Category: جرائم و حادثات

سیالکوٹ ،باغی ٹی وی (سٹی رپورٹرشاہدریاض)ڈسکہ میں پنجاب پولیس کے بہادر آفیسر شہزاد چیمہ اے ایس آئی کو دوران ڈیوٹی شہید کرنے والا خطرناک ملزم یاسر ملک اپنے انجام کو پہنچ گیا

ڈی پی او سیالکوٹ نے سی آئی اے پولیس اور ڈی ایس پی رانا محمود کے زیر نگرانی گوجرانوالہ کے بہادر سپوت رانا عادل اقبال سب انسپکٹر شفقت سب انسپکٹر اور یاسر ڈیٹا آپریٹر اور ٹیم سی آئی اے سیالکوٹ نے خطرناک ملزم یاسر ولد محمد دین قوم ملک کو گرفتار کیا تھا

پولیس ترجمان کے مطابق جس کو ریکوری کے لئے پولیس پارٹی لے کر جا رہی تھی تو اس کے ساتھیوں نے اسے چھڑوانے کی نیت سے پولیس پر فائرنگ شروع کر دی ،جوابی کارروائی کے بعد چیک کیا گیا کہ ملزم یاسر ملک اپنے ہی ساتھیوں کی فائرنگ سے ہلاک ہو چکا تھا

یاد رہے ملزم یاسر ملک نے دوران ڈیوٹی شہزاد چیمہ کو شہید بھی کیا تھا اور درجنوں وارداتوں میں پولیس کو مطلوب تھا

سرگودھا،باغی ٹی وی( نامہ نگار ملک شاہنواز جالپ )ڈپٹی ڈائریکٹر شہباز سرور گل کے زیر نگرانی غیر قانونی سلاٹر ہاوس 54 شمالی میں کارروائی کرتے ہوئے مضر صحت اور مردہ گوشت ایک ہزار کلو گرام برآمد کرلیا

محکمہ لائف سٹاک کے ڈپٹی ڈائریکٹر ڈاکٹر تنویر کلیار نے مضر صحت اور مردہ گوشت ہونے کی تصدیق کردی، پنجاب فوڈکے ڈپٹی ڈائریکٹر شہباز گل نے محکمانہ کارروائی کرتے ہوئے ایک ہزار کلو مضر صحت اور مردہ گوشت تلف کر دیا

مضر صحت مردہ گوشت کو سرگودہا کے مختلف ہوٹلوں اور اسلام آباد سپلائی کیے جانے کا انکشاف ہوا ہے

چند روز قبل بھی اسی غیر قانونی سلاٹر ہاؤس پر محکمہ فوڈ نے دو بار پہلے بھی کارروائی کرتے ہوئے مضر صحت گوشت برآمد کر کے ایف ائی ار درج کروائی تھی اب تیسری بار فیاض حسین ، ریاض حسین اور رب نواز کے خلاف تھانہ جھال چکیاں میں ایف آئی آر درج کروا دی گئی.

اوکاڑہ ،باغی ٹی وی( نامہ نگار ملک ظفر)اوکاڑہ پاکستان تحریک انصاف کے امیدوار وٹکٹ ہولڈر حماد اسلم ،مہر عبد الستار سمیت چار نامزد اور 7 نامعلوم افراد کیخلاف ڈکیتی کا مقدمہ درج۔

تفصیلات کے مطابق اوکاڑہ مقدمہ تھانہ گوگیرہ میں نعیم رمضان نامی شخص کی مدعیت میں درج کیا گیا۔ ملزمان کیجانب سے مجھے بار بار ویگو ڈالہ کو راستہ نہ دینے پر اپنی گاڑیاں سائل کے آگے کرکے سائل کو روک لیا۔

سائل کو ملزمان نے پکڑ کر تشدد کا نشانہ بنایا اور لاکھوں روپے نقدی طلائی چین بھی زبردستی اتار لی۔ ملزمان کی گاڑیوں پر فلیکسز لگی ہوئی
ملزمان دوران وقوعہ ایک دوسرے کو ناموں سے پکارتے رہے۔

