Category: جرائم و حادثات

آئی جی پنجاب شعیب دستگیر نے صوبے کے تمام اضلاع میں پولیس خدمت مراکز کو کھولنے کا حکم دے دیا۔ پولیس خدمت مراکز سے شہری ڈرائیونگ لائسنس سمیت ایک درجن سے زائد سہولیات باآسانی حاصل کرسکیں گے۔ آئی جی آفس کی جانب سے تمام آرپی اوز اور ڈی پی اوز کوخدمت مرکز کھولنے کے متعلق مراسلہ بھجوادیا گیا۔
آئی جی پنجاب نے احکامات جاری کیے کہ شہریوں کو خدمات اور سہولیات کی فراہمی کیلئے12مئی سے صوبہ بھر میں خدمت مراکز کھولے جائیں۔ جاری شدہ ایس او پیز کے مطابق کام کرتے ہوئے شہریوں کو ہر ممکن سہولیات فراہم کی جائیں۔کورونا وبا کی احتیاطی تدابیر کے پیش نظرصوبہ بھر میں پولیس خدمت مراکز16مارچ کو بند کر دئیے گئے تھے۔

لاہور کی شاہراہوں پر ٹریفک وارڈنز کی نفری میں اضافہ کر دیا گیا۔جزوی لاک ڈاؤن میں مزید نرمی کے بعد ٹریفک پولیس کی نفری میں اضافہ کر دیا گیا۔ سی ٹی او لاہور کی ہدایت پر مصروف شاہراہوں اور چوکوں میں مزید وارڈنز تعینات کیے گئے۔ سیکنڈ شفٹ میں وارڈنز کی تعداد بڑھا دی گئی تاکہ افطاری کے وقت شہریوں کو مسئلہ نہ ہو، سی ٹی او لاہور حماد عابد کا کہنا ہے کہ شہر کی مصروف 54 مارکیٹوں کےلئے ٹریفک پلان ازسرنو تشکیل دے دیا گیا۔ سرکل افسران کی نگرانی میں 116 انسپکٹرز اور 300 وارڈنز تعینات کیے گئے ہیں۔ رانگ پارکنگ اور تجاوزات ہٹانے کیلئے 24 فوک لفٹرز اور 76 پٹرولنگ افسران بھی تعینات ہیں۔ پبلک ٹرانسپورٹ پر پابندی برقرار ہے، خلاف ورزی پر کارروائی ہوگی۔ موٹرسائیکل پر ڈبل سواری اور کار میں دو سے زائد افراد کے سفر کرنے پر کارروائی جاری رہے گی۔ سی ٹی او لاہور کا مزید کہنا ہے کہ حکومتی احکامات پر سختی سے عمل کروایا جائے۔ شہری پریشانی سے بچنے کیلئے حکومتی ہدایات کی پاسداری کریں۔

آئی جی پنجاب شعیب دستگیر کی زیر صدارت ٹریفک پولیس کے محکمانہ امورسے متعلق سنٹرل پولیس آفس میں اجلاس
ایڈیشنل آئی جی ٹریفک صاحبزادہ شہزاد سلطان نے دوران اجلاس مختلف پراجیکٹس اورمجموعی کارکردگی پر بریفنگ دی۔ اجلاس میں ٹریفک وارڈنز کی مختلف اضلاع میں ٹرانسفر اور روٹیشن پالیسی کا معاملہ بھی زیر غور آیا۔ پانچ سال سے زائد المیعاد ٹریفک لائسنس کی تجدید کے حوالے سے معاملات کا جائزہ لیا گیا۔ آئی جی ہنجاب نے اجلاس میں ہدایت کی کہ رمضان کے آخری عشرے میں ٹریفک کے ہموار بہاؤ اور روانی کو برقرار رکھنے کیلئے ہر ممکن اقداما ت کیے جائیں۔ لاک ڈاؤن میں نرمی کے باعث ٹریفک دباؤ کو کنٹرول کرنے کیلئے بڑے شہروں میں ٹریفک مینجمنٹ پر خاص توجہ دی جائے۔ سینئر افسران خود فیلڈ میں نکل کر ٹریفک معاملات اور کورونا سے تحفظ کیلئے جاری اقدامات کی انسپکشن کریں۔ صوبے کے تمام اضلاع میں ون ویلنگ اور اوور سپیڈنگ کے خاتمے کیلئے سپیشل مہم شروع کی جائے۔ بڑی شاہرات پر پی ایچ پی اور ضلعی ٹریفک پولیس کی ٹیمیں مل کر حادثات میں کمی کیلئے اقدامات جاری رکھیں۔ دوران اجلاس ایڈیشنل آئی جی اسٹیبلشمنٹ پنجاب بی اے ناصر بھی موجود تھے۔

