Category: جرائم و حادثات

رائیونڈ کے علاقہ وطنہ پنڈ میں 6سالہ کمسن بچے حسنین کے قتل کا معاملہ۔ پولیس کے مطابق حسنین اپنے دوستوں علی عرف موٹا اور فہدوغیرہ کے ساتھ کھیتوں میں کھیل رہا تھا۔ حسنین کے اور اس کے تما م دوستوں کی عمریں 5سے8سال کے درمیان ہیں۔ کھیلتے ہوئے شرارتاً علی عرف موٹا نے مقتول حسنین کے منہ اور ناک میں مٹی ڈال دی تھی۔ منہ اور ناک میں مٹی کی وجہ سے مقتول بچے حسنین کا سانس گھٹ گیا جس سے اس کی موت واقع ہوگئی۔ مقتول حسنین کی لاش پوسٹ مارٹم کے بعد ورثاء کے حوالے کر دی گئی ہے۔ قتل سے قبل مقتول حسنین سے بدفعلی کی خبر بے بنیاد ہے اور اس میں کوئی صداقت نہیں۔۔

رائیونڈ کے علاقہ وطنہ پنڈ میں 6سالہ کمسن بچے حسنین کے قتل کا معاملہ۔ پولیس کے مطابق حسنین اپنے دوستوں علی عرف موٹا اور فہدوغیرہ کے ساتھ کھیتوں میں کھیل رہا تھا۔ حسنین کے اور اس کے تما م دوستوں کی عمریں 5سے8سال کے درمیان ہیں۔ کھیلتے ہوئے شرارتاً علی عرف موٹا نے مقتول حسنین کے منہ اور ناک میں مٹی ڈال دی تھی۔ منہ اور ناک میں مٹی کی وجہ سے مقتول بچے حسنین کا سانس گھٹ گیا جس سے اس کی موت واقع ہوگئی۔ مقتول حسنین کی لاش پوسٹ مارٹم کے بعد ورثاء کے حوالے کر دی گئی ہے۔ قتل سے قبل مقتول حسنین سے بدفعلی کی خبر بے بنیاد ہے اور اس میں کوئی صداقت نہیں۔۔

لاہور پولیس کا ایس پی سٹی رضا صفدر کاظمی کی قیادت میں مفرور مجرمان کے گرد گھیرا تنگ۔
شاہدرہ پولیس کی کاروائی، اقدام قتل اور پولیس پارٹی پر فائرنگ کرنے والا خطرناک اشتہاری گرفتار کر لیا۔ پولیس کے مطابق مفرور اشتہاری دو سال سے پولیس کو سنگین مقدمات میں مطوب تھا۔ مفرور اشتہاری نے بادامی باغ کے علاقہ میں ڈولفن سکواڈ پر سیدھی فائرنگ کی۔ ملزم کی فائرنگ سے 12 سالہ بچہ ارسلان زخمی ہوا تھا۔ مفرور اشتہاری کے خلاف بادامی باغ میں اقدام قتل اور دیگر دفعات کے تحت مقدمہ درج تھا۔ مفرور اشتہاری دیگر کئی مقدمات اور واداتوں میں پولیس کو مطلوب تھا۔ مفرور اشتہاری عرفان عرف منا کو شاہدرہ پولیس کی ٹیم نے کاروائی کرتے گرفتار کیا۔ ایس پی سٹی رضا صفدر کاظمی نے سنگین وارداتوں میں ملوث مفرور اشتہاری کو گرفتار کرنے والی ٹیم کو شاباش دی اور تعریفی سرٹیفکیٹ دینے کا اعلان کیا۔

لاہور انویسٹی گیشن پولیس ساندہ کی کارروائی، اندھے قتل کا ڈراپ سین، جگری دوست ہی دوست کا قاتل نکلا۔

