابر سعید کا کہنا ہے کہ 02 لاکھ 7289 گاڑیوں و موٹر سائیکلز کی چیکنگ عمل میں لائی گئی۔ دفعہ144 اور دیگر قانون شکنی پر اب تک 2208 ایف آئی آرز کا اندراج کیا گیا۔ 8044 موٹر سائیکلز اور گاڑیوں کو خلاف ورزی پر بند کیا گیا۔ 04 ہزار 453 شہریوں سے غیر ضروری طور پر دوبارہ سڑکوں پر نہ آنے کے شورٹی بانڈز لئے گئے۔ 01 لاکھ 17ہزار سے زائد موٹر سائیکلز، 29 ہزار 478 رکشوں, 43 ہزار 793 کاروں کی چیکنگ عمل میں لائی گئی۔ 6111ٹیکسیوں, 10 ہزار 877 بڑی گاڑیوں کو بھی چیک کیا گیا۔

سی ٹی ڈی نے بہاولنگر نادر شاہ پھاٹک کے قریب کاروائی میں دو مبینہ دہشت گردوں کو گرفتار کر لیا۔
سی ٹی ڈی حکام کے مطابق مبینہ دہشت گردوں میں عمر فاروق اور اکرم شامل ہیں۔مبینہ دہشت گردوں کا تعلق کالعدم تنظیم سے ہے۔مبینہ دہشت گردوں نے بہاولنگر شہر میں حساس تنصیبات کو نشانہ بنانے کی منصوبہ بندی کر رکھی تھی۔ملزمان کے قبضہ سے بال بیرنگ،پریما کارڈز اور بارودی مواد برآمد ہوا ہے ۔ملزمان کو مزید تفتیش کے لئے نامعلوم مقام پر منتقل کر دیا گیا ہے۔

لاہور انویسٹی گیشن پولیس اقبال ٹاؤن کی کارروائی۔
باغی ٹی وی کو پولیس ذرائع سے ملنے والی تفصیلات کے مطابق ڈکیتی کے مقدمہ میں 2سال سے مطلوب اشتہاری ملزم اصغر علی کو گرفتار کر لیا گیا ہے۔ اشتہاری ملزم اصغر علی 2018میں شیخوپورہ کے رہائشی شبیر احمد سے ڈکیتی کی واردات کے بعد فرار ہو گیا تھا۔ ملزم کئی ڈکیتی کی وارداتوں میں ملوث رء چکا ہے۔ ملزم سے دوران ڈکیتی استعمال ہونے والا اسلحہ، موٹر سائیکل اور نقدی سمیت دیگر سامان بھی برآمد کر لیا گیا ہے۔ انچارج انویسٹی گیشن اقبال ٹاؤن قمر ساجد نے اشتہاری ملزم کو جدید ٹیکنالوجی کی مدد سے گرفتارکیا۔ ایس پی اقبال ٹاؤن انویسٹی گیشن نوید ارشاد کامطلوب اشتہاری ملزم کی گرفتاری پر پولیس ٹیم کو شاباش دی۔

لاہور پولیس کا اپنی سپاہ کی فلاح و بہبود کے لئے احسن اقدام
ترجمان لاہور پولیس کے مطابق ایس ایس پی آپریشنز فیصل شہزاد سے ریٹائرڈ ہیڈ کانسٹیبل احمد نواز اور اے ایس آئی محمد اصغر نے ملاقات کی۔ ایس ایس پی آپریشنز نے احمد نواز کو علاج معالجے کے لئے مالی امداد کا چیک دیا۔ ریٹائر ہیڈ کانسٹیبل احمد نوازکینسر کے مرض میں مبتلا ہے۔ ایس ایس پی آپریشنز نے اے ایس آئی محمد اصغر کو بھی ٹانگ کے علاج کیلئے چیک دیا۔ ایس ایس پی آپریشنز لاہور کا کہنا تھا کہ پولیس ملازمین و اہلخانہ کی فلاح و بہبود اور علاج معالجہ اولین ذمہ داری ہے۔ علاج معالجہ کے حوالے سے کسی بھی دشواری کی صورت میں پولیس افسران واہلکار براہِ راست رابطہ کریں۔ تمام ملازمین اور ان کے اہلخانہ کو علاج و معالجہ کیلئے ہر ممکن وسائل فراہم کریں گے۔