سیالکوٹ ،باغی ٹی وی( سٹی رپورٹر شاہد ریاض)سیالکوٹ پولیس کی کاروائی، تاش پر جواء کھیلنے والے 10جواری گرفتار
تفصیل کے مطابق تھانہ صدر پولیس نے مخبرکی اطلاع پر کارروائی کرتے ہوئے تاش پر جواء کھیلنے والے 10جواریوں گرفتار کرلیا ہے ،گرفتار ہونے والے جواریوں میں اعجاز،ظفراقبال،مقصود،مبشر،مقصود اقبال،اختر علی خان،شاہد، محمد بشیر، شہزاد اور افضال شامل ہیں
تھانہ صدر سیالکوٹ پولیس نے جواء پر لگی رقم 17 ہزار روپے اور تاش کے پتے قبضہ میں لے کر مقدمہ درج کر لیا۔
ڈیرہ غازیخان ،باغی ٹی وی (نیوزرپورٹرشاہدخان )گیس سلنڈر کی دکان میں آگ لگ گئی،ایک زخمی
تفصیل کے مطابق ریسکیو 1122 ترجمان کے مطابق ڈی جی خان کنٹرول روم کو ایک کال موصول ہوئی جس میں کالر نے بتایا کہ گھنٹہ گھر میں گیس والی دکان میں آگ لگ گئی ہے۔
اطلاع پرریسکیو1122 نے فوراً تین فائیر وہیکلز، ایک ریسکیو وہیکل اور ایک ایمبولینس موقع پر روانہ کر دی اورواقعہ کی اطلاع پولیس کنٹرول اور سول ڈیفنس کو بھی کر دی گئی اورواپڈا کو کال کر کے علاقہ کی لائٹ بند کرائی گئی تاکہ ریسکیو آپریشن بحفاظت کیا جا سکے۔
ریسکیورز نے 28 منٹ فائر آپریشن کر کے آگ پر مکمل قابو پا لیا۔ اس کے بعد کولنگ پراسس کر کے دوبارہ آگ لگنے کے اندیشہ کو بھی ختم کر دیا۔آگ پر قابو پانے کے بعد لیک شدہ سلنڈرز کو دکان کے باہر نکال دیا اور سول ڈیفنس کے عملہ کے سپرد کر دیا گیا۔
دکان کی اوپری منزل پر ایک فیملی رہائش پذیر تھی جس کو بحفاظت نکال لیا گیا۔
اس حادثہ میں ایک 70 سالہ بزرگ مہردین ولدخیردین زخمی ہوا جس کو علامہ اقبال ٹیچنگ ہسپتال منتقل کر دیا گیا۔
چونیاں،باغی ٹی وی(نامہ نگار) ڈکیتیوں کا سلسلہ تھم نا سکا،نجی رائس ملز ببر کھائی کے اکاؤنٹنٹ کو دن دیہاڑے لوٹ لیا گیا،ڈی پی او قصور طارق عزیز کے تاجروں کو دیئے گئے دلاسے کام نا آ سکے، تاجر تاحال لٹ رہے ہیں،
تفصیلات کے مطابق نجی رائس ملز کے اکاؤنٹنٹ کو بقا پور سٹاپ پر گن پوائنٹ پر روک کر دو لاکھ نقدی،موبائل فون اور دیگر قیمتی کاغذات چھین لئے گئے،اسی روڈ پر دن دیہاڑے پہلے بھی کئی ایک واقعات ہو چکے ہیں جبکہ پولیس تحفظ دینے کی بجائے خاموش تماشائی بنی ہوئی ہے۔