ملزمان نے اسلحہ کے زور پر 3 لاکھ 76 ہزار روپے نقدی اور طلائی چین لوٹ لی۔ ملزمان ڈکیتی کی واردات کرنے کے بعد موقع سے فرار ہو گئے۔

سیالکوٹ،باغی ٹی وی (سٹی رپورٹرشاہدریاض)تحریک انصاف کے سابق ٹکٹ ہولڈر کے بیٹے کو آر او آفس سے گرفتارکرلیا گیا، تاہم وکلا نے مداخلت کرکے حیدر گل کو رہا کروا لیا۔
تفصیلات کے مطابق حیدر علی گل حلقہ این اے 72 اور پی پی 49 کے کاغذات نامزدگی جمع کروانے آر او آفس پہنچے تھے،اسی دوران پولیس کی بھاری نفری بھی موقع پر پہنچ گئی اور آر او آفس سے امیدوار کو حراست میں لے لیا۔

وکلا نے گرفتاری کے دوران شدید مزاحمت کی اور پولیس وین کا راستہ روک لیا،وکلا نے پولیس وین کے شیشے توڑ دیئے،وکلا نے پولیس اور ضلعی انتظامیہ کے خلاف شدید نعرے بازی کی۔

امیدوار حیدر گل کاکہناتھا کہ میں کاغذات نامزدگی جمع کروانے آر او آفس پہنچا تھا،پلاننگ کے ذریعے گرفتاری کی کوشش کی جاری ہے، پی ٹی آئی امیدوار کا مزید کہناتھا کہ مجھے کوئی ایف آئی آر فراہم نہیں کی گئی،میرا قصور یہ ہے کہ میرا تعلق پی ٹی آئی سے ہے۔

حیدر گل نے مطالبہ کیا کہ الیکشن کمیشن نوٹس لے انتخابات شفاف نظر نہیں آ رہے،میرے خلاف اگر کوئی مقدمہ ہے تو مجھے ایف آئی آر فراہم کی جائے،یہ قانون کی خلاف ورزی ہے۔

میہڑ،باغی ٹی وی (نامہ نگارمنظورعلی جوئیہ)جنونی شخص نے اپنی بیوی کو گولی مار کر قتل کردیا اور اپنی ماں کو شدید زخمی کرکے فرار ہوگیا
تفصیل کے مطابق میہڑ کے نواحی علاقے فقیر پور میں جنونی شخص فیصل چانڈیو نے اپنی بیوی خورشیدہ بیگم پر فائرنگ کر کے قتل کردیا اور اور اپنی ماں کوبھی گولی مار کر شدید زخمی کرکے موقع سے فرار ہوگیا ہے

جب کہ جنونی ملزم فیصل کے والد نے میڈیا کو بتایا کہ میرے بیٹے کا دماغی توازن درست نہیں ہے میں اپنے گھر سے باہر سبزی لینے گیا تھا کہ میری غیر موجودگی میں یہ واقعہ پیش آیا ہے.

رادھن پولیس نے جائے وقوعہ پر پہنچ کر لاش کو پوسٹ مارٹم کے لئے ہسپتال منتقل کرکے ملزم کی تلاش شروع کردی ہے

سیالکوٹ،باغی ٹی وی (سٹی رپورٹرشاہدریاض)تھانہ صدر کی گشت موبائل وین پر علاقہ سلطان چوک میں 2موٹر سائیکلوں پر سوار 4کس مسلح ڈاکوؤں کی سیدھی فائرنگ، 2 ڈاکو اپنے ہی ساتھیوں کی فائرنگ سے ہلاک،2 فرار۔

پولیس تھانہ صدر سیالکوٹ معمول کی گشت اور ناکہ بندی پر تھی کہ 4کس ملزمان بسواری 2موٹر سائیکل اورا چوک کی طرف سے آرہے تھے جنہیں پولیس نے مشکوک جا ن کر رکنے کا اشارہ تو4 مسلحہ ملزمان نے پولیس پارٹی پر سیدھی فائرنگ کردی ۔