6ہزار روپے ادھار واپسی کے تقاضے پرملزم زاہد محمود اپنے جگری دوست مقتول عباس عرف جگنو کو قتل کر کے فرار ہو گیاتھا۔ لاہورانویسٹی گیشن پولیس ساندہ نے 2ماہ قبل ہونیوالی اندھے قتل کی واردات کا سراغ لگا کرمقتول عباس علی عرف جگنو کو چند پیسوں کے لیے قتل کرنے والے اس کے جگری دوست ملزم زاہد محمود کو گرفتار کر لیا ہے۔ تفصیلات کے مطابق ڈی آئی جی انویسٹی گیشن ڈاکٹر انعام وحید خان نے شہری عباس علی کے اندھے قتل کی واردات کا نوٹس لیتے ہوئے ایس پی انویسٹی گیشن اقبال ٹاؤن نوید ارشاد کو واقعہ میں ملوث ملزمان کی فوری گرفتاری کا حکم دیا۔ ایس پی اقبال ٹاؤن انویسٹی گیشن نے انچارج انویسٹی گیشن ساندہ اکرام حسین اور دیگر اہلکاروں پر مشتمل پولیس ٹیم تشکیل دی جس نے شب و روزکی انتھک محنت، تمام دستیاب وسائل اور جدید ٹیکنالوجی کی مدد سے چند پیسوں کے لین دین پر مقتول عباس علی عرف جگنو کو قتل کرنیوالے اس کا جگری دوست زاہد محمودکو گرفتارکر لیا ہے۔ ملزم زاہد محمود نے اعتراف جرم کرتے ہوئے بتایا کہ مقتول عباس عرف جگنو اس کا جگری دوست تھا۔ عباس نے اپنے بیوی بچوں سے علیحدہ کرائے پر مکان لے رکھا تھا جہاں ہم دونوں ساتھ مل کر نشہ کرتے تھے۔ میں نے عباس کو 6ہزار روپے اُدھار دیئے ہوئے تھے۔ میں جب بھی اس سے پیسوں کا تقاضہ کرتا وہ ٹال مٹول کر دیتا۔ ایک دن دن ہماری ادھار کی رقم 6ہزار واپس کرنے پر تلخ کلامی ہو گئی جس پر میں نے طیش میں آ کر تیز دارکٹر سے عباس کا گلہ اور کلائی کاٹ کر قتل کر دیا اورخودخاموشی سے موقع سے فرار ہو گیا۔ایس ایس پی انویسٹی گیشن ذیشان اصغر نے اندھے قتل کی واردات ٹریس کرنے اور ملزم کی گرفتاری پر پولیس ٹیم کے لیے نقد انعامات اور تعریفی اسناد کا اعلان کیا ہے۔

لاہور میں پولیس مقابلہ باغی ٹی وی پولیس مقابلے کی اصل کہانی سامنے لے آیا۔
کاہنہ میں پولیس کانسٹبل کو شہید کرنے والے ملزمان کے ساتھیوں کی شدید فائرنگ۔ فائرنگ سے 2 گرفتار ڈاکو اپنے ہی ساتھیوں کی فائرنگ سے ہلاک ہو گئے۔ پولیس کے مطابق ہلاک ڈاکووں کی شناخت اشفاق اور تنویر کے نام سے ہوئی۔ فائرنگ کا واقعہ اس وقت پیش آیا جب سی آئی اے پولیس کے سب انسپکٹر محمود مصطفی گرفتار ملزمان کو ساتھ لے جاکر ارسلان نامی ملزم کی گرفتاری کے لئے کاہنہ کے علاقہ میں جارہے تھے۔ ملزمان ارسلان اور 4 ساتھیوں نے پولیس پارٹی پر شدید فائرنگ کردی۔ جس کے نتیجے میں گرفتار ملزمان اشفاق اور تنویر اپنے ساتھیوں ارسلان اور دیگر ملزمان کی فائرنگ سے ہلاک ہوگئے۔ جبکہ پولیس کی جوابی فائرنگ سے ملزمان اپنی موٹرسائیکل چھوڑ کر فرار ہوگئے، ملزمان نے کانسٹیبل ساجد کو رائے ونڈ ناکے پر گولیاں مار کر شہید کیا تھا۔ ملزمان ڈکیتی مزاحمت قتل میں جیل سے رہا ہوکر آئے تھے ۔ پولیس کا کہنا ہے کی ہلاک ڈاکووں کی لاشوں کو مردہ خانے منتقل کردیا گیا ہے، ملزمان پر درجنوں مقدمات درج اور سابقہ ریکارڈ یافتہ ہیں۔۔