رائس ملز مالکان نے مین الہ آباد دیپالپور روڈ بلاک کر دیا اور تاجروں کے تحفظ کو یقینی بنانے کی ٹھان لی،ایس ایچ او الہ آباد محمد شریف نے موقع پر پہنچ کر تاجروں سے مذاکرات کئے اور یقین دہانی کروائی کہ ہفتہ بھر میں ملزمان پکڑے جائیں گے جبکہ تاجران کا کہنا ہے کہ ہمیں مکمل تحفظ چاہیے اس روڈ پر مستقل بنیادوں پر ناکہ لگایا جائے تاکہ شہری ڈکیتیوں سے کسی حد تک محفوظ رہ سکیں
چونیاں،باغی ٹی وی(نامہ نگار) شہر بھر اور گردونواح میں ناقص گوشت کا کاروبار عروج پر ،محکمہ فوڈ اتھارٹی خاموش تماشائی بنی ہوئی ہے، چونیاں، چھانگامانگا، الہ آباد اور گردونواح کے دیہاتوں میں بیمار لاغر جانوروں کا گوشت فروخت کئے جانے کا انکشاف ہوا ہے،
کٹے اور گائے کا گوشت 900،1000 روپے اور بکرے کا گوشت 1300،1400 روپے فروخت کیا جا رہا ہے، اس مہنگائی کے دور میں اس قدر مہنگا گوشت خریدنے کے باوجود لوگ بیمار ہو رہے ہیں
باوثوق ذرائع کا کہنا ہے کہ فوڈ اتھارٹی کو منتھلیاں وصول ہوتی ہیں اس وجہ سے بیمار جانوروں کیساتھ مرے ہوئے جانور بھی دھڑلے سے عوام کو کھلائے جا رہے ہیں،
عوامی و سماجی حلقوں نے وزیر اعلی اور وزیر اعظم سے اس معاملے کا نوٹس لینے کی اپیل کی یے ،اسلامی جمہوریہ پاکستان میں صحت مند اور حلال گوشت کی فروخت کو یقینی بنانے کے لئے حکومت وقت کو فلفور اقدامات کرنے چاہئیں۔
میہڑ،باغی ٹی وی (نامہ نگارمنظورعلی جوئیہ)زائرین سے بھری ٹرالی سیم نالے میں الٹ گئی،25 سے زائد زخمی ،ہلاکتوں کاخدشہ
فریدآباد روڈ پر زائیرین سے بھری ہوئی ٹریکٹرٹرالی سیم نالے میں الٹ گئی، مرد وخواتین اور بچے زخمی بڑی تعداد میں افراد زخمی جس سے ہلاکتوں کا خدشہ بھی پیداہوگیا ہے،
ہسبانی افراد کےزائیرین کی بھری ہوئی ٹریکٹر ٹرالی جو کہ زیارت کہ لئے شاہ گوڈڑیودرگاہ پر جارہے تھے،ان کی ٹرالی اچانک سیم نالے میں الٹ گئی، ڈارئیور،مرد وخواتین اور بچوں سمیت 25سے زائد افرادزخمی ہوگئے ہیں.جنہیں ریسکیو 1122 کی ایمبولینسوں کے ذریعےتحصیل ہسپتال میہڑ منتقل کیا گیاہے.
