Baaghi TV

Category: جرائم و حادثات

  • اسلام آباد میں فائرنگ،علامہ مسعود الرحمان عثمانی جاں بحق

    اسلام آباد میں فائرنگ،علامہ مسعود الرحمان عثمانی جاں بحق

    اسلام آباد کے علاقے غوری ٹائون میں گاڑی پر فائرنگ کی گئی ہے،سنی علما کونسل کے ڈپٹی سیکرٹری جنرل علامہ مسعود الرحمان عثمانی جاں بحق ہو گئے ہیں، پولیس کی بھاری نفری موقع پر پہنچ گئی ہے،فائرنگ نامعلوم افراد کی جانب سے کی گئی جو جائے وقوعہ سے فرار ہو گئے پولیس حکام کے مطابق مولانا زخمی ہوئے انکو طبی امداد کے لئے ہسپتال منتقل کیا جا رہا تھا کہ انکی موت ہو گئی

    اسلام آباد میں گولیاں چل گئیں، مذہبی رہنما کو دن دہاڑے قتل کر دیا گیا، فائرنگ کا واقعہ تھانہ کھنہ کی حدود میں غوری ٹاؤن میں پیش آیا، موٹر سائیکل سواروں نے اندھا دھند فائرنگ کی اور فرار ہوگئے،واقعہ میں مولانا کا ڈرائیور زخمی ہوا، پولیس کا کہنا ہے کہ سی سی ٹی وی کی مدد سے ملزمان کو ٹریس کیا جا رہا ہے، جلد ملزمان کو گرفتار کر کے قانون کے کٹہرے میں لایا جائے گا

    مرکزی ڈپٹی سیکرٹری جنرل سنی علماء کونسل پاکستان علامہ مسعود الرحمٰن عثمانی کی نماز جنازہ کل بروز ہفتہ دن دو بجے ادا کی جائے گی، مسعود الرحمان عثمانی کی نماز جنازہ پارلیمنٹ ہاؤس اسلام آباد کے سامنے ادا کی جاۓ گی

    چیئرمین سینیٹ محمد صادق سنجرانی نے سنی علما کونسل کے مرکزی ڈپٹی سیکرٹری جنرل علامہ مسعود الرحمان عثمانی پر ہونے والے جان لیوا حملے کی شدید الفاظ میں مذمت کی ہے۔چیئرمین سینیٹ نے جان لیوا حملے کے نتیجے میں ان کی شہادت پر گہرے دکھ و افسوس کا اظہار کرتے ہوئے کہا کہ دہشت گرد اپنے مذموم مقاصد میں کبھی کامیاب نہیں سکتے۔ دہشتگرد امن اور انسانیت کے دْشمن ہیں۔ چیئرمین سینیٹ نے کہا کہ دکھ کی اس گھڑی میں علامہ مسعود الرحمان عثمانی اہلخانہ کے غم میں برابر کے شریک ہیں۔ چیئرمین سینیٹ نے اللہ تعالیٰ سے مرحوم کے بلندی درجات اور سوگواران کے لیے صبر جمیل کی دعا کی۔ ڈپٹی چیئرمین سینیٹ مرزا محمد آفریدی،قائد ایوان سینیٹ سینیٹر اسحاق ڈار، قائد حزب اختلاف سینیٹ سینیٹر ڈاکٹر شہزاد وسیم نے بھی سنی علما کونسل کے مرکزی ڈپٹی سیکرٹری جنرل علامہ مسعود الرحمان عثمانی پر جان لیوا حملے کی شدید الفاظ میں مذمت کی ہے۔انہوں نے علامہ مسعو د الرحمان عثمانی کی شہادت پر گہرے دکھ و افسوس کا اظہار کرتے ہوئے اپنے الگ الگ تعزیتی پیغامات میں غمزدہ خاندان سے دلی ہمدردی کا اظہار کیا ہے۔ انہوں نے دعا کی کہ اللہ تعالی مرحوم کو جوار رحمت میں جگہ دے اور غمزدہ خاندان کو صبر جمیل عطا کرے.آمین