ڈی آئی جی آپریشنز رائے بابر سعید کی ہدایات پر ایس پی عائشہ بٹ کی زیر نگرانی اینٹی رائٹ فورس کا پیشہ ور گداگر مافیا کے خلاف کریک ڈاؤن تیز کر دیا گیا۔ پولیس کے مطابق کریک ڈاؤن لاہور کی تمام ڈویژنز میں کیا گیا۔ پیشہ ور بھکاریوں کو پکڑ کر مقامی تھانہ جات میں بند کروایا گیا، مغلپورہ ,مسلم ٹاؤن موڑ, اقبال ٹاؤن, داتا صاحب سمیت شہر کے دیگر مقامات پر کارروائی کی گئی۔ ایس پی عائشہ بت کا کہنا ہے کہ پیشہ ور گداگر مافیا کی وجہ سے حق داروں کو ان کا حق نہیں پہنچتا، شہریوں کو بلا وجہ تنگ کرنے کی اجازت نہیں دی جائے گی۔

ڈی آئی پی آپریشنز لاہور رائے بابر سعید کا کہنا ہے کہ شہر کی اہم شاہراہوں اور چوراہوں پر بھکاری مافیا کو ڈیرے ڈالنے نہیں دیں گے۔ شہریوں کو تنگ کرنے, ٹریفک کے بہاؤ میں خلل ڈالنے اور جرائم میں ملوث بھکاریوں کے خلاف کاروائیاں کی جا رہی ہے.

لاہور شہر میں ایک بار پھر ڈاکووں نے شہریوں پر وار شروع کر دئیے ، ایک طرف پولیس لاک ڈاون پر عمل درآمد کروانے میں مصروف ہے تو دوسری طرف شہر میں ڈکیتی چوری کی وارداتیں معمول بنتی جا رہی ہیں ۔
گزشتہ چوبیس گھنٹوں میں ڈاکووں نے دو شہریوں کی جان لے لی ۔ اے ٹی ایم مشینوں کے باہر ڈاکووں نے ڈیرے لگا لیے، لاہورکے علاقے فیصل ٹاؤن میں ڈاکوؤں نے اے ٹی ایم سے پیسے نکلوانے والے شخص کو مزاحمت پر فائرنگ کر کے قتل کر دیا اور فرار ہوگئے، پولیس کے مطابق 45 سالہ خالد حسین فیصل ٹاؤن مین بلیوارڈ پر ایک نجی بنک کی اے ٹی ایم سے رقم نکلوا کر نکلا تو دو موٹرسائیکل سوار ڈاکوؤں نے اسے گن پوائنٹ پر روک لیا،رقم چھیننے پر خالد حسین نے مزاحمت کی تو ڈاکوؤں نے فائرنگ کر دی۔ گولیاں لگنے سے خالد زخمی ہو گیا۔ اسے اسپتال لے جایا جا رہا تھا کہ زخموں کی تاب نہ لاتے ہوئے دم توڑ گیا۔ پولیس نے لاش پوسٹ مارٹم کے لئے مردہ خانے منتقلُ کر کے تفتیش شروع کر دی ہے،پولیس کا دعوی ہے کہ سی سی ٹی وی کی مدد سے ملزمان کو جلد ٹریس کر لیا جائےگا. دوسرا واقعہ سبزہ زار کے علاقے میں پیش آیا جہان ڈاکووں نے شہری ظہیر عباس کو اسلحے کے زور پر روکا، مزاحمت کرنے پر ڈاکووں نے فائرنگ کر دی جس سے ظہیر عباس موقع پر دم توڑ گیا۔۔

