لاہور: پسند کی شادی کرنے والے شخص نے2سالوں کو قتل کردیاکیونکہ وہ اپنی بہن کواپنے گھر لے گئے تھے
پولیس کے مطابق لاہور کے علاقے ہنجروال میں فائرنگ کر کے دو بھائیوں کو قتل کر دیا گیا۔
پولیس کا کہنا ہے کہ ملزمان فائرنگ کے واقعے کے بعد موقع سے فرار ہو گئے، ملزم فہد نے ساتھی کے ساتھ مل کر دونوں بھائیوں کو قتل کیا۔
پولیس کا بتانا ہے کہ مقتولین کی بہن نے ملزم فہد سے پسند کی شادی کی تھی، مقتول اپنی بہن کو واپس اپنےگھر لائے جس پر ملزم کو غصہ تھا۔
لکی مروت: تختی خیل میں گھر سے ملنے والے لاشوں کی تعداد 11 ہو گئی
تمام لاشیں ایک ہی خاندان والوں کی ہیں،لاشوں میں دو بھائی ان کی بیویاں اور بچے شامل ہیں، لاشوں میں ایک لاش ایک لاش مہمان رشتہ دار کی بھی ہے۔مقامی ذرائع کے مطابق لاشیں ایک دو دن پرانی معلوم ہوتی ہیں، کسی نے گھر میں گھس کر قتل کرنے کے بعد گھر کو باہر سے تالا لگایا تھا، پولیس نے لاشوں کو تحویل میں لے کر تحقیقات شروع کر دی ہے، بدقسمت خاندان کے ایک اور فرد کوکسی نے قتل کیا تھا جس کے قتل کے خلاف اہل علاقہ نے لاش انڈس ہائی وے پر رکھ کر احتجاج کیا تھا پولیس نے تاحال ان کے قاتلوں کو بھی گرفتار نہیں کیا ہے،سینکڑوں کی تعداد میں اہل علاقہ جائے وقوعہ پر پہنچ گئے ہیں
مکان میں دو بھائی عملدار اور تابعدار رہائش پزیر تھے۔ بدقسمت خاندان کا گھر گاوں سے باہر اپنی زمینوں میں ہے۔ آج صبح اہل علاقہ کو پتہ چلا کہ گھر میں لاشیں پڑی ہیں۔
پولیس کاکہنا ہے کہ خیبرپختونخوا کے ضلع لکی مروت کے علاقے تختی خیل میں افسوسناک واقعہ پیش آیا جہاں نامعلوم ملزمان نے ایک گھر میں گھس کر اہلخانہ پر فائرنگ کردی۔پولیس کاکہنا ہےکہ یہ واقعہ گزشتہ رات پیش آیا جس میں 11افراد جاں بحق ہوگئے۔ملزمان کی فائرنگ سے جاں بحق ہونے والوں میں دو خواتین اور دو بچے بھی شامل ہیں، جاں بحق ہونے والوں کی لاشوں کو ضابطے کی کارروائی کے لیے اسپتال منتقل کردیا گیا ہے جب کہ واقعے کی تحقیقات شروع کردی گئی ہیں، ابتدائی طور پر واقعہ دشمنی کا شاخسانہ لگتا ہے تاہم اس حوالے سے تحقیقات کے بعد وجہ قتل کی وجوہات سامنے آسکیں گی
ابتدائی تحقیقات سے معلوم ہوتا ہے کہ حملہ اور مہمان بن کر آیا ،ڈی پی او لکی مروت
