Category: جرائم و حادثات

خانیوال: پاکستان میں کم عمری کی شادی پر پابندی کےبعد اس میں‌ملوث افراد اور کرداروں کو سزا کے بعد اب بھی یہ سلسلہ رکا نہیں ، ایسا ہی ایک واقعہ خانیوال میں ہوا جہاں پولیس نے کم عمر بچوں کی شادی رکوادی،ذرائع کے مطابق دلہا دلہن کے والد گرفتارصوبہ پنجاب کے ضلع خانیوال میں پولیس نے کم عمر بچوں کی شادی رکوا کر دلہا دلہن دونوں کے والد کو گرفتار کرکے مقدمہ درج کرلیا۔

پولیس حکام کے مطابق ضلع خانیوال کے شہر کبیروالا میں 14 سالہ منزہ بی بی اور 15 سالہ رضوان کی شادی رکوا کر دونوں کے والد خلاف نواں شہر پولیس اسٹیشن میں مقدمہ درج کرکے قانونی کارروائی شروع کردی۔ایف آئی آر کے مطابق دلہا دلہن کے والد کے خلاف چائلڈ میرج ریسٹرینٹ ایکٹ ( سی ایم آر اے ) 1929 کے سیکشن 6 (ون) کے تحت درج کیا گیا۔

ڈیرہ غازی خان : جنوبی پنجاب میں‌پسماندگی ختم کرنےکے دعوے دھرے دھرے رہ گئے ، ہسپتالوں میں جان بچانے کی ادویات نہیں ، مریضوں کو لاہور کی راہ دکھائی جاتی ہے. اطلاعات کے مطابق ڈیرہ غازی خان کا 17 سالہ حسین سانپ ڈسنے کی وجہ سے جانبحق ہوگیا ، ورثا کا کہنا ہے کہ ڈاکٹروں نے مریض کا نہ علاج کیا اورنہ ہی ویکسی نیشن نہیں کی گئی

ڈیرہ غازی خان سے باغی ٹی وی کے نمائندے کے مطابق گزشتہ رات ایک نواحی علاقے سے تعلق رکھنے والا 17 سال کا حسین نامی نوجوان کو سانپ نے ڈس لیا ، ورثا جب اس نوجوان کو لیکر ہسپتال پہنچے تو ڈاکٹروں نے یہ کہہ کر معذور ی کااظہار کردیا کہ ہمارے پاس تو سانپ ڈسنے کی ویکسین ہی نہیں‌. ورثا نے ڈاکٹروں سے درخواست کی کہ اور بھی طریقہ اختیار کیا جاسکتا ہے.لیکن ڈاکٹروں نے ان سنی کردی

ذرائع کےمطابق یہ نوجوان اسی تکلیف سے ہستپال میں ہی دم توڑ گیا جس پر اس نوجوان کےورثا نےلاش اسپتال روڈپررکھ کراحتجاج شروع کردیا . جس کی وجہ سے کافی دیر تک ٹریفک جام رہی ، دوسری طرف مقامی لوگوں نے وزیراعظم سے درخواست کی کہ وہ دور دراز علاقوں میں صحت کاور انسانی جان سے ایسا کھلواڑہ ہونے کا نوٹس لیں اور پسماندگی ختم کرنے والوں سے پوچھیں کہ وہ دعووں پر عمل کب کریں گے

لاہور : خون سفید ہوگئے ، چچا نے اپنے بھتیجوں پر قیامات ڈھا دی، اطلاعات کے مطابق غازی آباد کے علاقے میں چچا نے اپنے دو بھتیجوں پر فائرنگ کردی اور فرار ہوگیا، فائرنگ کے نتیجہ میں ایک بھتیجا ہسپتال میں دم توڑ گیا۔

لاہور پولیس کے مطابق چاچا نے جائیداد کے تنازع پر اپنے سگے بھتیجوں پر فائرنگ کر دی جس کے نتیجے میں 28 سالہ دلاور زخموں کی تاب نہ لاتے ہوئے ہسپتال میں دم توڑ گیا جبکہ بابر شدید زخمی ہے۔ واقعہ کے بعد ملزم عارف عرف صابا موقع سے فرار ہو گیا۔ ملزم کی گرفتاری کے لیے ٹیمیں تشکیل دے کر چھاپے مارے جا رہے ہیں۔