    حکومت علماء کو فوری طورپر تحفظ فراہم کرے،مولانا زاہد محمود قاسمی
    سنی علماء کونسل کے مرکزی ڈپٹی سیکرٹری مولانا مسعود الرحمن عثمانی پر قاتلانہ حملہ کی مذمت کرتے ہیں ملزمان کو فوری طور پر گرفتارکرکے کیفر کردار تک پہنچایا جائے نگران حکومت ملک میں قیام امن برقرار رکھنے میں ناکام ہو چکی ہے آئے روز ملک بھر میں دہشت گردی کے واقعات بڑھ رہے ہیں حکومت علماء کو فوری طورپر تحفظ فراہم کرے امن و امان کا قیام اور عوام کی جان و مال کا تحفظ کرنا ریاست کی ذمہ داری ہے۔ چیئرمین مرکزی علماء کونسل پاکستان صاحبزادہ مولانا زاہد محمود قاسمی مرکزی سیکرٹری جنرل علامہ شاہ نواز فاروقی نے مولانا مسعود الرحمن عثمانی ؒپر حملے کی شدید مذمت کرتے ہوئے کہا کہ ہم ایک جید عالم دین کی قیمتی جان سے محروم ہو گئے مولانا مسعود الرحمن عثمانی کی تحفظ ناموس صحابہؓ و اہل بیت ؓ کیلئے خدمات قابل قدر ہیں دہشت گردوں نے ان پر وار کرکے ملک کو انتشار کی طرف دھکیلنے کی سازش کی ہے مقتدرعلماء پر قاتلانہ حملے گہری سازش کے تحت کئے جارہے ہیں ہم حکومت سے مطالبہ کرتے ہیں کہ ممتاز عالم دین کے قاتلوں کو فوری طور پر گرفتارکیا جائے اس واقعہ کی جتنی بھی مذمت کی جائے کم ہے مولانامسعود الرحمن عثمانی کا قتل کھلی دہشت گردی ہے علماء کرام کا قتل عام اللہ تعالیٰ کے عذاب کو دعوت دینے کے مترادف ہے

    علامہ مسعود الرحمان عثمانی پر حملہ امن و امان کو سبوتاژ کرنے کی سازش ہے،راجہ پرویز اشرف
    اسپیکر قومی اسمبلی راجہ پرویز اشرف نے سنی علما کونسل کے مرکزی ڈپٹی سیکرٹری جنرل علامہ مسعود الرحمان عثمانی پر ہونے والے قاتلانہ حملے کی شدید مذمت کی ہے،اسپیکر نے قاتلانہ حملے کے نتیجے میں علامہ مسعود الرحمان عثمانی کے جانی نقصان پر گہرے دکھ و افسوس کا اظہار کیا اور کہا کہ علامہ مسعود الرحمان عثمانی پر حملہ گھناؤنا فعل اس کی جتنی بھی مذمت کی جائے کم ہے، علامہ مسعود الرحمان عثمانی پر حملہ امن و امان کو سبوتاژ کرنے کی سازش ہے، غم اور دکھ کی اس گھڑی میں علامہ مسعود الرحمان عثمانی اہلخانہ کے غم میں برابر کے شریک ہیں،

  • کشمور: پولیس مقابلہ ایک ڈاکو زخمی حالت میں گرفتار

    کشمور: پولیس مقابلہ ایک ڈاکو زخمی حالت میں گرفتار

    غوثپور باغی ٹی وی (نامہ نگار اسداللہ مٹھیانی)کشمور پولیس مقابلہ ،ایک ڈاکو زخمی حالت میں گرفتار.
    غوثپور تھانے کی حدود مکھوانی لنک روڈ میر شاخ کے قریب پولیس کا ڈاکوؤں سے مقابلہ،فائرنگ کے تبادلے میں ایک ڈاکو زخمی حالت میں گرفتار.زخمی حالت میں گرفتار ملزم کی شناخت ارشد علی ولد شہزادو میرانی کے نام سے ہوئی ہے.

    گرفتار ملزم کے قبضے سے ٹی ٹی پسٹل برآمد، ملزم کو علاج معالجے کے لیے ہسپتال روانہ کیا گیا. ابتدائی معلومات کے مطابق زخمی حالت میں گرفتار ملزم کشمور پولیس کو سنگین نوعیت کے جرائم کی متعدد وارداتوں میں ملوث ہے.

    گرفتار ملزم کا کرمنل ریکارڈ چیک کیا جا رہا ہے اور مزید تفتیش جاری ہے،گرفتار ملزم ارشد علی میرانی پر غوثپور تھانے پر مقدمہ نمبر 03/2024 زیردفعہ 324, 353,402,399,148,149, 6/7ATA (PPC) درج کیا گیا ہے
    ترجمان ڈسٹرکٹ پولیس کشمور کے مطابق ایک اور مقدمہ 04/2024 زیردفعہ 23(i) Sindh arms act 2013 تھانہ غوث پور درج کیا گیا ہے