ڈی پی او طارق حبیب کا کہنا ہے کہ لکی مروت کے علاقے تختی خیل میں قتل کئے گئے افراد کی تعداد 11 ہے،10 افراد کی لاشیں ایک گھر سے ملی تھیں۔جبکہ ساتھ والے گھر سے بھی لاش ملی ہے،واقعہ ذاتی دشمنی کا شاخسانہ معلوم ہورہا ہے۔تاہم پولیس مختلف زاویوں سے تحقیقات کر رہی ہے۔ ابتدائی تحقیقات سے معلوم ہوتا ہے کہ حملہ اور مہمان بن کر آیا ہے،مقتولین کو نشہ آور کھانا کھلانے کے بعد قتل کیا گیا ہے۔ واردات جمعرات اور جمعہ کی درمیانی شب کی گئی ہے۔ قاتل تک پہنچ گئے ہیں، جلد قاتل کو گرفتار کر لیں گے ،معاشرے سے عدم برداشت ختم ہو گیا ہے۔واقعہ میں قتل کئے گئے افرد میں ایک بھائی کو اسکی بیوی،2 بیٹون اور ایک شادی شدہ بیٹی اور اسکے بیٹےسمیت قتل کیا گیا،جبکہ دوسرے بھائی کو بیوی،بیٹی اور 2 بیٹوں سمیت قتل کیا گیا ہے
عمران خان معافی مانگنے جج زیبا چودھری کی عدالت پہنچ گئے
پرویز مشرف کا نام ای سی ایل میں شامل کرنے کے حوالہ سے کیس کی سماعت
پرویز مشرف کی نااہلی کے خلاف دائر درخواست خارج
عدالتی سوال ہے کہ ملزم کی وفات پر کیا اپیل غیر موثر نہیں ہوئی؟
اوچ شریف باغی ٹی وی ( نامہ نگار حبیب خان )مردہ مرغیوں سے بنے سوپ کی فروخت کا انکشاف، مبینہ ممنوعہ کیمیکل اجینو موتو(چائینیزنمک) کی آمیزش سے مضر صحت سوپ کو چٹخارے دار بنایا جانے لگا، مبینہ طور مردہ مرغیوں کی کنٹرول شیڈز سے سستے داموں سپلائی جاری، محکمہ صحت کی ٹیم ہیلتھ سپروائزری کے نام پر مفت کی تنخواہیں بٹورنے میں مصروف، عوام بالخصوص چھوٹے بچوں کا اللہ حافظ،
تفصیلات کے مطابق اوچ شریف شہر میں سردی کی شدت میں اضافہ کے ساتھ مردہ مرغیوں سے چکن کارن سوپ فروخت کرنے والوں نے انسانی جانوں سے کھیلنا شروع کر دیا ہے اور بعض دکانوں پر ممنوعہ کیمیکل ملے زائد المیعاد سوپ فروخت کرنے سلسلہ جاری ہے۔موسم سرما شروع ہوتے ہی شہری مبینہ طورپرغیر معیاری اور ملاوٹ شدہ سوپ پینے پر مجبور ہیں. جب کہ مانگ میں اضافے کو دیکھتے ہی دکانداروں نے قیمتوں میں بے تحاشہ اضافہ کرنے کے ساتھ ساتھ معیار بھی گرا دیا ہے۔ الشمس چوک سمیت دیگر علاقوں میں مبینہ مضر صحت سوپ فروخت کرنے کا سلسلہ سرعام جاری ہے،
ذرائع نے انکشاف کیا ہے کہ ریڑھی والے مارکیٹ اور کنٹرول شیڈز سے مردہ مرغیاں اٹھا کر اس میں سے سوپ بنا رہے ہیں اور پھر اسکو فروخت کرتے ہیں جب کہ ذائقہ برابر کرنے کے لئے مبینہ ممنوعہ چائینز سالٹ، اجینو موتو پاؤڈر یا کیمکل کا استعمال کیا جاتا ہے۔اس حوالے سے ضلعی انتظامیہ نے مکمل خاموشی اختیار کر رکھی ہے ضلعی انتظامیہ کی جانب شہر میں فروخت ہونے والی ان چیزوں پرمناسب چیکنگ نہ ہونے کی وجہ سے شہر کی بیشتر دکانوں پر زہریلا اور ملاوٹ شدہ سوپ فروخت ہو رہا ہے۔