جس پر موبائل IIIصدر سیالکوٹ کے دروازے اور باڈی میں متعدد فائر لگےاور فائرنگ کا تبادلہ ہوتا رہااور کچھ دیر بعد فائرنگ رک گئی اور سرچ کرنے پر 2کس مسلح ملزمان اسم مسکن نامعلوم شدید مضروبی حالت میں پائے گئے جو زخموں کی تاب نہ لاتے ہوئے اپنے ہی ساتھیوں کی گولیاں لگنے سے ہلاک ہوگئے ۔

2کس نامعلوم ملزمان بسواری بلانمبری موٹرسائیکل جانب ہری پور فرار ہونے میں کامیاب ہوگئے ۔ہلاک شدہ ملزمان کے قبضہ سے چھینا گیا موٹر سائیکل ہنڈا CD70،دیگر مال مسروقہ اور اسلحہ ناجائز برآمد ہوا۔ہلاک شدگان کی نعش برائے کاروائی سول ہسپتال سیالکوٹ منتقل کردیں گئی ۔

ہلاک شدہ ملزمان کی شناخت 1-سفیان ولد احسان قوم جٹ سکنہ ڈسکہ2-فلک شیر ولد اللہ دتہ کھوکھر سکنہ سرگودھا کے نام سے ہوئی ہے ۔ملزم سابقہ ریکارڈ یافتہ اور پولیس کو قتل ،اقدام قتل اور رابری سمیت سنگین مقدمات میں مطلوب تھے ۔

مقامی پولیس SHOصدر سیالکوٹ کی مدعیت میں مقدمہ درج کرکے مصروف تفتیش ہے۔ مفرور ملزمان کی تلاش اور گرفتاری کے لئے ٹیم تشکیل دے دی گئی ہے۔

چترال،باغی ٹی وی (نامہ نگار گل حماد فاروقی کی رپورٹ )نادرا آفس دروش میں افغان شہری جعلی شناختی کارڈ بنواتے ہوئے گرفتار
تفصیل کے مطابق نادرا آفس دروش میں افغان شہری جعلی شناختی کارڈ بنواتے ہوئے گرفتار، گرفتار ملزم خود کو پاکستانی ظاہر کر کے والد بھی اپنے ساتھ لایا تھا، افغان شہری رحمان اللہ افغانستان سے دو یوم قبل بذریعہ طورخم پاکستانی شناختی کارڈ بنوانے کے لیے پاکستان پہنچا،دوران تفتیش انچارج نادرا دروش نے ان سے سچ اگلوا کر اعتراف جرم کر کے موقع پر پولیس کے حوالے کیا

دوران تفتیش افغان شہری نے مزید بتایا کے پاکستانی شناختی کارڈ کے حصول کے لئے اس نے 17 لاکھ روپے سہولت کاروں کو دینے کا وعدہ کیا تھا،سہولت کاروں میں یوسف خان ولد انور خان اور علی جان ولد محمد جان سکنہ ارندو دروش کو بھی پولیس نے گرفتار کرلیا ہے،

اعتراف جرم کے بعد پولیس نے افغان شہری سمیت والد اور سہولت کاروں کے خلاف مقدمہ درج کر لیا ہے،کامیاب تفتیشی عمل پر لوگوں نے ڈپٹی اسسٹنٹ ڈائریکٹر نادرا دروش کے عمل کو سراہا ہے۔

ڈی جی خان(باغی ٹی وی )فیصل موور بس کی گنےسے لوڈ کھڑی ٹرالی کوٹکر،10مسافر زخمی
ریسکیو 1122ترجمان کے مطابق کنٹرول روم ریسکیو 1122 ڈیرہ غازی خان کو ایمرجنسی کال موصول ہوئی جس میں کالر نے بتایا کہ بس (فیصل موورز) ڈیرہ غازی خان سے لاہور جاتے ہوئے رند اڈہ کے قریب روڈ پر کھڑی گنے کی لوڈ ٹریکٹر ٹرالی سے ٹکرا گئی ہے جس میں تقریپا 08 سے 10 افراد زخمی ہیں۔ کنٹرول نے فورا چار ایمبولنسز اور ایک ریسکیو وہیکل روانہ کرا دی۔