  • ڈیرہ غازیخان :بی ایم پی تھانہ سخی سرور میں زرتاج گل کے خلاف مقدمہ درج

    ڈیرہ غازیخان :بی ایم پی تھانہ سخی سرور میں زرتاج گل کے خلاف مقدمہ درج

    ڈیرہ غازی خان(باغی ٹی وی ) زرتاج گل وزیر سابق وزیر مملکت کے خلاف تھانہ سخی سرور باڈر ملٹری پولیس میں مقدمہ نمبر 02/2024 زیردفعہ 420/406 ت پ کے تحت مقدمہ درج ہوا ہے مقدمہ ایس ایچ او علی حیدر نے شہری ظفر حسین مجاور کی مدعیت میں درج کیاہے

    بارڈر ملٹری پولیس تھانہ سخی سرور میں ظفر حسین ولد رب نواز قوم مجاور چیپہ کی مدعیت میں سابق وزیر مملکت زرتاج گل کے خلاف مقدمہ درج کر لیا گیا،سخی سرور کے رہائشی ظفر حسین چیپہ نے زرتاج گل کو سول ہسپتال میں نوکری کے لیے پانچ لاکھ روپے رشوت دی تھی

    ایف آئی آر کے مطابق سابق وزیر مملکت زرتاج گل نے پانچ لاکھ روپے رشوت لینے کے باوجود سول ہسپتال میں نوکری نہیں لگوائی ،نوکری نہ ملنے پر زرتاج گل نے پانچ لاکھ روپے واپس دینے سے انکار کردیا

    ظفر حسین چیپہ نے اپنے بھائی ارشد اور شفیق مرتضیٰ کی موجودگی میں پانچ لاکھ روپے دئیے ، درخواست میں مؤقف، دی گئی درخواست پر ڈیرہ غازیخان کے بارڈر ملٹری پولیس تھانہ سخی سرور میں ظفر حسین چیپہ کی مدعیت میں مقدمہ درج کر لیاگیا

  • ڈیرہ غازیخان :وزیرستان میں دہشت گردی کا شکار ہونے والے 6حجام آبائی علاقہ میں سپردخاک

    ڈیرہ غازیخان :وزیرستان میں دہشت گردی کا شکار ہونے والے 6حجام آبائی علاقہ میں سپردخاک

    ڈیرہ غازیخان (باغی ٹی وی)وزیرستان میں دہشت گردی کا شکار ہونے والے 6حجام آبائی علاقہ میں سپردخاک
    کمشنر ڈی جی خان ڈویژن ڈاکٹر ناصر محمود بشیر،آر پی او کیپٹن ریٹائرڈ سجاد حسن خان ، ڈپٹی کمشنر مہر شاہد زمان لک،ڈی پی او احمد محی الدین اور دیگر افسران نے شمالی وزیرستان میں شہید ہونے والے مزدور نوجوانوں کی ان کے آبائی علاقہ چھابری زیریں میں جاکر نماز جنازہ میں شرکت کی،

    افسران نے فاتحہ خوانی کی اور پسماندگان سے تعزیت کا اظہارکیا۔تدفین اور مالی امداد کیلئے فی کس خاندان کو ایک ایک لاکھ روپے دئیے گئے۔کمشنر ڈاکٹر ناصر محمود بشیر نے کہا کہ حکومت پنجاب کو متاثرین کی مالی امداد کیلئے سفارشات ارسال کی گئی ہیں۔

    شمالی وزیر ستان کے علاقہ میر علی میں دہشت گردوں نے نوجوانوں کو شہید کیا۔دہشت گردی کی بھرپور الفاظ میں مذمت کرتے ہیں۔ انہوں نے کہا کہ لسانی،مذہبی اور فرقہ واریت کی ہر گز اجازت نہیں دی جاسکتی۔
    یہ خبربھی پڑھیں
    وزیرستان میں قتل ہونیوالے حجاموں کی لاشیں لانے کیلئے چندے کی اپیل
    شمالی وزیرستان،کھیتوں سے چھ لاشیں برآمد،تعلق پنجاب سے ہے،پولیس
    دہشت گردوں نے میرعلی وزیرستان میں ڈیرہ غازیخان کے 6 نوجوان قتل کردئے
    آر پی او کیپٹن ریٹائرڈ سجاد حسن خان نے کہا کہ ڈی جی خان ڈویژن میں سکیورٹی ادارے سخت کارروائی کریں گے۔ ڈپٹی کمشنر مہر شاہد زمان لک نے کہا کہ متاثرین کے دکھ اور غم میں برابر کے شریک ہیں۔

    ڈی پی او احمد محی الدین نے کہا کہ عوام کی جان و مال کے تحفظ کیلئے پنجاب پولیس کسی بھی قربانی سے دریغ نہیں کرے گی۔