شہریوں محمد عثمان محمد صادق حفیظ اللہ انیس الرحمن حاجی احمد و دیگر نے اس پر تشویش کا اظہار کرتے ہوئے کہا ہے کہ بازاروں میں کھلے عام فروخت ہونے والے غیر معیاری اور کیمیکلز ملے سوپ کی وجہ سے شہریوں میں مختلف بیماریاں پھیل رہی ہیں، اصل اور نقل میں فرق کرنا ان کے لئے مشکل ہو گیا ہے، اس لئے شہریوں کو دکانوں سے سوپ لیتے وقت ذہنی کوفت کا سامنا کرنا پڑتا ہے جب کہ غیرمعیاری اور کیمیکل ملے سوپ کی کھلے عام فروخت انتظامیہ کی کاکردگی پر سوالیہ نشان ہے۔
دوسری جانب کیمیکلز ملے سوپ کے حوالے سے طبی ماہرین کا کہنا ہے کہ ملاوٹ شدہ اور غیر معیاری سوپ کسی بھی جاندار کے لئے انتہائی خطرناک ہے اور اسکے استعمال سے زیادہ تر بچے متاثر ہوتے ہیں، غیر معیاری سوپ کے استعمال سے، گلے کی بیماری، کھانسی، ٹی بی سمیت معدے کے موذی امراض جنم لیتے ہیں لہذا شہری بازار میں سوپ خریدتے وقت کافی احتیاط سے کام لیں
ڈیرہ غازیخان،باغی ٹی وی (نامہ نگارشہزادخان) غیرقانونی آئل ایجنسیوں کے خلاف کارروائیاں جاری،حکومت پنجاب کے احکامات کی روشنی میں ڈپٹی کمشنر مہر شاہد ز مان لک کی زیر نگرانی ڈیرہ غازی خان میں غیرقانونی آئل ایجنسیوں کے خلاف کارروائیاں جاری ہیں.
اس حوالے سے سول ڈیفنس آفیسر ڈیرہ غازیخان ربنواز اور چیف انسٹرکٹر عمران مہدی نے تھانہ صدر کی حدود میں غیر قانونی آئل ایجنسی کو ڈسپنسری یونٹ سمیت ضبط کرکے دکاندار کیخلاف اندراج مقدمہ کیلئے استغاثہ بھی جمع کرا دیا ہے.
تنگوانی، باغی ٹی وی (اسداللہ مٹھانی )ڈاکو راج برقرار،عوام ڈاکوؤں کے حوالے، پولیس غائب،تنگوانی اور اس کے گردونواح میں رات گئے تک بدامنی پر قابو نہ پایا جا سکا
تنگوانی تھانہ بوپھی اسٹاپ پر نامعلوم مسلح افراد نے خیربخش کھوسہ کے گھر میں گھس کر اہل خانہ کو یرغمال بنا کر گھر کا قیمتی سامان لوٹ لیا اور فرار ہو گئے،
عوام نے احتجاجاََِسڑک بند ہونے کے باعث گاڑیوں کی لمبی قطاریں لگ گئیں۔عوام نے تنگوانی پولیس کے خلاف شدید نعرے بازی کی۔عوام نے میڈیا سے گفتگو کرتے ہوئے کہا کہ تھانے سے چند قدم کے فاصلے پر مسلح افراد گھر میں داخل ہوئے، اہل خانہ کو تشدد کا نشانہ بنایا اور اندھا دھند فائرنگ کی اور باآسانی فرار ہوگئے۔ پولیس جائے وقوعہ پر نہیں پہنچی ،
احتجاجیوں نےکہا کہ ہم ایس ایس پی کشمور سے مطالبہ کرتے ہیں کہ معاملے کا نوٹس لیں اور لوٹا ہوا سامان واپس کرایا جائے اور پولیس کو متحرک کریں اور عوام کے جان ومال کے تحفظ تو یقینی بنائیں ۔