جب سٹاف موقع پر پہنچا تو 10 مریض زخمی تھے جن میں ایک مریض کو موقع پر ابتدائی طبی امداد دی گئی جبکہ باقی 09 مریضوں کو ابتدائی طبی امداد دینے کے بعد علامہ اقبال ٹیچنگ ہسپتال ڈی جی خان شفٹ کیا گیا۔

زخمیوں میں محمدسراج ولدشفاعت حسین،محمدجوادولدافضل،حسنین عباس ولداللہ ڈتہ،فضہ نصیردخترنصیرالدین،ملک محمدنعیم ولدغلام حیدر،غلام نازک ولدغلام رسول بس ڈرائیور،سمیع اللہ ولدعبدالخالق،عجب گل ولدعبدالخالق،توقیرولدفاروق،اریشہ دختراشتیاق بس ہوسٹس شامل ہیں

ریسکیو 1122 کے مطابق تمام تر صورت حال سے DEOC, پولیس کنٹرول اور ہیڈ آفس لاہور کو آگاہ کیا۔

بس کو بذریعہ ٹریکٹر روڈ سے ہٹا کر سائیڈ پر پارک کر دیا گیا اور اب ٹریفک کے لیے راستہ بحال کر کے ریسکیو اپریشن مکمل ہوگیا ہے.

اوچ شریف،باغی ٹی وی (نامہ نگارحبیب خان)اوچ شریف شہر میں تجاوزات کی بھرمار الشمس چوک پر ریڑھی بانوں کا قبضہ الشمس چوک سبزی منڈی میں تبدیل ہو گیا ۔میونسپل انتظامیہ مال بنانے میں مصروف الشمس چوک پر ریڑھی بان کا قبضہ۔الشمس چوک پر نا جائز تجاوزات ۔

عملہ کاروائی کی بجائے بھتہ وصولی تک محدود۔ڈی سی او بہاولپور فوری آپریشن کروائیں۔عوامی وسماجی حلقوں کا مطالبہ۔تفصیل کے مطابق اوچ شریف شہر میں تجاوزات مافیہ نے اپنا قبضہ کیا ہوا ہے الشمس چوک پر میونسپل کمیٹی کے سی او کی سرپرستی میں ریڑھی بان مالکان کا قبضہ ہے جس کی وجہ سے عوام کی آمدورفت میں شدید مشکلات کا سامنا ہےاوچ شریف الشمس چوک پر تجاوزات کی بھر سے سڑکیں سکڑ گئیں ہے

شاہراہوں پر ریڑھی بانوں نے قبضہ کر کے سڑکوں کو ریڑھی بازاروں میںتبدیل کر دیا ہے ہسپتال روڈ خیر پور ڈاہا روڈ پر تجاوزات قائم ہیں تجاوزات کے باعث الشمس چوک پر گھنٹوں ٹریفک جام رہنے سے دور دراز علاقوں کو جانے والے مسافروں کو شدید مشکلات کا سامنا کرنا پڑتا ہے ایمبولینس کی گاڑیاں بھی رش میں پھنسی رہتی ہیں الشمس چوک پر تجاوزات کے باعث روزانہ لڑائی جھگڑے کے واقعات معمول بن چکا ہے ۔

انسداد تجاوزات کیلئے تعینات عملہ ریڑھی بانوں سے بھتہ لے کر انکو الشمس چوک پر ریڑھیاں کھڑی کرنے کی اجازت دیتا ہے ضلعی انتظامیہ نے عوامی مسائل سے منہ پھیر لیا ہے شہریوں نے اسسٹنٹ کمشنر اور ڈپٹی کمشنر سے نوٹس لینے کا مطالبہ