Category: جرائم و حادثات

کشمور ،باغی ٹی وی (نامہ نگارمختیاراعوان )ڈکیتی ،اغواء برائے تاوان کے بعد کشمورشہرچوروں کے حوالے،پولیس غائب،کشمور پولیس کی نااہلی کھل کر سامنے آگئی

کشمورتھانے ک سے چند قدم کے فاصلے پر لاکھوں روپے کی چوری کی واردات، پولیس خاموش تماشائی ،رات گئے ہندو تاجر مولچند کے گودام سے 10 لاکھ روپے کے مالیت کی چوری،نامعلوم مسلح چور گودام کے تالے توڑ کر لاکھوں روپے مالیت کی زرعی ادویات لے اڑے،

کشمور کے متاثرہ ہندو تاجر کی دو بارچوریاں اور ایک مرتبہ ڈکیتی میں 35 لاکھ روپےلوٹے گئے

متاثرہ تاجر مولچند نے آئی جی سندھ، ڈی آئی جی لاڑکانہ اور ایس ایس پی کشمور سے واقعہ کا نوٹس لینے اور چوری شدہ سامان واپس دلانے کامطالبہ کیا ہے،

کشمور:گڈو روڈ پر کوچ گنے سے بھری ٹرالی سے ٹکراگئی،3 مسافر زخمی
کندھ کوٹ سے مختیاراعوان کی رپورٹ کے مطابق کشمور گڈو روڈ پر کھوسہ پل کے مقام پر گنے سے بھری ہوئی ٹرالی سے مسافر کوچ کی زوردار ٹکر ہوئی ہے

پولیس ذرائع کابتانا ہے کہ مسافر بس کوئٹہ سے رحیم یار خان جا رہی تھی جسے حادثہ پیش آیا، حادثہ کے باعث تین افراد شدید زخمی ہو گئے، زخمیوں کو کشمور کی سول سپتال منتقل کر دیا گیا،

پولیس کا کہنا ہے یہ حادثہ شدید دھند کے باعث پیش آیا.

سیالکوٹ ،باغی ٹی وی ( شاہد ریاض کی رپورٹ) ڈپٹی کمشنر کیپٹن (ر) شاہ میر اقبال نے کہا ہے کہ شہری اور تاجر 48 گھنٹوں کے اندر اپنی تجاوزات از خود ہٹا دیں، بصورت دیگر تجاوزات کو مسمار اور سامان ضبط کرلیا جائے گا۔ یہ بات انہوں نے آج مرکزی انجمن تاجراں، ایوان صنعت و تجارت کے نمائندگان سے انسداد تجاوزات مہم کے سلسلہ میں ایک خصوصی اجلاس سے خطاب کرتے ہوئے کیا۔

ایڈیشنل ڈپٹی کمشنر جنرل سید اسد رضا کاظمی، مرکزی انجمن تاجران کے جنرل سیکرٹری شیخ جاوید حیدر، سنئیر نائب صدر شمیم خان لودھی، صدر انجمن تاجران سیٹھی پلازہ میاں شمس، نمائندہ ایوان صنعت و تجارت رانا ندیم، سی او ضلع کونسل الفت شہزاد، سی او ایم سی ایس ملک افضل، سی او ایم سی پسرور اسد شاہ اور ٹریف انسپکٹر اسد بٹ نے شرکت کی جبکہ چاروں تحصیلوں اسسٹنٹ کمشنرز اور میونسپل کمیٹیز کے ایڈمنسٹریٹر بذریعہ وڈیو لنک شریک ہونگے۔

ڈپٹی کمشنر کیپٹن (ر) شاہ میر اقبال نے مرکزی انجمن تاجران اور ایوان صنعت و تجارت کے نمائندگان کو ہدایت کی کہ وہ ٹریفک کے بہاؤ میں رکاوٹ بننے والی تجاوزات کی نشاندھی کریں تاکہ ٹریفک کا بہاؤ یقینی بنایا جاسکے۔

ڈی سی نے ضلعی کونسل، میونسپل کارپوریشن/کمیٹی کے عملہ تہہ بازاری کو ہدایت کی کہ وہ اپنی اپنی حدود میں تجاوز کنندگان کو متنبہ کریں کہ وہ 48گھنٹے کی ڈیڈ لائن کے اندر اپنی تجاوزات رضاکارانہ طور پر ہٹا دیں بصورت دیگر کارروائی کیلئے تیار رہیں۔