  • وزیرستان میں قتل ہونیوالے حجاموں کی لاشیں لانے کیلئے چندے کی اپیل

    وزیرستان میں قتل ہونیوالے حجاموں کی لاشیں لانے کیلئے چندے کی اپیل

    شمالی وزیرستان کے علاقے میر علی میں 6 حجاموں کو قتل کا مقدمہ تھانہ سی ٹی ڈی بنوں میں درج کر لیا گیا ،

    مقدمہ ایس ایچ او میر علی سلیمان خان کی مدعیت میں درج کیا گیا ،درج مقدمہ میں کہا گیا کہ ڈی جی خان سے تعلق رکھنے والے حجاموں کو نامعلوم افراد نے گزشتہ روز فائرنگ کر کے قتل کر دیا تھا،مقتولین میں محمد شاہد، راعب، کاشف، عرفان، ساجد اور محمد طارق شامل ہیں،مقتولین کا تعلق ڈیرہ غازی خان سے تھا جو میر علی بازار میں حجام کی دکانوں میں کام کرتے تھے

    دوسری جانب ڈی جی خان میں فضا سوگوار ہے وہیں مقتولین کی لاشیں لانے کے لئے ضلعی انتظامیہ چندہ مانگ رہی ہے، ضلعی انتظامیہ کے پاس شمالی وزیرستان سے ڈی جی خان لاشوں کو لانے کے لئے فنڈز نہیں ہیں، ڈی سی ڈی جی خان نے فنڈ کی اپیل کی تو سیکریٹری ڈی جی خان جمخانہ کلب ذوالفقار علی لغاری نے اراکین کی طرف سے مقتولین کی تدفین اور متاثرہ خاندانوں کی چھ لاکھ روپے عطیہ کئے۔آر پی او ڈی جی خان کیپٹن ریٹائرڈ سجاد حسن خان کی ہدایت پر ڈی پی او احمد محی الدین بنوں کینٹ میں فوجی افسران کے ساتھ مسلسل رابطے میں ہیں،کمشنر ڈاکٹر ناصر محمود بشیر کا کہناہے کہ متاثرہ خاندان کی مالی امداد کےلئے حکومت پنجاب کو سفارشات ارسال کردی گئی ہیں،مخیر حضرات اگر متاثرہ خاندان کی مالی امداد کرنا چاہتے ہیں تو وہ ڈپٹی کمشنر ڈی جی خان سے رابطہ کرسکتے ہیں،

    ڈی جی خان سے نمائندہ باغی ٹی وی کے مطابق شمالی وزیرستان میں گزشتہ روز قتل ہونے والے مقتولین کے جسد خاکی 1122 کے ذریعے آبائی علاقے میں پہنچائی جائیں گی،مقتولوں کے جسد خاکی ریسکیو 1122 کی ایمبولینس کے ذریعے صوبائی سرحدی چیک پوسٹ ترنمن سے آبائی علاقوں چھابری زیریں اور پیر عادل میں پہنچائی جائیں گی۔نماز جنازہ کے بعد سرکاری خرچ پر تدفین کرائی جائے گی۔بنوں کینٹ میں نماز جنازہ کی ادائیگی کردی گئی ہے

    شمالی وزیرستان میں چئیرمین این ڈی ایم محسن داوڑ کے قافلے پر حملہ

    میر علی بازار میں فائرنگ سے چھ مزدوروں کی موت

    کسی بھی امیدوار کے تجویز ،تصدیق کنندہ کی ہراسگی برداشت نہیں ہوگی،عدالت

    عام انتخابات کے دن قریب آئے تو تحریک انصاف کی مشکلات میں اضافہ 

    نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

    ٹی ٹی پی نے حجاموں‌کو قتل کیا، جان اچکزئی کا دعویٰ
    دوسری جانب بلوچستان کے نگران وزیر اطلاعات جان اچکزئی نے دعویٰ کیا ہے کہ کالعدم ٹی ٹی پی نے وزیرستان میں چھ حجاموں کو قتل کیا ہے، کوئٹہ میں پریس کانفرنس کرتے ہوئے جان اچکزئی کا کہنا تھا کہ بلوچستان میں ملک دشمن عناصر اور تحریک طالبان پاکستان کا گٹھ جوڑ سامنے آگیا ہے، ایک ایک پاکستانی کے خون کا بدلہ لیا جائے گا