لاہور :بالآخر ایف آئی اے نے ان درندوں کو گرفتار کرہی لیا جو پیسوں کی خاطر کئی جانوں کی تباہی کا سبب بنتے ہیںَ اطلاعات کے مطابق پنجاب ہیومن آرگنز ٹرانسپلانٹ اتھارٹی اور ایف آئی اے نے کارروائی کر کے غیر قانونی گردوں کی پیوندکاری میں ملوث گروہ کے 4 ایجنٹس کو گرفتار کر لیا، گروہ گزشتہ 8 سال سے لوگوں کی جانوں سے ساتھ کھیلتا رہا۔

ذرائع کے مطابق یہ ملزمان 8 سالوں سے اس گھناؤنے کاروبار میں ملوث تھے۔ ڈی جی پی ہوٹا مرتضی حیدر نے متاثرہ خاندانوں کے ہمراہ پریس کانفرنس کرتے ہوئے بتایا کہ 5 متاثرہ خاندان کی شکایت پر 6 ماہ سے کارروائی کر رہے تھے، اس گھناؤنے کاروبار میں ملوث ملزمان کے ساتھ ڈاکٹرز اور دیگر افراد کے خلاف بھی سخت کارروائی کی جائے گی۔

ذرائع کے مطابق اس حوالے سے ہونے والی پریس کانفرنس کے دوران متاثرہ افراد کے لواحقین نے روتے ہوئے بتایا کہ ملزمان نے گردوں کی پیوند کاری کیلئے 25 سے 30 لاکھ روپے وصول کرنے کے باوجود مریضوں کو موت کے منہ میں دھکیل دیا۔ متاثرین کے مطابق ملزمان ہارون آباد، بہاولنگر اور چونیاں کے علاقوں میں آلودہ کمروں میں پیوندکاری کرتے رہے۔

ذرائع کے مطابق اس پریس کانفرنس میں ایک موقع پر تو کیفیت اتنی جزباتی ہوگئی تھی کہ س دوران ایک متاثرہ خاتون اپنے جذبات پر قابو نہ پاسکی اور روتے ہوئے بتایا کہ ملزموں نے اس کے شوہر کے گردوں کی پیوندکاری کیلئے 25 لاکھ روپے بٹورے مگر دو دن بعد ہی اس کے شوہر کی موت واقع ہوگئی۔ خاتون نے بتایا کہ ملزموں کی بے حسی نے میری چار کمسن بچیوں کے سر سے باپ کا سایہ بھی چھین لیا۔

یاد رہے کہ گروہ کا سرغنہ احمد یار 2017 میں بھی گردوں کی غیرقانونی پیوندکاری میں ملوث پایا گیا تھا اور وہ 8 سالوں سے یہ کام کر رہا ہے۔ ملزم علاج کے بعد ڈاکٹرز سے بھاری کمیشن لیتا تھا جبکہ میو ہسپتال کا ملازم ٹیکنیشن رؤف بھی اس کام میں ملوث ہے۔ ایف آئی اے نے تمام ملزمان کو گرفتار کرکے مزید تفتیش شروع کر دی ہے۔حکام کے مطابق اس جرم میں ملوث دیگر کرداروں کو بھی جلد گرفتار کرلیا جائے گا اور ایسی سخت سزا دی جائے گی کہ آئندہ کوئی ایسا جرم کرنے کا تصور بھی نہ کرے

، لاہور : خواتین کو بلیک میل کرنے والے اور کردار کشی کرنےوالے سزا بھگتنے کے لیے تیار ہو جائیں ، جو باز نہیں آتے تو پھر ان کو وہ حال ہوتا ہے جو ایف آئی اے نے کیا ، اطلاعات کے مطابق ایف آئی اے سائبر کرائم ونگ نے خاتون کو بلیک میل کرنے والا ملزم گرفتار کرلیا، ملزم سے خواتین کی نازیبا تصاویر اور ویڈیو برآمد کر لیں۔

ذرائع کے مطابق ایف آئی اے کے ڈپٹی ڈائریکٹر چوہدری سرفراز کے مطابق ملزم سلمان کے خلاف خاتون کے بھائی نے ایف آئی اے سائبر کرائم میں درخواست دی تھی۔ ایف آئی اے نے ملزم سلمان کو حراست میں لے لیا اور خاتون کی نازیبا تصاویر اور ویڈیو برآمد کرلیں۔ ملزم کے خلاف مقدمہ درج کر کے تحقیقات کا آغاز کر دیا گیا ہے۔یہ بھی معلوم ہوا ہے کہ ملزم اس سے پہلے بھی ایسی ہی حرکتوں کی وجہ سے مشہور تھا