ذرائع کےمطابق بدین کی یونین کونسل گھڑو میں دلہا کی جانب سے بارات میں والد سے میوزک سسٹم کی فرمائش کی گئی تھی تاہم غربت کے باعث والد بارات میں میوزک اور ساؤنڈ سسٹم کا بندوبست نہ کر سکا جس پر دلہا نے مہندی لگے ہاتھوں سے چادر گلے میں ڈال کر خودکشی کرلی۔
دوسری طرف پولیس حکام کا کہنا ہےکہ وہ اس سارے واقعہ کی تحقیقات کررہی ہے اور تمام حقائق سامنے آنے کے بعد پیش رفت ہوسکتی ہے
جموں:کشمیر: سڑک حادثے میں پانچ افراد ہلاک،اطلاعات کےمطابق مقبوضہ جموں و کشمیر کے ضلع کشتواڑ کے درب شالا علاقے میں سڑک حادثے میں ایک ہی کنبے کے 5 افراد ہلاک ہوگئے۔
ساوتھ ایشین وائر کے مطابق یہ حادثہ اس وقت پیش آیا جب ایک نجی گاڑی اچانگ کھائی میں گر گئی جس کے نتیجے میں ایک ہی خاندان کے 5 افراد ہلاک ہوگئے۔پولیس ذرائع کے مطابق ہلاک شدہ افراد جموں سے کشتواڑ جا رہے تھے۔ ہلاک شدہ افراد سنجے کمار، پون کمار، ریکھا دیوی، ریتا دیوی اور کیول کرشن تعلق تحصیل درب شالا کے بھادٹ گاوں سے تھا۔
ذرائع کےمطابق اس علاقے میں بھی کئی ایسے حادثات ہوچکے ہیں جن میں بڑی تعداد میں لوگوں کو جانوں سے ہاتھ دھونا پڑے ہیں ، تازہ حادثہ کے بعد حکام نے پھر سردمہری دکھائی ہے
اسلام آباد:ایف آئی اے کے افسرکوقتل کرنے کے بعد لاش درخت سے لٹکادی گئی ، اسلام آباد میں خوف وہراس پھیل گیا ،باغی ٹی وی کےمطابق اسلام میں وفاقی تحقیقاتی ادارے کے ایک افسرکوقتل کرنے کے بعد اس کی لاش کودرخت کےساتھ لٹکادیا گیا ، جس کی وجہ سے اسلام آباد میں خوف وہراس کی ایک فضا پیدا ہوگئی ہے ،
ایف آئی اے کے افسرکوقتل کرنے کے بعد لاش درخت سے لٹکادی گئی ، اسلام آباد میں خوف وہراس پھیل گیا pic.twitter.com/CQn41elYEI
— Baaghi TV باغی ٹی وی (@BaaghiTV) February 12, 2020
باغی ٹی وی کےمطابق یہ واقعہ وفاقی دارالحکومت اسلام آباد کے سیکٹر جی نائن میں پیش آیا جہاں قتل کی اندوناک واردات ہوئی ،پولیس حکام کا کہنا ہےکہ نامعلوم ملزمان قتل کے بعد لاش کو درخت کے ساتھ لٹکا کر فرار ہوگئے
ادھر پولیس اس سارے واقعہ کی چھان بین کررہی ہے اورقاتلوں تک پہنچنے کی کوشش کی جارہی ہے جس کے لیے فرانزک ٹیمیں سارے واقعہ کا مختلف پہلووں سے جائزہ لے رہی ہے ، پولیس حکام کا کہنا ہےکہ وہ بہت جلد قاتلوں تک پہنچ جائیں گے
لاہور : نئے پاکستان میں کرائے کی زندگی سے موت اچھی،بے حس حکمران ،بے بس عوام،دردناک موت نے دل دہلا دیئے،اطلاعات کے مطابق کرائے کا بندوبست نہ ہونے پر خاتون نے بیٹے سمیت ٹرین کے آگے کود کر زندگی کا خاتمہ کر لیا، روبینہ اپنی بہن سے چار ہزار ادھار لینے نکلی تھی۔