سیالکوٹ (نمائندہ باغی ٹی وی شاہد ریاض س)گجرات پولیس نے اشتہاری ملزم عمرڈار کو سیالکوٹ پولیس کے حوالے کردیا، اشتہاری ملزم عمر ڈار کے خلاف مقدمہ نمبر 674/22 تھانہ کینٹ جبکہ تھانہ نیکاپورہ اور رنگ پورہ میں بھی پانچ سنگین نوعیت کے مقدمات درج تھے ، اشتہاری ملزم 8 ماہ سے روپوش تھا۔
تھانہ ٹانڈہ ضلع گجرات پولیس نے اشتہاری ملزم کو گرفتار کرکے سیالکوٹ پولیس تھانہ کینٹ کے حوالے کر دیا ہے ملزم کے خلاف قانونی کارروائی عمل میں لاتے ہوئے آئندہ حسب ضابطہ پیش عدالت کیا جائے گا۔
دوسری طرف عمر ڈار پولیس حراست میں ہیں، سرکاری وکیل کا لاہور ہائیکورٹ میں بیان،سابق وزیر عثمان ڈار کے بھائی عمر ڈار کی بازیابی سے متعلق کیس کی سماعت کے دوران سرکاری وکیل نے لاہور ہائی کورٹ کو بتایا ہے کہ وہ پولیس کی حراست میں ہیں۔
عمر ڈار کے مبینہ اغوا کے خلاف اُن کی والدہ ریحانہ ڈار کے جانب سے دائر درخواست پر لاہور ہائی کورٹ کے جسٹس علی باقر نجفی نے سماعت کی۔
کیس کی سماعت کے دوران سرکاری وکیل نے بتایا کہ عمر ڈار حراست میں ہیں، سرکاری وکیل نے بتایا کہ عمر ڈار کو 8 جنوری کو گجرات سے گرفتار کیا گیا ہے ، عمر ڈار سیالکوٹ پولیس کے پاس ہیں۔
سرکاری وکیل نے عدالت کو مزید بتایا کہ عمر ڈار پر 2 ایف آئی آر درج ہیں، عمر ڈار اس وقت تھانہ کینٹ میں گرفتار ہیں۔
گذشتہ سماعت پر لاہور ہائی کورٹ نے آئی جی پنجاب کو عثمان ڈار کے بھائی عمر ڈار کی بازیابی سے متعلق سی سی ٹی وی فوٹیج کی روشنی میں رپورٹ جمع کرانے کی ہدایت دی تھی۔
پس منظر
واضح رہے کہ 30 دسمبر کو پی ٹی آئی نے دعویٰ کیا تھا کہ سابق پارٹی رہنما عثمان ڈار کے بھائی عمر ڈار کو لاہور سے مبینہ طور پر اغوا کرلیا گیا ہے۔
پی ٹی آئی کی جانب سے ایکس(ٹویٹر) پر شیئر کی گئی ایک ویڈیو میں عمر ڈار کی والدہ ریحانہ ڈار نے کہا تھا کہ انہیں ابھی لاہور سے اپنے بیٹے کے اغوا کی اطلاع ملی ہے، انہوں نے چیف جسٹس قاضی فائز عیسیٰ سے معاملے کا نوٹس لینے کی اپیل کی تھی۔
بعدازاں لاہور ہائی کورٹ میں عمر ڈار کی بازیابی کے لیے درخواست دائر کر دی گئی تھی، درخواست میں پنجاب پولیس کے سربراہ اور سی سی پی او لاہور جیسی اہم شخصیات کو فریق نامزد کیا گیا تھا۔
یاد رہے کہ اس واقعہ سے چند روز قبل بھی عثمان ڈار کی والدہ نے ویڈیو کے ذریعے الزامات لگائے تھے کہ مسلم لیگ (ن) کے رہنما خواجہ آصف نے 20 لوگ ان کے گھر بھیجے تھے جنہوں نے انہیں زد و کوب کیا تھا۔
انہوں نے مزید الزام عائد کیا تھا کہ پولیس ان کے گھر وارنٹ گرفتاری کے بغیر گھسی اور خواجہ آصف کی ایما پر ہی 9 مئی کو ان کے گھر پر حملہ کیا گیا تھا۔
