Category: جرائم و حادثات

ساہیوال میں بدنام زمانہ ماچھی ڈکیت گینگ نے پولیس پارٹی پر حملہ کردیا

باغی ٹی وی :میں بدنام زمانہ ماچھی ڈکیت گینگ کا پولیس پارٹی پر حملہ،اپنا ساتھی چھڑوانے کی کوشش میں اپنے ہی فائر سے ساتھی کو مار ڈالا،پولیس کانسٹیبل شدید زخمی۔

تفصیلات کے مطابق ساہیوال میں بدنام زمانہ ڈکیت،بھتہ خور ، دھوکہ دہی اور ناجائز قبضہ میں ملوث گینگ کے کارندوں نے گزشتہ روز ہائی سٹریٹ پر نجی دوکان کو لوٹنے کی کوشش کی جس میں دوکاندار کی مزاحمت پر دو سگے بھائیوں کو فائرنگ کر کے زخمی کر دیا گیا تھا۔مزاحمت کے دوران ماچھی گینگ کا کارندہ اعجاز عرف کالو کو دوکانداروں نے دبوچ لیا جبکہ باقی ساتھ بھاگنے میں کامیاب ہو گئے تھے۔تھانہ فتح شیر کی پولیس نے اعجاز عرف کالو ماچھی کی نشاندھی پر ماچھی ڈکیت گینگ کے باقی ساتھیوں کو پکڑنے کے لیے چھاپہ مارا تو پانچ مسلح افراد نے اعجاز عرف کالو ماچھی کو چھڑوانے کے لیے پولیس پارٹی پر حملہ کر دیا۔موقع پر موجود ہولیس اہلکاروں نے سٹی کنٹرول پر مقابلے کی اطلاع دی تو تھانہ فرید ٹاون اور فتح شیر کی پولیس موقع امداد کے لیے پہنچی۔ماچھی گینگ نے 25 منٹ تک پولیس پر فائرنگ جاری رکھی جس سے ایک کانسٹیبل شدید زخمی ہوا اور پولیس وین کو بھی نقصان پہنچا۔فائرنگ کے دوران اعجاز عرف کالو ماچھی نے بھاگنے کی کوشش کی تو اپنے ہی ماچھی ساتھیوں کی گولیوں کا شکار ہو گیا۔پولیس پر حملہ کرنے اور اعجاز عرف کالو ماچھی کو موت کے گھاٹ اتارنے ہر تھانہ فرید ٹاون میں ماچھی گینگ پر قتل اور اقدام قتل جیسی سنگین دفعات لگا کر مقدمہ درج کر لیا گیا۔

کراچی :کراچی: ٹک ٹاک ویڈیو بنانے کے دوران گولی چلنے سے 17 سالہ لڑکا ہلاک،اطلاعات کے مطابق کراچی کے سچل پولیس اسٹیشن کی حدود میں ٹک ٹاک کے لیے ویڈیو بنانے کے دوران پستول کی گولی چلنے سے 17 سالہ لڑکا ہلاک ہوگیا۔

سپرہائی وے کے قریب تنویر مرتضیٰ ٹک ٹاک پر ویڈیو بنا رہا تھا کہ اس دوران اس کے ہاتھ میں موجود پستول کی گولی چلنے سے زخمی ہوگیا۔پولیس نے بتایا کہ مذکورہ حادثہ سکندر گوٹھ میں پیش آیا۔انہوں نے بتایا کہ تنویر مرتضیٰ کو زخمی حالات میں گلشن اقبال کے پٹیل ہسپتال پہنچایا گیا لیکن وہ جاںبر نہ ہوسکا۔

واضح رہے کہ تین ماہ قبل گجرات میں پولیس کانسٹیبل مبینہ طور پر ایک خاتون کی جانب سے ٹک ٹاک ویڈیو کی ریکارڈنگ کے دوران اپنی ہی پستول سے چلنے والی گولی سے جاں بحق ہوگیا تھا۔پولیس نے دعویٰ کیا تھا کہ واقعے میں ملوث یونیورسـٹی آف گجرات کے 2 طالبات سمیت 3 مشتبہ ملزمان کو گرفتار کرلیا گیا۔

خیال ہے کہ نوعمر لڑکے لڑکیوں میں مقبول ہونے والی ویڈیو شیئرنگ ایپلی کیشن ‘ٹک ٹاک’ کے لیے ریکارڈنگ کے دوران کچھ انوکھا کرنے کی کوشش میں کئی لڑکے اور لڑکیاں ہلاک ہوچکے ہیں۔