ذرائع کےمطابق کرائے کے مکان میں رہنے والا یہ خاندان کرائے کی وجہ سے بہت زیادہ پریشان تھا ، لیکن اس سے زیادہ پریشانی اس بات کی ہے کہ ایک طرف وزیراعظم عمران خان نئے پاکستان کو ریاست مدینہ جیسی فلاحی ریاست بنانا چاہتے ہیں۔ ملک میں پناہ گاہیں تو بن رہی ہیں لیکن لگتا ہے سفیدپوش محنت کشوں کیلئے جائے پناہ کہیں نہیں۔ لاہور میں گھر کا کرایہ نہ ہونے پر خاتون نے مبینہ طورپر خودکشی کر لی ،مالک مکان کے طعنوں سے بچنے کے لیے تین بچوں کی ماں روبینہ ٹرین کے آگے کود گئی۔
خاتون کا شوہر ایک جوس کارنر پر ملازم ہے ، شوہر کا کہنا ہے آج کرائے کی آخری تاریخ تھی اور مالک مکان نے آج گھر خالی کرانے کی دھمکی دے رکھی تھی ۔ 9 ہزار کرائے میں سے 5 ہزار دیدیا تھا ،روبینہ بہن سے چار ہزار ادھار لینے کا کہہ کر گئی اور ٹرین کے نیچے آ کر جان دے دی ۔ عینی شاہد کا کہنا ہے کہ لڑکی کو آواز دے کر خبردار کیا لیکن وہ ٹرین کے آگے آ گئی ۔
ابوجا: دہشت گردوں نے مسافروں سے بھری گاڑیوں کو آگ لگادی، 30 افراد ہلاک،اطلاعات کے مطابق نائیجیریا میں دہشت گردوں نے مسافروں سے بھری کئی گاڑیوں کو آگ لگا دی جس کے نتیجے میں 30 افراد جھلس کر ہلاک ہوگئے۔
غیرملکی خبررساں ادارے کی رپورٹ کے مطابق افریقی ملک نائیجیریا میں عینی شاہدین نے دعویٰ کیا ہے کہ مبینہ طور پر شدت پسند گروہ بوکوحرام کے دہشت گردوں نے مسافروں سمیت متعدد گاڑیوں کو آگ لگادی، جبکہ ملکی صدر محمدوبحاری نے واقعے کی تردید کردی۔
رپورٹ کے مطابق نائیجیریا کی ریاست بورنو میں یہ خونی واقعہ سامنے آیا۔ علاقہ مکینیوں اور عینی شاہدین نے دعویٰ کیا ہے کہ اس شدت پسندانہ حملے میں تیس افراد کو جلا کر مارا گیا۔ ملکی صدر نے حملے کی تردید کردی جبکہ نائیجیریا میں سرگرم دہشت گرد تنظیم بوکو حرام نے بھی تاحال حملے کی ذمے داری قبول نہیں کی۔
بونی علی نامی عینی شاہد کا کہنا ہے کہ شدت پسندوں نے تقریباً 18 سے زائد گاڑیاں جلائیں جس کے نتیجے میں درجنوں افراد مارے گئے، حملہ آور درجنوں عام شہریوں کو اغوا کرکے بھی لے گئے۔
نائیجیریا کے صدر محمدوبخاری کا کہنا ہے کہ بوکو حرام کے خلاف انٹیلی جنس بنیادوں پر کارروائیاں کررہے ہیں، جبکہ ملکی سیکیورٹی صورت حال پر شدید تشویش ہے جس پر قابو پانے کی بھی کوشش جاری ہے۔
