Category: جرائم و حادثات

لاہور : شہری کدھر جائیں ایک طرف امن کے داعی خود شہریوں کو تفتیش کے نام پر مارنے لگے تو دوسری طرف ڈاکووں نے بھی یہ طریقہ اختیار کرلیا ، اطلاعات کے مطابق شہر میں ایک اور ڈکیتی مزاحمت پر قتل، اقبال ٹاؤن میں فارمیسی پر ڈکیتی کی واردات کے دوران فائرنگ کے تبادلے میں 21 سالہ نوجوان جاں بحق ہوگیا، واردات کی سی سی ٹی وی فوٹیج بھی منظرعام پر آگئی۔

ذرائع کے مطابق جاں بحق ہونے والا 21 سالہ احتشام راوی ٹاؤن کے علاقے میں ہیئرڈریسر کی دوکان پر کام کرتا تھا جبکہ فارمیسی میں واردات کے بعد ملزمان تین لاکھ کی رقم لوٹ کر فرار ہونے لگے کہ عملے نے باہر نکل کر فائر کردیا۔ مگر ملزمان کی جانب سے چلائی گئی جوابی گولی دوکان کے دروازے پر کھڑے احتشام کو لگ گئی، جس سے وہ شدید زخمی ہو کرموقع پر جاں بحق ہو گیا۔

پولیس کے مطابق والد کی مدعیت میں مقدمہ درج کرکے تفتیش شروع کردی گئی ہے جبکہ سی سی ٹی وی فوٹیج کی مدد سے ملزمان جلد قانون کی گرفت میں ہوں گے۔

اسلام آباد :اب اگر ڈرائیونگ کے دوران سگریٹ پیوگے تو پھر جرمانہ بھی ادا کروگے. وفاقی حکومت نے اسلام آباد میں عالمی سطح کے ٹریفک قانون لاگو کرنے کا فیصلہ کرلیا ہے،قانون کے مطابق ڈرائیونگ کے دوران سگریٹ پینے پر چالان ہوگا۔

وفاقی دارلحکومت میں بین الاقوامی سطح کے نئے ٹریفک قوانین پالیسی متعارف کرانے کا فیصلہ کیا گیا،دوران ڈرائیونگ سگریٹ نوشی کرنے پر بھی چلان ہو گا،تین بار چالان کے بعد لائسنس معطل کر دیا جائے گا،فرنٹ دونوں سیٹ بیلٹ باندھنا ضروری ہو گا، لائسنس کے بغیر گاڑی چلانے پر بھی پابندی عائد ہو گی۔

ذرائع کے مطابق یہ فیصلہ وزیر داخلہ اعجاز شاہ کی زیر صدارت کیا گیا،بلاوجہ ٹریفک جام پر ایس پی اور ڈیوٹی آفیسر کے خلاف کارروائی ہو گی، اکثر اوقات ٹریفک افسران ٹریفک جام کے وقت غائب ہوتے ہیں، ایڈیشنل سیکرٹری ون اور ٹو چیف کمشنر اور آئی جی سے میٹینگ کریں۔

یہ پہلا موقع نہیں ہے کہ حکومت کی طرف سے ڈرائیونگ کے دوران جرمانے کی سزا کی تجویز دی گئی ہے ، بلکہ اس سے پہلے بھی یہ چیز زیربحث آئی لیکن فرق یہ ہے کہ عملدرآمد اب ہورہا ہے، علاوہ ازیں ایک ہفتے کے اندر پالیسی پر عملدرآمد شروع کرنے کا حکم دیا گیا ہے،30 ستمبر ڈیڈ لائن ہے،سوشل میڈیا مہم بھی شروع کرنے کی ہدایت کی گئی ہے۔