ان الزامات پر خواجہ آصف نے عثمان ڈار اور ان کی والدہ ریحانہ ڈار کو ایک ارب روپے ہرجانے کا نوٹس بھیجا تھا۔
ڈیرہ غازیخان،باغی ٹی وی (نیوزرپورٹرشاہدخان ) تھانہ سول لائن کے علاقہ میں موٹر سائیکل ڈکیتی کی واردات پولیس کا بروقت تعاقب، دوران مقابلہ ایک ڈکیت زخمی حالت میں گرفتار۔
ایس ایچ او تھانہ سول لائن فیاض احمد نے بتایا کہ 15 پر اطلاع ملی کہ کچھ ڈکیت موٹر سائیکل ڈکیتی کر کے ریلوے روڈ کی طرف فرار ہو گئے ہیں۔
گشت پر مامور پولیس نے اطلاع پر فورا ڈکیتوں کا تعاقب کیا۔پولیس پارٹی کو قریب آتا دیکھ کر ڈکیتوں نے پولیس پر فائرنگ کر دی۔پولیس نے حفاظت حفاظت خود اختیاری کے تحت جوابی فائرنگ کی۔
فائرنگ کا سلسلہ رکنے کے بعد پولیس نے قریب جا کر دیکھا تو ایک ڈکیت اپنے ہی ساتھیوں کی فائرنگ سے زخمی ہو کر گرا پڑا تھا۔
جسے ڈکیتی کئے گئے موٹر سائیکل اور اسلحہ سمیت گرفتار کر لیا گیا۔
زخمی ہونے والے ڈکیت کی پہچان امتیاز ولد قادر بخش قوم دادوانی سکنہ کوٹ چھٹہ معلوم ہوئی۔جبکہ اس کے دیگر ساتھی رات کی تاریکی کا فائدہ اٹھاتے ہوئے فرار ہو گئے۔
گرفتار ہونے والا ڈکیت سابقہ ریکارڈ یافتہ ڈکیت ہے۔ جس پر اقدام قتل سمیت ڈکیتی کے ایک درجن سے زائد مقدمات درج ہیں۔زخمی ڈکیت کو برائے علاج معالجہ ہسپتال منتقل کر دیا گیا ہے۔
اوچ شریف،باغی ٹی وی (نامہ نگارحبیب خان )اسلام آباد سے کراچی جانےوالی بس نہرمیں گرگئی،3 مسافرجاں بحق،متعددزخمی
تفصیل کے مطابق اسلام آباد سے کراچی جانےوالی بس ہیڈنوشہرہ جدید خانقاہ شریف میں ٹرن لیتے ہوئے نہر میں گرگئی ،بس نہرمیں گرنے سے 3مسافر جاں بحق ہوگئے ہیں جبکہ 20 مسافرزخمی ہوگئے ،زخمیوں میں سے 17 مسافروں کوبہاولپوروکٹوریہ ہسپتال منتقل کردیا ہے ،
ریسکیوسٹاف کے مطابق ہیڈ نو شہرہ جدید پر سکائی ویز اے سی بس (1443-CAD) جو کہ اسلام آباد سے کراچی جارہی تھی ٹرن لیتے ہوئے نہر میں گرگئی ریسکیو سٹاف نے مزید بتایا کہ نہر میں پانی کا لیول بہت کم ہے اور مزید یہ کہ تین مسافر موقع پر جان بحق ہو چکے ہیں،جاں بحق ہونے والوں میں دو مرد اور ایک خاتون شامل ہیں جن کے ناموں کی شناخت نہیں ہوسکی جبکہ دیگر زخمی ہونے والے مسافروں کو ابتدائی طبی امداد دیتے ہوئے بہاولپور وکٹوریہ ہسپتال شفٹ کر دیا گیا ہے۔ پولیس موقع پر موجود ہے اور مزیدامدادی کاروائیاں جاری ہیں۔