مظفر گڑھ: 3 منزلہ عمارت منہدم، ملبے تلے دب کر 8 افراد جاں بحق، پانچ زخمی،اطلاعات کے مطابقا یہ افسوسناک حادثہ مظفر گڑھ کے قنوان چوک میں پیش آیا۔ ملبے تلے دبے پانچ زخمی افراد کو نکال کر ریسکیو ٹیموں نے ہسپتال منتقل کیا۔ جاں بحق افراد میں 4 بچے اور 2 خواتین بھی شامل ہیں۔
ڈپٹی کمشنر مظفر گڑھ نے حادثے اور امدادی کارروائیوں کی تفصیلات بتاتے ہوئے کہا کہ 13 لوگوں کو ملبے سے نکالا گیا۔ نکالے جانے والوں میں سے 8 افراد جاں بحق جبکہ 5 افراد زخمی ہوئے۔
ڈپٹی کمشنرمظفرگڑھ نے بتایا حادثے کا شکار عمارت کو بغیر کسی قواعد کے مستری سے بنوایا جا رہا تھا۔ بلڈنگ میں سے سٹرکچر ہٹانے کی وجہ سے بلڈنگ گری۔ مالکان کے مطابق 13 لوگوں کی موجودگی کی اطلاع تھی، جنھیں نکال لیا گیا ہے۔
ادھرحسب روایت وزیراعلیٰ پنجاب سردار عثمان بزدار نے مظفر گڑھ میں عمارت گرنے کے باعث قیمتی انسانی جانوں کے ضیاع پر گہرے دکھ اور افسوس کا اظہار کرتے ہوئے جاں بحق افراد کے لواحقین سے دلی ہمدردی اور تعزیت کی ہے۔ انہوں نے ہدایت کی ہے کہ زخمی افراد کو علاج معالجہ کی بہترین سہولتیں فراہم کی جائ
تیسری شادی کی تقریب میں پہنچی پہلی بیوی تو دولہا کے ساتھ کیا ہوا سلوک؟
باغی ٹی وی کی رپورٹ کے مطابق شہر قائد کراچی میں تیسری شادی کرنے والے کی پہلی بیوی شادی کی تقریب میں پہنچ گئی
نارتھ ناظم آباد بلاک ایل میں تیسری شادی کرنا شہری کو مہنگا پڑ گیا۔ شادی میں سابقہ بیوی نے دولہے کی پٹائی کے بعد پولیس کے حوالے کردیا۔ واقعے کے ویڈیو منظر عام پر آگئی۔ ویڈیو میں دولہے کے کپڑے پھٹے دیکھے جاسکتے ہیں۔
خاتون کا کہنا تھا کہ میں اسکی پہلی بیوی ہوں اور یہ اسکا بیٹا ہے ،جبکہ اس کی دوسری بیوی بھی ہے جو بیمار ہے اسکو بتا دیا ہے
پولیس کے مطابق تقریب میں موجود افراد کی اطلاع پر شادی ہال پہنچے۔دولہے کو زخمی حالت میں تیموریہ تھانے منتقل کیا گیا ہے۔ دونوں فیملیز کو تھانے طلب کیا ہے۔ معاملے کی تحقیقات کے بعد واقعے کی تفصیل سامنے آئے گی، ابتدائی طور پر سابقہ بیوی کا الزام ہے کہ شوہر بنا بتائے تیسری شادی کر رہا تھا۔ عدالتی حکم کے بعد قانونی کارروائی عمل میں لائی جائے گی۔
تحریک انصاف کے سرگرم رہنما کے بھائی کو قتل کر دیا گیا
باغی ٹی وی کی رپورٹ کے مطابق حکمران جماعت تحریک انصاف کے سرگرم رہنما کے بھائی کو قتل کر دیا گیا
واقعہ بٹگرام میں پیش آیا جہاں تحریک انصاف کے ضلعی رہنما نیاز خان کے بھائی عبداللطیف کو قتل کر دیا گیا،پولیس کے مطابق عبداللطیف بھی پی ٹی آئی کا سرگرم کارکن تھا، موت گولی لگنے اور تیز دھار آہنی آلے کے وار سے ہوئی.