ڈولفن سکواڈ کی ناجائز اسلحہ کے خلاف شاندار کاروائیاں،
نشتر کالونی سے مشکوک گاڑی سے اسلحہ برآمد کر لیں۔ ڈولفن ٹیم نے کماہاں گول چکر کے قریب کارروائی کی، ملزمان کے قبضہ سے 02رائفلیں درجنوں گولیاں برآمد کی گئیں۔ اسلامپورہ ڈولفن سکواڈ نے خونی تصادم ہونے سے بچا لیا۔ ڈولفن ٹیم 06/07 15 کی کال پر فوری ریسپانس حا لات کنٹرول میں لے لیے گئے۔ دونوں پارٹیاں سرعام اسلحہ لے کر آمنے سامنے ہوئے ۔ ڈولفن نے موقع پر پہنچ کر اسلحہ کی بھاری کھیپ برآمد کر لی۔ ملزمان کے قبضہ سے 07پسٹل، 04جدید رائفلیں اور درجنوں گولیاں برآمد کی گئیں۔ ملزمان میں حسن، عمران، رمضان، علی و دیگر شامل ہیں۔ ملزمان ریکارڈ یافتہ ہیں اور انہیں تھانہ اسلامپورہ کے حوالے کر دیا گیا۔

ایس پی سی آئی لاہور عاصم افتخار کی سربراہی میں سی آئی اے صدر ڈویژن کی کارروائی۔
پولیس کے مطابق موٹر سائیکل چوری کی وارداتوں میں ملوث موٹر سائیکل چور گینگ کے 3ریکارڈ یافتہ ملزمان گرفتار کر لیے گئے۔ گرفتار ملزمان میں گروہ کا سرغنہ مجاہد عرف کالا اور اس کے 2ساتھی حنیف عرف طوطی اور کمال خان شامل ہیں۔ ملزمان سے وارداتوں میں استعمال ہونیوالا مزدا ٹرک، موٹر سائیکلیں،2کلو سے زائد چرس اور جعلی کرنسی برآمد کر لی گئی۔ ریکارڈ یافتہ ملزمان نے شہر کے مختلف علاقوں میں موٹر سائیکل چوری کی100سے زائد وارداتوں کا انکشاف کیا ہے۔ ملزمان چوری شدہ موٹر سائیکلوں کو مزدا ٹرک میں لوڈ کر کے بلوچستان لے جا کر فروخت کر دیتے تھے۔ ڈی ایس پی سی آئی اے صدر دانش آصف رانجھا نے مختلف معلومات سمیت جدید ٹیکنالوجی کی مدد سے ملزمان کو گرفتار کیا۔

ڈولفن سکواڈ،ہفتہ وار کارکردگی رپورٹ جاری کر دی گئی۔
ڈی آئی جی آپریشنز لاہور رائے بابر سعید نے ڈولفن اہلکاروں کو ہدایت کی ہے کہ قرنطینہ مراکز،احساس کفالت سینٹرزسمیت اہم شاہراؤں پر موثر پٹرولنگ یقینی بنائیں۔ پتنگ سازی وبازی میں ملوث ملزمان کے خلاف بلا امتیاز کارروائیاں عمل میں لائیں۔ پتنگ بازی جیسا جان لیوا کھیل کسی کو کھیلنے کی اجازت نہیں دیں گے، والدین اپنا کردار ادا کریں۔ سٹریٹ کرائم،منشیات فروشی اورون ویلنگ میں ملوث ملزمان کے خلاف بھی بھرپور کریک ڈاؤن جاری رکھیں۔ ایس پی ڈولفن عائشہ بٹ نے بتایا کہ ہیلپ لائن 15 پر موصولہ تمام 309 کالز پر فوری ریسپانس عمل میں لایاگیا۔ دوران پٹرولنگ29 ہزار927 موٹر سائیکلوں،256 گاڑیوں اور22ہزار896 اشخاص کی چیکنگ عمل میں لائی گئی۔ ڈکیتی و چوری کی وارداتوں میں ملوث گینکز کے31ملزمان گرفتارکئے گئے۔ 01کار،07موٹر سائیکلیں،06موبائل فونزودیگر سامان برآمد ہوا۔ ملزمان کے قبضہ سے13پسٹلز،03میگزین اور450 سے زائد گولیاں برآمدکی گئیں۔ منشیات فروشوں کے قبضہ سے بھاری مقدا میں چرس برآمد ہوئی۔ جوانو ں نے شہر کے مختلف علاقوں میں کمیونٹی پولیسنگ کو فروغ دیتے ہوئے882افراد کی مدد کی۔ کوائف مکمل نہ ہونے پر3349موٹر سائیکلوں،05 گاڑیوں کو تھانوں میں بند جبکہ330اشخاص کے خلاف قانونی کارروائی کی گئی۔ جعلی نمبر پلیٹ والی02 گاڑیوں اور 07موٹر سائیکلوں کے خلاف کارروائی عمل میں لاکر مقدمات درج کئے گئے۔ پتنگ بازی میں 95،ہوائی فائرنگ میں 04 جبکہ ون ویلنگ میں 109 ملزمان کو گرفتار کیاگیا۔ ڈولفن سکواڈ اور پی آر یو کے جوانوں نے دورانِ پٹرولنگ30 عادی مجرمان کو بھی گرفتار کیا۔