خون سفید ہو گیا،گھر پر قبضے کے لئے بیٹی نے بیوہ ماں کو گھر سے نکال دیا، ماں دربدر کی ٹھوکریں کھانے پر مجبور،اعلیٰ حکام کو درخواستیں دیں، انصاف نہ مل سکا، ویڈیو کے ذریعے بیوہ خاتون نے نگران وزیراعظم ،وزیراعلیٰ پنجاب سے انصاف کی اپیل کر دی
واقعہ پنجاب کے شہر تلہ گنگ کا ہے،جہاں بیٹی نے اپنی ماں کو گھر سے نکال دیا، بلکہ اپنے رشتے داروںپر مبینہ طور پر مقدمے بھی درج کروا دیئے، تلہ گنگ کی عائشہ جو بیوہ خاتون ہیں اپنے ویڈیو بیان میں کہتی ہیں کہ میری بیٹی فرحت اکبر زوجہ محمد ریاض نے مجھ بیوہ ماں کو گھر سے نکال دیا ہے-گزشتہ سات ماہ سے میں در بدر کی ٹھوکریں کھا رہی ہوں ، فرحت اکبر اور ان کے شوہر محمد ریاض اور ان کے بیٹے محمد یوسف نے گھر پر قبضہ کر کے اب اہل محلہ کا بھی سکون برباد کیا ہوا ہے- جن کو کریمنل لوگوں کی سپورٹ حاصل ہے- گزشتہ سات ماہ سے ایس ایچ او تلہ گنگ، ڈی ایس پی تلہ گنگ ، اسسٹنٹ کمشنر تلہ گنگ ، ڈپٹی کمشنر چکوال ، ایس پی چکوال کو درخواست دے کر اپیل کر چکی ہوں- والدین کے احترام کے تمام قانون پاکستان سے ختم ہو چکے ہیں جس کی وجہ سے مجھے انصاف نہیں مل رہا- ابھی سٹی کورٹ تلہ گنگ میں قرض اٹھا کر کیس کیا ہے، وہاں سے انصاف شاید مجھے میرے مرنے کے بعد ہی ملے- کبھی دوسرا وکیل پیش نہیں ہوتا, کبھی ہڑتال ہو جاتی ہے ، مجھے بتائیں میرا بیٹا نہیں ہے میں اب کیا کروں-
چکوال مدرسہ زیادتی کیس، دونوں ملزمان جسمانی ریمانڈ پر پولیس کے حوالے
بیوہ خاتون کا کہنا تھا کہ میں اپنے گھر واپس جانا چاہتی ہوں- زمین میرے نام پر ہے- مکان کی تعمیرات 15 سال پہلےمیں نے خود کروائی ہیں-جس کی گواہی تمام اہل محلہ دے سکتے ہیں خدارا میرے گھر کا قبضہ مجھے واپس دلوایا جائے- میرے داماد اور میری بیٹی نے مجھے دھمکی دی ہوئی ہے – اس سے پہلے کہ کوئی جانی نقصان کر کے یہ آبائی شہر آزاد کشمیر چلے جائیں-تمام قانون نافذ کرنے والے اداروں سے میری اپیل ہے کہ مجھے تحفظ دیا جائے-
تلہ گنگ کی بیوہ خاتون کو بیٹی نے گھر سے نکال دیا
انصاف کی منتظر۔ وزیراعلی @MohsinnaqviC42 سے مدد کی اپیل@DC_Chakwal @CS_Punjab @OfficialDPRPP @chakwal_police pic.twitter.com/YaOmmZnj49— ممتاز حیدر (@MumtaazAwan) January 6, 2024
دوسری جانب یہ بھی اطلاعات ہیں کہ بیٹی فرحت نے اپنی ماں سے اپنے شوہر محمد ریاض کے ذریعے گھر کے لئے 15 سے بیس لاکھ روپے کی ڈیمانڈ کی ہے،
سوشل میڈیا پر ویڈیو وائرل ہونے کے بعد صارفین کا کہنا ہے کہ بیوہ خاتون کو تحفظ ملنا چاہئے اور اس کے لئے اعلیٰ حکام کردار ادا کریں.