انہوں نے اسسٹنٹ کمشنر اور بلدیاتی اداروں کے مقامی سربراہان کو ہدایت کی وزیر اعلی پنجاب کی ہدایت کے مطابق تجاوزات کا بلا امتیاز خاتمہ یقینی بنائیں اور کسی سے رو رعایت نہ برتی جائے۔

سرگودھا،باغی ٹی وی (نامہ نگارشاہنوازجالپ)تھانہ فیکٹری ایریا کی حدود میں 8 سالہ معصوم بچی کے ساتھ زیادتی کا واقعہ ،زیادتی کرنے والے درندہ صفت انسان کو تھانہ فیکٹری ایریا پولیس نے گرفتار کر لیا

8 سالہ بچی دعا گھر سے قرآن پاک کا پڑھنے گئی، لیاقت علی عرف لیاقی نے بچی کو زبردستی زیادتی کا نشانہ بنا ڈالا،پولیس نے ملزم کو فوری گرفتار کر کے مقدمہ درج کر لیا

ڈی پی او محمد فیصل کامران نے کہا کہ مقدمہ کی بھرپور پیروی کو یقینی بنا رہا ہوں تاکہ ملزم کو سخت سے سخت قرار واقعی سزا دلوائی جا سکے ،معاشرہ میں موجود ایسے معاشرتی ناسوروں کے خلاف کوئی رعائیت نہیں برتی جائے گی

گو جرہ ،باغی ٹی وی (نامہ نگار عبدالرحمان جٹ سے) گوجرہ جماعت اسلامی ظلم اور بھتہ خوری کر نے والوں کا پیچھا کر تی رہے گی۔جماعت اسلامی ایک تحریک کا نام ہے جو ہر مظلوم کے ساتھ کھڑی ہے۔ان خیالات کا اظہار جماعت اسلامی گوجرہ کے امیدوار برائے قومی اسمبلی حلقہ این اے 105ڈاکٹر عطاء اللہ حمید نے دفتر جماعت اسلامی میں ایک پر ہجوم پریس کانفرنس سے خطاب کر تے ہوئے کیا۔

انہوں نے کہاکہ جماعت اسلامی کی جانب سے بھتہ خوری سمیت دیگر جرائم میں ملوث عناصر کے خلاف احتجاج کے خاطر خواہ نتائج برآمد ہو نا شروع ہو گئے ہیں۔جماعت اسلامی اپنے ہزاروں کارکنوں کے ساتھ ان طاقت ورمافیا کے خلاف میدان عمل میں ہے انہوں نے کہاکہ موٹر سائیکل رکشاؤں کے سٹینڈبنا کر لوٹ مار کر نے والے نام نہادٹھیکیدارکی سماج دشمن پالیسیوؤں کا قلع قمہ کئے بغیر چھین سے نہیں بیٹھیں گے۔

انہوں نے کہاکہ محنت کش طبقہ کو لٹیروں سے نجات دلانے کاوقت آپہنچا ہے جماعت اسلامی اس سلسلہ میں بھر پورجدوجہد کرے گی۔اس موقع پر چوہدری حیدر علی،محمود عزمی،نثار جنجوعہ،عبدالرحمن جامی سمیت دیگر اہم عہدیداربھی موجود تھے۔

سیالکوٹ،باغی ٹی وی (سٹی رپورٹرشاہدریاض)نگران وزیرا علی پنجاب سید محسن نقوی کی ہدایت پر ضلع سیالکوٹ میں انسداد تجاوزات آپریشن کا آغاز کر دیا گیا،ڈسکہ، پسرور اور سمبڑیال میں ٹیموں کا کریک ڈاؤن، درجنوں عارضی و پختہ تجاوزات کا خاتمہ، تجاوز کنندگان پر جرمانہ عائد کر دیا گیا،

یہ تفصیلات ڈپٹی کمشنر کیپٹن (ر) شاہ میر اقبال نے آپریشن کے حوالے سے بتائیں۔ ڈپٹی کمشنر نے کہا کہ حکومت پنجاب کے احکامات کی روشنی میں انتظامی و بلدیاتی افسران کو اینٹی انکروچمنٹ آپریشنز کے لئے ہدایات جاری کی گئی ہیں، گزشتہ روز اے سی سمبڑیال احسن ممتاز کی زیر نگرانی مختلف شاہراہوں سے تجاوزات کے خلاف آپریشن کرکے شاہراہوں سے تجاوزات ختم کردی گئیں اور تجاوز کنندگان پر جرمانے بھی عائد کئے گے،