سی سی پی او لاہور ذوالفقار حمید نے شہر کی مساجد کے دورہ کیا ،

تفصیلات کے مطابق سی سی پی او لاہور ذوالفقار حمید کے نماز جمعہ سے پہلے سیکیورٹی انتظامات کا جائزہ لینے کیلئے مختلف مساجد کے وزٹس کیے ، سی سی پی او لاہور نے جامعہ۔مسجد ایل او ایس، جامعہ۔مسجد قادسیی، جامعہ مسجد عائشہ کا وزٹ کیا، ذوالفقار حمید نے جامعہ مسجد شاہ عنایت قادری سمیت مختلف مساجد کے وزٹس بھی کئے، سی سی پی او لاہور نے حکومتی 20 نکاتی ہدایات کے عملی انتظامات کا جائزہ لیا، ذوالفقار حمید نے نمازِ جمعہ کےلئے کئے جانے والے سیکورٹی اور سیفٹی انتظامات کا بھی جائزہ لیا، سی سی پی او لاہور نے ڈولفن اور پیرو فورس کی پٹرولنگ انتظامات کا بھی جائزہ لیا، سی سی پی او لاہور نے جامعہ مسجد ایل او ایس میں سیکیورٹی انتظامات کو مزید بہتر بنانے کی ہدایت کی۔ سی سی پی او لاہور کا کہنا تھا کہ کورونا وباء کے پیش نظر حکومتی ایس او پیز پر سختی سے عملدرآمد کروایا جا رہا ہے۔ حکومتی 20 نکاتی ہدایات کو یقینی بنانے میں علمائے کرام کا کردار قابل ستائش رہا۔ مساجد کے اندر اور باہر سوشل ڈسٹینس کو یقینی بنانے کورونا خطرات سے بچا جا سکتا ہے، شہریوں کی سفیٹی اور سیکیورٹی ہماری اولین ترجیح ہے،

لاہور پولیس پتنگ بازی کے خونی کھیل کی روک تھام کے لیے ایکشن میں آ گئی، شہر میں پتنگا بازوں کے خلاف کاروائیاں تیز کر دی گئیں ، ہنجروال کے علاقے میں ایس پی صدر سید غضنفر علی شاہ کی قیادت میں انسداد پتنگ سازی اور فروشی کے حوالہ سے بڑی کاروائی کی گئی، پتنگیں بنانے والا کارخانہ پکڑ لیا، پولیس کے مطابق کاروائی میں دو ملزمان کو گرفتار کیا گیا۔ گرفتار ملزمان میں احمد اور حمزہ شامل ہیں، ملزمان نے ہنجروال کے علاقہ میں پتنگیں تیار کرنے کا کارخانہ بنا رکھا تھا۔ ملزمان کے قبضہ سے لاکھوں روپے مالیت کی440تیار پتنگیں اور 30,000 پتنگیں تیار کرنے کا خام مال برآمد کیا گیا، ملزمان پتنگیں تیار کرکے لاہور سمیت دیگر اضلاع میں بھی فروخت کرتے تھے، اسی طرح ایس پی سٹی رضا صفدر کاظمی کی قیادت میں پتنگ بازوں اور فروش کرنے والوں کے خلاف شاہدرہ کے علاقے میں کاروائی کی جس میں دو ملزمان کو گرفتار کیا گیا، ملزمان کے قبضہ سے 50 سے زائد پتنگیں برآمد کی گئیں ۔دوران تفتیش ملزمان کی نشاندہی پر کاروائی کرتے 250کیمیکل ڈور کی.چرخیاں اور 35 عدد پنے ڈور بھی برآمد کیے گئے ،