    نوجوان فکری وسائل بروئے کار لاکر درپیش چیلنج کا حل تلاش کریں۔ آرمی چیف

    عمان کی رائل آرمی کے کمانڈر کی آرمی چیف سے ملاقات

    یوم تکریم شہدائے پاکستان کے موقع پر جنرل ہیڈ کوارٹرز (جی ایچ کیو) میں مرکزی تقریب 

    یوم تکریم شہدائے پاکستان کی مناسبت سے نغمہ جاری

    ہندو برادری بھی شہداء کی عزت و تکریم کے لئے میدان میں آ گئی

    6 نائی قتل کر دیے گئے لوگوں کو خوف ہی نہیں ہے،چیف جسٹس
    وزیرستان میں چھ افراد کے قتل کا معاملہ آج سپریم کورٹ میں بھی زیر بحث آیا، لاپتہ افراد کے کیس میں سماعت کے دوران چیف جسٹس قاضی فائز عیسیٰ نے وزیرستان میں 6 حجاموں کے قتل کا تذکرہ کیا اور کہا کہ کیا قتل کرنے والے کو خدا کا خوف نہیں ہوتا؟6 نائی قتل کر دیے گئے لوگوں کو خوف ہی نہیں ہے،قتل کرنے والے یہاں سزا سے بچ سکتے آخرت میں تو جواب دینا ہوگا،بلوچستان میں 46 زائرین کو مار دیا جاتا ہے،عدالت کا کام نہیں حکومت کی ذمہ داری ہے کہ لوگوں کی سوچ کو بدلے،

  • سرگودھا: تین ہفتے قبل گم ہونے والے 4 سالہ بچے کی ٹکڑوں میں لاش برآمد

    سرگودھا: تین ہفتے قبل گم ہونے والے 4 سالہ بچے کی ٹکڑوں میں لاش برآمد

    سرگودھا،باغی ٹی وی( نامہ نگار ملک شاہنواز جالپ ) تین ہفتے قبل گم ہونے والے 4 سالہ بچے کی ٹکڑوں میں لاش برآمد
    والدین کے مطابق نہ تاوان نہ دشمنی بچے کی مکمل لاش بھی نہ ملی ہے ۔

    سرگودھا پولیس بچہ تلاش کرنے میں ناکام رہی 3 ہفتے گرزنے کے بعد بچے کی ٹکڑوں میں لاش برآمد ہوئی ۔علاقہ بھر میں سوگ کا عالم نماز جنازہ میں سینکڑوں افراد کی شرکت

    تھانہ میلہ پولیس نے 4 سالہ بچے حیدر علی کی گمشدگی کی اطلاع موصول ہونے پر فوری مقدمہ درج کیا- بچے کی تلاش کے لیے ایس پی انوسٹی گیشن اور اے ایس پی کوٹمومن کی زیر نگرانی خصوصی ٹیمیں تشکیل دی گئیں- جیو فینسنگ کروا کر بذریعہ سی سی ٹی وی کیمرہ جات گرد و نواح سے بچے کی تلاش کی ہر ممکن کوشش عمل میں لائی گئی

    گھر کے قریب سے گزرنے والی نہر کو 10 کلومیٹر تک بذریعہ غوطہ خور بھی تلاش کیا گیا- وارثان کی نشاندھی پر 12 افراد کو شامل تفتیش کیا گیا،

    آج بانس کے کھیت سے بچے کی کافی دن پرانی جانوروں کی مسخ کردہ ڈیڈ باڈی ملنے پر ایس پی انوسٹی گیشن، اے ایس پی کوٹمومن سمیت CIA کی ٹیمیں اور سرکل کے تمام ایس ایچ اوز بھی موقع پر پہنچ گئے،پنجاب فورانزک سائینس ایجینسی کی ٹیم موقع پر موجود ہے- ملزمان کی سراغ براری کے لیے سادہ کپڑوں میں سپیشل ٹیم بھی تشکیل دی گئی ہے

    ڈی پی او سرگودھا محمد فیصل کامران اس تمام عمل کی نگرانی خود کر رہے ہیں- کیس کی ہر پہلو سے تفتیش کو یقینی بنایا جا رہا ہے۔

  • باجوڑ، جے یو آئی امیدوارقا ری خیراللہ کی گاڑی میں دھماکہ

    باجوڑ، جے یو آئی امیدوارقا ری خیراللہ کی گاڑی میں دھماکہ

    باجوڑ: جمعیت علمائے اسلام کے نامزد امیدوار برائے پی کے 19  قاری خیر اللہ کی گاڑی پر دھماکہ ہوا ہے