ویڈیو لیک ہونے سے کیسے بچا جا سکتا ہے؟ڈیٹا ریکوری کا طریقہ
ویڈیو لیک کلب میں اب تک کون کون ہوا شامل؟ کن اہم شخصیات کی "ویڈیوز ہوئیں "لیک”
تین سال سے ہر جمعہ کو مفتی عزیز الرحمان میرے ساتھ…..متاثرہ طالب علم مزید کتنی ویڈیوز سامنے لے آیا؟
سماعت سے محروم بچوں کے والدین گھبرائیں مت،آپ کا بچہ یقینا سنے گا
میرے خلاف لطیف کھوسہ کی فرم کے وکلا پیش ہوئے،خواجہ سرانایاب علی
مسجد کے سامنے خواجہ سراؤں کی ڈانس پارٹی
پیپلز پارٹی کی ایک کارنر میٹنگ میں اپنے ہی جیالوں کو دھمکی
مسجد کے سامنے خواجہ سراؤں کی ڈانس پارٹی کا نوٹس لیتے ہوئے درہ آدم خیل کی پولیس نے واقعہ کا مقدمہ درج کر لیا
واضح رہے سوشل میڈیا پر ڈانس پارٹی کو خوب تنقید کا نشانہ بنایا گیا جس پر انتظامیہ حرکت میں آ گئی، سوشل میڈیا پر ایک تصویر سامنے آئی ہے جس میں خواجہ سرا مسجد کے سامنے ڈانس کر رہے ہیں، اس تصویر کو لے کو سوشل میڈیا پر شدید تنقید کی گئی ،کہ خواجہ سراؤں کو مسجد کا احترام کرنا چاہئے تھا، تنقید کے بعد پولیس متحرک ہوئی اور واقعہ کا مقدمہ درج کر لیا،مقدمہ تھانہ درہ آدم خیل کوہاٹ میں درج کیا گیا ہے
درج مقدمہ میں کہا گیا ہے کہ "سوشل میڈیا پر ایک ویڈیو گردش کر رہی ہے جس میں خواجہ سرا مسجد کے سامنے ڈانس کر رہے ہیں،جو انتہائی غیر مہذب طریقے سے مسجد کی بیحرمتی کر رہا ہے،جس سے کافی لوگوں کی دل آزاری ہوئی اور عوام میں غم و غصہ پایا جاتا ہے،معلوم ہوا کہ یہ ناچ گانے کا پروگرام غفران ولد سعید،اصل دین و دیگر نے کروایا تھا،یہ فعل خلاف قانون ہے،پی پی سی 295 کے تحت مقدمہ درج کیا جاتا ہے”.
دوسری جانب خواجہ سرا کا کہنا ہے کہ ” ہم پیدائشی مسلمان ہیں، مسجد کے ساتھ حجرہ ہے انہوں نے مسجد میں مجرا نہیں کیا”
میہڑ:خواجہ سرا کے گھر سے چوری سرچ آپریشن کہ دوران پولیس پر فائرنگ
خیبر پختونخوا میں خواجہ سراؤں کے لئے مفت قانونی اقدامات
مس پرتگال مقابلہ حسن،خواجہ سرا نے جیتا مقابلہ
میک اپ کے بغیر خاتون نے مقابلہ حسن جیت لیا
خواجہ سراؤں نے بھی خود کو بطور ووٹرز رجسٹرڈ کرالیا
نوجوان مرد ہم جنس پرست ایڈز کے مریض بننے لگے،اسلام آباد میں شرح بڑھ گئی
خیبرپختونخوا کے خواجہ سراوں کو بینظیر انکم سپورٹ پروگرام میں شامل
خواجہ سراؤں سمیت ڈانس،موسیقی اور ہوائی فائرنگ پر پابندی