پتنگ بازوں اور پتنگ فروشوں کےخلاف کریک ڈاؤن۔
سی سی پی او لاہور نے پتنگ بازوں اور پتنگ فرشوں کے خلاف بڑے پیمانے پر کریک ڈاؤن کا حکم دے دیا۔ سی سی پی او لاہور نے احکامات جاری کیے ہیں کہ پتنگ بازوں اور اس سے منسلک افراد سے کوئی رعایت نہیں برتی جائے گی۔ پتنگ بازی کی شکایت پر متعلقہ ایس ایچ او اور ڈی ایس پی ذمہ دار ہوگا۔ آگاہی کیلئے علاقے کی مساجد میں اعلانات بھی کروائے جائیں۔ پتنگ بازی کے خلاف کارروائی کی خود مانیٹرنگ کروں گا۔ رواں سال کے دوران لاہور پولیس نے پتنگ بازی پر 06 ہزار 57 مقدمات درج کئے۔ پتنگ بازی اور پتنگ فروشی میں ملوث 06 ہزار 168 ملزمان کو گرفتار کیا گیا۔ رواں سال پتنگ بازی کے جرم میں 4 ہزار 800 سے زائد ملزمان کو چالان کیا جا چکا ہے۔ پتنگ بازوں کےخلاف کریک ڈاؤن کے دوران 68 ہزار 037 پتنگوں کو قبضہ میں لیا گیا۔ کریک ڈاؤن کے دوران 07 ہزار سے زائد ڈور کی چرخیوں کو قبضہ میں لیا گیا۔ مخلتف ڈویژنز میں کریک ڈاؤن کے دوران ہزاروں کی تعداد میں گڈی پیرز، ڈور بنانے والے سامان کو قبضہ لیا گیا۔

ڈی آئی جی آپریشنز رائے بابر سعید کی زیر صدارت ڈویژنل ایس پیز کا اہم اجلاس۔
ایس ایس پی آپریشنز فیصل شہزاد ، ایس پی ڈولفن سکواڈ سمیت تمام ایس پیز نے اجلاس میں شرکت کی۔ لاک ڈاؤن میں نرمی کے حکومتی فیصلے کے بعد کورونا ایس او پیز پر عملدرآمد کیلئے حکمت عملی پر غور کیا گیا۔ ڈی آئی جی آپریشنز لاہور رائے بابر سعید نے افسران کو ہدایت کی کہ نرمی کے دنوں میں دکانوں اور بازاروں میں سماجی فاصلے سمیت احتیاطی تدابیر کی پابندی کروائیں۔ مکمل لاک ڈاؤن کے تین دنوں میں شہریوں کو گھروں تک محدود رکھنے کیلئے سخت اقدامات عمل میں لائیں۔ رمضان المبارک میں امن و امان کا قیام اور کرائم کنٹرول اولین ترجیح ہے۔ با مقصد پٹرولنگ کے ذریعے سٹریٹ کرائم کا تدارک کریں۔ موٹر سائیکل چوری ،رابری,ڈکیتی کی وارداتوں کے تدارک کیلئے مربوط حکمت عملی اپنائیں۔ ڈویژنل پولیس افسران کی کارکردگی کاباقاعدگی سے جائزہ لیا جارہا ہے۔ اشتہاری مجرموں، گینگز، پیشہ ور بھکاریوں اور پتنگ بازوں کے خلاف مہم میں مزید تیز کریں۔ قمار بازی، منشیات فروشی اور قحبہ خانوں کے خلاف فوری کارروائی عمل میں لائیں۔ نیشنل ایکشن پلان کے تحت قانون شکن عناصر کے خلاف کریک ڈاون کریں۔