کراچی: صدر موبائل مارکیٹ میں آتشزدگی ، ابتدائی معلومات کے مطابق 80 سے100 دکانیں اور ان میں کروڑوں روپے مالیت کا سامان جل گیا۔
باغی ٹی وی: رات گئے شاہ جہاں موبائل مارکیٹ کی ایک دکان میں آگ لگی آگ اتنی تیز تھی کہ فرسٹ اور سیکنڈ فلور کی دکانوں تک پہنچ گئی اطلاع ملتے ہی فائر بریگیڈ کی گاڑیاں پہنچیں اہلکاروں نے دکانوں کے تالے اور شٹر توڑ کر آگ بجھائی 5 گھنٹے کی جدوجہد کے بعد آگ پر قابو پالیا گیاآتشزدگی کے باعث 100 سے زائد دکانیں متاثر ہوئیں مارکیٹ کے گراونڈ فلور پر 8 سو سے زائد دکانیں موجود ہیں۔
فائر بریگیڈ حکام نے شبہہ ظاہر کیا کہ آگ شاٹ سرکٹ کے باعث لگی ہے، تاہم کولنگ کا عمل مکمل ہونے کے بعد واضح ہوگا کہ آگ کس وجہ سے لگی فائر بریگیڈ ہیڈکوارٹرز کی بجلی کئی گھنٹوں سے بند ہونے کے بعد فائر بریگیڈ ٹیم کو پانی کی سپلائی میں مشکلات کا سامنا کرنا پڑا۔
کراچی: اوورسیز پاکستانی کے بینک اکاؤنٹ سے 41 کروڑ روپے کی خطیر رقم غائب ہوگئی۔
باغی ٹی وی : ذرائع کے مطابق اوورسیزپاکستانیوں کے غیر ملکی بینک کے فکس ڈیپازٹ سے 41 کروڑ روپے غائب ہوگئے اوورسیزپاکستانی فہد بٹ اوران کے اہلخانہ نے 2017 میں غیرملکی بینک کی کراچی برانچ میں 8 لاکھ 66 ہزارامریکی ڈالرزاور 1 کروڑ روپے کیش فکس ڈپازٹ کروائے تھے فہد بٹ اوران کی فیملی کو بینک سے منافع مسلسل ملتارہا تاہم رواں سال کے نومبرمیں اوورسیز پاکستانی فہد بٹ کی جانب سے بینک رقم نکلوالنے پہنچنے پرانکشاف ہوا کہ اکاؤنٹ خالی ہے بینک عملے نے متاثرہ فرد کو شکایت پرجواب دیا کہ رقوم آپ نے خود نکلوائی ہیں متاثرہ فیملی کی جانب سے بینک کے عدم تعاون اور فراڈ کی تحقیقات کے لئے تحریری درخواست پرایف آئی اے نے متعلقہ بینک سے ریکارڈ طلب کرلیا۔
دوسری جانب کراچی میں رواں سال میں اب تک گاڑی اور موٹر سائیکل چوری اور چھیننے کی 5 ہزار 420 وارداتیں رپورٹ ہوئیں رواں سال شہر قائد میں دیگر جرائم کے ساتھ لٹیروں نے شہریوں کو ان کی موٹر سائیکلوں اور گاڑیوں سے بھی محروم کیا 4 ہزار 3 سو 96 موٹرسائکل چوری ہوئیں 8 سو 17 موٹرسائیکلوں کو گن پوئنٹ پر چھینا گیا جبکہ ایک سو بیاسی گاڑیاں چوری ہوئیں اور 25 گاڑیوں کو گن پوئنٹ پر چھین لیا گیا قانون نافذ کرنے والے اداروں کی جانب سے اب تک صرف 2 سو 65 موٹر سائیکل اور 54 گاڑیوں کو برآمد کرایا گیاشہریوں کا کہنا ہے اپنی سواری محنت کی کمائی سے خریدتے ہیں لیکن ڈاکو فوری چھین کر فرار ہوجاتے ہیں، شہر کا کوئی وارث نہیں اور کوئی پوچھنے والا نہیں ہماری جان و مال کی حفاظت کیلئے کراچی پولیس کو سنجیدہ سکیورٹی انتظامات کرنے چاہئیں۔
سیالکوٹ،باغی ٹی وی (سٹی رپورٹرشاہدریاض)ڈسکہ ،پیرو چک کے قریب فائرنگ ،دو نوجوان جاں بحق،واقعہ تھانہ موترہ سرکل ڈسکہ کی حدود میں پیش آیا،لاشیں سول ہسپتال ڈسکہ منتقل کردی گئیں ،جاں بحق افراد کا تعلق نواحی گاؤں بھانوکے سے تھا