    دھماکے میں جے یو آئی رہنما قاری خیراللہ محفوظ رہے ۔تاہم گاڑی کو شدید نقصان پہنچا ۔ ہے،قاری خیر اللہ کی گاڑی کو گھر جاتے ہوئے برکمر تحصیل لوئی ماموند کے مقام پر ٹارگٹ کیا گیا۔اطلاع پر پولیس کی بھاری نفری موقع پر پہنچ گئی، اور تحقیقات کا آغاز کر دیا

    ڈی پی او باجوڑ کا کہنا ہے کہ بم دھماکہ میں جمعیت علمائے اسلام کے امیدوار محفوظ رہے۔بم دھماکے میں کسی قسم کا جانی نقصان نہیں ہوا۔تحقیقات کر رہے ہیں،

    ہماری شرافت کو کمزوری نہ سمجھا جائے ۔ ترجمان جے یو آئی
    ترجمان جے یو آئی اسلم غوری کا کہنا ہے کہ باجوڑ میں جے یو آئی امیدوار قاری خیراللہ پر بم سے حملہ قابل مذمت ہے ۔وزارتِ داخلہ اپنی ذمہ داریاں کیوں پوری نہیں کر رہی۔جےیوآئی کو کیوں ٹارگٹ کیا جارہا ہے ۔الیکشن کمیشن کہاں ہے اپنی ذمہ داریاں کیوں پوری نہیں کر رہا۔امن وامان کی صورتحال خراب کرکے دھاندلی کی نئے طریقے اختیار کئے جارہے ہیں ۔جے یو آئی کی مقبولیت سے کچھ قوتیں خائف ہیں ۔ہماری شرافت کو کمزوری نہ سمجھا جائے ۔

    واضح رہے کہ آج کے دن کسی بھی امیدوار پر یہ دوسرا حملہ ہے، محسن داوڑ پر بھی شمالی وزیرستان میں حملہ ہوا، محسن داوڑ کی گاڑی پر گولیاں برسائی گئیں تا ہم وہ محفوظ رہے، جے یو آئی سربراہ مولانا فضل الرحمان کی گاڑی پر بھی دو روز قبل فائنر کی گئی تھی تاہم مولانا فضل الرحمان اسوقت گاڑی میں موجود نہیں تھے

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا

    خان صاحب کی نظریں کہہ رہی ہیں کہ محمود خان آ سکتا ہے تو وہ کیوں نہیں آیا؟

    محسن داوڑ نے چمن میں ایک جلسے سے خطاب کرنا تھا 

  • اڈیالہ جیل میں قیدیوں کی ساتھی قیدی کے ساتھ بدفعلی،جان بھی لے لی

    اڈیالہ جیل میں قیدیوں کی ساتھی قیدی کے ساتھ بدفعلی،جان بھی لے لی

    راولپنڈی کی اڈیالہ جیل میں جہاں عمران خان، شاہ محمود قریشی،پرویز الہی بھی قید میں ، میں افسوسناک واقعہ پیش آیاہے، قیدیوں نے ساتھ قیدی کے ساتھ بدفعلی کر کے گلا دبا کر قتل کر ڈالا

    واقعہ کا مقدمہ درج کر لیا گیا ہے، اڈیالہ جیل میں قیدیوں نے ایک قیدی کے ساتھ زبردستی بدفعلی کی ، اور پھر اسے قتل کر دیا، مقتول کی شناخت سبیل کے طور پر ہوئی، درج مقدمہ کے مطابق قیدی وقاص،آصف نقاش، بلال نے سبیل کے ساتھ زیادتی کی، یہ قیدی سبیل کے ساتھ حوالات میں بند تھے،سیل نمبر دو چکی نمبر 10 میں یہ واقعہ پیش آیا، قیدیوں نے رپورٹ کیا کہ سبیل کی طبیعت خراب ہے،نائٹ ڈیوٹی پر موجود ڈسپنسر نے سبیل کو چیک کیا،قیدی سبیل کی سانس اکھڑ رہی تھی، ڈسپنسر نے دوائی دی، صبح حوالات کھولی گئی تو سبیل بیہوش پڑا تھاجسے ہسپتال منتقل کیا گیا،ڈاکٹر نے جب چیک اپ کیا تو سبیل کی موت ہو چکی تھی ،اسکے گلے پر نشان بھی پائے گئے، موت مشکوک پائی گئی، جس پر حوالات میں موجود دیگر قیدیوں سے تحقیقات کی گئی تو قیدی محمد پرویز،طلعت مسعود، نقاش، عامر شہزاد،اکمل نے بیان دیا کہ قیدی وقاص،آصف، نقاش، بلال نے سبیل کے ساتھ بدفعلی کی،اور پھر کپڑے سےگلا دبا دیا،قیدی وقاص نے گلے اور چھاتی پر پاؤں رکھ کر دبایا،جس سے سبیل ولد کرامت کی موت ہو گئی،جیل انتظامیہ کی درخواست پر تھانہ صدر بیرونی میں زیادتی کرنے والے 4 ملزمان کے خلاف مقدمہ درج کر لیا گیا ہے