اسی طرح اے سی ڈسکہ انور علی کی سربراہی میں ٹیم نے آپریشن کے دوران تجاوز کنندگان کو شاہراہوں سے ہٹا دیا اور انکا سامان بھی ضبط کر لیا، تحصیل پسرور میں اینٹی انکروچمنٹ آپریشن کی نگرانی اے سی قمر محمود منج نے کی اور تجاوزات ختم کرا دیں۔

ڈپٹی کمشنر کیپٹن (ر) شاہ میر اقبال نے بتایا کہ ضلعی ہیڈ کوارٹرز میں جامع اینٹی انکروچمنٹ آپریشن کیلئے ہدایات جاری کر دی گئی ہیں جبکہ تحصیلوں میں بھی یہ کاروائی جاری رہے گی۔

کندھ کوٹ،باغی ٹی وی (نامہ نگارمختیاراعوان ) ہینڈ گرنیڈ پھٹنے سے 2 چرواہے جاں بحق،2بچے بھی زخمی

کندھ کوٹ کےگاؤں گاہی خان بھیو میں دھماکہ دو شخص جان بحق، دو بچے زخمی، زخمیوں اور لاشوں کو ہسپتال منتقل کردیا گیا ،گرنیڈ پھٹنے کا واقعہ کندھ کے علاقہ کوٹ درانی مہر تھانے کی حدود میں رونماہواہے

پولیس کے مطابق جاں بحق ہونے والے چرواہے جارہے تھے تو نیچے سے ہینڈ گرنیڈپھٹ گیا ،جس سے دو نوجوان زوہیب بھیو ، آکاش بھیو جاں بحق ہوگہیں اطلاع ملتے ہی حدود کی پولیس جائے وقوعہ پر پہنچ کر زخمیوں اور لاشوں کو اسپتال منتقل کردیا مزید تحقیقات جاری ہے

سیالکوٹ،باغی ٹی وی (سٹی رپورٹرشاہدریاض) پولیس کا منشیات فروشوں کے خلاف تابڑ توڑ کارروائیوں کا سلسلہ جاری، 5 بدنام زمانہ منشیات فروش گرفتار، بھاری مقدار میں منشیات برآمد۔

تفصیلات کے مطابق ڈی پی او سیالکوٹ محمد حسن اقبال کی ہدایت پر سیالکوٹ پولیس نے موت کے سوداگر منشیات فروشوں کے خلاف بڑے پیمانے پر کارروائیوں کا سلسلہ جاری کر رکھا ہے۔

اس سلسلہ میں ڈی ایس پی صدر سرکل کی سربراہی میں ایس ایچ او تھانہ صدر سیالکوٹ سب انسپکٹر قیصر بشیر نے اپنی ٹیم کے ہمراہ ہیومن انٹیلی جنس بیسڈ آپریشن کے دوران ضلع میں منشیات فروشی کے نیٹ ورک کو کو بریک کرتے ہوئے مکروہ دھندے میں ملوث بدنام زمانہ منشیات 1. عتیق 2. اظہر عالمگیر 3. معظم شریف4. عثمان5. محمد نبیل کو گرفتار کر کے ان کے قبضہ سے مجموعی طور پر 15کلو 290گرام چرس برآمد کرلی ہے۔

ملزمان منشیات سیالکوٹ کے مختلف علاقوں میں سپلائی کرتے تھے۔ جن کو گرفتار کر کے ضلع میں منشیات کی سپلائی کی ایک اور چین کو بریک کر دیا گیا ہے۔

ڈی پی او سیالکوٹ محمد حسن اقبال نے کہا ہے کہ ضلع سے منشیات کی لعنت کا جڑ سے خاتمہ کرنے کیلیے چھوٹے موٹے نشئیوں کی بجائے اس مکروہ دھندے میں ملوث بڑی مچھلیوں کو پکڑا جا رہا ہے شہر سے منشیات کے مکمل خاتمے تک کریک ڈاؤن جاری رہے گا.

ڈی پی او سیالکوٹ محمد حسن اقبال نے کاروائی میں شامل پولیس ٹیم کے لیے تعریفی سرٹیفکیٹس اور نقد انعام کا اعلان کیا