چند ماہ قبل بھارت کے شہر نئی دہلی کے معروف انڈیا گیٹ کے قریب ٹک ٹاک پر ویڈیو بنانے کے دوران دوست کی جانب سے چلائی گئی گولی سے 19 سالہ لڑکا سلمان ہلاک ہوگیا تھا۔

علاوہ ازیں بھارت میں ہی’ٹک ٹاک‘ پر ویڈیوز بنانے کی وجہ سے معطل ہونے والی بھارتی خاتون پولیس کانسٹیبل ارپیتا چوہدری نے دعویٰ کیا تھا کہ انہیں فلموں میں کام کرنے کی پیش کش ہوئی ہے۔

بھارتی ریاست گجرات کے ضلع مہاسانا کے پولیس اسٹیشن میں ڈیوٹی کے دوران ویڈیوز بناکر ’ٹک ٹاک‘ پر اپ لوڈ کرنے والی خاتون کانسٹیبل ارپیتا چوہدری کو گزشتہ برس جولائی میں اس وقت معطل کردیا گیا تھا جب ان کی کچھ ویڈیوز کافی وائرل ہوئی تھیں۔

لاہور:”پٹواری "رشوت لیتے ہوئے رنگے ہاتھوں گرفتار،اطلاعات کے مطابق اینٹی کرپشن لاہور ریجن بی نے پٹواری کورشوت لیتے رنگے ہاتھوں گرفتارکر لیا، پٹواری فلک شیر نے شہری سے وراثت کے انتقال کے لیے رشوت طلب کی تھی۔

تفصیلات کے مطابق اینٹی کرپشن لاہور کی ٹیم نے پٹواری فلک شیر حلقہ چک نمبر 44 پتوکی کو رشوت لیتے رنگے ہاتھوں گرفتار کیا۔ ملزم سے نشان زدہ نوٹ برآمد کر کے مقدمہ درج کرلیا گیاہے۔

ڈائریکٹر اینٹی کرپشن وسیم حامد سندھو کاکہناہےکہ کرپٹ عناصر کے خلاف بلا تفریق کاروائیاں کر رہے ہیں،افسران کرپٹ عناصرکے خلاف زیرو ٹالرینس کی پالیسی اپنائیں۔

لاہور: وڈیو گیم نےنوجوان کی جان لے لی ،اطلاعات کے مطابق خودکشی کے بڑھتے ہوئے رجحان نے شہر میں خوف و ہراس کی فضا طاری کردی ہے۔ ہر روز کوئی نہ کوئی شخص اپنے ہاتھوں سے موت کو گلے لگا لیتا ہے۔

خودکشی کی وجوہات گھریلو جھگڑے، جہالت اور ذہنی تناؤ ہے۔ زیادہ تر واقعات ذاتی و گھریلو مسائل کہ وجہ سے رونما ہوتے ہیں۔ خودکشی کرنے والوں میں ان پڑھ افراد کے ساتھ پڑھے لکھے نوجوانوں کی اکثریت شامل ہیں۔ شمالی چھاؤنی کے علاقے میں وڈیو گیم کھیلنے سے منع کرنے پر نوجوان نے خودکشی کرلی۔

وڈیو گیم کھیلنے سے منع کیوں کیا، ایف سی کالج میں زیر تعلیم سیکنڈ ایئر کے طالب علم بیس سالہ جونٹی جوزف نے پنکھے سے لٹک کر خودکشی کر لی۔ ورثا کے مطابق جونٹی ہر وقت ”پب جی“ گیم کھیلنے میں لگا رہتا تھا، گزشتہ رات منع کیا، صبح کمرے میں جونٹی کی پنکھے سے لاش لٹک رہی تھی. لواحقین کی جانب سے پوسٹمارٹم نہ کروانے پر پولیس نے قانونی کارروائی کے بعد لاش ورثا کے حوالے کردی۔

ماہرین کے مطابق اس کے علاوہ قانونی مسائل بھی ہیں اور اس امر کی نگرانی کرنے کے لیے بھی کوئی نظام موجود نہیں کہ جو سہولیات فراہم کی جا رہی ہیں وہ معیار کے مطابق ہیں یا نہیں۔

یاد رہے چند روز قبل بالی ووڈ کے مشہور اداکار 34 سالہ نوجوان سوشانت سنگھ راجپوت نے خودکشی کرلی تھی۔ سوشانت سنگھ راجپوت ممبئی کے علاقے باندرہ میں واقع اپنے گھر میں مردہ حالت میں پائے گئے۔