    برقعہ پہن کرفاٹا خواتین کی خواتین مارچ میں نمائندگی کرنے والا مرد گرفتار،

    سوشل میڈیا کے ذریعے لاہور میں لڑکیاں سپلائی کرنے والے ملزمان گرفتار

    دوسری شادی کیوں کی؟ پہلی بیوی نے خود کشی کر لی

    منشیات فروش خاتون پولیس کے ساتھ کیسے چھپن چھپاؤ کر رہی؟

    نشہ آور چیز کھلا کر لڑکی سے زبردستی زیادتی کرنے والا ملزم گرفتار

    امیرلڑکے سے شادی کا انکار کیا تو گھر میں بند کر دیا گیا،25 سالہ لڑکی کی تحفظ کی اپیل

    نو سالہ بچے سے زیادتی کرنیوالا پولیس اہلکار،خاتون سے زیادتی کرنیوالا گرفتار

    مساج سنٹر کی آڑ میں فحاشی کا اڈہ،پولیس ان ایکشن، 6 لڑکیاں اور 7لڑکے رنگے ہاتھوں گرفتار

    jail

  • سینئر سرکاری افسر کا بیٹا پولیس اہلکار کو گاڑی سے کچل کر فرار

    سینئر سرکاری افسر کا بیٹا پولیس اہلکار کو گاڑی سے کچل کر فرار

    کراچی:گاڑی کی چیکنگ کیوں کی؟سینئر سرکاری افسر کا بیٹا پولیس اہلکار کو گاڑی سے کچل کر فرار ہوگیا-

    باغی ٹی وی : تفصیلات کے مطابق 19 دسمبر کو ساحل تھانے کے علاقے ڈیفنس فیز8 خیابان بابر اور خیابان اقبال کے درمیان تیز رفتار گاڑی نے ٹکر مار کر ساحل تھانے میں تعینات پولیس اہلکار ہیڈ کانسٹیبل مختیار احمد کو شدید زخمی کردیا تھا جسے فوری طور پر جناح ہسپتال منتقل کردیا گیا تھا زخمی پولیس اہلکارکی ویڈیو سوشل میڈیا پر وائرل ہوئی جسمیں زخمی پولیس اہلکار نے چیف جسٹس آف پاکستان، وزیراعلیٰ سندھ، گورنر سندھ اور آئی جی سندھ سے انصاف فراہم کرنے کا مطالبہ کیا تھا۔

    رات گئے ساحل پولیس نے واقعے کا مقدمہ الزام نمبر24/1 بجرم دفعہ 334 جی، 324، 186 ،504 اور 506 کے تحت زخمی پولیس اہلکار کی مدعیت میں درج کرلیا زخمی اہلکار نے پولیس کو اپنے بیان میں بتایا کہ 19 دسمبرکی شب وہ سب انسپکٹر غنی الرحمان ، ڈرائیور پولیس کانسٹیبل عابد کے ساتھ علاقہ گشت پر مامور تھا کہ ڈیفنس فیز8 خیابان بابر اور خیابان اقبال کے درمیان سرکاری نمبر پلیٹ جی ایس 7137 سیاہ رنگ کی گاڑی اندھیرے میں مشکوک حالت میں کھڑی تھی۔

    شمالی وزیرستان میں سکیورٹی فورسز کی کارروائی ،4 دہشتگرد ہلاک

    پولیس افسر کی ہدایت پر گاڑی کو چیک کرنے گیا اور گاڑی میں ڈرائیونگ سیٹ پر بیٹھے ہوئے شخص نے گاڑی کا شیشہ نیچے اتاراگاڑی میں ایک لڑکی بھی بیٹھی ہوئی تھی ڈرائیور نے مجھے اپنا نام ثاقب وسیم ولد شمشاد علی بتایا او رکہا کہ میرا باپ سیکرٹری ریونیو سندھ ہے، تمہاری اوقات کیسے ہوئی میری گاڑی چیک کرنے کی؟ اس کے بعد وہ مجھے مغلظات بکتا ہوا اپنی گاڑی لے کر خیابان اقبال کی جانب چلاگیا اور پھر واپس آیا اور اپنی گاڑی تیز رفتاری کے ساتھ غفلت و لاپروائی سے چلاتے ہوئے مجھے جان سے مارنے کی نیت سے ٹکر مار کر زخمی کرکے فرار ہو گیا، گاڑی کی ٹکر سے میں بے ہوش ہو گیا اور مجھے میرے ساتھی جناح ہسپتال لے آئے، بعدازاں مجھے نجی اسپتال منتقل کردیا گیا، ملزم کے خلاف قانونی کارروائی کی جائے۔