پولیس کے مطابق قتل ہونے والا عبداللطیف خان سکول میں ایس ایس ٹی کی پوسٹ پر تعینات تھا،
پولیس کے مطابق واقعہ کا مقدمہ درج کر لیا گیا ہے، ایف آئی آر کے مطابق مقتول کے بھائی نے کہا کہ رات کو سوئے ہوئے تھے کہ فون پر اطلاع ملی کہ بھائی کو قتل کر دیا گیا ہے ،قریبی مکان میں جا کر دیکھا تو بھائی کی خون آلود لاش پڑی تھی۔
فحاشی کے اڈے پر چھاپہ، پولیس کو ملیں صرف خواتین ،پولیس نے کیا کام سرانجام دیا؟
جادو سیکھنے کے چکر میں بھائی کے بعد ملزم نے کس کو قتل کروا دیا؟
پولیس کا ریسٹورنٹ پر چھاپہ، 30 سے زائد نوجوان لڑکے لڑکیاں گرفتار
واٹس ایپ پر محبوبہ کی ناراضگی،نوجوان نے کیا قدم اٹھا لیا؟
غیرت کے نام پر سنگدل باپ نے 15 سالہ بیٹی کو قتل کر دیا
بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”
ایم بی اے کی طالبہ کو ہراساں کرنا ساتھی طالب علم کو مہنگا پڑ گیا
اچھی نوکری کا جھانسہ دے کر غیر ملکی لڑکی سے کیا گیا گھناؤنا کام
ماں اور بیوی نے ملکر ڈانٹا تو 22 سالہ نوجوان نے کیا زندگی کا خاتمہ
پولیس کے مطابق پوسٹ مارٹم رپورٹ میں یہ بات سامنے آئی کہ موت گولی لگنے اور تیز دھار آہنی آلے کے وار سے ہوئی۔ ضروری کاروائی کے بعد نعش کو ورثاء کے حوالے کر دیا گیا ،پولیس نے قاتلوں کی گرفتاری کے لئے ٹیم تشکیل دے دی ہے، پولیس کا کہنا ہے کہ جلد قاتلوں کو گرفتار کر لیا جائے گا
فیکٹری میں بوائلر پھٹنے سے 3 مزدور جاں بحق، متعدد زخمی
باغی ٹی وی کی رپورٹ کے مطابق پنجاب کے شہر فیصل آباد میں سرگودھا روڈ پر ٹیکسٹائل ملز کا بوائلر پھٹنے سے 3 مزدور جاں بحق جبکہ 15 سے زائد زخمی ہوگئے۔
واقعہ فیصل آباد کے علاقے سرگودھا روڈ پر پیش آیا، سمانہ پُل کے قریب ٹیکسٹائل ملز کا بوائلر پھٹنے سے 3 مزدور جھلس کر موقع پر جاں بحق ہوگئے جبکہ 15 سے زائد افراد کو شدید زخمی حالت میں الائیڈ ہسپتال منتقل کر دیا گیا
بوائلر پھٹنے سے ملز کی عمارت بھی زمین بوس ہوگئی۔ چھت کے ملبے تلے دب کر متعدد افراد لاپتہ بھی ہوگئے جن کی تلاش کیلئے ریسکیو کی جانب سے سرچ آپریشن بھی جاری ہے۔ ریسکیو کے مطابق بوائلر گیس کا پریشر زیادہ ہونے کے باعث پھٹا جس سے ناخوشگوار واقع پیش آیا۔
واضح رہے کہ چند دن قبل پنجاب کے صوبائی دارالحکومت لاہور میں فیکٹری میں آتشزدگی سے د س افراد جاں بحق ہو گئے تھے.
شیخوپورہ (نمائندہ باغی ٹی وی ) ڈسٹرکٹ پولیس آفیسر شیخوپورہ غازی محمد صلاح الدین نے پتنگ بازوں کے خلاف چلائی جانے والی خصوصی کمپین کے سلسلہ میں ایس ایچ اوتھانہ شرقپورخرم ڈوگر کو ہدایت جاری کی کہ وہ علاقے میں پتنگ بازی کا کاروبار کرنے والے اور اس خونی کھیل میں ملوث ملزمان کی جلد از جلد گرفتاریوں کو ہر صورت میں ممکن بنائے۔ جس پرایس ایچ او تھانہ شرقپور نے پولیس ٹیم کے ہمراہ علاقے کی مختلف آبادیوں میں پتنگ بازی کرنے والے اوراس کی خریدوفروخت کرنے والوں کے خلاف کریک ڈاون کیا اور اپنے تمام تر وسائل کو بروئے کار لاتے ہوئے پتنگ باز ی کا کاروبار کرنے والے اسامہ کو گرفتار کرکے اس کے قبضہ سے ہزاروں کی تعداد میں پتنگیں اور دوڑ کی چرخیاں برآمدکرلی۔شرقپور پولیس نے ملزم کے خلاف مقدمہ درج کرلیا۔