پولیس ترجمان کے مطابق جاں بحق ہونے والوں کی شناخت حسن چیمہ ،مہروز کے نام سے ہوئی ہے ،جاں بحق ہونے والے حسن سے پسٹل بھی برآمد ہوا ہے ،حسن کی عمر19 سال جبکہ مہروزکی عمر 21 سال بتائی جارہی ہے ،پولیس واقعہ کی تفتیش میں مصروف ہے
ایبٹ آباد میں گھر میں آتشزدگی سے ایک ہی خاندان کے 9 افراد جاں بحق ہوگئے۔
باغی ٹی وی : پولیس کے مطابق ایبٹ آباد میں تھانہ مانگل کی حدود تریڑی میں مکان میں آتشزدگی کا واقعہ پیش آیا ہے آگ لگنے سے ذاکر عباسی کا پورا گھر جل کر راکھ ہوگیا جبکہ خاندان کے افراد جھلس کر جاں بحق ہوگئے۔
مقامی کونسلر خاقان عباسی نے بتایا کہ گھر میں آتشزدگی سے نگینہ بیگم زوجہ محمد ذاکر اور ان کے 4 بچے اور 4 بچیاں جاں بحق ہوگئیں،ملبے تلے دبے 7 افراد کی لاشیں نکال لی گئی ہیں جبکہ دو کی تلاش جاری ہے جاں بحق ہونے والے خاندان کا سربراہ ذاکر عباسی بسلسلہ روزگار کراچی میں مقیم ہے۔
کراچی کے علاقے گرومندر کے قریب ٹارگٹ کلنگ کے واقعے میں اورنگی ٹاؤن کا رہائشی محمد اعجاز جاں بحق ہوگیا۔
باغی ٹی وی : پولیس کے مطابق 25 سالہ محمد اعجاز فٹ پاتھ پر بھاگ رہا تھا جبکہ ملزمان گاڑی میں اس کا پیچھا کر رہے تھے، ملزمان نے مقتول پر 26 سے زائد گولیاں برسائیں جن میں سے 5 گولیاں مقتول کو لگیں واقعہ ذاتی دشمنی کا شاخسانہ لگتا ہے، کرائم سین یونٹ کی ٹیم کو موقع سے نائن ایم ایم کے 26 خول ملے ہیں، دوسر ی جانب عینی شاہدین کے مطابق حملہ آور ایک گاڑی اور ایک موٹر سائیکل پر سوار تھے جو مقتول کا پیچھا کر رہے تھے فائرنگ کے واقعہ میں ایک راہ گیر نوجوان 18 سالہ عدیل محمد شاہ بھی ٹانگ پر گولی لگنے سے زخمی ہوا ہے جب کہ اطلاعات کے مطابق ملزمان آئسکریم کی دکان پر آئے تھے جنھیں دیکھ کر دکاندار اعجاز بھاگا لیکن وہ کچھ قدم کے بعد ہی فائرنگ کا نشانہ بنا دیا گیا ۔
علاوہ ازیں نیوکراچی صنعتی ایریا میں مسلح افراد نے دھاگے کی فیکٹری کے مالک کی گاڑی پر فائرنگ کی جس میں 28 سالہ اسامہ مامون موقع پر ہی جاں بحق ہوگیا پولیس نے بتایا کہ واقعے کے وقت کار میں مقتول کے والد اور دو بھائی بھی موجود تھے جو معجزانہ طور پر محفوظ رہے۔
صنعت کار سلیم مامون اپنے تین جوان بیٹوں کے ہمراہ رہائش گاہ ڈیفنس سے نیوکراچی صنعتی ایریا سیکٹر 12 ڈی پہنچے تو موٹر سائیکل پر سوار افراد نے گاڑی پر اندھا دھند فائرنگ کی فائرنگ کے نتیجے میں گاڑی میں ڈرائیونگ سیٹ کے ساتھ آگے بیٹھے 28 سالہ اسامہ مامون کو ایک گولی لگی جو الٹے ہاتھ کو چھو کر پسلیوں میں پیوست ہوئی اور نوجوان موقع پر ہی دم توڑ دیاجائے وقوعہ سے نائن ایم ایم کے چار خول برآمد ہوئے، عینی شاہدین نے بتایا کہ گلی میں دو موٹرسائیکلوں پر چار لڑکے تھے جبکہ اُن کے بیک اپ پر بھی مزید لوگ موجود تھے۔