    اینٹی کرپشن پنجاب : یاسمین راشد اور ان کی بیٹی کیخلاف مقدمہ درج

    پولیس حکام کے مطابق اہلکار کو جس گاڑی میں سوار شخص نے ٹکر ماری وہ سیکرٹری ریونیو سندھ کا بیٹا نہیں بلکہ ریونیو سندھ میں تعینات ایک سینئر افسر کا بیٹا بتایا جا رہا ہے جس کی گرفتاری کے لیے دو مقامات پر چھاپے مارے گئے لیکن پولیس کو کوئی کامیابی نہیں حاصل ہوسکی، پولیس ملزم کی گرفتاری کی کوشش کر رہی ہے۔

  • دہشت گردوں نے میرعلی وزیرستان میں ڈیرہ غازیخان کے 6 نوجوان قتل کردئے

    دہشت گردوں نے میرعلی وزیرستان میں ڈیرہ غازیخان کے 6 نوجوان قتل کردئے

    ڈیرہ غازیخان (باغی ٹی وی )دہشت گردوں نے میرعلی وزیرستان میں ڈیرہ غازیخان کے 6 نوجوان قتل کردئے،دہشت گردوں کے ہاتھوں قتل ہونے نوجوان وزیرستان میں نائی کا کا م کرتے تھے،جن کی لاشیں ابھی تک وزیرستان میں پڑی ہیں ،

    سوشل میڈیا پر وائرل ویڈیوکے مطابق میرعلی وزیرستان میں قتل ہونے والے نوجوانوں کے ورثاء نے کہا ہے کہ لاشیں بھجوانے کیلئے ہم سے بھاری رقم کامطالبہ کیا جارہاہے ،ہم غریب لوگ ہیں ایک توہمارے نوجوانوں کوبے دردی سے دہشت گردوں نے آنکھوں میں گولیاں مارکرقتل کیا ہے دوسرے میرعلی وزیرستان سے لاشیں بھجوانے کیلئے پیسوں کامطالبہ کیا جارہاہے ،

    دہشت گردی کا شکارہونے والے نوجوانوں کے ورثاء کاکہنا ہے کہ ہماری مدد کرنے کیلئے ہمارے مقامی کھوسہ سردار یا کوئی حکومتی ذمہ دار نہیں آیا ،قتل ہونے والے نوجوانوں کے ورثاء نے حکومت پاکستان سے مدد کرنے اور میرعلی وزیرستان لاشیں آبائی گھروں میں بھجوانے کامطالبہ کیا ہے

    ذرائع معلوم ہونے والی معلومات کے مطابق میر علی وزیرستان میں دہشت گردوں کے ہاتھوں قتل ہونے والے ڈیرہ غازی خان کے نوجوانوں کے نام اور پتے ذیل میں ہیں
    1.رہیب ولد علی محمد قوم نائی سکنہ چھابری زریں ،2.عرفان ولد محمد ابراہیم قوم پولی سکنہ چھابری زریں ،3.سجاد ولد حاجی موسی قوم موچی سکنہ چھابری زریں ،4.کاشف ولد پپو قوم نائی سکنہ پیر عادل ،5.طارق ولد ناصر قوم نائی سکنہ چھابری زریں ،6.شاہد ولد منظور قوم نائی سکنہ چھابری زریں وزیرستان نائی کا کا م کرتے تھے ،جنہیں دہشت گردوں نے قتل کردیا ہے

    اُدھرشمالی وزیر ستان میرعلی میں چھ افراد کو قتل کرنے کا مقدمہ تھانا سی ٹی ڈی بنوں 2 میں درج،ایف آئی آر متن کےطابق 6 افراد کو نامعلوم افراد نے فائرنگ کرکے قتل کیا ہے،قتل ہونے والوں میں محمد شاہد،راعب،کاشف، عرفان،ساجد اور محمد طارق شامل ہے

    مقدمہ ایس ایچ او میرعلی سلیمان خان کی مدعیت میں درج کی گئی ہےدہشتگردوں نے ڈیرہ غازی خان کے 6 مزدوروں کو گزشتہ طارق مارکیٹ میرعلی بازار سے اٹھا کر قتل کیا.