امیر بالاج ٹیپو کی نماز جنازہ ادا، حملہ آور کی بھی شناخت ہو گئی
امیر بالاج ٹیپو کی نماز جنازہ شاہ عالم مارکیٹ چوک میں ادا کردی گئی، امیر بالاج کی جسدخاکی تدفین کیلئے میانی صاحب قبرستان روانہ ،نماز جنازہ میں سماجی،سیاسی اور شہریوں کی بڑی تعداد نے شرکت کی۔
پنجاب کے صوبائی دارالحکومت لاہور میں شادی کی تقریب میں گولیاں چل گئیں، ٹیپو ٹرکاں والا کے بیٹے امیر بالاج ٹیپو کی فائرنگ سے موت ہو گئی
واقعہ چوہنگ کے قریب شادی ہال میں پیش آیا،فائرنگ کے واقعہ میں دو افراد زخمی بھی ہوئے ہیں، امیر بالاج ٹیپو کے گن مینوں کی فائرنگ سے ایک حملہ آور بھی مارا گیا ہے،فائرنگ کا واقعہ اس وقت پیش آیا جب امیر بالاج ٹیپو نجی ہاؤسنگ سوسائٹی میں پولیس کے سابق ڈی ایس پی اکبر اقبال کے بیٹے کی شادی کی تقریب میں شریک تھا،تقریب میں موجود ایک حملہ آور نے فائرنگ کردی جس سے امیر بالاج ٹیپو سمیت تین افراد زخمی ہوگئے جنہیں اسپتال منتقل کیا گیا، امیر بالاج ٹیپو اسپتال میں زخموں کی تاب نہ لاتے ہوئے دم توڑ گیا۔
ڈی آئی جی آپریشنز سید علی ناصر رضوی کا کہنا ہے کہ واقعہ دیرینہ دشمنی کا شاخسانہ ہے، تاہم یہ کس گروپ نے کیا ہے اس کی تحقیقات جاری ہیں،
واضح رہے کہ امیر بالاج کا باپ ٹیپو ٹرکاں والا بھی 14 سال پہلے دشمنی کی بھینٹ چڑھ گیا تھا، ٹیپو ٹرکاں والا کو 2010 میں دبئی سے واپسی پر قتل کیا گیا تھا،بالاج قتل واقعہ کے بعد میں خوف ھراس پھیل گیا ہے،گینگ وار شروع ھونے کا خطرہ ہے،
میر بلاج ٹیپو کے قتل کے مقدمہ میں گوگی بٹ اورطیفی بٹ کو نامزد کردیا گیاہے، پولیس نے واقعہ کا مقدمہ درج کر لیا ہے.
امیر بالاج ٹیپو کو قتل کرنے والے حملہ آور کی شناخت ہوگئی ہے،پولیس ذرائع کے مطابق حملہ آور کی شناخت مظفر حسین کے نام سے ہوئی ہے، حملہ آور شیخوپورہ کے نواحی گاؤں کا رہائشی تھا،پولیس نے حملہ آور کی شناخت کے لیے نادرا سے رابطہ کیا تھا،حملہ آور نے سیلفی ویڈیو بنانے کے بہانے امیر بالاج پر حملہ کیا، ملزم مظفر حسین تقریب میں 3بار امیربالاج کے سامنے گیا، امیر بالاج کے بھائی مصعب اور سکیورٹی نے ہٹایا،شیخوپورہ کے رہائشی مظفر حسین کو تقریب میں موجود 3گروپوں نے نوٹس کیا، ملزم مظفر حسین نے ایک روز قبل ہی نیا موبائل فون اور سم خریدی،ملزم مظفر حسین کے موبائل کی فون سم کراچی کی رہائشی خاتون لطیفاں بی بی کے نام پر نکلی، جیسے ہی امیر بالاج شادی کی تقریب سے نکلا،ملزم نے سیدھی سائیڈ سے پورا برسٹ چلایا،ملزم مظفر حسین نے 3 سے 4 شادیاں کررکھی ہیں ، ملزم مظفر حسین امیر بالاج پر فائرنگ کے دوران ہی گولی لگنے سے ہلاک ہوا
بالاج ٹیپو لاہور کے انڈر ورلڈ کے سابق ڈان عارف امیر عرف ٹیپو ٹرکاں والے کے بیٹے اور بلا ٹرکاں والے کے پوتے تھے،ان کے والد عارف امیر عرف ٹیپو ٹرکاں والے کو خرم اعجاز نامی ملزم نے 2010 میں لاہور ایئرپورٹ کی پارکنگ میں فائرنگ کر کے قتل کیا تھا جبکہ ان کے دادا بلا ٹرکاں والے کو عبدالوحید نامی شخص نے ان کے ڈیرے پر گولیاں مار کر قتل کر دیا تھا۔
امیر بالاج ٹیپو کے قتل اور ساتھیوں کے زخمی ہونے کا معاملہ،پولیس کی تفتیشی ٹیموں نے حملہ آور کے موبائل فونز پر آنے اور جانے والی دو دن کے نمبرز کا ریکارڈ حاصل کرنے کے لیے متعلقہ اداروں کو بھجوادیا۔تفتیشی ٹیموں نے حملہ آور کے موبائل فون سے ملنے والے نمبرز کی لوکیشنز حاصل کر کے تین افراد کو حراست میں لیا۔تفتیشی ٹیموں نے جائے وقوعہ کی جیوفینسنگ کروانے کا فیصلہ کیا۔آپریشن۔انویسٹی گیشن اور ارگنائزڈ کرائم یونٹ کی تین ٹیمیں ملزمان کی فردر گرفتاری کے لیے تشکیل دے دیں ۔زخمی عثمان کی ہسپتال میں حالت نازک بیان کی جارہی ہے۔
طالبات کو کالج کے باہر چھیڑنے والا گرفتار،گھر کی چھت پر لڑکی کے سامنے برہنہ ہونیوالا بھی نہ بچ سکا
پولیس کا قحبہ خانے پر چھاپہ،14 مرد، سات خواتین گرفتار
خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم
موٹرسائیکل پر گھر چھوڑنے کے بہانے ملزم کی خاتون سے زیادتی
88 قبحہ خانوں پر چھاپوں کے دوران 417 ملزمان گرفتار
لاہور میں خاتون کو رکشہ پر ہراساں کرنے کا ایک اور واقعہ
13 سالہ بچے کے ساتھ بدفعلی کرنے والے دو ملزمان گرفتار
سوشل میڈیا کے ذریعے لاہور میں لڑکیاں سپلائی کرنے والے ملزمان گرفتار
دوسری شادی کیوں کی؟ پہلی بیوی نے خود کشی کر لی
